| ᠵᠢᠲᠡ ᠰᠡᠯᠡᠮᠡ ᠡᠷᠬᠢᠭᠦᠯᠬᠦ ᠶᠢᠨ ᠵᠢᠩᠭᠢᠨᠢ ᠰᠢᠳᠢ ᠦᠵᠡᠭᠦᠯᠦᠭᠰᠡᠨ ᠨᠢ | ᠰᠡᠷᠡᠭᠡ ᠪᠠᠭᠠᠳᠤᠷ ᠢ ᠰᠡᠯᠡᠮᠡ ᠶᠢᠨ ᠰᠢᠳᠢ ᠲᠠᠢ ᠬᠡᠮᠡᠨ ᠰᠤᠨᠤᠰᠴᠦ᠂ ᠬᠤᠰᠢᠭᠤ ᠪᠡᠶᠢᠯᠡ ᠠᠴᠠ ᠲᠠᠬᠠᠷ | ᠲᠤᠮᠢᠯᠠᠨ ᠲᠠᠭᠤᠳᠠᠵᠦ᠄ ︽ᠰᠦᠮᠡ ᠶᠢᠨ ᠬᠦᠷᠢᠶᠡᠨ ᠤ ᠲᠠᠯᠠᠪᠦᠷ ᠲᠤ ᠰᠠᠯᠡᠮᠡ ᠶᠢᠨ ᠰᠢᠳᠢ ᠪᠠᠨ ᠦᠵᠡᠭᠦᠯ︕︾ ᠬᠡᠵᠡᠢ᠃ | ᠨᠠᠯᠢᠶᠠᠳ ᠤᠷᠤᠢ ᠪᠤᠯᠤᠭᠰᠡᠨ ᠬᠤᠶᠢᠨᠡ ᠰᠡᠷᠡᠭᠡ ᠪᠠᠭᠠᠳᠤᠷ ᠬᠢᠳᠤᠭᠠ ᠰᠡᠯᠡᠮᠡ ᠦᠭᠡᠢ ᠬᠤᠭᠤᠰᠤᠨ ᠤᠴᠢᠵᠠᠢ᠃ | ᠰᠦᠮᠡ ᠶᠢᠨ ᠬᠦᠷᠢᠶᠠᠨ ᠳᠤ ᠮᠤᠳᠤ ᠤᠪᠤᠭᠠᠯᠠᠨ ᠭᠠᠯ ᠨᠤᠴᠤᠭᠠᠵᠦ ᠭᠡᠷᠡᠯ ᠭᠠᠷᠭᠠᠨ᠂ ᠨᠤᠶᠠᠳ ᠬᠠᠳᠤᠳ᠂ ᠯᠠᠮᠠ | ᠬᠤᠸᠠᠷᠠᠭ ᠲᠤᠭᠤᠷᠢᠵᠦ ᠵᠤᠬᠰᠤᠨ ᠰᠡᠷᠡᠭᠡ ᠪᠠᠭᠠᠳᠤᠷ ᠤᠨ ᠰᠡᠯᠡᠮᠡ ᠶᠢᠨ ᠰᠢᠳᠢ ᠶᠢ ᠦᠵᠡᠬᠦ ᠲᠡᠪᠵᠢᠶᠠᠨ | ᠪᠤᠯᠵᠤᠭᠠᠵᠦ ᠬᠡᠨᠡ᠃ | ᠰᠡᠷᠡᠭᠡ ᠪᠠᠭᠠᠳᠤᠷ ᠬᠠᠨᠴᠤᠢ ᠬᠤᠭᠤᠰᠤᠨ ᠢᠷᠡᠭᠰᠡᠨ ᠪᠤᠯᠬᠤᠷ ᠭᠠᠯ ᠠᠴᠠ ᠲᠤᠳᠠᠭᠤ ᠰᠢᠳᠠᠬᠰᠡᠨ ᠮᠤᠳᠤ | ᠰᠤᠭᠤᠯᠵᠦ ᠠᠪᠤᠭᠠᠳ ᠦᠭᠡᠷ ᠴᠠᠮ ᠬᠠᠷᠠᠶᠢᠵᠦ ᠪᠠᠶᠢᠬᠤ ᠰᠢᠭ᠋ ᠵᠠᠭᠦᠨᠰᠢ ᠪᠠᠷᠠᠭᠤᠨᠰᠢ ᠲᠡᠪᠭᠡᠷᠴᠦ ᠪᠠᠶᠢᠬᠰᠡᠨ ᠬᠡᠨᠡ᠃ | ︽ᠦ ᠳ᠋ᠠ᠂ ᠮᠦᠨ ᠡᠨᠡ ᠤᠤ︖︾ ᠭᠡᠳ ᠰᠡᠷᠡᠭᠡ ᠪᠠᠭᠠᠳᠤᠷ ᠢ ᠲᠤᠭᠤᠵᠦ ᠶᠠᠲᠡᠨ ᠪᠤᠴᠠᠵᠠᠭᠠᠭᠰᠡᠨ ᠨᠤᠶᠠᠳ ᠤᠷᠳᠤᠨ | ᠳᠠᠭᠠᠨ ᠬᠠᠷᠢᠭᠠᠳ ᠳ᠋ᠧᠩ ᠵᠤᠯᠠ ᠶᠢᠨ ᠬᠡᠷᠡᠯ ᠳᠤ ᠦᠵᠡᠬᠦ ᠳᠤ ᠲᠠᠯᠠᠪᠦᠷ ᠲᠤ ᠪᠠᠶᠢᠬᠰᠡᠨ ᠪᠦᠬᠦ ᠬᠦᠮᠦᠰ ᠤᠨ | ᠬᠤᠭᠤᠯᠠᠢ ᠳᠤ ᠬᠠᠷᠡ ᠬᠦ᠋ ᠶᠢᠨ ᠵᠢᠷᠤᠭᠠᠰᠦ ᠲᠠᠢ ᠪᠠᠶᠢᠬᠰᠡᠨ ᠬᠡᠨᠡ᠃ ᠲᠡᠭᠡᠭᠡᠳ ︽ᠰᠡᠷᠡᠭᠡ ᠪᠠᠭᠠᠳᠤᠷ ᠬᠡᠷᠪᠡ ᠮᠤᠳᠤ | ᠡᠷᠬᠢᠭᠦᠯᠦᠭᠰᠡᠨ ᠪᠢᠰᠢ ᠰᠡᠯᠡᠮᠡ ᠪᠠᠷᠢᠬᠰᠡᠨ ᠪᠤᠯ ᠠᠮᠢᠲᠦ ᠦᠯᠡᠲᠡᠬᠦ ᠬᠦᠮᠦᠨ ᠦᠭᠡᠢ ᠪᠠᠶᠢᠬᠰᠡᠨ︾ ᠭᠡᠵᠦ | ᠨᠠᠰᠤᠳᠠᠶᠢᠴᠤᠳ ᠵᠠᠯᠪᠠᠷᠢᠨ ᠬᠠᠭᠤᠴᠢᠯᠠᠳᠠᠭ ᠪᠠᠶᠢᠬᠰᠡᠨ ᠶᠤᠮ᠃ | ᠮᠠᠨᠲᠦ ᠴᠦ ᠦᠭᠡᠢ ᠵᠦᠷᠢᠭᠰᠡᠨ ᠮᠡᠷᠭᠡᠨ ᠬᠦᠮᠦᠨ ᠤ ᠤᠬᠠᠭᠠᠨ | ᠨᠢᠭᠡᠨ ᠬᠦᠮᠦᠨ ᠲᠡᠭᠡᠭᠡᠪᠦᠷᠢ ᠪᠠᠷ ᠶᠠᠪᠤᠵᠦ ᠪᠠᠶᠢᠭᠠᠳ ᠪᠤᠭᠤᠲᠦ ᠶᠢᠨ ᠲᠠᠪᠠᠭᠠᠨ ᠳᠤ ᠰᠡᠷᠡᠭᠡ ᠪᠠᠭᠠᠳᠤᠷ ᠲᠠᠢ | ᠲᠠᠭᠠᠷᠠᠯᠳᠤᠵᠦ ᠬᠡᠨᠡ᠃ ᠰᠡᠷᠡᠭᠡ ᠪᠠᠭᠠᠳᠤᠷ ᠲᠦᠷᠪᠡ ᠲᠠᠪᠤᠨ ᠰᠠᠶᠢᠨ ᠡᠷᠡᠰ ᠲᠠᠢ᠂ ᠵᠠᠭᠤᠭᠠᠳ ᠠᠳᠤᠭᠤ ᠲᠠᠭᠤᠭᠠᠳ | ᠦᠩᠭᠡᠷᠡᠵᠦ ᠪᠠᠶᠢᠵᠠᠢ᠃ ᠨᠢᠭᠡᠨ ᠮᠤᠷᠢᠲᠡᠨ ᠨᠢ ᠬᠦᠷᠴᠦ ᠢᠷᠡᠭᠡᠳ᠄ ︽ᠵᠠ᠂ ᠰᠠᠶᠢᠨ ᠤᠤ︖︾ ᠭᠡᠰᠡᠨ ᠳᠤ ᠲᠠᠭᠤ ᠦᠭᠡᠢ | ᠵᠦᠷᠢᠬᠦ ᠰᠡᠷᠡᠭᠡ ᠪᠠᠭᠠᠳᠤᠷ ᠢ ᠵᠢᠭᠠᠵᠦ᠄ ︽ᠲᠡᠨ ᠤ ᠨᠤᠳᠤᠭ ᠤᠨ ᠲᠡᠷᠡ ᠬᠦᠮᠦᠨ ᠢ ᠬᠡᠨ ᠬᠡᠲᠡᠭ ᠪᠢᠯᠡ︖︾ ᠭᠡᠵᠦ | ᠠᠰᠠᠭᠤᠭᠰᠡᠨ ᠬᠡᠨᠡ᠃ ᠲᠡᠭᠡᠭᠡᠪᠦᠷᠢ ᠪᠠᠷ ᠶᠠᠪᠤᠭᠠ ᠬᠦᠮᠦᠨ ᠴᠦ ︽ᠬᠠᠯᠠ ᠦᠵᠡᠵᠦ ᠬᠠᠰᠢᠷ ᠪᠤᠯᠤᠭᠰᠡᠨ᠂ ᠬᠠᠷᠢ ᠳᠤ | ᠶᠠᠪᠤᠵᠦ ᠲᠤᠬᠢ ᠪᠤᠯᠤᠭᠰᠡᠨ︾ ᠤᠬᠠᠭᠠᠯᠢᠭ ᠬᠦᠮᠦᠨ ᠪᠠᠶᠢᠭᠰᠡᠨ ᠪᠤᠯᠬᠤᠷ᠄ ︽ᠮᠠᠨ ᠤ ᠨᠤᠳᠤᠭ ᠤᠨ ᠶᠤᠮ ᠤᠤ︖ ᠬᠡᠨ | ᠮᠡᠲᠡᠬᠦ ᠪᠤᠢ︖ ᠲᠠᠨᠢᠬᠤ ᠬᠦᠮᠦᠨ ᠪᠢᠰᠢ ᠡ︾ ᠭᠡᠳ ︽ᠬᠦᠭ ᠴᠦᠬᠦ ᠁ ᠭᠡᠭᠰᠡᠭᠡᠷ ᠲᠡᠷᠭᠡ ᠪᠠᠨ ᠵᠠᠯᠠᠵᠠᠢ ᠭᠡᠨᠡ᠃ | ᠰᠡᠭᠦᠯ ᠳᠤ ᠨᠢ ᠰᠡᠷᠡᠭᠡ ᠪᠠᠭᠠᠳᠤᠷ ᠲᠠᠢ ᠠᠭᠤᠯᠵᠠᠬᠤ ᠳᠤ᠄ ︽ᠲᠠ ᠭᠡᠴᠡᠭᠦᠦ ᠬᠦᠮᠦᠨ ᠪᠠᠶᠢᠨᠡ ᠰᠢᠦ᠂ ᠲᠡᠷᠡ ᠡᠳᠤᠷ | ᠲᠠᠨᠢᠬᠠᠶᠢᠷᠠᠭᠰᠡᠨ ᠪᠤᠯ ᠤᠴᠢᠷ ᠶᠠᠪᠤᠳᠡᠯ ᠶᠠᠭᠤ ᠪᠤᠯᠬᠤ ᠶᠢ ᠪᠤᠤ ᠮᠡᠲᠡ ᠁︾ ᠭᠡᠵᠦ ᠪᠠᠶᠢᠬᠰᠡᠨ ᠬᠡᠲᠡᠭ᠃ | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠤᠶᠠᠬᠠᠨ | ᠬᠦᠢᠴᠡᠳᠭᠡᠭᠴᠢ ᠬᠢᠨᠠᠬᠴᠢ᠄ ᠸᠠᠩ ᠸᠧᠨ ᠶᠢᠩ | ᠶᠡᠷᠦᠩᠭᠡᠢ ᠬᠢᠨᠠᠬᠴᠢ᠄ ᠵᠠᠩ ᠬᠦᠢ ᠵᠧᠨ | ︽ᠪᠠᠭᠠᠳᠤᠷᠯᠢᠭ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ︾ ᠵᠢᠷᠬᠢᠶᠡ ᠠᠴᠠ ᠪᠠᠭᠤᠯᠭᠠᠪᠡ | |