ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠤᠳᠤ ᠭᠠᠪᠵᠦ ᠶᠢᠨ ᠲᠤᠮᠤᠭ ︵ᠬᠤᠶᠠᠷ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-12-10
                                                  ᠭᠠ᠊᠂ ᠭᠠᠩᠳᠠᠮᠦ᠋ᠷ      ᠠᠭᠤᠯᠠ ᠶᠢᠨ ᠡᠵᠡᠨ ᠢ ᠨᠤᠮᠠᠳᠬᠠᠭᠰᠡᠨ ᠨᠢ      ᠶᠠᠪᠤᠳᠡᠯ ᠢᠩᠭᠢᠭᠡᠳ ᠲᠠᠭᠤᠰᠳᠠᠭ ᠦᠭᠡᠢ ᠶᠤᠮ ᠪᠠᠶᠢᠨ᠎ᠡ᠂ ᠪᠠᠭᠰᠢ ᠳᠠᠭᠠᠨ ᠵᠢᠮᠡᠯᠡᠭᠦᠯᠵᠦ ᠬᠡᠪᠡᠭᠡᠢ ᠳᠤ ᠭᠤᠶᠠᠳᠠᠭᠤᠯᠤᠭᠰᠡᠨ ᠰᠤᠳᠤ ᠭᠠᠪᠵᠦ ᠶᠢ ᠨᠠᠯᠢᠶᠠᠳ ᠬᠤᠨᠤᠭ ᠤᠨ ᠲᠠᠷᠠᠭ᠎ᠠ ᠦᠨᠦᠬᠢ ᠬᠦᠮᠦᠰ ᠡᠷᠢᠵᠦ ᠢᠷᠡᠭᠡᠳ ᠲᠤᠭᠠᠩ ᠤᠨ ᠴᠢᠨᠢ ᠭᠤᠨᠠᠷ ᠲᠠᠭᠤᠳᠠᠵᠦ ᠪᠠᠶᠢᠨ᠎ᠡ ᠬᠡᠰᠡᠨ ᠶᠤᠮ ᠬᠡᠨ᠎ᠡ᠃ ᠬᠦᠷᠦᠭᠡᠳ ᠤᠴᠢᠬᠤᠯᠠᠷ᠂ ᠡᠪᠤᠯ ᠤᠶᠢᠷᠡᠳᠤᠯ᠎ᠡ ᠲᠦᠯᠡᠰᠢ ᠬᠤᠪᠤᠷᠲᠡᠯ᠎ᠡ᠂ ᠵᠡᠭᠦᠨ ᠠᠭᠤᠯᠠᠨ ᠳᠤ ᠬᠦᠷᠴᠦ ᠢᠯᠡᠭᠦᠭᠡᠨ ᠮᠤᠳᠤ ᠲᠦᠯᠡᠭᠡ ᠲᠡᠭᠦᠭᠡᠳ ᠢᠷ᠎ᠡ ᠬᠡᠵᠠᠢ᠃ ᠪᠠᠭᠰᠢ ᠳᠤ ᠪᠠᠨ ᠤᠴᠢᠭᠠᠳ ᠬᠡᠯᠡᠭᠦᠯᠡᠷ᠂ ᠪᠠᠭᠰᠢ ᠨᠢ ᠵᠠᠭᠦᠨ ᠠᠭᠤᠯᠠ ᠶᠢ ᠡᠵᠡᠳᠭᠡᠭᠰᠡᠨ ᠭᠡᠲᠡᠭ᠂ ᠬᠦᠮᠦᠨ ᠠᠮᠢᠳᠡᠨ ᠭᠠᠷᠭᠠᠳᠠᠭ ᠦᠭᠡᠢ ᠶᠤᠮ᠂ ᠪᠤᠷᠤᠭᠤ ᠠᠶᠢᠯᠠᠳᠪᠡᠦ ᠪᠤᠷᠤᠭᠤ ᠰᠤᠨᠤᠰᠪᠡᠦ︖ ᠪᠠᠷᠠᠭᠤᠨ ᠠᠭᠤᠯᠠᠨ ᠳᠤ ᠭᠠᠷᠴᠦ ᠲᠦᠯᠡᠭᠡ ᠲᠡᠭᠦᠭᠡᠳ ᠢᠷ᠎ᠡ ᠭᠡᠳ ᠨᠢᠭᠡ ᠯᠡ ᠶᠡᠭᠡ ᠪᠤᠳᠤᠯᠭᠠᠰᠢᠷᠠᠵᠦ ᠬᠡᠨ᠎ᠡ᠃ ᠲᠠᠷᠠᠭ᠎ᠠ ᠦᠷᠯᠦᠭᠡ ᠨᠢ ᠨᠢᠭᠡᠨ ᠪᠠᠨᠳᠢ ᠬᠦᠶᠦᠵᠦ ᠢᠷᠡᠭᠡᠳ ᠵᠠᠮ ᠵᠢᠭᠠᠵᠦ ᠦᠭᠭᠦᠶ᠎ᠡ ᠬᠡᠮᠡᠨ ᠡᠮᠦᠨ᠎ᠡ ᠨᠢ ᠱᠤᠬᠰᠢᠨ᠂ ᠦᠯᠦᠨ ᠭᠡᠲᠡᠰᠦ ᠰᠢᠭ᠋ ᠨᠠᠷᠢᠨ ᠭᠤᠳᠤᠮᠵᠢ ᠪᠠᠷ ᠮᠤᠰᠬᠢᠨ ᠵᠠᠭᠦᠨ ᠠᠭᠤᠯᠠᠨ ᠳᠤ ᠭᠠᠷᠬᠤ ᠴᠤᠪᠤᠭ᠎ᠠ ᠳᠤ ᠤᠷᠤᠭᠤᠯᠵᠦ ᠦᠭᠴᠠᠢ᠃      ᠨᠠᠷᠢᠨ ᠵᠦᠷᠢᠭ ᠢ ᠦᠭᠰᠦᠨ ᠶᠠᠪᠤᠬᠤ ᠳᠤ ᠲᠡᠮᠡᠢ ᠬᠡᠲᠦ ᠠᠯᠬᠤᠯ ᠦᠭᠡᠢ ᠦᠯᠦᠩ ᠡᠪᠡᠰᠦ ᠬᠦᠯ ᠤᠷᠢᠶᠠᠨ ᠪᠤᠳᠠ ᠪᠤᠳᠠᠷᠭᠠᠨ᠎ᠡ ᠵᠡᠯᠡᠯᠡᠨ ᠰᠦᠯᠵᠢᠵᠦ᠂ ᠵᠢᠷᠦᠭᠡ ᠪᠠᠯᠠᠷᠳᠠᠭᠠᠳ ᠬᠦᠮᠦᠨ ᠠᠮᠢᠳᠡᠨ ᠤ ᠬᠦᠯ ᠮᠦᠷ ᠬᠦᠷᠦᠭᠡ ᠦᠭᠡᠢ ᠤᠳᠠᠭᠰᠡᠨ ᠨᠢ ᠢᠯᠡᠭᠡᠨ ᠪᠠᠶᠢᠯ᠎ᠡ᠃ ᠰᠤᠳᠤ ᠭᠠᠪᠵᠦ᠄ ︽ᠡᠨᠡ ᠴᠦ ᠪᠤᠯᠬᠤ ᠵᠦᠭ ᠲᠤ ᠬᠦᠲᠦᠯᠦᠭᠰᠡᠨ ᠪᠢᠰᠢ ᠶᠤᠮ ᠪᠠᠶᠢᠨ᠎ᠡ᠂ ᠪᠤᠴᠠᠬᠤ ᠤᠤ ᠶᠠᠭᠠᠬᠢᠬᠤ ᠤᠤ︖︾ ᠭᠡᠵᠦ ᠲᠦᠷ ᠡᠷᠬᠢᠯᠳᠦᠭᠰᠡᠨ ᠢᠶᠠᠨ᠂ ᠪᠠᠯᠠᠷ ᠠᠴᠠ ᠠᠶᠤᠳᠠᠭ ᠪᠠᠭᠠᠰᠦᠨ ᠮᠤᠩᠭᠤᠯ ᠭᠡᠵᠦ ᠱᠣᠤᠯᠠᠭᠤᠯᠬᠤ ᠠᠴᠠ ᠪᠠᠶᠢᠳᠠᠭ ᠨᠢ ᠶᠠᠭᠤ ᠪᠤᠯᠬᠤ ᠶᠢ ᠬᠠᠷᠠᠴᠢᠬᠠᠭᠠᠳ ᠪᠤᠴᠠᠶ᠎ᠡ ᠬᠡᠮᠡᠨ ᠰᠢᠳᠮᠡᠭ ᠠᠯᠬᠤᠪᠡ ᠬᠡᠨ᠎ᠡ᠃      ᠪᠠᠷᠳᠠᠭᠠᠲᠦ ᠠᠭᠤᠯᠠ ᠶᠢᠨ ᠪᠠᠯᠠᠷᠬᠠᠢ ᠵᠦᠷᠢᠭ ᠢᠶᠠᠷ ᠡᠪᠡᠰᠦ ᠴᠢᠯᠠᠭᠤ ᠵᠠᠶᠢᠳᠠᠯᠠᠨ ᠵᠢᠳᠭᠦᠯᠡᠵᠦ ᠬᠡᠲᠦ ᠬᠡᠲᠦᠨ ᠬᠦᠲᠦᠯ ᠲᠠᠮᠵᠢᠨ ᠦᠨᠳᠦᠷ ᠤᠷᠬᠢᠯ ᠤᠨ ᠬᠢᠨ ᠠᠰᠬ᠎ᠠ ᠪᠤᠰᠤᠭ᠎ᠠ ᠬᠠᠲᠡ ᠶᠢᠨ ᠠᠷᠵᠠᠭᠠᠷ ᠪᠠᠷᠵᠠᠭᠠᠷ ᠦᠭᠡᠷ ᠴᠢᠯᠠᠭᠤ ᠲᠦᠩᠭᠦᠶᠢᠭᠰᠡᠨ ᠬᠢᠷ᠎ᠡ ᠳᠤ ᠬᠦᠷᠬᠦ ᠳᠤ᠂ ᠡᠭᠦᠯᠡ ᠮᠠᠨᠠᠨ ᠭᠠᠵᠠᠷᠲᠡᠨ ᠤᠶᠢᠲᠦ ᠤᠢ ᠲᠠᠢ ᠪᠠᠨ ᠵᠠᠯᠭᠠᠯᠳᠤᠭᠰᠡᠨ ᠬᠡᠴᠡᠭᠦᠦ ᠪᠠᠶᠢᠴᠡ ᠲᠠᠢ ᠭᠠᠵᠠᠷ ᠪᠠᠶᠢᠵᠠᠢ᠃ ᠡᠪᠦᠳᠦᠭ ᠲᠠᠪᠠᠭᠰᠡᠨ ᠦᠯᠦᠩ ᠡᠪᠡᠰᠦᠨ ᠳᠤ ᠨᠢ ᠬᠦᠯ ᠲᠠᠯᠪᠢᠬᠤ ᠶᠢ ᠤᠯᠵᠦ ᠶᠠᠳᠠᠨ᠂ ᠬᠠᠲᠡ ᠴᠢᠯᠠᠭᠤ ᠬᠠᠯᠲᠡ ᠬᠢᠰᠬᠢᠨ ᠦᠷᠦᠯᠡᠬᠦ ᠳᠤ ᠲᠦᠷ ᠲᠠᠷ ᠬᠢᠨ ᠪᠦᠮᠪᠦᠷᠢᠳᠦᠵᠦ᠂ ᠲᠦᠩ ᠲᠠᠩ  ᠬᠢᠨ ᠨᠢᠲᠦ ᠦᠭᠡᠢ ᠬᠦᠨ ᠭᠤᠤ ᠳᠤ ᠨᠢᠰᠴᠦ ᠪᠠᠶᠢᠪᠡ ᠬᠡᠨ᠎ᠡ᠃ ᠴᠢᠨ᠋ᠸ᠎ᠠ ᠡᠭᠦᠷᠯᠡᠭᠰᠡᠨ ᠭᠠᠵᠠᠷ ᠪᠤᠯᠴᠢᠬᠠᠪᠡ ᠤᠤ︖ ᠪᠠᠭᠠᠪᠠᠭᠠᠢ ᠢᠲᠡᠭᠲᠡᠭᠰᠡᠨ ᠤᠷᠤᠨ ᠶᠤᠮ ᠪᠤᠯᠪᠡᠦ︖ ᠶᠠᠭᠤ ᠴᠦ ᠪᠤᠯᠤᠭᠰᠡᠨ ᠴᠦ ᠤᠢ ᠳᠤ ᠤᠷᠤᠵᠦ ᠮᠤᠳᠤ ᠪᠠᠭᠤᠯᠭᠠᠭᠠᠳ ᠡᠭᠦᠷᠴᠦ ᠬᠠᠷᠢᠨ᠎ᠡ ᠳ᠋ᠠ ᠬᠡᠮᠡᠨ ᠰᠤᠳᠤ ᠭᠠᠪᠵᠦ ᠡᠭᠦᠷᠴᠦ ᠶᠠᠪᠤᠬᠰᠡᠨ ᠲᠦᠯᠡᠭᠡ ᠪᠠᠭᠴᠠᠯᠠᠬᠤ ᠲᠡᠭᠡᠰᠦ᠂ ᠮᠤᠲᠤ ᠴᠠᠪᠴᠢᠬᠤ ᠰᠦᠭᠡ ᠪᠠᠨ ᠪᠠᠭᠤᠯᠭᠠᠳᠡᠯ᠎ᠡ ᠪᠦᠲᠦᠭᠦᠨ ᠮᠤᠳᠤᠨ ᠤ ᠴᠠᠭᠠᠨ᠎ᠡ ᠠᠴᠠ ᠬᠠᠲᠡ ᠶᠡᠭᠦᠷᠡᠵᠦ ᠠᠭᠤᠯᠠ ᠲᠦᠩᠭᠬᠢᠨᠡᠯ᠎ᠡ ᠬᠦᠷᠬᠢᠷᠡᠭᠰᠡᠭᠡᠷ ᠰᠠᠷᠯᠤᠭ ᠤᠨ ᠪᠤᠬ᠎ᠠ ᠠᠴᠠ ᠴᠦ ᠲᠤᠮᠤ ᠪᠠᠷᠰ ᠰᠢᠭᠤᠳ ᠲᠠᠭᠠᠷᠢᠭᠠᠳ ᠢᠷᠡᠵᠦ ᠬᠡᠨ᠎ᠡ᠃ ᠬᠦᠢ ᠬᠠᠢ ᠶᠢᠨ ᠵᠡᠪ ᠦᠭᠡᠢ ᠠᠰ ᠲᠤᠯᠤᠭᠰᠡᠨ ᠬᠠᠯᠵᠠ ᠪᠠᠷᠢᠭᠠᠨ ᠳᠤ᠂ ᠰᠤᠳᠤ ᠭᠠᠪᠵᠦ ᠮᠤᠩᠭᠤᠯ ᠬᠦᠮᠦᠨ ᠤ ᠨᠤᠬᠠᠢ ᠣᠪᠤᠭᠠᠳᠤᠬᠤ ᠶᠤᠰᠤ ᠪᠠᠷ ᠯᠡ ᠠᠳᠬᠤᠵᠦ ᠠᠮᠵᠢᠭᠠᠳ‌ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠨᠤᠭᠤ ᠲᠠᠷᠤᠵᠠᠢ᠃ ᠤᠪᠤᠭᠠᠳᠤᠭᠤᠯᠵᠦ ᠲᠠᠷᠤᠭᠤᠯᠤᠭᠰᠡᠨ ᠪᠠᠷᠰ ᠬᠦᠷᠴᠢᠬᠢᠨᠡᠨ ᠤᠷᠬᠢᠷᠠᠵᠦ ᠪᠡᠶ᠎ᠡ ᠪᠠᠨ ᠰᠢᠯᠡᠭᠡᠨ ᠬᠤᠶᠠᠷ ᠰᠡᠪᠡᠷ ᠢᠶᠠᠷ  ᠢᠶᠠᠨ ᠰᠤᠳᠤ ᠭᠠᠪᠵᠦ ᠶᠢᠨ ᠭᠠᠷ ᠲᠤᠬᠤᠢ ᠡᠩᠭᠡᠷ ᠬᠤᠷᠮᠤᠢ ᠶᠢ ᠨᠢ ᠮᠠᠭᠠᠵᠢᠨ ᠲᠡᠯᠡᠳᠬᠦ ᠳᠤ᠂ ᠮᠠᠰᠢ ᠠᠭᠤᠷᠯᠠᠬᠰᠡᠨ ᠰᠤᠳᠤ ᠭᠠᠪᠵᠦ ᠤᠪᠤᠭᠠᠳᠤᠭᠰᠡᠨ ᠪᠠᠶᠢᠴᠡ ᠪᠠᠷ ᠢᠶᠠᠨ ᠪᠠᠷᠰ ᠤᠨ ᠬᠠᠮᠠᠷ ᠢ ᠭᠠᠵᠠᠷ ᠰᠢᠭᠠᠭᠠᠳ ᠪᠠᠶᠢᠵᠠᠢ᠃ ᠰᠢᠷᠦᠭᠦᠨ ᠲᠡᠮᠡᠴᠡᠭᠡᠨ ᠲᠦᠷ ᠦᠷᠬᠦᠯᠵᠢᠯᠠᠭᠡᠳ ᠰᠠᠶᠢᠷ ᠤᠨ ᠬᠠᠮᠠᠷ ᠨᠢ ᠶᠠᠵᠠᠷᠠᠵᠦ ᠮᠠᠭᠤᠳᠠᠭᠰᠡᠨ ᠪᠠᠷᠰ ᠰᠡᠭᠦᠯ ᠢᠶᠠᠨ ᠰᠢᠷᠪᠠᠭᠠᠨᠠᠬᠤ ᠠᠴᠠ ᠦᠭᠡᠷ᠎ᠡ ᠲᠠᠷ ᠦᠭᠡᠢ ᠪᠤᠯᠬᠤ ᠳᠤ ᠰᠤᠳᠤ ᠭᠠᠪᠵᠦ ᠲᠦᠯᠡᠭᠡᠨ ᠤ ᠰᠦᠭᠡ ᠤᠷᠤᠭᠤ ᠪᠠᠨ ᠬᠠᠷᠠᠭᠰᠡᠨ ᠢᠶᠠᠨ ᠠᠮᠢ ᠬᠤᠷᠤᠭᠠᠵᠦ ᠨᠢᠭᠦᠯ ᠬᠢᠭᠡᠳ ᠶᠠᠭᠤ ᠬᠢᠬᠦ ᠪᠤᠢ ᠬᠡᠭᠰᠡᠭᠡᠷ ᠲᠤᠮᠤ ᠪᠠᠷᠰ ᠢ ᠴᠢᠷᠴᠦ ᠦᠬᠡᠷ ᠴᠢᠯᠠᠭᠤᠨ ᠤ ᠬᠠᠵᠠᠭᠤ ᠳᠤ ᠠᠪᠠᠴᠢᠬᠠᠭᠠᠳ ᠲᠡᠯ᠎ᠡ ᠭᠠᠷ ᠢᠶᠠᠷ ᠢᠶᠠᠨ ᠪᠦᠲᠦᠭᠦᠨ ᠪᠦᠲᠦᠭᠦᠨ ᠴᠢᠯᠠᠭᠤ ᠪᠠᠭᠤᠯᠭᠠᠵᠦ ᠪᠠᠷᠰ ᠢ ᠦᠭᠡᠷ ᠴᠢᠯᠠᠭᠤ ᠪᠠᠷ ᠪᠤᠰᠤᠭᠠᠳ ᠲᠤᠳᠠᠭᠠᠵᠦ ᠴᠢᠳᠠᠮ ᠦᠭᠡᠢ ᠬᠡᠮᠵᠢᠶ᠎ᠡ ᠪᠠᠷ ᠲᠠᠷᠤᠵᠦ ᠤᠷᠬᠢᠵᠠᠢ᠃ ᠰᠤᠳᠤ ᠭᠠᠪᠵᠦ ᠤᠴᠢᠷ ᠶᠠᠪᠤᠳᠡᠯ ᠤᠨ ᠴᠠᠭᠠᠳᠠᠬᠢ ᠶᠢ ᠣᠶᠢᠯᠠᠭᠠᠭᠰᠡᠨ ᠳᠠᠭᠠᠨ ᠦᠰᠡᠯᠵᠦ᠂ ᠴᠠᠭᠠᠰᠢ ᠤᠢ ᠳᠤ ᠤᠷᠤᠭᠠᠳ ᠪᠤᠰᠤᠭ᠎ᠠ ᠬᠡᠪᠲᠡᠭᠡ ᠬᠠᠳᠠᠵᠦ ᠦᠵᠢᠷᠡᠭᠰᠡᠨ ᠲᠤᠮᠤ ᠮᠤᠲᠦ ᠶᠢ ᠲᠤᠬᠤᠢ ᠪᠠᠷ ᠢᠶᠠᠨ ᠶᠤᠪᠤᠷᠴᠦ ᠤᠨᠠᠭᠠᠨ᠂ ᠴᠢᠷᠴᠦ ᠭᠠᠷᠭᠠᠭᠠᠳ ᠲᠡᠭᠡᠰᠦ ᠪᠠᠷ ᠬᠡᠲᠦᠷᠴᠦ ᠲᠡᠷᠡ ᠴᠢᠭ ᠢᠶᠠᠷ ᠨᠢ ᠡᠭᠦᠷᠦᠭᠡᠳ ᠲᠡᠭᠡᠷ᠎ᠡ ᠨᠠᠷᠠ ᠲᠠᠢ ᠪᠤᠴᠠᠵᠠᠢ᠃      ᠲᠤᠮᠤ ᠮᠤᠳᠤᠳ ᠢᠶᠠᠨ ᠭᠤᠳᠤᠮᠵᠢᠨ ᠠᠮᠠᠨ ᠳᠤ ᠤᠷᠬᠢᠭᠠᠳ ᠰᠡᠮᠡᠭᠡᠨ ᠭᠤᠯᠭᠤᠵᠦ ᠪᠠᠭᠰᠢ ᠳᠤ ᠪᠠᠨ ᠬᠦᠷᠦᠭᠡᠳ ᠤᠴᠢᠷ ᠶᠠᠪᠤᠳᠡᠯ ᠢ ᠦᠨᠡᠨ ᠪᠦᠷᠢᠨ ᠢᠶᠠᠷ ᠨᠢ ᠲᠤᠰᠢᠶᠠᠬᠤ ᠳᠤ ᠪᠠᠭᠰᠢ ᠨᠢ᠄ ︽ᠵᠠ᠂ ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤ ᠪᠤᠢ᠂ ᠲᠠᠩᠭᠤᠳ ᠤᠳ ᠪᠤᠯᠳᠠᠬᠤ ᠦᠭᠡᠢ ᠶᠤᠮ᠂ ᠭᠠᠷ ᠬᠦᠯ ᠤᠨ ᠢᠶᠠᠨ ᠴᠢᠰᠦ ᠶᠢ ᠤᠬᠢᠶᠠᠵᠦ ᠤᠷᠠᠩᠬᠠᠢ ᠴᠤᠷᠤᠩᠬᠠᠢ ᠬᠤᠪᠴᠠᠰᠦ ᠪᠠᠨ ᠡᠪᠯᠡᠭᠦᠯᠵᠦ ᠰᠤᠯᠢ︕ ᠲᠡᠭᠡᠭᠡᠳ ᠴᠢᠮᠡᠭᠡ ᠦᠭᠡᠢ ᠠᠵᠢᠵᠦ ᠪᠠᠢ︾ ᠭᠡᠳ ᠦᠪᠡᠷ ᠤᠨ ᠬᠦᠷᠡᠩ ᠲᠡᠷᠯᠢᠭ ᠢᠶᠠᠨ ᠦᠭᠭᠦᠭᠰᠡᠨ ᠶᠤᠮ ᠬᠡᠨ᠎ᠡ᠃      ᠦᠳᠡᠰᠢ ᠪᠤᠯᠬᠤ ᠳᠤ᠂ ᠲᠦᠯᠡᠭᠡᠨ ᠳᠤ ᠶᠠᠪᠤᠬᠰᠡᠨ ᠭᠠᠪᠵᠦ ᠬᠠᠮᠢᠭ᠎ᠠ ᠪᠠᠶᠢᠨ᠎ᠡ ᠭᠡᠳ ᠬᠦᠮᠦᠰ ᠴᠤᠬᠯᠠᠷᠠᠵᠠᠢ ᠬᠡᠨ᠎ᠡ᠃ ᠰᠤᠳᠤ ᠭᠠᠪᠵᠦ ᠭᠤᠸᠠᠢ ᠶᠢ ᠲᠤᠳᠤᠷ ᠦᠷᠦᠭᠡᠨ ᠠᠴᠠ ᠭᠠᠷᠤᠭᠠᠳ ᠵᠤᠯᠭᠠᠬᠤ ᠳᠤ ᠭᠠᠶᠢᠬᠠᠰᠬᠢᠭᠰᠡᠨ ᠢᠶᠠᠨ᠂ ︽ᠲᠡᠭᠦᠭᠰᠡᠨ ᠲᠦᠯᠡᠭᠡ ᠴᠢᠨᠢ︖︾ ᠬᠡᠭᠦ ᠳᠤ᠂ ︽ᠰᠦᠮ᠎ᠡ ᠶᠢᠨ ᠬᠦᠷᠢᠶᠡᠨ ᠤ ᠭᠤᠳᠤᠮᠵᠢ ᠴᠢᠨᠢ ᠪᠠᠭᠳᠠᠬᠤ ᠦᠭᠡᠢ ᠪᠤᠯᠬᠤᠷ ᠠᠮᠠᠨ ᠳᠤ ᠨᠢ ᠤᠷᠬᠢᠭᠤᠯᠤᠭᠰᠡᠨ ᠶᠤᠮ᠂ ᠰᠦᠮ᠎ᠡ ᠪᠠᠨ ᠲᠤᠮᠤᠷᠠᠭᠤᠯᠵᠦ ᠭᠤᠳᠤᠮᠵᠢ ᠪᠠᠨ ᠦᠷᠭᠡᠳᠭᠡᠭᠰᠡᠨ ᠬᠤᠶᠢᠨ᠎ᠡ ᠡᠭᠦᠷᠦᠭᠦᠯᠵᠦ ᠠᠪᠴᠢᠷᠠᠶ᠎ᠡ︾ ᠬᠡᠮᠡᠨ ᠪᠠᠭᠰᠢ ᠨᠢ ᠲᠤᠰᠴᠦ ᠲᠤᠤᠭᠠᠷᠴᠠᠢ ᠬᠡᠨ᠎ᠡ᠃ ᠬᠦᠮᠦᠰ ᠬᠦᠶᠦᠯᠳᠦᠨ ᠭᠤᠳᠤᠮᠵᠢ ᠶᠢᠨ ᠠᠮᠠᠨ ᠳᠤ ᠤᠴᠢᠵᠦ ᠦᠵᠡᠬᠦ ᠳᠤ ᠲᠡᠪᠡᠷᠢ ᠪᠦᠲᠦᠭᠦᠨ ᠠᠷᠪᠠᠭᠠᠳ ᠮᠤᠳᠤ ᠶᠢ ᠤᠷᠲᠦ ᠴᠢᠭ ᠢᠶᠠᠷ  ᠨᠢ ᠡᠭᠦᠷᠴᠦ ᠠᠪᠴᠢᠷᠠᠭᠠᠳ ᠭᠤᠳᠤᠮᠵᠢ ᠶᠢᠨ ᠠᠮᠠ ᠶᠢ ᠪᠦᠭᠯᠡᠭᠡᠳ ᠬᠦᠨᠲᠡᠯᠡᠨ ᠤᠪᠤᠭᠠᠯᠠᠵᠦ ᠬᠠᠶᠠᠴᠢᠬᠠᠭᠰᠡᠨ ᠪᠠᠶᠢᠵᠠᠢ᠃ ᠬᠦᠮᠦᠰ ᠭᠠᠶᠢᠬᠠᠵᠦ ᠰᠤᠴᠢᠬᠤ ᠶᠢᠨ ᠲᠦᠢᠯ ᠪᠤᠯᠵᠦ ᠬᠠᠨᠴᠤᠢ ᠳᠤ ᠪᠠᠨ ᠵᠠᠯᠪᠠᠷᠢᠵᠠᠭᠠᠨ᠂ ᠠᠮᠠ ᠬᠤᠷᠳᠤᠨ ᠨᠢᠭᠡ ᠨᠢ᠄ ︽ᠲᠦᠯᠡᠭᠡ ᠲᠡᠭᠦᠵᠦ ᠪᠠᠶᠢᠬᠤ ᠳᠤ ᠴᠢᠨᠢ ᠠᠮᠢᠲᠡᠨ ᠲᠠᠭᠠᠷᠠᠬᠰᠡᠨ ᠦᠭᠡᠢ ᠤᠤ︖︾ ᠭᠡᠵᠦ ᠰᠤᠨᠢᠭᠤᠴᠢᠯᠠᠪᠡᠯ᠂ ︽ᠨᠢᠭᠡ ᠮᠤᠤᠷ ᠤᠨ ᠵᠤᠯᠵᠠᠭ᠎ᠠ ᠢᠷᠡᠭᠡᠳ ᠭᠠᠷ ᠬᠦᠯ ᠮᠠᠭᠠᠵᠢᠭᠠᠳ ᠪᠠᠶᠢᠬᠰᠡᠨ︾ ᠭᠡᠳ ᠰᠤᠳᠤ ᠭᠠᠪᠵᠦ ᠪᠠᠷᠰ ᠲᠤ ᠰᠠᠪᠠᠷᠳᠠᠭᠤᠯᠤᠭᠰᠡᠨ ᠭᠠᠷ ᠤᠨ ᠬᠠᠨᠴᠤᠢ ᠪᠠᠨ ᠢᠷᠡᠵᠦ ᠦᠵᠡᠭᠦᠯᠵᠠᠢ᠃ ᠨᠢᠲᠦ ᠨᠢ ᠤᠷᠤᠢ ᠳᠤ ᠪᠠᠨ ᠭᠠᠷᠤᠬᠰᠡᠨ ᠬᠦᠮᠦᠰ᠄ ︽ᠦᠭᠡᠢ᠂ ᠲᠡᠭᠡᠭᠡᠳ ᠦᠨᠦᠬᠢ ᠠᠮᠢᠲᠡᠨ ᠢᠶᠠᠨ ᠶᠠᠭᠠᠬᠢᠬᠰᠡᠨ︖︾ ᠬᠡᠬᠦ ᠳᠤ᠂ ︽ᠮᠠᠷᠭᠠᠰᠢ ᠲᠦᠯᠡᠭᠡ ᠲᠡᠭᠦᠬᠦ  ᠳᠡᠭᠡᠨ ᠬᠠᠨᠢ ᠲᠠᠢ ᠪᠠᠢ ᠭᠡᠳ ᠴᠢᠯᠠᠭᠤ ᠪᠠᠷ ᠲᠠᠷᠤᠵᠦ ᠤᠷᠬᠢᠭᠰᠡᠨ︾ ᠬᠡᠪᠡᠯ᠂ ︽ᠪᠤᠯᠠᠢ ᠶᠠᠭᠤᠮ᠎ᠡ ᠪᠤᠯᠤᠯ᠎ᠡ᠂ ᠦᠨᠦᠬᠢ ᠴᠢᠨᠢ ᠠᠭᠤᠯᠠ ᠶᠢᠨ ᠡᠵᠡᠨ ᠪᠠᠶᠢᠭ᠎ᠠ ᠶᠤᠮ᠂ ᠪᠠᠷᠴᠢᠳ ᠠᠪᠴᠢᠷᠠᠨ᠎ᠡ᠂ ᠬᠤᠷᠳᠤᠨ ᠲᠠᠯᠪᠢᠭᠠᠳ ᠠᠯᠢ᠂ ᠲᠠᠬᠢᠵᠦ ᠲᠦᠯᠡᠭᠡ ᠮᠤᠳᠤ ᠬᠡᠬᠦ ᠦᠭᠡᠢ︾ ᠬᠡᠮᠡᠨ ᠠᠮᠠ ᠰᠠᠪᠠᠨ ᠳᠤ ᠪᠠᠨ ᠭᠤᠶᠤᠴᠢᠬᠠᠵᠦ ᠬᠡᠨ᠎ᠡ᠃      ᠰᠤᠳᠤ ᠭᠠᠪᠵᠦ ᠭᠠᠯ ᠪᠠᠷᠢᠬᠰᠡᠨ ᠪᠠᠮᠪᠠᠷ ᠠᠰᠠᠭᠠᠭᠰᠡᠨ ᠪᠦᠭᠦᠶᠢᠯᠡ ᠰᠦᠮ᠎ᠡ ᠶᠢᠨ ᠯᠠᠮᠠ ᠬᠤᠸᠠᠷᠠᠭ ᠬᠡᠬᠡᠨᠲᠡᠨ ᠬᠡᠪᠰᠢ ᠨᠠᠷ ᠲᠠᠢ ᠰᠦᠨᠢ ᠪᠠᠷ ᠠᠭᠤᠯᠠᠨ ᠳᠤ ᠭᠠᠷᠴᠦ ᠦᠵᠡᠬᠦ ᠳᠤ᠂ ᠦᠨᠦᠬᠢ ᠪᠠᠷᠰ ᠨᠢ ᠴᠢᠯᠠᠭᠤᠨ ᠳᠤ ᠲᠠᠷᠤᠭᠠᠳᠠᠢ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠵᠠᠢ᠃ ᠯᠠᠮᠠ ᠨᠠᠷ ᠬᠤᠯᠠ ᠠᠴᠠ ᠪᠠᠷᠠᠭᠠᠳᠠᠨ ᠠᠮᠠᠨ ᠳᠠᠭᠠᠨ ᠲᠠᠷᠨᠢ ᠤᠩᠰᠢᠨ ᠭᠠᠷ ᠲᠤ ᠪᠠᠨ ᠡᠷᠢᠭᠡ ᠰᠢᠪᠳᠤᠷᠴᠦ ᠪᠤᠵᠠᠭᠠᠨᠠᠨ ᠪᠤᠯᠬᠤ ᠳᠤ ᠰᠤᠳᠤ ᠭᠠᠪᠵᠦ ᠭᠠᠭᠴᠠᠭᠠᠷ ᠬᠦᠷᠴᠦ ᠲᠠᠷᠤᠬᠰᠡᠨ ᠴᠢᠯᠠᠭᠤ ᠶᠢ ᠨᠢ ᠡᠷᠭᠦᠵᠦ ᠵᠠᠶᠢᠯᠠᠭᠤᠯᠬᠤ ᠳᠤ᠂ ᠲᠤᠮᠤ ᠡᠷᠢᠶᠠᠨ ᠬᠠᠷ᠎ᠡ ᠬᠦᠷᠡᠩ ᠪᠠᠷᠰ ᠮᠠᠭᠤᠵᠢᠷᠠᠭᠠᠳ ᠪᠤᠰᠤᠭᠠᠳ ᠡᠷᠬᠢᠨ ᠰᠢᠷᠪᠠᠯᠵᠠᠬᠰᠠᠭᠠᠷ ᠠᠭᠠᠵᠢᠭᠤᠬᠠᠨ ᠴᠠᠭᠠᠰᠢᠯᠠᠵᠠᠢ ᠬᠡᠨ᠎ᠡ᠃
  
ᠢᠷᠡᠯᠲᠡ᠄ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠰᠤᠳᠤ ᠭᠠᠪᠵᠦ ᠶᠢᠨ ᠲᠤᠮᠤᠭ ︵ᠲᠦᠷᠪᠡ︶
ᠰᠤᠳᠤ ᠭᠠᠪᠵᠦ ᠶᠢᠨ ᠲᠤᠮᠤᠭ ︵ᠭᠤᠷᠪᠡ︶
ᠰᠤᠳᠤ ᠭᠠᠪᠵᠦ ᠶᠢᠨ ᠲᠤᠮᠤᠭ ︵ᠨᠢᠭᠡ︶
ᠨᠠᠮᠤᠷ ᠲᠤ ᠤᠩᠰᠢᠬᠤ ᠰᠢᠯᠦᠭ ᠤᠳ
ᠨᠤᠳᠤᠭ ᠤᠨ ᠪᠤᠷᠦ ᠴᠢᠯᠠᠭᠤ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号