| ᠵᠤᠬᠢᠶᠠᠬᠴᠢ᠄ ᠳ᠋᠊᠂ ᠰᠡᠷᠭᠦᠯᠡᠩ | | ᠠᠽᠢᠶᠡ ᠶᠢᠨ ᠲᠡᠨᠢᠭᠡᠷ ᠬᠤᠷᠮᠤᠢ ᠳᠤ | ᠠᠯᠠᠭᠠ ᠪᠠᠨ ᠲᠠᠷᠤᠵᠦ | ᠠᠯᠳᠠᠨ ᠰᠢᠷᠤᠢ ᠶᠢ ᠨᠢ ᠦᠨᠦᠰᠦᠭᠡᠳ | ᠠᠪᠤᠷᠭᠤ ᠯᠤᠤ ᠤᠷᠴᠢᠯᠠᠩ ᠳᠤ ᠰᠤᠨᠢᠶᠠᠵᠦ ᠬᠡᠪᠲᠡᠭᠰᠡᠨ | ᠠᠶᠠ᠂ ᠪᠤᠭᠤᠷᠤᠯ ᠲᠤᠬᠤᠢ ᠬᠠᠶᠢᠷᠬᠠᠨ ᠮᠢᠨᠦ︕ | ᠪᠦᠲᠦᠨ ᠲᠤᠤᠯᠢ ᠲᠠᠢ | ᠭᠠᠵᠠᠷ ᠤᠨ ᠶᠡᠭᠡ ᠲᠤᠬᠰᠢᠳ ᠲᠠᠨ ᠳᠠᠭᠠᠨ | ᠪᠦᠷᠦᠩ ᠰᠦᠨᠢ ᠦᠷ ᠲᠡᠮᠳᠡᠷᠢᠬᠦ ᠲᠤᠬᠢᠶᠠᠯ ᠢᠶᠠᠷ | ᠪᠤᠭᠤᠷᠤᠯ ᠲᠡᠭᠡᠲᠦᠰ ᠤᠨ | ᠰᠡᠳᠬᠢᠯ ᠤᠨ ᠰᠦᠮᠪᠦᠷ ᠲᠦᠰᠢᠨ | ᠪᠤᠬᠲᠡ ᠬᠠᠶᠢᠷᠬᠠᠨ ᠲᠡᠠᠨᠡ | ᠰᠦᠵᠦᠭᠯᠡᠨ ᠮᠦᠷᠭᠦᠮᠤ᠂ ᠪᠢ | ᠡᠯᠴᠢᠯ ᠦᠭᠡᠢ ᠤᠳᠤᠬᠰᠡᠨ ᠮᠢᠩᠭᠠᠨ ᠵᠠᠭᠤᠨ ᠤ | ᠬᠦᠷᠲᠦ ᠡᠯᠡᠭᠡᠳ | ᠡᠷᠡᠭᠡᠢ ᠶᠢᠨ ᠴᠢᠨᠡᠭᠡ ᠵᠠᠢ ᠪᠠᠷ | ᠪᠦᠮᠪᠦᠷ ᠪᠦᠮᠪᠦᠷ ᠡᠷᠬᠢᠨᠡ | ᠡᠵᠡᠨ ᠵᠠᠶᠠᠭᠠ ᠪᠠᠭᠳᠠᠭᠰᠡᠨ | ᠮᠦᠩᠭᠦᠨ ᠲᠤᠭᠤᠷᠭᠠ ᠨᠦᠮᠦᠷᠴᠦ | ᠡᠷᠲᠡ ᠶᠢᠨ ᠨᠠᠷᠡᠨ ᠤ ᠬᠡᠷᠡᠯ ᠳᠤ | ᠰᠦᠯᠲᠡ ᠶᠢᠨ ᠰᠡᠷᠡᠭᠡ ᠬᠢᠯᠠᠯᠵᠡᠨᠡ᠂ | ᠭᠤᠪᠢ ᠶᠢᠨ ᠰᠠᠯᠬᠢᠨ ᠳᠤ | ᠬᠦᠬᠦᠯ ᠤᠨ ᠴᠠᠴᠤᠭ ᠰᠠᠵᠢᠯᠠᠭᠠᠳ | ᠭᠤᠯᠤᠮᠲᠡ ᠲᠦᠰᠢᠭᠰᠡᠨ ᠦᠷᠡᠰ | ᠡᠩᠭᠡᠷ ᠨᠦᠮᠦᠷᠢ ᠳᠤ ᠴᠢᠨᠢ ᠠᠮᠤᠭᠤᠯᠠᠩ ᠪᠠᠶᠢᠨᠡ᠃ | ᠢᠯᠢᠭᠰᠡᠨ ᠵᠤ ᠰᠢᠭ᠋ ᠲᠡᠯᠡ ᠳᠤ | ᠤᠷᠤᠯᠳᠤᠭᠠᠨ ᠤ ᠮᠤᠷᠢᠳ | ᠲᠤᠭᠤᠰᠤᠷᠠᠬᠤ ᠳᠤ | ᠡᠭᠦᠯᠡᠨ ᠬᠡ ᠲᠠᠢ ᠮᠠᠶᠢᠬᠠᠨ ᠤ ᠪᠠᠳᠠᠩ | ᠪᠠᠷᠢᠶᠠᠨ ᠤ ᠲᠤᠭ ᠰᠢᠭ᠋ ᠲᠠᠷᠪᠡᠯᠵᠡᠨ ᠪᠠᠶᠢᠨᠡ | ᠠᠯᠳᠠᠨ ᠲᠤᠬᠤᠢ ᠬᠠᠶᠢᠷᠬᠠᠨ ᠮᠢᠨᠢ | ᠠᠶᠢᠪᠠᠭᠠ ᠭᠤᠤᠯ ᠤᠨ ᠲᠤᠩᠭᠠᠯᠠᠭ ᠤᠰᠤ | ᠠᠩᠭᠢᠷᠬᠠᠨ ᠴᠠᠭᠠᠨ ᠰᠦ ᠶᠤᠮ ᠡ | ᠠᠮᠠᠰᠠᠷ ᠢᠶᠠᠷ ᠢᠶᠠᠨ ᠮᠡᠯᠲᠡᠯᠵᠡᠭᠡᠳ | ᠮᠦᠩᠭᠦᠨ ᠴᠦᠬᠦᠴᠠ ᠨᠢ ᠴᠡᠭᠡᠯᠵᠢᠭᠭᠡᠨ ᠪᠠᠶᠢᠨᠡ | ᠠᠰᠠᠬᠤ ᠬᠦᠰᠡᠯ ᠮᠢᠨᠢ | ᠲᠤᠯᠭᠠᠨ ᠤ ᠴᠤᠭ ᠰᠢᠭ᠋ ᠬᠠᠯᠠᠭᠤᠬᠠᠨ ᠶᠤᠮ ᠡ | ᠠᠮᠤᠭᠤᠯᠠᠩ ᠢᠶᠠᠨ ᠲᠠᠭᠠᠳᠬᠠᠵᠦ | ᠠᠵᠡ ᠶᠢᠨ ᠲᠠᠯᠠᠯᠭᠠ ᠪᠠᠨ ᠬᠤᠷᠤᠶᠢᠯᠠᠩᠬᠠᠨ ᠪᠠᠶᠢᠨᠡ | ᠠᠮᠢᠨ ᠤᠪᠤᠭᠠ ᠮᠢᠨᠢ | ᠠᠷᠦ ᠭᠤᠪᠢ ᠶᠢᠨ ᠰᠢᠲᠦᠭᠡᠨ ᠤᠪᠤᠭᠠ ᠮᠢᠨᠢ ᠡ︕ | | ︽ᠪᠠᠭᠠᠳᠤᠷᠯᠢᠭ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ︾ ᠵᠢᠷᠬᠢᠶᠡ ᠠᠴᠠ ᠪᠠᠭᠤᠯᠭᠠᠪᠡ |