| ᠨᠠᠷᠡ ᠬᠤᠷᠡ ᠲᠡᠩᠴᠡᠭᠰᠡᠨ ᠨᠠᠯᠠᠭᠠᠷ ᠵᠤᠨ ᠤ 7 ᠰᠡᠷᠡ ᠶᠢᠨ 20 ᠤ ᠡᠳᠤᠷ᠂ ᠲᠤᠯᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ | ᠨᠡᠭᠦᠲᠡᠯ ᠰᠤᠶᠤᠯ ᠤᠨ ᠵᠤᠭᠠᠴᠠᠯ ᠤᠨ ᠨᠠᠶᠢᠷ ᠵᠢᠴᠢ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ 30 ᠳ᠋ᠤᠭᠠᠷ | ᠤᠳᠠᠭᠠᠨ ᠤ ᠨᠠᠭᠠᠳᠤᠮ ᠤᠨ ᠶᠡᠭᠡ ᠬᠤᠷᠡᠯ ᠦᠪᠡᠲᠡᠭᠰᠢ ᠶᠡᠭᠡ ᠪᠠᠷ ᠡᠬᠢᠯᠡᠭᠰᠡᠨ ᠠᠴᠠ ᠨᠠᠭᠠᠰᠢ ᠨᠠᠭᠠᠳᠤᠮ ᠤᠨ ᠬᠤᠷᠡᠯ | ᠤᠨ ᠡᠯᠡ ᠲᠦᠷᠦᠯ ᠤᠨ ᠤᠷᠤᠯᠳᠤᠭᠠᠨ ᠮᠦᠷᠦᠶᠢᠴᠡᠭᠡᠨ ᠡᠮᠬᠢ ᠲᠢᠭᠯᠢᠮ ᠲᠠᠢ ᠠᠮᠵᠢᠯᠲᠡ ᠲᠦᠭᠦᠷᠡᠩ ᠶᠡᠪᠤᠬᠳᠠᠭᠰᠠᠭᠠᠷ | ᠪᠠᠶᠢᠨᠡ᠃ 7 ᠰᠡᠷᠡ ᠶᠢᠨ 22 ᠤ ᠡᠳᠤᠷ᠂ ᠪᠠᠳᠤᠬᠠᠭᠠᠯᠭᠠ ᠶᠢᠨ ᠨᠠᠭᠠᠳᠤᠮ ᠰᠤᠶᠤᠯ ᠤᠨ ᠠᠵᠦ ᠦᠢᠯᠡᠰ ᠤᠨ | ᠲᠤᠭᠤᠷᠢᠭ ᠲᠤ ᠲᠤᠬᠯᠠᠯᠲᠡ ᠦᠵᠡᠭᠦᠯᠭᠡ ᠵᠢᠴᠢ ᠮᠤᠷᠢᠨ ᠤ ᠭᠡᠲᠦᠨ ᠲᠦᠷᠦᠯ ᠤᠨ ᠲᠤᠭᠤᠷᠢᠭ ᠤᠷᠤᠯᠳᠤᠭᠠᠨ | ᠠᠮᠵᠢᠯᠲᠡ ᠲᠡᠭᠦᠯᠲᠡᠷ ᠶᠠᠪᠤᠬᠳᠠᠭᠰᠡᠨ ᠠᠴᠠ ᠭᠠᠳᠠᠨᠡ᠂ ᠭᠤᠪᠢ ᠮᠠᠰᠢᠨ ᠲᠡᠷᠭᠡᠨ ᠤ ᠬᠡᠬᠡᠷᠡᠯᠡᠨ ᠲᠠᠪᠬᠢᠬᠤ | ᠤᠷᠤᠯᠳᠤᠭᠠᠨ ᠡᠬᠢᠯᠡᠵᠦ ᠶᠠᠪᠤᠬᠳᠠᠭᠰᠡᠨ ᠨᠢ ᠬᠤᠯᠠ ᠤᠶᠢᠷᠡ ᠠᠴᠠ ᠬᠦᠷᠦᠯᠴᠠᠨ ᠢᠷᠡᠭᠰᠡᠨ ᠬᠡᠶᠢᠴᠢᠳ ᠵᠤᠴᠢᠳ ᠤᠨ | ᠪᠠᠬᠠ ᠶᠢ ᠲᠠᠳᠠᠭᠰᠡᠨ ᠪᠠᠶᠢᠨᠡ᠃ | ᠲᠤᠰ ᠤᠳᠠᠭᠠᠨ ᠤ ᠭᠤᠪᠢ ᠮᠠᠰᠢᠨ ᠲᠡᠷᠭᠡᠨ ᠤ ᠬᠡᠬᠡᠷᠡᠯᠡᠨ ᠲᠠᠪᠬᠢᠬᠤ ᠤᠷᠤᠯᠳᠤᠭᠠᠨ ᠳᠤ ᠦᠪᠦᠷ ᠮᠤᠩᠭᠤᠯ | ᠤᠷᠤᠨ ᠤ ᠡᠯᠡ ᠠᠶᠢᠮᠠᠭ ᠬᠤᠲᠡ ᠠᠴᠠ ᠭᠠᠳᠠᠨᠡ᠂ ᠱᠠᠨᠳᠦ᠋ᠩ᠂ ᠾᠧᠪᠧᠢ ᠵᠡᠷᠭᠡ ᠭᠠᠳᠠᠨᠡ ᠮᠤᠵᠢ ᠬᠤᠲᠡ ᠶᠢᠨ | ᠵᠠᠭᠤᠭᠠᠳ ᠮᠠᠰᠢᠨ ᠲᠡᠷᠭᠡ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠵᠦ᠂ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠦᠷᠭᠡᠨ | ᠠᠭᠤᠳᠠᠮ ᠲᠡᠯᠡ ᠨᠤᠳᠤᠭ ᠲᠤ ᠪᠤᠯᠵᠤᠵᠦ᠂ ᠮᠡᠷᠭᠡᠵᠢᠯ ᠤᠨ ᠲᠤᠭᠤᠶᠢᠯᠠᠩ ᠪᠡ ᠮᠡᠷᠭᠡᠵᠢᠯ ᠤᠨ ᠪᠤᠰᠤ ᠲᠤᠭᠤᠶᠢᠯᠠᠩ᠂ | ᠲᠠᠯᠠᠪᠠᠢ ᠶᠢᠨ ᠤᠷᠤᠯᠳᠤᠭᠠᠨ ᠬᠢᠭᠡᠳ ᠬᠡᠬᠡᠷᠡᠯᠡᠨ ᠲᠠᠪᠬᠢᠬᠤ ᠤᠷᠤᠯᠳᠤᠭᠠᠨ ᠭᠡᠵᠦ ᠬᠤᠶᠠᠷ ᠲᠦᠷᠦᠯ ᠵᠦᠢᠯ ᠬᠤᠪᠢᠶᠠᠨ | ᠶᠠᠪᠤᠬᠳᠠᠭᠤᠯᠤᠭᠰᠡᠨ ᠪᠠᠶᠢᠨᠡ᠃ 7 ᠰᠡᠷᠡ ᠶᠢᠨ 22 ᠤ ᠡᠳᠤᠷ ᠲᠠᠯᠠᠪᠠᠢ ᠶᠢᠨ ᠤᠷᠤᠯᠳᠤᠭᠠᠨ ᠨᠢ ᠡᠬᠢᠯᠡᠨ | ᠶᠠᠪᠤᠬᠳᠠᠵᠦ᠂ 7 ᠰᠡᠷᠡ ᠶᠢᠨ 23 ᠤ ᠡᠳᠤᠷ ᠪᠠᠶ᠋ᠬᠠᠤᠪᠤᠭᠠ ᠰᠤᠮᠤᠨ ᠠᠴᠠ ᠪᠠᠳᠤᠬᠠᠭᠠᠯᠭᠠ ᠶᠢᠨ ᠬᠤᠶᠢᠲᠦ ᠭᠤᠤᠯ | ᠬᠦᠷᠬᠦ 115 ᠺᠢᠯᠤᠮᠧᠲᠷ ᠤᠨ ᠬᠡᠬᠡᠷᠡᠯᠡᠨ ᠲᠠᠪᠬᠢᠬᠤ ᠤᠷᠤᠯᠳᠤᠭᠠᠨ ᠶᠠᠪᠤᠬᠳᠠᠬᠤ ᠪᠤᠯᠤᠨᠡ᠃ | ᠤᠷᠤᠯᠳᠤᠭᠠᠨ ᠤ ᠲᠠᠯᠠᠪᠠᠢ ᠳᠤ ᠴᠤᠬᠯᠠᠷᠠᠭᠰᠡᠨ ᠡᠯᠡ ᠭᠠᠵᠠᠷ ᠤᠷᠤᠨ ᠤ ᠮᠠᠰᠢᠨ ᠲᠡᠷᠭᠡᠨ ᠤ ᠺᠯᠦ᠋ᠪ ᠤᠨ | ᠲᠤᠰᠬᠠᠢ ᠮᠡᠷᠭᠡᠵᠢᠯ ᠳᠤ ᠵᠤᠷᠢᠭᠤᠯᠵᠦ ᠰᠤᠳᠤᠯᠤᠨ ᠰᠢᠨᠡᠴᠢᠯᠡᠭᠰᠡᠨ ᠮᠠᠰᠢᠨ ᠲᠡᠷᠭᠡ ᠨᠦᠭᠦᠳ ᠬᠤᠷᠠᠬᠰᠡᠨ ᠤᠯᠠᠨ ᠤ | ᠬᠠᠷᠠᠭᠠ ᠶᠢ ᠪᠤᠯᠢᠶᠠᠨ ᠰᠡᠳᠬᠢᠯ ᠢ ᠲᠡᠳᠠᠨᠡ᠃ ᠲᠤᠰ ᠤᠳᠠᠭᠠᠨ ᠤ ᠮᠠᠰᠢᠨ ᠲᠡᠷᠭᠡᠨ ᠤ ᠤᠷᠤᠯᠳᠤᠭᠠᠨ ᠨᠢ ᠬᠦᠷᠢᠶᠡ | ᠬᠡᠪᠴᠢᠶᠡ ᠦᠷᠭᠡᠨ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠦᠨᠳᠦᠷ᠂ ᠤᠷᠤᠯᠴᠠᠭᠰᠡᠨ ᠲᠠᠮᠢᠷᠴᠢᠳ ᠠᠷᠪᠢᠨ᠂ ᠵᠠᠮ ᠱᠤᠭᠤᠮ ᠭᠤᠪᠢ | ᠲᠡᠯᠡ ᠨᠤᠳᠤᠭ ᠢ ᠰᠤᠨᠳᠠᠯᠠᠭᠰᠡᠨ ᠪᠠᠶᠠᠯᠢᠭ ᠠᠭᠤᠯᠭᠠ ᠲᠠᠢ ᠰᠠᠶᠢᠬᠠᠨ ᠨᠠᠭᠠᠳᠤᠮ ᠪᠤᠯᠤᠭᠰᠡᠨ ᠪᠠᠶᠢᠨᠡ᠃ | ᠭᠤᠪᠢ ᠮᠠᠰᠢᠨ ᠲᠡᠷᠭᠡᠨ ᠤ ᠬᠡᠬᠡᠷᠡᠯᠡᠨ ᠲᠠᠪᠬᠢᠬᠤ ᠤᠷᠤᠯᠳᠤᠭᠠᠨ ᠨᠢ ᠮᠠᠰᠢᠨ ᠲᠡᠷᠭᠡᠨ ᠤ ᠲᠠᠮᠢᠷᠴᠢᠳ ᠲᠤ | ᠨᠢᠭᠡ ᠤᠳᠠᠭᠠᠨ ᠤ ᠬᠦᠴᠦ ᠴᠢᠳᠠᠯ ᠢᠶᠠᠨ ᠰᠤᠷᠢᠬᠤ ᠰᠠᠶᠢᠬᠠᠨ ᠲᠠᠪᠴᠠᠩ ᠢ ᠬᠠᠩᠭᠠᠵᠦ ᠦᠭᠭᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ ᠮᠠᠰᠢᠨ ᠲᠡᠷᠭᠡᠨ ᠤ ᠤᠷᠤᠯᠳᠤᠭᠠᠨ ᠢᠶᠠᠷ ᠲᠠᠮᠵᠢᠨ ᠦᠵᠡᠰᠭᠦᠯᠡᠩᠲᠦ ᠰᠠᠶᠢᠬᠠᠨ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠢᠶᠠᠨ | ᠭᠠᠳᠠᠭᠰᠢ ᠲᠠᠨᠢᠯᠴᠠᠭᠤᠯᠤᠨ ᠤᠬᠠᠭᠤᠯᠵᠦ᠂ ᠦᠩ ᠦᠷᠭᠡᠨ ᠦᠯᠵᠠᠶᠢᠲᠦ ᠰᠠᠶᠢᠬᠠᠨ ᠨᠤᠳᠤᠭ ᠤᠰᠤ ᠪᠠᠨ ᠤᠯᠠᠮ ᠨᠢᠭᠡ | ᠠᠯᠬᠤᠮ ᠭᠠᠳᠠᠭᠰᠢ ᠮᠡᠲᠡᠷᠡᠭᠦᠯᠵᠠᠢ᠃ | | | | | | | | | | | | | | | | | | | | | | | | | | | | | | | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠽᠠᠨᠳᠠᠨᠮᠦ᠋ᠴᠢᠷ᠂ ᠬᠦᠢᠴᠡᠳᠭᠡᠭᠴᠢ | ᠬᠢᠨᠠᠬᠴᠢ᠄ ᠭᠠᠯᠪᠠᠳᠠᠷᠠᠬᠤ᠂ ᠶᠡᠷᠦᠩᠭᠡᠢ ᠬᠢᠨᠠᠬᠴᠢ᠄ ᠵᠠᠩ ᠭᠦᠢ ᠵᠧᠨ | ︽ᠪᠠᠭᠠᠳᠤᠷᠯᠢᠭ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ︾ ᠵᠢᠷᠬᠢᠶᠡ ᠠᠴᠠ ᠪᠠᠭᠤᠯᠭᠠᠪᠡ | |