| ᠪᠤᠷᠵᠢᠬᠢᠨ ᠪᠠᠶᠠᠨᠳᠦ᠋ᠭᠦᠷᠡᠩ | | ᠡᠪᠦᠭᠡᠳ ᠤᠨ ᠦᠭᠡᠷ ᠲᠡᠷᠭᠡ ᠨᠤᠳᠤᠭ ᠤᠨ ᠵᠤᠭᠤᠭ ᠲᠠᠢ ᠬᠠᠮᠲᠦ | ᠰᠠᠵᠢᠯᠠᠨ ᠰᠠᠵᠢᠯᠠᠬᠰᠠᠭᠠᠷ ᠲᠡᠦᠭᠡ ᠪᠤᠯᠵᠦ ᠲᠤᠷᠠᠶᠢᠨᠡ | ᠠᠪᠤ ᠶᠢᠨ ᠠᠶᠠᠨ ᠤ ᠲᠦᠷᠦᠭᠡ ᠬᠠᠩᠭᠢᠨᠠᠭᠤᠯᠤᠬᠰᠡᠨ | ᠠᠬᠲᠡ ᠶᠢᠨ ᠰᠢᠨᠳᠠᠰᠦ᠂ ᠠᠪᠡ ᠶᠢᠨ ᠫᠤᠤ ᠲᠠᠢ ᠪᠠᠨ ᠬᠠᠮᠲᠦ | ᠤᠵᠤᠭᠤᠷ ᠪᠤᠯᠵᠦ ᠲᠡᠯᠭᠡᠭᠲᠡᠨᠡ | ᠠᠢ᠂ ᠡᠨᠡ ᠪᠦᠬᠦᠨ ᠪᠦᠷ ᠦᠯᠢᠭᠡᠷ ᠤᠨ ᠬᠢ ᠰᠢᠭ | ᠪᠠᠭᠠ ᠶᠢᠨ ᠪᠠᠭᠠ ᠳᠠᠭᠠᠨ ᠪᠢ | ᠡᠪᠦᠭᠡ ᠶᠢᠨ ᠲᠠᠮᠤᠭᠰᠡᠨ ᠳᠡᠭᠡᠰᠦ ᠶᠢ | ᠠᠯᠳᠠᠨ ᠰᠤᠷ ᠰᠢᠭ᠋ ᠠᠨᠳᠠᠭᠤᠷᠠᠳᠠᠭ ᠪᠠᠶᠢᠬᠰᠡᠨ | ᠲᠡᠭᠡᠭᠦ ᠳᠡᠭᠡᠨ᠂ ᠲᠡᠷᠡ ᠲᠡᠭᠡᠰᠦᠨ ᠤ ᠬᠢᠨᠢ ᠤᠯᠠᠨ ᠠᠷᠪᠢᠨ ᠦᠯᠢᠭᠡᠷ ᠢ | ᠡᠮᠡᠭᠡ ᠶᠢᠨ ᠢᠶᠠᠨ ᠡᠪᠦᠳᠦᠭ ᠲᠡᠭᠡᠷᠡ ᠠᠴᠠ | ᠰᠤᠷᠠᠬᠯᠠᠳᠠᠭ ᠪᠠᠶᠢᠬᠰᠡᠨ ᠮᠢᠨᠢ ᠴᠦ ᠦᠨᠡᠨᠲᠠᠢ | ᠠᠢ᠂ ᠡᠨᠡ ᠪᠦᠬᠦᠨ ᠪᠦᠷ ᠲᠤᠮᠤᠭ ᠤᠨ ᠬᠢ ᠰᠢᠭ᠋ | ᠡᠵᠢ ᠶᠢᠨ ᠮᠢᠨᠢ ᠲᠦᠷᠭᠦᠮ ᠢᠶᠠᠨ ᠰᠠᠨᠠᠬᠤ ᠪᠦᠷᠢ | ᠰᠠᠷᠠᠪᠴᠢᠯᠠᠨ ᠰᠠᠷᠠᠪᠴᠢᠯᠠᠨ ᠪᠠᠷᠠᠯᠠᠳᠠᠭ | ᠮᠦᠷᠦᠭᠡᠳᠤᠯ ᠤᠨ ᠭᠠᠭᠴᠠ ᠵᠦᠷᠢᠭ᠂ ᠮᠦᠩᠭᠦᠨ ᠰᠠᠷᠡᠨ ᠤ ᠲᠤᠤᠷᠡ | ᠮᠦᠷᠦᠭᠡᠳᠤᠯ ᠤᠨ ᠬᠦᠪᠦᠷᠢᠳᠦᠭᠰᠡᠨ ᠠᠶᠠᠯᠭᠤ ᠶᠤᠮ ᠪᠠᠶᠢᠵᠠᠢ | ᠠᠬᠠ ᠶᠢᠨ ᠮᠢᠨᠢ ᠬᠢᠴᠢᠶᠠᠯ ᠤᠨ ᠲᠠᠩᠬᠢᠮ ᠠᠴᠠ | ᠬᠦᠲᠡᠯᠮᠦᠷᠢ ᠵᠦᠭ ᠬᠦᠶᠦᠭᠰᠡᠨ | ᠠᠮᠢᠳᠤᠷᠡᠯ ᠤᠨ ᠬᠠᠳᠠᠭᠤ ᠵᠢᠷᠤᠬᠯᠠᠯ | ᠮᠠᠯᠴᠢᠨ ᠤᠳᠤᠮ ᠤᠨ ᠢᠶᠠᠨ ᠬᠤᠶᠢᠴᠢ ᠵᠠᠯᠭᠠᠮᠵᠢᠯᠠᠵᠦ | ᠨᠤᠳᠤᠭ ᠰᠠᠬᠢᠬᠰᠡᠨ ᠦᠷᠭᠦᠯᠵᠢᠯᠠᠯ ᠶᠤᠮ ᠪᠠᠶᠢᠵᠠᠢ | ᠡᠭᠡᠴᠢ ᠶᠢᠨ ᠮᠢᠨᠢ ᠪᠢᠴᠢᠭ ᠤᠨ ᠪᠤᠬᠴᠦ ᠪᠠᠨ ᠮᠦᠷᠦᠯᠡᠭᠡᠳ | ᠠᠯᠤᠰ ᠤᠨ ᠠᠯᠤᠰ ᠢ ᠵᠤᠷᠢᠬᠰᠡᠨ ᠬᠦᠰᠡᠯ ᠤᠨ ᠴᠡᠩᠭᠡᠷ ᠬᠠᠷᠭᠤᠢ | ᠬᠦᠷᠬᠦ ᠢᠷᠡᠭᠡᠳᠤᠢ ᠶᠢᠨ ᠲᠤᠷᠭᠠᠨ ᠰᠢᠵᠢᠮ ᠶᠤᠮ ᠪᠠᠶᠢᠵᠠᠢ | ᠮᠦᠨ ᠴᠦ ᠮᠢᠨᠦ᠂ ᠠᠪᠤ ᠶᠢᠨ ᠢᠶᠠᠨ ᠦᠯᠢᠭᠡᠷ ᠢ ᠬᠠᠭᠤᠴᠢᠯᠠᠬᠤ ᠭᠡᠵᠦ | ᠤᠨᠠᠨ ᠲᠤᠰᠤᠨ ᠬᠦᠶᠦᠭᠰᠡᠨ ᠮᠢᠨᠢ ᠠᠮᠢᠳᠤᠷᠡᠯ ᠤᠨ ᠪᠤᠷᠦ ᠲᠤᠷᠠᠰᠤᠮᠵᠢ ᠶᠤᠮ | ᠠᠮᠠᠷᠠᠭ ᠬᠡᠦᠭᠡᠨ ᠤ ᠪᠠᠨ ᠬᠤᠶᠢᠨᠡ ᠠᠴᠠ | ᠲᠤᠷᠠᠰᠤᠨ ᠲᠤᠷᠠᠰᠤᠨ ᠦᠭᠡᠶᠢᠯᠡᠲᠡᠭ | ᠤᠶᠤᠨ ᠤ ᠭᠡᠭᠡᠨ ᠵᠦᠩᠨᠡᠯ ᠮᠢᠨᠢ | ᠤᠷᠤᠯᠳᠤᠵᠦ ᠪᠤᠢ ᠨᠡᠶᠢᠭᠡᠮ ᠤᠨ ᠨᠠᠷᠡᠨ ᠵᠦᠭ ᠤᠨ ᠲᠠᠭᠤᠯᠠᠯ ᠶᠤᠮ | ᠠᠮᠢᠳᠤᠷᠡᠬᠤ ᠶᠢᠨ ᠵᠢᠮᠡ ᠶᠢ | ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠤᠬᠠᠭᠠᠷᠠᠬᠰᠡᠨ | ᠢᠷᠡᠭᠡᠳᠤᠢ ᠶᠢᠨ ᠨᠢᠭᠡᠨ ᠤᠷᠤᠰᠢᠬᠤᠢ ᠮᠢᠨᠢ | ᠨᠡᠭᠦᠲᠡᠯ ᠤᠨ ᠦᠩᠭᠡ ᠨᠢ ᠰᠡᠮᠡᠷᠡᠭᠰᠡᠨ | ᠤᠨ ᠵᠠᠭᠤᠨ ᠤ ᠴᠠᠭᠠᠨᠠᠬᠢ ᠬᠠᠰᠠᠭ ᠤᠨ ᠴᠤᠪᠤᠭᠠ ᠶᠤᠮ | | ᠦᠩᠭᠡᠷᠡᠭᠰᠡᠨ | ᠡᠲᠦᠭᠡ ᠶᠢ ᠰᠢᠭᠦᠮᠵᠢᠯᠡᠬᠦ | ᠬᠦᠮᠦᠨ ᠨᠤᠳᠤᠭ ᠤᠨ ᠮᠢᠨᠢ ᠠᠮᠢᠳᠤᠷᠡᠯ ᠤᠨ ᠲᠤᠯᠢ ᠪᠢᠴᠢᠭ | ᠨᠤᠳᠤᠭ ᠤᠨ ᠰᠢᠷᠡ ᠵᠠᠮ ᠶᠤᠮ᠃ | |