| ᠬᠤᠩᠭᠤᠷ ᠤᠪᠤᠭᠠ ᠪᠤᠯ ᠰᠢᠷᠡᠮᠦ᠋ᠷᠡᠨ ᠪᠠᠯᠭᠠᠰᠤᠨ ᠠᠴᠠ ᠬᠤᠶᠢᠰᠢ ᠠᠷᠪᠠᠨ ᠲᠠᠪᠤᠨ ᠭᠠᠵᠠᠷ ᠤᠨ ᠵᠠᠶᠢᠳᠠᠢ | ᠪᠠᠶᠢᠬᠤ ᠲᠡᠯᠡ ᠶᠢᠨ ᠲᠤᠮᠳᠠᠬᠢ ᠦᠨᠳᠦᠷ ᠦᠨᠦᠴᠢᠨ ᠲᠤᠪᠤᠷᠴᠠᠭ ᠤᠨ ᠤᠷᠤᠢ ᠲᠡᠭᠡᠷᠡ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ | ᠲᠡᠭᠡᠭᠰᠢ 1669 ᠮᠧᠲᠷ ᠦᠨᠳᠦᠷ ᠲᠤ ᠪᠠᠶᠢᠷᠢᠰᠢᠵᠦ ᠪᠤᠢ᠃ | ᠡᠨᠡ ᠤᠪᠤᠭᠠ ᠪᠤᠯ ᠡᠷᠬᠢᠨ ᠲᠤᠭᠤᠷᠢᠨ ᠨᠠᠯᠦᠶᠢᠭᠰᠡᠨ ᠲᠡᠯᠡ ᠭᠠᠵᠠᠷ ᠤᠨ ᠲᠤᠮᠳᠠᠬᠢ ᠦᠨᠳᠦᠷᠯᠢᠭ ᠲᠤ | ᠪᠠᠶᠢᠷᠢᠰᠢᠳᠠᠭ ᠤᠴᠢᠷ ᠠᠴᠠ᠂ ᠡᠷᠲᠡ ᠲᠤ ᠪᠠᠨ ᠰᠢᠷᠠᠮᠦ᠋ᠷᠡᠨ ᠤ ᠮᠠᠯᠴᠢᠳ ᠠᠳᠤᠭᠤ ᠮᠠᠯ ᠤᠨ ᠪᠡᠯᠴᠢᠭᠡᠷ ᠢᠶᠠᠷ ᠡᠨᠡ | ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠠᠭᠤᠯᠵᠠᠵᠦ᠂ ᠮᠠᠯ ᠤᠨ ᠢᠶᠠᠨ ᠪᠠᠷᠡ ᠶᠢ ᠬᠠᠷᠠᠵᠦ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠡ ᠢᠨᠠᠭ | ᠬᠠᠶᠢᠷᠡ ᠪᠠᠨ ᠶᠠᠷᠢᠯᠴᠠᠳᠠᠭ ᠴᠤᠷ ᠤᠨ ᠭᠠᠭᠴᠡ ᠲᠤᠬᠢᠷᠠᠮᠵᠢᠲᠠᠢ ᠤᠷᠤᠨ ᠪᠤᠯᠤᠭᠰᠡᠨ ᠠᠴᠠ᠂ ᠬᠦᠮᠦᠰ ᠭᠠᠷᠬᠤ | ᠪᠤᠯᠭᠠᠨ ᠴᠢᠯᠠᠭᠤ ᠠᠪᠴᠦ ᠭᠠᠷᠤᠨ ᠤᠪᠤᠭᠠᠯᠠᠬᠰᠠᠭᠠᠷ ᠪᠠᠶᠢᠭᠠᠳ ᠨᠠᠯᠢᠶᠠᠳ ᠪᠦᠳᠦᠭᠦᠨ ᠤᠪᠤᠭᠠ ᠪᠤᠯᠵᠠᠢ᠃ ᠨᠡᠩ ᠴᠦ | ᠲᠡᠷᠡ ᠦᠶᠡ ᠶᠢᠨ ᠵᠠᠯᠠᠭᠤᠴᠤᠳ ᠴᠡᠷᠢᠭ ᠲᠤ ᠲᠠᠳᠠᠬᠳᠠᠵᠦ ᠶᠠᠪᠤᠬᠤ ᠠᠴᠠ ᠪᠠᠨ ᠡᠮᠦᠨᠡ ᠡᠨᠡ ᠠᠭᠤᠯᠠᠨ ᠲᠡᠭᠡᠷᠡ | ᠭᠠᠷᠴᠦ ᠢᠨᠠᠭ ᠬᠤᠩᠭᠤᠷ ᠲᠠᠢ ᠪᠠᠨ ᠰᠠᠯᠬᠤ ᠶᠢᠨ ᠵᠤᠪᠠᠯᠠᠩ ᠢᠶᠠᠨ ᠲᠤᠭᠠᠴᠢᠨ᠂ ᠤᠪᠤᠭᠠᠨ ᠤ ᠰᠠᠬᠢᠭᠤᠯᠰᠤᠨ ᠳᠤ | ᠲᠠᠭᠠᠳᠬᠠᠵᠦ ᠮᠤᠷᠳᠠᠬᠤ ᠪᠡ ᠴᠡᠷᠢᠭ ᠲᠤ ᠶᠠᠪᠤᠬᠰᠡᠳ ᠤᠨ ᠭᠡᠷ ᠲᠤ ᠪᠠᠨ ᠬᠤᠴᠤᠷᠤᠭᠰᠡᠨ ᠢᠨᠠᠭ ᠬᠤᠩᠭᠤᠷ ᠨᠢ | ᠬᠡᠵᠢᠶᠡᠲᠡ ᠮᠠᠯ ᠢᠶᠠᠷ ᠢᠶᠠᠨ ᠠᠲᠡ ᠢᠷᠡᠵᠦ ᠠᠯᠤᠰ ᠤᠨ ᠪᠡᠷᠡ ᠶᠢ ᠰᠢᠷᠲᠡᠨ᠂ ᠬᠠᠨᠢ ᠨᠦᠬᠦᠷ ᠤᠨ ᠢᠶᠠᠨ ᠰᠠᠶᠢᠨ | ᠰᠠᠶᠢᠬᠠᠨ ᠶᠠᠪᠤᠵᠦ ᠢᠷᠡᠬᠦ ᠶᠢ ᠤᠪᠤᠭᠠᠨ ᠳᠤ ᠪᠠᠨ ᠲᠠᠭᠠᠳᠬᠠᠨ ᠵᠠᠯᠪᠠᠷᠢᠳᠠᠭ ᠠᠴᠠ ᠨᠤᠳᠤᠭ ᠤᠨ ᠬᠢᠨ ᠬᠤᠩᠭᠤᠷ | ᠤᠪᠤᠭᠠ ᠭᠡᠮᠡᠨ ᠨᠠᠨᠳᠢᠩᠨᠠᠨ ᠲᠠᠭᠤᠳᠠᠳᠠᠭ ᠪᠤᠯᠤᠭᠰᠡᠨ ᠶᠤᠮ᠃ ᠴᠡᠷᠢᠭ ᠤᠨ ᠤᠪᠤᠭᠠ ᠭᠡᠵᠦ ᠴᠡᠷᠢᠭ ᠤᠨ ᠬᠦᠮᠦᠨ | ᠵᠠᠯᠪᠠᠷᠢᠵᠦ ᠰᠢᠲᠦᠭᠦ ᠠᠴᠠ ᠪᠢᠰᠢ᠂ ᠲᠤᠰᠬᠠᠢ ᠲᠠᠬᠢᠯᠭᠠ ᠲᠠᠢ ᠤᠪᠤᠭᠠ ᠪᠢᠰᠢ ᠶᠤᠮ᠃ ᠬᠠᠷᠢᠨ ᠶᠠᠪᠤᠭᠠᠨ ᠳᠤ ᠪᠠᠨ | ᠶᠠᠩᠵᠦ ᠪᠦᠷᠢ ᠶᠢᠨ ᠤᠳᠬᠠ ᠠᠭᠤᠯᠭᠠ ᠨᠡᠮᠡᠭᠲᠡᠨ ᠶᠠᠩᠵᠦ ᠶᠠᠩᠵᠦ ᠪᠠᠷ ᠲᠠᠬᠢᠵᠦ᠂ ᠵᠤᠭᠠᠴᠠᠯ ᠤᠨ ᠨᠢᠭᠡᠨ ᠠᠯᠳᠠᠷᠲᠠᠢ | ᠬᠢᠯᠡᠰ ᠴᠢᠭ ᠪᠤᠯᠤᠨ ᠬᠦᠮᠦᠨ ᠤ ᠠᠨᠢᠷ᠂ ᠬᠦᠯ ᠤᠨ ᠴᠢᠮᠡᠭᠡ ᠡᠳᠤᠷ ᠰᠦᠨᠢ ᠦᠭᠡᠢ ᠦᠷᠭᠦᠯᠵᠢᠯᠠᠬᠦ ᠲᠠᠪᠴᠠᠩ ᠪᠤᠯᠵᠠᠢ᠃ | | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠽᠠᠨᠳᠠᠨᠮᠦ᠋ᠴᠢᠷ | ᠬᠦᠢᠴᠡᠳᠭᠡᠭᠴᠢ ᠬᠢᠨᠠᠬᠴᠢ᠄ ᠸᠠᠩ ᠸᠧᠨ ᠶᠢᠩ | ᠬᠢᠨᠠᠬᠴᠢ᠄ ᠵᠠᠩ ᠬᠦᠢ ᠵᠧᠨ | ︽ᠪᠠᠭᠠᠳᠤᠷᠯᠢᠭ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ︾ ᠵᠢᠷᠬᠢᠶᠡ ᠠᠴᠠ ᠪᠠᠭᠤᠯᠭᠠᠪᠡ | |