| ᠰᠦᠨ ᠪᠤᠤ ᠵᠦ | | ᠨᠠᠷᠡᠨ ᠤ ᠲᠤᠶᠠᠭᠠ ᠰᠠᠷᠠᠨ ᠤ ᠭᠡᠷᠡᠯ ᠢᠶᠠᠷ ᠡᠬᠡ ᠶᠢᠨ ᠬᠠᠶᠢᠷᠠ ᠶᠢ ᠲᠠᠭᠤᠯᠠᠭᠰᠠᠨ ᠨᠢ | ᠨᠠᠭᠠᠳᠤ ᠶᠢᠷᠳᠢᠨᠴᠦ ᠶᠢᠨ ᠭᠤᠸᠠ ᠰᠠᠶᠢᠠᠬᠨ ᠳᠤ ᠰᠦ ᠪᠤᠯᠤᠭᠰᠠᠨ ᠰᠢᠳᠢ ᠲᠠᠢ ᠳᠤ ᠨᠢ ᠶᠤᠮ | ᠨᠠᠪᠴᠢᠨ ᠤ ᠨᠤᠭᠤᠭᠠᠨ ᠲᠠᠯᠠᠢ ᠶᠢᠨ ᠲᠠᠪᠠᠯᠭᠠᠨ ᠢᠶᠠᠷ ᠡᠬᠡ ᠶᠢᠨ ᠬᠠᠶᠢᠷᠠ ᠶᠢ ᠰᠢᠯᠦᠭᠯᠡᠭᠰᠡᠨ ᠨᠢ | ᠨᠠᠷᠮᠠᠢ ᠬᠠᠶᠢᠷᠠ ᠶᠢᠨ ᠭᠦᠨ ᠦᠨᠳᠦᠰᠦᠨ ᠳᠤ ᠮᠡᠯᠮᠡᠢ ᠪᠤᠯᠤᠭᠰᠠᠨ ᠭᠡᠷᠡᠯ ᠲᠠᠢ ᠳᠤ ᠨᠢ ᠶᠤᠮ | | ᠠᠪᠤᠷᠭᠤ ᠠᠯᠳᠠᠢ ᠶᠢᠨ ᠵᠦᠭᠡᠯᠡᠨ ᠴᠢᠯᠠᠭᠤ ᠡᠬᠡ ᠶᠢᠨ ᠬᠠᠶᠢᠷᠠ ᠳᠤ ᠦᠨᠳᠡᠯᠵᠡᠨ | ᠠᠯᠳᠠᠨ ᠬᠢᠩᠭᠠᠨ ᠤ ᠨᠤᠮᠢᠨ ᠱᠤᠤᠭᠢᠶᠠ ᠡᠬᠡ ᠶᠢᠨ ᠬᠠᠶᠢᠷᠠ ᠳᠤ ᠲᠤᠯᠭᠢᠶᠠᠯᠠᠬᠤ ᠶᠤᠮ | ᠤᠨᠠᠭᠰᠠᠨ ᠨᠤᠳᠤᠭ ᠤᠨ ᠤᠭᠤᠴᠢ ᠤᠰᠤ ᠡᠬᠡ ᠶᠢᠨ ᠰᠡᠳᠭᠢᠯ ᠢᠶᠠᠷ ᠤᠨᠳᠤᠷᠤᠨ | ᠤᠭᠢᠶᠠᠭᠰᠠᠨ ᠤᠰᠤᠨ ᠤ ᠬᠠᠯᠠᠭᠤᠨ ᠡᠭᠡᠯᠢ ᠡᠬᠡ ᠶᠢᠨ ᠠᠯᠠᠭᠠᠨ ᠳᠤ ᠭᠢᠯᠠᠯᠵᠠᠬᠤ ᠶᠤᠮ | | ᠬᠠᠪᠤᠷ ᠤᠨ ᠰᠠᠯᠬᠢᠨ ᠤ ᠤᠷᠢᠬᠠᠨ ᠠᠮᠢᠰᠬᠤᠯ ᠡᠬᠡ ᠶᠢᠨ ᠵᠠᠶᠠᠭᠠ ᠶᠢ ᠰᠠᠨᠠᠭᠤᠯᠵᠤ | ᠬᠠᠭᠳᠠ ᠡᠪᠡᠰᠦᠨ ᠤ ᠨᠠᠯᠠᠷᠬᠠᠢ ᠨᠠᠮᠠᠭᠠ ᠰᠦᠬᠦᠷᠡᠨ ᠰᠦᠭᠦᠳᠴᠦ ᠪᠤᠰᠬᠤ ᠶᠤᠮ | ᠵᠤᠨ ᠤ ᠨᠠᠷᠠᠨ ᠤ ᠢᠯᠴᠢ ᠬᠡᠷᠡᠯ ᠡᠬᠡ ᠶᠢᠨ ᠰᠤᠷᠭᠠᠯ ᠢ ᠰᠠᠨᠠᠭᠤᠯᠵᠤ | ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠪᠤᠷᠤᠭᠠᠨ ᠨᠢ ᠴᠦ ᠵᠦᠰᠡᠷᠡᠩᠬᠡᠨ ᠪᠠᠶᠢᠵᠦ ᠡᠷᠬᠡᠯᠡᠬᠦ ᠶᠤᠮ | | ᠬᠦᠬᠡᠷᠦᠬᠦᠨ ᠤᠨᠠᠭᠠ ᠡᠬᠡ ᠶᠢᠨ ᠰᠡᠭᠦᠳᠡᠷ ᠲᠡᠭᠡᠨ ᠲᠤᠩᠭᠤᠴᠢᠨ ᠬᠤᠷᠭᠤᠳᠠᠬᠤ ᠳᠤ | ᠬᠠᠨ ᠲᠡᠯᠡᠬᠡᠢ ᠡᠩᠭᠡᠷ ᠢᠶᠠᠨ ᠢᠷᠡᠵᠦ ᠤᠶᠠᠬᠠᠨ ᠠᠯᠢᠶᠠᠷᠬᠠᠯ ᠢ ᠨᠢ ᠲᠤᠰᠬᠤ ᠶᠤᠮ | ᠬᠠᠶᠢᠷᠠᠬᠠᠨ ᠲᠡᠮᠡᠭᠡᠨ ᠤ ᠬᠠᠯᠠᠭᠤᠨ ᠰᠦᠨ ᠠᠴᠠ ᠨᠤᠭᠤᠭᠠᠨ ᠤ ᠰᠢᠮᠡ ᠡᠷᠴᠢᠬᠦ ᠳᠤ | ᠬᠦᠬᠡ ᠲᠡᠭᠷᠢ ᠶᠢᠨ ᠠᠭᠤᠳᠠᠮ ᠰᠠᠨᠠᠭᠠ ᠮᠡᠴᠢᠳ ᠢᠶᠠᠨ ᠲᠡᠪᠡᠷᠢᠨ ᠲᠠᠭᠠᠰᠢᠶᠠᠬᠤ ᠶᠤᠮ | | ᠲᠢᠳᠠᠮ ᠰᠢᠳᠦ ᠲᠤᠰᠤᠯ ᠡᠬᠡ ᠶᠢᠨ ᠪᠦᠪᠡᠢ ᠠᠴᠠ ᠪᠤᠶᠢᠵᠢᠵᠦ | ᠲᠡᠯᠭᠡᠷ ᠬᠡᠯᠡᠨ ᠤ ᠬᠠᠶᠢᠷᠠ ᠶᠢᠨ ᠪᠠᠭᠤᠴᠠ ᠳᠤ ᠬᠦᠯ ᠲᠤᠭᠳᠠᠨ ᠶᠠᠪᠤᠳᠠᠭ ᠶᠤᠮ | ᠡᠳᠦᠷ ᠰᠦᠨᠢ ᠦᠦᠷ ᠡᠬᠡ ᠶᠢᠨ ᠠᠯᠠᠭᠠᠨ ᠠᠴᠠ ᠳᠡᠯᠬᠡᠷᠡᠵᠦ | ᠬᠦᠮᠦᠨ ᠵᠤᠨ ᠤ ᠮᠦᠩᠬᠡ ᠶᠢᠨ ᠠᠶᠠᠨ ᠳᠤ ᠬᠠᠶᠢᠷᠠ ᠬᠠᠨᠳᠢᠪᠯᠠᠨ ᠤᠷᠴᠢᠳᠠᠭ ᠶᠤᠮ | | ᠰᠦᠨᠢ ᠶᠢᠨ ᠲᠡᠭᠷᠢ ᠤᠳᠤ ᠪᠠᠨ ᠪᠦᠬᠡᠴᠠᠶᠢᠯᠡᠨ ᠬᠠᠷᠠᠩᠭᠤᠢ ᠶᠢ ᠦᠪᠡᠷ ᠢᠶᠠᠨ ᠠᠪᠬᠤ ᠳᠤ | ᠰᠦᠨ ᠬᠦᠴᠦᠨ ᠳᠤ ᠨᠢ ᠮᠡᠴᠢᠳ ᠭᠢᠯᠠᠯᠵᠠᠵᠤ ᠡᠷᠬᠡ ᠠᠵᠠᠳᠠᠢ ᠵᠢᠷᠭᠠᠬᠤ ᠶᠤᠮ | ᠰᠦᠨᠳᠡᠷ ᠠᠭᠤᠯᠠ ᠤᠷᠭᠢᠯ ᠢᠶᠠᠨ ᠡᠷᠭᠦᠨ ᠬᠦᠵᠦᠭᠦᠦ ᠪᠦᠬᠦ᠋ᠢᠨ ᠲᠡᠳᠭᠦᠬᠦ ᠳᠤ | ᠰᠦᠵᠢᠭ ᠰᠡᠳᠭᠢᠯ ᠳᠤ ᠨᠢ ᠨᠤᠶᠠᠨ ᠤᠷᠭᠢᠯ ᠲᠡᠭᠵᠢᠷᠡᠨ ᠠᠯᠤᠰ ᠢ ᠰᠢᠷᠳᠡᠬᠦ ᠶᠤᠮ | | ᠨᠤᠭᠤᠭᠠᠠ ᠳ᠋ᠠᠷᠠ ᠶᠢᠨ ᠵᠡᠭᠦᠳᠦ ᠬᠦᠰᠡᠯ ᠳᠤ ᠨᠠᠶᠢᠷ ᠤᠨ ᠡᠭᠡᠰᠢᠭ ᠴᠤᠤᠷᠢᠶᠠᠳᠤᠨ | ᠰᠦᠨ ᠲᠠᠯᠠᠢ ᠶᠢᠨ ᠦᠷᠭᠡᠨ ᠤᠷᠤᠰᠬᠠᠯ ᠳᠤ ᠡᠬᠡ ᠶᠢᠨ ᠰᠡᠳᠭᠢᠯ ᠮᠦᠩᠬᠡᠷᠡᠬᠦ ᠶᠤᠮ | ᠡᠶᠡ ᠡᠪ ᠤᠨ ᠲᠤᠷᠭᠠᠨ ᠠᠶᠠᠯᠭᠤ ᠡᠬᠡ ᠶᠢᠨ ᠰᠤᠷᠭᠠᠯ ᠠᠴᠠ ᠬᠦᠪᠦᠷᠡᠨ | ᠡᠷᠳᠡᠮ ᠢᠳᠡᠭᠡᠯ ᠤᠨ ᠦᠯᠡᠮᠵᠢ ᠵᠠᠶᠠᠭᠠ ᠡᠬᠡ ᠶᠢᠨ ᠰᠡᠳᠭᠢᠯ ᠠᠴᠠ ᠠᠮᠢᠯᠠᠬᠤ ᠶᠤᠮ | | ᠪᠦᠮᠪᠦᠷᠭᠡᠨ ᠶᠢᠷᠳᠢᠨᠴᠦ ᠪᠦᠪᠡᠢ ᠶᠢᠨ ᠲᠠᠭᠤᠨ ᠳᠤ ᠡᠰᠡᠨᠢᠯ ᠵᠠᠶᠠᠭᠠ ᠳᠦᠯᠵᠢᠵᠦ | ᠪᠦᠳᠦᠨ ᠰᠠᠨᠠᠭᠠᠨ ᠤ ᠪᠠᠳᠤ ᠵᠠᠶᠠᠭᠠᠨ ᠳᠤ ᠡᠬᠡ ᠶᠢᠨ ᠤᠬᠠᠭᠠᠨ ᠤᠷᠭᠤᠨᠠᠮ | ᠪᠦᠷᠢᠨ ᠪᠢᠯᠢᠭᠳᠦ ᠠᠷᠢᠭᠤᠨ ᠨᠠᠶᠢᠷᠠᠭ ᠲᠤ ᠡᠬᠡ ᠶᠢᠨ ᠵᠡᠭᠦᠳᠦ ᠰᠠᠭᠠᠳᠠᠨ | ᠪᠦᠬᠦᠬᠦ ᠦᠭᠡᠢ ᠭᠠᠯ ᠤᠨ ᠤᠯᠭᠠᠨ ᠲᠦᠯᠦ ᠳᠤ ᠡᠬᠡ ᠶᠢᠨ ᠰᠡᠳᠭᠢᠯ ᠮᠦᠡᠭᠬᠡᠷᠡᠨᠡᠮ᠃ | |