| | | ᠡᠭᠡ ᠤᠯᠤᠰ ᠤᠨ ᠤᠮᠠᠷᠠᠲᠦ ᠬᠢᠵᠠᠭᠠᠷ ᠲᠤ ᠰᠤᠳᠤ ᠪᠤᠯᠤᠨ ᠬᠢᠯᠠᠯᠵᠠᠬᠰᠡᠨ ᠠᠯᠳᠠᠷᠲᠦ ᠪᠠᠳᠤᠬᠠᠭᠠᠯᠭᠠ | ᠰᠦᠮᠡ ᠪᠤᠯ ᠲᠡᠯᠡ ᠨᠤᠳᠤᠭ ᠤᠨ ᠪᠤᠯᠤᠳ ᠬᠤᠲᠡ ᠪᠤᠭᠤᠲᠦ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠨᠡ 156 ᠺᠢᠯᠤᠮᠧᠲᠷ ᠤᠨ | ᠭᠠᠵᠠᠷ ᠲᠤ ᠪᠠᠶᠢᠷᠢᠯᠠᠵᠦ ᠪᠠᠶᠢᠬᠤ ᠨᠢᠭᠡᠨ ᠡᠷᠲᠡᠨ ᠤ ᠰᠦᠮᠡ ᠮᠦᠨ᠂ ᠡᠷᠲᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠲᠤᠰ ᠰᠦᠮᠡ | ᠶᠢ ᠶᠠᠷᠦ ᠨᠢ ᠬᠤᠰᠢᠭᠤᠨ ᠤ ᠪᠡᠶᠢᠯᠡ ᠵᠠᠰᠠᠭ ᠠᠴᠠ ᠡᠷᠬᠢᠯᠡᠨ ᠪᠠᠶᠢᠭᠤᠯᠵᠦ᠂ ᠡᠵᠡᠮᠰᠢᠨ ᠬᠠᠮᠢᠶᠠᠷᠲᠠᠭ ᠪᠠᠶᠢᠭᠰᠡᠨ | ᠤᠴᠢᠷ ᠮᠦᠨ ᠲᠠᠶᠠᠭᠠᠷ ᠢᠶᠠᠨ ︽ᠪᠡᠶᠢᠯᠡ ᠶᠢᠨ ᠰᠦᠮᠡ︾ ᠭᠡᠵᠦ ᠲᠠᠭᠤᠳᠠᠵᠦ ᠵᠠᠩᠰᠢᠵᠠᠢ᠃ ᠡᠩᠭᠡ ᠠᠮᠤᠭᠤᠯᠠᠩ | ᠬᠠᠭᠠᠨ ᠠᠴᠠ ᠰᠤᠶᠤᠷᠬᠠᠭᠰᠡᠨ ᠱᠠᠰᠢᠨ ᠤ ᠨᠡᠷᠡ ᠨᠢ ︽ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ᠶᠤᠮ᠃ ᠬᠠᠭᠠᠨ ᠤ | ᠲᠠᠮᠠᠭᠠ ᠪᠢᠴᠢᠭᠡᠰᠦ ᠲᠠᠢ ᠢᠯᠡᠷᠭᠡᠶᠢᠯᠡᠯ ᠲᠡᠭᠡᠷᠡ ᠮᠠᠨᠵᠦ᠂ ᠮᠤᠩᠭᠤᠯ᠂ ᠲᠦᠪᠡᠳ᠂ ᠬᠢᠲᠡᠳ ᠲᠦᠷᠪᠡᠨ ᠬᠡᠯᠡ ᠪᠠᠷ | ︽ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ︵︽广福寺︾︶ ᠭᠡᠵᠦ ᠪᠢᠴᠢᠵᠠᠢ᠃ | ᠲᠤᠰ ᠰᠦᠮᠡ ᠶᠢ ᠴᠢᠩ ᠤᠯᠤᠰ ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠲᠤᠭᠳᠠᠭᠠᠭᠰᠡᠨ ᠬᠠᠯᠬᠠ | ᠪᠠᠷᠠᠭᠤᠨ ᠭᠠᠷᠤᠨ ᠠᠶᠢᠮᠠᠭ ᠤᠨ ᠠᠩᠬᠠᠳᠤᠭᠴᠢ ᠵᠠᠰᠠᠭ ᠬᠤᠱᠤᠢ ᠴᠢᠨ ᠸᠠᠩ ᠪᠤᠨᠳᠠᠷ ᠤᠨ ᠡᠪᠤᠯᠵᠢᠶᠠᠨ ᠤ ᠤᠷᠤᠨ | ᠪᠠᠶᠢᠭᠰᠡᠨ ︽ᠪᠠᠳᠤᠬᠠᠭᠠᠯᠭᠠ︾ ᠬᠡᠮᠡᠬᠦ ᠭᠠᠵᠠᠷ ᠲᠡᠭᠦᠨ ᠤ ᠬᠦᠪᠡᠭᠦᠨ ᠨᠤᠨᠤᠢ ᠲᠠᠷᠬᠠᠨ ᠴᠢᠨ ᠸᠠᠩ ᠡᠬᠢᠯᠡᠵᠦ | ᠪᠠᠶᠢᠭᠤᠯᠵᠠᠢ᠃ ᠨᠤᠨᠤᠢ ᠴᠢᠨ ᠸᠠᠩ ᠵᠠᠰᠠᠭ ᠪᠠᠷᠢᠵᠦ ᠪᠠᠶᠢᠬᠰᠡᠨ ᠬᠤᠭᠤᠴᠠᠭᠠᠨ ᠳᠤ ᠲᠦᠷᠦ ᠲᠦᠪᠰᠢᠨ᠂ ᠨᠡᠶᠢᠭᠡᠮ | ᠠᠮᠤᠭᠤᠯᠠᠩ᠂ ᠠᠷᠡᠳ ᠢᠷᠭᠡᠳ ᠠᠮᠦᠷ ᠵᠢᠮᠤᠷ ᠠᠵᠦ ᠲᠦᠷᠦᠨ ᠠᠮᠢᠳᠤᠷᠠᠵᠦ ᠪᠠᠶᠢᠬᠰᠡᠨ ᠦᠶᠡ ᠲᠤᠯᠡ ᠲᠡᠷᠡ | ᠪᠤᠳ᠋ᠳ᠋ᠾᠠ ᠶᠢᠨ ᠱᠠᠰᠢᠨ ᠤ ᠰᠢᠳᠤᠯᠭᠡ ᠪᠠᠨ ᠡᠷᠬᠢᠮᠯᠠᠨ᠂ ᠴᠠᠭᠠᠬᠴᠢᠨ ᠮᠤᠭᠠᠢ ᠵᠢᠯ ︵1700 ᠤᠨ︶ ᠳᠤ ᠤᠳᠠᠢ | ᠤᠷᠤᠨ ᠳᠤ ᠮᠦᠷᠭᠦᠯ ᠬᠢᠬᠦ ᠪᠠᠷ ᠤᠴᠢᠭᠠᠳ ᠠᠷᠰᠯᠠᠨ ᠬᠦᠯᠦᠭᠲᠦ ᠮᠠᠨᠽᠤᠰᠢᠷᠢ ᠪᠤᠷᠬᠠᠨ ᠢ ᠰᠢᠲᠦᠭᠡᠨ ᠪᠤᠯᠭᠠᠨ | ᠵᠠᠯᠠᠵᠦ᠂ ︽ᠸᠴᠢᠷ ᠢᠶᠠᠷ ᠤᠭᠳᠤᠯᠤᠭᠴᠢ︾ ︵ᠲᠤᠷᠵᠢᠵᠤᠳᠪᠡ︶ ᠨᠠᠷᠡᠲᠦ ᠶᠡᠭᠡ ᠬᠦᠯᠭᠡᠨ ᠰᠤᠳᠤᠷ ᠢ ᠠᠪᠴᠢᠷᠠᠬᠰᠡᠨ | ᠪᠦᠭᠡᠳ ᠰᠦᠮᠡ ᠰᠤᠪᠤᠷᠭᠠ ᠴᠤᠬᠴᠠᠯᠠᠬᠤ ᠪᠡᠯᠡᠳᠭᠡᠯ ᠠᠵᠢᠯ ᠢᠶᠠᠨ ᠡᠬᠢᠯᠡᠵᠡᠢ᠃ ᠲᠤᠯᠤᠨ ᠨᠠᠭᠤᠷ ᠤᠨ ᠰᠦᠮᠡ ᠶᠢᠨ | ᠭᠠᠨᠵᠤᠤᠷ ᠬᠡᠬᠡᠨ ᠢ ᠵᠠᠯᠠᠵᠦ᠂ ᠰᠦᠮᠡ ᠪᠠᠶᠢᠭᠤᠯᠬᠤ ᠭᠠᠵᠠᠷ ᠤᠷᠤᠨ ᠤ ᠲᠤᠬᠠᠢ ᠠᠪᠤᠷᠡᠯ ᠰᠤᠨᠳᠠᠭ ᠡᠷᠢᠵᠦ᠂ ᠰᠢᠨᠵᠢᠨ | ᠰᠤᠳᠤᠯᠤᠭᠤᠯᠤᠭᠠᠳ᠂ ᠬᠦᠬᠡᠬᠤᠲᠡ ᠶᠢᠨ ᠰᠢᠷᠡᠭᠡᠲᠦ ᠵᠤᠤ ᠶᠢᠨ ᠲᠦᠷᠪᠠᠳᠣᠭᠡᠷ ᠲᠦᠷᠢ ᠶᠢᠨ ᠬᠡᠬᠡᠨ ᠠᠬᠸᠠᠩᠷᠠᠪᠳᠠᠨ ᠢ | ᠵᠠᠯᠠᠵᠦ᠂ ᠰᠦᠮᠡ ᠶᠢᠨ ᠶᠠᠩᠵᠦ ᠬᠡᠯᠪᠡᠷᠢ᠂ ᠬᠦᠷᠢᠶᠡ ᠬᠡᠪᠴᠢᠶᠡ ᠵᠡᠷᠭᠡ ᠪᠤᠳᠠᠲᠦ ᠲᠦᠯᠦᠪᠯᠡᠭᠡ ᠶᠢ ᠭᠠᠷᠭᠠᠯᠭᠠᠨ ᠬᠠᠭᠠᠨ | ᠤ ᠰᠤᠶᠤᠷᠬᠠᠯ ᠢ ᠤᠯᠤᠭᠰᠡᠨ ᠤ ᠲᠠᠷᠠᠭᠠ᠂ 1701 ᠤᠨ ︵ᠬᠠᠷᠡ ᠮᠤᠷᠢᠨ ᠵᠢᠯ︶ ᠠᠴᠠ ᠡᠬᠢᠯᠡᠨ ᠮᠤᠳᠤ ᠴᠢᠯᠠᠭᠤ | ᠵᠦᠭᠡᠭᠡᠪᠦᠷᠢᠯᠡᠨ᠂ ᠮᠤᠳᠤᠴᠢᠨ᠂ ᠤᠷᠠᠴᠢᠨ ᠵᠠᠯᠠᠵᠦ ᠪᠠᠷᠢᠯᠭᠠ ᠪᠠᠨ ᠡᠬᠢᠯᠡᠪᠡ᠃ 1704 ᠤᠨ ︵ᠬᠦᠭᠡᠭᠴᠢᠨ ᠲᠠᠬᠢᠶᠡ | ᠵᠢᠯ︶ ᠬᠦᠷᠲᠡᠯᠡ ᠭᠤᠷᠪᠠᠨ ᠵᠢᠯ ᠤᠨ ᠭᠠᠳᠠᠨᠡ ᠬᠤᠶᠠᠷ ᠰᠡᠷᠡ ᠶᠢᠨ ᠬᠤᠭᠤᠴᠠᠭᠠ ᠬᠡᠷᠡᠭᠯᠡᠭᠡᠳ ᠤᠳᠤ ᠶᠢᠨ ᠴᠤᠬᠴᠢᠨ | ᠲᠤᠭᠠᠩ ᠢᠶᠠᠨ ᠪᠠᠶᠢᠭᠤᠯᠵᠦ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠡ᠃ ᠢᠩᠭᠢᠭᠡᠳ ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ ᠶᠢ ᠬᠠᠭᠠᠨ | ᠤ ᠵᠠᠷᠯᠢᠭ ᠢᠶᠠᠷ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠡᠨ ᠳᠤ ᠱᠠᠰᠢᠨ ᠤ ᠶᠡᠭᠡ ᠡᠷᠭᠡ ᠶᠢ ᠶᠠᠪᠤᠭᠤᠯᠬᠤ ᠶᠡᠭᠡ ᠰᠦᠮᠡ ᠪᠤᠯᠭᠠᠨ | ᠳ᠋ᠠ ᠯᠠᠮᠠ ᠲᠤᠮᠢᠯᠠᠵᠦ᠂ ᠪᠦᠬᠦ ᠰᠦᠮᠡ ᠶᠢᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠ᠂ ᠵᠠᠰᠠᠭ ᠤᠨ ᠶᠠᠪᠤᠳᠡᠯ ᠪᠤᠯᠤᠨ ᠠᠵᠦ ᠠᠬᠤᠢ | ᠵᠡᠷᠭᠡ ᠤᠯᠠᠨ ᠵᠦᠢᠯ ᠤᠨ ᠶᠡᠭᠡ ᠡᠷᠭᠡ ᠶᠢ ᠶᠡᠷᠦᠩᠬᠡᠶᠢᠯᠡᠨ ᠬᠠᠮᠢᠶᠠᠷᠤᠭᠤᠯᠤᠭᠰᠡᠨ ᠠᠴᠠ ᠭᠠᠳᠠᠨᠡ ᠱᠠᠰᠢᠨ ᠤ | ᠬᠡᠪᠴᠢᠶᠡᠨ ᠳᠤ ᠵᠦᠪᠰᠢᠶᠠᠷᠡᠭᠳᠡᠭᠰᠡᠨ ᠰᠢᠲᠦᠯᠭᠡ ᠬᠢᠬᠦ᠂ ᠱᠠᠪᠢ ᠡᠯᠰᠡᠬᠦ ᠵᠡᠷᠭᠡ ᠶᠠᠪᠤᠳᠡᠯ ᠢ ᠡᠷᠬᠢᠯᠡᠨ ᠶᠠᠪᠤᠭᠤᠯᠳᠠᠭ | ᠪᠠᠶᠢᠵᠠᠢ᠃ | ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ ᠨᠢ ᠴᠤᠬᠴᠢᠨ᠂ ᠴᠦᠢᠷᠸᠠ᠂ ᠵᠦᠳᠪᠡ᠂ ᠮᠠᠨᠪᠡ᠂ ᠲᠦᠢᠩᠬᠤᠷ ᠬᠡᠮᠡᠬᠦ | ᠲᠠᠪᠤᠨ ᠷᠤᠸᠠᠼᠠᠩ ᠢᠶᠠᠨ ᠪᠦᠷᠢᠯᠳᠦᠵᠠᠢ᠃ ᠮᠠᠨᠵᠦ ᠶᠢᠨ ᠬᠠᠭᠠᠨ ᠤ ᠦᠷᠦᠰᠢᠶᠠᠯ ᠪᠡ ᠲᠠᠷᠬᠠᠨ ᠪᠡᠶᠢᠯᠡ ᠸᠠᠩ ᠨᠠᠷ ᠤᠨ | ᠲᠠᠮᠵᠢᠯᠭᠡ ᠪᠠᠷ᠂ ᠲᠤᠰ ᠰᠦᠮᠡ ᠨᠢ ᠲᠠᠪᠤᠨ ᠷᠤᠸᠠᠼᠠᠩ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠠᠯᠲᠠᠷᠲᠦ ᠰᠦᠮᠡ ᠪᠤᠯᠵᠦ᠂ ᠪᠦᠷᠢᠨ | ᠢᠵᠢ ︽ᠭᠠᠨᠵᠤᠤᠷ︾ ︽ᠳ᠋ᠠᠨᠵᠤᠤᠷ︾ ᠲᠠᠢ᠂ ᠬᠦᠨ ᠤᠬᠠᠭᠠᠨ᠂ ᠨᠢᠭᠤᠴᠡ ᠲᠠᠷᠨᠢ ᠶᠢᠨ ᠤᠬᠠᠭᠠᠨ᠂ ᠠᠨᠠᠭᠠᠬᠤ ᠤᠬᠠᠭᠠᠨ᠂ | ᠲᠡᠭᠷᠢ ᠶᠢᠨ ᠵᠦᠢ᠂ ᠲᠤᠭᠠᠨ ᠤ ᠤᠬᠠᠭᠠᠨ᠂ ᠵᠢᠷᠤᠬᠠᠢ ᠵᠡᠷᠭᠡ ᠶᠢ ᠰᠤᠷᠤᠯᠴᠠᠨ ᠰᠤᠳᠤᠯᠬᠤ ᠭᠤᠤᠯ ᠭᠠᠵᠠᠷ ᠤᠨ ᠨᠢᠭᠡ | ᠨᠢ ᠪᠤᠯᠤᠭᠰᠡᠨ ᠪᠠᠶᠢᠨᠡ᠃ | ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠭᠤᠤᠯ ᠲᠤᠭᠠᠩ ᠪᠤᠯ ᠴᠤᠬᠴᠢᠨ ᠲᠤᠭᠠᠩ ᠪᠤᠯᠤᠨᠡ᠂ ᠲᠡᠷᠡ ᠪᠤᠯ ᠰᠦᠮᠡ ᠶᠢᠨ | ᠲᠦᠪ ᠲᠤᠮᠲᠡ ᠨᠢ ᠪᠠᠶᠢᠷᠢᠯᠠᠬᠰᠡᠨ ᠠᠩᠬᠠᠳᠤᠭᠴᠢ ᠪᠠᠷᠢᠯᠭᠠ ᠮᠦᠨ ᠪᠦᠭᠡᠳ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠭᠤᠤᠯ | ᠰᠢᠲᠦᠭᠡᠨ ᠪᠢᠯᠡ᠃ ᠭᠠᠳᠠᠨᠡ ᠲᠤᠳᠤᠨᠡ ᠨᠠᠶᠠᠨ ᠲᠦᠷᠪᠠᠨ ᠤᠯᠠᠭᠠᠨ ᠲᠤᠯᠭᠠᠭᠤᠷᠢ᠂ ᠵᠠᠭᠤ ᠪᠦᠭᠡᠳ ᠨᠠᠢᠮᠠᠨ ᠨᠢᠷᠤᠭᠤ | ᠪᠠᠷ ᠪᠤᠰᠬᠠᠭᠳᠠᠵᠦ᠂ ᠦᠨᠳᠦᠷ ᠨᠢ ᠨᠠᠶᠠᠨ ᠲᠤᠬᠤᠢ᠂ ᠰᠠᠭᠤᠷᠢ ᠶᠢᠨ ᠲᠠᠯᠠᠪᠠᠢ ᠨᠢ ᠨᠠᠶᠠᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠬᠤᠤᠰ | ᠠᠯᠲᠡ᠂ ᠤᠷᠤᠢ ᠲᠡᠭᠡᠷᠡ ᠨᠢ ᠭᠤᠷᠪᠠᠨ ᠲᠤᠮᠤ ᠠᠰᠠᠷ ᠲᠡᠭᠲᠡᠷᠯᠡᠨ ᠨᠢᠷᠤᠭᠤᠯᠠᠵᠦ ᠠᠰᠠᠷ ᠪᠦᠷᠢ ᠶᠢᠨ ᠤᠷᠤᠢ ᠲᠡᠭᠡᠷᠡ | ᠠᠯᠳᠠᠨ ᠭᠠᠨᠵᠢᠷᠡ ᠲᠠᠢ ᠪᠦᠭᠡᠳ ᠦᠨᠴᠦᠭ ᠪᠦᠷᠢ ᠳᠤᠨᠢ ᠭᠠᠦᠯᠢᠨ ᠬᠤᠩᠬᠤ ᠡᠯᠭᠦᠵᠦ ᠰᠠᠯᠬᠢᠨ ᠳᠤ ᠵᠢᠩᠬᠢᠨᠠᠨ | ᠲᠤᠤᠭᠠᠷᠤᠨᠡ᠃ | ᠰᠦᠮᠡ ᠪᠡ ᠱᠠᠰᠢᠨ ᠤ ᠬᠦᠲᠡᠯᠭᠡᠭᠡᠨ ᠤ ᠲᠠᠰᠤᠷᠠᠯᠲᠡ ᠦᠭᠡᠢ ᠦᠷᠭᠡᠳᠴᠦ ᠬᠦᠭᠵᠢᠭᠦ ᠶᠢ ᠲᠠᠭᠠᠯᠳᠤᠨ | ᠰᠦᠮᠡ ᠶᠢᠨ ᠦᠭᠯᠢᠭᠡ ᠤᠷᠤᠯᠭᠠ ᠶᠠᠬᠡᠪᠡᠷ ᠨᠡᠮᠡᠭᠲᠡᠵᠦ᠂ ᠲᠠᠪᠤᠨ ᠷᠤᠸᠠᠼᠠᠩ ᠨᠢ ᠵᠢᠰᠡ ᠬᠤᠪᠢᠶᠠᠨ ᠮᠠᠯ ᠤᠨᠤᠭᠠ | ᠪᠠᠨ ᠡᠵᠡᠩᠨᠡᠬᠦ ᠪᠤᠶᠦ ᠤᠷᠤᠯᠭᠠ ᠪᠠᠨ ᠬᠠᠮᠢᠶᠠᠷᠲᠠᠭ ᠪᠤᠯᠵᠠᠢ᠃ ᠮᠠᠯ ᠰᠦᠷᠦᠭ ᠤᠨ ᠦᠨᠢᠷ ᠦᠰᠦᠯᠲᠡ ᠶᠢ ᠲᠠᠭᠠᠨ | 30 ᠵᠢᠰᠡ ᠪᠤᠯᠤᠨ ᠨᠡᠮᠡᠭᠲᠡᠪᠡ᠃ ᠨᠢᠭᠡ ᠬᠤᠰᠢᠭᠤᠨ ᠤ ᠬᠠᠭᠠᠰ ᠠᠴᠠ ᠲᠡᠭᠡᠭᠰᠢ ᠮᠠᠯᠴᠢᠨ ᠠᠶᠢᠯ ᠨᠢ ᠴᠦᠮ ᠰᠦᠮᠡ | ᠶᠢᠨ ᠵᠢᠰᠡ ᠶᠢᠨ ᠰᠦᠷᠦᠭ ᠬᠠᠷᠢᠭᠤᠯᠵᠦ ᠪᠠᠶᠢᠬᠰᠡᠨ ᠪᠦᠭᠡᠳ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠰᠦᠮᠡ ᠶᠢᠨ ᠮᠠᠯ ᠰᠦᠷᠦᠭ | ᠨᠢ ᠲᠠᠪᠤᠨ ᠲᠦᠮᠡᠨ ᠲᠤᠯᠤᠭᠠᠢ ᠶᠢ ᠲᠠᠪᠠᠭᠰᠡᠨ ᠲᠡᠦᠭᠡᠨ ᠲᠡᠮᠳᠡᠭᠯᠡᠯ ᠲᠠᠢ ᠪᠠᠶᠢᠳᠠᠭ᠃ | ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠠᠬᠯᠠᠭ ᠠᠭᠤᠯᠠᠰ ᠲᠤ ᠲᠠᠪᠬᠤᠷ ᠲᠠᠪᠬᠤᠷ ᠬᠦᠷᠢᠶᠠᠯᠡᠭᠦᠯᠵᠦ᠂ ᠵᠤᠨ ᠨᠠᠮᠦᠷ ᠤᠨ | ᠪᠤᠷᠤᠭᠠᠨ ᠤ ᠤᠯᠠᠷᠢᠯ ᠳᠤ ᠡᠷᠬᠢᠨ ᠲᠤᠭᠤᠷᠢᠨ ᠤ ᠠᠭᠤᠯᠠᠨ ᠤ ᠠᠮᠠ ᠪᠤᠯᠭᠠᠨ ᠢᠶᠠᠷ ᠦᠶᠠᠷ ᠤᠨ ᠤᠰᠤ ᠦᠢᠯᠠᠨ | ᠲᠠᠪᠠᠯᠭᠠᠯᠠᠵᠦ ᠲᠤᠬᠰᠢᠨ ᠤᠷᠤᠰᠬᠠᠯ ᠨᠢ ᠯᠤᠤ ᠲᠤᠬᠯᠠᠵᠦ ᠮᠤᠭᠠᠢ ᠬᠦᠷᠪᠡᠯᠵᠡᠵᠦ ᠪᠠᠶᠢᠬᠤ ᠮᠡᠲᠦ ᠰᠦᠷᠯᠢᠭ ᠦᠵᠡᠮᠵᠢ | ᠲᠠᠢ᠃ ᠡᠶᠢᠨ ᠬᠦ ᠡᠷᠲᠡ ᠢᠵᠠᠭᠤᠷ ᠠᠴᠠ ᠠᠪᠤᠭᠠᠳ ᠲᠤᠯᠤᠭᠠᠨ ᠬᠦᠲᠦᠯ ᠶᠢᠰᠦᠨ ᠯᠤᠤ ᠠᠮᠠ ᠲᠠᠢ ᠬᠡᠲᠡᠭ | ᠭᠠᠶᠢᠬᠠᠮᠰᠢᠬᠲᠦ ᠲᠤᠮᠤᠭ ᠶᠠᠷᠢᠶᠡ ᠲᠠᠢ ᠪᠢᠯᠡ᠃ ᠡᠶᠢᠨ ᠬᠦ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠪᠠᠶᠢᠭᠠᠯᠢ ᠶᠢᠨ ᠪᠠᠲᠦ ᠰᠠᠶᠢᠬᠠᠨ | ᠤᠷᠴᠢᠨ ᠳᠤ ᠪᠠᠶᠢᠷᠢᠯᠠᠨ᠂ ᠪᠤᠷᠬᠠᠨ ᠱᠠᠰᠢᠨ ᠤ ᠦᠢᠯᠡᠰ ᠨᠢ ᠲᠡᠯᠭᠡᠷ ᠮᠠᠨᠳᠤᠵᠦ ᠪᠠᠶᠢᠬᠰᠡᠨ 1913 ᠤᠨ ᠠᠴᠠ | 1949 ᠤᠨ ᠬᠦᠷᠲᠡᠯᠡᠬᠢ ᠲᠦᠴᠢᠭᠡᠳ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ᠂ ᠤᠯᠤᠰ ᠤᠨ ᠲᠤᠳᠤᠭᠠᠲᠦ ᠭᠠᠳᠠᠭᠠᠲᠦ ᠶᠢᠨ | ᠡᠯᠡ ᠡᠲᠡᠭᠡᠳ ᠤᠨ ᠪᠤᠯᠢᠶᠠᠯᠳᠤᠭᠠᠨ ᠲᠡᠮᠡᠴᠠᠯᠳᠦᠭᠡᠨ ᠤ ᠵᠦᠷᠢᠴᠡᠯ ᠮᠦᠷᠭᠦᠯᠳᠦᠭᠡᠨ ᠤ ᠲᠤᠮᠲᠡ ᠬᠡᠲᠦ ᠤᠳᠠᠭᠠᠨ ᠤ | ᠰᠦᠨᠦᠯᠲᠡ ᠶᠢᠨ ᠴᠢᠨᠠᠷᠲᠠᠢ ᠦᠷᠡᠭᠲᠡᠯ ᠳᠤ ᠤᠴᠠᠷᠠᠭᠰᠡᠨ ᠪᠢᠯᠡ᠃ | ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠪᠤᠷᠬᠠᠨ ᠱᠠᠰᠢᠨ ᠤ ᠦᠢᠯᠡᠰ ᠨᠢ | ᠤᠷᠢᠲᠦ ᠭᠠᠷᠤᠭᠠ ᠦᠭᠡᠢ ᠴᠡᠴᠡᠭᠯᠡᠨ ᠮᠠᠨᠳᠤᠬᠤ ᠶᠢᠨ ᠬᠠᠮᠲᠦ ᠠᠳᠡᠬᠢ ᠠᠷᠠᠯᠵᠢᠶᠡ ᠬᠤᠳᠠᠯᠳᠤᠭᠠ ᠴᠦ ᠲᠠᠭᠠᠯᠳᠤᠨ | ᠬᠦᠭᠵᠢᠭᠰᠡᠨ ᠪᠤᠵᠠᠭᠠᠶᠢᠷᠠᠭᠰᠡᠨ ᠶᠤᠮ᠃ | | | |