| ᠳᠤᠷᠠᠰᠤᠯ ᠰᠢᠩᠭᠡᠭᠡᠭᠰᠡᠨ ᠭᠤᠤᠯ | | ᠲᠡᠷᠡ ᠭᠤᠤᠯ ᠵᠦᠭ ᠤᠴᠢᠬᠤ ᠨᠢ ᠮᠢᠨᠤ ᠠᠶᠠᠨᠳᠠᠭᠠᠨ ᠤ ᠲᠠᠳᠬᠠᠯ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠵᠠᠷᠢᠮ ᠳᠠᠭᠠᠨ | ᠤᠷᠤᠰᠬᠠᠯ ᠲᠠᠰᠤᠷᠠᠵᠤ ᠵᠠᠷᠢᠮ ᠳᠠᠭᠠᠨ ᠬᠡᠪᠡᠯᠢ ᠲᠦᠭᠦᠷᠠᠩ ᠤᠰᠤ ᠢᠷᠡᠭᠡᠳ ᠲᠦᠯᠭᠡᠭᠡᠨ ᠤᠷᠤᠰᠳᠠᠭ ᠵᠢᠵᠢᠭ ᠭᠤᠤᠯ | ᠡᠨᠡ ᠨᠤᠳᠤᠭ ᠤᠨ ᠭᠤᠤᠯ ᠦᠵᠡᠮᠵᠢ ᠰᠢᠭ ᠯᠠ ᠨᠠᠳᠠ ᠳᠤ ᠰᠠᠨᠠᠭᠳᠠᠳᠠᠭ᠃ ᠭᠤᠤᠯ ᠢ ᠭᠠᠵᠠᠷ ᠤᠨ ᠰᠤᠳᠠᠰᠤ ᠭᠡᠳᠡᠭ | ᠶᠤᠮ᠂ ᠪᠢ ᠴᠤ ᠲᠡᠷᠨ ᠭᠤᠤᠯᠢ ᠬᠠᠷᠠᠭᠰᠠᠭᠠᠷ ᠡᠬᠡ ᠭᠠᠵᠠᠷ ᠨᠢ ᠬᠦᠮᠦᠨ ᠤ ᠪᠡᠶᠡ᠂ ᠭᠤᠤᠯ ᠨᠢ ᠰᠤᠳᠠᠯ ᠰᠢᠭ᠋ | ᠰᠠᠨᠠᠭᠳᠠᠵᠤ᠂ ᠦᠪᠡᠷ ᠤᠨ ᠪᠡᠶᠡ ᠶᠢᠨ ᠴᠢᠰᠤ ᠪᠦᠬᠦ ᠪᠡᠶᠡ ᠪᠠᠷ ᠳᠠᠮᠵᠢᠵᠤ ᠤᠷᠤᠰᠴᠤ ᠪᠠᠶᠢᠬᠤ ᠶᠢ ᠰᠡᠷᠡᠵᠦ ᠮᠡᠳᠡᠷᠡᠬᠦ | ᠰᠢᠭ ᠪᠤᠯᠳᠠᠭ᠃ ᠮᠤᠩᠭᠤᠯ ᠦᠭᠡ ᠶᠢᠨ ᠣᠨᠣᠪᠴᠢ ᠭᠡᠵᠦ ᠬᠡᠴᠢᠨᠡᠨ ᠷᠢᠳᠢ ᠰᠢᠳᠢ ᠲᠠᠢ ᠠᠵᠢ᠂ ᠶᠢᠷᠳᠢᠨᠴᠤ ᠶᠢᠨ | ᠪᠤᠳᠠᠰ ᠪᠠ ᠤᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠦᠭᠦᠢ ᠶᠠᠭᠤᠮᠠ ᠪᠦᠷ ︽ᠭᠤᠤᠯ︾ ᠲᠠᠢ ᠪᠠᠶᠢᠳᠠᠭ᠂ ᠲᠡᠭᠡᠭᠡᠳ ᠯᠡ | ᠪᠠᠶᠢᠭᠠᠯᠢ ᠪᠠᠨ ᠲᠡᠭᠡᠳᠤᠯᠡᠳᠡᠭ ᠮᠤᠩᠭᠤᠯᠴᠤᠳ ᠲᠠᠯᠠ ᠠᠭᠤᠯᠠ᠂ ᠤᠢ ᠬᠦᠳᠦᠯ ᠢᠶᠠᠷ ᠲᠠᠮᠵᠢᠨ ᠤᠷᠤᠰᠳᠠᠭ ᠡᠨᠡᠭᠦ | ᠪᠠᠶᠢᠭᠠᠯᠢ ᠶᠢᠨ ᠪᠦᠳᠦᠭᠡᠭᠳᠡᠭᠦᠨ ᠢᠶᠠᠨ ︽ᠭᠤᠤᠯ︾ ᠭᠡᠵᠤ ᠨᠡᠷᠡᠯᠡᠭᠰᠡᠨ ᠰᠢᠭ ᠪᠤᠳᠤᠭᠳᠠᠭᠠᠳ ᠪᠠᠶᠢᠬᠤ ᠶᠤᠮ᠃ | ᠪᠠᠭᠠ ᠠᠴᠠ ᠪᠠᠨ ᠭᠤᠤᠯ ᠤᠨ ᠳᠡᠷᠭᠡᠳᠡ ᠲᠤᠭᠯᠠᠵᠤ ᠦᠰᠦᠭᠰᠡᠨ ᠨᠠᠳᠠ ᠳᠤ ᠭᠤᠤᠯ ᠤᠨ ᠲᠤᠬᠠᠢ ᠡᠷᠭᠢᠴᠡᠭᠦᠯᠦᠯ | ᠤᠶᠤᠨ ᠰᠡᠳᠭᠢᠯ ᠳᠤ ᠠᠮᠢ ᠭᠤᠤᠯ ᠲᠠᠢ ᠬᠤᠯᠪᠤᠭᠳᠠᠯ ᠲᠠᠢ ᠰᠢᠭ᠋ ᠰᠠᠨᠠᠭᠳᠠᠳᠠᠭ᠃ ᠲᠡᠭᠡᠭᠡᠳ ᠯᠡ ᠭᠤᠤᠯ ᠢ | ᠬᠠᠷᠠᠭᠰᠠᠭᠷ ᠤᠢ ᠤᠬᠠᠭᠠᠨ ᠳᠤ ᠵᠢᠭᠦᠷ ᠤᠷᠭᠤᠵᠤ ᠵᠠᠯᠠᠭᠤ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠨᠢᠰᠦᠨ ᠬᠦᠷᠦᠨᠡ᠃ | ᠬᠠᠪᠤᠷ ᠤᠨ ᠤᠷᠢᠬᠠᠨ ᠰᠠᠯᠬᠢᠨ ᠬᠦᠯᠳᠡᠭᠦᠦ ᠬᠦᠷᠤᠰᠤ ᠶᠢ ᠢᠯᠪᠢᠨ ᠭᠡᠰᠭᠡᠭᠦ ᠪᠠᠷ ᠭᠤᠤᠯ ᠤᠨ ᠤᠰᠤ | ᠬᠠᠶᠢᠯᠤᠨ᠂ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠤᠰᠤᠨ ᠤ ᠲᠦᠯᠭᠡᠭᠡᠨ ᠠᠷ ᠠᠴᠠ ᠭᠢᠯᠠᠰ ᠭᠢᠯᠠᠰ ᠭᠡᠷᠡᠯ ᠰᠠᠴᠤᠷᠠᠭᠰᠠᠭᠠᠷ ᠵᠡᠭᠦᠨᠰᠢ | ᠤᠷᠤᠰᠬᠤ ᠳᠤ ᠭᠤᠤᠯ ᠤᠨ ᠤᠷᠤᠰᠬᠠᠯ ᠢ ᠲᠠᠭᠠᠵᠤ ᠪᠠᠶᠢᠭᠠᠯᠢ ᠶᠢᠨ ᠰᠠᠶᠢᠬᠠᠨ ᠳᠤ ᠰᠤᠭᠳᠤᠭᠤᠷᠠᠨ᠂ ᠬᠦᠮᠦᠨ ᠤ | ᠠᠮᠢᠳᠤᠷᠠᠯ ᠤᠨ ᠵᠤᠯ ᠵᠢᠷᠭᠠᠯᠳᠤ ᠤᠴᠠᠷᠠᠯ᠂ ᠡᠷᠢᠶᠡᠨ ᠪᠠᠷᠠᠭᠠᠨ ᠲᠠᠢ ᠬᠠᠲᠠᠭᠤ ᠣᠷᠴᠢᠯᠠᠩ ᠤᠨ ᠪᠦᠬᠦᠨ ᠢ | ᠡᠷᠭᠢᠴᠡᠭᠦᠯᠦᠨ ᠨᠠᠮ ᠵᠢᠮ ᠠᠯᠬᠤᠬᠤ ᠲᠤᠷᠠᠳᠠᠢ᠃ ᠭᠤᠤᠯ ᠤᠨ ᠲᠤᠩᠭᠠᠯᠠᠭ ᠤᠷᠤᠰᠬᠠᠯ᠂ ᠢᠯᠴᠢ ᠭᠡᠷᠡᠯ | ᠰᠠᠴᠤᠷᠠᠭᠤᠯᠤᠭᠰᠠᠭᠠᠷ ᠮᠠᠨᠳᠤᠬᠤ ᠦᠷᠯᠦᠭᠡ ᠶᠢᠨ ᠨᠠᠷᠠ᠂ ᠨᠠᠮᠵᠢᠭᠤᠨ ᠲᠤᠩᠭᠠᠯᠠᠭ ᠲᠡᠭᠳᠡᠭᠦ ᠦᠳᠡᠰᠢ ᠶᠢᠨ ᠰᠠᠷᠨ᠂ | ᠰᠦᠨᠢᠶᠢᠨ ᠤᠭᠳᠠᠷᠭᠤᠢ ᠶᠢᠨ ᠮᠠᠨᠳᠠᠯ ᠳᠤ ᠠᠯᠮᠠᠰ ᠰᠢᠭᠢᠳᠭᠡᠭᠰᠡᠨ ᠰᠢᠭ ᠲᠤᠭᠠ ᠲᠤᠮᠰᠢ ᠦᠭᠡᠢ ᠤᠳᠤᠨ ᠮᠡᠴᠢᠳ ᠢ | ᠲᠡᠷᠭᠡᠳᠡ ᠮᠢᠨᠢ᠂ ᠬᠠᠷᠠᠭᠠᠨ ᠳᠤ ᠮᠢᠨᠢ᠂ ᠰᠡᠳᠬᠢᠯ ᠤᠨ ᠮᠡᠳᠡᠷᠡᠮᠵᠢ ᠳᠤ ᠤᠰᠤᠨ ᠤᠷᠤᠰᠬᠠᠯ ᠢᠶᠠᠷ ᠲᠠᠮᠵᠢᠨ ᠬᠦᠷᠭᠡᠨ | ᠢᠷᠡᠳᠡᠭ᠃ | ᠤᠰᠤ ᠤᠰᠤ ᠲᠠᠢ ᠪᠠᠨ ᠬᠤᠯᠪᠣᠭᠠ ᠲᠠᠢ ᠭᠡᠳᠡᠭ ᠢᠶᠠᠷ ᠲᠡᠷᠨ ᠭᠤᠤᠯ ᠵᠦᠭ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠪᠠᠨ | ᠢᠪᠢᠯᠦᠭᠦᠯᠦᠭᠰᠡᠭᠡᠷ ᠬᠦᠷᠳᠡᠭ ᠨᠢ ᠭᠤᠤᠯ ᠤᠨ ᠬᠦ᠋ᠪᠡᠭᠡᠨ ᠳᠤ ᠦᠰᠦᠭᠰᠡᠨ ᠨᠠᠳᠠᠳᠤ ᠲᠤᠩ ᠤᠯᠠᠨ ᠲᠤᠷᠠᠰᠤᠯ ᠢ | ᠰᠠᠨᠠᠭᠳᠠᠭᠤᠯᠤᠨᠠ᠃ ᠵᠠᠯᠠᠭᠤ ᠪᠠᠭᠠ ᠨᠠᠰᠤ ᠮᠢᠨᠢ ᠭᠤᠤᠯ ᠤᠨ ᠤᠰᠤ ᠰᠢᠭ᠋ ᠪᠤᠴᠠᠰᠢ ᠦᠭᠡᠢ ᠶᠠᠪᠤᠭᠰᠠᠨ ᠴᠤ | ᠪᠤᠳᠤᠯ ᠤᠨ ᠬᠡᠯᠬᠢᠶᠡᠰᠤᠨ ᠳᠤ ᠪᠠᠭᠠ ᠨᠠᠰᠤᠨᠤ ᠰᠠᠶᠢᠬᠠᠨ ᠲᠤᠷᠠᠳᠬᠠᠯ ᠬᠠᠪᠤᠷ ᠤᠨ ᠰᠤᠷᠭᠤᠭ ᠴᠡᠴᠡᠭ ᠰᠢᠭ | ᠬᠡᠵᠢᠶᠡᠳᠡ ᠰᠢᠨᠡᠷᠭᠡᠬᠦᠨ ᠠᠮᠢᠵᠢᠷᠠᠯ ᠲᠠᠢ ᠬᠡᠪ ᠢᠶᠠᠷ᠃ ᠮᠢᠨᠤ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠭᠠᠵᠠᠷ ᠦᠰᠴᠤ | ᠲᠦᠷᠦᠭᠰᠡᠨ ᠬᠠᠯᠠᠭᠤᠨ ᠡᠯᠢᠭᠡᠨ ᠨᠤᠳᠤᠭ ᠠᠴᠠ ᠵᠠᠭᠤᠭᠠᠳ ᠭᠠᠵᠠᠷ ᠤᠨ ᠡᠯᠡᠰᠤ ᠠᠯᠤᠰᠯᠠᠵᠤ ᠲᠡᠳᠦᠢ ᠯᠠ ᠬᠤᠯᠠ | ᠦᠭᠡᠢ ᠴᠤ ᠨᠢᠴᠦᠭᠦᠨ ᠬᠦᠯ ᠤᠨ ᠮᠦᠷ ᠢᠶᠠᠨ ᠨᠤᠳᠤᠭ ᠤᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠳᠤ ᠲᠠᠮᠠᠭᠠᠭᠯᠠᠭᠰᠠᠨ᠂ ᠨᠠᠷᠭᠢᠵᠦ | ᠨᠠᠭᠠᠳᠤᠭᠰᠠᠨ ᠤᠬᠢᠯᠠᠵᠤ ᠲᠠᠭᠤᠯᠠᠬᠰᠠᠨ ᠴᠤᠤᠷᠢᠶᠠ ᠭᠤᠤᠯ ᠤᠨ ᠴᠡᠭᠡᠯ ᠡᠷᠭᠢ ᠳᠤ ᠰᠢᠩᠭᠡᠭᠡᠭᠰᠡᠨ ᠲᠡᠷᠡ ᠵᠦᠭ | ᠰᠡᠳᠬᠢᠯ ᠰᠡᠮᠡᠷᠡᠭᠡᠳ ᠪᠠᠶᠢᠬᠤ ᠶᠤᠮ᠃ | ᠠᠮᠢᠯᠠᠯ ᠤᠨ ᠪᠡᠯᠭᠡ ᠶᠢ ᠬᠦᠷᠭᠡᠵᠦ ᠢᠷᠡᠳᠡᠭ ᠭᠤᠤᠯ ᠤᠨ ᠬᠠᠪᠤᠷ ᠤᠨ ᠬᠠᠯᠢᠶᠠ ᠶᠢ ᠪᠠᠭᠠ ᠶᠢᠨ ᠨᠠᠶᠢᠵᠠ | ᠨᠠᠷ ᠲᠠᠢ ᠪᠠᠨ ᠬᠠᠮᠳᠤ ᠪᠠᠷ ᠪᠠᠷᠠᠭᠠᠯᠠᠨ ᠠᠯᠢᠶᠡᠷᠬᠠᠳᠠᠭ ᠪᠠᠭᠠ ᠨᠠᠰᠤ ᠪᠠᠨ ᠪᠤᠳᠤᠬᠤᠯᠠᠷ ᠰᠢᠬᠢᠷ ᠪᠤᠷᠠᠮ ᠠᠮᠳᠠᠯᠠᠭᠰᠠᠨ | ᠰᠢᠭ᠋ ᠰᠠᠨᠠᠭᠳᠠᠳᠠᠭ᠃ ᠵᠤᠨ ᠤ ᠬᠠᠯᠠᠭᠤᠨ ᠨᠠᠷᠠ ᠵᠤᠯᠠᠢ ᠳᠡᠭᠡᠷᠡ ᠲᠦᠭᠡᠨᠡᠭᠦ ᠪᠠᠷ ᠬᠡᠳᠤᠭᠦᠯᠡ ᠪᠠᠨ ᠪᠣᠯᠵᠤᠭᠠ ᠲᠠᠢ | ᠰᠢᠭ᠋ ᠠᠶᠢᠯ ᠤᠨ ᠡᠮᠦᠨᠡ ᠵᠠᠬᠠ ᠳᠤ ᠠᠭᠤᠯᠵᠠᠨ ᠭᠤᠤᠯ ᠤᠨ ᠲᠠᠩ ᠤᠨ ᠪᠤᠷᠭᠠᠰᠤ ᠲᠤᠮᠳᠠᠭᠤᠷ ᠰᠦᠯᠵᠢᠯᠳᠦᠨ | ᠭᠤᠤᠯ ᠢ ᠴᠢᠭᠯᠡᠨ ᠬᠦᠷᠳᠡᠭ᠃ ᠲᠡᠭᠡᠭᠡᠳ ᠯᠡ ᠬᠦᠦᠴᠤᠤᠯ ᠨᠢ ᠭᠦᠨ ᠰᠢᠭ ᠤᠰᠤᠨ ᠳᠤ᠂ ᠬᠡᠤᠭᠡᠨᠴᠤᠳ ᠨᠢ | ᠭᠦᠶᠦᠭᠡᠨ ᠰᠢᠭ ᠤᠰᠤ ᠲᠠᠢ ᠭᠠᠵᠠᠷ ᠢ ᠡᠷᠢᠵᠤ ᠨᠠᠭᠠᠳᠴᠦ ᠡᠬᠢᠯᠡᠨᠡ᠃ ᠭᠤᠤᠯ ᠤᠨ ᠦᠨᠳᠤᠷ ᠡᠷᠭᠢ ᠠᠴᠠ | ᠲᠤᠷᠤᠭᠰᠢ ᠦᠰᠦᠷᠭᠦ᠂ ᠤᠰᠤᠨ ᠳᠤ ᠵᠢᠪᠪᠦᠨ ︽ᠡᠷᠳᠡᠮ ᠦᠵᠡᠬᠦᠯᠬᠦ︾᠂ ᠭᠤᠤᠯ ᠤᠨ ᠬᠦᠪᠡᠭᠡᠨ ᠤ ᠨᠢᠯᠴᠠᠭ ᠰᠢᠪᠡᠷ ᠢ | ᠪᠦᠬᠦ ᠪᠡᠶᠡ ᠳᠡᠭᠡᠷᠡ ᠪᠠᠨ ᠲᠦᠷᠬᠢᠵᠤ ᠨᠢᠭᠡ ᠨᠢᠭᠡ ᠪᠠᠨ ᠬᠠᠷᠠᠵᠤ ᠢᠨᠢᠶᠡᠯᠳᠤᠨ ᠭᠤᠤᠯ ᠤᠨ ᠳᠠᠩ ᠢ ᠪᠠᠶᠠᠰᠤᠯ ᠤᠨ | ᠲᠠᠭᠤ ᠪᠠᠷ ᠤᠶᠠᠩᠭᠠᠷᠠᠭᠤᠯᠵᠤ ᠪᠠᠶᠢᠭᠰᠠᠨ᠃ | ᠨᠠᠭᠠᠳᠴᠦ ᠪᠠᠶᠢᠲᠠᠯᠠ ᠭᠤᠤᠯ ᠤᠨ ᠤᠰᠤ ᠨᠡᠮᠡᠭᠳᠡᠭᠦ ᠪᠠᠶᠢᠳᠠᠯ ᠲᠠᠩᠳᠠ ᠪᠠᠨ ᠲᠤᠬᠢᠶᠠᠯᠳᠤᠳᠠᠭ᠃ ᠭᠤᠤᠯ ᠤᠨ | ᠤᠰᠤᠨ ᠲᠡᠭᠡᠭᠦᠷ ᠬᠦᠭᠡᠰᠤ ᠬᠦᠪᠦᠭᠰᠡᠭᠡᠷ ᠲᠡᠮᠡᠢ ᠯᠡ ᠤᠳᠠᠬᠤ ᠦᠭᠡᠢ ᠭᠤᠤᠯ ᠤᠨ ᠤᠰᠤᠨ ᠲᠦᠪᠰᠢᠨ ᠨᠡᠮᠡᠭᠳᠡᠭᠡᠳ᠂ | ᠵᠤᠷᠢᠭ ᠵᠢᠷᠦᠬᠡ ᠪᠠᠭᠠᠳᠠᠢ ᠨᠢ ᠭᠤᠤᠯ ᠤᠨ ᠡᠷᠭᠢ ᠵᠦᠭ ᠲᠤᠳᠠᠭᠠᠨ᠂ ᠵᠤᠷᠢᠭ ᠵᠢᠷᠦᠬᠡ ᠶᠡᠬᠡᠲᠠᠢ ᠨᠢ ︽ᠲᠦᠭᠰᠢᠭᠦᠷᠢᠳᠤ | ᠠᠵᠢᠯᠯᠠᠭᠠ︾ ᠬᠢᠵᠤ ᠭᠤᠤᠯ ᠤᠨ ᠤᠰᠤᠨ ᠤ ᠨᠡᠮᠡᠭᠳᠡᠭᠦ ᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠬᠦᠨ ᠤᠰᠤᠨ ᠳᠤ ᠵᠢᠪᠪᠦᠨ | ᠤᠷᠤᠵᠦ ᠭᠠᠷᠴᠤ ᠢᠷᠡᠭᠦ ᠦᠭᠡᠢ ᠡᠷᠭᠢ ᠲᠡᠭᠡᠷᠡᠭᠢ ᠬᠡᠳᠦᠬᠦᠯᠡ ᠶᠢ ᠠᠶᠤᠯᠭᠠᠨ ᠨᠠᠭᠠᠳᠤᠳᠠᠭ᠃ ᠵᠤᠨ ᠤ ᠬᠠᠯᠠᠭᠤᠨ | ᠨᠠᠷᠠ ᠪᠢᠳᠡᠨ ᠤ ᠭᠦᠷ ᠪᠡᠶᠡᠷ ᠲᠤ ᠰᠤᠭᠳᠤᠭᠤᠷᠠᠭᠰᠠᠭᠠᠷ ᠪᠠᠷᠠᠭᠤᠨ ᠮᠠᠩᠬᠠᠨ ᠤ ᠠᠷᠤ ᠳᠤ ᠳᠠᠯᠳᠠᠯᠠᠭᠳᠠᠨᠠ᠃ | ᠬᠦᠳᠡᠭᠡ ᠨᠤᠳᠤᠭ ᠤᠨ ᠡᠪᠦᠯ ᠤᠨ ᠰᠦᠨᠢ ᠨᠠᠮ ᠵᠢᠮ ᠪᠠᠶᠢᠳᠠᠭ᠃ ᠬᠠᠯᠠᠭᠤᠨᠡᠪᠤᠷ ᠲᠡᠭᠡᠨ ᠰᠢᠷᠭᠤᠨ ᠡᠵᠢ ᠶᠢᠨ | ᠪᠦᠪᠠᠶ ᠲᠠᠢ ᠠᠮᠳᠠᠳᠤ ᠨᠦᠢᠷ ᠲᠠᠭᠠᠨ ᠤᠷᠤᠬᠤ ᠦᠶᠡ ᠳᠤ ︽ᠬᠦᠡᠭ᠂ ᠬᠦᠡᠭ︾ ᠭᠡᠬᠦ ᠬᠦᠨᠳᠡᠢ ᠲᠠᠭᠤ ᠰᠦᠨᠢ ᠶᠢᠨ | ᠨᠠᠮ ᠵᠢᠮ ᠢ ᠪᠠᠶᠢᠨ ᠳᠡᠬᠢᠨ ᠡᠪᠳᠡᠨᠡ᠃ ︽ᠭᠤᠣᠯ ᠨᠡᠪᠲᠡ ᠬᠦᠯᠳᠡᠭᠡᠳ ᠮᠦᠰᠦ ᠬᠠᠭᠠᠷᠠᠵᠦ ᠪᠠᠶᠢᠨᠠ︾ ᠭᠡᠵᠤ ᠠᠪᠦ | ᠮᠢᠨᠢ ᠲᠠᠶᠢᠯᠪᠤᠷᠢᠯᠠᠬᠤ ᠳᠤ ᠰᠡᠳᠬᠢᠯ ᠳᠡᠭᠡᠨ ᠰᠡᠮ ᠪᠠᠶᠠᠷᠯᠠᠨᠠ᠃ ᠲᠡᠭᠡᠭᠡᠳ ᠯᠠ ᠨᠠᠷᠠ ᠭᠠᠷᠬᠤ ᠲᠠᠢ ᠵᠡᠷᠬᠡ | ︽ᠭᠤᠤᠯ ᠤᠨ ᠮᠦᠰᠦ ᠬᠦᠮᠤᠨ ᠲᠠᠭᠠᠭᠠᠬᠤ ᠪᠣᠯᠵᠠᠢ︾ ᠭᠡᠳ ᠮᠥᠰᠦᠨ ᠭᠤᠯᠭᠤᠭᠤᠷ ᠲᠡᠷᠭᠡ ᠪᠠᠨ ᠠᠪᠴᠤ | ᠬᠡᠳᠦᠭᠦᠯᠡ ᠪᠠᠨ ᠭᠤᠤᠯ ᠵᠦᠭ ᠬᠦᠶᠦᠯᠳᠦᠨᠡ᠃ ᠭᠤᠯᠭᠤᠭᠤᠷ ᠲᠡᠷᠬᠡᠨ ᠳᠡᠭᠡᠨ ᠭᠠᠷᠰᠢᠭᠰᠠᠨ ᠠᠬᠠ ᠡᠭᠡᠴᠢ ᠨᠠᠷ | ᠤᠷᠤᠯᠳᠤᠭᠠᠨ ᠵᠠᠷᠯᠠᠬᠤ ᠳᠤ᠂ ᠨᠠᠰᠤ ᠪᠠᠭᠠ ᠲᠠᠭᠦᠦ ᠨᠠᠷ ᠮᠠᠨᠢ ︽ᠬᠠᠮᠳᠦ ᠨᠠᠭᠠᠳᠬᠤ ᠦᠭᠡᠢ ᠪᠠᠶᠢᠨᠠ︾ ᠬᠡᠮᠡᠨ ᠨᠢᠰᠤ | ᠨᠢᠯᠪᠤᠰᠤ ᠪᠠᠨ ᠵᠦᠯᠭᠦᠨ ᠮᠠᠭᠤ ᠴᠢᠷᠠᠶᠢᠯᠠᠨᠠ᠃ ᠲᠡᠬᠡᠬᠦ ᠪᠠᠷ᠂ ᠬᠠᠶᠢᠷᠠ ᠬᠠᠷᠠᠭᠠᠯᠵᠠᠯ ᠤᠨ ᠬᠦᠨ ᠶᠤᠰᠤ ᠶᠢ ᠤᠭᠤᠷᠠᠭ | ᠲᠠᠷᠢᠬᠢᠨ ᠳᠠᠭᠠᠨ ᠠᠶᠠᠨᠳᠠᠭᠠᠨ ᠲᠤᠭᠳᠠᠭᠠᠬᠰᠠᠨ ᠠᠬᠠ ᠡᠬᠡᠴᠢ ᠨᠢ ᠲᠠᠭᠦᠦ ᠨᠡᠷ ᠢᠶᠠᠨ ᠭᠤᠯᠭᠤᠭᠤᠷ ᠳᠡᠭᠡᠷᠡ ᠪᠠᠨ | ᠰᠠᠭᠤᠯᠭᠠᠨ ᠲᠦᠯᠬᠢᠨ ᠬᠦᠶᠦᠯᠳᠦᠨᠡ ᠁ | ᠲᠡᠷᠨ ᠭᠤᠤᠯ ᠪᠠᠭᠠ ᠨᠠᠰᠤᠨ ᠤ ᠪᠠᠶᠠᠰᠤᠯ ᠬᠠᠶᠢᠷᠠ ᠶᠢ ᠰᠢᠩᠭᠡᠭᠡᠵᠤ ᠤᠷᠤᠰᠤᠨᠠ᠃ ᠪᠠᠯᠴᠢᠷ ᠨᠠᠰᠤ ᠪᠠᠨ | ᠦᠩᠭᠡᠷᠡᠭᠦᠯᠵᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠰᠠᠨ ᠴᠤ ᠰᠦᠨᠡᠰᠦ ᠶᠢ ᠮᠢᠨᠢ ᠲᠠᠳᠠᠭᠠᠳ ᠪᠠᠶᠢᠳᠠᠭ ᠭᠤᠤᠯ ᠬᠢᠭᠡᠳ | ᠮᠠᠨ ᠤ ᠦᠯᠢᠭᠡᠷ ᠶᠡᠷᠤᠨᠢ ᠲᠠᠰᠤᠷᠠᠭᠰᠠᠨ ᠦᠭᠡᠢ᠃ ᠦᠳᠡ ᠶᠢᠨ ᠠᠮᠠᠷᠠᠯᠳᠠ ᠪᠤᠯᠤᠭᠰᠠᠭᠠᠷ ᠪᠠᠭᠰᠢ ᠠᠴᠠ ᠪᠠᠨ ᠨᠢᠭᠤᠵᠤ | ᠭᠤᠯᠭᠤᠨ ᠭᠠᠷᠴᠤ ᠭᠤᠤᠯ ᠵᠦᠭ ᠭᠦᠶᠦᠯᠳᠦᠳᠡᠭ᠃ ᠡᠩᠨᠡᠭᠡ ᠦᠷᠭᠡᠳᠴᠦ ᠭᠤᠤᠯ ᠤᠨ ᠬᠦᠪᠡᠭᠡᠨ ᠤ ᠨᠠᠭᠠᠳᠤᠮ ᠴᠦ | ᠨᠠᠩ ᠬᠦᠭᠵᠢᠶᠡᠨ ᠲᠠᠢ ᠪᠤᠯᠬᠤ ᠨᠢ ᠲᠡᠷᠡ᠃ ᠬᠠᠶᠠ ᠨᠠᠭᠠᠳᠤᠮ ᠳᠠᠭᠠᠨ ᠰᠤᠭᠳᠤᠭᠤᠷᠠᠨ ᠬᠢᠴᠢᠶᠡᠯ ᠠᠴᠠ ᠤᠷᠦ᠋ᠢᠳᠠᠵᠤ | ᠪᠠᠭᠰᠢ ᠳᠠᠭᠠᠨ ᠰᠢᠭᠦᠮᠵᠢᠯᠡᠭᠳᠡᠨᠡ᠃ ᠬᠠᠰᠢᠷ ᠪᠠᠭᠰᠢ ᠨᠡᠷ ᠴᠦ ᠤᠰᠤᠨ ᠲᠤ ᠨᠠᠭᠠᠳᠤᠭᠰᠠᠨ ᠡᠰᠡᠬᠦ ᠶᠢ ᠤᠨᠤᠰᠢᠯᠠᠬᠤ | ᠠᠷᠭᠠ ᠪᠤᠢ᠃ ᠪᠡᠶᠡ ᠳᠡᠭᠡᠷᠡ ᠬᠤᠷᠤᠭᠤ ᠪᠠᠷ ᠢᠶᠠᠨ ᠬᠦᠩᠭᠡᠬᠡᠨᠢᠯᠪᠢᠬᠦ ᠳᠤ᠂ ᠬᠤᠷᠤᠭᠤ ᠴᠠᠶᠢᠷᠠᠩᠳᠠᠪᠠᠯ ᠤᠰᠤᠨ ᠳᠤ | ᠤᠮᠪᠠᠯᠠ ᠬᠡᠰᠡᠨ ᠦᠬᠡ᠃ ᠵᠡᠷᠢᠮᠠᠳ ᠨᠢ ᠨᠢᠭᠤᠷ ᠲᠤᠯᠤᠭᠠᠢ ᠳᠠᠭᠠᠨ ᠰᠢᠪᠠᠷ ᠱᠠᠯᠴᠠᠭ ᠨᠠᠭᠠᠯᠳᠤᠭᠤᠯᠤᠨ ᠬᠦᠶᠦᠵᠦ | ᠢᠷᠡᠬᠦ ᠶᠤᠮ ᠴᠢᠨᠢ ᠪᠠᠭᠰᠢ ᠳᠤ ᠮᠡᠳᠡᠭᠳᠡᠬᠦ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃ ᠲᠡᠭᠡᠭᠡᠳ ᠯᠡ ᠭᠠᠳᠠᠨᠠ ︽ᠨᠠᠷᠠᠯᠠᠭᠳᠠᠨ᠋︾ ᠰᠢᠳᠠ᠃ | ᠠᠯᠢᠶᠠ ᠨᠢᠬᠡ ᠨᠢ ᠭᠤᠣᠯ ᠤᠨ ᠲᠠᠩ ᠤᠨ ᠡᠪᠤᠳᠤᠭ᠌ ᠴᠢᠨᠡᠭᠡᠨ ᠰᠢᠪᠡᠷ ᠳᠣᠲᠣᠷᠠ ᠵᠦᠩᠳᠡᠭᠡᠨ ᠲᠤᠬᠢᠶᠠᠯᠳᠤᠳᠠᠭ | ᠲᠡᠮᠤᠷ ᠵᠠᠩᠭᠤ ᠶᠢ ᠲᠡᠭᠦᠵᠤ ᠠᠪᠴᠢᠷᠠᠭᠠᠳ ᠬᠠᠮᠳᠦ ᠰᠢᠷᠡᠭᠡᠳᠡᠨ ᠤ ᠬᠢ ᠪᠠᠨ ᠰᠠᠨᠳᠠᠯᠢ ᠳᠡᠭᠡᠷᠡ ᠰᠡᠮᠡᠭᠡᠷ ᠲᠠᠯᠪᠢᠨ | ᠬᠤᠤᠷ ᠬᠦᠷᠭᠡᠵᠤ ᠪᠠᠭᠰᠢ ᠳᠤ ᠲᠠᠪᠬᠤᠷ ︽ᠶᠠᠯᠠᠯᠠᠭᠳᠠᠳᠠᠭ︾ ᠪᠠᠶᠢᠭᠰᠠᠨ᠃ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠴᠢᠳᠦ | ᠪᠠᠭᠰᠢ ᠪᠠᠨ ᠢᠩᠭᠢᠵᠦ ᠵᠣᠪᠠᠭᠠᠳᠠᠭ ᠭᠡᠨᠡᠨ ᠴᠠᠶᠢᠯᠭᠠᠨ ᠪᠠᠭᠠ ᠨᠠᠰᠤ ᠮᠢᠨᠢ᠃ | ᠦᠰᠴᠤ ᠲᠤᠮᠤᠭᠠᠵᠢᠨ ᠪᠢᠴᠢᠭ ᠰᠤᠶᠤᠯ ᠤᠨ ᠮᠦᠷ ᠬᠦᠭᠡᠭᠡᠵᠤ ᠬᠤᠯᠠ ᠶᠠᠪᠤᠭᠰᠠᠨ ᠴᠤ ᠨᠤᠳᠤᠭ ᠤᠨ | ᠬᠢ ᠪᠠᠨ ᠭᠤᠤᠯ ᠳᠠᠭᠠᠨ ᠰᠡᠳᠭᠢᠯ ᠬᠤᠷᠭᠤᠳᠠᠭᠠᠳ ᠪᠠᠶᠢᠬᠤ ᠶᠤᠮ᠃ ᠤᠷᠢ ᠵᠠᠯᠠᠭᠤ ᠶᠢᠨ ᠬᠦᠰᠡᠯ ᠵᠢᠷᠭᠠᠯ ᠪᠦᠬᠦᠨ ᠢ | ᠭᠤᠤᠯ ᠳ᠋ᠠᠭᠠᠨᠰᠢᠪᠡᠨᠡᠭᠦ ᠪᠠᠷ ᠳᠡᠷᠭᠡᠳᠡ ᠨᠢ ᠭᠦᠷᠴᠤ ᠤᠴᠢᠳᠠᠭ᠃ ᠬᠠᠶᠢᠷᠠ ᠶᠢᠨ ᠮᠡᠯᠮᠡᠢ ᠪᠠᠷ ᠨᠠᠳᠠ ᠶᠢ ᠰᠢᠷᠳᠡᠭᠰᠡᠭᠡᠷ | ᠭᠤᠤᠯ ᠦᠨᠲ᠋ᠤᠩᠭᠠᠯᠠᠭ ᠤᠰᠤ ᠳᠦᠯᠭᠡᠭᠡᠨ ᠤᠷᠤᠰᠤᠨᠠ᠂ ᠮᠢᠨᠤ ᠬᠠᠶᠢᠷᠠ ᠭᠤᠨᠢᠭ᠂ ᠤᠰᠤᠯ ᠠᠯᠳᠠᠭᠠ ᠪᠦᠬᠦᠨ ᠢ | ᠤᠭᠢᠶᠠᠭᠰᠠᠭᠠᠷ ᠭᠤᠤᠯ ᠤᠨ ᠤᠰᠤ ᠠᠯᠭᠤᠷ ᠵᠡᠭᠦᠨᠰᠢᠯᠡᠨᠡ᠃ | ᠭᠤᠤᠯ ᠲᠠᠢ ᠪᠠᠨ ᠬᠠᠮᠳᠦ ᠦᠡᠭᠬᠡᠷᠡᠭᠡᠭᠰᠡᠨ ᠵᠠᠯᠠᠭᠤ ᠪᠠᠭᠠ ᠨᠠᠰᠤᠨ ᠤ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ ᠮᠢᠨᠢ | ᠰᠡᠳᠬᠢᠯ ᠳᠤ ᠬᠠᠳᠠᠩᠰᠢᠨ᠂ ᠲᠤᠷᠠᠰᠤᠯ ᠤᠨ ᠮᠤᠳᠤ ᠶᠢᠨ ᠬᠠᠮᠤᠭ ᠤᠨ ᠭᠤᠶᠤ ᠨᠠᠮᠠᠭᠠ ᠪᠤᠯᠵᠤ ᠬᠡᠵᠢᠶᠡᠳᠡ ᠠᠮᠢᠯᠠᠯ ᠢᠶᠠᠷ | ᠪᠢᠯᠬᠠᠮᠠ ᠪᠠᠶᠢᠳᠠᠭ᠃ | ᠡᠨᠡᠷᠢᠯ ᠢᠪᠡᠭᠡᠯ ᠤᠨ ᠭᠤᠤᠯ ᠮᠢᠨᠢ᠂ ᠬᠠᠶᠢᠷᠠ ᠶᠢᠨ ᠡᠭᠡᠰᠢᠭ ᠤᠷᠠᠩᠭᠠᠷᠠᠭᠰᠠᠨ ᠦᠨᠢᠳᠡ ᠶᠢᠨ ᠲᠤᠷᠠᠰᠤᠮᠵᠢ | ᠪᠢᠯᠡ᠃ | ᠵᠣᠬᠢᠶᠠᠭᠴᠢ᠄ ᠳᠠᠭᠤᠯᠠ |