| ᠲᠠᠷᠬᠠᠨ ᠨᠤᠲᠤᠭ ᠤᠨ ᠬᠦᠭᠵᠢᠯ | ᠴᠡᠭᠡᠯᠬᠡᠨ ᠳᠠᠭᠤ ᠲᠠᠢ ᠬᠤᠭᠤᠷ ᠢᠶᠠᠨ | ᠴᠡᠭᠴᠡᠤᠬᠡᠢ ᠰᠢᠪᠠᠭᠤ ᠰᠢᠭ᠋ ᠤᠶᠠᠩᠭᠠᠯᠠᠶᠠ᠂ | ᠴᠡᠯᠡᠭᠡᠷ ᠠᠭᠤᠳᠠᠮ ᠨᠤᠲᠤᠭ ᠤᠨ ᠢᠶᠠᠨ | ᠴᠡᠴᠡᠭᠯᠡᠯ ᠬᠦᠭᠵᠢᠯ ᠢ ᠨᠢ ᠬᠤᠯᠪᠤᠶᠠ ᠳ᠋ᠠ᠃ | ᠤᠶᠠᠬᠠᠨ ᠳᠠᠭᠤ ᠲᠠᠢ ᠬᠤᠭᠤᠷ ᠢᠶᠠᠨ | ᠤᠷᠠᠨ ᠬᠦᠬᠦᠭᠡ ᠰᠢᠭ ᠡᠭᠡᠰᠢᠭᠯᠡᠭᠦᠯᠦᠶᠡ᠂ | ᠤᠬᠠᠮᠰᠠᠷᠠᠵᠤ ᠪᠦᠯᠬᠦᠮᠳᠡᠭᠰᠡᠨ ᠮᠠᠯᠴᠢᠳ ᠤᠨ ᠢᠶᠠᠨ | ᠤᠷᠤᠭᠰᠢᠯᠠᠵᠤ ᠲᠡᠮᠡᠴᠡᠭᠰᠡᠨ ᠢ ᠨᠢ ᠮᠠᠭᠲᠠᠶᠠ ᠳ᠋ᠠ᠃ | ᠠᠶᠢᠪᠠᠭᠠ ᠭᠤᠣᠯ ᠤᠨ ᠤᠰᠤ ᠨᠢ᠂ | ᠠᠷᠢᠭᠤᠨ ᠪᠤᠯᠠᠭ ᠤᠨ ᠤᠨᠳᠤᠷᠤᠯ ᠲᠠᠢ᠂ | ᠠᠶᠠᠯᠭᠤᠯᠠᠵᠤ ᠬᠡᠯᠡᠬᠦ ᠬᠤᠯᠪᠤᠭᠠ ᠮᠢᠨᠢ | ᠠᠤᠭᠠ ᠲᠡᠮᠡᠴᠡᠯ ᠤᠨ ᠰᠣᠷᠪᠤᠯᠵᠢ ᠲᠠᠢ᠃ | ᠳᠠᠷᠬᠠᠨ ᠨᠤᠲᠤᠭ ᠤᠨ ᠬᠦᠭᠵᠢᠯᠲᠡ ᠨᠢ | ᠳᠠᠯᠠᠢ ᠬᠦᠳᠡᠯᠮᠦᠷᠢ ᠠᠴᠠ ᠦᠨᠳᠦᠰᠦ ᠲᠠᠢ | ᠳᠠᠶᠢᠴᠢᠨ ᠪᠠᠭᠠᠳᠤᠷ ᠮᠠᠯᠴᠢᠳ ᠨᠢ | ᠳᠠᠭᠠᠷᠢᠵᠤ ᠪᠠᠶᠢᠯᠳᠤᠳᠠᠭ ᠤᠳᠤᠮᠰᠢᠯ ᠲᠠᠢ᠃ | ᠨᠠᠷᠠᠨ ᠤ ᠲᠤᠶᠠᠭᠠ ᠭᠡᠶᠢᠭᠦᠯᠦᠭᠰᠡᠨ | ᠨᠠᠶᠢᠷᠲᠠᠢ ᠵᠤᠨ ᠤ ᠤᠯᠠᠷᠢᠯ ᠳᠤ | ᠨᠠᠪᠴᠢ ᠴᠡᠴᠡᠭ ᠮᠢᠷᠠᠯᠵᠠᠭᠰᠠᠨ | ᠨᠠᠷᠠᠨᠪᠤᠯᠠᠭ ᠪᠠᠷᠢᠭᠠᠳᠠ ᠳᠤ | ᠲᠣᠷᠭᠠᠨ ᠡᠮᠵᠢᠶᠡᠷᠢ ᠰᠢᠭ ᠵᠠᠰᠠᠮᠠᠯ ᠭᠤᠣᠯ | ᠬᠤᠷᠴᠢᠭᠢᠨᠠᠨ ᠱᠤᠤᠬᠢᠭᠠᠳ ᠤᠶᠠᠩᠭᠠ ᠲᠠᠢ᠂ | ᠲᠤᠤᠰᠠ ᠴᠢᠮᠬᠢᠭᠡᠷᠡᠢ ᠰᠢᠭ ᠡᠪᠡᠰᠦᠨ ᠬᠦᠷᠢᠶᠡ | ᠬᠤᠯᠠ ᠠᠴᠠ ᠴᠠᠶᠢᠷᠠᠭᠠᠳ ᠦᠵᠡᠮᠵᠢᠳᠡᠢ᠃ | ᠰᠦᠷᠴᠢᠭᠦᠷ ᠮᠠᠰᠢᠨ ᠬᠦᠩᠭᠢᠨᠡᠭᠡᠳ ᠤᠰᠤᠷᠬᠠᠭ | ᠪᠣᠷᠣᠭᠠᠨ ᠤ ᠰᠢᠪᠡᠷᠡᠭᠡᠨ ᠲᠠᠢ᠂ | ᠰᠦᠭᠡᠭ ᠰᠢᠭᠤᠢ ᠵᠢᠭᠲᠡᠷᠡᠭᠡᠳ | ᠤᠷᠠᠨ ᠰᠢᠪᠠᠭᠤᠳ ᠤᠨ ᠳᠣᠩᠭᠤᠳᠣᠭᠠᠨ ᠲᠠᠢ᠃ | ᠰᠢᠯᠢ ᠶᠢ ᠪᠦᠷᠬᠦᠭᠰᠡᠨ ᠰᠦᠷᠦᠭ ᠨᠢ | ᠰᠢᠭᠢᠳᠭᠡᠭᠡ ᠰᠤᠪᠤᠳ ᠰᠢᠭ᠋ ᠮᠢᠷᠠᠯᠵᠠᠭᠠᠨ ᠲᠠᠢ᠂ | ᠰᠢᠨᠡᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠰᠠᠭᠤᠷᠢᠰᠢᠯ ᠨᠢ | ᠰᠢᠯ ᠪᠤᠯᠤᠷ ᠰᠢᠭ᠋ ᠬᠢᠯᠠᠯᠵᠠᠭᠠᠨ ᠲᠠᠢ᠃ | ᠪᠡᠯᠴᠢᠭᠡᠷ ᠤᠰᠤ ᠪᠠᠨ ᠦᠭᠡᠷᠡᠴᠢᠯᠡᠬᠦ ᠳᠤ | ᠪᠠᠭᠠᠳᠤᠷᠯᠠᠨ ᠣᠷᠣᠳᠠᠭ ᠨᠢ ᠣᠯᠠᠨ ᠪᠠᠶᠢᠨᠠ᠂ | ᠪᠡᠷᠬᠡ ᠬᠦᠴᠢᠷ ᠲᠤᠯᠭᠠᠷᠠᠪᠠᠯ | ᠪᠢ ᠭᠡᠳ ᠬᠦᠷᠳᠡᠭ ᠨᠢ ᠠᠷᠪᠢᠨ ᠪᠠᠶᠢᠨᠠ᠃ | ᠮᠠᠨ ᠤ ᠰᠠᠶᠢᠨ ᠳᠠᠭᠠᠭᠤᠯᠤᠭᠴᠢ | ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠲᠠᠢ ᠱᠦᠵᠢ ᠪᠠᠶᠢᠨᠠ | ᠮᠠᠯᠵᠢᠬᠤ ᠮᠡᠷᠭᠡᠵᠢᠯ ᠢ ᠰᠤᠳᠤᠯᠤᠭᠴᠢ | ᠮᠠᠩᠯᠠᠶᠢᠯᠠᠵᠤ ᠠᠵᠢᠯᠯᠠᠳᠠᠭ ᠮᠡᠷᠭᠡᠵᠢᠯᠳᠡᠨ ᠪᠠᠶᠢᠨᠠ᠃ | ᠠᠭᠰᠤᠮ ᠬᠦᠯᠦᠭ ᠦᠤᠷᠰᠡᠯᠳᠦᠭᠡᠳ | ᠠᠯᠤᠰ ᠤᠨ ᠵᠠᠮ ᠨᠢ ᠨᠠᠷᠭᠢᠶᠠᠨ ᠲᠠᠢ᠂ | ᠠᠭᠤᠤ ᠠᠶᠠᠨ ᠲᠠᠶᠢᠨ ᠳᠠᠭᠠᠨ | ᠠᠵᠢᠯᠴᠢ ᠮᠠᠯᠴᠢᠳ ᠪᠠᠶᠠᠷ ᠲᠠᠢ᠃ | ᠤᠯᠠᠭᠠᠨ ᠲᠤᠭ ᠢᠶᠠᠨ ᠡᠷᠭᠦᠭᠡᠳ | ᠤᠷᠤᠭᠰᠢᠯᠠᠭᠰᠠᠨ ᠡᠩᠨᠡᠭᠡ ᠨᠢ ᠵᠢᠪᠬᠤᠯᠠᠩ ᠲᠠᠢ᠂ | ᠤᠷᠢᠲᠠᠵᠤ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠭᠦᠯᠦᠭᠡᠳ | ᠤᠷᠤᠯᠳᠤᠭᠠᠨ ᠤ ᠳᠠᠭᠤᠨ ᠨᠢ ᠬᠦᠭᠵᠢᠶᠡᠨ ᠲᠠᠢ᠃ | ᠮᠠᠰᠢᠨ ᠬᠤᠳᠳᠤᠭ ᠤᠨ ᠣᠷᠭᠢᠯᠭᠠᠨ ᠳᠤ | ᠮᠢᠩᠭᠠᠨ ᠰᠦᠷᠦᠭ ᠤᠨ ᠪᠣᠶᠢᠵᠢᠯᠳᠠ ᠲᠠᠢ | ᠮᠠᠰᠢᠨ ᠬᠠᠶᠢᠴᠢ ᠶᠢᠨ ᠬᠢᠯᠠᠯᠵᠠᠭᠠᠨ ᠳᠤ | ᠮᠢᠨᠳᠠᠰᠤᠨ ᠰᠦᠮᠪᠦᠷ ᠤᠨ ᠣᠪᠣᠭᠠ ᠲᠠᠢ᠃ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠡᠵᠡᠮᠰᠢᠭᠡᠳ | ᠰᠢᠷᠭᠠᠭᠤ ᠰᠤᠳᠤᠯᠭᠠ ᠨᠢ ᠠᠮᠵᠢᠯᠳᠠ ᠲᠠᠢ᠂ | ᠰᠢᠨᠡ ᠪᠦᠳᠦᠭᠡᠯ ᠢᠶᠠᠨ ᠡᠭᠦᠳᠦᠭᠡᠳ | ᠰᠢᠯᠢᠳᠡᠭ ᠵᠢᠱᠢᠶᠠᠴᠢᠳ ᠠᠷᠪᠢᠨ ᠪᠠᠶᠢᠨᠠ᠃ | ᠠᠵᠠᠢ ᠪᠤᠭᠤᠷᠤᠯ ᠨᠠᠰᠤᠳᠠᠨ | ᠠᠷᠪᠠ ᠬᠦᠷᠦᠭᠡ ᠦᠭᠡᠢ ᠬᠡᠤᠭᠡᠳ | ᠠᠯᠤᠰ ᠠᠴᠠ ᠢᠷᠡᠭᠰᠡᠨ ᠮᠡᠷᠭᠡᠵᠢᠯᠳᠡᠨ | ᠠᠳᠤᠭᠤᠴᠢᠨ᠂ ᠦᠭᠡᠷᠴᠢᠨ᠂ ᠬᠤᠨᠢᠴᠢᠨ | ᠪᠣᠳᠣᠯᠭᠠ ᠴᠤᠭ ᠨᠢᠭᠡᠳᠦᠭᠡᠳ | ᠪᠤᠯᠴᠢᠩ ᠨᠢ ᠬᠠᠮᠲᠤ ᠵᠠᠩᠭᠢᠷᠠᠭᠠᠳ | ᠪᠣᠯᠳᠤ ᠬᠠᠷᠠᠴᠠ ᠨᠢ ᠲᠦᠪᠯᠡᠷᠡᠭᠡᠳ | ᠪᠣᠰᠢᠭᠤᠯᠠᠵᠤ ᠬᠠᠮᠲᠤ ᠪᠠᠷ ᠤᠷᠤᠭᠰᠢᠯᠠᠵᠤ ᠪᠠᠶᠢᠨᠠ᠃ | ᠪᠠᠶᠠᠯᠢᠭ ᠳᠠᠷᠬᠠᠨ ᠨᠤᠲᠤᠭ ᠲᠤ ᠮᠢᠨᠢ | ᠪᠠᠭ᠋ᠠᠷᠠᠯᠲᠠᠢ ᠭᠠᠶᠢᠬᠠᠮᠰᠢᠭ ᠠᠷᠪᠢᠨ ᠳ᠋ᠠ᠂ | ᠪᠠᠳᠠᠭ ᠪᠠᠳᠠᠭ ᠬᠤᠯᠪᠤᠭᠠ ᠪᠠᠷ | ᠪᠠᠭᠲᠠᠭᠠᠵᠤ ᠬᠡᠯᠡᠬᠦ ᠳᠤ ᠬᠦᠴᠢᠷ ᠰᠢᠤ᠃ | ᠰᠠᠷᠠᠭᠤᠯ ᠠᠭᠤᠳᠠᠮ ᠨᠤᠲᠤᠭ ᠲᠤ ᠮᠢᠨᠢ | ᠰᠠᠶᠢᠴᠤᠤᠯ ᠵᠢᠱᠢᠶᠡᠴᠢ ᠣᠯᠠᠨ ᠳ᠋ᠠ᠂ | ᠱᠠᠨᠵᠠ ᠬᠤᠭᠤᠷ ᠢᠶᠠᠨ ᠬᠤᠣᠰᠯᠠᠭᠤᠯᠵᠦ | ᠰᠢᠯᠦᠭᠯᠠᠵᠦ ᠬᠤᠯᠪᠤᠭᠠᠳ ᠪᠠᠷᠠᠨᠠ ᠤᠤ ᠳ᠋ᠠ︕ | ᠡᠭᠦᠰᠭᠡᠵᠦ ᠬᠡᠯᠡᠭᠰᠡᠨ ᠬᠤᠯᠪᠣᠭᠠ ᠪᠠᠨ | ᠠᠳᠡ ᠬᠦᠷᠭᠡᠭᠡᠳ ᠲᠡᠭᠦᠰᠭᠡᠶᠡ᠂ | ᠦᠳᠡᠰᠢᠯᠡᠭᠡ ᠨᠠᠶᠢᠷ ᠤᠨ ᠣᠯᠠᠨ ᠤ ᠪᠠᠨ | ᠦᠯᠵᠡᠢ ᠪᠠᠲᠤᠳᠬᠠᠬᠤ ᠶᠢ ᠢᠷᠦᠭᠡᠶᠡ︕ | ᠬᠤᠯᠪᠤᠵᠤ ᠬᠡᠯᠡᠭᠰᠡᠨ ᠮᠠᠭᠲᠠᠭᠠᠯ ᠢᠶᠠᠨ | ᠬᠤᠷᠢᠶᠠᠵᠤ ᠠᠪᠤᠭᠠᠳ ᠲᠡᠭᠦᠰᠭᠡᠶᠡ | ᠬᠤᠷᠠᠵᠤ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠤ ᠪᠠᠨ | ᠬᠤᠣᠰ ᠦᠭᠡᠢ ᠵᠢᠷᠭᠠᠬᠤ ᠶᠢ ᠢᠷᠦᠭᠡᠶᠡ︕ | ︵ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠤ ᠲᠡᠤᠬᠡ ᠰᠤᠶᠤᠯ ᠤᠨ | ᠴᠣᠪᠣᠷᠠᠯ ᠪᠢᠴᠢᠭ—《 ᠲᠠᠯᠠᠩᠭᠤᠷᠪᠠ ᠶᠢᠨ ᠵᠣᠬᠢᠶᠠᠯ ᠤᠳ》 ᠠᠴᠠ ᠪᠠᠭᠤᠯᠭᠠᠪᠠ︶ |