| ᠢᠯᠡᠷᠭᠡᠶᠢᠯᠡᠯ ᠤᠨ ᠨᠡᠷᠡ ᠨᠢ ︽ᠴᠢᠭᠤᠯᠭᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾᠂ ᠲᠦᠪᠡᠳ ᠨᠡᠷᠡ ᠨᠢ | ︽ᠫᠤᠩᠰᠤᠬᠳᠠᠮᠴᠤᠯᠢᠩ ᠬᠡᠶᠢᠳ︾ ᠭᠡᠲᠡᠭ᠃ ᠴᠢᠩ ᠤᠯᠤᠰ ᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠨ | ︵1748 ᠤᠨ︶᠂ ᠰᠢᠷᠡ ᠯᠤᠤ ᠵᠢᠯ ᠤᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠰᠡᠷᠡ ᠳᠤ ᠬᠦᠭᠡᠨᠠᠭᠤᠷ ᠤᠨ ᠯᠠᠪᠷᠤᠩ ᠭᠡᠶᠢᠳ ᠤᠨ | ᠵᠢᠷᠤᠬᠠᠶᠢᠴᠢ ᠳ᠋ᠤᠷᠠᠮᠪᠡ ᠶᠢᠨ ᠮᠢᠨᠳᠠᠭ ᠴᠤᠯᠠ ᠲᠠᠢ ᠯᠤᠪᠰᠠᠩ ᠬᠡᠲᠡᠭ ᠯᠠᠮᠠ ᠬᠦᠬᠡᠬᠤᠲᠡ ᠶᠢᠨ ᠪᠠᠭᠠ ᠵᠤᠤ ᠰᠦᠮᠡ | ᠠᠴᠠ ᠰᠢᠷᠡ ᠴᠢᠯᠠᠭᠤ ᠭᠡᠲᠡᠭ ᠭᠠᠵᠠᠷ ᠢᠷᠡᠵᠦ ᠲᠤᠰ ᠰᠦᠮᠡ ᠶᠢ ᠪᠠᠶᠢᠭᠤᠯᠵᠠᠢ᠃ | ᠡᠶᠢᠮᠦ ᠠᠴᠠ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠭᠡᠵᠦ ᠨᠡᠷᠡᠰᠢᠭᠰᠡᠨ ᠪᠠᠶᠢᠨᠡ᠃ ᠤᠤᠯ ᠨᠢ ᠭᠠᠵᠠᠷ ᠰᠢᠡᠵᠢᠭᠴᠢ ᠯᠠᠮᠠ ᠪᠡ | ᠰᠦᠮᠡ ᠪᠠᠷᠢᠬᠴᠢ ᠨᠢ ᠤᠳᠤ ᠶᠢᠨ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠶᠢᠨ ᠬᠤᠶᠢᠲᠦ ᠠᠭᠤᠯᠠᠨ ᠤ ᠶᠠᠨᠳᠠᠷᠲᠦ ᠭᠡᠲᠡᠭ ᠭᠠᠵᠠᠷ | ᠰᠦᠮᠡ ᠪᠠᠨ ᠪᠠᠷᠢᠬᠤ ᠭᠡᠵᠦ ᠪᠠᠶᠢᠵᠠᠢ᠃ ᠭᠡᠲᠡᠯᠡ ᠰᠡᠭᠦᠯ ᠳᠤ ᠨᠢ ᠡᠨᠡ ᠭᠠᠵᠠᠷ ᠢ ᠰᠦᠮᠡ ᠭᠡᠶᠢᠳ ᠤᠨ ᠯᠠᠮᠠ | ᠬᠤᠸᠠᠷᠠᠭ ᠲᠤ ᠬᠠᠷᠰᠢ ᠲᠠᠢ ᠭᠡᠵᠦ ᠦᠵᠡᠭᠡᠳ ᠰᠦᠮᠡ ᠶᠢᠨ ᠰᠠᠭᠤᠷᠢ ᠲᠠᠯᠪᠢᠬᠰᠡᠨ ᠢᠶᠠᠨ ᠰᠢᠯᠵᠢᠭᠦᠯᠵᠦ ᠰᠢᠷᠡ | ᠴᠢᠯᠠᠭᠤ ᠭᠡᠲᠡᠭ ᠭᠠᠵᠠᠷ ᠰᠦᠮᠡ ᠪᠠᠨ ᠪᠠᠶᠢᠭᠤᠯᠵᠠᠢ᠃ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠶᠢ ᠪᠠᠷᠢᠬᠤ ᠳᠤ ᠱᠠᠨᠰᠢ ᠶᠢᠨ | ᠰᠢᠪᠡᠷᠴᠢᠨ ᠮᠤᠳᠤᠴᠢᠨ ᠢ ᠬᠦᠯᠦᠰᠦᠯᠡᠨ ᠠᠪᠴᠢᠷᠠᠵᠦ᠂ ᠰᠦᠮᠡ ᠪᠠᠷᠢᠬᠤ ᠭᠠᠵᠠᠷ ᠠᠴᠠ ᠵᠡᠭᠦᠨᠰᠢ ᠲᠦᠷᠪᠠᠨ ᠭᠠᠵᠠᠷ | ᠤᠨ ᠵᠠᠶᠢᠳᠠᠢ ᠲᠤᠭᠤᠰᠬᠠ ᠰᠢᠳᠠᠭᠠᠵᠦ᠂ ᠲᠦᠴᠢᠨ ᠵᠠᠩ ᠤᠨ ᠰᠦᠮᠡ ᠳᠤ ᠬᠡᠷᠡᠭᠯᠡᠬᠦ ᠲᠤᠭᠤᠰᠬᠠ ᠶᠢ ᠨᠢᠭᠡ ᠴᠦ | ᠲᠡᠷᠭᠡ ᠪᠠᠷ ᠲᠡᠭᠡᠭᠡᠪᠦᠷᠢᠯᠡᠭᠰᠡᠨ ᠦᠭᠡᠢ᠂ ᠦᠭᠯᠢᠭᠡ ᠶᠢᠨ ᠡᠵᠡᠳ ᠢ ᠴᠤᠬᠯᠠᠭᠤᠯᠵᠦ᠂ ᠲᠤᠭᠤᠰᠬᠠ ᠰᠢᠳᠠᠭᠠᠭᠰᠡᠨ ᠭᠠᠵᠠᠷ | ᠠᠴᠠ ᠰᠦᠮᠡ ᠪᠠᠷᠢᠬᠤ ᠭᠠᠵᠠᠷ ᠬᠦᠷᠲᠡᠯᠡ ᠬᠦᠮᠦᠨ ᠮᠦᠷᠯᠠᠨ ᠵᠤᠬᠰᠤᠵᠦ ᠨᠢᠭᠡ ᠨᠢᠭᠡ ᠲᠤᠭᠤᠰᠬᠠ ᠪᠠᠷ | ᠲᠠᠮᠵᠢᠭᠤᠯᠤᠨ ᠵᠦᠭᠡᠭᠡᠪᠦᠷᠢᠯᠡᠵᠠᠢ᠃ | ᠡᠨᠡ ᠰᠦᠮᠡ ᠶᠢ ᠡᠬᠢᠯᠠᠨ ᠪᠠᠶᠢᠭᠤᠯᠬᠤ ᠦᠶᠡ ᠲᠦᠷᠪᠠᠨ ᠶᠡᠭᠡ ᠲᠤᠭᠠᠩ ᠲᠠᠢ ᠪᠠᠶᠢᠵᠠᠢ᠃ ᠰᠡᠭᠦᠯ ᠳᠤ ᠨᠢ | ᠪᠠᠰᠡ ᠯᠠᠮᠠ ᠶᠢᠨ ᠯᠠᠪᠷᠤᠩ ᠢ ᠨᠢᠭᠡ ᠨᠡᠮᠡᠵᠦ ᠪᠠᠷᠢᠪᠡ᠃ ᠭᠤᠤᠯ ᠲᠤᠭᠠᠩ ᠢ ᠴᠤᠬᠴᠢᠨ ᠲᠤᠭᠠᠩ ᠭᠡᠲᠡᠭ᠃ ᠲᠤᠭᠠᠩ | ᠤᠨ ᠤᠷᠤᠢ ᠲᠡᠭᠡᠷᠡ ᠲᠦᠷᠪᠠᠨ ᠲᠤᠬᠤᠢ ᠬᠠᠭᠠᠰ ᠦᠨᠳᠦᠷ ᠬᠤᠶᠠᠷ ᠭᠠᠦᠯᠢᠨ ᠬᠦᠷᠦᠭᠡᠰᠦ ᠲᠠᠢ᠂ ᠲᠤᠮᠲᠡ ᠨᠢ ᠬᠤᠷᠯᠦ | ᠲᠠᠢ᠂ ᠨᠢᠭᠡ ᠭᠠᠨᠵᠢᠷᠡ᠂ ᠬᠤᠶᠠᠷ ᠵᠠᠮᠴᠢᠨ ᠲᠠᠢ ᠪᠠᠶᠢᠳᠠᠭ᠃ ᠲᠤᠰ ᠲᠤᠭᠠᠩ ᠳᠤ ᠴᠠᠭ ᠤᠨ ᠬᠤᠷᠡᠯ᠂ ᠤᠯᠠᠷᠢᠯ ᠤᠨ | ᠬᠤᠷᠡᠯ ᠬᠤᠷᠠᠬᠤ ᠪᠡ ᠵᠢᠷᠤᠬᠠᠢ ᠶᠢᠨ ᠤᠬᠠᠭᠠᠨ ᠢ ᠰᠤᠷᠴᠦ ᠰᠤᠳᠤᠯᠳᠠᠭ ᠪᠠᠶᠢᠵᠠᠢ᠃ ᠪᠠᠷᠠᠭᠤᠨ ᠲᠤᠭᠠᠩ ᠢ ᠨᠢ | ᠮᠠᠩᠯᠠᠢ ᠶᠢᠨ ᠲᠤᠭᠠᠩ ᠭᠡᠲᠡᠭ᠂ ᠪᠠᠰᠡ ᠣᠳᠠᠴᠢ ᠪᠤᠷᠬᠠᠨ ᠤ ᠲᠤᠭᠠᠩ ᠴᠦ ᠭᠡᠲᠡᠭ ᠪᠢᠯᠡ᠃ ᠲᠤᠭᠠᠩ ᠤᠨ ᠤᠷᠤᠢ | ᠲᠡᠭᠡᠷᠡ ᠨᠢ ᠲᠦᠷᠪᠠᠨ ᠲᠤᠬᠤᠢ ᠬᠠᠭᠠᠰ ᠦᠨᠳᠦᠷ ᠭᠠᠨᠵᠢᠷᠡ ᠲᠠᠢ᠂ ᠲᠤᠭᠠᠩ ᠲᠤᠳᠤᠷᠡ ᠤᠳᠠᠴᠢ ᠪᠤᠷᠬᠠᠨ ᠢ ᠲᠠᠬᠢᠵᠦ | ᠪᠠᠶᠢᠳᠠᠭ᠃ ᠵᠡᠭᠦᠨ ᠲᠤᠭᠠᠩ ᠢ ᠨᠢ ᠰᠢᠨᠡ ᠲᠤᠭᠠᠩ ᠭᠡᠲᠡᠭ᠃ ᠡᠨᠡ ᠨᠢ ᠶᠦᠮ ᠬᠤᠷᠠᠳᠠᠭ ᠲᠤᠭᠠᠩ ᠪᠠᠶᠢᠵᠠᠢ᠃ | ᠲᠤᠳᠤᠷᠡ ᠨᠢ ᠶᠦᠮ ᠤᠨ ᠪᠤᠳᠢ ᠭᠡᠵᠦ ᠬᠤᠷᠢᠨ ᠨᠢᠭᠡᠨ ᠪᠤᠳᠢ ᠨᠤᠮ ᠬᠠᠳᠠᠭᠠᠯᠠᠵᠦ ᠪᠠᠶᠢᠳᠠᠭ᠃ ᠪᠠᠰᠡ ᠨᠦᠩᠨᠠᠢ ᠶᠢᠨ | ᠲᠤᠭᠠᠩ ᠭᠡᠵᠦ ᠪᠠᠶᠢᠵᠠᠢ᠂ ᠠᠲᠡ ᠨᠦᠩᠨᠠᠢ ᠶᠢᠨ ᠬᠤᠷᠡᠯ ᠬᠤᠷᠡᠳᠠᠭ᠃ ᠡᠨᠡ ᠬᠤᠶᠠᠷ ᠲᠤᠭᠠᠩ ᠤᠨ ᠤᠷᠤᠢ ᠲᠡᠭᠡᠷᠡ | ᠪᠦᠷ ᠭᠠᠨᠵᠢᠷᠡ ᠲᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠡ ᠯᠠᠮᠠ ᠶᠢᠨ ᠯᠠᠪᠷᠤᠩ ᠭᠡᠵᠦ ᠨᠢᠭᠡ ᠲᠤᠭᠠᠩ ᠪᠠᠶᠢᠳᠠᠭ᠃ ᠡᠨᠡ ᠲᠤᠭᠠᠩ | ᠤᠨ ᠤᠷᠤᠢ ᠲᠡᠭᠡᠷᠡ ᠮᠦᠨ ᠲᠦᠷᠪᠠᠨ ᠲᠤᠬᠤᠢ ᠬᠠᠭᠠᠰ ᠦᠨᠳᠦᠷ ᠬᠤᠶᠠᠷ ᠭᠠᠦᠯᠢᠨ ᠪᠤᠳᠢ ᠬᠦᠷᠦᠭᠡᠰᠦ᠂ ᠬᠤᠷᠯᠦ | ᠭᠠᠨᠵᠢᠷᠡ ᠪᠡ ᠵᠠᠮᠴᠢᠨ ᠲᠠᠢ ᠪᠠᠶᠢᠳᠠᠭ᠃ ᠠᠲᠡ ᠲᠠᠬᠢᠯ ᠲᠠᠯᠪᠢᠵᠦ᠂ ᠦᠩᠭᠡᠷᠡᠭᠰᠡᠨ ᠬᠤᠪᠢᠯᠭᠠᠳ ᠤᠨ ᠴᠢᠨᠳᠠᠷ ᠢ | ᠲᠠᠯᠪᠢᠵᠦ ᠪᠠᠶᠢᠳᠠᠭ᠃ | ᠯᠠᠮᠠ ᠶᠢᠨ ᠰᠠᠩ ︵ᠰᠦᠮᠡ ᠶᠢᠨ︶ ᠭᠡᠵᠦ ᠠᠰ ᠲᠠᠭᠠᠨ ᠬᠦᠷᠢᠶᠡ ᠲᠠᠢ᠂ ᠭᠤᠤᠯ ᠳᠤᠨᠢ ᠰᠠᠩ ᠤᠨ ᠭᠡᠷ᠂ ᠵᠡᠭᠦᠨ | ᠲᠡᠯᠡ ᠳᠤᠨᠢ ᠴᠠᠪ ᠮᠠᠩᠵᠠ ᠬᠢᠬᠦ ᠭᠡᠷ᠂ ᠰᠠᠩ ᠬᠦᠮᠦᠷᠭᠡ ᠵᠡᠷᠭᠡ ᠤᠯᠠᠨ ᠭᠡᠷ ᠲᠠᠢ᠂ ᠪᠠᠷᠠᠭᠤᠨᠳᠠᠢ ᠨᠢ ᠴᠢᠬᠢᠨ ᠭᠡᠷ ᠤᠳ | ᠪᠤᠢ᠃ ᠵᠡᠭᠦᠨ ᠡᠮᠦᠨᠡ ᠨᠢ ᠶᠡᠭᠡ ᠵᠢᠰᠡ ᠭᠡᠵᠦ ᠠᠰ ᠲᠠᠭᠠᠨ ᠬᠦᠷᠢᠶᠡ ᠬᠠᠰᠢᠶᠡ ᠪᠠᠶᠢᠰᠢᠩ ᠲᠠᠢ᠃ ᠪᠠᠷᠠᠭᠤᠨ ᠡᠮᠦᠨᠡ | ᠨᠢ ᠨᠦᠩᠨᠠᠢ ᠶᠢᠨ ᠵᠢᠰᠡ ᠭᠡᠵᠦ ᠪᠠᠭᠠᠬᠠᠨ ᠬᠦᠷᠢᠶᠡ ᠲᠠᠢ ᠭᠡᠳᠦᠨ ᠪᠠᠶᠢᠰᠢᠩ᠂ ᠰᠢᠲᠦᠭᠡᠨ ᠲᠠᠢ ᠭᠡᠷ ᠤᠳ ᠪᠠᠶᠢᠵᠠᠢ᠃ | ᠲᠤᠰ ᠰᠦᠮᠡ ᠭᠤᠷᠪᠠᠨ ᠲᠠᠬᠢᠯᠭᠠ ᠶᠢᠨ ᠤᠪᠤᠭᠠ ᠲᠠᠢ᠃ ᠡᠭᠦᠨ ᠳᠤ ᠡᠷᠳᠠᠨᠢᠠᠤᠪᠤᠭᠠ ᠪᠤᠯ ᠰᠦᠮᠡ ᠶᠢᠨ | ᠵᠢᠰᠡ ᠠᠴᠠ ᠵᠢᠯ ᠪᠦᠷᠢ ᠶᠢᠨ 6 ᠰᠡᠷᠡ ᠶᠢᠨ 3 ᠤ ᠡᠳᠤᠷ ᠲᠠᠬᠢᠳᠠᠭ᠃ ᠡᠶᠢᠮᠦ ᠠᠴᠠ ᠪᠠᠰᠡ ᠶᠡᠭᠡ ᠵᠠᠯᠠ ᠤᠪᠤᠭᠠ | ᠭᠡᠲᠡᠭ᠃ ᠨᠡᠷᠡᠲᠦ ᠤᠪᠤᠭᠠ ᠪᠤᠯ ᠵᠢᠯ ᠪᠦᠷᠢ ᠶᠢᠨ 5 ᠰᠡᠷᠡ ᠶᠢᠨ 13 ᠤ ᠡᠳᠤᠷ ᠯᠠᠮᠠ ᠶᠢᠨ ᠱᠠᠩ ᠠᠴᠠ ᠲᠠᠬᠢᠳᠠᠭ | ᠲᠤᠯᠠ ᠪᠠᠰᠡ ᠱᠠᠩ ᠤᠨ ᠤᠪᠤᠭᠠ ᠭᠡᠵᠦ ᠬᠡᠯᠡᠲᠡᠭ᠃ ᠲᠤᠷᠤᠪ ᠤᠨ ᠤᠪᠤᠭᠠ ᠶᠢ ᠵᠢᠯ ᠪᠦᠷᠢ ᠶᠢᠨ 6 ᠰᠡᠷᠡ ᠶᠢᠨ | 13 ᠳᠤ ᠶᠦᠮ ᠤᠨ ᠵᠢᠰᠡ ᠠᠴᠠ ᠲᠠᠬᠢᠳᠠᠭ᠃ | ᠲᠤᠰ ᠰᠦᠮᠡ ᠲᠤᠯᠤᠭᠠᠨ ᠲᠦᠷᠢ ᠶᠢᠨ ᠬᠤᠪᠢᠯᠭᠠᠨ ᠵᠠᠯᠠᠭᠰᠡᠨ ᠲᠡᠦᠭᠡ ᠲᠠᠢ᠂ ᠵᠢᠷᠭᠤᠳᠤᠭᠠᠷ ᠲᠦᠷᠢ ᠶᠢᠨ | ᠬᠤᠪᠢᠯᠭᠠᠨ ᠤ ᠦᠶᠡ᠂ 1927 ᠤᠨ ᠳᠤ ᠲᠦᠪᠠᠳ ᠠᠴᠠ ᠪᠠᠨᠴᠢᠨ ᠡᠷᠳᠠᠨᠢ ᠲᠤᠰ ᠰᠦᠮᠡ ᠳᠤ ᠵᠠᠯᠠᠷᠡᠨ ᠪᠠᠭᠤᠵᠦ | ᠨᠤᠮ ᠤᠩᠰᠢᠨ ᠮᠦᠷᠭᠦᠯ ᠲᠠᠯᠪᠢᠵᠦ᠂ ᠲᠤᠰ ᠰᠦᠮᠡ ᠶᠢᠨ ᠤᠯᠠᠭᠠᠨ ᠯᠠᠪᠷᠤᠩ ᠢ ᠰᠢᠷᠡ ᠦᠩᠭᠡ ᠲᠠᠢ ᠪᠤᠯᠭᠠᠨ | ᠨᠡᠮᠡᠵᠦ ᠮᠢᠨᠳᠠᠬᠯᠠᠵᠠᠢ᠃ ᠲᠤᠯᠤᠳᠤᠭᠠᠷ ᠲᠦᠷᠢ ᠶᠢᠨ ᠬᠤᠪᠢᠯᠭᠠᠨ ᠨᠢ ᠯᠠᠪᠰᠠᠩᠫᠠᠷᠠᠩᠯᠠᠶᠢᠶᠤᠨᠳᠤᠨᠵᠠᠮᠰᠦ᠂ ᠲᠤᠰ | ᠬᠤᠰᠢᠭᠤᠨ ᠤ ᠮᠠᠯᠴᠢᠨ ᠴᠡᠴᠡᠭ ᠤᠨ ᠭᠡᠷ ᠲᠤ 1936 ᠤᠨ ᠳᠤ ᠲᠦᠷᠦᠭᠰᠡᠨ ᠪᠠᠶᠢᠨᠡ᠂ ᠤᠯᠠᠭᠠᠨᠴᠠᠪ ᠠᠶᠢᠮᠠᠭ ᠤᠨ | ᠪᠤᠳ᠋ᠳ᠋ᠾᠠ ᠶᠢᠨ ᠱᠠᠰᠢᠨ ᠤ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ᠂ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ | ᠡᠭᠦᠷᠭᠡᠯᠡᠵᠦ ᠪᠠᠶᠢᠬᠰᠡᠨ ᠪᠦᠭᠡᠳ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ | ᠬᠤᠷᠢᠶᠠᠨ ᠳᠤ ᠡᠮᠴᠢ ᠪᠠᠷ ᠠᠵᠢᠯᠯᠠᠵᠦ ᠪᠠᠶᠢᠪᠡ᠃ ᠨᠢᠭᠡᠳᠤᠭᠡᠷ ᠠᠴᠠ ᠲᠦᠷᠪᠠᠳᠤᠭᠡᠷ ᠦᠶᠡ ᠶᠢᠨ ᠬᠤᠪᠢᠯᠭᠠᠨ ᠨᠢ ᠪᠡᠶᠡ | ᠦᠩᠭᠡᠷᠡᠭᠰᠡᠨ ᠤ ᠲᠠᠷᠠᠭᠠ᠂ ᠶᠠᠨᠳᠠᠷᠲᠦ ᠳᠤ ᠲᠡᠭᠳᠡᠭᠡᠵᠦ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠶᠢᠨ ᠯᠠᠪᠷᠤᠩ ᠳᠤ ᠴᠢᠨᠳᠠᠷ ᠢ ᠨᠢ | ᠲᠠᠯᠪᠢᠵᠦ᠂ ᠲᠦᠷᠢ ᠶᠢ ᠨᠢ ᠠᠯᠳᠠ ᠪᠠᠷ ᠭᠠᠳᠠᠷᠯᠠᠨ ᠪᠦᠲᠦᠭᠡᠵᠠᠢ᠃ ᠲᠠᠪᠤ ᠵᠢᠷᠭᠤᠳᠤᠭᠠᠷ ᠲᠦᠷᠢ ᠶᠢᠨ ᠬᠤᠪᠢᠯᠭᠠᠨ ᠤ | ᠴᠢᠨᠳᠠᠷ ᠢ ᠪᠦᠷ ᠰᠢᠷᠠᠴᠢᠯᠠᠭᠤᠨ ᠳᠤ ᠬᠠᠶᠢᠯᠤᠭᠤᠯᠵᠦ᠂ ᠮᠦᠨ ᠶᠤᠰᠦ ᠪᠠᠷ ᠲᠦᠷᠢ ᠶᠢ ᠨᠢ ᠪᠦᠲᠦᠭᠡᠵᠦ ᠯᠠᠪᠷᠤᠩ ᠳᠤ | ᠲᠠᠯᠪᠢᠵᠠᠢ᠃ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠶᠢ ᠪᠤᠯ ᠬᠦᠬᠡᠬᠤᠲᠡ ᠶᠢᠨ ᠪᠠᠭᠠ ᠵᠤᠤ ᠠᠴᠠ ᠬᠠᠮᠢᠶᠠᠷᠳᠠᠭ ᠪᠦᠭᠡᠳ ᠲᠤᠰ | ᠰᠦᠮᠡ ᠶᠢᠨ ᠬᠤᠪᠢᠯᠭᠠᠨ ᠨᠢ ᠪᠠᠭᠠ ᠵᠤᠤ ᠳᠤ ᠬᠤᠪᠢ ᠲᠠᠢ᠂ ᠰᠢᠷᠡᠭᠡ ᠰᠠᠭᠤᠳᠡᠯ ᠲᠠᠢ ᠮᠦᠷᠲᠡᠭᠡᠨ ᠪᠠᠳᠤᠬᠠᠭᠠᠯᠭᠠ | ᠶᠢᠨ ᠰᠦᠮᠡ ᠳᠤ ᠴᠦ ᠰᠢᠷᠡᠭᠡ ᠲᠠᠢ ᠪᠠᠶᠢᠵᠠᠢ᠃ ᠤᠴᠢᠷ ᠨᠢ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠶᠢᠨ ᠬᠤᠪᠢᠯᠭᠠᠨ ᠨᠢ | ᠪᠠᠳᠤᠬᠠᠭᠠᠯᠭᠠ ᠶᠢᠨ ᠰᠦᠮᠡ ᠳᠤ ᠰᠠᠭᠤᠵᠦ ᠨᠤᠮ ᠰᠤᠷᠳᠠᠭ ᠪᠠᠶᠢᠵᠠᠢ᠃ | ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠤᠳᠠᠴᠢ ᠶᠢᠨ ᠲᠤᠭᠠᠩ ᠲᠠᠢ ᠪᠠᠶᠢᠬᠰᠡᠨ ᠲᠤᠯᠠ᠂ ᠲᠡᠷᠡ ᠦᠶᠡ ᠠᠴᠠ ᠠᠪᠤᠭᠠᠳ | ᠡᠮ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠨ ᠬᠢᠵᠦ ᠪᠠᠶᠢᠬᠰᠡᠨ ᠪᠦᠭᠡᠳ ᠨᠠᠷᠡᠳᠠᠢ ᠮᠤᠩᠭᠤᠯ ᠡᠮᠴᠢ ᠶᠡᠷᠦ | ᠲᠠᠰᠤᠯᠳᠠᠭᠠ ᠦᠭᠡᠢ ᠭᠠᠷᠴᠦ ᠪᠠᠶᠢᠬᠰᠡᠨ ᠪᠢᠯᠡ᠃ ᠡᠭᠦᠨ ᠳᠤ 1930 ᠤᠨ ᠤ ᠦᠶᠡ ᠳᠤ ᠭᠤᠨᠴᠤᠬᠷᠠᠰᠢ᠂ ᠵᠠᠮᠢᠶᠠᠨ | ︵ᠵᠠᠷᠤᠳ︶᠂ ᠰᠠᠮᠳᠠᠨᠳᠤᠷᠵᠢ᠂ ᠯᠢᠭᠷᠦᠪ᠂ ᠯᠠᠮᠠᠵᠠᠪ ᠨᠠᠷ ᠪᠤᠢ᠃ ᠲᠡᠮᠴᠦᠭᠳᠤᠩᠷᠦᠪ ︵ᠬᠠᠭᠤᠷᠮᠠᠭ ᠮᠤᠩᠭᠤᠯ︶ ᠤᠨ ᠦᠶᠡ ᠳᠤ | ︵1940 ᠤᠨ︶ ᠮᠤᠤᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠡ ᠶᠢ ᠤᠤᠯ ᠤᠨ ᠡᠮᠴᠢ ᠨᠠᠷ ᠢᠶᠠᠷ ᠨᠢ | ᠰᠠᠭᠤᠷᠢ ᠪᠤᠯᠭᠠᠭᠰᠡᠨ ᠠᠷᠪᠠᠭᠠᠳ ᠡᠮᠴᠢ ᠲᠠᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠡ ᠪᠤᠯᠭᠠᠨ ᠲᠤᠰ ᠰᠦᠮᠡ ᠳᠤ ᠪᠠᠶᠢᠭᠤᠯᠵᠠᠢ᠃ | ᠲᠡᠮᠴᠦᠭᠳᠤᠩᠷᠦᠪ ᠨᠠᠷ ᠠᠴᠠ ᠡᠪᠡᠰᠤᠨ ᠡᠮ ᠤᠨ ᠵᠦᠢᠯ᠂ ᠭᠠᠴᠢᠬᠦ᠋ᠷᠬᠦᠮ᠂ ᠪᠤᠭᠤ ᠶᠢᠨ ᠡᠪᠡᠷ ᠪᠡ ᠰᠢᠯ ᠯᠤᠩᠬᠤ ᠲᠠᠢ | ᠲᠠᠯᠬᠠᠨ ᠡᠮ᠂ ᠧᠦ᠋ᠷᠦᠫᠡ ᠡᠮ ᠤᠳ ᠢ ᠬᠠᠩᠭᠠᠵᠦ᠂ ᠵᠠᠷᠢᠮ ᠢ ᠨᠢ ᠲᠠᠪᠢᠭᠠᠳ ᠤᠨ ᠬᠦᠷᠲᠡᠯᠡ ᠬᠡᠷᠡᠭᠯᠡᠵᠦ ᠪᠠᠶᠢᠪᠡ᠃ | ᠲᠤᠰ ᠰᠦᠮᠡ ᠲᠤᠳᠤᠷᠡ ᠪᠠᠨ ᠪᠠᠰᠡ ᠶᠡᠭᠡ ᠵᠢᠰᠡ ᠲᠠᠢ᠂ ᠡᠨᠡ ᠨᠢ ᠰᠦᠮᠡ ᠶᠢᠨ ᠬᠤᠷᠡᠯ ᠨᠤᠮ ᠢ | ᠬᠤᠷᠠᠭᠤᠯᠳᠠᠭ ᠪᠠᠶᠢᠵᠠᠢ᠃ ᠬᠠᠮᠢᠶᠠᠷᠤᠬᠴᠢ ᠨᠢ ᠶᠡᠭᠡ ᠪᠠᠭᠠ ᠬᠤᠶᠠᠷ ᠨᠢᠷᠪᠡ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠡ ᠪᠠᠰᠡ | ᠲᠤᠭᠤᠭᠠᠴᠢ ᠲᠠᠢ ᠪᠠᠶᠢᠳᠠᠭ᠃ ᠯᠠᠮᠠ ᠶᠢᠨ ᠰᠠᠩ ᠨᠢ ᠯᠠᠮᠠ ᠨᠠᠷ ᠤᠨ ᠬᠡᠷᠡᠭᠯᠡᠲᠡᠭ ᠡᠳ᠋ᠯᠡᠯ ᠲᠡᠸᠠᠷ᠂ ᠮᠠᠯ ᠤᠨᠤᠭᠠ᠂ | ᠵᠤᠭᠤᠰ ᠮᠦᠩᠭᠦ ᠶᠢ ᠬᠠᠮᠢᠶᠠᠷᠳᠠᠭ ᠪᠦᠭᠡᠳ ᠲᠦᠷᠪᠠᠨ ᠰᠡᠷᠡ ᠶᠢᠨ ᠨᠦᠩᠨᠠᠢ ᠶᠢᠨ ᠬᠤᠷᠡᠯ ᠢ ᠬᠤᠷᠠᠭᠤᠯᠳᠠᠭ ᠪᠠᠶᠢᠨᠡ᠃ | ᠰᠠᠩ ᠤᠨ ᠬᠠᠮᠢᠶᠠᠷᠤᠬᠴᠢ ᠨᠢ ᠨᠢᠭᠡ ᠨᠢᠷᠪᠡ᠂ ᠨᠢᠭᠡ ᠤᠮᠪᠠ᠂ ᠨᠢᠭᠡ ᠲᠠᠮᠴᠢ᠂ ᠨᠢᠭᠡ ᠲᠤᠭᠤᠭᠠᠴᠢ ᠲᠠᠢ ᠪᠠᠶᠢᠵᠠᠢ᠃ | ᠡᠭᠦᠨ ᠠᠴᠠ ᠭᠠᠳᠠᠨᠡ᠂ ᠰᠦᠮᠡ ᠶᠢᠨ ᠡᠯᠡ ᠵᠦᠢᠯ ᠤᠨ ᠡᠳ᠋ ᠮᠦᠩᠭᠦ ᠶᠢ ᠬᠠᠮᠢᠶᠠᠷᠳᠠᠭ ᠲᠤᠯᠤᠭᠠᠨ ᠨᠢᠷᠪᠡ ᠪᠠᠶᠢᠳᠠᠭ᠃ | ᠡᠲᠡᠭᠡᠷ ᠨᠢᠷᠪᠡ ᠨᠢ ᠰᠦᠮᠡ ᠶᠢᠨ ᠡᠯᠡ ᠵᠦᠢᠯ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠦᠭᠯᠢᠭᠡ ᠶᠢᠨ ᠡᠵᠡᠳ ᠤᠨ ᠦᠭᠭᠦᠭᠰᠡᠨ ᠮᠠᠯ | ᠰᠦᠷᠦᠭ ᠢ ᠭᠠᠳᠠᠭᠰᠢ ᠰᠦᠷᠦᠭ ᠲᠠᠯᠪᠢᠬᠤ᠂ ᠲᠠᠩᠰᠡ ᠬᠠᠷᠡ ᠶᠢ ᠬᠠᠮᠢᠶᠠᠷᠤᠨ ᠠᠳᠬᠤᠳᠠᠭ ᠪᠦᠭᠡᠳ ᠵᠢᠯ ᠪᠦᠷᠢ ᠨᠢᠭᠡ | ᠤᠳᠠᠭᠠ ᠮᠠᠯ ᠰᠦᠷᠦᠭ ᠤᠨ ᠢᠶᠠᠨ ᠲᠤᠭᠠ ᠶᠢ ᠪᠦᠷᠢᠳᠭᠡᠲᠡᠭ ᠪᠠᠶᠢᠨᠡ᠃ | ᠲᠤᠰ ᠰᠦᠮᠡ ᠶᠢᠨ ᠭᠤᠤᠯ ᠪᠤᠯᠬᠤ ᠬᠤᠷᠡᠯ ᠨᠤᠮ ᠭᠡᠪᠡᠯ᠂ ᠴᠠᠭᠠᠨ ᠰᠡᠷᠡ ᠶᠢᠨ ᠰᠢᠨᠡ ᠶᠢᠨ ᠲᠤᠯᠤᠭᠠᠨ ᠠᠴᠠ | ᠠᠷᠪᠠᠨ ᠲᠠᠪᠤᠨ ᠪᠤᠯᠳᠠᠯᠡ ᠮᠤᠯᠤᠮ ᠬᠤᠷᠠᠳᠠᠭ᠃ ᠰᠡᠷᠡ ᠪᠦᠷᠢ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠳᠤ ᠯᠾᠠᠮᠦ ᠬᠤᠷᠠᠳᠠᠭ᠃ ᠵᠢᠯ | ᠪᠦᠷᠢ ᠶᠢᠨ ᠲᠦᠷᠪᠠᠨ ᠰᠡᠷᠡ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ ᠠᠷᠪᠠᠨ ᠲᠠᠪᠤᠨ ᠪᠤᠯᠳᠠᠯᠡ ᠨᠦᠩᠨᠡᠢ ᠬᠤᠷᠡᠳᠠᠭ᠃ ᠡᠭᠦᠨ | ᠳᠤ ᠦᠭᠯᠢᠭᠡ ᠶᠢᠨ ᠡᠵᠡᠳ ᠨᠠᠰᠦ ᠨᠦᠭᠴᠢᠭᠰᠡᠳ ᠲᠡᠭᠡᠨ ᠪᠤᠶᠠᠨ ᠦᠢᠯᠡᠳᠲᠡᠭ ᠪᠠᠶᠢᠨᠡ᠃ ᠵᠢᠯ ᠪᠦᠷᠢ ᠶᠢᠨ | ᠲᠤᠯᠤᠭᠠᠨ ᠰᠡᠷᠡ ᠶᠢᠨ ᠠᠷᠪᠠᠨ ᠲᠠᠪᠤᠨ ᠠᠴᠠ ᠬᠤᠷᠢᠨ ᠨᠢᠭᠡᠨ ᠬᠦᠷᠲᠡᠯᠡ ᠭᠠᠨᠵᠤᠤᠷ ᠬᠤᠷᠠᠳᠠᠭ᠃ ᠪᠠᠰᠡ ᠬᠦᠩᠷᠡᠭ | ᠤᠨ ᠸᠠᠩ᠂ ᠶᠠᠮᠠᠨᠳᠠᠭ ᠤᠨ ᠸᠠᠩ ᠬᠤᠷᠡᠵᠦ᠂ ᠮᠠᠶᠢᠳᠠᠷᠢ ᠡᠷᠬᠢᠵᠦ᠂ ᠠᠷᠪᠠᠨ ᠭᠤᠷᠪᠠᠨ ᠳᠤ ᠲᠤᠬᠰᠢᠳ ᠬᠤᠷᠡᠨ᠂ ᠬᠤᠷᠢᠨ | ᠭᠤᠷᠪᠠᠨ ᠳᠤ ᠰᠠᠬᠢᠭᠤᠯᠰᠤᠨ ᠲᠠᠬᠢᠵᠦ᠂ ᠬᠤᠷᠢᠨ ᠲᠦᠷᠪᠠᠨ ᠳᠤ ᠬᠤᠷᠡᠯ ᠲᠠᠷᠬᠠᠳᠠᠭ᠃ ᠡᠨᠡ ᠬᠤᠷᠡᠯ ᠨᠢ ᠪᠦᠬᠦ ᠵᠢᠯ | ᠳᠡᠭᠡᠨ ᠬᠠᠮᠤᠭ ᠤᠨ ᠶᠡᠭᠡ ᠬᠤᠷᠡᠯ ᠪᠤᠯᠬᠤ ᠪᠦᠭᠡᠳ ᠤᠶᠢᠷᠡ ᠤᠷᠴᠢᠮ ᠤᠨ ᠮᠠᠯᠴᠢᠳ ᠡᠳᠤᠷ ᠲᠡᠭᠡᠨ ᠢᠷᠡᠵᠦ | ᠮᠦᠷᠭᠦᠭᠦ ᠪᠡ ᠡᠷᠭᠦᠴᠡ ᠪᠠᠷᠢᠨ᠂ ᠰᠦ ᠴᠠᠭᠠᠨ ᠢᠲᠡᠭᠡ ᠬᠦᠷᠭᠡᠵᠦ᠂ ᠨᠡᠩ ᠢᠯᠠᠩᠭᠤᠶᠡ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠤᠷ | ᠪᠦᠬᠦ ᠬᠤᠰᠢᠭᠤ ᠬᠡᠪᠴᠢᠶᠠᠨ ᠤ ᠬᠤᠯᠠ ᠤᠶᠢᠷᠡ ᠶᠢᠨ ᠮᠠᠯᠴᠢᠳ ᠪᠡ ᠵᠡᠷᠭᠡᠯᠡᠲᠡᠭᠡ ᠬᠤᠰᠢᠭᠤᠨ ᠤ ᠮᠠᠯᠴᠢᠳ ᠪᠤᠯᠤᠨ | ᠲᠦᠰᠢᠮᠡᠳ ᠲᠤᠰᠢᠶᠠᠯᠲᠡᠨ ᠮᠤᠷᠢᠯᠠᠨ ᠢᠷᠡᠵᠦ᠂ ᠬᠤᠷᠡᠯ ᠴᠤᠬᠯᠠᠭᠠᠨ ᠳᠤ ᠤᠷᠤᠯᠴᠠᠨ᠂ ᠮᠢᠬᠠ ᠬᠦᠨᠴᠡᠭ ᠢᠶᠠᠷ | ᠲᠠᠶᠢᠯᠠᠵᠦ ᠵᠤᠴᠢᠯᠠᠳᠠᠭ᠃ ᠡᠨᠡ ᠬᠤᠷᠡᠯ ᠨᠤᠮ ᠳᠤ ᠪᠠᠰᠡ ᠮᠠᠶᠢᠮᠠᠶᠢᠴᠢᠨ ᠴᠤᠬᠯᠠᠷᠡᠵᠦ ᠡᠳ᠋ ᠪᠠᠷᠠᠭᠠ᠂ ᠠᠯᠢᠮᠡ ᠵᠢᠮᠢᠰ | ᠬᠤᠳᠠᠯᠳᠤᠨ ᠬᠦᠭᠰᠢᠨ ᠵᠠᠯᠠᠭᠤ ᠦᠭᠡᠢ ᠪᠤᠶᠠᠨ ᠨᠤᠮ ᠦᠢᠯᠡᠳᠤᠨ᠂ ᠬᠠᠷᠢᠯᠴᠠᠨ ᠵᠤᠯᠭᠠᠵᠦ ᠨᠢᠭᠡ ᠡᠳᠤᠷ ᠢ ᠬᠦᠷ | ᠨᠠᠷᠬᠢᠶᠠᠨᠳᠠᠢ ᠦᠩᠭᠡᠷᠡᠭᠡᠲᠡᠭ ᠪᠠᠶᠢᠯᠡ᠃ ᠨᠠᠢᠮᠠᠨ ᠰᠡᠷᠡ ᠶᠢᠨ ᠬᠤᠷᠢᠨ ᠬᠤᠶᠠᠷ ᠠᠴᠠ ᠬᠤᠷᠢᠨ ᠲᠠᠪᠤᠨ ᠪᠤᠯᠳᠠᠯᠡ | ᠰᠠᠩᠳᠠᠮ ᠤᠨ ᠲᠤᠩᠷᠤᠪ ᠬᠤᠷᠡᠳᠠᠭ᠃ ᠠᠷᠪᠠᠨ ᠰᠡᠷᠡ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ ᠵᠧ ᠯᠠᠮᠠ ᠬᠤᠷᠡᠨᠡ᠃ ᠠᠷᠪᠠᠨ | ᠬᠤᠶᠠᠷ ᠰᠡᠷᠡ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠳᠤ ᠭᠠᠯ ᠲᠠᠬᠢᠵᠦ ᠰᠠᠬᠢᠭᠤᠯᠰᠤᠨ ᠢ ᠲᠡᠭᠷᠢ ᠳᠤ ᠮᠤᠷᠳᠠᠭᠤᠯᠵᠦ᠂ ᠭᠤᠴᠢᠨ | ᠪᠤᠯᠳᠠᠯᠡ ᠲᠤᠯᠤᠭᠠᠨ ᠡᠳᠤᠷ ᠨᠤᠮ ᠤᠩᠰᠢᠳᠠᠭ᠃ | ᠰᠢᠷᠠᠴᠢᠯᠠᠭᠤᠨ ᠰᠦᠮᠡ 1856 ᠤᠨ ᠳᠤ ᠨᠢᠭᠡ ᠤᠳᠠᠭᠠ ᠭᠠᠯ ᠤᠨ ᠠᠶᠦᠯ ᠳᠤ ᠤᠴᠠᠷᠠᠵᠠᠢ᠃ ᠪᠠᠳᠺᠠᠷ | ᠤᠨ ᠰᠦᠮᠡ ᠠᠴᠠ ᠠᠪᠤᠷᠡᠯ ᠠᠰᠠᠭᠤᠭᠰᠡᠨ ᠳᠤ ᠪᠠᠳᠺᠠᠷ ᠰᠦᠮᠡ ᠶᠢᠨ ᠲᠦᠷᠪᠠᠳᠤᠭᠡᠷ ᠦᠶᠡ ᠶᠢᠨ ᠭᠡᠭᠡᠨ ᠠᠴᠠ | 108 ᠪᠤᠳᠢ ᠭᠠᠨᠵᠤᠤᠷ ᠤᠩᠰᠢᠬᠤ ᠬᠡᠷᠡᠭᠲᠠᠢ ᠬᠡᠵᠦ ᠠᠪᠤᠷᠡᠯ ᠪᠠᠭᠤᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠨᠡ ᠨᠤᠮ ᠨᠢ | ᠦᠭᠡᠷᠡ ᠤᠯᠠᠨ ᠰᠦᠮᠡ ᠳᠤ ᠪᠠᠶᠢᠬᠤ ᠦᠭᠡᠢ ᠲᠤᠯᠠ ᠰᠢᠷᠠᠴᠢᠯᠠᠭᠤᠨ ᠰᠦᠮᠡ ᠠᠴᠠ ᠵᠢᠭᠡᠯᠡᠭᠦ ᠭᠡᠰᠡᠨ ᠳᠤ | ᠵᠢᠷᠭᠤᠳᠤᠭᠠᠷ ᠲᠦᠷᠢ ᠶᠢᠨ ᠬᠤᠪᠢᠯᠭᠠᠨ ᠨᠢ ᠵᠢᠭᠡᠯᠡᠵᠦ ᠦᠭᠭᠦ ᠦᠭᠡᠢ ᠬᠡᠵᠡᠢ᠃ ᠢᠩᠭᠢᠭᠡᠳ ᠨᠤᠮ ᠵᠠᠯᠠᠬᠤ ᠪᠠᠷ | ᠢᠷᠡᠭᠰᠡᠨ ᠬᠦᠮᠦᠨ ᠨᠢ ᠵᠢᠷᠭᠤᠭᠠᠨ ᠡᠮᠨᠢᠭ ᠬᠦᠲᠦᠯᠦᠨ ᠢᠷᠡᠵᠦ᠂ ᠰᠦᠮᠡ ᠳᠤ ᠬᠤᠨᠤᠭᠯᠠᠭᠠᠳ ᠮᠠᠷᠭᠠᠰᠢ ᠨᠢ ᠨᠤᠮ | ᠢᠶᠠᠨ ᠵᠠᠯᠠᠵᠦ ᠶᠠᠪᠤᠬᠤ ᠪᠠᠷ ᠪᠠᠶᠢᠲᠡᠯᠡ ᠶᠠᠭ ᠭᠤᠤᠯ ᠰᠦᠮᠡ ᠳᠤᠨᠢ ᠭᠠᠯ ᠭᠠᠷᠴᠦ 108 ᠪᠤᠳᠢ ᠭᠠᠨᠵᠤᠤᠷ ᠠᠴᠠ | ᠨᠢᠭᠡ ᠯᠡ ᠪᠤᠳᠢ ᠨᠢ ᠦᠯᠡᠲᠡᠵᠦ ᠦᠭᠡᠷᠡ ᠪᠤᠰᠤᠳ ᠨᠢ ᠪᠦᠷ ᠰᠢᠲᠡᠵᠦ ᠲᠠᠭᠤᠰᠴᠠᠢ᠃ ᠬᠤᠵᠢᠮ ᠨᠢ ᠲᠤᠰ ᠰᠦᠮᠡ | ᠶᠢ ᠰᠢᠨᠡ ᠪᠠᠷ ᠵᠠᠰᠠᠵᠦ ᠪᠠᠷᠢᠵᠠᠢ᠃ ᠢᠩᠭᠢᠭᠡᠳ ᠯᠾᠠᠮᠦ ᠪᠤᠷᠬᠠᠨ ᠤ ᠪᠡᠶᠡ ᠶᠢ ᠨᠢ ᠪᠦᠲᠦᠭᠡᠵᠦ ᠲᠤᠯᠤᠭᠠᠢ ᠶᠢ ᠨᠢ | ᠪᠦᠲᠦᠭᠡᠭᠡᠳᠤᠢ ᠪᠠᠶᠢᠬᠤ ᠳᠤ ᠲᠡᠮᠡᠭᠡ ᠤᠨᠤᠭᠰᠡᠨ ᠭᠠᠭᠴᠠ ᠬᠡᠵᠢᠭᠡ ᠲᠠᠢ ᠨᠢᠭᠡ ᠬᠡᠦᠭᠡᠨ ᠢᠷᠡᠵᠦ ᠯᠠᠮᠠ ᠨᠠᠷ ᠠᠴᠠ | ᠪᠤᠷᠬᠠᠨ ᠢᠶᠠᠨ ᠪᠦᠲᠦᠭᠡᠵᠦ ᠤᠤ︖ ᠭᠡᠵᠦ ᠠᠰᠠᠭᠤᠭᠰᠡᠨ ᠳᠤ᠂ ᠯᠠᠮᠠ ᠨᠠᠷ ᠪᠦᠷᠢᠨ ᠪᠦᠲᠦᠭᠡᠭᠡᠳᠤᠢ᠂ ᠮᠠᠷᠭᠠᠰᠢ | ᠪᠦᠲᠦᠭᠡᠨᠡ ᠭᠡᠵᠦ ᠬᠠᠷᠢᠭᠤᠯᠵᠠᠢ᠃ ᠲᠡᠷᠡ ᠭᠡᠦᠭᠡᠨ ᠡᠪᠦᠷ ᠠᠴᠠ ᠪᠠᠨ ᠭᠠᠭᠴᠡ ᠬᠡᠵᠢᠭᠡ ᠭᠠᠷᠭᠠᠵᠦ ᠯᠠᠮᠠ ᠳᠤ | ᠦᠭᠭᠦᠭᠡᠳ᠂ ᠡᠭᠦᠨ ᠢ ᠪᠤᠷᠬᠠᠨ ᠤ ᠲᠤᠳᠤᠷᠡ ᠬᠢᠵᠦ ᠲᠠᠯᠪᠢᠭᠠᠷᠠᠢ ᠭᠡᠵᠦ ᠬᠡᠯᠡᠭᠡᠳ ᠶᠠᠪᠤᠵᠠᠢ ᠬᠡᠨᠡ᠃ ᠡᠨᠡ ᠬᠦ ᠭᠡᠵᠢᠭᠡ | ᠶᠢ ᠵᠢᠷᠭᠤᠳᠤᠭᠠᠷ ᠬᠤᠪᠢᠯᠭᠠᠨ ᠯᠠᠮᠠ ᠳᠤ ᠬᠦᠷᠭᠡᠵᠦ ᠤᠴᠢᠷ ᠢ ᠨᠢ ᠬᠡᠯᠡᠭᠰᠡᠨ ᠳᠤ᠂ ᠬᠤᠪᠢᠯᠭᠠᠨ ᠯᠠᠮᠠ ᠰᠤᠭᠤᠨᠳᠠᠢ | ᠶᠢᠨ ᠯᠠᠮᠠ ᠨᠠᠷ ᠬᠢᠭᠡᠳ ᠬᠡᠪᠭᠦᠢ᠂ ᠤᠮᠵᠠᠳ᠂ ᠲᠠᠭᠠᠭᠠᠮᠠᠯ᠂ ᠤᠮᠪᠠ᠂ ᠶᠡᠭᠡ ᠬᠡᠪ ᠤᠨ ᠨᠢᠷᠪᠡ ᠨᠠᠷ ᠢᠶᠠᠨ ᠲᠠᠭᠤᠳᠠᠵᠦ᠂ | ᠲᠡᠷᠡ ᠬᠡᠦᠭᠡᠨ ᠢ ᠵᠠᠯᠠᠬᠤ ᠪᠠᠷ ᠲᠡᠮᠡᠭᠡ ᠤᠶᠠᠭᠰᠡᠨ ᠭᠠᠵᠠᠷ ᠲᠤᠨᠢ ᠤᠴᠢᠬᠰᠡᠨ ᠳᠤ ᠲᠡᠮᠡᠭᠡᠨ ᠤ ᠮᠦᠷ ᠴᠦ ᠦᠭᠡᠢ | ᠪᠠᠶᠢᠯᠡ᠃ ᠢᠩᠭᠢᠭᠡᠳ ᠡᠨᠡ ᠬᠡᠦᠭᠡᠨ ᠤ ᠶᠠᠪᠤᠬᠤ ᠶᠢ ᠨᠢ ᠤᠯᠵᠦ ᠦᠵᠡᠭᠰᠡᠨ ᠨᠢᠷᠪᠡ ᠠᠴᠠ ᠠᠰᠠᠭᠤᠭᠰᠡᠨ ᠳᠤ ᠵᠡᠭᠦᠨ | ᠬᠠᠳᠠᠨ ᠲᠡᠭᠡᠷᠡ ᠨᠡᠯᠢᠶᠠᠳ ᠬᠦᠨ ᠬᠢᠰᠬᠢᠭᠰᠡᠨ ᠲᠡᠮᠡᠭᠡᠨ ᠤ ᠨᠢᠭᠡ ᠲᠠᠪᠠᠭ ᠤᠨ ᠮᠦᠷ ᠪᠡ ᠪᠠᠰᠡ ᠨᠢᠭᠡ ᠪᠠᠯᠠᠷᠬᠠᠢ ᠰᠢᠭ᠋ | ᠲᠡᠮᠡᠭᠡᠨ ᠤ ᠲᠠᠪᠠᠭ ᠤᠨ ᠮᠦᠷ ᠪᠠᠶᠢᠵᠦ ᠦᠭᠡᠷᠡ ᠶᠠᠭᠤ ᠴᠦ ᠦᠵᠡᠭᠲᠡᠭᠰᠡᠨ ᠦᠭᠡᠢ ᠬᠡᠨᠡ᠃ ᠡᠨᠡ ᠬᠦ ᠲᠡᠮᠡᠭᠡᠨ ᠤ | ᠲᠠᠪᠠᠭ ᠤᠨ ᠮᠦᠷ ᠨᠢ ᠤᠳᠤ ᠪᠤᠯᠳᠠᠯᠡ ᠬᠠᠳᠠᠨ ᠲᠡᠭᠡᠷᠡ ᠲᠤᠳᠤᠷᠬᠠᠢ ᠪᠠᠶᠢᠵᠦ᠂ ᠬᠦᠨ ᠬᠢᠰᠬᠢᠭᠰᠡᠨ ᠮᠦᠷ ᠲᠤᠨᠢ | ᠪᠠᠷᠤᠭ ᠨᠢᠭᠡ ᠲᠦᠮᠫᠠᠨ ᠤᠰᠤ ᠪᠠᠭᠳᠠᠵᠦ᠂ ᠪᠠᠯᠠᠷᠬᠠᠢ ᠰᠢᠭ᠋ ᠮᠦᠷ ᠲᠤᠨᠢ ᠬᠤᠶᠠᠷ ᠠᠶᠠᠭᠠ ᠤᠰᠤ ᠪᠠᠭᠳᠠᠳᠠᠭ ᠪᠠᠶᠢᠨᠡ᠃ | ᠮᠠᠷᠭᠠᠰᠢ ᠨᠢ ᠡᠨᠡ ᠭᠡᠦᠭᠡᠨ ᠤ ᠵᠠᠬᠢᠬᠰᠡᠨ ᠶᠤᠰᠤᠭᠠᠷ ᠯᠾᠠᠮᠦ ᠪᠤᠷᠬᠠᠨ ᠢᠶᠠᠨ ᠪᠦᠲᠦᠭᠡᠵᠠᠢ᠃ | ᠰᠢᠷᠡᠴᠢᠯᠠᠭᠤᠨ ᠰᠦᠮᠡ ᠤᠤᠯ ᠤᠨ ᠰᠢᠨᠡᠪᠤᠯᠠᠭ ᠰᠤᠮᠤᠨ ᠤ ᠨᠠᠷᠡᠭᠡᠷᠡᠯ ᠭᠠᠴᠠᠭᠠ ᠳᠤ ᠪᠠᠶᠢᠷᠢᠰᠢᠵᠦ᠂ ᠤᠳᠤ | ᠨᠢᠭᠡᠨᠲᠡ ᠰᠦᠢᠳᠴᠦ ᠲᠠᠭᠤᠰᠤᠭᠠᠳ ᠵᠦᠪᠭᠡᠨ ᠯᠠᠪᠷᠤᠩ ᠪᠤᠯᠤᠨ ᠵᠠᠭᠦᠨ ᠲᠤᠭᠠᠩ ᠤᠨ ᠡᠪᠳᠠᠷᠭᠡᠢ ᠲᠤᠷᠦ ᠯᠡ | ᠦᠯᠡᠲᠡᠵᠦ ᠪᠠᠶᠢᠨᠡ᠃ | | |