| ᠬᠠᠰᠠᠷ᠂ ᠶᠢᠰᠦᠭᠡᠢ ᠪᠠᠭᠠᠳᠤᠷ ᠤᠨ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ᠂ ᠨᠢᠭᠡᠨ ᠦᠶᠡ ᠶᠢᠨ ᠲᠡᠭᠷᠢᠯᠢᠭ ᠬᠦᠪᠡᠭᠦᠨ | ᠴᠢᠩᠭᠢᠰ ᠬᠠᠭᠠᠨ ᠤ ᠲᠦᠷᠦᠭᠰᠡᠨ ᠲᠡᠭᠦᠦ᠃ 1164 ᠤᠨ ︵ᠬᠦᠭᠡ ᠪᠠᠴᠢᠨ ᠵᠢᠯ︶ ᠳᠤ ᠲᠦᠷᠦᠵᠦ᠂ 1127 ᠤᠨ | ᠳᠤ ᠨᠠᠰᠦ ᠪᠠᠷᠡᠪᠡ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠬᠠ ᠲᠡᠮᠦᠵᠢᠨ ︵ᠴᠢᠩᠭᠢᠰ ᠬᠠᠭᠠᠨ︶ ᠢ ᠲᠠᠭᠠᠵᠦ᠂ | ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠦᠴᠦᠷᠭᠡᠭᠵᠢᠯ ᠪᠡ ᠮᠤᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨᠲᠦ ᠲᠦᠷᠦ ᠶᠢ ᠪᠠᠶᠢᠭᠤᠯᠬᠤ ᠦᠢᠯᠡᠰ | ᠤᠨ ᠲᠦᠯᠦᠭᠡ ᠪᠠᠯᠡᠷᠡᠰᠢ ᠦᠭᠡᠢ ᠭᠠᠪᠢᠶᠡ ᠵᠢᠳᠭᠦᠯ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ ᠮᠤᠩᠭᠤᠯ ᠤ ᠲᠡᠦᠭᠡᠨ ᠳᠠᠬᠢ | ᠰᠢᠯᠭᠠᠷᠠᠭᠰᠡᠨ ᠴᠡᠷᠢᠭ ᠤᠨ ᠶᠠᠪᠤᠳᠡᠯ ᠤᠨ ᠲᠦᠩᠱᠦᠸᠠᠢ ᠮᠦᠨ᠃ | ︽ᠮᠤᠩᠭᠤᠯ ᠤᠨ ᠨᠢᠭᠤᠴᠡ ᠲᠤᠪᠴᠢᠶᠡᠨ︾ ᠳᠤ ᠬᠠᠰᠠᠷ ᠢ ᠵᠦᠴᠢ ᠬᠠᠰᠠᠷ ᠭᠡᠲᠡᠭ᠃ ᠵᠦᠴᠢ ᠪᠤᠯ ᠲᠡᠭᠦᠨ ᠤ | ᠨᠡᠷᠡ ᠮᠦᠨ᠃ ᠬᠠᠰᠡᠷ ᠪᠤᠯ ᠰᠠᠨᠰᠺᠷᠢᠲ ᠦᠭᠡ ᠮᠦᠨ᠂ ᠠᠷᠰᠯᠡᠠ ᠤ ᠰᠠᠬᠠᠮᠠᠢ ᠪᠤᠶᠦ ᠠᠷᠰᠯᠠᠨ ᠭᠡᠬᠦ ᠤᠳᠬᠠ ᠲᠠᠢ᠃ | ᠹᠷᠠᠨᠼᠢ ᠶᠢᠨ ᠡᠷᠲᠡᠮᠲᠡᠨ ᠫᠦ᠂ ᠫᠤᠩᠷᠢᠯ ︵ᠠᠪᠢᠶᠠᠴᠢᠯᠡᠪᠡ︶ ᠬᠠᠰᠠᠷ ᠢ ︽ᠬᠠᠰᠠᠷ ᠨᠤᠬᠠᠢ︾ ᠶᠢᠨ ᠬᠠᠰᠠᠷ ᠭᠡᠵᠦ ᠦᠵᠡᠲᠡᠭ᠃ | ᠬᠠᠰᠠᠷ ᠬᠡᠵᠦ ᠤᠤᠯ ᠨᠢ ᠭᠠᠵᠠᠷ ᠤᠨ ᠨᠡᠷᠡ᠂ ︽ᠬᠠᠭᠤᠴᠢᠨ ᠲᠡᠩ ᠤᠯᠤᠰ ᠤᠨ ᠪᠢᠴᠢᠭ︾ ᠳᠠᠬᠢ ᠬᠠᠰᠠᠷ ᠤᠯᠤᠰ | ᠬᠡᠲᠡᠭ ᠨᠢ ᠤᠳᠤ ᠶᠢᠨ ᠢᠰᠫᠠᠨᠢ ᠮᠦᠨ᠂ ᠡᠨᠡ ᠭᠠᠵᠠᠷ ᠲᠤ ᠲᠤᠬᠰᠢᠨ ᠰᠦᠷ ᠲᠠᠢ ᠨᠢᠭᠡ ᠵᠦᠢᠯ ᠤᠨ ᠨᠤᠬᠠᠢ | ᠪᠠᠶᠢᠳᠠᠭ ᠢ ᠬᠠᠰᠠᠷ ᠨᠤᠬᠠᠢ ᠬᠡᠲᠡᠭ ᠡᠭᠦᠪᠡᠷ ᠲᠦᠰᠦᠭᠡᠯᠡᠬᠦ ᠳᠤ ︽ᠬᠠᠰᠠᠷ︾ ᠭᠡᠲᠡᠭ ᠦᠭᠡᠨ ᠳᠤ ᠲᠤᠬᠰᠢᠨ ᠰᠢᠷᠦᠭᠦᠨ᠂ | ᠬᠠᠳᠠᠭᠤ ᠲᠤᠬᠰᠢᠨ ᠤᠳᠬᠠ ᠪᠤᠢ᠃ ᠬᠠᠪᠤᠲᠦ ᠬᠡᠰᠡᠨ ᠨᠢ ᠡᠷᠲᠡᠨ ᠤ ᠬᠢᠲᠡᠨ ᠦᠭᠡ ᠮᠦᠨ᠂ ᠬᠠᠷᠪᠤᠭᠠᠴᠢ ᠭᠡᠰᠡᠨ | ᠤᠳᠬᠠ ᠲᠠᠢ᠃ ᠵᠦᠴᠢ ᠬᠠᠰᠠᠷ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠬᠠᠷᠪᠤᠵᠦ ᠨᠠᠮᠨᠠᠬᠤ ᠳᠤ ᠴᠢᠳᠠᠮᠠᠭᠠᠢ᠂ ᠬᠠᠷᠪᠤᠭᠠ | ᠪᠤᠯᠭᠠᠨ ᠳᠤ ᠠᠯᠳᠠᠰᠢ ᠦᠭᠡᠢ ᠤᠨᠤᠪᠴᠢᠲᠠᠢ ᠮᠡᠷᠭᠡᠨ ᠪᠠᠶᠢᠳᠠᠭ ᠠᠴᠠ ᠬᠦᠮᠦᠰ ᠲᠡᠭᠦᠨ ᠢ ᠬᠠᠪᠤᠲᠦ ᠬᠠᠰᠠᠷ ᠭᠡᠮᠡᠨ | ᠨᠡᠷᠡᠯᠡᠲᠡᠭ ᠪᠠᠶᠢᠵᠠᠢ᠃ | 1206 ᠤᠨ ᠳᠤ᠂ ᠴᠢᠩᠭᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠢ ᠨᠢᠭᠡᠳᠭᠡᠭᠰᠡᠨ ᠤ ᠲᠠᠷᠠᠭᠠ᠂ ᠤᠨᠤᠨ | ᠮᠦᠷᠡᠨ ᠤ ᠬᠦᠪᠡᠭᠡᠨ ᠳᠤ ᠦᠪᠡᠲᠡᠭᠰᠢ ᠶᠡᠭᠡ ᠬᠤᠷᠠᠯᠳᠠᠢ ᠪᠤᠯᠵᠦ᠂ ᠮᠤᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨᠲᠦ ᠤᠯᠤᠰ ᠢ | ᠪᠠᠶᠢᠭᠤᠯᠤᠭᠠᠳ᠂ ᠦᠩᠭᠡᠷᠡᠭᠰᠡᠨ ᠤ ᠮᠤᠩᠭᠤᠯ ᠤᠨ ᠬᠠᠭᠤᠴᠢᠨ ᠲᠦᠷᠢᠮ ᠢ ᠦᠭᠡᠷᠡᠴᠢᠯᠡᠵᠦ᠂ ᠮᠢᠩᠭᠠᠲᠦ ᠶᠢᠨ ᠡᠷᠦᠭᠡ | ᠶᠢᠨ ᠲᠦᠷᠢᠮ ᠢ ᠬᠡᠷᠡᠭᠵᠢᠭᠦᠯᠦᠨ᠂ ᠲᠡᠭᠦᠨ ᠤ ᠠᠯᠳᠠᠨ ᠤᠷᠤᠭ ᠤᠨ ᠪᠦᠷᠢᠯᠳᠤᠭᠦᠨ ᠬᠢᠭᠡᠳ ᠤᠯᠠᠨ ᠲᠦᠰᠢᠮᠡᠳ | ᠲᠡᠭᠡᠨ ᠲᠤᠰᠪᠦᠷᠢ ᠭᠠᠵᠠᠷ ᠰᠢᠷᠤᠢ᠂ ᠬᠠᠷᠢᠶᠠᠲᠦ ᠢᠷᠭᠡᠨ ᠬᠤᠪᠢᠶᠠᠨ ᠤᠯᠭᠤᠭᠰᠡᠨ ᠪᠦᠭᠡᠳ ᠪᠠᠰᠡ ᠬᠦᠯᠦᠨ ᠨᠠᠭᠤᠷ | ᠤᠨ ᠤᠷᠴᠢᠮ ᠬᠢᠭᠡᠳ ᠡᠷᠭᠦᠨᠡ ᠭᠤᠤᠯ᠂ ᠬᠠᠶᠢᠯᠠᠷ ᠭᠤᠤᠯ ᠤᠨ ᠰᠡᠪᠡ ᠭᠠᠵᠠᠷ ᠢᠶᠠᠷ ᠡᠵᠡᠮᠰᠢᠯ ᠭᠠᠵᠠᠷ ᠪᠤᠯᠭᠠᠭᠰᠡᠨ | ᠲᠦᠷᠪᠠᠨ ᠮᠢᠩᠭᠠᠨ ᠡᠷᠦᠭᠡ ᠬᠠᠷᠢᠶᠠᠲᠦ ᠢᠷᠭᠡᠨ ᠢ ᠬᠠᠪᠤᠳᠤ ᠬᠠᠰᠠᠷ ᠲᠤ ᠡᠷᠭᠦᠮᠵᠢᠯᠠᠨ ᠦᠭᠪᠡ᠃ ᠬᠤᠵᠢᠮ ᠨᠢ ᠤᠤᠯ | ᠤᠨ ᠵᠢᠷᠢᠮ ᠠᠶᠢᠮᠠᠭ ᠤᠨ ᠠᠷᠪᠠᠨ ᠬᠤᠰᠢᠭᠤ᠂ ᠠᠷᠦ ᠬᠤᠷᠴᠢᠨ ᠬᠤᠰᠢᠭᠤ᠂ ᠤᠷᠠᠳ ᠤᠨ ᠭᠤᠷᠪᠠᠨ ᠬᠤᠰᠢᠭᠤ᠂ | ᠲᠦᠷᠪᠠᠳ᠂ ᠮᠤᠤᠮᠢᠩᠭᠠᠨ ᠬᠤᠰᠢᠭᠤ ᠵᠡᠷᠭᠡ ᠠᠷᠪᠠᠨ ᠵᠢᠷᠭᠤᠭᠠᠨ ᠬᠤᠰᠢᠭᠤ ᠶᠢᠨ ᠲᠡᠭᠡᠳᠤᠰ ᠢ ᠪᠠᠭᠳᠠᠭᠠᠭᠰᠡᠨ ᠨᠠᠢᠮᠠᠨ | ᠠᠶᠢᠮᠠᠭ ᠤᠬᠰᠠᠭᠠ ᠪᠤᠯᠵᠦ ᠬᠦᠭᠵᠢᠪᠡ᠃ ᠲᠡᠭᠦᠨ ᠤ ᠲᠤᠳᠤᠷᠡ᠂ ᠮᠤᠤᠮᠢᠩᠭᠠᠨ ᠠᠶᠢᠮᠠᠭ ᠨᠢ ᠲᠤᠬᠳᠠᠭᠰᠡᠨ | ᠬᠤᠭᠤᠴᠠᠭᠠ ᠲᠠᠢ ᠪᠠᠷ ᠲᠡᠭᠡᠳᠣᠰ ᠬᠠᠪᠤᠳᠤ ᠬᠠᠰᠠᠷ ᠢᠶᠠᠨ ᠲᠠᠬᠢᠬᠤ ᠤᠯᠠᠮᠵᠢᠯᠠᠯᠲᠦ ᠲᠠᠳᠬᠠᠯ ᠲᠠᠢ ᠪᠠᠶᠢᠬᠰᠠᠭᠠᠷ | ᠢᠷᠡᠭᠰᠡᠨ ᠪᠢᠯᠡ᠃ 1633 ᠤᠨ ᠳᠤ᠂ ᠮᠤᠤᠮᠢᠩᠭᠠᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠬᠴᠢ ᠴᠡᠭᠡᠨ ᠪᠤᠯᠤᠨ ᠲᠡᠭᠦᠨ ᠤ ᠠᠪᠠᠭᠠ | ᠬᠦᠮᠦ ᠪᠠᠭᠠᠳᠤᠷ ᠬᠠᠷᠢᠶᠠᠲᠦ ᠠᠶᠢᠮᠠᠭ ᠢᠶᠠᠨ ᠲᠠᠭᠠᠭᠤᠯᠵᠦ ᠬᠤᠶᠢᠲᠦ ᠠᠯᠳᠠᠨ ᠤᠯᠤᠰ ᠲᠤ ᠲᠠᠭᠠᠷᠡ ᠤᠷᠤᠭᠰᠡᠨ | ᠦᠶᠡ ᠳᠤ᠂ ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠦᠷᠭᠦᠭᠡ ︵ᠲᠠᠩᠬᠢᠮ︶ ᠶᠢ ᠠᠶᠢᠮᠠᠭ ᠤᠯᠠᠨ ᠲᠠᠢ ᠪᠠᠨ ᠲᠠᠭᠠᠭᠤᠯᠵᠦ | ᠵᠠᠩᠬᠢ ᠶᠢᠨ ᠡᠮᠦᠨᠡ ᠲᠡᠯᠡ ︵ᠤᠳᠤ ᠶᠢᠨ ᠪᠤᠭᠤᠲᠦ ᠶᠢᠨ ᠲᠡᠭᠦᠷᠭᠡ︶ ᠳᠤ ᠨᠡᠭᠦᠯᠭᠡᠨ ᠠᠪᠴᠢᠷᠠᠵᠦ᠂ ᠬᠤᠵᠢᠮ ᠨᠢ ᠴᠢᠩ | ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠮᠤᠩᠭᠤᠯ ᠬᠤᠰᠢᠭᠤᠨ ᠤ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠳᠤ ᠠᠳᠠᠷ ᠬᠠᠭᠠᠯᠪᠦᠷᠢᠯᠠᠭᠰᠡᠨ ᠢ | ᠲᠠᠭᠠᠯᠳᠤᠨ᠂ ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠦᠷᠭᠦᠭᠡ ᠴᠦ ᠤᠮᠠᠷᠠᠰᠢ ᠪᠠᠨ ᠲᠠᠬᠢᠨ ᠲᠠᠬᠢᠨ ᠨᠡᠭᠦᠭᠰᠡᠨ ᠶᠤᠮ᠃ | ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠲᠤᠮᠲᠡ ᠬᠦᠨᠲᠦ ᠨᠤᠴᠢᠲᠠᠢ ᠡᠪᠳᠡᠭᠳᠡᠭᠰᠡᠨ ᠶᠤᠮ᠃ | ᠨᠢᠭᠡ᠂ ᠲᠠᠬᠢᠯᠭᠠ ᠶᠢᠨ ᠰᠢᠲᠦᠭᠡᠨ ᠤ ᠡᠳ᠋ | ᠲᠠᠬᠢᠯᠭᠠ ᠶᠢᠨ ᠲᠠᠩᠭᠢᠮ ᠢ ᠪᠤᠷᠬᠠᠨ ᠦᠷᠭᠦᠭᠡ ᠬᠡᠵᠦ ᠨᠡᠷᠡᠯᠡᠲᠡᠭ᠂ ᠤᠤᠯ ᠨᠢ ᠲᠠᠪᠤᠨ ᠬᠠᠨᠠᠲᠦ ᠴᠤᠯ ᠴᠠᠭᠠᠨ | ᠮᠤᠩᠭᠤᠯ ᠭᠡᠷ ᠪᠠᠶᠢᠬᠰᠡᠨ ᠶᠤᠮ᠃ ᠮᠤᠩᠭᠤᠯ ᠭᠡᠷ ᠤᠨ ᠲᠤᠭᠤᠷᠭᠠ ᠶᠢ ᠡᠯᠲᠡᠪ ᠰᠤᠷ ᠪᠤᠶᠦ ᠲᠡᠮᠲᠡᠭ ᠦᠭᠡᠢ ᠴᠠᠭᠠᠨ | ᠨᠤᠤᠯᠤᠭᠤᠷ ᠢᠶᠠᠷ ᠬᠢᠲᠡᠭ ᠪᠢᠯᠡ᠃ ᠬᠡᠪᠡᠴᠦ ᠲᠡᠷᠡ ᠨᠢ ᠮᠠᠨ ᠤ ᠦᠷᠭᠦᠯᠵᠢ ᠤᠯᠵᠦ ᠬᠠᠷᠠᠳᠠᠭ ᠮᠤᠩᠭᠤᠯ ᠭᠡᠷ ᠲᠠᠢ | ᠠᠳᠠᠯᠢ ᠪᠤᠰᠤ ᠪᠠᠶᠢᠵᠦ᠂ ᠲᠠᠶ᠋ᠢᠯᠭᠠ᠂ ᠪᠦᠰᠡᠯᠡᠭᠦᠷ ᠦᠭᠡᠢ ᠴᠤᠯ ᠴᠠᠭᠠᠨ ᠮᠤᠩᠭᠤᠯ ᠭᠡᠷ ᠬᠡᠲᠡᠭ ᠶᠤᠮ᠃ ᠮᠤᠩᠭᠤᠯ ᠭᠡᠷ | ᠤᠨ ᠲᠤᠭᠤᠨᠤ ᠲᠡᠭᠡᠷᠡ ᠨᠢ ᠠᠯᠳᠠᠨ ᠭᠠᠨᠵᠢᠷᠡ ᠲᠠᠢ᠂ ᠭᠡᠷ ᠤᠨ ᠡᠮᠦᠨᠡᠬᠢ ᠲᠡᠭᠰᠢᠭᠡᠨ ᠴᠢᠯᠠᠭᠤᠨ ᠲᠡᠭᠡᠷᠡ ᠲᠠᠮᠦᠷ | ᠬᠦᠯᠢᠰ ᠲᠠᠯᠪᠢᠵᠦ᠂ ᠲᠡᠭᠰᠢᠭᠡᠨ ᠴᠢᠯᠠᠭᠤᠨ ᠤ ᠲᠡᠷᠭᠡᠲᠡ ᠨᠢᠬᠡᠨᠲᠡ ᠵᠠᠷᠤᠵᠦ ᠬᠠᠭᠤᠴᠢᠷᠠᠬᠰᠡᠨ ᠲᠡᠭᠡᠪᠦᠷ ᠲᠤᠭᠤᠷᠭᠠ | ︵ᠲᠡᠭᠡᠪᠦᠷ ᠲᠤᠭᠤᠷᠭᠠ ᠶᠢ ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠰᠤᠯᠢᠨᠡ︶ ᠶᠢ ᠱᠠᠳᠤᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠪᠠᠷ ᠵᠠᠷᠭᠡᠯᠡᠨ | ᠲᠠᠯᠪᠢᠨᠡ᠃ ᠦᠷᠭᠦᠭᠡ ᠶᠢᠨ ᠵᠠᠭᠦᠨ ᠲᠡᠯᠡ ᠶᠢᠨ ᠲᠤᠪᠤᠷᠴᠠᠭ ᠲᠡᠭᠡᠷᠡ ᠤᠤᠯ ᠤᠨ ᠮᠤᠤᠮᠢᠩᠭᠠᠨ ᠬᠤᠰᠢᠭᠤᠨ ᠤ | ᠲᠦᠷᠪᠠᠨ ᠰᠤᠮᠤ ᠶᠢᠨ ︽ᠰᠢᠭᠦᠰᠦ︾ ᠴᠢᠨᠠᠬᠤ ᠳᠤ ᠬᠡᠷᠡᠭᠯᠡᠲᠡᠭ ᠲᠦᠷᠪᠠᠨ ᠲᠤᠭᠤᠭᠠ ᠶᠢ ᠬᠦᠮᠦᠷᠢᠵᠦ ᠪᠠᠶᠢᠳᠠᠭ᠂ | ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠠᠯ ᠤᠨ ᠦᠶᠡ ᠳᠤ ᠭᠤᠷᠪᠠᠨ ᠴᠢᠯᠠᠭᠤ ᠦᠷᠦᠵᠦ ᠲᠠᠯᠪᠢᠭᠠᠳ᠂ ᠲᠤᠭᠤᠭᠠ ᠪᠠᠨ ᠲᠠᠯᠪᠢᠵᠦ | ︽ᠰᠢᠭᠦᠰᠦ︾ ᠪᠠᠨ ᠴᠢᠨᠠᠳᠠᠭ ᠪᠢᠯᠡ᠃ | ᠦᠷᠭᠦᠭᠡᠨ ᠲᠤᠳᠤᠷᠡ᠂ ᠴᠠᠭᠠᠨ ᠢᠰᠡᠭᠡᠢ ᠲᠦᠭᠦᠷᠲᠡᠯᠡ ᠲᠡᠪᠢᠰᠳᠡᠭ᠃ ᠲᠠᠪᠤᠨ ᠲᠤᠬᠤᠢ ᠦᠨᠳᠦᠷ ᠮᠤᠳᠤᠨ | ᠬᠦᠩᠭᠠᠷᠡᠪᠡ ᠲᠤᠳᠤᠷᠡ ᠴᠠᠭᠠᠨ ᠪᠦᠰ ᠤᠨ ᠲᠡᠭᠡᠷᠡ ᠤᠯᠠᠭᠠᠨ ᠢᠶᠠᠷ ᠵᠢᠷᠤᠭᠰᠡᠨ ︽ᠬᠠᠰᠠᠷ ᠤᠨ ᠲᠤᠬᠰᠢᠨ ᠬᠦᠷᠦᠭ︾ | ᠪᠤᠯᠤᠨ ︽ᠬᠠᠰᠠᠷ ᠤᠨ ᠠᠮᠤᠷᠯᠢᠩᠭᠤᠢ ᠬᠦᠷᠦᠭ︾ ᠢ ᠡᠯᠭᠦᠵᠦ ᠪᠠᠶᠢᠳᠠᠭ᠃ ᠰᠤᠨᠤᠰᠤᠯᠲᠡ ᠪᠠᠷ ᠡᠨᠡ ᠬᠦᠷᠦᠭ ᠢ ᠬᠠᠰᠠᠷ | ᠤᠨ ᠵᠢᠷᠦᠭᠡᠨ ᠤ ᠴᠢᠰᠦ ᠪᠠᠷ ᠵᠢᠷᠤᠵᠦ ᠪᠦᠲᠦᠭᠡᠭᠰᠡᠨ ᠬᠡᠲᠡᠭ᠃ ᠬᠠᠰᠠᠷ ᠤᠨ ᠨᠤᠮᠤ ᠰᠤᠮᠤ ᠪᠤᠯᠤᠨ ᠰᠤᠮᠤᠨ ᠤ | ᠬᠤᠪᠲᠦ ᠶᠢ ᠬᠦᠩᠭᠠᠷᠠᠪᠡ ᠶᠢᠨ ᠪᠠᠷᠠᠭᠤᠨ ᠲᠡᠯᠡ ᠳᠤ ᠲᠠᠯᠪᠢᠵᠦ ᠪᠠᠶᠢᠳᠠᠭ᠃ ᠡᠨᠡ ᠬᠤᠶᠠᠷ ᠡᠯᠭᠦᠬᠡᠰᠦᠲᠠᠢ ᠬᠠᠪᠤᠲᠦ | ᠬᠠᠰᠠᠷ ᠤᠨ ᠬᠦᠷᠦᠭ ᠪᠤᠯᠤᠨ ᠨᠤᠮᠤ ᠰᠤᠮᠤ ᠪᠤᠯ ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠤᠨ ᠰᠢᠲᠦᠭᠡᠨ | ᠮᠦᠨ᠃ | ᠭᠤᠤᠯ ᠰᠢᠲᠦᠭᠡᠨ ᠤ ᠡᠮᠦᠨᠡ ᠵᠤᠨᠳᠠᠷ ︵ᠤᠷᠲᠦ ᠬᠤᠭᠤᠴᠠᠭᠠ ᠪᠠᠷ ᠲᠠᠬᠢᠳᠠᠭ ᠡᠬᠡᠯᠵᠢ ᠶᠢᠨ ᠰᠠᠬᠢᠭᠤᠰᠦ︶ | ᠬᠡᠲᠡᠭ ᠭᠤᠯᠢᠷ ᠬᠦᠮᠦᠨ᠂ ᠴᠢᠮᠠᠷ ︵ᠠᠷᠪᠠᠢ ᠶᠢᠨ ᠭᠤᠯᠢᠷ ᠪᠤᠯᠤᠨ ᠰᠢᠷᠡ ᠲᠤᠰᠤ ᠪᠠᠷ ᠦᠢᠯᠡᠳᠦᠭᠰᠡᠨ ᠲᠠᠬᠢᠯ ᠤᠨ ᠡᠳ᠋︶ | ᠪᠤᠯᠤᠨ ᠲᠠᠬᠢᠯ ᠤᠨ ᠤᠰᠤ ᠲᠠᠢ ᠨᠠᠢᠮᠠᠨ ᠮᠦᠩᠭᠦᠨ ᠴᠦᠬᠦᠴᠡ ᠲᠠᠯᠪᠢᠵᠦ ᠪᠠᠶᠢᠳᠠᠭ᠃ ᠡᠭᠦᠨ ᠤ ᠲᠤᠳᠤᠷᠡᠬᠢ | ᠲᠦᠷᠪᠠᠯᠵᠢᠨ ᠲᠡᠪᠰᠡᠭ ᠲᠡᠭᠡᠷᠡ ᠵᠡᠰ ᠬᠦᠯᠢᠰ ᠲᠠᠯᠪᠢᠵᠦ᠂ ᠰᠢᠲᠦᠭᠡᠨ ᠤ ᠡᠮᠦᠨᠡ ᠤᠯᠠᠨ ᠵᠦᠢᠯ ᠤᠨ ᠦᠩᠭᠡ ᠲᠠᠢ | ᠭᠭᠢᠪ ᠲᠤᠷᠳᠤᠩ ᠪᠤᠯᠤᠨ ᠬᠠᠳᠠᠭ ᠡᠯᠭᠦᠵᠦ ᠪᠠᠶᠢᠳᠠᠭ᠃ ᠬᠦᠩᠭᠠᠷᠠᠪᠡ ᠶᠢᠨ ᠵᠡᠭᠦᠨ ᠲᠡᠯᠡ ᠶᠢᠨ ᠤᠷᠳᠤ ᠮᠤᠳᠤᠨ | ᠬᠠᠶᠢᠷᠴᠠᠭ ᠲᠤᠳᠤᠷᠡ ᠲᠠᠪᠢ ᠵᠢᠷᠠᠨ ᠭᠠᠦᠯᠢᠨ ᠵᠤᠯᠠ ᠰᠠᠪᠠᠯᠠᠵᠦ ᠪᠠᠶᠢᠳᠠᠭ᠃ ᠮᠤᠳᠤᠨ ᠬᠠᠶᠢᠷᠴᠠᠭ ᠤᠨ ᠲᠡᠭᠡᠷᠡ | ᠠᠯᠳᠠ ᠪᠠᠷ ᠪᠤᠯᠬᠠᠵᠦ ᠪᠢᠴᠢᠭᠰᠡᠨ ᠮᠤᠩᠭᠤᠯ ᠬᠡᠯᠡᠨ ᠤ ︽ᠪᠤᠬᠲᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠲᠠᠶᠢᠯᠠᠯᠭᠠ︾ ᠪᠤᠯᠤᠨ | ︽ᠴᠢᠩᠭᠢᠰ ᠬᠠᠭᠠᠨ ᠤ ᠠᠯᠳᠠᠨ ᠤᠷᠤᠭ ᠤᠨ ᠦᠶᠡ ᠵᠠᠯᠭᠠᠮᠵᠢᠯᠠᠬᠰᠡᠨ ᠴᠠᠳᠢᠭ︾ ᠢ ᠲᠠᠯᠪᠢᠵᠦ ᠪᠠᠶᠢᠳᠠᠭ᠃ ᠦᠷᠭᠦᠭᠡ | ᠶᠢᠨ ᠵᠡᠭᠦᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠡᠮᠦᠨᠡ ᠦᠨᠴᠦᠭ ᠲᠤ ᠲᠠᠬᠢᠯᠭᠠ ᠶᠢᠨ ︽ᠰᠢᠭᠦᠰᠦ︾ ᠰᠠᠪᠠᠯᠠᠬᠤ ᠳᠤ ᠬᠡᠷᠡᠭᠯᠡᠬᠦ | ᠬᠤᠶᠠᠷ ᠲᠤᠮᠤ ᠮᠤᠳᠤᠨ ᠲᠡᠪᠰᠢ ᠪᠡᠯᠡᠳᠭᠡᠵᠦ ᠲᠠᠯᠪᠢᠵᠠᠢ᠃ ᠰᠢᠷᠡ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠲᠡᠯᠭᠡᠷᠡᠭᠰᠡᠨ | ᠤ ᠲᠠᠷᠠᠭᠠ᠂ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠠᠯ ᠳᠠᠭᠠᠨ ᠨᠤᠮ ᠤᠩᠰᠢᠬᠤ ᠬᠤᠶᠠᠷ ᠯᠠᠮᠠ ᠵᠠᠯᠠᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃ ᠡᠶᠢᠮᠦ | ᠠᠴᠠ ᠬᠦᠩᠭᠠᠷᠡᠪᠡ ᠶᠢᠨ ᠬᠤᠶᠠᠷ ᠲᠡᠯᠡ ᠳᠤ ᠯᠠᠮᠠ ᠶᠢᠨ ᠰᠠᠭᠤᠬᠤ ᠬᠤᠶᠠᠷ ᠰᠠᠭᠤᠳᠡᠯ ᠨᠡᠮᠡᠭᠰᠡᠨ ᠶᠤᠮ᠃ | ᠬᠠᠪᠤᠲᠦ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠨᠢ ᠵᠢᠯ ᠪᠦᠷᠢ ᠠᠳᠠᠯᠢ ᠪᠤᠰᠤ ᠬᠡᠪᠴᠢᠶᠡᠨ ᠳᠤ ᠲᠠᠪᠤᠨ | ᠵᠦᠢᠯ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠬᠦᠢᠴᠡᠳᠭᠡᠲᠡᠭ ᠪᠠᠶᠢᠪᠡ᠃ ᠲᠤᠬᠠᠶᠢᠯᠠᠪᠡᠯ᠂ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ | ᠬᠤᠶᠠᠳᠤᠭᠠᠷ ᠰᠡᠷᠡ ᠶᠢᠨ ᠬᠤᠷᠢᠨ ᠲᠤᠯᠤᠭᠠᠨ ᠤ ᠡᠳᠤᠷ᠂ ᠲᠠᠪᠤᠳᠤᠭᠠᠷ ᠰᠡᠷᠡ ᠶᠢᠨ ᠬᠤᠷᠢᠨ ᠲᠤᠯᠤᠭᠠᠨ ᠤ ᠡᠳᠤᠷ᠂ | ᠲᠤᠯᠤᠳᠤᠭᠠᠷ ᠰᠡᠷᠡ ᠶᠢᠨ ᠬᠤᠷᠢᠨ ᠲᠤᠯᠤᠭᠠᠨ ᠤ ᠡᠳᠤᠷ᠂ ᠠᠷᠪᠠᠳᠤᠭᠠᠷ ᠰᠡᠷᠡ ᠶᠢᠨ ᠬᠤᠷᠢᠨ ᠲᠤᠯᠤᠭᠠᠨ ᠤ ᠡᠳᠤᠷ | ᠤᠨ ᠲᠠᠬᠢᠯᠭᠠ ᠨᠢ ᠶᠡᠭᠡ ᠬᠡᠮᠵᠢᠶᠠᠨ ᠤ ᠠᠵᠢᠯᠯᠠᠭᠠ ᠲᠠᠢ ᠪᠠᠶᠢᠳᠠᠭ᠂ ᠨᠡᠶᠢᠲᠡ ᠲᠦᠷᠪᠠᠨ ᠰᠢᠭᠦᠰᠦ ᠪᠠᠷ ᠲᠠᠬᠢᠵᠦ᠂ | ᠰᠤᠮᠤ ᠪᠦᠷᠢ ᠨᠢᠭᠡ ᠰᠢᠭᠦᠰᠦᠨ ᠤ ᠬᠤᠨᠢ ᠭᠠᠷᠭᠠᠨᠡ᠃ ᠪᠢᠲᠡᠭᠦᠨ ᠤ ᠰᠦᠨᠢ ᠨᠢᠭᠡ ᠰᠢᠭᠦᠰᠦ ᠪᠠᠷ ᠲᠠᠬᠢᠳᠠᠭ ᠪᠢᠯᠡ᠃ | ᠮᠤᠤᠮᠢᠩᠭᠠᠨ ᠤ ᠵᠠᠰᠠᠭ ᠬᠤᠰᠢᠭᠤᠨ ᠲᠤᠤᠷᠡ ᠲᠦᠷᠪᠠᠨ ᠰᠤᠮᠤ᠂ ᠬᠤᠶᠠᠷ ᠪᠠᠭ ᠪᠠᠶᠢᠭᠤᠯᠵᠦ᠂ ᠬᠠᠪᠤᠲᠦ ᠬᠠᠰᠠᠷ | ᠤᠨ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠶᠢ ᠲᠦᠷᠪᠠᠨ ᠰᠤᠮᠤ ᠶᠢᠨ ᠵᠠᠩᠬᠢ ᠪᠤᠯᠤᠨ ᠬᠦᠨᠲᠦ ᠡᠭᠡᠯᠵᠢᠯᠠᠨ ᠬᠠᠷᠢᠭᠤᠴᠠᠳᠠᠭ | ᠪᠦᠭᠡᠳ ᠪᠠᠰᠡ ᠲᠦᠷᠪᠠᠨ ᠰᠤᠮᠤ ᠠᠴᠠ ᠬᠤᠨᠢ ᠤᠯᠠᠨᠳᠠᠢ ᠴᠠᠭᠠᠨ ᠡᠷᠦᠭᠡ ᠰᠤᠩᠭᠤᠨ ᠭᠠᠷᠭᠠᠵᠦ᠂ ᠲᠡᠳᠡᠨ ᠢᠶᠠᠷ | ᠲᠤᠰᠬᠠᠶᠢᠯᠠᠨ ᠦᠷᠭᠦᠭᠡ ᠶᠢᠨ ᠲᠡᠭᠡᠪᠦᠷ ᠲᠤᠭᠤᠷᠭᠠ᠂ ᠵᠤᠯᠠ ᠪᠠᠷᠢᠬᠤ ᠰᠢᠷᠡ ᠲᠤᠰᠤ ᠬᠢᠭᠡᠳ ᠲᠠᠬᠢᠯᠭᠠ ᠳᠤ | ᠲᠦᠭᠦᠷᠭᠡᠬᠦ ᠰᠢᠭᠦᠰᠦᠨ ᠤ ᠬᠤᠨᠢ ᠶᠢ ᠬᠠᠷᠢᠭᠤᠴᠠᠭᠤᠯᠳᠠᠭ᠃ ᠡᠨᠡ ᠡᠷᠦᠭᠡ ᠠᠶᠢᠯ ᠨᠢ ᠡᠭᠦᠨ ᠠᠴᠠ ᠭᠠᠳᠠᠨᠡ᠂ | ᠬᠤᠰᠢᠭᠤᠨ ᠶᠠᠮᠤᠨ ᠳᠤ ᠲᠠᠬᠢᠭᠠᠳ ᠶᠠᠮᠠᠷ ᠴᠦ ᠭᠠᠶᠢᠯᠢ ᠭᠤᠪᠴᠢᠭᠤᠷ ᠲᠤᠰᠢᠶᠠᠬᠤ ᠦᠭᠡᠢ ᠪᠠᠶᠢᠳᠠᠭ ᠶᠤᠮ᠃ | ᠴᠢᠯᠦᠭᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠡᠭᠡᠨ ᠪᠤᠯᠳᠠᠯᠡ᠂ ᠨᠤᠷᠵᠢᠮᠡ᠂ ᠴᠢᠶᠠᠩ ᠫᠧᠢ ᠯᠧ ᠵᠡᠷᠭᠡ ᠬᠦᠮᠦᠰ ᠡᠨᠡ ᠠᠵᠢᠯ ᠢ | ᠡᠭᠦᠷᠭᠡᠯᠡᠵᠦ ᠪᠠᠶᠢᠯᠡ᠃ | ᠬᠠᠪᠤᠲᠦ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠢ ᠡᠷᠬᠢᠯᠡᠬᠦ ᠬᠦᠮᠦᠨ ᠢ ᠬᠦᠬᠦᠭᠡ ᠭᠡᠵᠦ ᠨᠡᠷᠡᠯᠡᠬᠦ ᠪᠦᠭᠡᠳ | ᠲᠡᠷᠡ ᠨᠢ ᠪᠠᠰᠡ ᠬᠠᠪᠤᠳᠤ ᠬᠠᠰᠠᠷ ᠤᠨ ᠰᠢᠭᠤᠳ ᠦᠷᠡ ᠲᠦᠷᠦᠯ ᠤᠨ ᠬᠤᠶᠢᠴᠢᠰ ᠮᠦᠨ ᠪᠠᠶᠢᠳᠠᠭ᠃ ᠬᠦᠬᠦᠭᠡ | ᠲᠦᠷᠪᠠᠨ ᠤᠯᠠᠷᠢᠯ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠢ ᠪᠡᠶᠡᠯᠡᠭᠦᠯᠬᠦ ᠪᠠᠷ ᠦᠯᠦ ᠪᠠᠷᠠᠮ ᠪᠠᠰᠡ ᠡᠳᠤᠷ ᠪᠦᠷᠢ ᠶᠢᠨ | ᠬᠦᠵᠢ ᠠᠰᠠᠭᠠᠨ ᠲᠠᠬᠢᠬᠤ ᠵᠡᠷᠭᠡ ᠠᠵᠢᠯ ᠦᠢᠯᠡ ᠶᠢ ᠬᠠᠷᠢᠭᠤᠴᠠᠳᠠᠭ᠃ ᠲᠡᠭᠦᠨ ᠤ ᠭᠠᠷ ᠲᠤᠤᠷᠡ ᠰᠤᠮᠤ ᠪᠦᠷᠢ ᠶᠢᠨ | ᠴᠠᠭᠠᠨ ᠡᠷᠦᠭᠡ ᠶᠢᠨ ᠭᠠᠷᠤᠯ ᠲᠠᠢ ᠲᠦᠷᠪᠠᠨ ᠪᠠᠭᠤᠷᠴᠢ ︵ᠭᠠᠯᠴᠢ︶ ᠬᠢᠭᠡᠳ ᠨᠤᠮ ᠤᠩᠰᠢᠬᠤ ᠬᠤᠶᠠᠷ ᠯᠠᠮᠠ ᠪᠠᠶᠢᠳᠠᠭ᠃ | | ᠬᠤᠶᠠᠷ᠂ ᠶᠤᠰᠤᠯᠡᠯ ᠤᠨ ᠬᠡᠯᠪᠡᠷᠢ | ᠬᠤᠨᠢᠨ ᠤ ᠵᠡᠭᠦᠨ ᠬᠠ ᠶᠢ ᠵᠤᠮᠠᠯᠠᠵᠦ ᠡᠷᠡᠦ᠂ ᠬᠡᠯᠡ᠂ ᠬᠤᠭᠤᠯᠠᠢ᠂ ᠬᠡᠲᠡᠰᠦ ᠲᠤᠳᠤᠷ ᠲᠠᠢ ᠨᠢ ᠬᠠᠮᠲᠦ ᠴᠢᠨᠠᠵᠦ | ᠪᠤᠯᠭᠤᠬᠰᠡᠨ ᠤ ᠲᠠᠷᠠᠭᠠ ᠬᠠᠰᠠᠷ ᠤᠨ ᠨᠤᠮᠤ ᠰᠤᠮᠤ᠂ ᠰᠤᠮᠤᠨ ᠤ ᠬᠤᠪᠲᠦ ᠶᠢᠨ ᠡᠮᠦᠨᠡ ᠲᠠᠬᠢᠯ ᠲᠠᠯᠪᠢᠨᠡ᠃ ᠡᠨᠡ | ᠦᠶᠡ ᠳᠤ ᠬᠠᠰᠠᠷ ᠤᠨ ᠨᠤᠮᠤ ᠶᠢ ᠲᠡᠷᠭᠡᠯ ᠪᠤᠯᠳᠡᠯᠡ ᠲᠠᠳᠠᠭᠰᠡᠨ ᠬᠦᠮᠦᠨ ᠪᠠᠶᠢᠵᠦ᠂ ᠨᠤᠮᠤ ᠰᠤᠮᠤ ᠡᠯᠭᠦᠲᠡᠭ ᠭᠠᠵᠠᠷ | ᠲᠤ ᠰᠠᠭᠤᠵᠦ ᠪᠠᠶᠢᠬᠤ ᠬᠡᠷᠡᠭᠲᠠᠢ᠃ ᠦᠯᠡᠲᠡᠭᠰᠡᠨ ᠮᠢᠬᠠ ᠶᠢ ᠨᠢ ᠦᠪᠴᠢᠭᠰᠡᠨ ᠤ ᠲᠠᠷᠠᠭᠠ ᠦᠶᠡ ᠬᠡᠰᠢᠭᠦᠦ᠂ ᠮᠦᠴᠢ᠂ | ᠨᠢᠷᠤᠭᠤ ᠶᠢᠨ ᠬᠡᠰᠡᠭ ᠢ ᠨᠢ ᠰᠠᠯᠭᠠᠨ ᠮᠦᠴᠢᠯᠡᠭᠡᠳ ᠴᠢᠨᠠᠵᠦ ᠪᠤᠯᠭᠤᠭᠰᠡᠨ ᠤ ᠲᠠᠷᠠᠭᠠ ᠲᠦᠷᠪᠠᠨ ᠲᠤᠮᠤ ᠮᠤᠳᠤᠨ | ᠲᠡᠪᠰᠢ ᠳᠤ ᠰᠠᠪᠠᠯᠠᠵᠦ᠂ ᠬᠠᠰᠠᠷ ᠤᠨ ᠬᠦᠷᠦᠭ ᠤᠨ ᠡᠮᠦᠨᠡ ᠲᠠᠬᠢᠯ ᠲᠠᠯᠪᠢᠳᠠᠭ ᠢ ︽ᠲᠦᠷᠪᠠᠨ ᠰᠠᠩ︾ ᠬᠡᠨᠡ᠃ | ᠬᠦᠬᠦᠭᠡ ᠲᠦᠪ ᠶᠡᠭᠡᠮᠰᠦᠭ ᠢᠶᠠᠷ ᠬᠠᠰᠠᠷ ᠤᠨ ᠬᠦᠷᠦᠭ ᠤᠨ ᠡᠮᠦᠨᠡ ᠵᠤᠬᠰᠤᠨ᠂ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ | ᠡᠬᠢᠯᠡᠭᠰᠡᠨ ᠢ ᠨᠡᠶᠢᠲᠡᠯᠡᠭᠰᠡᠨ ᠤ ᠲᠠᠷᠠᠭᠠ᠂ ᠬᠤᠰᠢᠭᠤ ᠵᠠᠰᠠᠭ ᠢᠶᠠᠷ ᠮᠠᠩᠯᠠᠶᠢᠯᠠᠭᠤᠯᠤᠭᠰᠡᠨ ᠶᠡᠭᠡ ᠪᠠᠭᠠ ᠨᠤᠶᠠᠳ | ᠬᠢᠭᠡᠳ ᠤᠯᠠᠨ ᠮᠦᠷᠭᠦᠯᠴᠢᠳ ᠦᠷᠭᠦᠭᠡ ᠶᠢᠨ ᠡᠮᠦᠨᠡ ᠲᠡᠪᠡᠯ ᠲᠡᠷᠯᠢᠭ ᠤᠨ ᠬᠤᠷᠮᠤᠢ ᠪᠠᠨ ᠲᠡᠯᠭᠡᠨ ᠲᠠᠪᠢᠰᠴᠦ | ᠰᠦᠭᠦᠷᠡᠨ ᠮᠦᠷᠭᠦᠵᠦ ᠲᠠᠭᠠᠳᠬᠠᠯ ᠬᠢᠨᠡ᠃ ᠨᠤᠶᠠᠳ ᠪᠤᠯᠤᠨ ᠨᠤᠮ ᠤᠩᠰᠢᠳᠠᠭ ᠯᠠᠮᠠ ᠶᠢᠨ ᠡᠮᠦᠨᠡ ᠪᠦᠷ ᠠᠷᠢᠬᠢ | ᠲᠦᠭᠦᠷᠡᠩ ᠬᠡᠮᠨᠡᠭᠰᠡᠨ ᠮᠤᠳᠤᠨ ᠬᠤᠨᠳᠠᠭᠠ ᠲᠠᠯᠪᠢᠵᠦ ᠪᠠᠶᠢᠳᠠᠭ᠃ | ᠵᠠᠯᠭᠠᠭᠠᠳ ᠨᠤᠮ ᠤᠩᠰᠢᠬᠤ ᠯᠠᠮᠠ ᠴᠢᠩᠭᠢᠰ ᠬᠠᠭᠠᠨ ᠤ ᠰᠠᠩ᠂ ᠬᠠᠷᠡ ᠰᠦᠯᠲᠡ ᠶᠢᠨ ᠰᠠᠩ᠂ ᠨᠠᠮᠳᠠᠭ ᠰᠠᠩ᠂ | ᠲᠤᠷᠵᠢᠵᠤᠳᠪᠡ ᠰᠠᠩ ᠵᠡᠷᠭᠡ ᠨᠤᠮ ᠢ ᠡᠭᠡᠰᠢᠭᠯᠡᠨ ᠤᠩᠰᠢᠨᠡ᠃ ᠬᠦᠬᠦᠭᠡ ᠬᠠᠰᠠᠷ ᠤᠨ ᠤᠨᠤᠳᠠᠭ ᠬᠦᠯᠦᠭ ᠬᠡᠰᠡᠨ | ᠴᠠᠭᠠᠨ ᠮᠤᠷᠢ ᠶᠢ ᠬᠦᠲᠦᠯᠵᠦ ᠢᠷᠡᠭᠡᠳ᠂ ᠨᠤᠮ ᠤᠩᠰᠢᠭᠠᠳ᠂ ᠢᠷᠦᠭᠡᠯ ᠮᠠᠬᠳᠠᠭᠠᠯ ᠰᠢᠯᠦᠭᠯᠡᠭᠦᠯᠵᠦ᠂ ᠠᠷᠢᠬᠢ ᠷᠠᠰᠢᠶᠠᠨ | ᠱᠠᠪᠰᠢᠭᠤᠯᠵᠦ ᠲᠤᠷᠭᠠᠨ ᠪᠦᠴᠡ ᠵᠡᠭᠦᠯᠭᠡᠭᠰᠡᠨ ᠤ ᠲᠠᠷᠠᠭᠠ ᠲᠠᠯᠪᠢᠵᠦ ᠶᠠᠪᠤᠭᠤᠯᠤᠭᠠᠳ᠂ ᠴᠠᠭᠠᠨ ᠠᠷᠭᠤᠮᠠᠭ ᠢ | ᠮᠤᠤᠮᠢᠩᠭᠠᠨ ᠤ ᠲᠡᠯᠡ ᠨᠤᠳᠤᠭ ᠲᠡᠭᠡᠷᠡ ᠴᠢᠯᠦᠭᠡᠲᠠᠢ ᠲᠤᠪᠳᠤᠯᠭᠠᠨ ᠲᠠᠪᠬᠢᠭᠤᠯᠤᠨᠡ᠃ ᠲᠡᠭᠦᠨ ᠤ ᠲᠠᠷᠠᠭᠠ᠂ ᠵᠠᠰᠠᠭ | ᠤᠨ ᠠᠮᠠᠨ ᠵᠠᠷᠯᠢᠭ ᠢ ᠦᠨᠳᠦᠰᠦᠯᠡᠨ ᠬᠠᠰᠠᠷ ᠲᠤ ᠲᠠᠭᠠᠳᠬᠠᠯ ᠬᠢᠨᠡ᠃ ᠡᠷᠡᠯᠭᠡᠭ ᠪᠠᠭᠠᠳᠤᠷᠯᠢᠭ ᠬᠠᠰᠠᠷ ᠤᠨ | ᠬᠠᠷᠢᠶᠠᠲᠦ ᠢᠷᠭᠡᠨ ᠤ ᠠᠮᠦᠷ ᠲᠠᠶᠢᠪᠦᠩ ᠦᠯᠵᠠᠢ ᠪᠡᠯᠭᠡ ᠲᠠᠢ ᠪᠠᠶᠢᠬᠤ ᠶᠢ ᠢᠪᠡᠭᠡᠨ ᠰᠤᠶᠤᠷᠬᠠᠬᠤ ᠶᠢ ᠲᠠᠭᠠᠳᠬᠠᠵᠦ᠂ | ᠤᠳᠤᠬᠠᠨ ᠤ ᠪᠦᠬᠦ ᠬᠤᠰᠢᠭᠤᠨ ᠳᠤ ᠲᠤᠯᠭᠠᠷᠠᠭᠰᠡᠨ ᠠᠰᠠᠭᠤᠳᠡᠯ᠂ ᠡᠭᠦᠷᠭᠡ ᠶᠢ ᠲᠤᠭᠠᠴᠢᠨ ᠶᠠᠷᠢᠳᠠᠭ᠃ ᠲᠠᠭᠠᠳᠬᠠᠯ | ᠤᠨ ᠢᠷᠦᠭᠡᠯ ᠨᠢ ᠡᠩ ᠤᠨ ᠦᠶᠡ ᠳᠤ ᠲᠤᠤᠷᠡᠬᠢ ᠮᠡᠲᠦ ᠪᠠᠶᠢᠳᠠᠭ᠄ | ᠪᠤᠬᠲᠡ ᠡᠵᠡᠨ ᠮᠢᠨᠢ | ᠤᠯᠠᠨ ᠠᠷᠡᠳ ᠢᠶᠠᠨ | ᠠᠭᠤᠵᠢᠮ ᠬᠤᠷᠮᠤᠢ ᠳᠠᠭᠠᠨ ᠪᠠᠭᠳᠠᠭᠠᠵᠦ | ᠠᠭᠤᠴᠢᠯᠠᠯ ᠠᠪᠤᠷᠡᠯ ᠳᠠᠭᠠᠨ ᠰᠢᠷᠭᠤᠭᠤᠯᠵᠦ | ᠲᠦᠮᠡᠨ ᠰᠤᠨᠤᠷ ᠲᠠᠭᠠᠨ ᠲᠤᠯᠢᠳᠠᠨ | ᠮᠢᠩᠭᠠᠨ ᠮᠠᠯᠮᠠᠢ ᠳᠡᠭᠡᠨ ᠰᠢᠷᠳᠡᠵᠦ | ᠶᠠᠪᠤᠬᠰᠡᠨ ᠵᠦᠭ ᠲᠤ ᠰᠠᠭᠠᠳ ᠦᠭᠡᠢ | ᠬᠠᠨᠳᠤᠭᠰᠡᠨ ᠵᠦᠭ ᠲᠤ ᠲᠠᠶᠢᠰᠦᠨ ᠦᠭᠡᠢ | ᠠᠯᠢᠪᠡ ᠲᠠᠶᠢᠰᠦᠨ ᠢ ᠠᠷᠢᠯᠭᠠᠵᠦ | ᠠᠮᠦᠷ ᠲᠦᠪᠰᠢᠨ ᠵᠢᠷᠭᠠᠭᠤᠯᠳᠤᠭᠠᠢ︕ | ᠁ | ᠲᠠᠭᠠᠳᠬᠠᠯ ᠤᠨ ᠲᠠᠷᠠᠭᠠ ᠬᠦᠬᠦᠭᠡ ᠠᠴᠠ ᠰᠢᠲᠦᠭᠡᠨ ᠤ ᠡᠮᠦᠨᠡ ᠰᠦᠭᠦᠲᠦᠨ ᠵᠦᠭᠡᠭᠦᠯᠭᠡ ᠬᠢᠲᠡᠭ᠃ | ᠵᠦᠭᠡᠭᠦᠯᠭᠡ ᠶᠢᠨ ᠦᠭᠡ ᠨᠢ ᠲᠤᠤᠷᠡᠬᠢ ᠮᠡᠲᠦ ᠪᠠᠶᠢᠳᠠᠭ᠄ | ᠬᠠᠨ ᠬᠤᠷᠮᠤᠰᠲᠡ ᠨᠠᠷᠡᠨ | ᠠᠪᠤ ᠡᠵᠢ ᠠᠴᠠ ᠡᠷᠬᠢᠮᠰᠦᠭ | ᠴᠢᠩ ᠶᠡᠭᠡ ᠪᠡᠶᠡ ᠲᠠᠢ | ᠴᠢᠩᠬᠡᠯᠵᠡᠨ ᠠᠯᠳᠠᠨ ᠵᠢᠷᠦᠭᠡ ᠲᠠᠢ | ᠬᠤᠪᠤᠷ ᠶᠡᠭᠡ ᠪᠡᠶᠡ ᠲᠠᠢ | ᠬᠤᠷᠴᠡ ᠶᠡᠭᠡ ᠴᠡᠭᠡᠵᠢ ᠲᠠᠢ | ᠪᠤᠨᠳᠤᠭᠤᠷ ᠲᠤᠯᠤᠭᠠᠢ ᠪᠠᠷ ᠢᠶᠠᠨ ᠮᠦᠷᠭᠦᠵᠦ | ᠪᠤᠬᠢᠷ ᠡᠪᠦᠳᠦᠭ ᠢᠶᠠᠨ ᠰᠦᠭᠦᠳᠴᠦ | ᠲᠠᠬᠢᠨ ᠮᠦᠷᠭᠦᠵᠦ ᠰᠠᠭᠤᠮᠤ︕ | ᠵᠦᠭᠡᠭᠦᠯᠭᠡ ᠲᠠᠭᠤᠰᠤᠭᠰᠡᠨ ᠤ ᠲᠠᠷᠠᠭᠠ ᠬᠦᠬᠦᠭᠡ ᠰᠠᠨᠠᠭᠤᠯᠭᠠ ᠭᠠᠷᠭᠠᠵᠦ᠄ | ︽ᠤᠯᠠᠨ ᠨᠤᠶᠠᠳ ᠲᠦᠰᠢᠮᠡᠳ ᠬᠤᠨᠳᠠᠭᠠ ᠪᠠᠨ ᠡᠷᠭᠦᠶᠡ︕︾ | ︽ᠤᠯᠠᠨ ᠢᠶᠠᠷ ᠢᠶᠠᠨ ᠰᠢᠭᠦᠰᠦ ᠠᠮᠰᠠᠵᠠᠭᠠᠶᠡ︕︾ ᠬᠡᠬᠦ ᠳᠤ ᠤᠯᠠᠨ ᠨᠤᠶᠠᠳ ᠬᠢᠭᠡᠳ ᠨᠤᠮ ᠤᠩᠰᠢᠬᠤ ᠯᠠᠮᠠ | ᠨᠠᠷ ᠡᠮᠦᠨᠡᠬᠢ ᠮᠤᠳᠤᠨ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠪᠠᠨ ᠲᠡᠭᠷᠢ ᠦᠭᠡᠲᠡ ᠡᠷᠭᠦᠨ ᠰᠠᠴᠤᠨᠡ᠃ | ᠪᠠᠭᠤᠷᠴᠢ ᠦᠷᠭᠦᠭᠡ ᠳᠤ ᠤᠷᠤᠵᠦ ᠰᠢᠭᠦᠰᠦ ᠶᠢ ᠲᠤᠶᠠᠴᠢᠨ ᠰᠠᠯᠭᠠᠵᠦ᠂ ᠭᠡᠷ ᠤᠨ ᠭᠠᠳᠠᠨᠡ ᠠᠪᠴᠦ | ᠭᠠᠷᠤᠭᠠᠳ᠂ ᠮᠦᠷᠭᠦᠯᠴᠢᠳ ᠤᠨ ᠠᠯᠠᠭᠠᠨ ᠳᠤ ᠰᠢᠭᠤᠳ ᠭᠠᠷᠳᠠᠭᠤᠯᠬᠤ ᠪᠤᠶᠦ ᠲᠡᠳᠡᠨ ᠤ ᠬᠤᠷᠮᠤᠢ ᠲᠡᠭᠡᠷᠡ | ᠰᠢᠳᠡᠵᠦ ᠦᠭᠲᠡᠭ᠃ ᠰᠢᠭᠦᠰᠦ ᠢᠲᠡᠭᠦ ᠳᠤ ᠶᠡᠷᠦ ᠠᠴᠠ ᠬᠢᠳᠤᠭᠠ ᠵᠠᠷᠤᠬᠤ ᠦᠭᠡᠢ᠂ ᠬᠠᠷᠢᠨ ᠭᠠᠷ ᠢᠶᠠᠷ ᠪᠤᠶᠦ ᠰᠢᠲᠦ | ᠪᠠᠷ ᠢᠶᠠᠨ ᠮᠦᠯᠵᠢᠨ ᠢᠲᠡᠲᠡᠭ ᠶᠤᠮ᠃ | ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠲᠠᠭᠤᠰᠬᠤ ᠦᠶᠡ ᠳᠤ ᠬᠦᠬᠦᠭᠡ ︽ᠮᠤᠷᠢᠨ ᠳᠠᠭᠠᠨ ᠮᠤᠷᠳᠠᠵᠦ ᠨᠡᠭᠡᠭᠡᠷᠠᠢ᠂ | ᠲᠦᠷᠦᠭᠡ ᠲᠤᠬᠰᠢᠨᠡ︕︾ ᠬᠡᠵᠦ ᠨᠠᠶᠢᠳᠠᠯᠡᠨᠡ᠃ ᠡᠨᠡ ᠦᠶᠡ ᠳᠤ ᠨᠢᠭᠡᠨ ᠲᠠᠶᠢᠵᠢ ᠰᠠᠶᠢᠨ ᠮᠤᠷᠢᠨ ᠳᠤ ᠮᠤᠷᠳᠠᠭᠠᠳ | ︵ᠲᠠᠶᠢᠰᠤᠨ ᠤ ᠲᠡᠯᠡ ᠪᠠᠷ ᠬᠠᠭᠤᠷᠮᠠᠬᠯᠠᠨᠡ︶ ᠲᠠᠪᠬᠢᠨ ᠤᠳᠤᠨᠡ᠃ ᠬᠦᠬᠦᠭᠡ ᠴᠠᠭᠠᠨ ᠮᠤᠷᠢᠨ ᠳᠤ ᠮᠤᠷᠳᠠᠭᠠᠳ | ᠲᠡᠭᠦᠨ ᠤ ᠠᠷᠦ ᠠᠴᠠ ᠨᠡᠭᠡᠵᠦ᠂ ᠬᠡᠷᠪᠡ ᠨᠡᠭᠡᠵᠦ ᠭᠦᠢᠴᠡᠪᠡᠯ᠂ ᠲᠡᠭᠦᠨ ᠤ ᠲᠦᠷᠦᠭᠡ ᠶᠢ ᠱᠦᠷᠭᠦᠭᠡᠵᠦ᠂ ᠤᠨᠠᠬᠰᠡᠨ | ᠮᠤᠷᠢ ᠶᠢ ᠨᠢ ᠲᠠᠰᠢᠭᠤᠷᠳᠠᠭᠠᠳ ᠢᠯᠠᠨ ᠪᠤᠴᠡᠨᠡ᠃ ᠬᠡᠷᠪᠡ ᠨᠡᠭᠡᠵᠦ ᠭᠦᠢᠴᠡᠭᠰᠡᠨ ᠦᠭᠡᠢ ᠪᠤᠯ ᠪᠤᠴᠠᠨ ᠢᠷᠡᠲᠡᠭ᠂ | ᠬᠡᠪᠡᠴᠦ ᠡᠶᠢᠮᠦᠷᠬᠦᠦ ᠪᠠᠶᠢᠲᠡᠯ ᠢ ᠡᠩ ᠤᠨ ᠦᠶᠡᠰ ︽ᠪᠡᠯᠭᠡ ᠦᠭᠡᠢ︾ ᠭᠡᠵᠦ ᠦᠵᠡᠲᠡᠭ ᠪᠢᠯᠡ︕ | ᠪᠢᠲᠡᠭᠦᠨ ᠤ ᠦᠳᠡᠰᠢ᠂ ᠬᠦᠬᠦᠭᠡ ᠭᠡᠷ ᠲᠡᠭᠡᠨ ᠲᠠᠬᠢᠯᠭᠠ ᠶᠢᠨ ᠰᠢᠭᠦᠰᠦ ᠪᠠᠨ ᠴᠢᠨᠠᠵᠦ ᠪᠤᠯᠭᠤᠭᠠᠳ ᠲᠠᠬᠢᠯ | ᠲᠠᠯᠪᠢᠳᠠᠭ ᠶᠤᠮ᠃ ᠴᠠᠭᠠᠨ ᠰᠡᠷᠡ ᠶᠢᠨ ᠠᠷᠪᠠᠨ ᠭᠡᠳᠤᠨ ᠤ ᠨᠢᠭᠡᠨ ᠦᠯᠵᠡᠶᠢᠲᠦ ᠡᠳᠤᠷ ᠯᠠᠮᠠ ᠨᠤᠮ ᠤᠩᠰᠢᠳᠠᠭ | ᠪᠦᠭᠡᠳ ᠪᠠᠰᠡ ᠰᠢᠨᠡ ᠰᠦ ᠡᠷᠭᠦᠪᠡᠯ ᠪᠢᠲᠡᠭᠦᠨ ᠤ ᠰᠦᠨᠢ ᠶᠢᠨ ᠲᠠᠬᠢᠯᠭᠠ ᠴᠦ ᠲᠠᠭᠤᠰᠤᠭᠰᠡᠨ ᠢ ᠨᠡᠶᠢᠳᠡᠯᠡᠲᠡᠭ᠃ | ᠡᠩ ᠤᠨ ᠦᠶᠡ ᠳᠤ᠂ ᠦᠷᠯᠦᠭᠡ ᠪᠤᠶᠦ ᠦᠳᠡᠰᠢ ᠨᠢᠭᠡ ᠤᠳᠠᠭᠠ ᠲᠤᠰᠤᠨ ᠵᠤᠯᠠ ᠠᠰᠠᠭᠠᠵᠦ᠂ ᠬᠦᠵᠢ ᠠᠰᠠᠭᠠᠳᠠᠭ | ᠪᠢᠯᠡ᠃ ᠲᠡᠬᠢᠯ ᠤᠨ ᠤᠰᠤ ᠶᠢ ᠰᠡᠷᠡ ᠪᠦᠷᠢ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ᠂ ᠠᠷᠪᠠᠨ ᠲᠠᠪᠤᠨ ᠲᠤᠬᠢᠶᠠᠯᠳᠤᠪᠡᠯ ᠨᠢᠭᠡ | ᠤᠳᠠᠭᠠ ᠰᠤᠯᠢᠳᠠᠭ᠃ | ᠭᠤᠷᠪᠡ᠂ ᠬᠠᠪᠤᠲᠦ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠤᠨ ᠴᠡᠭᠡᠷ | ᠬᠠᠪᠤᠲᠦ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠪᠤᠯ ᠲᠤᠩ ᠠᠷᠢᠭᠤᠨ ᠲᠠᠷᠬᠠᠨ᠂ ᠲᠦᠪ ᠴᠢᠩᠭᠠ ᠲᠠᠬᠢᠯᠭᠠ | ᠶᠢᠨ ᠠᠵᠢᠯᠯᠠᠭᠠ ᠮᠦᠨ᠃ ᠲᠡᠭᠦᠨ ᠤ ᠴᠡᠭᠡᠷ ᠨᠢ ᠪᠦᠷ ᠲᠤᠩ ᠬᠠᠳᠠᠭᠤ ᠴᠢᠩᠭᠠ ᠪᠠᠶᠢᠳᠠᠭ ᠶᠤᠮ᠃ ᠡᠩ ᠲᠡᠷᠢᠭᠦᠨ | ᠳᠤ ︽ᠴᠡᠪᠡᠷ ᠠᠷᠢᠭᠤᠨ︾ ᠢ ᠡᠷᠬᠢᠮᠯᠡᠲᠡᠭ ᠶᠤᠮ᠃ ᠡᠮᠡᠭᠳᠠᠶᠢᠴᠤᠳ᠂ ᠡᠷᠡᠭᠦᠦ ᠶᠢᠨ ᠬᠤᠭᠤᠴᠠᠭᠠ ᠲᠠᠭᠤᠰᠤᠭᠠᠳᠤᠢ | ᠶᠠᠯᠡᠲᠡᠨ᠂ ᠵᠠᠭᠤᠨ ᠡᠳᠤᠷ ᠤᠨ ᠲᠤᠳᠤᠷᠡ ᠪᠡᠶᠡ ᠪᠠᠨ ᠦᠯᠦ ᠴᠡᠪᠡᠷᠯᠡᠭᠰᠡᠳ᠂ ᠭᠡᠷ ᠲᠤ ᠨᠢ ᠬᠦᠮᠦᠨ ᠨᠠᠰᠦ ᠪᠠᠷᠠᠭᠠᠳ | ᠵᠠᠭᠤᠨ ᠡᠳᠤᠷ ᠪᠤᠯᠤᠭᠠ ᠦᠭᠡᠢ ᠠᠶᠢᠯ᠂ ᠪᠦᠰᠡᠭᠦᠢ ᠬᠦᠮᠦᠨ ᠰᠡᠷᠡ ᠳᠤ ᠰᠠᠭᠤᠭᠠᠳ ᠵᠠᠭᠤᠨ ᠡᠳᠤᠷ ᠬᠦᠢᠴᠡᠭᠡ | ᠦᠭᠡᠢ ᠬᠡᠷ ᠪᠦᠯᠢ ᠶᠢᠨ ᠪᠤᠢ ᠪᠦᠬᠦᠢ ᠡᠷᠡᠭᠳᠠᠶᠢᠴᠤᠳ ᠪᠤᠶᠦ ᠠᠷᠪᠠᠨ ᠪᠦᠬᠦᠯᠢ ᠨᠠᠰᠦ ᠬᠦᠷᠦᠭᠡ ᠦᠭᠡᠢ ᠵᠠᠰᠠᠭ | ᠨᠤᠶᠠᠨ ᠪᠤᠯ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠳᠤ ᠤᠷᠤᠯᠴᠠᠵᠦ ᠪᠤᠯᠬᠤ ᠦᠭᠡᠢ ᠶᠤᠮ᠃ | ᠬᠠᠪᠤᠲᠦ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠤᠨ ᠴᠡᠭᠡᠷ ᠨᠢ ᠡᠶᠢᠮᠦ ᠬᠠᠳᠠᠭᠤ ᠴᠢᠩᠭᠠ ᠪᠠᠶᠢᠳᠠᠭ ᠲᠤᠯᠠ | ᠤᠯᠠᠮᠵᠢᠯᠠᠯᠲᠦ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠳᠤ ᠨᠢᠭᠤᠴᠡ ᠲᠠᠯᠲᠡ ᠰᠦᠷ ᠵᠢᠪᠬᠤᠯᠠᠩ ᠲᠠᠢ ᠦᠩᠭᠡ ᠪᠤᠳᠤᠭ ᠪᠡ | ᠮᠠᠰᠢ ᠤᠯᠠᠨ ᠰᠤᠨᠢᠨ ᠭᠠᠶᠢᠬᠠᠮᠰᠢᠬᠲᠦ ᠤᠯᠠᠮᠵᠢᠯᠠᠯ ᠦᠯᠢᠭᠡᠷ ᠨᠡᠮᠡᠷᠢᠯᠡᠭᠰᠡᠨ ᠪᠢᠯᠡ᠃ ᠬᠡᠷᠪᠡ ᠰᠢᠪᠠᠭᠤ ᠦᠷᠭᠦᠭᠡ ᠶᠢᠨ | ᠲᠡᠭᠡᠭᠦᠷ ᠨᠢᠰᠦᠨ ᠦᠩᠭᠡᠷᠡᠪᠡᠯ ᠲᠡᠷᠡ ᠲᠤᠤᠷᠡ ᠪᠠᠨ ᠤᠨᠠᠵᠦ ᠦᠭᠦᠨᠡ᠂ ᠦᠭᠡᠷ ᠡᠪᠡᠷ ᠢᠶᠠᠷ ᠢᠶᠠᠨ ᠦᠷᠭᠦᠭᠡ ᠶᠢ | ᠰᠡᠵᠢᠵᠦ ᠱᠦᠷᠭᠦᠭᠡᠪᠡᠯ ᠡᠪᠡᠷ ᠨᠢ ᠠᠶᠠᠨᠳᠠᠭᠠᠨ ᠬᠤᠭᠤᠷᠠᠵᠦ ᠤᠨᠠᠨᠡ᠂ ᠵᠠᠷᠢᠮ ᠴᠡᠭᠡᠷ ᠬᠤᠷᠢᠭᠠ ᠶᠢ ᠰᠠᠬᠢᠳᠠᠭ ᠦᠭᠡᠢ | ᠬᠦᠮᠦᠨ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠡᠯ ᠳᠤ ᠤᠷᠤᠯᠴᠠᠭᠠᠳ ᠶᠠᠪᠤᠪᠡᠯ ᠰᠤᠯᠢᠶᠠᠷᠠᠬᠤ ᠪᠤᠶᠦ ᠬᠦᠨᠲᠦ ᠡᠪᠡᠳᠴᠢᠨ ᠲᠤᠰᠬᠤ | ᠶᠠᠪᠤᠳᠡᠯ ᠦᠷᠭᠦᠯᠵᠢ ᠡᠭᠦᠰᠲᠡᠭ ᠬᠡᠨᠡ᠃ ᠡᠲᠡᠭᠡᠷ ᠨᠢ ᠬᠡᠳᠦᠶᠢᠪᠡᠷ ᠤᠯᠠᠮᠵᠢᠯᠠᠯ ᠶᠡᠷᠢᠶᠡ ᠪᠤᠯᠪᠠᠴᠦ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠠᠷᠡᠳ ᠲᠦᠮᠡᠨ ᠤ ᠡᠪᠦᠭᠡ ᠲᠡᠭᠡᠳᠣᠰ ᠲᠡᠭᠡᠨ ᠡᠪᠦᠷᠯᠡᠨ ᠪᠠᠶᠢᠭᠠ ᠬᠦᠨᠳᠦᠳᠭᠡᠯ ᠢ | ᠲᠤᠳᠤᠷᠬᠠᠶᠢᠯᠠᠵᠦ ᠪᠠᠶᠢᠨᠡ᠃ | ᠵᠢᠱᠢᠶᠡᠯᠡᠪᠡᠯ᠂ 1948 ᠤᠨ ᠤ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠳᠤ᠂ ᠴᠠᠭᠠᠨ ᠡᠷᠦᠭᠡ ᠶᠢᠨ ᠨᠤᠷᠵᠢᠮᠡ ᠶᠢᠨ | ᠬᠦᠲᠦᠯᠵᠦ ᠢᠷᠡᠭᠰᠡᠨ ᠲᠠᠬᠢᠯᠭᠠ ᠶᠢᠨ ᠬᠤᠨᠢ ᠨᠢ ᠨᠢᠳᠤᠯᠬᠤ ᠠᠴᠠ ᠡᠮᠦᠨᠡ ᠤᠶᠠᠭᠠᠨ ᠲᠡᠭᠡᠰᠦ ᠪᠠᠨ ᠦᠪᠡᠷ ᠢᠶᠠᠨ | ᠲᠠᠳᠠᠨ ᠲᠠᠰᠤᠯᠤᠭᠠᠳ ᠭᠤᠴᠢᠨ ᠲᠦᠴᠢᠨ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠭᠡᠷ ᠲᠡᠭᠡᠨ ᠲᠤᠳᠠᠭᠠᠵᠦ ᠬᠠᠷᠢᠪᠡ᠃ ᠨᠤᠷᠵᠢᠮᠡ ᠡᠨᠡ | ᠤᠴᠢᠷ ᠢ ᠮᠡᠲᠡᠭᠰᠡᠨ ᠤ ᠲᠠᠷᠠᠭᠠ᠄ ︽ᠡᠨᠡ ᠬᠤᠨᠢ ᠰᠢᠳᠤᠯᠡᠩ ᠤᠨ ᠦᠶᠡ ᠳᠤ᠂ ᠴᠢᠨ᠋ᠸᠠ ᠳᠤ ᠬᠠᠵᠠᠬᠳᠠᠭᠰᠡᠨ ᠶᠤᠮ᠂ ᠪᠢ | ᠭᠡᠷ ᠲᠡᠭᠡᠨ ᠪᠠᠶᠢᠬᠤ ᠦᠭᠡᠢ ᠦᠶᠡ ᠳᠤ᠂ ᠦᠬᠢᠨ ᠡᠨᠡ ᠪᠠᠶᠢᠲᠡᠯ ᠢ ᠮᠡᠲᠡᠭᠦ ᠦᠭᠡᠢ ᠪᠤᠯᠬᠤᠷ ᠲᠠᠬᠢᠯᠭᠠ ᠶᠢᠨ ᠬᠤᠨᠢ | ᠪᠠᠨ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠳᠤ ᠬᠦᠷᠭᠡᠵᠦ ᠦᠭᠭᠦᠭᠰᠡᠨ ᠪᠠᠶᠢᠬᠤ ᠦᠭᠡᠢ ᠤᠤ᠂ ᠢᠲᠡᠭᠡᠬᠦ ᠦᠭᠡᠢ ᠪᠤᠯ ᠲᠡ ᠨᠠᠷ | ᠦᠪᠡᠷ ᠢᠶᠠᠨ ᠪᠠᠶᠢᠴᠠᠭᠠᠵᠦ ᠦᠵᠡᠭᠡᠷᠡᠢ︾ ᠬᠡᠪᠡ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠵᠠᠷᠢᠮ ᠬᠦᠮᠦᠨ ᠲᠡᠷᠡ ᠬᠤᠨᠢ ᠶᠢ ᠪᠠᠷᠢᠵᠦ | ᠨᠠᠷᠢᠯᠢᠭ ᠦᠵᠡᠭᠦᠯᠡᠷ ᠬᠦᠵᠦᠭᠦᠨ ᠲᠡᠭᠡᠷᠡ ᠨᠢ ᠦᠨᠡᠭᠡᠷ ᠴᠢᠨ᠋ᠸᠠ ᠳᠤ ᠬᠠᠵᠠᠬᠳᠠᠭᠰᠡᠨ ᠰᠤᠷᠪᠢ ᠲᠠᠢ ᠶᠢ ᠤᠯᠵᠦ | ᠮᠡᠲᠡᠵᠠᠢ᠃ | ᠪᠠᠰᠡ ᠨᠢᠭᠡ ᠵᠢᠱᠢᠶᠡ ᠬᠡᠪᠡᠯ᠂ 1941 ᠤᠨ ᠳᠤ ᠴᠠᠬᠠᠷ ᠤᠨ ᠭᠠᠯᠴᠢ ᠶᠢᠨ ᠳᠡᠭᠡᠷᠡᠮ ᠤᠨ ᠪᠦᠯᠦᠭ | ᠮᠤᠤᠮᠢᠩᠭᠠᠨ ᠬᠤᠰᠢᠭᠤ ᠶᠢ ᠲᠦᠢᠪᠡᠭᠡᠨ ᠦᠢᠮᠡᠭᠦᠯᠬᠦ ᠦᠶᠡ ᠳᠤ᠂ ᠬᠤᠰᠢᠭᠤ ᠵᠠᠰᠠᠭ ᠤᠨ ᠶᠠᠮᠤᠨ ᠤ ᠠᠷᠪᠠᠨ | ᠵᠢᠷᠭᠤᠳᠤᠭᠠᠷ ᠭᠠᠯ ᠫᠤᠤᠴᠢ ᠬᠠᠰᠠᠷ ᠢ ᠲᠠᠬᠢᠵᠦ ᠴᠢᠩ ᠰᠦᠰᠦᠭ ᠲᠠᠢ ᠪᠠᠷ ᠲᠠᠭᠠᠳᠬᠠᠯ ᠬᠢᠭᠰᠡᠨ ᠤ ᠲᠠᠷᠠᠭᠠ᠂ ᠭᠠᠯᠴᠢ | ᠶᠢᠨ ᠲᠡᠭᠡᠷᠡᠮ ᠤᠨ ᠪᠦᠯᠦᠭ ᠲᠠᠢ ᠠᠮᠠᠳᠠᠨ ᠪᠠᠶᠢᠯᠳᠤᠵᠦ᠂ ᠲᠡᠭᠡᠷᠡᠮ ᠤᠨ ᠪᠦᠯᠦᠭ ᠤᠨ 1000 ᠭᠠᠷᠤᠢ ᠭᠠᠯ ᠫᠤᠤᠴᠢ | ᠶᠢ ᠪᠠᠶᠢᠯᠳᠤᠨ ᠢᠯᠠᠭᠠᠳ᠂ ᠮᠤᠤᠮᠢᠩᠭᠠᠨ ᠤ ᠲᠡᠯᠡ ᠨᠤᠳᠤᠭ ᠤᠨ ᠠᠮᠦᠷ ᠲᠦᠪᠰᠢᠨ ᠢ ᠬᠠᠮᠠᠭᠠᠯᠠᠭᠰᠡᠨ ᠪᠢᠯᠡ᠃ | ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠠᠰᠠᠭᠠᠭᠰᠡᠨ ᠵᠤᠯᠠ 1966 ᠤᠨ ᠪᠤᠯᠳᠠᠯᠡ ᠪᠦᠬᠦᠭᠰᠡᠨ ᠦᠭᠡᠢ ᠶᠤᠮ᠃ | 1960 ᠤᠨ ᠳᠤ᠂ ᠦᠷᠭᠦᠭᠡ ᠶᠢᠨ ᠲᠡᠭᠡᠪᠦᠷ ᠲᠤᠭᠤᠷᠭᠠ ᠬᠠᠭᠤᠴᠢᠷᠠᠵᠦ ᠰᠢᠷᠠᠯᠠᠬᠤ ᠳᠤ᠂ ᠰᠢᠨᠡᠪᠤᠯᠠᠭ ᠨᠢᠭᠡᠳᠤᠯ | ᠠᠴᠠ ᠰᠢᠷᠡᠰᠦ᠋ᠭᠡ ᠶᠢ ᠲᠤᠮᠢᠯᠠᠨ᠂ ᠦᠷᠭᠦᠭᠡ ᠶᠢᠨ ᠤᠤᠯ ᠤᠨ ᠤᠷᠤᠨ ᠲᠡᠭᠡᠷᠡ ᠨᠢᠭᠡᠨ ᠲᠠᠰᠤᠯᠭᠠ ᠴᠢᠯᠠᠭᠤᠨ ᠭᠡᠷ | ᠪᠠᠶᠢᠭᠤᠯᠵᠦ᠂ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠶᠢ ᠦᠷᠭᠦᠯᠵᠢᠯᠠᠨ ᠡᠷᠬᠢᠯᠡᠵᠦ ᠪᠠᠶᠢᠪᠡ᠃ 1966 ᠤᠨ ᠤ ︽ᠰᠤᠶᠤᠯ ᠤᠨ | ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠲᠤᠮᠲᠡ ᠲᠠᠬᠢᠯᠭᠠ ᠶᠢᠨ ᠠᠵᠢᠯᠯᠠᠭᠠ ᠠᠯᠪᠠᠳᠠᠯᠭᠠ ᠶᠢᠨ ᠲᠤᠤᠷᠡ ᠵᠤᠬᠰᠤᠭᠠᠳ᠂ ᠲᠠᠬᠢᠯᠭᠠ | ᠶᠢᠨ ᠲᠠᠷᠬᠠᠨ ᠡᠳ᠋ ᠬᠡᠷᠡᠭᠰᠡᠯ ᠦᠷᠯᠦᠭᠡ ᠦᠳᠡᠰᠢ ᠶᠢᠨ ᠬᠤᠭᠤᠷᠤᠨᠲᠦ ᠦᠨᠡᠰᠦᠨ ᠲᠤᠪᠷᠠᠭ ᠪᠤᠯᠤᠭᠰᠡᠨ ᠶᠤᠮ᠃ | 1986 ᠤᠨ ᠳᠤ ᠲᠠᠬᠢᠯᠭᠠ ᠶᠢᠨ ᠲᠠᠩᠭᠢᠮ ᠢ ᠲᠠᠬᠢᠭᠠᠳ ᠪᠠᠶᠢᠭᠤᠯᠤᠭᠠᠳ ᠬᠦᠵᠢ ᠵᠤᠯᠠ ᠶᠢ ᠰᠡᠷᠭᠦᠭᠡᠨ | ᠠᠰᠠᠬᠭᠠᠭᠰᠡᠨ ᠶᠤᠮ᠃ | ᠲᠤᠮᠳᠠᠲᠦ ᠤᠯᠤᠰ ᠤᠨ ᠡᠪ ᠬᠠᠮᠲᠦ ᠨᠠᠮ ᠤᠨ ᠠᠷᠪᠠᠨ ᠨᠢᠭᠡᠳᠤᠭᠡᠷ ᠬᠤᠭᠤᠴᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ | ᠪᠦᠬᠦᠲᠡ ᠬᠤᠷᠠᠯᠳᠤᠭᠠᠨ ᠤ ᠲᠠᠷᠠᠭᠠ᠂ ᠨᠠᠮ ᠤᠨ ᠦᠨᠳᠦᠰᠦᠲᠡᠨ ᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠲᠤᠶᠠᠭᠠᠯᠠᠯ | ᠲᠤᠤᠷᠡ᠂ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠤᠳᠤᠷᠢᠳᠤᠯᠭᠠ ᠨᠢ ᠦᠨᠳᠦᠰᠦᠲᠡᠨ ᠤ ᠵᠠᠩ ᠲᠡᠳᠬᠠᠯ | ᠢ ᠬᠦᠨᠳᠦᠳᠭᠡᠬᠦ ᠡᠭᠦᠲᠡᠨ ᠠᠴᠠ᠂ ᠦᠷᠭᠡᠨ ᠤᠯᠠᠨ ᠠᠷᠡᠳ ᠲᠦᠮᠡᠨ ᠤ ᠱᠠᠭᠠᠷᠳᠠᠯᠭᠠ ᠶᠢ ᠦᠨᠳᠦᠰᠦᠯᠡᠨ᠂ ᠬᠠᠰᠡᠷ ᠤᠨ | ᠲᠠᠬᠢᠯᠭᠠ ᠶᠢᠨ ᠦᠷᠭᠦᠭᠡ ᠶᠢ ᠲᠠᠬᠢᠨ ᠪᠠᠶᠢᠭᠤᠯᠬᠤ ᠡᠭᠦᠷᠭᠡ ᠶᠢ ᠰᠢᠨᠠᠪᠤᠯᠠᠭ ᠰᠤᠮᠤᠨ ᠳᠤ ᠲᠤᠰᠢᠶᠠᠵᠠᠢ᠃ ᠡᠨᠡ ᠨᠢ | ᠦᠷᠭᠡᠨ ᠤᠯᠠᠨ ᠬᠠᠰᠠᠷ ᠤᠨ ᠬᠤᠶᠢᠴᠢ ᠦᠶᠡ ᠶᠢᠨ ᠬᠦᠰᠡᠯ ᠡᠷᠡᠮᠡᠯᠵᠠᠯ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠡ ᠦᠷᠭᠡᠨ | ᠤᠯᠠᠨ ᠮᠤᠩᠭᠤᠯ ᠠᠷᠡᠳ ᠲᠦᠮᠡᠨ ᠤ ᠬᠠᠮᠲᠦ ᠶᠢᠨ ᠬᠦᠰᠡᠯ ᠡᠷᠡᠮᠡᠯᠵᠠᠯ ᠮᠦᠨ᠃ ᠰᠢᠨᠠᠪᠤᠯᠠᠭ ᠰᠤᠮᠤ ᠨᠢ ᠡᠭᠦᠷᠭᠡ | ᠬᠦᠯᠢᠶᠠᠨ ᠠᠪᠤᠭᠰᠡᠨ ᠤ ᠲᠠᠷᠠᠭᠠ ᠰᠤᠮᠤᠨ ᠲᠠᠷᠤᠭᠠ ᠴᠤᠬᠪᠠᠭᠠᠳᠤᠷ᠂ ᠺᠠᠳ᠋ᠷ ᠰᠢᠷᠡᠰᠦ᠋ᠭᠡ ᠬᠢᠭᠡᠳ ᠤᠤᠯ ᠤᠨ | ᠮᠤᠤᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠤᠨ ᠵᠠᠯᠭᠠᠮᠵᠢᠯᠠᠬᠴᠢ ᠰᠦᠭᠡ ᠵᠡᠷᠭᠡ ᠬᠦᠮᠦᠰ | ᠤᠨ ᠢᠳᠡᠪᠬᠢᠲᠠᠢ ᠲᠦᠯᠦᠪᠯᠡᠨ ᠪᠡᠯᠡᠳᠭᠡᠵᠦ ᠵᠤᠬᠢᠴᠠᠭᠤᠯᠤᠭᠰᠡᠨ ᠪᠡ ᠬᠠᠰᠠᠷ ᠤᠨ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠤ | ᠵᠤᠭᠤᠰ ᠵᠤᠭᠠ ᠡᠳ᠋ ᠪᠤᠳᠠᠰ ᠤᠨ ᠲᠡᠯᠡ ᠶᠢᠨ ᠬᠦᠴᠦᠲᠠᠢ ᠲᠡᠮᠵᠢᠯᠭᠡ ᠲᠤᠰᠠᠯᠠᠮᠵᠢ ᠲᠤᠤᠷᠡ᠂ ᠬᠠᠪᠤᠳᠤ ᠬᠠᠰᠠᠷ ᠤᠨ | ᠲᠠᠬᠢᠯᠭᠠ ᠶᠢᠨ ᠦᠷᠭᠦᠭᠡ ︵ᠲᠠᠩᠭᠢᠮ︶ ᠨᠢ ᠰᠢᠨᠡᠪᠤᠯᠠᠭ ᠰᠤᠮᠤᠨ ᠤ ᠠᠷᠡᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠠᠭᠤᠭᠠ | ᠭᠠᠵᠠᠷ ᠴᠠᠭᠠᠬᠤᠪᠤᠭᠠ ᠠᠴᠠ ᠪᠠᠷᠠᠭᠤᠨᠰᠢ ᠲᠠᠪᠤᠨ ᠬᠠᠷᠡ ᠴᠠᠭᠠᠨ ᠱᠤᠷᠤᠩ ᠤᠨ ᠠᠭᠤᠯᠠᠨ ᠤ ᠬᠦᠨ ᠳᠤ ᠲᠠᠬᠢᠨᠲᠡ | ᠰᠦᠨᠳᠡᠷᠯᠡᠨ ᠪᠤᠰᠴᠦ᠂ ᠦᠩᠭᠡᠷᠡᠭᠰᠡᠨ ᠤ ᠴᠤᠭ ᠵᠢᠪᠬᠤᠭᠠ ᠪᠠᠨ ᠲᠠᠬᠢᠨ ᠭᠠᠶᠢᠬᠠᠭᠤᠯᠵᠦ ᠪᠤᠢ᠃ | | |