ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠠᠷᠤᠤᠬᠠᠨ ᠬᠢᠭᠡᠳ ᠤᠶᠠᠬᠠᠨ — ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠢᠲᠡᠭᠡᠨ ᠤᠮᠳᠠᠭᠠᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-08-21
     ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠢᠲᠡᠭᠡᠨ ᠤᠮᠳᠠᠭᠠᠨ ᠤ ᠲᠡᠯ᠎ᠡ ᠪᠠᠷ ᠤᠯᠠᠨ ᠲᠦᠷᠦᠯ ᠵᠦᠢᠯ ᠪᠠᠶᠢᠳᠠᠭ ᠪᠦᠭᠡᠳ ᠮᠠᠰᠢ ᠠᠷᠪᠢᠨ ᠬᠡᠯᠡᠯᠭᠡ ᠪᠤᠯᠤᠨ ᠶᠤᠰᠤ ᠲᠠᠢ ᠪᠠᠶᠢᠳᠠᠭ᠃ ᠤᠳᠤᠮᠰᠢᠯᠲᠦ ᠢᠲᠡᠭᠡᠨ ᠤᠮᠳᠠᠭᠠᠨ ᠨᠢ ᠰᠦ ᠴᠠᠭ᠎ᠠ᠂ ᠮᠢᠬ᠎ᠠ ᠲᠤᠰᠤ ᠪᠠᠷ ᠭᠤᠤᠯᠳᠠᠵᠦ᠂ ᠠᠮᠦ ᠪᠤᠳᠠᠭ᠎ᠠ ᠪᠠᠷ ᠲᠡᠳ᠋ᠯᠡᠲᠡᠭ ᠪᠢᠯᠡ᠃ ᠡᠲᠦᠭᠡ ᠬᠦᠨᠡᠰᠦᠨ ᠨᠤᠭᠤᠭ᠎ᠠ ᠪᠤᠯᠤᠨ ᠠᠯᠢᠮ᠎ᠡ ᠵᠢᠮᠢᠰ ᠤᠨ ᠬᠠᠷᠢᠴᠠᠯ ᠴᠦ ᠶᠡᠭᠡᠲᠡ ᠨᠡᠮᠡᠭᠲᠡᠭᠰᠡᠨ ᠪᠠᠶᠢᠨ᠎ᠡ᠃ ᠮᠠᠯᠵᠢᠬᠤ ᠤᠷᠤᠨ ᠳᠤ ᠰᠦ ᠰᠠᠭᠠᠯᠢ᠂ ᠮᠢᠬ᠎ᠠ ᠲᠤᠰᠤ᠂ ᠠᠮᠦ ᠪᠤᠳᠠᠭ᠎ᠠ ᠪᠠᠷᠤᠭ ᠭᠤᠷᠪᠠᠨ ᠤ ᠨᠢᠭᠡ ᠬᠤᠪᠢ ᠶᠢ ᠡᠵᠡᠯᠡᠲᠡᠭ᠂ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠬᠠᠭᠠᠰ ᠮᠠᠯᠵᠢᠬᠤ ᠤᠷᠤᠨ  ᠳᠤ ᠠᠮᠦ ᠪᠤᠳᠠᠭ᠎ᠠ ᠪᠠᠷ ᠭᠤᠤᠯᠯᠠᠵᠦ᠂ ᠮᠢᠬ᠎ᠠ ᠰᠦ ᠪᠠᠷ ᠲᠠᠳ᠋ᠯᠡᠵᠦ᠂ ᠴᠤᠯ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠳᠤ ᠮᠢᠬ᠎ᠠ ᠰᠦ ᠶᠢᠨ ᠬᠠᠷᠢᠴᠠᠯ ᠮᠠᠰᠢ ᠪᠠᠭ᠎ᠠ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠳᠤᠮᠰᠢᠯᠲᠦ ᠢᠲᠡᠭᠡᠨ ᠳᠤ ᠰᠦ ᠰᠠᠭᠠᠯᠢ᠂ ᠮᠢᠬ᠎ᠠ ᠲᠤᠰᠤ ᠲᠤᠳᠠᠵᠦ ᠪᠤᠯᠳᠠᠭ ᠦᠭᠡᠢ᠃ ᠦᠭᠡᠷ ᠬᠤᠨᠢᠨ ᠤ ᠮᠢᠬ᠎ᠠ ᠪᠠᠷ ᠭᠤᠤᠯᠳᠠᠵᠦ᠂ ᠮᠦᠴᠢ ᠰᠢᠭᠦᠰᠦ ᠴᠢᠨᠠᠵᠦ ᠢᠲᠡᠭᠦ ᠲᠤᠷᠠᠳᠠᠢ ᠪᠠᠶᠢᠳᠠᠭ᠃ ᠡᠰᠡᠪᠡᠰᠦ ᠮᠢᠬ᠎ᠠ ᠪᠤᠷᠴᠠᠯᠠᠵᠦ ᠡᠪᠡᠷᠡᠭᠡᠭᠡᠳ ᠢᠲᠡᠲᠡᠭ᠃ ᠤᠷᠲᠦ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠨᠡᠭᠦᠲᠡᠯ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠡᠯ ᠲᠤᠮᠲᠡ ᠮᠤᠩᠭᠤᠯᠴᠤᠳ ᠰᠦ ᠴᠠᠭ᠎ᠠ ᠶᠢ ᠬᠠᠳᠠᠭᠠᠯᠠᠵᠦ ᠡᠳ᠋ᠯᠡᠬᠦ ᠠᠷᠭ᠎ᠠ ᠶᠢ ᠡᠭᠦᠳᠴᠠᠢ᠃ ᠰᠦ ᠶᠢ ᠡᠭᠡᠲᠡᠩ ᠬᠦᠴᠢᠲᠠᠢ ᠰᠦ ᠪᠤᠶᠦ ᠠᠶᠢᠷᠠᠭ ᠪᠤᠯᠭᠠᠭᠰᠡᠨ ᠤ ᠲᠠᠷᠠᠭ᠎ᠠ ᠠᠶᠢᠷᠠᠭ ᠪᠦᠯᠢᠬᠦ᠂ ᠠᠭᠠᠷᠴᠠ ᠰᠢᠭᠦᠭᠦ᠂ ᠠᠭᠠᠷᠤᠤᠯ ᠬᠠᠳᠠᠭᠠᠬᠤ ᠵᠡᠷᠭᠡ ᠤᠷ᠎ᠡ ᠶᠠᠪᠤᠴᠡ ᠪᠠᠷ ᠲᠠᠮᠵᠢᠨ ᠦᠷᠦᠮ᠎ᠡ᠂ ᠰᠢᠷ᠎ᠡ ᠲᠤᠰᠤ᠂ ᠰᠠᠭᠠᠯᠢ  ᠶᠢᠨ ᠠᠷᠠᠵᠡ᠂ ᠡᠭᠡᠵᠡᠭᠡᠢ᠂ ᠬᠤᠷᠤᠳ ᠬᠢᠬᠦ ᠠᠴᠠ ᠭᠠᠳᠠᠨ᠎ᠡ ᠰᠦ ᠶᠢ ᠪᠤᠴᠠᠯᠭᠠᠨ ᠰᠠᠮᠦᠷᠴᠦ ᠪᠠᠶᠢᠭᠠᠳ ᠬᠠᠳᠠᠭᠠᠭᠰᠡᠨ ᠦᠷᠦᠮ᠎ᠡ ︵ᠲᠤᠭᠤᠭᠠᠨ ᠤ ᠦᠷᠦᠮ᠎ᠡ︶ ᠬᠢᠲᠡᠭ᠃ ᠡᠲᠡᠭᠡᠷ ᠴᠠᠭᠠᠨ ᠢᠲᠡᠭᠡᠨ ᠨᠢ ᠰᠢᠮ᠎ᠡ ᠲᠡᠵᠢᠭᠡᠯ ᠲᠠᠢ ᠮᠦᠷᠲᠡᠭᠡᠨ ᠦᠨᠦᠷ ᠠᠮᠲᠡ ᠨᠢ ᠭᠤᠶᠢᠲᠡ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠮᠤᠩᠭᠤᠯᠴᠤᠳ ᠪᠠᠰᠡ ᠤᠳᠤᠷ ᠬᠠᠶᠢᠳᠠᠭ ᠶᠠᠪᠤᠬᠤ ᠳᠤ ᠲᠦᠭᠦᠮ ᠪᠠᠶᠢᠳᠠᠭ ᠦᠯ ᠰᠠᠶᠢᠳᠠᠢ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠢᠲᠡᠬᠦ ᠮᠠᠰᠢ ᠲᠤᠷᠠᠳᠠᠢ ᠪᠠᠶᠢᠳᠠᠭ᠃ ᠰᠦ ᠲᠠᠢ ᠴᠠᠢ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠨᠠᠰᠤᠨ ᠲᠤᠷᠰᠢ ᠰᠠᠯᠵᠦ ᠪᠤᠯᠠᠰᠢ ᠦᠭᠡᠢ ᠤᠮᠳᠠᠭᠠᠨ ᠨᠢ ᠶᠤᠮᠰᠠᠨ᠃      ᠴᠠᠭᠠᠨ ᠢᠲᠡᠭᠡ ᠶᠢ ᠭᠡᠭᠦᠦ᠂ ᠦᠨᠢᠶ᠎ᠡ᠂ ᠬᠤᠨᠢ ᠢᠮᠠᠭ᠎ᠠ ᠪᠤᠯᠤᠨ ᠢᠩᠭᠡᠨ ᠤ ᠰᠦ ᠪᠠᠷ ᠦᠢᠯᠡᠳᠲᠡᠭ ᠪᠤᠯᠬᠤᠷ ᠲᠦᠷᠦᠯ ᠵᠦᠢᠯ ᠤᠯᠠᠨ᠂ ᠠᠮᠳᠠ ᠰᠢᠮᠲᠡ ᠰᠠᠶᠢᠳᠠᠢ᠂ ᠰᠢᠮ᠎ᠡ ᠲᠡᠵᠢᠭᠡᠯ ᠢᠶᠠᠷ ᠡᠯᠪᠡᠭ ᠪᠠᠶᠢᠳᠠᠭ᠃ ᠶᠡᠷᠦ ᠨᠢ ᠴᠠᠭᠠᠨ ᠢᠲᠡᠭᠡᠨ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠭᠡᠲᠦ ᠵᠡᠷᠭᠡ ᠶᠢᠨ ᠢᠲᠡᠭᠡᠨ ᠪᠤᠯᠬᠤᠷ ᠬᠦᠮᠦᠰ ︽ᠢᠲᠡᠭᠡᠨ ᠤ ᠲᠡᠭᠡᠵᠢ︾ ᠬᠡᠲᠡᠭ ᠪᠢᠯᠡ᠃ ᠬᠡᠷ ᠵᠠᠭᠤᠷ᠎ᠡ ᠪᠠᠨ ᠢᠲᠡᠵᠦ ᠤᠤᠭᠤᠬᠤ᠂ ᠬᠡᠶᠢᠴᠢᠨ ᠵᠤᠴᠢᠨ ᠲᠠᠶᠢᠯᠠᠬᠤ᠂ ᠲᠡᠭᠡᠳᠤᠰ ᠰᠠᠬᠢᠭᠤᠰᠦ ᠳᠤ  ᠪᠠᠨ ᠡᠷᠭᠦᠭᠦ ᠳᠤ ᠪᠦᠷ ᠲᠤᠳᠠᠵᠦ ᠪᠤᠯᠤᠰᠢ ᠢᠲᠡᠭᠡᠨ ᠪᠢᠯᠡ᠃      ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ᠂ ᠰᠦ ᠲᠠᠢ ᠴᠠᠢ ᠵᠢᠴᠢ ᠦᠷᠦᠮ᠎ᠡ᠂ ᠰᠢᠷ᠎ᠡ ᠲᠤᠰᠤ᠂ ᠬᠠᠳᠠᠭᠠᠭᠰᠡᠨ ᠦᠷᠦᠮ᠎ᠡ᠂ ᠠᠭᠠᠷᠤᠤᠯ ᠡᠭᠡᠵᠡᠭᠡᠢ ᠪᠤᠯᠤᠨ ᠠᠶᠢᠷᠠᠭ ᠵᠡᠷᠭᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠬᠠᠮᠤᠭ ᠤᠨ ᠤᠨᠴᠠᠯᠢᠭ ᠪᠦᠬᠦᠢ ᠢᠲᠡᠭᠡᠨ ᠤᠮᠳᠠᠭᠠᠨ ᠪᠤᠯᠤᠨ᠎ᠡ᠃ ᠬᠡᠯᠡᠯᠭᠡᠨ ᠦᠭᠡᠢ ᠮᠦᠴᠢ᠂ ᠰᠢᠭᠦᠰᠦ ᠪᠤᠶᠦ ᠤᠭᠤᠴᠡ ᠵᠡᠷᠭᠡ ᠴᠤ ᠪᠤᠢ᠃ ᠮᠤᠩᠭᠤᠯᠴᠤᠳ ᠢᠲᠡᠭᠡᠨ ᠤᠮᠳᠠᠭᠠᠨ ᠤ ᠰᠤᠶᠤᠯ ᠢ ᠶᠡᠭᠡᠲᠡ ᠡᠷᠬᠢᠮᠯᠡᠲᠡᠭ ᠪᠤᠯᠬᠤᠷ ᠦᠷᠭᠦᠯᠵᠢ ᠲᠠᠭᠤᠤ ᠬᠦᠭᠵᠢᠮ ᠬᠠᠪᠰᠤᠷᠭᠠᠬᠤ ᠪᠤᠶᠦ ᠬᠦᠷ ᠨᠠᠷᠬᠢᠶᠠᠨ ᠲᠠᠢ ᠲᠠᠯᠠᠪᠠᠢ ᠳᠤ ᠲᠤᠰᠬᠠᠢ ᠢᠷᠦᠭᠡᠯ ᠮᠠᠬᠳᠠᠭᠠᠯ ᠤᠩᠰᠢᠵᠦ᠂ ᠮᠠᠬᠳᠠᠭᠠᠯ ᠲᠠᠭᠤᠤ ᠲᠠᠭᠤᠯᠠᠳᠠᠭ ᠰᠠᠨ᠃ ᠵᠤᠩᠬᠢᠯᠠᠬᠤ ᠮᠤᠩᠭᠤᠯᠴᠤᠳ ᠠᠷᠢᠬᠢ ᠲᠠᠷᠠᠰᠦ ᠤᠤᠭᠤᠳᠠᠭ᠃ ᠬᠠᠷ᠎ᠡ ᠠᠷᠢᠬᠢ ᠪᠠᠷ ᠭᠤᠤᠯᠳᠠᠵᠦ᠂ ᠫᠢᠸᠤ᠋ ᠠᠷᠢᠬᠢ  ᠶᠢ ᠪᠤᠯ ᠪᠠᠷᠤᠭ ᠤᠮᠳᠠᠭᠠᠨ ᠤ ᠤᠷᠤᠨ ᠳᠤ ︽ᠡᠳ᠋ᠯᠡᠲᠡᠭ︾ ᠯᠡ ᠪᠤᠶᠠᠨ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠡ ᠰᠠᠭᠠᠯᠢ ᠶᠢᠨ ᠠᠷᠡᠵᠡ ᠪᠤᠯᠤᠨ ᠴᠡᠭᠡ ︵ᠬᠠᠯᠬ᠎ᠠ ᠳᠤ ᠠᠶᠢᠷᠠᠭ ᠬᠡᠨ᠎ᠡ︶ ᠤᠤᠭᠤᠳᠠᠭ᠃ ᠴᠡᠭᠡ ᠪᠤᠯ ᠤᠤᠭᠤᠬᠤ ᠳᠤ ᠭᠤᠴᠦ ᠰᠠᠶᠢᠬᠠᠨ᠂ ᠤᠮᠳᠠ ᠴᠠᠩᠭᠠᠭ᠎ᠠ ᠲᠠᠶᠢᠯᠬᠤ ᠳᠤ ᠤᠬᠢ ᠰᠠᠶᠢᠬᠠᠨ ᠰᠡᠷᠢᠭᠦᠨ ᠤᠮᠳᠠᠭᠠᠨ ᠶᠤᠮ᠃ ᠮᠤᠩᠭᠤᠯᠴᠤᠳ ᠡᠷᠬᠢᠮ ᠬᠦᠨᠳᠦᠲᠦ ᠵᠤᠴᠢᠨ  ᠢᠶᠠᠨ ᠴᠡᠭᠡ ᠪᠠᠷ ᠲᠠᠶᠢᠯᠠᠳᠠᠭ᠃ ᠢᠯᠠᠩᠭᠤᠶ᠎ᠡ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠤᠷ ᠠᠬ᠎ᠠ ᠲᠡᠭᠦᠦ ᠨᠠᠶᠢᠵᠡ ᠨᠠᠷ ᠴᠤᠬᠯᠠᠷᠠᠪᠡᠯ ᠶᠡᠭᠡ ᠬᠡᠮᠵᠢᠶ᠎ᠡ ᠪᠠᠷ ᠴᠡᠭᠡ ᠤᠤᠭᠤᠵᠠᠭᠠᠳᠠᠭ ᠶᠤᠮ᠃ ᠲᠡᠯ᠎ᠡ ᠨᠤᠳᠤᠭ ᠲᠤ ᠬᠦᠷᠴᠦ ᠵᠤᠴᠢᠯᠠᠬᠳᠠᠪᠡᠯ ᠬᠡᠦᠭᠡᠨᠴᠤᠤᠯ ᠤᠨ ᠠᠷᠢᠬᠢᠨ ᠤ ᠲᠠᠭᠤᠤ ᠶᠢ ᠰᠤᠨᠤᠰᠬᠤ ᠳᠤ ᠭᠤᠶᠦ ᠪᠤᠯᠪᠠᠴᠦ ᠰᠤᠬᠳᠤᠬᠤ ᠳᠤ ᠬᠢᠯᠪᠡᠷ ᠪᠠᠶᠢᠳᠠᠭ᠃ ᠲᠤᠰᠤᠯ ᠠᠷᠢᠬᠢ ᠠᠮᠰᠠᠳᠠᠭ ᠦᠭᠡᠢ ᠬᠦᠮᠦᠨ ᠴᠦ ᠬᠡᠰᠡᠨ ᠲᠡᠯ᠎ᠡ ᠨᠤᠳᠤᠭ᠂ ᠲᠠᠷᠠᠭ ᠠᠶᠢᠷᠠᠭ᠂ ᠤᠶᠠᠩᠭᠠᠲᠦ ᠲᠠᠭᠤ ᠳᠤ ᠶᠡᠭᠡᠲᠡ ᠰᠤᠬᠳᠤᠭᠤᠷᠠᠳᠠᠭ ᠠᠵᠢ︕      ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠳᠤᠷ ᠲᠤᠳᠤᠮ ᠤᠨ ᠢᠲᠡᠭᠡᠨ ᠤ ᠨᠢᠭᠡ ᠪᠢᠯᠡ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠡ ︽ᠮᠤᠩᠭᠤᠯ ᠠᠮᠦ︾ ᠭᠡᠲᠡᠭ᠃ ᠨᠤᠯᠤ ᠰᠢᠷ᠎ᠡ ᠦᠩᠭᠡ ᠲᠠᠢ᠂ ᠮᠦᠬᠦᠯᠢᠭ ᠨᠢ ᠬᠠᠳᠠᠭᠤ ᠰᠢᠭ᠋ ᠬᠠᠷᠠᠬᠳᠠᠪᠠᠴᠦ ᠢᠲᠡᠬᠦ ᠳᠤ ᠬᠡᠦᠷᠡᠭ ᠮᠠᠰᠢ ᠠᠮᠲᠡ ᠰᠢᠮᠲᠡ ᠲᠠᠢ ᠪᠠᠶᠢᠳᠠᠭ ᠰᠠᠨ᠃ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠶᠢ ᠬᠡᠦᠷᠡᠭ ᠬᠢᠭᠡᠳ ᠴᠢᠯᠲᠡᠩ ᠭᠡᠵᠦ ᠬᠤᠶᠠᠷ ᠵᠦᠢᠯ ᠢᠶᠠᠷ ᠠᠩᠭᠢᠯᠠᠳᠠᠭ᠃ ᠢᠲᠡᠬᠦ ᠠᠷᠭ᠎ᠠ ᠨᠢ ᠬᠡᠪᠡᠯ ᠮᠢᠬᠠᠨ ᠤ ᠱᠦᠯᠦᠨ  ᠳᠤ ᠪᠤᠶᠦ ᠵᠢᠵᠢᠭᠯᠡᠨ ᠬᠡᠷᠴᠢᠭᠰᠡᠨ ᠮᠢᠬ᠎ᠠ ᠲᠠᠢ ᠴᠢᠨᠠᠵᠦ ᠤᠭᠤᠴᠢᠯᠠᠭᠤᠷ ᠪᠤᠳᠠᠭ᠎ᠠ ᠬᠢᠵᠦ ᠢᠲᠡᠬᠦ ᠠᠴᠠ ᠭᠠᠳᠠᠨ᠎ᠡ ᠰᠦ  ᠲᠠᠢ ᠴᠠᠢ ᠪᠠᠷ ᠲᠡᠪᠳᠤᠭᠡᠵᠦ ᠢᠲᠡᠬᠦ ᠳᠤ ᠰᠢᠷ᠎ᠡ ᠲᠤᠰᠤ᠂ ᠠᠭᠠᠷᠤᠤᠯ ᠬᠤᠷᠤᠳ ᠬᠢᠵᠦ ᠢᠲᠡᠪᠡᠯ ᠤᠯᠠᠮ ᠴᠦ ᠭᠤᠶᠦ ᠪᠠᠶᠢᠳᠠᠭ ᠪᠢᠯᠡ᠃ ᠪᠠᠰᠡ ᠬᠦᠴᠢᠲᠠᠢ ᠰᠦ᠂ ᠰᠠᠭᠠᠮᠠᠯ ᠰᠦ ᠡᠰᠡᠪᠡᠰᠦ ᠪᠦᠯᠢᠯᠭᠡ ᠶᠢᠨ ᠦᠷᠦᠮ᠎ᠡ ᠪᠤᠶᠦ ᠲᠦᠭᠦᠭᠡᠢ ᠦᠷᠦᠮ᠎ᠡ ︵ᠵᠦᠭᠡᠭᠡᠢ︶᠂ ᠰᠢᠬᠢᠷ ︵ᠱᠠᠳᠠᠩ︶ ᠲᠠᠢ ᠵᠢᠭᠤᠷᠠᠵᠦ ᠢᠲᠡᠬᠦ ᠳᠤ ᠶᠤᠰᠤᠳᠠᠢ ᠴᠢᠬᠢ ᠤᠬᠳᠤᠯᠪᠠᠴᠦ ᠮᠡᠲᠡᠬᠦ ᠦᠭᠡᠢ ᠬᠡᠮᠡᠷ᠃ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠲᠦᠭᠦᠮ᠂ ᠪᠡᠯᠡᠨ ᠮᠦᠷᠲᠡᠭᠡᠨ ᠦᠯ ᠰᠠᠶᠢᠳᠠᠢ ᠪᠠᠶᠢᠳᠠᠭ ᠠᠴᠠ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠡᠯ᠂ ᠦᠢᠯᠡᠳᠪᠦᠷᠢᠯᠡᠯ᠂ ᠤᠳᠤᠷ ᠶᠠᠪᠤᠬᠤ ᠳᠤ ᠲᠤᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠶᠤᠮ᠃      ᠰᠦ ᠲᠠᠢ ᠴᠠᠢ ᠶᠢ ᠪᠠᠰᠡ ᠮᠤᠩᠭᠤᠯ ᠴᠠᠢ ᠬᠡᠨ᠎ᠡ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠤᠬᠢ ᠤᠮᠳᠠᠭᠠᠨ ᠪᠢᠯᠡ᠃ ᠵᠠᠷᠢᠮ ᠬᠦᠮᠦᠰ ︽ᠮᠠᠯᠵᠢᠬᠤ ᠤᠷᠤᠨ ᠳᠤ ᠨᠢᠭᠡ ᠡᠷᠢᠨ ᠬᠤᠭᠤᠯᠠ ᠢᠲᠡᠬᠦ ᠦᠭᠡᠢ ᠪᠠᠶᠢᠵᠦ ᠪᠤᠯᠤᠨ᠎ᠡ᠂ ᠬᠠᠷᠢᠨ ᠴᠠᠢ ᠤᠤᠭᠤᠬᠤ ᠦᠭᠡᠢ ᠪᠠᠶᠢᠵᠦ ᠦᠯᠦ ᠪᠤᠯᠤᠨ᠎ᠡ︾ ᠬᠡᠵᠦ ᠬᠡᠯᠡᠲᠡᠭ ᠨᠢ ᠪᠠᠰᠡ ᠤᠷᠤ ᠲᠠᠢ ᠦᠭᠡ᠃ ᠰᠦ ᠲᠠᠢ ᠴᠠᠢ ᠪᠤᠴᠠᠯᠭᠠᠬᠤ ᠳᠤ ᠬᠡᠪ ᠤᠨ ᠴᠠᠢ ᠶᠢ ᠨᠦᠳᠦᠵᠦ ᠪᠠᠯᠪᠠᠭᠠᠳ ᠠᠳᠬᠤ ᠬᠠᠭᠤᠷᠠᠢ ᠴᠠᠢ ᠶᠢ ᠵᠢᠵᠢᠭ ᠪᠦᠰ ᠰᠢᠭᠤᠲᠠᠢ ᠳᠤ ᠰᠠᠪᠠᠯᠠᠨ ᠲᠤᠭᠤᠭ᠎ᠠ ᠲᠠᠢ ᠤᠰᠤᠨ ᠳᠤ ᠬᠢᠵᠦ ᠪᠤᠴᠠᠯᠭᠠᠨ᠎ᠡ᠃ ᠲᠤᠭᠤᠭ᠎ᠠ ᠲᠠᠢ ᠴᠠᠢ ᠪᠤᠴᠠᠯᠬᠤ  ᠳᠤ ᠴᠠᠢ ᠪᠠᠨ ᠲᠠᠰᠤᠷᠠᠭ᠎ᠠ ᠦᠭᠡᠢ ᠰᠠᠮᠤᠷᠤᠨ᠂ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠰᠦ᠂ ᠲᠠᠪᠤᠰᠦ ᠤᠷᠬᠢᠨ ᠪᠤᠴᠠᠯᠭᠠᠨ᠎ᠡ᠃ ᠴᠠᠢ᠂ ᠰᠦ᠂ ᠲᠠᠪᠤᠰᠦ ᠤᠰᠤ ᠨᠢ ᠲᠡᠩᠴᠡᠪᠡᠯ ᠰᠦ ᠲᠠᠢ ᠴᠠᠢ ᠶᠢᠨ ᠦᠨᠦᠷ ᠭᠡᠷ ᠲᠦᠭᠦᠷᠡᠩ ᠬᠠᠩᠬᠤᠯᠤᠨ᠎ᠡ ᠠᠵᠢ︕ ᠪᠠᠰᠠ ᠵᠠᠷᠢᠮ ᠭᠠᠵᠷ ᠰᠦ ᠲᠠᠢ ᠴᠠᠢ ᠪᠤᠴᠠᠯᠭᠠᠬᠤ ᠳᠠᠭᠠᠨ ᠲᠠᠪᠤᠰᠦ ᠤᠷᠬᠢᠳᠠᠭ ᠦᠭᠡᠢ᠃ ᠪᠠᠰᠡ ᠵᠠᠷᠢᠮ ᠨᠢ ᠰᠦ ᠲᠠᠢ ᠴᠠᠢ ᠪᠤᠴᠠᠯᠭᠠᠬᠤ ᠳᠠᠭᠠᠨ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠪᠤᠶᠦ ᠨᠠᠷᠢᠮᠦ ᠶᠢ ᠰᠢᠷ᠎ᠡ ᠲᠤᠰᠤ ᠪᠤᠶᠦ ᠦᠭᠡᠷ ᠤᠨ ᠱᠦᠯᠦᠨ ᠤ ᠲᠤᠰᠤ ᠪᠠᠷ ᠬᠠᠭᠤᠷᠴᠦ ᠲᠠᠬᠢᠨ ᠴᠠᠢ ᠳᠠᠭᠠᠨ ᠤᠷᠬᠢᠵᠦ ᠪᠤᠴᠠᠯᠭᠠᠳᠠᠭ᠃ ᠲᠡᠭᠡᠭᠦ ᠳᠤ ᠴᠠᠢ ᠪᠤᠳᠠᠭ᠎ᠠ ᠰᠢᠷ᠎ᠡ ᠲᠤᠰᠤ  ᠶᠢᠨ ᠦᠨᠦᠷ ᠬᠤᠯᠢᠯᠳᠤᠨ ᠬᠠᠩᠬᠤᠯᠵᠦ ᠢᠲᠡᠭᠡᠳ ᠭᠤᠶᠦ ᠪᠠᠶᠢᠳᠠᠭ︕      ᠦᠷᠦᠮ᠎ᠡ ᠳᠤ ᠲᠦᠭᠦᠭᠡᠢ ᠦᠷᠦᠮ᠎ᠡ ︵ᠵᠦᠭᠡᠭᠡᠢ︶ ᠪᠤᠯᠤᠨ ᠬᠠᠳᠠᠭᠠᠭᠰᠡᠨ ᠦᠷᠦᠮ᠎ᠡ ︵ᠲᠤᠭᠤᠭᠠᠨ ᠤ ᠦᠷᠦᠮ᠎ᠡ︶ ᠬᠡᠵᠦ ᠬᠤᠶᠠᠷ ᠵᠦᠢᠯ ᠪᠤᠢ᠃ ᠵᠠᠷᠢᠮ ᠭᠠᠵᠠᠷ ᠪᠠᠰᠡ ᠪᠦᠯᠢᠯᠭᠡ ᠶᠢᠨ ᠦᠷᠦᠮ᠎ᠡ ᠭᠡᠵᠦ ᠪᠠᠶᠢᠳᠠᠭ᠃ ᠦᠨᠢᠶᠠᠨ ᠤ ᠰᠦ᠂ ᠬᠡᠭᠦᠦ᠂ ᠢᠩᠭᠡᠨ ᠤ ᠰᠦ ᠪᠡ ᠬᠤᠨᠢ ᠢᠮᠠᠭᠠᠨ ᠤ ᠰᠦ ᠶᠢ ᠵᠠᠳᠠᠭᠠᠢ ᠠᠮᠠᠰᠠᠷ ᠲᠠᠢ ᠰᠡᠪᠡᠨ ᠳᠤ ᠠᠭᠤᠯᠵᠦ ᠨᠢᠭᠡ ᠠᠴᠠ ᠬᠤᠶᠠᠷ ᠡᠳᠤᠷ ᠲᠠᠯᠪᠢᠨ ᠡᠭᠡᠳᠡᠷᠡᠭᠦᠯᠵᠦ ᠲᠡᠭᠡᠭᠦᠷ ᠨᠢ ᠰᠠᠭᠤᠭᠰᠡᠨ ᠬᠤᠷᠤᠭᠤ ᠵᠤᠵᠠᠭᠠᠨ ᠵᠦᠢᠯ ᠢ ︽ᠲᠦᠭᠦᠭᠡᠢ ᠦᠷᠦᠮ᠎ᠡ︾ ︵ᠵᠦᠭᠡᠭᠡᠢ︶ ᠬᠡᠲᠡᠭ᠃ ᠡᠭᠦᠨ ᠢ ᠲᠠᠬᠢᠨ ᠪᠤᠴᠠᠯᠭᠠᠵᠦ ᠪᠤᠯᠪᠠᠰᠤᠷᠠᠭᠤᠯᠪᠡᠯ ᠰᠢᠷ᠎ᠡ ᠲᠤᠰᠤ ᠪᠤᠯᠳᠠᠭ ᠰᠠᠨ᠃ ᠪᠠᠰᠡ ᠨᠢᠭᠡ ᠵᠦᠢᠯ ᠨᠢ ᠪᠤᠯ ᠰᠠᠭᠠᠮᠠᠯ ᠰᠦ ᠪᠠᠨ ᠲᠤᠭᠤᠭᠠᠨ ᠳᠤ ᠪᠠᠨ ᠬᠢᠵᠦ ᠪᠤᠴᠠᠯᠭᠠᠨ ᠰᠢᠨᠠᠭ᠎ᠠ ᠪᠠᠷ ᠤᠯᠠᠨᠲᠡ ᠰᠠᠮᠤᠷᠴᠦ ᠬᠦᠭᠡᠰᠦᠷᠦᠭᠦᠯᠦᠭᠡᠳ ᠭᠠᠯ ᠢ ᠨᠢ ᠪᠠᠭᠠᠰᠠᠬᠨ ᠨᠠᠮᠳᠠᠭᠤᠯᠤᠨ᠎ᠡ᠃ ᠨᠠᠯᠢᠶᠠᠳ ᠬᠡᠳᠤᠨ ᠴᠠᠭ ᠪᠤᠯᠤᠭᠰᠡᠨ ᠤ ᠲᠠᠷᠠᠭ᠎ᠠ ᠲᠤᠭᠤᠭ᠎ᠠ ᠲᠠᠢ ᠰᠦᠨ ᠤ ᠲᠡᠭᠡᠭᠦᠷ ᠲᠦᠷᠦᠰᠦᠯᠡᠨ ᠦᠷᠤᠮᠡᠰᠢᠭᠰᠡᠨ ᠢ ᠰᠠᠪᠬ᠎ᠠ ᠪᠠᠷ ᠡᠪᠳᠠᠶᠢᠭᠡᠨ ᠡᠯᠭᠦᠵᠦ ᠠᠪᠤᠨ ᠰᠦ ᠶᠢ ᠨᠢ ᠰᠢᠭᠦᠷᠡᠭᠦᠯᠦᠭᠡᠳ ᠲᠡᠯ᠎ᠡ ᠲᠤᠭᠤᠢ ᠰᠠᠷᠡ ᠰᠢᠭ᠋ ᠪᠤᠯᠭᠠᠨ ᠡᠪᠡᠷᠡᠭᠡᠨ ᠬᠠᠳᠠᠭᠠᠳᠠᠭ ᠶᠤᠮ᠃ ᠡᠭᠦᠨ ᠢ ᠬᠠᠳᠠᠭᠠᠭᠰᠡᠨ ᠦᠷᠦᠮ᠎ᠡ ︵ᠪᠠᠰᠡ ᠲᠤᠭᠤᠭᠠᠨ ᠤ ᠦᠷᠦᠮ᠎ᠡ ᠪᠤᠶᠦ ᠪᠤᠯᠤᠭᠰᠡᠨ ᠦᠷᠦᠮ᠎ᠡ︶ ᠭᠡᠲᠡᠭ᠃ ᠦᠷᠦᠮ᠎ᠡ ᠨᠢ ᠦᠨᠦᠷ ᠠᠮᠲᠡ ᠰᠠᠶᠢᠬᠠᠨ ᠪᠦᠭᠡᠳ ᠰᠢᠮ᠎ᠡ ᠲᠡᠵᠢᠭᠡᠯ ᠲᠠᠢ ᠮᠦᠷᠲᠡᠭᠡᠨ ᠡᠮ ᠵᠠᠰᠠᠯ ᠤᠨ ᠦᠢᠯᠡᠳᠤᠯ ᠲᠠᠢ ᠶᠤᠮ᠃ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠲᠠᠢ ᠢᠲᠡᠬᠦ ᠳᠤ ᠦᠨᠡᠭᠡᠷ ᠭᠤᠶᠤ ᠡᠳ᠋᠃      ᠰᠠᠭᠠᠯᠢ ᠶᠢᠨ ᠠᠷᠡᠵᠡ ᠪᠤᠯᠤᠨ ᠴᠡᠭᠡ ᠶᠢ ᠭᠡᠭᠦᠦ᠂ ᠦᠨᠢᠶ᠎ᠡ᠂ ᠬᠤᠨᠢ ᠢᠮᠠᠭ᠎ᠠ᠂ ᠢᠩᠭᠡᠨ ᠤ ᠰᠠᠭᠠᠮᠠᠯ ᠰᠦ ᠪᠠᠷ ᠲᠦᠭᠦᠭᠡᠢ ᠮᠠᠲ᠋ᠧᠷᠢᠶᠡᠯ ᠪᠤᠯᠭᠠᠨ ᠨᠡᠷᠡᠳᠡᠭ ᠶᠤᠮ᠃ ᠤᠳᠤᠮᠰᠢᠯᠲᠦ ᠪᠤᠯᠪᠠᠰᠤᠷᠡᠭᠤᠯᠬᠤ ᠠᠷᠭ᠎ᠠ ᠨᠢ ᠲᠠᠷᠤᠢ ᠰᠠᠭᠠᠮᠠᠯ ᠰᠦ ᠪᠠᠨ ᠰᠢᠷᠢᠨ ᠬᠦᠨᠦᠭ ᠪᠤᠶᠦ ᠠᠭᠠᠷᠦ ᠮᠤᠳᠤᠨ ᠬᠦᠨᠦᠭ ᠲᠤ ᠴᠤᠬᠯᠠᠭᠤᠯᠤᠨ ᠢᠰᠭᠡᠵᠦ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠤ ᠲᠠᠷᠠᠭ᠎ᠠ ᠪᠦᠯᠢᠭᠦᠷ ᠢᠶᠠᠷ ᠲᠠᠬᠢᠨ ᠲᠠᠪᠳᠠᠨ ᠪᠦᠯᠢᠲᠡᠭ᠃ ᠢᠩᠭᠢᠵᠦ ᠪᠦᠯᠢᠭᠰᠡᠨ ᠰᠦ ᠶᠢᠨ ᠬᠠᠯᠠᠭᠤᠨ  ᠨᠢ ᠲᠡᠭᠡᠭᠰᠢᠯᠡᠵᠦ ᠲᠤᠰᠤᠯᠢᠭ ᠰᠢᠯᠢᠲᠡᠭ ᠨᠢ ᠲᠡᠭᠡᠭᠦᠷ ᠨᠢ ᠬᠦᠪᠴᠦ᠂ ᠰᠢᠭᠠᠷᠦ ᠪᠤᠷᠵᠠᠩ ᠨᠢ ᠢᠷᠤᠭᠠᠷ ᠲᠤᠨᠢ ᠲᠤᠨᠳᠠᠭ ᠰᠠᠨ᠃ ᠡᠨᠡ ᠪᠤᠯ ᠲᠠᠷᠤᠢ ᠰᠠᠭᠠᠯᠢ ᠶᠢᠨ ᠠᠷᠡᠵᠡ ᠶᠤᠮ᠃ ᠴᠡᠭᠡ ᠶᠢᠨ ᠤᠮᠳᠠᠭᠠᠨ ᠢ ᠭᠤᠤᠯᠳᠠᠭᠤ ᠵᠤᠨ ᠨᠠᠮᠦᠷ ᠤᠨ ᠤᠯᠠᠷᠢᠯ ᠦᠭᠡᠷ ᠠᠳᠤᠭᠤᠳ ᠲᠠᠷᠭᠤ ᠠᠪᠤᠭᠰᠡᠨ ᠨᠠᠯᠠᠭᠠᠷ ᠨᠠᠮᠤᠷ ᠲᠠᠭᠠᠨ ᠦᠢᠯᠡᠳᠲᠡᠭ᠃ ᠴᠡᠭᠡ ᠶᠢᠨ ᠦᠩᠭᠡ ᠨᠢ ᠲᠤᠩᠭᠠᠯᠠᠭ ᠰᠡᠪᠡᠭᠦᠨ᠂ ᠰᠫᠧᠷᠲ ᠤᠨ ᠬᠡᠮᠵᠢᠶ᠎ᠡ ᠲᠤᠩ ᠲᠤᠤᠷ᠎ᠡ ᠪᠠᠶᠢᠳᠠᠭ᠃ ᠴᠡᠭᠡ ᠤᠤᠭᠤᠬᠤ ᠳᠤ ᠠᠮᠲᠡ ᠰᠢᠮᠲᠡ ᠲᠠᠢ ᠮᠦᠷᠲᠡᠭᠡᠨ ᠨᠤᠵᠤᠭᠤᠷᠡᠮ᠎ᠡ ᠢᠰᠭᠦᠯᠡᠩ᠂ ᠰᠦ ᠬᠠᠩᠬᠤᠯᠳᠠᠭ᠃ ᠪᠦᠯᠢᠶᠠᠨ ᠴᠢᠨᠠᠷ ᠲᠠᠢ᠂ ᠬᠦᠢᠲᠡᠨ  ᠢ ᠬᠦᠭᠡᠭᠡᠵᠦ᠂ ᠴᠢᠰᠦᠨ ᠰᠤᠲᠡᠯ ᠢ ᠠᠮᠢᠳᠤᠯᠢᠬᠵᠢᠭᠤᠯᠵᠦ᠂ ᠰᠢᠷᠪᠤᠰᠦ ᠪᠤᠯᠴᠢᠩ ᠢ ᠴᠢᠩᠭᠠᠯᠠᠨ᠂ ᠬᠤᠳᠤᠭᠤᠲᠦ ᠬᠡᠪᠡᠯᠢ ᠵᠠᠰᠠᠨ ᠠᠭᠤᠰᠬᠢ ᠠᠮᠢᠰᠬᠤᠯ ᠳᠤ ᠲᠤᠰᠡ ᠲᠠᠢ ᠪᠠᠶᠢᠳᠠᠭ᠃      ᠬᠦᠴᠢᠲᠠᠢ ︵ᠴᠠᠭ᠎ᠠ᠂ ᠠᠶᠢᠷᠠᠭ ᠴᠦ ᠬᠡᠲᠡᠭ︶ ᠰᠦ ᠪᠤᠯ ᠮᠠᠯᠵᠢᠬᠤ ᠤᠷᠤᠨ ᠤ ᠡᠬᠢ ᠰᠢᠯᠢᠲᠡᠭ ᠤᠮᠳᠠᠭᠠᠨ ᠤ ᠨᠢᠭᠡ ᠪᠤᠯᠤᠨ᠎ᠡ᠃ ᠮᠠᠯᠴᠢᠳ ᠪᠠᠷᠤᠭ ᠲᠠᠭᠠᠨ ᠰᠠᠭᠠᠮᠠᠯ ᠰᠦ ᠤᠤᠭᠤᠳᠠᠭ ᠦᠭᠡᠢ ᠬᠠᠷᠢᠨ ᠬᠦᠴᠢᠲᠠᠢ ᠰᠦ ᠤᠤᠭᠤᠳᠠᠭ ᠶᠤᠮ᠃ ᠬᠦᠴᠢᠲᠠᠢ ᠰᠦ ᠶᠢ ᠨᠢᠭᠡ ᠪᠤᠯ ᠲᠤᠭᠤᠭᠠᠨ ᠳᠤ ᠬᠢᠵᠦ ᠴᠢᠨᠠᠭᠠᠳ ᠲᠠᠬᠢᠨ ᠬᠦᠷᠦᠭᠡᠵᠦ ᠡᠭᠡᠳᠡᠷᠡᠭᠦᠯᠵᠦ ᠬᠢᠲᠡᠭ᠃ ᠡᠰᠡ ᠪᠤᠯ ᠪᠤᠳᠤᠩ ᠰᠠᠪᠡ ᠲᠠᠢ ᠰᠠᠭᠠᠮᠠᠯ ᠰᠦ ᠪᠠᠨ ᠨᠠᠷᠡᠨ ᠡᠭᠡᠪᠦᠷ ᠭᠠᠵᠠᠷ ᠪᠤᠶᠦ ᠬᠠᠯᠠᠭᠤᠨ ᠭᠠᠵᠠᠷ ᠲᠠᠯᠪᠢᠵᠦ ᠡᠭᠡᠳᠡᠷᠡᠭᠦᠯᠦᠨ ᠢᠰᠭᠡᠵᠦ ᠦᠢᠯᠡᠳᠲᠡᠭ᠃ ᠬᠦᠴᠢᠲᠠᠢ ᠰᠦ ᠶᠢᠨ ᠦᠨᠦᠷ ᠨᠢ ᠬᠠᠮᠠᠷ ᠴᠤᠷᠬᠢᠨ ᠰᠡᠩᠭᠢᠨᠡᠵᠦ᠂ ᠤᠤᠭᠤᠬᠤ  ᠳᠤ ᠰᠡᠷᠢᠭᠦᠨ᠂ ᠤᠮᠲᠡ ᠬᠠᠷᠢᠳᠠᠭ᠃ ᠪᠠᠰᠡ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠪᠤᠶᠦ ᠰᠢᠭᠦᠭᠰᠡᠨ ᠪᠤᠳᠠᠭ᠎ᠠ ᠲᠠᠢ ᠵᠢᠭᠤᠷᠠᠵᠦ ᠢᠲᠡᠲᠡᠭ᠃ ᠵᠤᠨ ᠳᠠᠭᠠᠨ ᠤᠮᠲᠡ ᠲᠠᠶᠢᠯᠦᠨ ᠬᠠᠯᠠᠭᠤᠨ ᠲᠠᠭᠤᠳᠠᠭ ᠮᠦᠷᠲᠡᠭᠡᠨ ᠰᠢᠩᠭᠡᠭᠡᠯᠲᠡ ᠳᠤ ᠲᠤᠰᠠᠳᠠᠢ ᠪᠠᠶᠢᠳᠠᠭ ᠪᠢᠯᠡ᠃      ᠪᠦᠯᠢᠯᠭᠡ ᠶᠢᠨ ᠦᠷᠦᠮ᠎ᠡ ᠶᠢ ᠰᠠᠭᠠᠮᠠᠯ ᠰᠦ ᠪᠠᠨ ᠸᠠᠭᠠᠷ ᠪᠤᠳᠤᠩ᠂ ᠬᠦᠨᠦᠭ ᠰᠠᠪᠠᠨ ᠳᠤ ᠬᠢᠵᠦ ᠢᠰᠭᠡᠨ ᠡᠭᠡᠳᠡᠷᠡᠭᠦᠯᠦᠭᠡᠳ ᠲᠠᠭᠢᠨ ᠪᠦᠯᠢᠭᠦᠷ ᠢᠶᠠᠷ ᠲᠠᠬᠢᠨ ᠲᠠᠪᠳᠠᠨ ᠪᠦᠯᠢᠵᠦ᠂ ᠰᠦᠨ ᠲᠡᠭᠡᠭᠦᠷ ᠬᠤᠶᠠᠷ ᠬᠤᠷᠤᠭᠤ ᠵᠤᠵᠠᠭᠠᠨ ᠬᠦᠭᠡᠰᠦᠷᠡᠭ ᠲᠤᠰᠤ ᠦᠷᠦᠮᠡᠰᠢᠵᠦ ᠲᠤᠬᠳᠠᠭᠰᠡᠨ ᠢ ᠪᠦᠯᠢᠯᠭᠡ ᠶᠢᠨ ᠦᠷᠦᠮ᠎ᠡ ︵ᠵᠠᠷᠢᠮ ᠨᠤᠳᠤᠭ ᠲᠤ ᠴᠠᠭᠠᠨ ᠲᠤᠰᠤ ᠬᠡᠨ᠎ᠡ︶ ᠬᠡᠲᠡᠭ᠃ ᠡᠭᠦᠨ ᠢ ᠲᠤᠭᠤᠭᠠᠨ ᠳᠤ ᠬᠢᠵᠦ ᠵᠦᠭᠡᠭᠡᠯᠡᠨ ᠭᠠᠯ ᠢᠶᠠᠷ ᠰᠢᠷᠭᠠᠭᠠᠨ ᠪᠤᠴᠠᠯᠭᠠᠵᠦ ᠰᠢᠷ᠎ᠡ ᠲᠤᠰᠤ ᠰᠢᠪᠬᠠᠳᠠᠭ ᠶᠤᠮ᠃      ᠬᠤᠷᠤᠳ ᠬᠢᠬᠦ ᠳᠤ ᠦᠷᠦᠮ᠎ᠡ ᠶᠢ ᠨᠢ ᠠᠪᠤᠭᠰᠡᠨ ᠬᠦᠴᠢᠲᠠᠢ ᠰᠦ ᠪᠠᠨ ᠪᠤᠴᠠᠯᠭᠠᠵᠦ ᠲᠠᠬᠢᠨ ᠪᠦᠰ ᠰᠢᠭᠤᠲᠠᠢ ᠳᠤ ᠬᠢᠭᠡᠳ ᠰᠢᠷᠠᠦᠰᠦ ᠶᠢ ᠨᠢ ᠰᠢᠪᠬᠠᠵᠦ᠂ ᠰᠦᠨ ᠤ ᠡᠭᠡᠲᠡᠮᠡᠭ ᠢ ᠨᠢ ᠬᠤᠷᠤᠳ ︵ᠡᠭᠡᠵᠡᠭᠡᠢ︶ ᠶᠢᠨ ᠬᠡᠪ  ᠲᠤ ᠬᠢᠵᠦ ᠬᠡᠪᠯᠡᠭᠡᠳ ᠬᠠᠳᠠᠭᠠᠳᠠᠭ᠃ ᠬᠤᠷᠤᠳ ᠨᠢ ᠬᠦᠴᠢᠯᠯᠢᠭ ᠪᠦᠭᠡᠳ ᠠᠮᠳᠠᠷᠬᠠᠭ ᠪᠠᠶᠢᠳᠠᠭ᠃ ᠵᠠᠷᠢᠮ ᠳᠠᠭᠠᠨ ᠬᠤᠷᠤᠳ ᠬᠢᠬᠦ ᠳᠤ ᠰᠢᠬᠢᠷ ᠬᠤᠯᠢᠳᠠᠭ ᠶᠤᠮ᠃ ᠬᠠᠳᠠᠭᠠᠭᠰᠡᠨ ᠬᠤᠷᠤᠳ ᠢ ᠤᠷᠲᠦ ᠬᠤᠭᠤᠴᠠᠭ᠎ᠠ ᠪᠠᠷ ᠬᠠᠳᠠᠭᠠᠯᠠᠨ ᠲᠠᠯᠪᠢᠵᠦ ᠪᠤᠯᠳᠠᠭ᠃ ᠬᠤᠷᠤᠳ ᠢ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠰᠦ ᠲᠠᠢ ᠴᠠᠢ ᠲᠠᠢ ᠢᠲᠡᠲᠡᠭ ᠪᠦᠭᠡᠳ ᠮᠠᠯ ᠳᠤ ᠪᠤᠶᠦ ᠬᠤᠯᠠ ᠠᠶᠠᠨ ᠳᠤ ᠶᠠᠪᠤᠬᠤ ᠳᠠᠭᠠᠨ ᠬᠦᠨᠡᠰᠦ ᠪᠤᠯᠭᠠᠳᠠᠭ ᠶᠤᠮ᠃ ᠬᠤᠷᠤᠳ ᠪᠤᠯᠤᠨ ᠠᠭᠠᠷᠤᠤᠯ ᠨᠢ ᠤᠮᠲᠡ ᠴᠠᠩᠭᠠᠭ᠎ᠠ ᠲᠠᠶᠢᠯᠵᠦ ᠦᠯ ᠲᠠᠷᠤᠳᠠᠭ ᠪᠦᠭᠡᠳ ᠬᠤᠤᠷ ᠲᠠᠶᠢᠯᠳᠠᠭ ᠰᠠᠶᠢᠨ ᠡᠳ᠋ ᠪᠢᠯᠡ᠃      ᠪᠦᠬᠦᠯᠢ ᠬᠤᠨᠢᠨ ᠤ ᠰᠢᠭᠦᠰᠦ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠬᠦᠨᠲᠦᠲᠦ ᠵᠤᠴᠢᠨ ᠢᠶᠠᠨ ᠲᠠᠶᠢᠯᠠᠳᠠᠭ ᠤᠳᠤᠮᠰᠢᠯᠲᠦ ᠢᠲᠡᠭᠡᠨ ᠪᠤᠯᠤᠨ᠎ᠡ᠃ ᠮᠠᠰᠢ ᠡᠷᠲᠡ ᠳᠡᠭᠡᠨ ᠦᠪᠡᠳᠡᠭᠰᠢ ᠶᠡᠭᠡ ᠨᠠᠶᠢᠷ ᠬᠤᠷᠢᠮ᠂ ᠬᠤᠷᠡᠯ ᠴᠢᠭᠤᠯᠭ᠎ᠠ ᠪᠤᠶᠦ ᠬᠦᠨᠲᠦᠲᠦ ᠵᠤᠴᠢᠨ ᠲᠠᠶᠢᠯᠠᠬᠤ ᠳᠤ ᠪᠦᠬᠦᠯᠢ ᠵᠠᠰᠠᠳᠠᠭ ᠶᠤᠮ᠃ ᠪᠦᠬᠦᠯᠢ ᠬᠤᠨᠢ ᠪᠠᠨ ᠪᠤᠷᠤᠯᠠᠭᠤᠯᠤᠭᠰᠡᠨ ᠤ ᠲᠠᠷᠠᠭ᠎ᠠ ᠤᠷᠳᠤᠯᠵᠢᠨ ᠮᠤᠳᠤᠨ ᠴᠠᠷ᠎ᠡ ᠳᠤ ᠵᠠᠰᠠᠵᠦ ᠲᠠᠯᠪᠢᠳᠠᠭ᠃ ᠲᠡᠷᠡ ᠨᠢ ᠶᠠᠭ ᠯᠡ ᠠᠮᠢᠳᠤ ᠬᠤᠨᠢ ᠬᠡᠪᠲᠡᠭᠰᠡᠨ ᠰᠢᠭ ᠬᠠᠷᠠᠭᠳᠠᠳᠠᠭ᠂ ᠦᠨᠦᠷ ᠠᠮᠲᠡ ᠨᠢ ᠬᠠᠩᠬᠤᠯᠵᠦ᠂ ᠰᠠᠮᠰᠠ ᠭᠤᠪᠤᠭᠤᠨᠠᠭᠤᠯᠤᠨ ᠬᠤᠪᠳᠤᠭ ᠬᠦᠷᠭᠡᠬᠦ ᠠᠵᠢ᠃ ᠲᠠᠶᠢᠯᠠᠯᠭ᠎ᠠ ᠡᠬᠢᠯᠡᠬᠦ ᠳᠤ ᠡᠷᠭᠡᠪᠰᠢ ᠢᠷᠦᠭᠡᠯ ᠮᠠᠬᠳᠠᠭᠠᠯ ᠤᠩᠰᠢᠵᠦ᠂ ᠲᠦᠭᠡᠭᠡᠯ ᠠᠮᠰᠠᠭᠤᠯᠬᠤ᠂ ᠬᠦᠨᠲᠡᠬᠦ ᠵᠡᠷᠭᠡ ᠶᠤᠰᠤᠯᠡᠯ ᠢ ᠶᠠᠪᠤᠭᠤᠯᠳᠠᠭ᠃ ᠲᠡᠦᠭᠡᠨ ᠮᠠᠲ᠋ᠧᠷᠢᠶᠡᠯ ᠳᠤ ᠴᠢᠩᠬᠢᠰ ᠬᠠᠭᠠᠨ ᠪᠦᠬᠦᠯᠢ ᠰᠢᠭᠦᠰᠦ ᠲᠠᠯᠪᠢᠵᠦ᠂ ᠬᠤᠪᠢᠯᠠᠢ ᠰᠠᠭᠤᠷᠢᠨ ᠳᠤ ᠰᠠᠭᠤᠬᠤ ᠳᠤ ᠴᠦ ᠪᠦᠬᠦᠯᠢ ᠰᠢᠭᠦᠰᠦ ᠵᠠᠰᠠᠵᠦ ᠲᠡᠭᠡᠳᠤᠰ ᠰᠠᠬᠢᠭᠤᠰᠦ ᠳᠠᠭᠠᠨ ᠲᠡᠭᠡᠵᠢᠯᠠᠨ ᠬᠡᠶᠢᠴᠢᠨ ᠵᠤᠴᠢᠨ ᠢᠶᠠᠨ ᠲᠠᠶᠢᠯᠡᠪᠡ ᠭᠡᠵᠦ ᠲᠡᠮᠲᠡᠭᠯᠡᠵᠦ ᠪᠤᠢ᠃ ᠴᠢᠩ ᠤᠯᠤᠰ ᠤᠨ ᠦᠶ᠎ᠡ ᠳᠤ ᠬᠦᠷᠴᠦ ᠢᠷᠡᠭᠡᠳ ᠪᠦᠬᠦᠯᠢ ᠰᠢᠭᠦᠰᠦ ᠲᠠᠯᠪᠢᠬᠤ ᠨᠢ ᠤᠯᠠᠮ ᠴᠦ ᠦᠪᠡᠲᠡᠭᠰᠢ ᠶᠤᠰᠤ ᠭᠤᠷᠢᠮ ᠲᠠᠢ ᠪᠤᠯᠵᠠᠢ᠃ ᠡᠲᠦᠭᠡ ᠦᠪᠦᠷ ᠮᠤᠩᠭᠤᠯ ᠤᠨ ᠡᠯ᠎ᠡ ᠠᠶᠢᠮᠠᠭ ᠬᠤᠲᠡ ᠬᠤᠰᠢᠭᠤ ᠰᠢᠶᠠᠨ ᠬᠦᠨᠲᠦᠲᠦ ᠭᠡᠶᠢᠴᠢᠨ ᠵᠤᠴᠢᠨ ᠲᠠᠶᠢᠯᠠᠬᠤ ᠳᠤ ᠪᠦᠬᠦᠯᠢ ᠵᠠᠰᠠᠳᠠᠭ ᠪᠤᠯᠵᠠᠢ᠃ ᠡᠨᠡ ᠨᠢ ᠭᠠᠳᠠᠭᠠᠲᠦ ᠲᠤᠳᠤᠭᠠᠲᠦ ᠳᠤ ᠦᠭᠡᠢ ᠨᠡᠷ᠎ᠡ ᠠᠯᠳᠠᠷᠰᠢᠵᠠᠢ᠃      ᠪᠦᠬᠦᠯᠢ ᠵᠤᠮ᠎ᠡ ᠪᠤᠯᠤᠨ ᠰᠢᠷᠡᠬᠰᠡᠨ ᠬᠤᠨᠢᠨ ᠤ ᠭᠤᠶ᠎ᠡ ᠪᠤᠯ ᠦᠪᠦᠷ ᠮᠤᠩᠭᠤᠯ ᠤᠨ ᠡᠯ᠎ᠡ ᠭᠠᠵᠠᠷ᠂ ᠢᠯᠠᠩᠭᠤᠶ᠎ᠡ ᠠᠯᠠᠱᠠ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ ᠤᠨ ᠡᠷᠬᠢᠮ ᠬᠦᠨᠲᠦᠲᠦ ᠵᠤᠴᠢᠨ ᠢᠶᠠᠨ ᠬᠦᠨᠲᠦ ᠪᠠᠷ ᠲᠠᠶᠢᠯᠠᠳᠠᠭ ᠢᠲᠡᠭᠡᠨ ᠶᠤᠮ᠃ ᠪᠦᠬᠦᠯᠢ ᠵᠤᠮ᠎ᠡ ᠶᠢ ᠬᠢᠬᠦ ᠳᠤ ᠬᠤᠨᠢᠨ ᠤ ᠬᠡᠲᠡᠰᠦ ᠲᠤᠳᠤᠷ ᠲᠠᠪᠤᠨ ᠴᠤᠯᠤ ᠶᠢ ᠨᠢ ᠭᠠᠷᠭᠠᠵᠦ᠂ ᠠᠷᠡᠰᠦ ᠶᠢ ᠨᠢ ᠦᠪᠴᠢᠯ ᠦᠭᠡᠢ ᠤᠨᠴᠠᠭᠠᠢ ᠵᠤᠭᠤᠭᠰᠡᠨ ᠲᠤᠯᠭ᠎ᠠ ᠳᠤ ᠰᠢᠷᠡᠵᠦ ᠪᠤᠯᠭᠠᠳᠠᠭ᠃ ᠠᠷᠡᠰᠦᠨ ᠳᠤᠨᠢ ᠲᠤᠰᠤ ᠨᠡᠪᠴᠢᠨ ᠰᠢᠷᠡᠯᠡᠵᠦ᠂ ᠦᠨᠦᠷ ᠠᠮᠲᠡ ᠨᠢ ᠡᠲᠡᠭᠡᠳ ᠭᠤᠶᠦ ᠪᠠᠶᠢᠳᠠᠭ ᠰᠠᠨ᠃      ᠮᠦᠴᠢ ᠰᠢᠭᠦᠰᠦ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠪᠠᠶᠢᠩᠭᠤ ᠢᠲᠡᠲᠡᠭ ᠨᠢᠭᠡ ᠵᠦᠢᠯ ᠤᠨ ᠢᠲᠡᠭᠡᠨ ᠶᠤᠮ᠃ ᠬᠤᠨᠢᠨ  ᠤ ᠶᠠᠰᠦ ᠲᠠᠢ ᠮᠢᠬ᠎ᠠ ᠶᠢ ᠦᠶ᠎ᠡ ᠮᠦᠴᠢ ᠪᠠᠷ ᠨᠢ ᠡᠪᠲᠠᠢ ᠰᠠᠯᠭᠠᠵᠦ᠂ ᠴᠡᠪᠡᠷ ᠤᠰᠤᠨ ᠳᠤ ᠴᠢᠨᠠᠵᠦ ︵ᠪᠠᠭ᠎ᠠ ᠰᠠᠭ᠎ᠠ ᠲᠠᠪᠤᠰᠦ ᠬᠢᠵᠦ ᠴᠢᠨᠠᠨ᠎ᠡ︶ ᠪᠤᠯᠭᠤᠭᠠᠨ᠎ᠡ᠃ ᠰᠢᠷᠦᠭᠦᠨ ᠪᠤᠰᠤ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠵᠦ ᠪᠤᠷᠤᠯᠠᠭᠤᠯᠤᠮᠠᠬᠴᠠ ᠫᠢᠯᠠ ᠰᠠᠪᠠᠨ ᠳᠤ ᠭᠠᠷᠭᠠᠵᠦ ᠢᠲᠡᠵᠡᠭᠡᠲᠡᠭ᠃ ᠰᠠᠪᠬ᠎ᠠ ᠰᠡᠷᠡᠭᠡ ᠬᠡᠷᠡᠭᠯᠡᠬᠦ ᠦᠭᠡᠢ ᠭᠠᠭᠴᠠ ᠬᠢᠳᠤᠭ᠎ᠠ ᠯᠡ ᠬᠡᠷᠡᠭᠯᠡᠲᠡᠭ᠃      ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠢᠲᠡᠭᠡᠨ ᠤᠮᠳᠠᠭᠠᠨ ᠤ ᠵᠠᠩᠰᠢᠯ ᠳᠤ ᠴᠠᠭᠠᠨ ᠢᠲᠡᠭᠡ ᠤᠯᠠᠭᠠᠨ ᠢᠲᠡᠭᠡ ᠭᠡᠵᠦ ᠠᠩᠭᠢᠯᠠᠳᠠᠭ᠃ ᠴᠠᠭᠠᠨ ᠢᠲᠡᠭᠡ ᠨᠢ ᠲᠠᠷᠤᠢ ᠰᠦ ᠰᠠᠭᠠᠯᠢ ᠶᠢᠨ ᠵᠦᠢᠯ ᠪᠤᠯᠤᠨ᠎ᠡ᠃ ᠤᠯᠠᠭᠠᠨ ᠢᠲᠡᠭᠡ ᠨᠢ ᠮᠢᠬ᠎ᠠ ᠲᠤᠰᠤᠨ ᠤ ᠵᠦᠢᠯ ᠪᠤᠯᠤᠨ᠎ᠡ᠃ ᠡᠨᠡ ᠬᠦ ᠨᠡᠷᠡᠶᠢᠳᠤᠯ ᠨᠢ ᠦᠩᠭᠡ ᠪᠤᠳᠤᠭ ᠤᠨ ᠰᠡᠳᠬᠢᠯᠭᠡ ᠪᠠᠷ ᠪᠠᠶᠠᠯᠢᠭ ᠪᠦᠭᠡᠳ ᠠᠮᠢᠳᠤᠯᠢᠭ ᠰᠠᠨᠠᠬᠳᠠᠨ᠎ᠡ᠃ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠦᠩᠭᠡ ᠶᠢ ᠲᠡᠭᠡᠳᠤᠯᠡᠵᠦ ᠦᠵᠡᠨ ᠦᠯᠵᠠᠢ ᠲᠡᠮᠪᠡᠷᠢᠯ ᠲᠠᠢ ᠭᠡᠲᠡᠭ᠃ ᠶᠡᠭᠡ ᠪᠠᠭ᠎ᠠ ᠨᠠᠶᠢᠷ ᠬᠤᠷᠢᠮ ᠬᠡᠰᠡᠨ ᠦᠭᠡᠢ ᠪᠦᠷ ᠴᠠᠭᠠᠨ ᠢᠲᠡᠭᠡ ᠪᠠᠷ ᠲᠡᠭᠡᠵᠢᠯᠡᠵᠦ ᠡᠬᠢᠯᠡᠲᠡᠭ ᠪᠢᠯᠡ᠃ ᠬᠡᠷ ᠤᠨ ᠡᠵᠡᠨ ᠮᠦᠩᠭᠦᠨ ᠠᠶᠠᠭᠠᠨ ᠳᠤ ᠴᠠᠭᠠᠨ ᠢᠲᠡᠭᠡ ᠲᠦᠭᠦᠷᠭᠡᠵᠦ ᠠᠬᠠᠮᠠᠳ ᠲᠡᠭᠡᠷ᠎ᠡ ᠦᠶ᠎ᠡ ᠠᠴᠠ ᠡᠬᠢᠯᠡᠭᠦᠯᠦᠨ ᠴᠠᠭᠠᠨ ᠢᠲᠡᠭᠡ ᠠᠮᠰᠠᠭᠤᠯᠤᠨ᠎ᠡ᠃ ᠡᠨᠡ ᠪᠤᠯ ᠨᠢᠭᠡ ᠵᠦᠢᠯ ᠤᠨ ᠠᠷᠢᠭᠤᠨ ᠲᠡᠭᠡᠲᠦ ᠶᠤᠰᠤᠯᠠᠯ ᠶᠤᠮ᠃ ᠬᠦᠮᠦᠰ ᠪᠦᠷ ᠭᠡᠷ ᠤᠨ ᠡᠵᠡᠨ ᠤ ᠦᠭᠭᠦᠭᠰᠡᠨ ᠴᠠᠭᠠᠨ ᠢᠲᠡᠭᠡ ᠠᠴᠠ ᠬᠢᠴᠢᠶᠠᠩᠭᠦᠶᠢᠯᠠᠨ ᠠᠮᠰᠠᠵᠠᠭᠠᠳᠠᠭ᠃ ᠬᠡᠷᠪᠡ ᠴᠦ ᠬᠦᠲᠡᠭᠡ ᠨᠤᠳᠤᠭ ᠮᠤᠩᠭᠤᠯ ᠠᠶᠢᠯ ᠳᠤ ᠤᠴᠢᠭᠠᠳ ᠮᠢᠬ᠎ᠠ ᠰᠢᠭᠦᠰᠦ ᠭᠠᠷᠭᠠᠬᠤ ᠲᠠᠢ ᠲᠤᠬᠢᠶᠠᠯᠳᠤᠬᠤ ᠳᠤ ᠤᠷᠢᠳ ᠢᠶᠠᠷ ᠴᠠᠭᠠᠨ ᠢᠲᠡᠭᠡ ᠠᠮᠰᠠᠭ᠎ᠠ ᠦᠭᠡᠢ ᠪᠠᠷ ᠴᠢᠨᠠᠬᠰᠡᠨ ᠮᠢᠬᠠᠨ ᠳᠤ ᠭᠠᠷ ᠬᠦᠷᠪᠡᠯ ᠭᠡᠷ ᠤᠨ ᠡᠵᠡᠨ ᠤ ᠲᠤᠷ᠎ᠡ ᠦᠭᠡᠶᠢᠴᠡᠯ ᠢ ᠬᠦᠷᠭᠡᠬᠦ ᠪᠤᠯᠤᠨ᠎ᠡ᠃      ᠤᠮᠳᠠᠭᠠᠨ ᠢᠶᠠᠷ ᠭᠤᠤᠯᠯᠠᠳᠠᠭ ᠨᠢ ᠮᠤᠩᠭᠤᠯᠴᠤᠳ ᠤᠨ ᠨᠢᠭᠡ ᠤᠨᠴᠠᠯᠢᠭ ᠪᠤᠶᠦ᠃ ︽ᠦᠰᠦᠭ ᠤᠨ ᠡᠬᠢᠨ ᠠ᠂ ᠢᠲᠡᠭᠡᠨ ᠤ ᠡᠬᠢᠨ ᠴᠠᠢ︾ ᠬᠡᠲᠡᠭ ᠢᠶᠠᠷ ᠴᠠᠢ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠴᠢᠷᠠᠢ ᠮᠦᠨ᠃ ᠮᠦᠨ ᠴᠦ ᠮᠤᠩᠭᠤᠯᠴᠤᠳ  ᠤᠨ ᠭᠤᠤᠯ ᠤᠮᠳᠠᠭᠠᠨ ᠪᠤᠯᠤᠨ᠎ᠡ᠃ ᠬᠦᠲᠡᠭᠡ ᠨᠤᠳᠤᠭ ᠤᠨ ᠮᠤᠩᠭᠤᠯ ᠠᠶᠢᠯ ᠢᠶᠠᠷ ᠶᠠᠪᠤᠬᠤ ᠪᠤᠯᠭᠠᠨ ᠭᠡᠷ ᠤᠨ ᠡᠵᠡᠭᠲᠠᠢ ᠠᠴᠠ ᠲᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠳᠤ ᠪᠦᠷ ᠴᠠᠢ ᠠᠶᠠᠭᠠᠯᠠᠳᠠᠭ ᠰᠠᠨ᠃ ᠶᠡᠷᠦ ᠠᠴᠠ ︽ᠴᠠᠢ ᠴᠦ ᠦᠭᠡᠢ ᠴᠢᠷᠠᠢ ᠴᠦ ᠦᠭᠡᠢ︾ ᠮᠤᠩᠭᠤᠯ ᠠᠶᠢᠯ ᠪᠠᠷᠤᠭ ᠪᠠᠶᠢᠳᠠᠭ ᠦᠭᠡᠢ᠃ ᠮᠤᠩᠭᠤᠯᠴᠤᠳ ᠦᠷᠯᠦᠭᠡ᠂ ᠦᠲᠡ᠂ ᠤᠷᠤᠢ ᠦᠭᠡᠢ ᠴᠠᠢ ᠤᠤᠭᠤᠳᠠᠭ᠃ ︽ᠨᠢᠭᠡ ᠡᠷᠢᠨ ᠬᠤᠭᠤᠯᠠ ᠢᠲᠡᠭᠦ ᠦᠭᠡᠢ ᠴᠦ ᠨᠢᠭᠡ ᠡᠷᠢᠨ ᠴᠠᠢ ᠤᠤᠭᠤᠬᠤ ᠦᠭᠡᠢ ᠦᠯᠦ ᠪᠤᠯᠬᠤ︾ ᠬᠡᠲᠡᠭ ᠡᠨᠡ᠃ ᠮᠠᠯᠴᠢᠨ ᠬᠦᠮᠦᠨ ᠴᠠᠢ ᠤᠤᠭᠤᠬᠤ ᠳᠠᠭᠠᠨ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ᠂ ᠰᠢᠷ᠎ᠡ ᠲᠤᠰᠤ᠂ ᠠᠭᠠᠷᠤᠤᠯ᠂ ᠰᠢᠬᠢᠷ ᠵᠡᠷᠭᠡ ᠶᠢ ᠬᠢᠵᠦ᠂ ᠡᠪᠤᠯ ᠳᠡᠭᠡᠨ ᠮᠢᠬ᠎ᠠ ᠬᠦᠰᠭᠦᠯᠵᠡᠲᠡᠭ᠃ ᠮᠠᠯᠴᠢᠨ ᠠᠶᠢᠯ ᠳᠤ ᠵᠤᠴᠢᠯᠠᠵᠦ ᠤᠴᠢᠪᠡᠯ ᠠᠶᠠᠭ᠎ᠠ ᠲᠠᠢ ᠴᠠᠢ ᠲᠠᠭᠤᠰᠬᠤ ᠲᠠᠢ ᠵᠡᠷᠭᠡ ᠴᠠᠢ ᠨᠡᠮᠡᠵᠦ ᠠᠶᠠᠭᠠᠯᠠᠨ᠎ᠡ᠃ ᠡᠨᠡ ᠨᠢ ᠪᠠᠷᠤᠭ ᠮᠤᠩᠭᠤᠯ ᠬᠢᠲᠡᠳ ᠬᠦᠮᠦᠨ ᠤ ᠢᠲᠡᠭᠡᠨ ᠤᠮᠳᠠᠭᠠᠨ ᠤ ᠢᠯᠭᠠᠭ᠎ᠠ ᠪᠢᠵᠡ︖ ᠬᠢᠲᠡᠳ ᠬᠦᠮᠦᠨ ᠪᠠᠭ᠎ᠠ ᠠᠴᠠ ᠪᠠᠨ ᠬᠠᠭᠤᠷᠠᠢ ᠬᠠᠳᠠᠭᠤ ᠶᠠᠭᠤᠮ᠎ᠡ ᠢᠲᠡᠵᠦ ᠵᠠᠩᠰᠢᠬᠰᠡᠨ ᠤᠴᠢᠷ ᠠᠴᠠ ᠰᠢᠩᠭᠡᠨ ᠨᠤᠶᠢᠲᠡᠨ ᠶᠠᠭᠤᠮ᠎ᠡ ᠢᠲᠡᠪᠡᠯ ᠴᠠᠳᠤᠬᠰᠡᠨ ᠦᠭᠡᠢ ᠰᠢᠭ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠬᠦᠮᠦᠨ ᠪᠠᠭ᠎ᠠ ᠠᠴᠠ ᠪᠠᠨ ᠴᠠᠢ ᠤᠤᠭᠤᠵᠦ᠂ ᠰᠦ ᠴᠠᠭ᠎ᠠ ᠤᠭᠤᠴᠢᠯᠠᠭᠤᠷ ᠪᠤᠳᠠᠭ᠎ᠠ ᠵᠡᠷᠭᠡ ᠰᠢᠩᠭᠡᠨ ᠨᠤᠶᠢᠲᠡᠨ ᠶᠠᠭᠤᠮ᠎ᠡ ᠢᠲᠡᠵᠦ ᠵᠠᠩᠰᠢᠬᠰᠡᠨ ᠲᠤᠯᠠ ᠬᠠᠳᠠᠭᠤ ᠬᠠᠭᠤᠷᠠᠢ ᠶᠠᠭᠤᠮ᠎ᠡ ᠢᠲᠡᠪᠡᠯ ᠲᠤᠳᠤᠷ᠎ᠡ  ᠨᠢ ᠲᠦᠩᠭᠦᠶᠢᠵᠦ ᠡᠪ ᠦᠭᠡᠶᠢᠷᠡᠲᠡᠭ᠃ ᠤᠮᠳᠠᠭᠠᠨ ᠢᠶᠠᠷ ᠭᠤᠤᠯ ᠢᠲᠡᠰᠢ ᠤᠤᠭᠤᠰᠢ ᠪᠤᠯᠭᠠᠳᠠᠭ ᠨᠢ ᠮᠤᠩᠭᠤᠯᠴᠤᠳ  ᠤᠨ ᠵᠠᠩᠰᠢᠯ ᠪᠤᠯᠤᠬᠰᠡᠨ ᠤ ᠴᠤ ᠶᠤᠮ ᠤᠤ ᠮᠤᠩᠭᠤᠯᠴᠤᠳ ᠵᠤᠨ ᠳᠠᠭᠠᠨ ᠬᠤᠨᠢ ᠭᠠᠷᠭᠠᠵᠦ ᠮᠢᠬ᠎ᠠ ᠢᠲᠡᠬᠦ ᠶᠢ ︽ᠱᠦᠯᠦ ᠤᠤᠭᠤᠨ᠎ᠡ︾ ᠬᠡᠲᠡᠭ᠃      ᠠᠪᠴᠦ ᠶᠠᠪᠤᠬᠤ ᠳᠤ ᠲᠦᠭᠦᠮ᠂ ᠢᠲᠡᠵᠦ ᠤᠤᠭᠤᠬᠤ ᠳᠤ ᠪᠡᠯᠡᠨ ᠪᠠᠶᠢᠳᠠᠭ ᠨᠢ ᠮᠤᠩᠭᠤᠯᠴᠤᠳ ᠤᠨ ᠢᠲᠡᠭᠡᠨ ᠤᠮᠳᠠᠭᠠᠨ ᠤ ᠨᠢᠭᠡᠨ ᠤᠨᠴᠠᠯᠢᠭ ᠪᠢᠯᠡ᠃ ᠰᠦ ᠲᠠᠢ ᠴᠠᠢ ᠳᠤ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ ᠲᠡᠪᠳᠤᠭᠡᠵᠦ ᠢᠲᠡᠲᠡᠭ ᠨᠢ ᠨᠡᠭᠦᠳᠠᠯᠴᠢ ᠮᠠᠯᠴᠢᠨ ᠤ ᠨᠢᠭᠡ ᠶᠡᠭᠡ ᠡᠭᠦᠲᠦᠯᠲᠡ ᠮᠦᠨ᠃ ᠡᠨᠡ ᠨᠢ ᠠᠮᠢᠳᠤᠷᠡᠯ ᠤᠨ ᠦᠨᠳᠦᠰᠦ ᠪᠠᠷᠢᠮᠲᠡ ᠲᠠᠢ ᠮᠦᠷᠲᠡᠭᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦ ᠪᠠᠷᠢᠮᠲᠡ ᠲᠠᠢ ᠪᠢᠯᠡ᠃ ᠨᠢᠭᠡ ᠡᠷᠢᠨ ᠮᠢᠬ᠎ᠠ ᠢᠲᠡᠴᠢᠭᠡᠭᠡᠳ ᠰᠠᠶᠢᠬᠠᠨ ᠢᠲᠡᠭᠡᠰᠢᠭ ᠴᠠᠢ ᠤᠤᠭᠤᠪᠡᠯ ᠦᠭᠡᠬᠦ ᠲᠤᠰᠤ᠂ ᠬᠠᠷᠠᠰᠦ ᠪᠤᠷᠤᠰᠦ ᠶᠢ ᠵᠤᠬᠢᠴᠠᠭᠤᠯᠤᠨ᠂ ᠦᠳᠭᠡᠨ ᠰᠢᠩᠭᠡᠨ ᠲᠠᠭᠠᠷᠠᠵᠦ᠂ ᠱᠠᠩᠳᠠᠭᠤ ᠬᠦᠷᠬᠦ ᠦᠭᠡᠢ ᠮᠦᠷᠲᠡᠭᠡᠨ ᠬᠤᠳᠤᠭᠤᠲᠦ ᠬᠡᠪᠡᠯᠢ ᠲᠦᠩᠭᠦᠶᠢᠬᠦ ᠦᠭᠡᠢ᠂ ᠢᠲᠡᠰᠢ ᠤᠤᠭᠤᠰᠢ  ᠪᠠᠨ ᠰᠢᠩᠭᠡᠭᠡᠬᠦ ᠴᠦ ᠮᠠᠰᠢ ᠲᠤᠰᠡ ᠲᠠᠢ ᠪᠢᠯᠡ᠃ ᠮᠠᠯᠵᠢᠬᠤ ᠤᠷᠤᠨ ᠤ ᠮᠤᠩᠭᠤᠯᠴᠤᠳ ᠬᠠᠭᠤᠷᠤᠭᠰᠡᠨ ᠪᠤᠳᠠᠭ᠎ᠠ  ᠪᠠᠨ ᠲᠤᠭᠤᠯ ᠤᠨ ᠠᠷᠡᠰᠦᠨ ᠲᠤᠯᠤᠮ ᠳᠤ ᠰᠠᠪᠠᠯᠠᠵᠦ ︵ᠵᠠᠷᠢᠮ ᠳᠠᠭᠠᠨ ᠪᠤᠷᠴᠠ ᠰᠠᠪᠠᠯᠠᠳᠠᠭ︶᠂ ᠰᠢᠷ᠎ᠡ ᠲᠤᠰᠤ ᠪᠠᠨ ᠬᠦᠵᠡᠭᠡᠨ ᠳᠤ ᠰᠠᠪᠠᠯᠠᠨ ᠭᠠᠨᠵᠤᠭᠠᠯᠠᠵᠦ ᠶᠠᠪᠤᠬᠤ ᠳᠤ ᠮᠠᠰᠢ ᠲᠦᠭᠦᠮ ᠪᠠᠶᠢᠳᠠᠭ᠃ ᠬᠦᠮᠦᠨ ᠬᠠᠷ᠎ᠡ ᠡᠵᠡᠭᠦᠢ ᠭᠡᠭᠡᠷ᠎ᠡ ᠲᠡᠯ᠎ᠡ ᠳᠤ ᠤᠴᠢᠬᠰᠡᠨ ᠴᠦ ᠤᠰᠦ ᠯᠡ ᠪᠠᠶᠢᠳᠠᠭ ᠰᠠᠨ ᠪᠤᠯ ᠬᠡᠳᠤᠨ ᠠᠷᠭᠠᠯ ᠲᠡᠭᠦᠵᠦ ᠴᠠᠢ ᠴᠢᠨᠠᠵᠦ ᠤᠤᠭᠤᠳᠠᠭ᠃ ᠡᠳᠦᠭᠡ ᠪᠤᠯᠳᠠᠯ᠎ᠡ ᠬᠠᠳᠤᠯᠠᠩ ᠳᠤ ᠭᠠᠷᠬᠤ᠂ ᠤᠳᠤᠷ ᠬᠠᠶᠢᠳᠠᠭ ᠶᠠᠪᠤᠬᠤ᠂ ᠬᠤᠯᠠ ᠠᠶᠠᠨ ᠪᠤᠶᠦ ᠲᠠᠪᠤᠰᠤᠨ ᠤ ᠠᠶᠠᠨ᠂ ᠠᠩ ᠬᠦᠷᠦᠭᠡ ᠬᠢᠬᠦ ᠵᠡᠷᠭᠡ ᠳᠤ ᠮᠦᠨ ᠯᠡ ᠡᠨᠡ ᠬᠦ ᠲᠦᠭᠦᠮ ᠮᠦᠷᠲᠡᠭᠡᠨ ᠪᠡᠯᠡᠨ ᠪᠤᠷᠤᠬᠵᠢᠭᠤᠨ ᠠᠮᠢᠳᠤᠷᠡᠯ ᠤᠨ ᠬᠡᠯᠪᠡᠷᠢ ᠶᠢ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠪᠠᠶᠢᠨ᠎ᠡ᠃                                  ︽ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠠᠶᠢᠯᠦᠮᠵᠢ︾ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠡ
 
ᠢᠷᠡᠯᠲᠡ᠄ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠶᠢᠰᠦ ᠡᠬᠢᠯᠡᠯ᠎ᠡ
ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠬᠡᠪ ᠶᠤᠰᠤᠨ — ᠴᠠᠭᠠᠨ ᠰᠡᠷ᠎ᠡ ᠰᠢᠨᠡᠯᠡᠬᠦ ᠶᠤᠰᠤᠨ
ᠰᠦᠯᠲᠡ ᠶᠢᠨ ᠲᠠᠬᠢᠯᠭ᠎ᠠ
ᠶᠢᠰᠦ ᠶᠢᠰᠦ ᠶᠢᠨ ᠪᠡᠯᠡᠭ
ᠪᠦᠬᠦᠯᠢ ᠬᠤᠨᠢᠨ ᠰᠢᠭᠦᠰᠦ ᠶᠢᠨ ᠢᠷᠦᠭᠡᠯ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号