| ᠮᠠᠨᠳᠠᠯ ᠤᠨ ᠰᠦᠮᠡ ᠶᠢᠨ ᠢᠯᠡᠷᠭᠡᠶᠢᠯᠡᠯ ᠤᠨ ᠨᠡᠷᠡ ᠨᠢ ︽ᠢᠷᠦᠭᠡᠯ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ᠭᠡᠲᠡᠭ᠃ | ᠲᠤᠰ ᠰᠦᠮᠡ ᠶᠢ ᠲᠦᠪᠡᠳ ᠠᠴᠠ ᠲᠤᠷᠤᠨᠡ ᠭᠠᠵᠠᠷ ᠪᠠᠭᠤᠵᠦ ᠢᠷᠡᠭᠰᠡᠨ ᠵᠤᠴᠢ ᠯᠠᠮᠠ᠂ ᠮᠠᠨᠳᠠᠯ ᠭᠡᠰᠡᠨ ᠭᠠᠵᠠᠷ ᠤᠨ | ᠲᠠᠪᠤᠨ ᠬᠤᠷᠤᠭᠤ ᠰᠢᠭ᠋ ᠠᠭᠤᠯᠠᠨ ᠤ ᠡᠩᠭᠡᠷ ᠲᠤ ᠲᠦᠷᠦ ᠭᠡᠷᠡᠯᠲᠦ ᠶᠢᠨ ᠬᠤᠷᠢᠨ ᠨᠢᠭᠡᠳᠤᠭᠡᠷ ᠤᠨ ︵1841 ᠤᠨ︶ | ᠳᠤ ᠮᠤᠤᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠲᠤᠯᠤᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠴᠤᠬᠪᠠᠳᠠᠷᠠᠬᠤ ᠶᠢᠨ ᠦᠶᠡ ᠳᠤ ᠪᠠᠶᠢᠭᠤᠯᠵᠠᠢ᠃ | ᠲᠤᠰ ᠰᠦᠮᠡ ᠲᠡᠦᠭᠡᠨ ᠳᠤ ᠱᠠᠷᠠᠢ ᠰᠤᠮᠤᠨ ᠳᠤ ᠬᠠᠮᠢᠶᠠᠷᠤᠬᠳᠠᠵᠦ ᠪᠠᠶᠢᠪᠡ᠃ ᠲᠦᠪᠡᠳ ᠨᠤᠮ ᠤᠨ ᠤᠩᠰᠢᠯᠭᠠ ᠲᠠᠢ᠂ | ᠮᠠᠨᠳᠠᠯ ᠤᠨ ᠤᠪᠤᠭᠠ ᠶᠢ ᠲᠠᠬᠢᠵᠦ ᠪᠠᠶᠢᠬᠰᠡᠨ ᠪᠤᠯᠬᠤᠷ ᠮᠠᠨᠳᠠᠯ ᠤᠨ ᠰᠦᠮᠡ ᠭᠡᠵᠦ ᠨᠠᠷᠠᠶᠢᠳᠴᠠᠢ᠃ ᠵᠤᠴᠢ ᠯᠠᠮᠠ | ᠶᠢᠨ ᠰᠡᠭᠦᠯ ᠤᠨ ᠬᠤᠪᠢᠯᠭᠠᠨ ᠨᠢ 1949 ᠤᠨ ᠤ ᠬᠠᠪᠤᠷ ᠨᠠᠰᠦ ᠪᠠᠷᠠᠪᠡ᠃ | ᠭᠤᠤᠯ ᠪᠤᠯᠬᠤ ᠬᠤᠷᠡᠯ ᠬᠤᠢ ᠨᠢ᠂ ᠵᠢᠯ ᠪᠦᠷᠢ ᠶᠢᠨ ᠲᠤᠯᠤᠭᠠᠨ ᠰᠡᠷᠡ ᠶᠢᠨ ᠠᠷᠪᠠᠨ ᠳᠤ ᠤᠯᠠᠭᠠᠨ | ᠰᠠᠬᠢᠭᠤᠯᠰᠤᠨ ᠢ ᠲᠠᠬᠢᠵᠦ᠂ ᠬᠦᠷᠦ ᠲᠠᠭᠤᠯᠠᠨ᠂ ᠴᠠᠮ ᠴᠠᠮᠨᠠᠳᠠᠭ᠃ ᠦᠷᠯᠦᠭᠡᠭᠦᠷ ᠮᠦᠷᠭᠦᠯᠴᠢᠨ ᠤᠪᠤᠨ ᠴᠤᠪᠤᠨ | ᠦᠷᠭᠦᠯᠵᠢᠯᠠᠵᠦ ᠬᠤᠶᠠᠷ ᠰᠠᠩ ᠪᠡ ᠱᠠᠪᠢ ᠨᠠᠷ ᠤᠨ ᠳᠤ ᠢᠷᠡᠵᠦ᠂ ᠰᠦᠮᠡ ᠲᠤᠭᠠᠩ᠂ ᠰᠠᠬᠢᠭᠤᠯᠰᠤᠨ ᠳᠤ ᠮᠦᠷᠭᠦᠵᠦ | ᠡᠷᠭᠦᠴᠡ ᠪᠠᠷᠢᠨ᠂ ᠦᠲᠡ ᠪᠤᠯᠬᠤ ᠶᠢᠨ ᠦᠶᠡ ᠪᠠᠷ ᠭᠤᠤᠯ ᠲᠤᠭᠠᠩ ᠤᠨ ᠡᠭᠦᠲᠡᠨ ᠡᠮᠦᠨᠡᠬᠢ ᠲᠠᠪᠴᠠᠩ ᠳᠤ ᠬᠤᠶᠠᠷ | ᠲᠦᠰᠢᠯᠭᠡᠲᠠᠢ ᠰᠢᠷᠡᠭᠡᠨ ᠳᠤ ᠮᠠᠨᠳᠠᠯ ᠵᠡᠭᠡᠰᠤᠲᠠᠢ ᠬᠤᠶᠠᠷ ᠰᠦᠮᠡ ᠶᠢᠨ ᠬᠤᠪᠢᠯᠭᠠᠨ ᠯᠠᠮᠠ ᠶᠢ ᠰᠠᠭᠤᠯᠭᠠᠨ ᠤᠷᠤᠬᠰᠢ | ᠪᠠᠨ ᠬᠤᠶᠠᠷ ᠭᠠᠷᠯᠠᠨ ᠤᠯᠪᠤᠭ ᠲᠠᠪᠢᠰᠴᠦ᠂ ᠲᠤᠰ ᠬᠤᠰᠢᠭᠤᠨ ᠤ ᠪᠡ ᠵᠡᠷᠭᠡᠯᠡᠲᠡᠭᠡ ᠬᠤᠰᠢᠭᠤᠨ ︵ᠵᠡᠭᠦᠨ ᠬᠦᠩ᠂ | ᠲᠤᠮᠳᠠᠲᠦ ᠬᠦᠩ ᠤᠨ ᠬᠤᠰᠢᠭᠤ︶ ᠠᠴᠠ ᠢᠷᠡᠭᠰᠡᠨ ᠬᠡᠷᠬᠡᠮᠲᠡᠨ ᠲᠤᠰᠢᠶᠠᠯᠳᠠᠨ ᠨᠠᠷ ᠢ ᠰᠠᠭᠤᠯᠭᠠᠨ᠂ ᠪᠤᠰᠤᠳ ᠡᠩ | ᠤᠨ ᠮᠦᠷᠭᠦᠯᠴᠢᠳ ᠵᠡᠭᠦᠨ ᠪᠠᠷᠠᠭᠤᠨ ᠲᠡᠯᠡ ᠪᠠᠷ ᠨᠢ ᠰᠤᠯᠠ ᠵᠤᠬᠰᠤᠵᠦ᠂ ᠲᠠᠪᠴᠠᠩ ᠤᠨ ᠲᠤᠮᠳᠠ ᠨᠢ ᠬᠦᠷᠦ | ᠲᠠᠭᠤᠯᠠᠵᠦ᠂ ᠲᠠᠪᠤᠨ ᠡᠮᠡᠭᠲᠠᠢ ᠬᠦᠭᠵᠢᠮ᠂ ᠳ᠋ᠢᠩᠱᠠᠭ ᠰᠤᠳᠤᠷ ᠵᠡᠷᠭᠡ ᠶᠢ ᠲᠤᠰ ᠲᠤᠰ ᠠᠳᠬᠤᠵᠦ᠂ ᠨᠤᠮ ᠤᠨ ᠦᠭᠡ | ᠶᠢ ᠵᠤᠬᠢᠬᠤ ᠠᠶᠠᠯᠭᠤ ᠪᠠᠷ ᠲᠠᠭᠤᠯᠠᠳᠠᠭ ᠪᠠᠶᠢᠵᠠᠢ᠃ ᠱᠠᠳᠤᠨ ᠤ ᠲᠤᠤᠷᠡ ᠬᠤᠶᠠᠷ ᠠᠵᠢᠷ ᠲᠤᠯᠤᠭᠠᠢ ᠳᠠᠭᠠᠨ ᠡᠪᠦᠭᠡᠨ | ᠬᠦᠮᠦᠨ ᠤ ᠪᠠᠭ ᠵᠡᠭᠦᠵᠦ᠂ ᠪᠡᠶᠡ ᠳᠡᠭᠡᠨ ᠪᠠᠭᠠᠳᠤᠷ ᠬᠦᠮᠦᠨ ᠤ ᠡᠮᠦᠰᠭᠡᠯ ᠰᠢᠭ ᠤᠷᠲᠦ ᠲᠤᠷᠭᠠᠨ ᠲᠡᠷᠯᠢᠭ ᠵᠡᠷᠭᠡ ᠶᠢ | ᠴᠢᠮᠡᠭᠯᠡᠵᠦ ᠰᠦᠪᠡᠭᠡ ᠪᠠᠨ ᠲᠤᠯᠵᠦ᠂ ᠲᠡᠭᠦᠨ ᠤ ᠬᠤᠶᠠᠷ ᠲᠡᠯᠡ ᠪᠠᠷ ᠨᠢ ᠨᠠᠢᠮᠠ ᠨᠠᠢᠮᠠᠨ ᠬᠦᠮᠦᠨ ᠬᠡᠮᠡᠷᠯᠢᠭ ᠲᠡᠷᠯᠢᠭ | ᠡᠮᠦᠰᠴᠦ᠂ ᠲᠤᠯᠤᠭᠠᠢ ᠳᠠᠭᠠᠨ ᠶᠠᠰᠦ ᠶᠢ ᠬᠡᠯᠬᠢᠵᠦ ᠴᠢᠮᠡᠭᠯᠡᠭᠰᠡᠨ ᠰᠠᠨᠵᠢᠯᠭᠠ ᠲᠠᠢ᠂ ᠪᠠᠶᠡ ᠳᠡᠭᠡᠨ ᠵᠠᠰᠠᠯ ᠴᠢᠮᠡᠭ | ᠵᠡᠭᠦᠵᠦ ᠭᠠᠷ ᠳᠠᠭᠠᠨ ᠬᠤᠩᠬᠤ ᠸᠴᠢᠷ ᠪᠠᠷᠢᠨ᠂ ᠦᠭᠡᠷ ᠪᠦᠷᠢᠶᠡ᠂ ᠬᠡᠩᠭᠡᠷᠭᠡ ᠴᠠᠩ ᠤᠨ ᠠᠶᠠᠰ ᠢᠶᠠᠷ ᠴᠠᠮᠨᠠᠨ | ᠪᠦᠵᠢᠭᠯᠡᠨᠡ᠃ ᠡᠨᠡ ᠴᠠᠮ ᠪᠠᠷᠤᠭ ᠬᠤᠶᠠᠷ ᠴᠠᠭ ᠬᠢᠷᠢᠲᠠᠢ ᠶᠠᠪᠤᠬᠳᠠᠳᠠᠭ᠃ | ᠬᠤᠷᠡᠯ ᠪᠠᠷᠠᠪᠡᠯ ᠵᠡᠷᠭᠡ ᠬᠡᠷᠭᠡᠮ ᠤᠨ ᠶᠡᠭᠡ ᠪᠠᠭᠠ᠂ ᠦᠭᠯᠢᠭᠡ ᠶᠢᠨ ᠶᠡᠭᠡ ᠪᠠᠭᠠ ᠪᠠᠷ ᠨᠢ ᠰᠦᠮᠡ ᠶᠢᠨ ᠰᠠᠩ | ᠳᠤ ᠵᠠᠯᠠᠵᠦ᠂ ᠪᠦᠬᠦᠯᠢ ᠬᠤᠨᠢᠨ ᠤᠭᠤᠴᠡ᠂ ᠲᠠᠯᠦ ᠲᠦᠷᠪᠠᠨ ᠦᠨᠳᠦᠷ ᠬᠠᠪᠢᠷᠭᠠ᠂ ᠰᠡᠭᠡᠷ ᠵᠡᠷᠭᠡ ᠪᠡ ᠡᠩ ᠤᠨ | ᠮᠦᠷᠭᠦᠯᠴᠢᠳ ᠲᠤ ᠬᠦᠷᠲᠡᠯᠡ ᠶᠡᠭᠡ ᠪᠠᠭᠠ ᠬᠡᠰᠡᠨ ᠢᠯᠭᠠᠯ ᠦᠭᠡᠢ ᠴᠢᠨᠠᠬᠰᠡᠨ ᠮᠢᠬᠠ᠂ ᠱᠦᠯᠦ ᠮᠠᠨᠳᠡᠦ ᠢᠲᠡᠭᠦᠯᠵᠦ᠂ | ᠴᠠᠭᠠᠨ ᠢᠲᠡᠭᠡᠨ ᠠᠪᠴᠢᠷᠠᠬᠰᠡᠨ ᠰᠠᠪᠠᠨ ᠳᠤᠨᠢ ᠲᠤᠳᠤᠷᠭᠠᠨ ᠠᠮᠦᠰᠦ ᠬᠢᠵᠦ ᠦᠭᠲᠡᠭ᠃ ᠡᠶᠢᠮᠦᠷᠭᠦ ᠬᠤᠷᠡᠯ ᠨᠢ ᠲᠤᠰ | ᠬᠤᠰᠢᠭᠤᠨ ᠳᠠᠭᠠᠨ ᠶᠡᠭᠡᠭᠡᠨ ᠬᠡᠮᠵᠢᠶᠠᠨ ᠤ ᠬᠤᠷᠡᠯ ᠴᠤᠬᠯᠠᠭᠠᠨ᠂ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠲᠤᠭᠠᠴᠠᠬᠳᠠᠵᠦ᠂ ᠨᠢᠭᠡ ᠵᠢᠯ | ᠤᠨ ᠠᠵᠢᠯ ᠠᠮᠢᠳᠤᠷᠡᠯ ᠳᠠᠭᠠᠨ ᠶᠠᠭᠠᠷᠠᠯᠳᠤᠬᠰᠡᠨ ᠬᠦᠮᠦᠰ ᠲᠤ ᠠᠯᠵᠢᠶᠠᠯ ᠢᠶᠠᠨ ᠲᠠᠶᠢᠯᠵᠦ᠂ ᠤᠳᠠᠭᠠᠨ ᠡᠳᠤᠷ | ᠤᠴᠠᠷᠠᠬᠰᠡᠨ ᠦᠭᠡᠢ ᠬᠦᠮᠦᠰ ᠲᠤ ᠬᠠᠷᠢᠯᠴᠠᠨ ᠠᠭᠤᠯᠵᠠᠵᠦ ᠶᠠᠷᠢᠯᠴᠠᠬᠤ ᠰᠠᠶᠢᠨ ᠲᠤᠬᠢᠶᠠᠯ ᠪᠤᠯᠵᠦ᠂ ᠬᠦᠷᠭᠡᠨ | ᠲᠤᠭᠤᠵᠦ᠂ ᠬᠡᠦᠭᠡᠨ ᠰᠢᠨᠵᠢᠬᠦ᠂ ᠵᠠᠯᠠᠭᠤᠴᠤᠳ ᠦᠶᠡᠷᠭᠡᠨ ᠨᠠᠭᠠᠳᠬᠤ ᠰᠤᠶᠤᠯ ᠤᠷᠠᠯᠢᠭ ᠤᠨ ᠲᠠᠭᠠᠯᠠᠮᠵᠢᠲᠠᠢ | ᠴᠤᠬᠯᠠᠭᠠᠨ ᠪᠤᠯᠳᠠᠭ ᠪᠠᠶᠢᠨᠡ᠃ ᠴᠢᠯᠦᠭᠡᠯᠡᠭᠲᠡᠬᠦ ᠦᠶᠡ ᠳᠤ ᠬᠤᠷᠢ ᠭᠠᠷᠤᠢ ᠯᠠᠮᠠ ᠲᠠᠢ ᠪᠠᠶᠢᠵᠠᠢ᠃ ᠲᠤᠰ ᠰᠦᠮᠡ ᠨᠢ | ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠠᠴᠠ ᠡᠮᠦᠨᠡ ᠪᠠᠶᠠᠨᠵᠢᠷᠦᠭᠡ ᠰᠤᠮᠤᠨ ᠤ ᠮᠠᠨᠳᠠᠯ ᠪᠠᠷᠢᠭᠠᠲᠡ ︵ᠭᠠᠴᠠᠭᠠ︶ ᠶᠢᠨ ᠲᠦᠪ | ᠪᠠᠶᠢᠪᠡ᠃ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠲᠤᠮᠲᠡ ᠡᠪᠲᠡᠭᠲᠡᠨ ᠰᠦᠢᠳᠭᠡᠭᠲᠡᠵᠦ᠂ ᠬᠤᠭᠤᠰᠤᠨ ᠪᠠᠭᠤᠷᠢ ᠨᠢ ᠤᠳᠤ | ᠶᠢᠨ ᠪᠠᠶᠠᠨᠵᠢᠷᠦᠭᠡ ᠰᠤᠮᠤᠨ ᠤ ᠮᠠᠨᠳᠠᠯ ᠭᠠᠴᠠᠭᠠᠨ ᠳᠤ ᠬᠤᠴᠤᠷᠪᠡ᠃ | |