| ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠬᠤᠪᠴᠠᠰᠦ ᠬᠤᠨᠠᠷ ᠬᠡᠲᠡᠭ ᠡᠬᠢᠯᠡᠩᠭᠦᠲᠡ ᠨᠢᠭᠤᠴᠠᠬᠠᠢ ᠵᠦᠢᠯ ᠢᠶᠠᠨ ᠲᠠᠯᠳᠠᠯᠠᠬᠤ | ᠬᠠᠯᠬᠠᠪᠴᠢ ᠪᠦᠰ ᠲᠡᠳᠤᠢ ᠶᠠᠭᠤᠮᠡ ᠪᠠᠶᠢᠬᠰᠡᠨ ᠢᠶᠠᠨ ᠰᠡᠭᠦᠯ ᠳᠤᠨᠢ ᠪᠤᠳᠠᠲᠦ ᠬᠡᠷᠡᠭᠯᠡᠭᠡᠨ ᠤ ᠴᠢᠨᠠᠷᠲᠠᠢ ᠪᠦᠬᠡᠳ | ᠭᠤᠸᠠ ᠰᠠᠶᠢᠬᠠᠨ ᠤ ᠶᠠᠭᠤᠮᠡ ᠪᠤᠯᠵᠦ ᠤᠯᠠᠷᠢᠪᠡ᠃ ᠤᠷᠴᠢᠨ ᠲᠤᠭᠤᠷᠢᠨ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠬᠤᠪᠴᠠᠰᠦ | ᠵᠠᠰᠠᠯ ᠤᠨ ᠦᠨᠳᠦᠰᠦᠨ ᠶᠠᠩᠵᠦ ᠬᠡᠯᠪᠡᠷᠢ᠂ ᠵᠤᠵᠠᠭᠠᠨ ᠨᠢᠮᠭᠡᠨ ᠵᠢᠴᠢ ᠡᠳ᠋ ᠮᠠᠲ᠋ᠧᠷᠢᠶᠡᠯ ᠤᠨ ᠵᠦᠢᠯ ᠢ ᠰᠢᠢᠳᠪᠦᠷᠢᠯᠡᠵᠦ᠂ | ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠵᠦᠢ ᠶᠢᠨ ᠤᠷᠴᠢᠨ ᠠᠬᠤᠢ ᠪᠤᠯᠤᠨ ᠠᠳᠠᠯᠢ ᠪᠤᠰᠤ ᠠᠭᠤᠷ ᠠᠮᠢᠰᠬᠤᠯ ᠳᠤ ᠵᠤᠬᠢᠴᠠᠭᠤᠯᠤᠨ | ᠬᠦᠮᠦᠰ ᠠᠳᠠᠯᠢ ᠪᠤᠰᠤ ᠬᠤᠪᠴᠠᠰᠦ᠂ ᠵᠠᠰᠠᠯ ᠵᠢᠮᠰᠡᠭ ᠢ ᠬᠡᠷᠡᠭᠯᠡᠲᠡᠭ᠃ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ ᠠᠬᠤᠢ ᠶᠢᠨ | ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ᠂ ᠴᠢᠬᠢᠭ ᠬᠠᠭᠤᠷᠠᠢ ᠶᠢᠨ ᠪᠠᠶᠢᠲᠡᠯ ᠪᠤᠯᠤᠨ ᠰᠠᠯᠬᠢ ᠵᠢᠪᠡᠷ ᠤᠨ ᠪᠠᠶᠢᠲᠡᠯ ᠵᠡᠷᠭᠡ ᠡᠯᠧᠮᠧᠨ᠋ᠲ ᠨᠢ | ᠪᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠬᠢᠬᠦ ᠳᠤ ᠡᠷᠭᠡᠪᠰᠢ ᠪᠤᠳᠤᠯᠬᠢᠯᠠᠭᠤᠰᠢᠲᠠᠢ ᠪᠤᠰᠤᠳᠴᠢ ᠨᠦᠬᠦᠴᠡᠯ ᠮᠦᠨ᠃ ᠬᠤᠪᠴᠠᠰᠦ ᠵᠠᠰᠠᠯ | ᠤᠨ ᠪᠤᠷᠦ ᠮᠠᠲ᠋ᠧᠷᠢᠶᠡᠯ ᠨᠢ ᠡᠩ ᠤᠨ ᠪᠠᠶᠢᠲᠡᠯ ᠳᠤ ᠠᠭᠤᠷᠬᠠᠢ ᠡᠷᠦᠲᠡᠰᠦ ︵ᠠᠯᠮᠠᠰ᠂ ᠪᠤᠳᠤᠬᠲᠦ ᠡᠳ᠋︶ ᠪᠤᠯᠤᠨ | ᠠᠮᠢᠲᠡᠨ ᠬᠦᠷᠦᠭᠡᠰᠦ᠂ ᠤᠷᠭᠤᠮᠠᠯ ᠵᠡᠷᠭᠡ ᠠᠴᠠ ᠡᠬᠢ ᠠᠪᠲᠠᠭ᠃ ᠵᠢᠱᠢᠶᠡᠯᠡᠬᠦ ᠳᠤ᠂ ᠠᠷᠡᠰᠦ ᠨᠤᠤᠰᠦ᠂ ᠬᠦᠪᠦᠩ᠂ | ᠲᠤᠷᠭᠠ ᠵᠡᠷᠭᠡ᠃ ᠶᠡᠭᠡ ᠲᠦᠯᠦᠪ ᠠᠳᠠᠯᠢᠪᠳᠤᠷ ᠭᠠᠵᠠᠷ ᠤᠷᠤᠨ ᠳᠤ ᠠᠮᠢᠳᠤᠷᠠᠵᠦ ᠪᠦᠬᠦᠢ ᠠᠳᠠᠯᠢ ᠪᠤᠰᠤ | ᠦᠨᠳᠦᠰᠦᠲᠡᠨ ︵ᠠᠶᠢᠮᠠᠭ ᠪᠦᠯᠦᠭ︶ ᠤ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠶᠠᠩᠵᠦ ᠬᠡᠯᠪᠡᠷᠢ᠂ ᠬᠡᠪ ᠨᠠᠮᠪᠡ ᠪᠠᠷᠤᠭ ᠪᠦᠷ | ᠠᠳᠠᠯᠢᠪᠳᠤᠷ ᠪᠠᠶᠢᠳᠠᠭ᠃ ᠲᠡᠦᠭᠡᠨ ᠲᠡᠭᠡᠷᠡ ᠾᠦᠩᠨᠤ᠂ ᠲᠦᠷᠺ᠂ ᠬᠢᠲᠡᠨ ᠵᠡᠷᠭᠡ ᠲᠡᠯᠡ ᠨᠤᠳᠤᠭ ᠤᠨ ᠬᠦᠮᠦᠰ ᠪᠠᠷᠤᠭ | ᠪᠦᠷ ᠤᠷᠲᠦ ᠬᠤᠪᠴᠠᠰᠦ᠂ ᠦᠨᠳᠦᠷ ᠲᠦᠷᠠᠶᠢᠲᠦ ᠭᠤᠳᠤᠯ ᠡᠮᠦᠰᠲᠡᠭ᠃ ᠠᠳᠠᠯᠢ ᠨᠢᠭᠡᠨ ᠴᠠᠭ ᠦᠶᠡ ᠳᠤ᠂ ᠠᠷᠠᠪ ᠤᠨ | ᠬᠤᠶᠢᠭ ᠲᠤ ᠠᠮᠢᠳᠤᠷᠠᠵᠦ ᠪᠠᠶᠢᠭᠠ ᠨᠡᠭᠦᠲᠡᠯᠴᠢ ᠮᠠᠯᠴᠢᠨ ᠦᠨᠳᠦᠰᠦᠲᠡᠨ ᠤ ᠠᠷᠡᠪ ᠬᠦᠮᠦᠨ ᠪᠤᠯᠤᠨ ᠮᠤᠩᠭᠤᠯ ᠤᠨ | ᠦᠨᠳᠦᠷᠯᠢᠭ ᠳᠠᠬᠢ ᠨᠡᠭᠦᠲᠡᠯᠴᠢ ᠮᠠᠯᠴᠢᠨ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠤᠳ ᠴᠦ ᠶᠡᠭᠡ ᠲᠦᠯᠦᠪ | ᠠᠳᠠᠯᠢᠪᠳᠤᠷ ᠪᠠᠶᠢᠳᠠᠭ᠃ ᠲᠡᠭᠡᠪᠡᠴᠦ ᠵᠡᠭᠦᠨ ᠬᠤᠶᠢᠲᠦ ᠠᠽᠢᠶᠡ ᠶᠢᠨ ᠤᠢ ᠶᠢᠨ ᠢᠷᠭᠡᠳ ᠪᠤᠯᠤᠨ ᠲᠡᠯᠡ ᠨᠤᠳᠤᠭ ᠤᠨ | ᠠᠶᠢᠮᠠᠭ ᠪᠦᠯᠦᠭ ᠤᠨ ᠬᠢᠨ ᠬᠤᠪᠴᠠᠰᠦ ᠵᠠᠰᠠᠯ ᠬᠤᠭᠤᠷᠤᠨᠲᠦ ᠪᠠᠨ ᠶᠡᠭᠡ ᠵᠦᠷᠢᠶᠡ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠦᠭᠡᠷᠡ | ᠪᠠᠷ ᠬᠡᠯᠡᠪᠡᠯ᠂ ᠠᠮᠢᠳᠤᠷᠡᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠠᠳᠠᠯᠢ ᠪᠤᠶᠦ ᠠᠳᠠᠯᠢᠪᠳᠤᠷ ᠬᠦᠮᠦᠰ ᠠᠮᠢᠳᠤᠷᠡᠯ ᠦᠢᠯᠡᠳᠤᠯᠭᠡ | ᠲᠤᠮᠲᠡ ᠡᠭᠦᠲᠦᠨ ᠪᠦᠲᠦᠭᠡᠭᠰᠡᠨ ᠠᠳᠠᠯᠢᠪᠳᠤᠷ ᠬᠡᠪ ᠨᠡᠮᠪᠡ ᠲᠠᠢ ᠬᠤᠪᠴᠠᠰᠦ ᠵᠠᠰᠠᠯ ᠢ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠲᠡᠭ᠃ | ᠶᠠᠭ ᠡᠶᠢᠮᠦ ᠤᠴᠢᠷ ᠠᠴᠠ ᠦᠢᠯᠡᠳᠪᠦᠷᠢᠯᠡᠯ᠂ ᠠᠮᠢᠳᠤᠷᠡᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠤᠨ ᠦᠭᠡᠷᠡᠴᠢᠯᠡᠯᠲᠡ ᠬᠢᠭᠡᠳ | ᠠᠳᠠᠯᠢ ᠪᠤᠰᠤ ᠦᠨᠳᠦᠰᠦᠲᠡᠨ ᠤ ᠪᠤᠯᠪᠠᠰᠤᠨ ᠤ ᠰᠤᠯᠢᠯᠴᠠᠭᠠ ᠪᠤᠯᠤᠨ ᠨᠦᠯᠦᠭᠡᠯᠡᠯ ᠢ ᠲᠠᠭᠠᠯᠳᠤᠨ᠂ ᠬᠤᠪᠴᠠᠰᠦ | ᠵᠠᠰᠠᠯ ᠴᠦ ᠲᠠᠰᠤᠷᠡᠯᠲᠡ ᠦᠭᠡᠢ ᠬᠤᠪᠢᠷᠠᠵᠦ ᠪᠠᠶᠢᠳᠠᠭ ᠭᠡᠵᠦ ᠪᠤᠯᠬᠤ ᠶᠤᠮ᠃ ᠵᠢᠱᠢᠶᠡᠯᠡᠪᠡᠯ᠂ ᠡᠷᠲᠡ ᠤ | ᠮᠤᠩᠭᠤᠯᠴᠤᠳ ᠡᠪᠤᠯ ᠳᠡᠭᠡᠨ ᠠᠷᠢᠶᠠᠳᠠᠨ ᠬᠦᠷᠦᠭᠡᠰᠦᠨ ᠤ ᠠᠷᠡᠰᠦ ᠪᠠᠷ ᠬᠢᠭᠰᠡᠨ ᠲᠡᠪᠡᠯ ᠡᠮᠦᠰᠴᠦ ᠪᠠᠶᠢᠬᠰᠡᠨ ᠢᠶᠠᠨ | ᠶᠤᠸᠠᠨ ᠤᠯᠤᠰ ᠠᠴᠠ ᠬᠤᠶᠢᠰᠢ ᠬᠦᠪᠦᠩ ᠨᠡᠭᠡᠮᠡᠯ᠂ ᠲᠤᠷᠭᠠ ᠪᠦᠰ ᠵᠡᠷᠭᠡ ᠶᠢᠨ ᠡᠮᠦᠰᠭᠡᠯ ᠭᠡᠷᠡᠭᠯᠡᠬᠦ ᠪᠤᠯᠵᠦ ᠪᠢᠯᠡ᠃ | ᠯᠠᠮᠠ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠨᠤᠳᠤᠭ ᠲᠤ ᠤᠯᠠᠮᠵᠢᠯᠠᠬᠳᠠᠭᠰᠡᠨ ᠠᠴᠠ ᠴᠢᠪᠠᠭᠠᠨ ᠬᠦᠷᠡᠩ ᠦᠩᠭᠡ ᠲᠠᠢ ᠬᠤᠪᠴᠠᠰᠦ | ᠡᠮᠦᠰᠬᠦ ᠪᠤᠯᠪᠡ᠃ ᠤᠷᠴᠢᠨ ᠦᠶᠡ ᠪᠤᠯᠵᠦ ᠢᠷᠡᠭᠡᠳ ᠮᠠᠨᠵᠦ᠂ ᠬᠢᠲᠡᠳ ᠦᠨᠳᠦᠰᠦᠲᠡᠨ ᠬᠢᠭᠡᠳ ᠮᠤᠩᠭᠤᠯ ᠬᠦᠮᠦᠨ ᠤ | ᠬᠠᠷᠢᠴᠠᠭᠠ ᠶᠠᠪᠤᠬᠤ ᠲᠤᠰᠤᠮ ᠨᠢᠬᠳᠠᠷᠠᠭᠰᠡᠨ ᠠᠴᠠ ᠠᠳᠠᠷ ᠬᠠᠭᠠᠯᠪᠦᠷᠢᠯᠠᠬᠳᠠᠨ ᠲᠠᠷᠢᠶᠡ ᠲᠠᠷᠢᠵᠦ ᠤᠯᠠᠮᠵᠢᠯᠠᠯᠲᠦ | ᠨᠡᠭᠦᠳᠠᠯᠴᠢ ᠮᠠᠯᠵᠢᠬᠤ ᠦᠨᠳᠦᠰᠦᠲᠡᠨ ᠤ ᠠᠵᠦ ᠦᠢᠯᠡᠰ ᠤᠯᠠᠮ ᠢᠶᠠᠷ ᠲᠤᠷᠤᠶᠢᠳᠠᠭᠰᠡᠨ ᠲᠤᠯᠠ ᠮᠤᠩᠭᠤᠯᠴᠤᠳ ᠤᠨ | ᠠᠮᠢᠳᠤᠷᠡᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠴᠦ ᠮᠠᠰᠢ ᠶᠡᠭᠡ ᠬᠤᠪᠢᠷᠠᠯᠲᠡ ᠲᠠᠢ ᠪᠤᠯᠵᠠᠢ᠃ ᠶᠡᠭᠡ ᠬᠡᠮᠵᠢᠶᠠᠨ ᠤ ᠨᠡᠭᠦᠲᠡᠯ ᠤᠨ | ᠮᠠᠯ ᠠᠵᠦ ᠠᠬᠤᠢ ᠨᠢᠭᠡᠨᠲᠡ ᠲᠡᠦᠭᠡ ᠪᠤᠯᠤᠭᠰᠡᠨ ᠦᠨᠦᠳᠤᠷ ᠮᠠᠯᠴᠢᠳ ᠬᠢᠵᠠᠭᠠᠷ ᠲᠠᠢ ᠪᠡᠯᠴᠢᠭᠡᠷ ᠲᠡᠭᠡᠨ ᠮᠠᠯ ᠢᠶᠠᠨ | ᠬᠠᠰᠢᠶᠠᠯᠠᠳᠠᠭ ᠪᠤᠯᠬᠤᠷ ᠬᠤᠯᠠ ᠠᠶᠠᠨ ᠤ ᠨᠡᠭᠦᠲᠡᠯ ᠳᠤ ᠶᠠᠪᠤᠵᠦ ᠮᠤᠷᠢ ᠤᠨᠤᠬᠤ ᠪᠠᠨ ᠪᠤᠯᠢᠭᠠᠳ ᠤᠷᠲᠦ | ᠬᠤᠪᠴᠠᠰᠦ᠂ ᠦᠨᠳᠦᠷ ᠲᠦᠷᠡᠶᠢᠲᠦ ᠭᠤᠳᠤᠯ ᠵᠡᠷᠭᠡ ᠶᠢᠨ ᠬᠡᠷᠡᠭᠯᠡᠭᠡᠨ ᠤ ᠦᠷᠲᠡᠭ ᠨᠢ ᠶᠡᠭᠡ ᠪᠠᠷ ᠪᠠᠭᠤᠷᠠᠭᠠᠳ ᠤᠳᠤ | ᠵᠦᠪᠭᠡᠨ ᠪᠡᠯᠭᠡᠲᠡᠯ ᠤᠨ ᠵᠠᠰᠠᠯ ︵ᠶᠤᠰᠤᠯᠡᠯ᠂ ᠨᠠᠶᠢᠷ ᠬᠤᠷᠢᠮ ᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ︶ ᠲᠡᠳᠤᠢ ᠪᠤᠯᠵᠦ ᠴᠢᠬᠤᠯᠠ ᠪᠠᠶᠠᠷ | ᠲᠤᠷᠠᠰᠬᠠᠯ ᠤᠨ ᠡᠳᠤᠷ ᠪᠤᠶᠦ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠯᠡ ᠡᠮᠦᠰᠲᠡᠭ ᠪᠤᠯᠵᠠᠢ᠃ ᠲᠠᠷᠡ ᠨᠢ ᠡᠮᠦᠰᠭᠡᠯ ᠵᠠᠰᠠᠯ ᠤᠨ | ᠭᠤᠸᠠ ᠰᠠᠶᠢᠬᠠᠨ ᠤ ᠦᠨᠡ ᠦᠷᠲᠡᠭ ᠢ ᠢᠯᠡᠳᠭᠡᠬᠦ ᠠᠴᠠ ᠭᠠᠳᠠᠨᠡ ᠨᠡᠩ ᠴᠢᠬᠤᠯᠠ ᠨᠢ ᠨᠢᠭᠡᠨ ᠰᠤᠶᠤᠯ ᠤᠨ ᠪᠡᠯᠭᠡ | ᠲᠡᠮᠲᠡᠭ ᠪᠤᠶᠦ ᠨᠢᠭᠡ ᠦᠨᠳᠦᠰᠦᠲᠡᠨ ᠤ ᠤᠳᠤᠮᠰᠢᠯᠲᠦ ᠰᠤᠶᠤᠯ ᠤᠨ ᠲᠤᠷᠠᠰᠤᠮᠵᠢ ᠪᠤᠯᠤᠭᠰᠡᠨ ᠪᠠᠶᠢᠨᠡ᠃ | ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠬᠦᠭᠵᠢᠯᠲᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠷᠲᠦ ᠬᠤᠭᠤᠴᠠᠭᠠ ᠪᠠᠷ | ᠠᠮᠢᠳᠤᠷᠡᠵᠦ ᠢᠷᠡᠭᠰᠡᠨ ᠲᠡᠯᠡ ᠨᠤᠳᠤᠭ ᠤᠨ ᠭᠠᠵᠠᠷ ᠵᠦᠢ᠂ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠨᠢᠬᠲᠡ ᠬᠠᠷᠢᠴᠠᠭᠠ ᠲᠠᠢ ᠪᠢᠯᠡ᠃ | ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠡᠪᠦᠯ ᠳᠡᠭᠡᠨ ᠲᠡᠰᠬᠢᠮᠡ ᠬᠦᠢᠲᠡᠨ᠂ ᠵᠤᠨ ᠳᠠᠭᠠᠨ ᠪᠦᠭᠴᠢᠮᠡ ᠬᠠᠯᠠᠭᠤᠨ᠂ ᠬᠠᠪᠤᠷ | ᠲᠠᠭᠠᠨ ᠭᠠᠩ ᠬᠠᠭᠤᠷᠠᠢ᠂ ᠨᠠᠮᠦᠷ ᠲᠠᠭᠠᠨ ᠰᠡᠷᠢᠭᠦᠨ ᠠᠭᠤᠷ ᠠᠮᠢᠰᠬᠤᠯ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠦ | ᠵᠠᠰᠠᠯ ᠤᠨ ᠵᠤᠵᠠᠭᠠᠨ ᠨᠢᠮᠭᠡᠨ᠂ ᠤᠷᠲᠦ ᠤᠬᠤᠷ ᠵᠡᠷᠭᠡ ᠤᠯᠠᠷᠢᠯ ᠤᠨ ᠤᠨᠴᠠᠯᠢᠭ ᠢ ᠪᠦᠷᠢᠯᠳᠤᠭᠦᠯᠵᠠᠢ᠃ ᠠᠯᠢ ᠴᠦ | ᠦᠨᠳᠦᠰᠦᠲᠡᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠴᠦ ᠪᠦᠷ ᠬᠦᠭᠵᠢᠯᠲᠡ ᠶᠢᠨ ᠲᠤᠮᠲᠡ ᠰᠤᠶᠤᠯ᠂ ᠲᠠᠪᠬᠤᠷᠭᠠ᠂ ᠱᠠᠰᠢᠨ | ᠰᠤᠷᠳᠠᠬᠤᠨ ᠵᠡᠷᠭᠡ ᠨᠡᠶᠢᠭᠡᠮᠴᠢ ᠴᠢᠨᠠᠷ ᠢ ᠤᠯᠠᠮᠵᠢᠯᠠᠵᠦ ᠪᠠᠶᠢᠳᠠᠭ᠃ ᠠᠳᠠᠯᠢᠬᠠᠨ ᠬᠡᠪ ᠨᠡᠮᠪᠡ ᠪᠦᠬᠦᠢ ᠬᠤᠪᠴᠠᠰᠦ | ᠵᠠᠰᠠᠯ ᠨᠢ ᠵᠠᠷᠢᠮ ᠨᠠᠷᠢᠯᠢᠭ ᠲᠡᠯᠡ ᠶᠢᠨ ᠤᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠷᠢ ᠰᠠᠭᠤᠷᠢ᠂ ᠬᠦᠢᠰᠦ ᠴᠢᠨᠠᠷ ᠤᠨ | ᠢᠯᠭᠠᠯ ᠢ ᠲᠤᠳᠤᠯᠠᠵᠦ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠳᠤ ᠱᠠᠰᠢᠨ ᠰᠤᠷᠳᠠᠬᠤᠨ᠂ ᠶᠤᠰᠤᠯᠠᠯ ᠵᠢᠷᠤᠮ᠂ | ᠤᠳᠬᠠ ᠤᠷᠠᠯᠢᠭ᠂ ᠪᠡᠯᠭᠡ ᠲᠡᠮᠲᠡᠭ ᠵᠡᠷᠭᠡ ᠤᠯᠠᠨ ᠲᠡᠯᠡ ᠶᠢᠨ ᠤᠬᠠᠬᠳᠠᠬᠤᠨ ᠢ ᠬᠠᠮᠤᠷᠴᠦ ᠢᠯᠡᠳᠭᠡᠲᠡᠭ᠃ ᠡᠯᠪᠡᠭ | ᠠᠭᠤᠵᠢᠭᠤ᠂ ᠡᠪᠯᠢᠭ ᠲᠤᠬᠢᠳᠠᠢ ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠮᠤᠩᠭᠤᠯ ᠬᠦᠮᠦᠨ ᠤ ᠠᠭᠤᠵᠢᠮ ᠲᠠᠯᠪᠢᠭᠤ᠂ | ᠡᠷᠬᠢᠮᠰᠦᠭ ᠴᠢᠯᠦᠭᠡᠲᠠᠢ ᠭᠤᠸᠠ ᠰᠠᠶᠢᠬᠠᠨ ᠤ ᠬᠦᠭᠡᠭᠡᠴᠡᠯᠳᠤᠯ ᠢ ᠢᠯᠡᠳᠭᠡᠬᠦ ᠶᠢᠨ ᠬᠠᠮᠲᠦ ᠮᠤᠩᠭᠤᠯ ᠬᠦᠮᠦᠨ ᠤ | ᠡᠷᠡᠮᠡᠭᠡᠢ ᠰᠢᠯᠤᠭᠤᠨ᠂ ᠠᠭᠤᠳᠠᠮ ᠦᠭᠬᠢᠶᠠᠮᠤᠷᠴᠢ ᠵᠠᠩ ᠴᠢᠨᠠᠷ ᠢ ᠢᠯᠡᠳᠭᠡᠲᠡᠭ ᠪᠤᠳᠠᠳᠠᠢ ᠬᠡᠷᠡᠴᠢ ᠮᠦᠨ᠃ ᠡᠭᠡ | ᠪᠠᠶᠢᠭᠠᠯᠢ ᠶᠢᠨ ᠵᠢᠮᠡ ᠬᠠᠦᠯᠢ ᠳᠤ ᠡᠷᠭᠡᠰᠢᠶᠡᠭᠲᠡᠲᠡᠭ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠦᠨᠳᠦᠰᠦᠨ ᠵᠠᠷᠴᠢᠮ ᠶᠤᠮ᠃ | ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠦᠭᠬᠢᠶᠠᠮᠦᠷᠴᠢ ᠪᠠᠶᠠᠨ ᠠᠭᠤᠳᠠᠮ ᠬᠠᠩᠭᠠᠢ ᠡᠭᠡ ᠪᠠᠶᠢᠭᠠᠯᠢ | ᠲᠠᠢ ᠪᠠᠨ ᠡᠪ ᠵᠤᠬᠢᠴᠠᠯᠳᠤᠬᠰᠡᠨ ᠤ ᠢᠯᠡᠷᠡᠯ ᠪᠢᠯᠡ᠃ ᠦᠨᠦᠳᠤᠷ᠂ ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠬᠡᠷᠡᠭᠴᠡᠭᠡ | ᠪᠠᠭᠠᠰᠴᠦ᠂ ᠡᠭᠡ ᠪᠠᠶᠢᠭᠠᠯᠢ ᠪᠤᠯᠤᠨ ᠲᠡᠦᠭᠡ ᠶᠢᠨ ᠰᠢᠯᠢᠯᠲᠡ ᠠᠴᠠ ᠪᠤᠯᠵᠦ ᠮᠤᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠦ ᠵᠠᠰᠠᠯ | ᠴᠦ ᠦᠭᠡᠷᠡᠳᠴᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠡ᠃ | ᠮᠤᠩᠭᠤᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠬᠢᠭᠡᠳ ᠪᠦᠰᠡᠭᠦᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠬᠤᠨᠠᠷ ᠮᠠᠰᠢ | ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠪᠠᠭᠴᠠᠯᠠᠭᠠᠳ ᠬᠡᠯᠡᠪᠡᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠪᠤᠷᠤᠬᠵᠢᠭᠤᠨ ᠡᠪᠯᠢᠭ | ᠪᠠᠶᠢᠵᠦ᠂ ᠪᠦᠰᠡᠭᠦᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠭᠤᠶᠦ ᠡᠷᠬᠢᠮᠰᠦᠭ᠂ ᠤᠷᠠᠨ ᠨᠠᠷᠢᠨ ᠪᠠᠶᠢᠳᠠᠭ᠃ | ᠮᠤᠩᠭᠤᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠳᠤ ᠮᠠᠯᠠᠭᠠᠢ᠂ ᠲᠤᠯᠤᠭᠠᠢ ᠶᠢᠨ ᠤᠷᠢᠶᠠᠯᠲᠡ᠂ ᠪᠦᠰᠡ᠂ | ᠭᠤᠳᠤᠯ᠂ ᠦᠢᠮᠤᠰᠤ᠂ ᠲᠡᠷᠯᠢᠭ᠂ ᠬᠠᠨᠵᠢᠶᠠᠷ᠂ ᠲᠠᠪᠬᠤᠷ ᠬᠤᠪᠴᠠᠰᠦ᠂ ᠬᠠᠨᠳᠠᠭᠠᠰᠦ᠂ ᠦᠮᠦᠲᠦ᠂ ᠲᠤᠤᠬᠤ ᠦᠮᠦᠲᠦ ᠵᠡᠷᠭᠡ | ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠲᠡᠷᠯᠢᠭ ᠨᠢ ᠡᠩ ᠤᠨ ᠪᠠᠶᠢᠳᠡᠯ ᠳᠤ ᠡᠯᠪᠡᠭ ᠠᠭᠤᠵᠢᠭᠤ᠂ ᠪᠤᠰᠤᠭᠠ ᠬᠤᠭᠤᠯᠠᠪᠴᠢ᠂ ᠶᠡᠭᠡ | ᠡᠩᠭᠡᠷ᠂ ᠦᠷᠭᠡᠨ ᠪᠦᠰᠡ᠂ ᠬᠤᠮᠢᠭᠠᠷ ᠬᠠᠨᠴᠤᠢ ᠲᠠᠢ ᠪᠡ ᠲᠠᠯᠪᠠᠭᠠᠷ ᠬᠤᠷᠮᠤᠢ ᠲᠠᠢ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ᠃ ᠮᠤᠩᠭᠤᠯ | ᠲᠡᠷᠯᠢᠭ ᠲᠤ ᠤᠤᠯ ᠨᠢ ᠲᠤᠭᠤᠷᠠᠢ ᠪᠤᠶᠦ ᠨᠢᠳᠤᠷᠭᠠ ᠬᠡᠵᠦ ᠪᠠᠶᠢᠬᠰᠡᠨ ᠦᠭᠡᠢ᠃ ᠮᠠᠨᠵᠦ ᠳᠤ ᠪᠠᠭᠤᠵᠦ ᠦᠭᠭᠦᠭᠰᠡᠨ | ᠤ ᠲᠠᠷᠠᠭᠠ ᠡᠶᠢᠮᠦ ᠦᠵᠡᠭᠲᠡᠯ ᠪᠤᠢ ᠪᠤᠯᠵᠠᠢ᠃ ᠡᠨᠡ ᠨᠢ ︽ᠨᠤᠬᠠᠢ ᠮᠤᠷᠢᠨ ᠤ ᠬᠦᠴᠦᠨ ᠢᠶᠠᠨ ᠡᠷᠭᠦᠶᠡ︾ ᠭᠡᠰᠡᠨ | ᠰᠠᠨᠠᠭᠠ ᠶᠢ ᠢᠯᠡᠳᠭᠡᠲᠡᠭ᠃ ᠡᠪᠦᠯ ᠳᠡᠭᠡᠨ ᠲᠡᠪᠡᠯ᠂ ᠵᠤᠨ ᠳᠠᠭᠠᠨ ᠲᠡᠷᠯᠢᠭ ᠡᠮᠦᠰᠲᠡᠭ᠃ ᠪᠦᠰᠡᠳᠠᠶᠢᠴᠤᠣᠯ ᠲᠡᠷᠯᠢᠭ | ᠡᠮᠦᠰᠬᠦ ᠳᠤ ᠮᠠᠰᠢ ᠤᠯᠠᠨ ᠴᠡᠭᠡᠷ ᠶᠤᠰᠤᠨ ᠪᠠᠶᠢᠳᠠᠭ᠃ ᠵᠢᠱᠢᠶᠠᠯᠡᠪᠡᠯ᠄ ᠵᠠᠭᠠᠮᠡ ᠵᠠᠬᠠ ᠪᠠᠨ ᠲᠡᠷᠢ ᠲᠡᠭᠰᠢ ᠪᠠᠶᠢᠯᠭᠠᠵᠦ᠂ | ᠬᠤᠭᠤᠯᠠᠪᠴᠢ ᠪᠠᠨ ᠤᠷᠪᠠᠭᠤᠯᠬᠤ ᠶᠢ ᠴᠡᠭᠡᠷᠯᠡᠲᠡᠭ ᠪᠡ ᠲᠡᠪᠡᠯ ᠲᠡᠷᠯᠢᠭ ᠤᠨ ᠵᠠᠭᠠᠮᠡ ᠵᠠᠬᠠ ᠶᠢ ᠭᠠᠷ ᠢᠶᠠᠷ ᠪᠠᠷᠢᠬᠤ᠂ | ᠲᠡᠭᠡᠭᠦᠷ ᠨᠢ ᠠᠯᠬᠤᠵᠦ ᠬᠢᠰᠬᠢᠬᠦ ᠶᠢ ᠴᠡᠭᠡᠷᠯᠡᠲᠡᠭ᠃ ᠲᠡᠷᠯᠢᠭ ᠡᠮᠦᠰᠬᠦ ᠳᠡᠭᠡᠨ ᠤᠷᠢᠳ ᠢᠶᠠᠷ ᠪᠠᠷᠠᠭᠤᠨ ᠬᠠᠨᠴᠤᠢ ᠶᠢ | ᠬᠠᠨᠴᠤᠶᠢᠯᠠᠵᠦ᠂ ᠲᠠᠷᠠᠭᠠ ᠳᠤᠨᠢ ᠪᠡᠶᠡ ᠪᠠᠨ ᠡᠷᠬᠢᠵᠦ ᠢᠷᠡᠨ ᠵᠠᠭᠦᠨ ᠬᠠᠨᠴᠤᠢ ᠪᠠᠨ ᠬᠠᠨᠴᠤᠶᠢᠯᠠᠳᠠᠭ᠃ ᠲᠡᠷᠯᠢᠭ ᠢᠶᠠᠨ | ᠲᠠᠶᠢᠯᠬᠤ ᠳᠤ ᠨᠠᠷᠡ ᠪᠤᠷᠤᠭᠤ ᠴᠢᠭᠯᠡᠯ ᠢᠶᠠᠷ ᠪᠦᠰᠡ ᠪᠠᠨ ᠠᠯᠳᠠᠷᠭᠠᠵᠦ᠂ ᠤᠷᠢᠳ ᠢᠶᠠᠷ ᠵᠠᠭᠦᠨ ᠬᠠᠨᠴᠤᠢ ᠪᠠᠨ᠂ | ᠲᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠬᠠᠨᠴᠤᠢ ᠪᠠᠨ ᠮᠤᠯᠳᠤᠯᠳᠠᠭ᠃ ᠮᠤᠩᠭᠤᠯ ᠲᠡᠷᠯᠢᠭ ᠨᠢ ᠤᠯᠠᠭᠠᠨ᠂ ᠨᠤᠭᠤᠭᠠᠨ᠂ ᠬᠦᠭᠡ᠂ ᠶᠠᠭᠠᠨ᠂ | ᠴᠠᠭᠠᠨ᠂ ᠴᠡᠩᠭᠡᠷ᠂ ᠬᠦᠷᠡᠩ ᠵᠡᠷᠭᠡ ᠢᠯᠭᠤᠮ ᠦᠩᠭᠡ ᠶᠢ ᠡᠷᠬᠢᠮᠯᠡᠵᠦ᠂ ᠲᠤᠪᠴᠢ ᠰᠢᠯᠢᠮ ︵ᠰᠢᠯᠪᠢ︶ ᠢ ᠨᠢ ᠠᠯᠲᠡ᠂ | ᠮᠦᠩᠭᠦ᠂ ᠭᠠᠦᠯᠢ ︵ᠵᠠᠰ︶ ᠪᠠᠷ ᠬᠢᠵᠦ᠂ ᠶᠡᠭᠡ ᠪᠠᠭᠠ ᠨᠢ ᠬᠦᠭᠰᠢᠨ᠂ ᠵᠠᠯᠠᠭᠤ᠂ ᠬᠡᠦᠭᠡᠳ ᠤᠨ ᠨᠠᠰᠤᠨ ᠤ ᠢᠯᠭᠠᠯ ᠢᠶᠠᠷ | ᠪᠤᠯᠳᠠᠭ᠃ | ᠮᠤᠩᠭᠤᠯ ᠪᠦᠰᠡᠭᠦᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠡᠳ᠋ ᠮᠠᠲ᠋ᠧᠷᠢᠶᠡᠯ᠂ ᠦᠩᠭᠡ ᠪᠤᠳᠤᠭ ᠵᠢᠴᠢ ᠦᠢᠯᠡ | ᠤᠶᠤᠳᠠᠯ᠂ ᠡᠮᠵᠢᠶᠠᠷᠢ᠂ ᠴᠢᠮᠡᠭᠯᠡᠯ᠂ ᠤᠷᠡ ᠮᠡᠷᠭᠡᠵᠢᠯ ᠤᠨ ᠲᠡᠯᠡ ᠪᠠᠷ ᠨᠠᠷᠢᠯᠢᠭ ᠡᠷᠬᠢᠮᠰᠦᠭ ᠪᠠᠶᠢᠵᠦ᠂ ᠢᠯᠠᠩᠭᠤᠶᠠ | ᠲᠤᠯᠤᠭᠠᠢ ᠶᠢᠨ ᠵᠢᠮᠰᠡᠭ ᠤᠨ ᠭᠤᠶᠤᠯᠠᠯ ᠤᠨ ᠤᠷᠡ ᠮᠡᠷᠭᠡᠵᠢᠯ ᠪᠤᠯᠤᠨ ᠡᠲᠡᠭᠡᠳ ᠤᠨᠴᠠᠯᠢᠭ ᠢᠶᠠᠷ ᠢᠶᠠᠨ | ᠪᠦᠰᠡᠳᠠᠶᠢᠴᠤᠤᠯ ᠲᠠᠢ ᠤᠨᠴᠠ ᠢᠯᠭᠠᠬᠳᠠᠳᠠᠭ᠃ ᠮᠤᠩᠭᠤᠯ ᠪᠦᠰᠡᠬᠦᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠳᠤ ᠬᠡᠦᠭᠡᠨ | ᠦᠬᠢᠨ᠂ ᠬᠡᠷᠭᠡᠢ᠂ ᠰᠢᠨᠡ ᠪᠡᠷᠢ᠂ ᠡᠮᠡᠭᠡᠨ ᠵᠡᠷᠭᠡ ᠪᠦᠷ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠦᠬᠢᠳ ᠡᠩ ᠤᠨ ᠪᠠᠶᠢᠲᠡᠯ ᠳᠤ | ᠮᠠᠯᠠᠭᠠᠢ ᠡᠮᠦᠰᠲᠡᠭ ᠦᠭᠡᠢ᠃ ᠲᠡᠳᠠᠨᠤᠰ ᠶᠠᠭᠠᠨ᠂ ᠴᠠᠭᠠᠨ᠂ ᠨᠤᠭᠤᠭᠠᠨ ᠦᠩᠭᠡ ᠶᠢᠨ ᠲᠤᠷᠳᠤᠩ ᠢᠶᠠᠷ ᠬᠦᠮᠦᠰᠭᠡᠨ ᠤ | ᠪᠠᠨ ᠲᠡᠭᠡᠭᠦᠷ ᠲᠤᠯᠤᠭᠠᠢ ᠪᠠᠨ ᠤᠷᠢᠶᠠᠵᠦ ︵ᠵᠤᠯᠠᠢ ᠨᠢ ᠢᠯᠡ︶ ᠠᠮᠢᠲᠦ ᠵᠠᠩᠬᠢᠳᠤᠭᠠ ᠭᠠᠷᠭᠠᠨ ᠠᠷᠦ ᠲᠠᠶᠢᠰᠢ ᠪᠠᠨ | ᠪᠤᠶᠦ ᠪᠠᠷᠠᠭᠤᠨ ᠰᠠᠴᠢᠭ ᠤᠷᠤᠭᠤ ᠤᠨᠵᠢᠭᠤᠯᠳᠠᠭ᠃ ᠨᠠᠰᠦ ᠡᠭᠡᠴᠢᠮᠡᠳ ᠤᠷᠤᠬᠯᠠᠭᠠ ᠦᠭᠡᠢ ᠡᠮᠡᠭᠲᠠᠢ ᠶᠢᠨ | ᠲᠤᠯᠤᠭᠠᠢ ᠶᠢᠨ ᠤᠷᠢᠶᠠᠯᠲᠡ ᠨᠢ ᠨᠠᠯᠢᠶᠠᠳ ᠤᠷᠲᠦ᠂ ᠪᠠᠷᠤᠭ ᠪᠦᠰᠡᠯᠡᠭᠦᠷ ᠬᠦᠷᠲᠡᠭ᠃ ᠮᠤᠩᠭᠤᠯ ᠦᠬᠢᠳ ᠲᠦᠷᠭᠦᠮ | ᠳᠡᠭᠡᠨ ᠪᠠᠶᠢᠬᠤ ᠳᠤ ᠭᠤᠶᠤᠯᠠᠵᠦ ᠴᠢᠮᠡᠬᠦ ᠶᠢ ᠲᠡᠮᠡᠢ ᠴᠢᠬᠤᠯᠠᠴᠢᠯᠠᠳᠠᠭ ᠦᠭᠡᠢ᠃ ᠬᠠᠷᠢᠨ ᠬᠠᠷᠢ ᠳᠤ ᠮᠤᠷᠳᠠᠬᠤ ᠪᠠᠷ | ᠪᠡᠯᠡᠨ ᠪᠤᠯᠤᠭᠰᠡᠨ ᠬᠡᠦᠭᠡᠨᠴᠤᠤᠯ ᠭᠤᠶᠤᠯᠠᠨ ᠵᠠᠰᠠᠬᠤ ᠨᠢ ᠦᠩᠭᠡ ᠢᠯᠭᠠᠷᠠᠨ ᠡᠲᠡᠭᠡᠳ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ | ᠰᠠᠨ᠃ | ᠮᠤᠩᠭᠤᠯ ᠬᠡᠦᠭᠡᠨᠴᠤᠤᠯ ᠠᠵᠢᠯᠰᠠᠭ ᠪᠤᠷᠤᠬᠵᠢᠭᠤᠨ ᠪᠦᠭᠡᠳ ᠶᠤᠰᠤᠷᠬᠠᠭ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ | ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠬᠠᠷᠢᠴᠠᠩᠭᠤᠢ ᠶᠡᠷᠦᠮᠲᠡᠭ᠃ ᠬᠡᠦᠭᠡᠨᠴᠤᠤᠯ ᠤᠨ ᠵᠠᠰᠠᠯ ᠵᠢᠮᠰᠡᠭ ᠨᠢ ᠡᠩ ᠤᠨ ᠪᠠᠶᠢᠲᠡᠯ ᠳᠤ | ᠡᠭᠡᠮᠦᠭ ᠪᠤᠯᠤᠨ ᠪᠠᠭᠤᠤ ᠠᠴᠠ ᠭᠠᠳᠠᠨᠡ ᠲᠡᠮᠡᠢ ᠶᠠᠭᠤᠮᠡ ᠪᠠᠶᠢᠳᠠᠭ ᠦᠭᠡᠢ᠃ ᠦᠬᠢᠨ ᠬᠦᠮᠦᠨ ᠬᠠᠷᠢᠯᠠᠬᠤ ᠦᠶᠡᠰ | ᠪᠦᠰᠡ ᠪᠠᠨ ᠲᠠᠶᠢᠯᠵᠦ ᠲᠤᠯᠤᠭᠠᠢ ᠶᠢᠨ ᠵᠡᠰᠡᠯ ᠵᠡᠭᠦᠨ᠂ ᠤᠤᠵᠢ ︵ᠬᠠᠨᠵᠢᠶᠠᠷᠢ ᠮᠠᠲᠦ︶ ᠡᠮᠦᠰᠲᠡᠭ᠃ ᠡᠨᠡ ᠨᠢ ᠲᠠᠷᠤᠢ | ᠬᠡᠦᠭᠡᠨ ︵ᠦᠬᠢᠨ︶ ᠬᠦᠮᠦᠨ ᠪᠤᠯᠤᠨ ᠪᠦᠰᠡᠭᠦᠢ ︵ᠭᠡᠷᠭᠡᠢ︶ ᠬᠦᠮᠦᠨ ᠤ ᠢᠯᠭᠠᠭᠠ ᠮᠦᠨ᠃ ᠦᠬᠢᠨ ᠬᠦᠮᠦᠨ ᠬᠠᠷᠢᠯᠠᠵᠦ | ᠠᠶᠢᠯ ᠤᠨ ᠪᠦᠰᠡᠭᠦᠢ ᠪᠤᠯᠤᠮᠠᠭᠴᠡ ᠵᠡᠭᠦᠨ ᠭᠠᠷ ᠤᠨ ᠢᠲᠡᠮ ᠬᠤᠷᠤᠭᠤᠨ ᠳᠠᠭᠠᠨ ᠭᠤᠶᠤᠮᠰᠠᠭ ᠤᠷᠡ ᠵᠢᠮᠰᠡᠭ ᠲᠠᠢ | ᠪᠦᠭᠡᠵᠢ ᠵᠡᠭᠦᠵᠦ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠪᠠᠭᠤᠤ ᠳᠠᠭᠠᠨ ᠪᠠᠭᠤᠪᠴᠢ ᠵᠡᠭᠦᠲᠡᠭ ᠪᠢᠯᠡ᠃ ᠪᠦᠰᠡᠭᠦᠢ ᠪᠤᠯᠤᠭᠰᠡᠨ | ᠬᠦᠮᠦᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠦᠬᠢᠨ ᠬᠦᠮᠦᠨ ᠢ ᠪᠤᠳᠤᠪᠡᠯ ᠡᠯᠪᠡ ᠠᠭᠤᠵᠢᠭᠤ᠂ ᠤᠮᠤᠭ ᠵᠤᠯᠪᠤᠭᠠ ᠲᠠᠢ ᠪᠦᠭᠡᠳ | ᠡᠮᠵᠢᠶᠠᠷᠢ ᠬᠦᠪᠡᠭᠡ ᠨᠢ ᠤᠷᠤᠬᠯᠠᠭᠠᠳᠤᠢ ᠦᠬᠢᠨ ᠬᠦᠮᠦᠨ ᠢ ᠪᠤᠳᠤᠪᠡᠯ ᠦᠷᠭᠡᠨ ᠦᠩᠭᠡᠯᠢᠭ᠂ ᠡᠳ᠋ ᠮᠠᠲ᠋ᠧᠷᠢᠶᠡᠯ ᠨᠢ | ᠤᠯᠠᠮ ᠴᠢᠨᠠᠷᠯᠢᠭ ᠰᠠᠶᠢᠨ ᠪᠠᠶᠢᠳᠠᠭ᠃ ᠢᠳᠡᠷ ᠨᠠᠰᠤᠨ ᠤ ᠪᠦᠰᠡᠭᠦᠶᠢᠴᠤᠤᠯ ᠰᠢᠷᠠᠪᠳᠤᠷ ᠪᠤᠶᠦ ᠬᠦᠨ ᠰᠢᠷᠡ ᠦᠩᠭᠡ | ᠶᠢ ᠡᠮᠦᠰᠲᠡᠭ ᠦᠭᠡᠢ᠃ ᠤᠴᠢᠷ ᠨᠢ ᠡᠨᠡ ᠦᠩᠭᠡ ᠨᠢ ᠴᠢᠪᠠᠭᠠᠨᠴᠠ ᠶᠢᠨ ᠦᠩᠭᠡ ᠮᠦᠨ᠃ ᠲᠠᠪᠢ ᠭᠠᠷᠤᠬᠰᠡᠨ | ᠪᠦᠰᠡᠭᠦᠶᠢᠴᠤᠤᠯ ᠤᠯᠠᠩᠬᠢ ᠳᠠᠭᠠᠨ ᠬᠦᠭᠡ᠂ ᠬᠠᠷᠠᠪᠳᠤᠷ᠂ ᠬᠦᠷᠡᠩ ᠵᠡᠷᠭᠡ ᠬᠦᠨ ᠦᠩᠭᠡ ᠲᠠᠢ ᠲᠡᠷᠯᠢᠭ ᠡᠮᠦᠰᠲᠡᠭ | ᠪᠠᠶᠢᠨᠡ᠃ | ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠳᠤ ᠮᠠᠯᠠᠭᠠᠢ ᠲᠡᠷᠢᠭᠦᠨ ᠲᠤᠩ ᠴᠢᠬᠤᠯᠠ ᠪᠦᠭᠡᠳ ᠲᠦᠪ ᠶᠡᠭᠡᠮᠰᠦᠭ ᠢ | ᠪᠡᠯᠭᠡᠳᠡᠳᠡᠭ᠃ ᠡᠲᠡᠭᠡᠳ ᠤᠨᠴᠠᠯᠢᠭ ᠪᠦᠬᠦᠢ ᠪᠦᠰᠡ᠂ ᠮᠤᠩᠭᠤᠯ ᠭᠤᠳᠤᠯ ᠪᠤᠯᠤᠨ ᠡᠯᠡ ᠵᠦᠢᠯ ᠤᠨ ᠡᠷᠳᠠᠨᠢ | ᠴᠢᠯᠠᠭᠤᠨ ᠴᠢᠮᠡᠭᠯᠡᠯ ᠪᠦᠬᠦᠢ ᠵᠢᠮᠰᠡᠭ ᠤᠳ ᠴᠦ ᠡᠷᠡ ᠪᠦᠰᠡᠲᠠᠢ ᠬᠦᠮᠦᠨ ᠤ ᠡᠷᠬᠢᠮ ᠰᠦᠷᠯᠢᠭ ᠢ ᠭᠠᠶᠢᠬᠠᠭᠤᠯᠳᠠᠭ᠃ | ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠲᠦᠷᠪᠠᠨ ᠤᠯᠠᠷᠢᠯ ᠢᠶᠠᠷ ᠡᠭᠡᠯᠵᠢᠯᠡᠬᠦ ᠠᠭᠤᠷ ᠠᠮᠢᠰᠬᠤᠯ ᠤᠨ ᠵᠤᠬᠢᠴᠡᠯ ᠳᠤ | ᠮᠠᠯᠠᠭᠠᠢ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠠᠮᠢᠳᠤᠷᠡᠯ ᠳᠤ ᠲᠤᠳᠠᠬᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠵᠦᠢᠯ ᠮᠦᠨ᠃ ᠡᠯᠳᠡᠪ ᠶᠠᠩᠵᠦ | ᠶᠢᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠤᠨ ᠮᠤᠩᠭᠤᠯ ᠮᠠᠯᠠᠭᠠᠢ ᠪᠡ ᠲᠡᠭᠦᠨ ᠤ ᠦᠢᠯᠡᠳᠤᠯ ᠨᠢ ᠨᠢᠭᠡ ᠵᠦᠢᠯ ᠤᠨ ᠡᠴᠢᠨᠡ ᠲᠠᠯᠳᠡᠬᠢ | ᠰᠤᠶᠤᠯ ᠤᠨ ᠰᠢᠨᠵᠢ ᠶᠢ ᠬᠠᠳᠠᠭᠠᠯᠠᠬᠰᠡᠨ ᠪᠠᠶᠢᠲᠠᠭ᠃ ᠮᠤᠩᠭᠤᠯᠴᠤᠳ ᠡᠷᠲᠡ ᠳᠡᠭᠡᠨ ᠪᠤᠯᠠᠭᠠ ᠪᠤᠯᠤᠨ ᠬᠠᠯᠢᠭᠤ ᠶᠢᠨ | ᠠᠷᠡᠰᠦ᠂ ᠨᠤᠬᠠᠢ ᠶᠢᠨ ᠠᠷᠠᠰᠦ᠂ ᠬᠤᠷᠠᠭᠠᠨ ᠤ ᠠᠷᠡᠰᠦ ᠪᠠᠷ ᠮᠠᠯᠠᠭᠠᠢ ᠪᠦᠴᠡ ᠬᠢᠲᠡᠭ ᠪᠠᠶᠢᠪᠡ᠃ ᠰᠡᠭᠦᠯ ᠳᠤᠨᠢ ᠬᠦᠪᠦᠩ | ᠨᠡᠭᠡᠮᠡᠯ᠂ ᠪᠦᠰ ᠲᠤᠷᠭᠠ ᠪᠠᠷ ᠮᠠᠯᠠᠭᠠᠢ ᠬᠢᠬᠦ ᠪᠤᠯᠪᠡ᠃ ᠮᠤᠩᠭᠤᠯ ᠮᠠᠯᠠᠭᠠᠢ ᠶᠢ ᠶᠡᠭᠡ ᠲᠦᠯᠦᠪ ᠡᠪᠤᠯ ᠵᠤᠨ ᠤ ᠬᠢ | ᠭᠡᠵᠦ ᠬᠤᠪᠢᠶᠠᠳᠠᠭ᠃ ᠪᠠᠰᠡ ᠴᠠᠭᠠᠰᠢ ᠪᠠᠨ ᠡᠷᠡᠭᠲᠠᠢ᠂ ᠡᠮᠡᠭᠲᠠᠢ᠂ ᠶᠤᠰᠤᠯᠡᠯ ᠵᠢᠷᠤᠮ ᠤᠨ᠂ ᠨᠤᠶᠠᠳ ᠲᠦᠰᠢᠮᠡᠳ᠂ ᠴᠡᠷᠢᠭ | ᠬᠤᠶᠠᠭ᠂ ᠯᠠᠮᠠ ᠬᠤᠸᠠᠷᠠᠭ ᠤᠨ ᠬᠡᠭᠦᠴᠢᠯᠠᠨ ᠠᠳᠠᠯᠢ ᠪᠤᠰᠤ ᠲᠦᠷᠦᠯ ᠵᠦᠢᠯ ᠳᠤ ᠬᠤᠪᠢᠶᠠᠵᠦ ᠪᠤᠯᠤᠨᠡ᠃ ᠮᠤᠩᠭᠤᠯ | ᠬᠦᠮᠦᠨ ᠮᠠᠯᠠᠭᠠᠢ ᠶᠢ ᠮᠠᠰᠢ ᠴᠢᠬᠤᠯᠠᠴᠢᠯᠠᠳᠠᠭ᠃ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠰᠦᠨᠡᠰᠦᠨ ᠤ ᠲᠤᠬᠠᠢ ᠲᠠᠨᠢᠯᠲᠡ ᠲᠠᠢ | ᠬᠤᠯᠪᠤᠭᠠ ᠲᠠᠢ ᠪᠠᠶᠢᠵᠦ ᠮᠡᠲᠡᠨᠡ᠃ ᠡᠷᠲᠡᠨ ᠤ ᠦᠶᠡ ᠳᠤ ᠲᠤᠮᠳᠠᠲᠦ ᠠᠽᠢᠶᠡ ᠪᠤᠯᠤᠨ ᠤᠮᠠᠷᠠᠲᠦ ᠠᠽᠢᠶᠡ ᠶᠢᠨ | ᠲᠡᠯᠡ ᠨᠤᠳᠤᠭ ᠤᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠴᠢᠬᠤᠯᠠ ᠪᠤᠯᠬᠤ ᠬᠦᠮᠦᠨ ᠤ ᠲᠡᠷᠢᠭᠦᠨ ᠢ ᠲᠠᠬᠢᠳᠠᠭ ᠵᠠᠩᠰᠢᠯ ᠪᠠᠶᠢᠳᠠᠭ᠃ | ᠮᠤᠩᠭᠤᠯᠴᠤᠳ ᠴᠢᠬᠤᠯᠠ ᠤᠷᠴᠢᠨ ᠳᠤ ᠮᠠᠯᠠᠭᠠᠢ ᠡᠮᠦᠰᠴᠦ ᠪᠠᠶᠢᠬᠤ ᠶᠢ ᠤᠨᠴᠠ ᠠᠩᠬᠠᠷᠳᠠᠭ ᠪᠢᠯᠡ᠃ ᠬᠡᠶᠢᠴᠢᠨ | ᠵᠤᠴᠢᠨ ᠤᠬᠳᠤᠬᠤ ᠦᠶᠡᠰ ᠲᠤ ᠪᠦᠰᠡᠲᠠᠢ ᠪᠦᠰᠡᠭᠦᠢ ᠪᠦᠬᠦᠲᠡ ᠮᠠᠯᠠᠭᠠᠢ ᠪᠠᠨ ᠲᠡᠭᠰᠢ ᠡᠮᠦᠰᠴᠦ ᠵᠤᠴᠢᠨ ᠢᠶᠠᠨ | ᠤᠬᠳᠤᠳᠠᠭ᠃ ᠶᠠᠮᠠᠷ ᠶᠠᠳᠠᠭᠤ ᠵᠦᠲᠡᠭᠦᠦ ᠠᠶᠢᠯ ᠴᠦ ᠬᠡᠰᠡᠨ ᠦᠭᠡᠢ ᠦᠬᠢᠨ ᠢᠶᠠᠨ ᠬᠠᠷᠢᠯᠠᠭᠤᠯᠬᠤ ᠦᠶᠡᠰ ᠲᠤᠯᠤᠭᠠᠢ | ᠶᠢᠨ ᠵᠢᠮᠰᠡᠭ ᠢᠶᠠᠷ ᠴᠢᠮᠡᠭᠯᠡᠵᠦ ᠮᠤᠷᠳᠠᠭᠤᠯᠳᠠᠭ ᠵᠠᠩ ᠲᠠᠢ᠃ ᠮᠤᠩᠭᠤᠯ ᠬᠦᠮᠦᠨ ᠳᠤ ᠠᠪᠴᠦ ᠬᠡᠯᠡᠪᠡᠯ ᠮᠠᠯᠠᠭᠠᠢ | ᠲᠡᠷᠢᠭᠦᠨ ᠨᠢ ᠴᠤᠭ ᠵᠤᠯᠢ᠂ ᠬᠦᠮᠦᠨ ᠮᠦᠰᠦ ᠵᠢᠴᠢ ᠲᠦᠪ ᠡᠷᠬᠢᠮᠰᠦᠭ ᠢ ᠭᠠᠶᠢᠬᠠᠭᠤᠯᠳᠠᠭ᠃ | ᠪᠦᠰᠡ ᠪᠤᠯ ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠳᠤ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠵᠦᠢᠯ ᠮᠦᠨ᠃ ᠡᠩ ᠤᠨ | ᠪᠠᠶᠢᠳᠡᠯ ᠳᠤ ᠲᠤᠷᠭᠠ᠂ ᠲᠤᠷᠳᠤᠩ᠂ ᠬᠤᠷᠭᠤᠢ᠂ ᠪᠦᠰ ᠵᠡᠷᠭᠡ ᠪᠠᠷ ᠬᠢᠲᠡᠭ᠃ ᠤᠷᠲᠦ ᠪᠠᠷ ᠢᠶᠠᠨ 15 ᠲᠤᠬᠤᠢ ᠠᠴᠠ | 30 ᠲᠤᠬᠤᠢ ᠪᠠᠶᠢᠵᠦ ᠪᠦᠷ ᠪᠤᠯᠤᠨᠡ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠪᠦᠰᠡ ᠨᠡᠭᠦᠲᠡᠯᠯᠡᠨ ᠮᠠᠯᠵᠢᠬᠤ ᠠᠮᠢᠳᠤᠷᠡᠯ ᠳᠤ | ᠵᠤᠬᠢᠴᠠᠵᠦ᠂ ᠡᠷᠡ ᠬᠦᠮᠦᠨ ᠪᠦᠰᠡ ᠪᠠᠨ ᠴᠢᠪ ᠴᠢᠩᠭᠠ ᠪᠦᠰᠡᠯᠡᠭᠡᠳ ᠮᠤᠷᠢᠨ ᠲᠡᠭᠡᠷᠡ ᠶᠠᠪᠤᠬᠤ ᠳᠤ ᠬᠦᠮᠦᠨ ᠤ | ᠲᠤᠳᠤᠷ ᠰᠡᠪᠡ ᠴᠤᠯᠦ ᠬᠡᠮᠳᠤᠯ ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠵᠦ᠂ ᠬᠦᠴᠦᠨ ᠤ ᠬᠦᠲᠡᠯᠮᠦᠷᠢ ᠬᠢᠬᠦ ᠳᠤ ᠲᠤᠤᠬᠠ ᠨᠢᠷᠤᠭᠤ ᠶᠢ | ᠬᠠᠮᠠᠭᠠᠯᠠᠨ ᠬᠦᠴᠦᠯᠡᠬᠦ ᠳᠤ ᠲᠠᠮᠳᠠᠢ ᠪᠠᠶᠢᠵᠦ᠂ ᠬᠠᠬᠢᠷ ᠬᠦᠢᠲᠡᠨ ᠳᠤ ᠪᠦᠰᠡ ᠪᠠᠨ ᠴᠢᠩᠭᠠᠯᠠᠪᠡᠯ ᠪᠡᠶᠡ ᠲᠤᠯᠠᠭᠠᠴᠠᠳᠠᠭ | ᠪᠢᠯᠡ᠃ ᠡᠷᠡ ᠬᠦᠮᠦᠨ ᠪᠦᠰᠡ ᠪᠦᠰᠡᠯᠡᠬᠦ ᠳᠤ ᠨᠢᠭᠡ ᠪᠤᠯ ᠪᠦᠰᠡᠨ ᠤ ᠲᠡᠭ ᠭᠤᠤᠯ ᠠᠴᠠ ᠨᠢ ᠠᠪᠴᠦ ᠡᠮᠦᠨᠡ ᠠᠴᠠ | ᠨᠢ ᠠᠷᠦ ᠲᠠᠶᠢᠰᠢ ᠵᠡᠭᠦᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠠᠳᠠᠯᠢᠬᠠᠨ ᠤᠷᠢᠶᠠᠨ ᠪᠦᠰᠡᠯᠡᠵᠦ ᠬᠤᠶᠠᠷ ᠦᠵᠦᠭᠦᠷ ᠦᠯᠡᠲᠡᠭᠡᠨ | ᠲᠠᠰᠢᠶᠠᠨ ᠲᠡᠯᠡ ᠳᠠᠭᠠᠨ ᠤᠨᠵᠢᠭᠤᠯᠤᠰᠬᠢᠲᠡᠭ᠃ ᠡᠰᠡᠪᠡᠯ ᠪᠦᠰᠡᠨ ᠤ ᠪᠠᠨ ᠨᠢᠭᠡ ᠦᠵᠦᠬᠦᠷ ᠠᠴᠠ ᠨᠠᠷᠡ ᠵᠦᠪ | ᠴᠢᠭᠯᠡᠯ ᠢᠶᠠᠷ ᠤᠷᠢᠶᠠᠨ ᠪᠦᠰᠡᠯᠡᠨᠡ᠃ ᠭᠡᠷ ᠲᠡᠭᠡᠨ ᠤᠷᠤᠪᠠᠯ ᠪᠦᠰᠡ ᠪᠠᠨ ᠠᠯᠳᠠᠷᠠᠭᠠᠵᠦ ᠲᠡᠷᠢ ᠲᠡᠭᠰᠢ ᠡᠪᠭᠡᠭᠡᠳ | ᠲᠡᠷᠡ ᠶᠢᠨ ᠢᠶᠠᠨ ᠲᠤᠤᠷᠡ ᠪᠤᠶᠦ ᠲᠤᠯᠤᠭᠠᠢ ᠶᠢᠨ ᠢᠶᠠᠨ ᠲᠡᠷᠭᠡᠲᠡ ᠲᠠᠯᠪᠢᠳᠠᠭ᠃ ᠭᠤᠸᠠ ᠰᠠᠶᠢᠬᠠᠨ ᠤ ᠲᠡᠯᠡ ᠠᠴᠠ | ᠠᠪᠴᠦ ᠬᠡᠯᠡᠪᠡᠯ ᠵᠤᠬᠢᠮᠵᠢᠲᠠᠢ ᠪᠦᠰᠡ ᠪᠦᠰᠡᠯᠡᠬᠦ ᠨᠢ ᠪᠦᠰᠡᠲᠠᠢ ᠬᠦᠮᠦᠨ ᠢ ᠤᠯᠠᠮ ᠰᠦᠷ ᠵᠢᠪᠬᠤᠭᠠ ᠲᠠᠢ ᠪᠤᠯᠭᠠᠨ | ᠪᠦᠰᠡᠭᠦᠢ ᠬᠦᠮᠦᠨ ᠢ ᠤᠯᠠᠮ ᠭᠤᠸᠠᠯᠢᠬᠵᠢᠭᠤᠯᠤᠨ ᠬᠦᠮᠦᠨ ᠤ ᠪᠡᠶᠡ ᠴᠤᠬᠴᠠᠰ ᠤᠨ ᠭᠤᠸᠠ ᠰᠠᠶᠢᠬᠠᠨ ᠢ | ᠭᠠᠶᠢᠬᠠᠭᠤᠯᠵᠦ ᠪᠠᠶᠢᠳᠠᠭ᠃ | ᠡᠷᠲᠡ ᠦᠶᠡ ᠳᠤ ᠮᠤᠩᠭᠤᠯ ᠭᠤᠳᠤᠯ ᠨᠢ ᠠᠷᠡᠰᠦ᠂ ᠢᠰᠡᠭᠡᠢ ᠪᠠᠷ ᠬᠢᠬᠦ ᠳᠡᠭᠡᠨ ᠭᠤᠳᠤᠯ ᠤᠨ ᠤᠯᠠ᠂ ᠲᠦᠷᠠᠢ | ᠵᠤᠯᠤᠭ ᠲᠠᠢ ᠪᠠᠨ ᠵᠠᠯᠭᠠᠭᠠ ᠲᠠᠢ ᠪᠠᠶᠢᠵᠠᠢ᠃ ᠰᠡᠭᠦᠯ ᠳᠤᠨᠢ ᠡᠭᠡᠲᠡᠩ ᠭᠤᠳᠤᠯ᠂ ᠡᠩ ᠤᠨ ᠭᠤᠳᠤᠯ᠂ ᠪᠤᠯᠢᠭᠠᠷᠢ | ᠭᠤᠳᠤᠯ᠂ ᠮᠠᠬᠠᠢ ᠭᠤᠳᠤᠯ ᠵᠡᠷᠭᠡ ᠲᠦᠷᠦᠯ ᠵᠦᠢᠯ ᠪᠤᠢ ᠪᠤᠯᠵᠠᠢ᠃ ᠮᠤᠩᠭᠤᠯ ᠭᠤᠳᠤᠯ ᠨᠢ ᠭᠤᠳᠤᠯ ᠤᠨ ᠤᠯᠠ᠂ | ᠵᠤᠯᠤᠭ᠂ ᠲᠦᠷᠠᠢ᠂ ᠲᠠᠰᠢᠮᠡ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠤᠵᠦ᠂ ᠤᠯᠠᠷᠢᠯ ᠲᠠᠭᠠᠵᠦ ᠢᠰᠡᠭᠡᠢ ᠦᠢᠮᠦᠰᠦ ᠪᠤᠶᠦ ᠬᠦᠪᠦᠩ᠂ ᠪᠦᠰ | ᠤᠶᠢᠮᠤᠰᠦ ᠲᠠᠢ ᠡᠮᠦᠰᠲᠡᠭ᠃ ᠤᠶᠢᠮᠤᠰᠦᠨ ᠤ ᠬᠦᠪᠡᠭᠡ ᠶᠢ ᠦᠩᠭᠡ ᠲᠠᠢ ᠪᠦᠰ ᠢᠶᠠᠷ ᠬᠦᠪᠡᠭᠡᠯᠡᠵᠦ ᠭᠤᠳᠤᠯ ᠤᠨ | ᠲᠦᠷᠡᠢ ᠠᠴᠠ ᠭᠤᠷᠪᠠᠨ ᠬᠤᠷᠤᠭᠤ ᠬᠢᠷᠢ ᠴᠤᠬᠤᠶᠢᠯᠭᠠᠵᠦ ᠨᠠᠮᠪᠠᠭᠠᠯᠠᠳᠠᠭ᠃ ᠰᠡᠭᠦᠯ ᠳᠡᠭᠡᠨ ᠤᠯᠠᠩᠬᠢ ᠨᠢ ᠪᠤᠯᠢᠭᠠᠷᠢ | ᠭᠤᠳᠤᠯ ᠬᠢᠲᠡᠭ ᠪᠤᠯᠵᠠᠢ᠃ | ᠮᠤᠩᠭᠤᠯ ᠬᠦᠮᠦᠨ ᠤ ᠬᠠᠷᠠᠭᠠᠨ ᠳᠤ ᠭᠤᠳᠤᠯ ᠪᠤᠯ ᠨᠢᠭᠡ ᠵᠦᠢᠯ ᠤᠨ ᠲᠡᠭᠡᠲᠦ ᠪᠡᠯᠡᠭ ᠪᠤᠯᠳᠠᠭ᠃ ᠮᠤᠷᠢᠨ ᠤ | ᠤᠷᠤᠯᠳᠤᠭᠠᠨ ᠳᠤ ᠲᠡᠷᠢᠭᠦᠯᠡᠭᠰᠡᠳ ᠲᠤ ᠭᠤᠳᠤᠯ ᠱᠠᠩᠨᠠᠳᠠᠭ ᠴᠦ ᠪᠢᠯᠡ᠃ ᠪᠤᠰᠤᠳ ᠲᠤ ᠭᠤᠳᠤᠯ ᠪᠡᠯᠡᠭᠯᠡᠵᠦ | ᠬᠦᠷᠭᠡᠬᠦ ᠦᠶᠡᠰ ᠵᠠᠪᠠᠯ ᠭᠤᠳᠤᠯ ᠤᠨ ᠲᠦᠷᠠᠢ ᠶᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠵᠦ᠂ ᠭᠤᠳᠤᠯ ᠤᠨ ᠤᠯᠠ ᠶᠢ ᠨᠢ ᠠᠯᠠᠭᠠᠨ | ᠲᠡᠭᠡᠷᠡ ᠪᠠᠨ ᠵᠤᠬᠰᠤᠭᠠᠵᠦ᠂ ᠭᠤᠳᠤᠯ ᠤᠨ ᠪᠤᠷᠪᠢ ᠶᠢ ᠪᠡᠯᠡᠭ ᠲᠤᠰᠤᠭᠴᠢ ᠵᠦᠭ ᠬᠠᠨᠳᠤᠭᠤᠯᠵᠦ ᠦᠭᠲᠡᠭ᠃ ᠭᠤᠳᠤᠯ | ᠲᠠᠯᠪᠢᠬᠤ ᠳᠠᠭᠠᠨ ᠴᠦ ᠡᠰᠡᠨ ᠪᠤᠰᠡᠨ ᠦᠭᠡᠢ ᠲᠠᠯᠪᠢᠵᠦ ᠦᠯᠦ ᠪᠤᠯᠤᠨᠡ᠃ ᠵᠢᠱᠢᠶᠡᠯᠡᠪᠡᠯ᠄ ᠭᠠᠯ ᠲᠤᠯᠭᠠ ᠶᠢᠨ | ᠤᠶᠢᠷᠡ ᠲᠠᠯᠪᠢᠬᠤ ᠪᠤᠶᠦ ᠬᠦᠮᠦᠨ ᠤ ᠦᠭᠡᠲᠡ᠂ ᠪᠤᠷᠬᠠᠨ ᠬᠦᠩᠭᠠᠷᠠᠪᠡ ᠤᠷᠤᠭᠤ ᠬᠠᠨᠳᠤᠭᠤᠯᠵᠦ ᠲᠠᠯᠪᠢᠳᠠᠭ ᠦᠭᠡᠢ᠃ | ᠮᠤᠩᠭᠤᠯᠴᠤᠳ ᠡᠷᠡᠭᠲᠠᠢ᠂ ᠡᠮᠡᠭᠲᠠᠢ᠂ ᠬᠦᠭᠰᠢᠨ᠂ ᠵᠠᠯᠠᠭᠤ ᠶᠢᠨ ᠢᠯᠭᠠᠯ ᠦᠭᠡᠢ ᠪᠠᠷ ᠭᠤᠳᠤᠯ ᠡᠳ᠋ᠯᠡᠲᠡᠭ᠃ ᠬᠠᠷᠢ | ᠳᠤ ᠮᠤᠷᠳᠠᠭᠠᠳᠤᠢ ᠦᠬᠢᠨ ᠬᠦᠮᠦᠨ ᠤ ᠡᠮᠦᠰᠲᠡᠭ ᠭᠤᠳᠤᠯ ᠨᠢ ᠤᠯᠠᠭᠠᠨ᠂ ᠨᠤᠭᠤᠭᠠᠨ᠂ ᠶᠠᠭᠠᠨ ᠦᠩᠭᠡ ᠶᠢᠨ ᠬᠡ | ᠤᠭᠠᠯᠵᠠ ︵ᠤᠷᠠᠯᠠᠵᠦ ᠤᠶᠤᠭᠰᠡᠨ ᠲᠦᠷᠡᠶᠢᠪᠴᠢ ᠨᠢ ᠭᠤᠳᠤᠯ ᠤᠨ ᠲᠦᠷᠡᠢ ᠠᠴᠠ ᠲᠡᠪᠠᠭᠰᠡᠨ ᠪᠠᠶᠢᠬᠤ︶ ᠲᠠᠢ | ᠪᠠᠶᠢᠵᠦ᠂ ᠤᠷᠤᠬᠯᠠᠭᠰᠡᠨ ᠡᠭᠡᠨᠡᠷ ᠬᠦᠮᠦᠨ ᠤ ᠭᠤᠳᠤᠯ ᠤᠨ ᠬᠡ ᠤᠭᠠᠯᠵᠡ ᠨᠢ ᠤᠯᠠᠮ ᠢᠯᠡ ᠲᠤᠳᠤ ᠪᠠᠶᠢᠳᠠᠭ᠃ | ᠨᠠᠰᠦ ᠠᠬᠠᠮᠠᠳ ᠪᠡ ᠢᠳᠡᠷᠴᠤᠤᠯ ᠤᠨ ᠭᠤᠳᠤᠯ ᠪᠤᠯ ᠲᠠᠩ ᠴᠤᠯᠭᠤᠢ ᠦᠩᠭᠡ ᠶᠢᠨ ᠪᠤᠯᠢᠭᠠᠷᠢ ᠭᠤᠳᠤᠯ ᠪᠢᠯᠡ᠃ | ᠮᠤᠩᠭᠤᠯ ᠪᠦᠰᠡᠳᠠᠢ ᠬᠦᠮᠦᠨ ᠤ ᠵᠠᠰᠠᠯ ᠵᠢᠮᠰᠡᠭ ᠪᠤᠯᠤᠨ ᠦᠰᠦ ᠬᠡᠵᠢᠭᠡ᠂ ᠰᠠᠬᠠᠯ ᠰᠠᠮᠪᠠᠢ ᠲᠠᠯᠪᠢᠬᠤ ᠳᠤ ᠴᠦ ᠮᠠᠰᠢ | ᠤᠯᠠᠨ ᠬᠡᠯᠡᠯᠭᠡ ᠲᠠᠢ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠬᠦᠮᠦᠨ ᠤ ᠠᠮᠢᠳᠤᠷᠡᠯ ᠤᠨ ᠶᠤᠰᠤ ᠤᠴᠢᠷ ᠪᠤᠶᠦ ᠱᠠᠰᠢᠨ ᠰᠤᠷᠳᠠᠬᠤᠨ | ᠤ ᠦᠩᠭᠡ ᠪᠤᠳᠤᠭ ᠠᠭᠤᠯᠤᠭᠳᠠᠵᠦ ᠪᠠᠶᠢᠳᠠᠭ ᠰᠠᠨ᠃ ᠵᠠᠰᠠᠯ ᠵᠡᠮᠰᠡᠭ ᠤᠨ ᠭᠤᠸᠠ ᠰᠠᠶᠢᠬᠠᠨ ᠤ ᠦᠷᠲᠡᠭ ᠨᠢ | ᠭᠡᠷᠡᠭᠯᠡᠭᠡᠨ ᠤ ᠦᠷᠲᠡᠭ ᠠᠴᠠ ᠲᠠᠪᠠᠭᠤ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠵᠠᠰᠠᠯ ᠵᠡᠮᠰᠡᠭ ᠲᠤ ᠬᠡᠲᠡ | ᠴᠠᠬᠢᠭᠤᠷ᠂ ᠬᠦᠭᠦᠦᠷ᠂ ᠭᠠᠩᠰᠡ᠂ ᠪᠠᠭᠤᠤ᠂ ᠪᠦᠭᠡᠵᠢ ᠵᠡᠷᠭᠡ ᠪᠠᠶᠢᠳᠠᠭ᠃ ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠮᠤᠷᠢ᠂ ᠨᠤᠮᠤ | ᠰᠠᠭᠠᠳᠠᠭ ᠪᠤᠯᠤᠨ ᠬᠡᠲᠡ ᠴᠠᠬᠢᠭᠤᠷ ᠢ ᠮᠤᠩᠭᠤᠯ ᠡᠷᠡ ᠶᠢᠨ ︽ᠭᠤᠷᠪᠠᠨ ᠡᠷᠳᠠᠨᠢ︾ ᠭᠡᠵᠦ ᠦᠵᠡᠲᠡᠭ᠃ ᠬᠦᠬᠦᠦᠷ ᠪᠤᠯ | ᠮᠤᠩᠭᠤᠯ ᠬᠦᠮᠦᠨ ᠤ ᠤᠨᠴᠠ ᠡᠷᠬᠢᠮᠯᠡᠲᠡᠭ ᠵᠠᠰᠠᠯ ᠵᠡᠮᠰᠡᠭ ᠤᠨ ᠨᠢᠭᠡ ᠪᠤᠯᠤᠨᠡ᠃ ᠬᠦᠬᠦᠦᠷ ᠢ ᠬᠠᠰ᠂ ᠮᠠᠨᠤᠬᠤ᠂ ᠪᠤᠯᠤᠷ᠂ | ᠹᠠᠯᠠᠩ᠂ ᠦᠭᠡᠷ ᠤᠨ ᠡᠪᠡᠷ᠂ ᠦᠮᠦ ᠽᠠᠨᠳᠠᠨ ᠵᠡᠷᠭᠡ ᠪᠠᠷ ᠬᠢᠲᠡᠭ ᠪᠢᠯᠡ᠃ ᠶᠠᠩᠵᠦ ᠬᠡᠯᠪᠡᠷᠢ ᠨᠢ ᠯᠤᠩᠬᠤ ᠰᠢᠭ᠋ | ᠭᠤᠵᠤᠭᠤᠷ᠂ ᠪᠤᠳᠤᠩ ᠰᠢᠭ᠋ ᠪᠤᠮᠪᠤᠭᠤᠷ ᠬᠡᠯᠪᠡᠷᠢᠲᠠᠢ᠃ ᠲᠤᠳᠤᠷᠡ ᠨᠢ ᠦᠨᠦᠷ ᠴᠢᠨᠠᠷ ᠰᠠᠶᠢᠨ ᠬᠠᠮᠠᠷ ᠲᠠᠮᠡᠬᠢ ᠬᠢᠲᠡᠭ᠃ | ᠬᠦᠬᠦᠦᠷ ᠢᠶᠠᠨ ᠲᠠᠯᠢᠩ ᠳᠤ ᠬᠢᠵᠦ ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠤᠨ ᠶᠠᠩᠵᠤᠯᠠᠳᠠᠭ᠃ ᠪᠦᠰᠡᠳᠠᠶᠢᠴᠤᠤᠯ ᠵᠤᠯᠭᠠᠬᠤ | ᠳᠠᠭᠠᠨ ᠬᠦᠬᠦᠦᠷ ᠰᠤᠯᠢᠯᠴᠠᠵᠦ ᠠᠮᠦᠷ ᠮᠠᠨᠲᠦ ᠮᠡᠳᠡᠯᠴᠡᠴᠡᠭ᠃ | ᠭᠠᠩᠰᠡ ᠪᠤᠯᠤᠨ ᠬᠠᠪᠳᠠᠭᠠ ᠴᠦ ᠮᠤᠩᠭᠤᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠭᠤᠤᠯ ᠵᠠᠰᠠᠯ ᠵᠢᠮᠰᠡᠭ ᠮᠦᠨ᠃ ᠭᠠᠩᠰᠡ ᠨᠢ | ᠲᠤᠯᠤᠭᠠᠢ᠂ ᠴᠢᠮᠦᠭᠡ᠂ ᠰᠢᠯᠪᠢ ᠭᠤᠷᠪᠠᠨ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠤᠳᠡᠭ᠃ ᠭᠠᠩᠰᠡᠨ ᠤ ᠲᠤᠯᠤᠭᠠᠢ ᠶᠢ ᠠᠯᠲᠡ᠂ ᠮᠦᠩᠭᠦ᠂ | ᠭᠠᠦᠯᠢ ︵ᠵᠡᠰ︶᠂ ᠲᠠᠮᠦᠷ ᠢᠶᠠᠷ ᠤᠷᠠᠯᠠᠵᠦ᠂ ᠭᠠᠩᠰᠡᠨ ᠤ ᠴᠢᠮᠦᠭᠡ ᠶᠢ ᠶᠠᠰᠢᠯ᠂ ᠽᠠᠨᠳᠠᠨ ᠢᠶᠠᠷ ᠬᠢᠵᠦ᠂ ᠭᠠᠩᠰᠡᠨ ᠤ | ᠰᠢᠯᠪᠢ ᠶᠢ ᠨᠢ ᠬᠠᠰ᠂ ᠮᠠᠨᠤᠬᠤ ᠵᠡᠷᠭᠡ ᠪᠠᠷ ᠬᠢᠲᠡᠭ᠃ ᠨᠠᠪᠴᠢᠨ ᠲᠠᠮᠠᠬᠢ ᠠᠭᠤᠯᠳᠠᠭ ᠬᠠᠪᠳᠠᠭᠠ ᠶᠢ ᠲᠤᠷᠭᠠ᠂ | ᠬᠤᠷᠭᠤᠢ ᠵᠡᠷᠭᠡ ᠪᠦᠰ ᠢᠶᠠᠷ ᠤᠷᠠᠯᠠᠨ ᠤᠶᠤᠵᠦ᠂ ᠪᠠᠰᠡ ᠤᠯᠠᠭᠠᠨ᠂ ᠨᠤᠭᠤᠭᠠᠨ᠂ ᠶᠠᠭᠠᠨ᠂ ᠬᠦᠭᠡ ᠵᠡᠷᠭᠡ ᠦᠩᠭᠡ ᠶᠢᠨ | ᠪᠦᠴᠡ ᠵᠤᠬᠢᠷᠠᠭᠠᠭᠰᠡᠨ ᠴᠦ ᠪᠠᠶᠢᠳᠠᠭ᠃ | ᠮᠤᠩᠭᠤᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠦᠰᠦ ᠭᠡᠵᠢᠭᠡ᠂ ᠰᠠᠬᠠᠯ ᠰᠠᠮᠪᠠᠢ ᠴᠦ ᠶᠡᠭᠡ ᠡᠷᠲᠡᠨ ᠤ ᠤᠳᠤᠮᠰᠢᠯ ᠲᠠᠢ᠃ | ᠰᠡᠭᠦᠯᠴᠢ ᠶᠢᠨ ᠦᠶᠡ ᠠᠴᠠ ᠴᠢᠯᠦᠭᠡᠯᠡᠬᠦ ᠪᠤᠯᠳᠠᠯᠡ ᠪᠦᠰᠡᠲᠠᠢ ᠬᠦᠮᠦᠨ ᠮᠠᠩᠨᠠᠢ ᠠᠴᠠ ᠵᠤᠯᠠᠢ ᠬᠦᠷᠲᠡᠯᠡᠬᠢ ᠬᠡᠵᠢᠭᠡ | ᠪᠠᠨ ᠭᠤᠷᠮᠤᠰᠤᠯᠠᠨ ᠬᠦᠷᠦᠵᠦ ᠲᠠᠯᠪᠢᠳᠠᠭ᠃ ᠡᠩ ᠤᠨ ᠦᠶᠡ ᠳᠤ ᠨᠢᠷᠤᠭᠤᠨ ᠭᠤᠤᠯ ᠢᠶᠠᠷ ᠲᠤᠷᠤᠭᠰᠢ ᠲᠠᠯᠪᠢᠬᠰᠡᠨ | ᠪᠠᠶᠢᠳᠠᠭ᠃ ᠠᠵᠢᠯ ᠬᠦᠲᠡᠯᠮᠦᠷᠢ ᠬᠢᠬᠦ ᠳᠤ ᠤᠷᠤᠢ ᠲᠡᠭᠡᠷᠡ ᠪᠠᠨ ᠤᠷᠢᠶᠠᠴᠢᠬᠠᠳᠠᠭ᠃ ᠬᠡᠦᠭᠡᠳ ᠤᠨ ᠦᠷᠪᠦᠭᠡ | ᠬᠦᠨᠳᠡᠬᠦ ᠭᠡᠵᠦ ᠭᠤᠷᠪᠡ᠂ ᠲᠠᠪᠤ᠂ ᠲᠤᠯᠤᠭᠠ᠂ ᠶᠢᠰᠦᠨ ᠨᠠᠰᠤᠳᠠᠢ ᠬᠡᠦᠭᠡᠳ ᠤᠨ ᠦᠰᠦ ᠶᠢ ᠬᠠᠶᠢᠴᠢᠯᠡᠵᠦ ᠬᠦᠨᠳᠡᠳᠡᠭ᠃ | ᠰᠠᠬᠠᠯ ᠰᠠᠮᠪᠠᠢ ᠪᠤᠯ ᠮᠤᠩᠭᠤᠯ ᠪᠦᠰᠡᠳᠠᠶᠢᠴᠤᠤᠯ ᠤᠨ ᠡᠷᠡ ᠶᠢᠨ ᠴᠡᠭᠡᠯ ᠳᠤ ᠬᠦᠷᠦᠭᠰᠡᠨ ᠤ ᠪᠡᠯᠭᠡᠲᠡᠯ ᠮᠦᠨ᠃ | ᠰᠠᠬᠠᠯ ᠦᠯᠡᠲᠡᠭᠡᠬᠦ ᠳᠤ ᠨᠠᠰᠤᠨ ᠤ ᠢᠯᠭᠠᠯ ᠢᠶᠠᠷ ᠤᠨᠴᠠᠯᠢᠬᠳᠠᠳᠠᠭ᠃ ᠪᠦᠰᠡᠲᠠᠢ ᠬᠦᠮᠦᠨ ᠬᠤᠷᠢᠨ ᠲᠠᠪᠤᠳᠠᠢ ᠪᠤᠯᠪᠡᠯ | ᠤᠷᠤᠭᠤᠯ ᠲᠡᠭᠡᠷᠡ ᠪᠠᠨ ᠰᠠᠬᠠᠯ ᠦᠯᠡᠲᠡᠭᠡᠵᠦ ᠪᠤᠯᠳᠠᠭ᠃ ᠰᠠᠬᠠᠯ ᠤᠨ ᠬᠤᠶᠠᠷ ᠦᠵᠦᠭᠦᠷ ᠢ ᠲᠡᠭᠡᠭᠰᠢ ᠢᠮᠡᠷᠴᠦ | ᠰᠡᠷᠪᠡᠶᠢᠯᠭᠡᠨ ᠶᠠᠩᠵᠦ ᠭᠠᠷᠭᠠᠭᠰᠡᠨ ᠢ ᠵᠢᠷᠪᠢᠭᠡᠷ ᠰᠠᠬᠠᠯᠲᠦ ᠬᠡᠲᠡᠭ᠃ ᠪᠦᠰᠡᠲᠠᠢ ᠬᠦᠮᠦᠨ ᠭᠤᠴᠢᠨ ᠲᠤᠯᠤᠭᠠ ᠬᠦᠷᠪᠡᠯ | ᠬᠠᠰᠢᠷᠵᠢᠵᠦ᠂ ᠢᠳᠡᠷ ᠨᠠᠰᠤᠨ ᠤ ᠡᠷᠡᠦ ᠰᠠᠬᠠᠯ ᠦᠯᠡᠲᠡᠭᠡᠲᠡᠭ᠃ ᠲᠦᠴᠢ ᠶᠢᠰᠦ ᠦᠩᠭᠡᠷᠡᠪᠡᠯ ᠰᠠᠴᠢᠭ ᠤᠨ ᠰᠠᠬᠠᠯ | ᠢᠶᠠᠨ ᠲᠠᠯᠪᠢᠵᠦ᠂ ᠵᠢᠷᠠ ᠭᠠᠷᠴᠦ ᠵᠠᠵᠢᠨ ᠦᠰᠦ ᠨᠢ ᠴᠠᠶᠢᠪᠡᠯ ᠨᠠᠮᠪᠠᠭᠠᠯᠢᠭ ᠰᠠᠬᠠᠯ ᠲᠠᠯᠪᠢᠬᠤ ︵ᠰᠠᠴᠢᠭ᠂ ᠡᠷᠡᠦ᠂ | ᠤᠷᠤᠭᠤᠯ ᠤᠨ ᠰᠠᠬᠠᠯ ᠤᠨ ᠬᠤᠶᠠᠷ ᠦᠵᠦᠭᠦᠷ ᠢ ᠲᠤᠷᠤᠭᠰᠢ ᠬᠡᠪ ᠲᠠᠢ ᠪᠠᠶᠢᠯᠭᠠᠬᠤ︶ ᠶᠢ ᠡᠷᠬᠢᠮᠯᠡᠲᠡᠭ᠃ ᠡᠶᠢᠮᠦ | ᠰᠠᠬᠠᠯ ᠲᠠᠯᠪᠢᠪᠡᠯ ᠨᠡᠷᠡ ᠬᠦᠨᠳᠦᠳᠠᠢ᠂ ᠪᠤᠶᠠᠨ ᠬᠡᠰᠢᠭ ᠲᠠᠢ ᠬᠡᠲᠡᠭ ᠢ ᠪᠡᠯᠭᠡᠲᠡᠲᠡᠭ ᠠᠵᠤᠭᠤ᠃ | ᠤᠷᠴᠢᠨ ᠤᠳᠤ ᠦᠶᠡ ᠶᠢᠨ ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠨᠢ ᠮᠠᠰᠢ ᠶᠡᠭᠡ ᠬᠤᠪᠢᠷᠠᠯᠲᠡ ᠲᠠᠢ ᠪᠤᠯᠵᠠᠢ᠃ ᠡᠩ | ᠤᠨ ᠪᠠᠶᠢᠲᠡᠯ ᠳᠤ 19 ᠳ᠋ᠤᠭᠡᠷ ᠵᠠᠭᠤᠨ ᠤ ᠡᠴᠦᠰ ᠠᠴᠠ ᠡᠲᠦᠭᠡ ᠪᠤᠯᠳᠡᠯᠡᠬᠢ ᠮᠤᠩᠭᠤᠯ ᠬᠦᠮᠦᠨ ᠤ ᠬᠤᠪᠴᠠᠯᠠᠯ ᠢ | ᠮᠤᠩᠭᠤᠯᠴᠤᠳ ᠤᠨ ᠤᠷᠴᠢᠨ ᠤᠳᠤ ᠦᠶᠡ ᠶᠢᠨ ᠬᠤᠪᠴᠠᠰᠦ ᠵᠠᠰᠠᠯ ᠬᠡᠵᠦ ᠪᠤᠯᠤᠨᠡ᠃ ᠴᠤᠯ ᠨᠡᠭᠦᠲᠡᠯᠯᠡᠨ ᠮᠠᠯᠵᠢᠬᠤ | ᠠᠮᠢᠳᠤᠷᠡᠯ ᠨᠢ ᠲᠠᠷᠢᠶᠠᠯᠠᠬᠤ᠂ ᠬᠠᠭᠠᠰ ᠮᠠᠯᠵᠢᠬᠤ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠲᠠᠶᠢᠰᠢ ᠤᠯᠠᠷᠢᠵᠦ ᠤᠳᠤᠮᠰᠢᠯᠲᠦ ᠤᠷᠲᠦ | ᠬᠤᠪᠴᠠᠰᠦ᠂ ᠦᠨᠳᠦᠷ ᠲᠦᠷᠡᠶᠢᠲᠦ ᠭᠤᠳᠤᠯ ᠨᠢ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠵᠤᠬᠢᠴᠠᠬᠤ ᠦᠭᠡᠢ ᠪᠤᠯᠵᠦ᠂ | ᠤᠬᠳᠤᠷ ᠬᠦᠷᠮᠡ᠂ ᠶᠡᠭᠡ ᠠᠯᠠ ᠲᠠᠢ ᠦᠮᠦᠲᠦ᠂ ᠪᠤᠭᠤᠨᠢ ᠲᠦᠷᠠᠢ ᠲᠠᠢ ᠱᠠᠬᠠᠢ ᠡᠮᠦᠰᠬᠦ ᠪᠤᠯᠵᠠᠢ᠃ ᠴᠢᠩ ᠤᠯᠤᠰ ᠤᠨ | ᠰᠡᠭᠦᠯᠴᠢ ᠪᠠᠷ ᠮᠤᠩᠭᠤᠯ ᠤᠨ ᠡᠷᠭᠡ ᠰᠦᠷ ᠪᠠᠭᠤᠷᠠᠬᠤ ᠶᠢ ᠲᠠᠭᠠᠯᠳᠤᠨ ᠤᠳᠤᠮᠰᠢᠯᠲᠦ ᠬᠤᠪᠴᠠᠰᠦ ᠵᠠᠰᠠᠯ ᠴᠦ | ᠠᠶᠠᠯᠳᠤᠨ ᠤᠰᠠᠳᠴᠦ ᠡᠬᠢᠯᠡᠪᠡ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ᠠᠴᠠ ᠡᠬᠢᠯᠡᠵᠦ ᠮᠤᠩᠭᠤᠯ ᠤᠶᠤᠳᠠᠨ | ᠰᠡᠭᠡᠭᠡᠳᠠᠳ ᠺᠤᠰᠲ᠋ᠢᠶᠤᠮ ᠡᠮᠦᠰᠴᠦ ᠡᠬᠢᠯᠡᠪᠡ᠃ | ᠴᠢᠯᠦᠭᠡᠯᠡᠭᠲᠡᠭᠰᠡᠨ ᠤ ᠲᠠᠷᠠᠭᠠ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠳᠤᠮᠰᠢᠯᠲᠦ ᠬᠤᠪᠴᠠᠰᠦ ᠵᠠᠰᠠᠯ ᠶᠡᠭᠡᠭᠡᠨ | ᠲᠦᠷᠢᠯᠲᠡ ᠳᠤ ᠤᠴᠠᠷᠠᠵᠠᠢ᠃ ᠵᠦᠪᠭᠡᠨ ᠪᠦᠰᠡᠭᠦᠶᠢᠴᠤᠤᠯ ᠤᠨ ᠬᠤᠪᠴᠠᠰᠦ ᠬᠤᠨᠠᠷ ᠤᠨ ᠤᠯᠠᠨ ᠶᠠᠩᠵᠦ ᠬᠡᠯᠪᠡᠷᠢ ᠪᠡ | ᠦᠩᠭᠡ ᠮᠠᠶ᠋ᠢᠭ ᠨᠢ ᠬᠠᠷᠢᠴᠠᠩᠭᠤᠢ ᠦᠯᠡᠲᠡᠭᠰᠡᠨ ᠠᠴᠠ ᠪᠤᠰᠤ ᠡᠯᠡ ᠵᠦᠢᠯ ᠤᠨ ᠲᠤᠯᠤᠭᠠᠢ ᠶᠢᠨ ᠵᠢᠮᠰᠡᠭ ᠪᠤᠯᠤᠨ | ᠵᠠᠰᠠᠯ ᠴᠢᠮᠡᠭᠯᠡᠯ ᠤᠳ ᠴᠦ ᠲᠦᠭᠦᠮᠴᠢᠯᠡᠭᠲᠡᠵᠦ᠂ ᠡᠳᠤᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠡᠯ ᠲᠤᠮᠲᠡ ᠡᠭᠡᠮᠦᠭ᠂ ᠪᠠᠭᠤᠤ᠂ | ᠪᠦᠯᠡᠵᠡᠭ ᠵᠡᠷᠭᠡ ᠯᠡ ᠦᠯᠡᠲᠡᠪᠡ᠃ ᠡᠲᠦᠭᠡ ᠶᠢᠨ ᠮᠠᠨ ᠤ ᠠᠮᠢᠳᠤᠷᠡᠯ ᠲᠤᠮᠲᠡ ᠲᠠᠩᠲᠡ ᠬᠠᠷᠠᠬᠳᠠᠳᠠᠭ ᠰᠢᠨᠡ ᠮᠠᠶ᠋ᠢᠭ | ᠤᠨ ᠦᠩᠭᠡ ᠢᠯᠭᠠᠷᠠᠮᠡ ᠮᠤᠩᠭᠤᠯ ᠲᠡᠷᠯᠢᠭ ᠪᠤᠯ ᠬᠡᠳᠤᠨ ᠠᠷᠪᠠᠨ ᠵᠢᠯ ᠢᠶᠠᠷ ᠤᠷᠠᠯᠢᠭ ᠤᠨ ᠲᠠᠶᠢᠰᠡᠨ ᠳᠤ ᠬᠢᠯᠠᠷᠡᠵᠦ | ᠶᠠᠪᠤᠭᠰᠡᠨ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠭᠠᠪᠢᠶᠡ ᠪᠢᠯᠡ᠃ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠤᠬᠯᠠᠭᠴᠢᠳ ᠤᠨ ᠬᠤᠪᠴᠠᠰᠦ ᠵᠠᠰᠠᠯ ᠨᠢ | ᠮᠤᠩᠭᠤᠯ ᠤᠳᠤᠮᠰᠢᠯᠲᠦ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠦᠨᠳᠦᠰᠦᠨ ᠵᠠᠬᠪᠦᠷ ᠢ ᠬᠠᠳᠠᠭᠠᠯᠠᠬᠤ ᠶᠢᠨ ᠬᠠᠮᠲᠦ ᠤᠷᠠᠯᠢᠭ ᠤᠨ | ᠡᠰᠭᠡᠯᠲᠡ ᠪᠠᠷ ᠲᠠᠪᠠᠭᠤᠯᠤᠨ ᠭᠤᠸᠠᠯᠢᠬᠵᠢᠭᠤᠯᠤᠭᠰᠡᠨ ᠪᠠᠶᠢᠪᠡ᠃ ᠲᠡᠷᠡ ᠨᠢ ᠨᠢᠭᠡ ᠳᠤ᠂ ᠮᠤᠩᠭᠤᠯ ᠲᠡᠷᠯᠢᠭ ᠤᠨ | ᠡᠮᠵᠢᠶᠠᠷᠢ ᠶᠢᠨ ᠤᠷᠠᠯᠢᠭ︔ ᠬᠤᠶᠠᠷ ᠲᠤ᠂ ᠪᠡᠯᠭᠡᠭᠦᠰᠦ ᠪᠠᠷ ᠨᠢ ᠨᠠᠷᠢᠰᠬᠠᠭᠰᠡᠨ ᠡᠰᠭᠡᠯᠲᠡ︔ ᠭᠤᠷᠪᠡ ᠳᠤ᠂ | ᠬᠤᠭᠤᠯᠠᠪᠴᠢ ᠶᠢᠨ ᠤᠷᠠᠯᠢᠭ ᠵᠡᠷᠭᠡ ᠲᠡᠭᠡᠷᠡ ᠢᠯᠡᠷᠡᠲᠡᠭ᠃ ᠢᠷᠡᠭᠡᠳᠤᠢ ᠳᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ | ᠦᠵᠡᠰᠭᠦᠯᠡᠩᠲᠦ ᠡᠮᠦᠰᠭᠡᠯ ᠬᠤᠪᠴᠠᠰᠦ ᠨᠢ ᠴᠠᠭ ᠦᠶᠡ ᠶᠢᠨ ᠦᠷᠨᠢᠯ ᠢ ᠲᠠᠭᠠᠯᠳᠤᠨ ᠢᠯᠠᠩᠭᠤᠶᠡ ᠮᠤᠩᠭᠤᠯᠴᠤᠳ | ᠲᠦᠪᠯᠡᠷᠡᠭᠰᠡᠨ ᠰᠠᠭᠤᠷᠢᠰᠢᠯ᠂ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠤᠳ ᠲᠤ ᠨᠢᠭᠡ ᠵᠦᠢᠯ ᠤᠨ ᠬᠤᠪᠴᠠᠰᠤᠨ ᠤ ᠵᠠᠬᠪᠤᠷ ᠤᠨ ᠬᠡᠪ | ᠨᠠᠮᠪᠡ ᠪᠠᠷ ᠲᠡᠯᠡᠭᠡᠢ ᠶᠢᠨ ᠲᠠᠪᠴᠠᠩ ᠳᠤ ᠭᠠᠷᠬᠤ ᠪᠤᠯᠤᠯᠴᠠᠭᠠ ᠪᠤᠢ᠃ ᠡᠭᠦᠨ ᠢᠶᠠᠷ ᠲᠡᠯᠡᠭᠡᠢ ᠶᠢᠨ ᠴᠢᠬᠤᠯᠠ ᠨᠢᠭᠡ | ᠪᠦᠷᠢᠯᠳᠤᠭᠦᠨ ᠪᠤᠯᠬᠤ ᠴᠦ ᠶᠤᠰᠤᠳᠠᠢ᠃ | | ︽ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠠᠶᠢᠯᠦᠮᠵᠢ︾ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠡ |