ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠲᠦᠪ ᠬᠢᠴᠢᠶᠡᠩᠭᠦᠢ ᠬᠢᠭᠡᠳ ᠪᠠᠶᠢᠭᠠᠯᠯᠢᠭ ᠶᠤᠰᠤᠷᠬᠠᠭ — ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠵᠠᠩ ᠲᠡᠳᠬᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-07-30
     ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠵᠠᠩ ᠲᠡᠳᠬᠠᠯ ᠨᠢ ᠤᠷᠤᠰᠢᠨ ᠲᠤᠬᠳᠠᠨᠢᠬᠤ ᠲᠡᠯ᠎ᠡ ᠨᠤᠳᠤᠭ ᠲᠠᠢ ᠪᠠᠨ ᠨᠢᠬᠲᠡ ᠬᠠᠷᠢᠴᠠᠭ᠎ᠠ ᠲᠠᠢ ᠶᠤᠮ᠃ ᠨᠡᠭᠦᠲᠡᠯᠴᠢ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠡᠯ ᠤᠨ ᠬᠡᠯᠪᠡᠷᠢ ᠮᠠᠶ᠋ᠢᠭ᠂ ᠤᠳᠤᠮᠰᠢᠯᠲᠦ ᠵᠠᠩ ᠠᠭᠠᠯᠢ᠂ ᠰᠡᠳᠬᠢᠭᠦᠢ᠂ ᠦᠵᠡᠯ ᠤᠬᠠᠮᠰᠠᠷ ᠨᠢ ᠤᠷᠴᠢᠨ ᠲᠤᠭᠤᠷᠢᠨ ᠲᠠᠢ ᠪᠠᠨ ᠨᠢᠬᠲᠡ ᠬᠠᠷᠢᠴᠠᠭ᠎ᠠ ᠲᠠᠢ ᠪᠠᠷ ᠦᠯᠦ ᠪᠠᠷᠡᠮ ᠲᠡᠷᠡ ᠪᠦᠬᠦᠨ ᠨᠢ ᠰᠢᠭᠤᠳ ᠪᠤᠯᠤᠨ ᠲᠠᠮ ᠢᠶᠠᠷ ᠠᠮᠢ ᠠᠬᠤᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠬᠠᠮᠠᠭᠠᠯᠠᠵᠦ ᠪᠠᠶᠢᠳᠠᠭ᠃ ᠨᠡᠭᠦᠳᠡᠯᠴᠢ ᠮᠠᠯᠴᠢᠨ ᠦᠪᠡᠷ ᠢ ᠪᠠᠨ ᠪᠠᠶᠢᠭᠠᠯᠢ ᠶᠢᠨ ᠦᠷᠡᠰ ᠭᠡᠵᠦ ᠦᠵᠡᠲᠡᠭ ᠪᠤᠯᠬᠤᠷ ᠬᠦᠮᠦᠨ ᠪᠠᠶᠢᠭᠠᠯᠢ ᠬᠤᠭᠤᠷᠤᠨᠲᠦ ᠪᠠᠨ ᠪᠠᠶᠢᠭᠠᠯᠯᠢᠭ ᠢᠶᠠᠷ ᠤᠷᠤᠰᠢᠬᠤ ᠬᠠᠶᠢᠷ᠎ᠡ ᠰᠡᠳᠬᠢᠯᠭᠡ ᠲᠠᠢ ᠪᠠᠶᠢᠳᠠᠭ᠃ ᠦᠪᠦᠷ ᠮᠤᠩᠭᠤᠯ ᠠᠯᠢ ᠡᠷᠲᠡ ᠠᠴᠠ ᠮᠤᠩᠭᠤᠯ ᠤᠨ ᠬᠠᠭᠠᠨᠲᠦ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠬᠤ ᠶᠢᠨ ᠦᠶ᠎ᠡ ᠳᠤ ︽ᠨᠡᠭᠦᠲᠡᠯᠴᠢᠨ ᠮᠠᠯᠴᠢᠨ ᠤᠯᠤᠰ︾ ᠬᠡᠰᠡᠨ ᠨᠡᠷ᠎ᠡ ᠪᠠᠷ ᠠᠯᠳᠠᠷᠰᠢᠬᠰᠡᠨ ᠶᠤᠮ᠃      ᠲᠡᠦᠭᠡᠨ ᠠᠴᠠ ᠠᠪᠤᠭᠠᠳ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤᠷᠤᠰᠢᠨ ᠲᠤᠬᠳᠠᠨᠢᠬᠤ ᠤᠷᠴᠢᠨ ᠲᠤᠭᠤᠷᠢᠨ ᠪᠤᠯᠤᠨ ᠠᠮᠢᠳᠤᠷᠠᠬᠤᠢ ᠶᠢᠨ ᠬᠡᠯᠪᠡᠷᠢ ᠮᠠᠶ᠋ᠢᠭ᠂ ᠵᠠᠩ ᠲᠡᠳᠬᠠᠯ ᠢᠶᠠᠷ ᠢᠶᠠᠨ ᠤᠷᠤᠰᠢᠭᠤᠯᠭ᠎ᠠ ᠶᠢᠨ ᠤᠴᠢᠷ ᠢ ᠲᠦᠭᠦᠮ ᠲᠦᠲᠡ ᠶᠠᠪᠤᠬᠳᠠᠭᠤᠯᠳᠠᠭ᠃ ᠡᠩ ᠤᠨ ᠪᠠᠶᠢᠲᠡᠯ ᠳᠤ ᠠᠪᠰᠡ ᠪᠤᠯᠤᠨ ᠬᠤᠶᠢᠯᠭ᠎ᠠ ᠶᠢᠨ ᠵᠦᠢᠯᠡᠰ ᠬᠡᠷᠡᠭᠯᠡᠲᠡᠭ ᠦᠭᠡᠢ᠃ ᠭᠤᠮᠤᠳᠠᠯ ᠤᠨ ᠬᠤᠪᠴᠠᠰᠦ ᠡᠮᠦᠰᠬᠦ ᠦᠭᠡᠢ᠂ ᠴᠠᠭᠠᠰᠤᠨ ᠵᠤᠭᠤᠰ ᠵᠡᠷᠭᠡ ᠰᠢᠳᠠᠭᠠᠬᠤ ᠦᠭᠡᠢ ᠪᠦᠭᠡᠳ ᠭᠠᠰᠢᠭᠤᠳᠡᠯ  ᠤᠨ ᠠᠶᠠᠰ ᠴᠦ ᠲᠠᠯᠪᠢᠳᠠᠭ ᠦᠭᠡᠢ᠃ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠤᠷᠤᠰᠢᠭᠤᠯᠭ᠎ᠠ ᠳᠤ ᠭᠤᠤᠯᠳᠠᠭᠤ ᠪᠤᠯᠠᠰᠢᠯᠠᠬᠤ᠂ ᠭᠠᠯ ᠢᠶᠠᠷ ᠲᠡᠭᠲᠡᠭᠡᠬᠦ᠂ ᠬᠦᠲᠡᠭᠡᠯᠡᠭᠦᠯᠬᠦ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯ ᠪᠠᠶᠢᠳᠠᠭ᠃ ᠤᠯᠠᠩᠬᠢ ᠳᠠᠭᠠᠨ ᠪᠤᠯᠠᠰᠢᠯᠠᠳᠠᠭ᠃      ᠪᠤᠯᠠᠰᠢ    ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠮᠤᠩᠭᠤᠯᠴᠤᠳ ᠭᠡᠭᠦᠷ ᠤᠩᠭᠤᠨ ᠢᠶᠠᠨ ᠪᠤᠯᠠᠰᠢᠯᠠᠳᠠᠭ ᠪᠤᠯᠵᠠᠢ᠃ ᠶᠡᠭᠡ ᠡᠷᠲᠡ ᠦᠶ᠎ᠡ ᠳᠤ ᠮᠤᠩᠭᠤᠯᠴᠤᠳ ᠦᠭᠦᠭᠦ ᠶᠢ ᠬᠦᠮᠦᠨ ᠤ ᠶᠢᠷᠳᠢᠨᠴᠦ ᠠᠴᠠ ᠦᠭᠡᠷ᠎ᠡ ᠨᠢᠭᠡ ᠶᠢᠷᠳᠢᠨᠴᠦ ᠳᠤ ᠬᠡᠳᠤᠯᠬᠦ ᠶᠢᠨ ᠤᠴᠢᠷ ᠪᠤᠯᠭᠠᠨ ᠦᠵᠡᠲᠡᠭ ᠠᠴᠠ ᠦᠭᠦᠭᠰᠡᠳ ᠢ ᠦᠭᠡᠷ᠎ᠡ ᠶᠢᠷᠲᠢᠨᠴᠦ ᠳᠤ ᠬᠦᠷᠦᠭᠡᠳ ᠠᠮᠢᠳᠣᠷᠡᠯ ᠢᠶᠠᠨ ᠡᠬᠢᠯᠡᠭᠦᠯᠬᠦ ᠶᠢ ᠪᠤᠳᠤᠵᠦ ᠶᠠᠳᠠᠭᠤ ᠪᠠᠶᠠᠨ ᠭᠡᠰᠡᠨ ᠦᠭᠡᠢ ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠨᠢ ᠰᠠᠶᠢᠨ ᠢ ᠡᠮᠦᠰᠦᠭᠦᠯᠵᠦ ᠤᠷᠤᠰᠢᠭᠤᠯᠳᠠᠭ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠠᠭᠠᠨ ᠬᠠᠯᠢᠬᠰᠡᠨ ᠳᠤ ︽ᠪᠤᠯᠠᠭ᠎ᠠ ᠶᠢ ᠠᠷᠡᠰᠤᠨ ᠬᠦᠷᠮ᠎ᠡ᠂ ᠮᠠᠯᠠᠭᠠᠢ᠂ ᠪᠦᠰᠡ᠂ ᠤᠶᠢᠮᠦᠰᠦ ᠭᠤᠳᠤᠯ᠂ ᠠᠶᠠᠭ᠎ᠠ ᠰᠡᠪᠡ ᠵᠡᠷᠭᠡ ᠪᠡᠯᠡᠳᠭᠡᠵᠦ ᠴᠠᠭᠠᠨ ᠢᠶᠠᠷ ᠭᠠᠳᠠᠷᠯᠠᠵᠤᠬᠤᠢ︾᠃ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠮᠤᠩᠭᠤᠯ ᠬᠠᠭᠠᠳ ᠨᠠᠰᠦ ᠨᠦᠭᠴᠢᠪᠡᠯ ᠴᠤᠯ ᠮᠤᠳᠤ ᠶᠢ ᠬᠦᠮᠦᠨ ᠤ ᠪᠡᠶ᠎ᠡ ᠶᠢᠨ ᠲᠦᠯᠦᠪ ᠢᠶᠠᠷ ᠤᠬᠤᠵᠦ ᠠᠪᠰᠠᠯᠠᠭᠠᠳ ᠭᠠᠳᠠᠭᠤᠷ ᠨᠢ ᠠᠯᠳᠠᠨ ᠴᠠᠭᠠᠷᠢᠭ ᠢᠶᠠᠷ ᠭᠤᠷᠪᠠᠨ ᠪᠦᠰᠡᠯᠡᠭᠦᠷ ᠴᠠᠭᠠᠷᠢᠬᠯᠠᠵᠦ ᠴᠢᠩᠭ᠎ᠠ ᠪᠤᠭᠤᠵᠦ ᠭᠠᠵᠠᠷ ᠲᠤ ᠬᠦᠨ ᠪᠤᠯᠠᠰᠢᠯᠠᠨ ᠲᠡᠭᠡᠭᠦᠷ ᠨᠢ ᠠᠳᠤᠭᠤᠳ ᠢᠶᠠᠷ ᠬᠢᠰᠬᠢᠭᠦᠯᠦᠨ ᠲᠡᠭᠰᠢᠯᠡᠵᠦ ᠤᠷᠬᠢᠳᠠᠭ ᠭᠡᠲᠡᠭ᠃ ᠡᠳᠤᠷ ᠤᠨ ᠤᠳᠠᠭᠠᠨ ᠳᠤ ᠭᠠᠵᠠᠷ ᠤᠨ ᠬᠦᠷᠦᠰᠦ ᠡᠷᠡᠭᠦᠯᠵᠢᠨ ᠲᠡᠭᠰᠢᠷᠡᠪᠡᠯ ᠤᠤᠯ ᠭᠡᠭᠦᠷ ᠤᠩᠭᠤᠨ ᠤ ᠭᠠᠵᠠᠷ ᠭᠡᠲᠡᠭ ᠨᠢ ᠲᠠᠨᠢᠬᠳᠠᠬᠤ ᠪᠠᠨ ᠪᠤᠯᠢᠲᠠᠭ᠃ ᠪᠠᠰᠡ ︽ᠬᠠᠷ᠎ᠡ ᠲᠠᠲ᠋ᠠᠷ ᠤᠨ ᠬᠡᠷᠡᠭ ᠤᠨ ᠲᠡᠮᠲᠡᠭᠯᠡᠯ︾  ᠳᠤ᠄ ︽ᠤᠩᠭᠤᠨ ᠪᠤᠯᠠᠰᠢ ᠶᠢᠨ ᠭᠠᠵᠠᠷ ᠢ ᠤᠷᠤᠮ ᠦᠭᠡᠢ ᠪᠤᠯᠳᠠᠯ᠎ᠡ ᠤᠯᠠᠨ ᠠᠳᠤᠭᠤᠳ ᠬᠢᠰᠬᠢᠨ ᠲᠡᠭᠰᠢ ᠲᠡᠯ᠎ᠡ ᠮᠡᠲᠦ ᠪᠤᠯᠭᠠᠮᠤᠢ︾ ᠭᠡᠵᠦ ᠲᠡᠮᠲᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠡᠬᠢᠯᠡᠨ ᠶᠤᠸᠠᠨ ᠤᠯᠤᠰ  ᠤᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠲᠤᠭᠤᠭᠠᠨᠳᠠᠮᠦ᠋ᠷ ᠬᠠᠭᠠᠨ ᠬᠦᠷᠲᠡᠯᠡᠬᠢ ᠤᠩᠭᠤᠨ ᠪᠤᠯᠠᠰᠢ ᠨᠢ ᠡᠲᠦᠭᠡ ᠪᠤᠯᠳᠠᠯ᠎ᠡ ᠤᠷᠤ ᠮᠦᠷ ᠦᠭᠡᠢ ᠪᠠᠶᠢᠳᠠᠭ᠃ ᠡᠲᠦᠭᠡ ᠶᠢᠨ ᠪᠤᠯᠠᠰᠢ ᠨᠢ ᠢᠯᠠᠩᠭᠤᠶ᠎ᠡ ᠲᠠᠷᠢᠶᠠᠯᠠᠬᠤ ᠤᠷᠤᠨ ᠤ ᠮᠤᠩᠭᠤᠯ ᠬᠦᠮᠦᠨ  ᠤ ᠪᠤᠯᠠᠰᠢ ᠨᠢ ᠬᠢᠲᠡᠳ ᠬᠦᠮᠦᠨ ᠤ ᠬᠢ ᠲᠠᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠳᠠᠯᠢᠪᠳᠤᠷ ᠪᠤᠯᠵᠠᠢ᠃      ᠬᠦᠲᠡᠭᠡᠯᠡᠬᠦ    ᠡᠭᠦᠨ ᠢ ᠪᠠᠰᠡ ᠲᠡᠭᠷᠢ ᠤᠷᠤᠰᠢᠭᠤᠯᠭ᠎ᠠ ᠬᠡᠲᠡᠭ᠃ ᠬᠦᠮᠦᠨ ᠪᠡᠶ᠎ᠡ ᠦᠩᠭᠡᠷᠡᠪᠡᠯ ᠴᠠᠭᠠᠨ ᠪᠦᠰ  ᠢᠶᠠᠷ ᠤᠷᠢᠶᠠᠵᠦ᠂ ᠲᠤᠬᠳᠠᠭᠰᠡᠨ ᠡᠳᠤᠷ ᠦᠵᠡᠭᠦᠯᠦᠨ ᠬᠠᠰᠠᠭ ᠲᠡᠷᠭᠡᠨ ᠲᠡᠭᠡᠷ᠎ᠡ ᠠᠪᠴᠦ ᠶᠠᠪᠤᠨ ᠭᠡᠭᠡᠷ᠎ᠡ ᠬᠦᠲᠡᠭᠡ ᠡᠩᠭᠦᠯ ᠲᠤᠩᠬᠤᠯ ᠵᠠᠮ ᠢᠶᠠᠷ ᠰᠠᠵᠢᠯᠠᠭᠤᠯᠤᠭᠰᠠᠭᠠᠷ ᠬᠠᠮᠢᠭ᠎ᠠ ᠦᠢᠴᠢᠪᠡᠯ ᠮᠦᠨ ᠲᠡᠨᠲᠡ ᠨᠢ ᠤᠷᠤᠰᠢᠭᠤᠯᠴᠢᠬᠠᠳᠠᠭ᠃ ᠭᠤᠷᠪᠠᠨ ᠡᠳᠤᠷ ᠤᠨ ᠲᠠᠷᠠᠭ᠎ᠠ ᠲᠡᠷᠭᠡᠨ ᠤ ᠮᠦᠷ ᠢᠶᠠᠷ ᠡᠷᠢᠵᠦ ᠤᠴᠢᠬᠤ ᠳᠤ ᠭᠡᠭᠦᠷ ᠪᠡᠶ᠎ᠡ ᠶᠢ ᠨᠢ ᠠᠷᠢᠶᠠᠳᠠᠨ ᠰᠢᠪᠠᠭᠤ ᠰᠡᠭᠴᠢᠵᠦ ᠢᠲᠡᠭᠰᠡᠨ ᠪᠠᠶᠢᠪᠡᠯ ᠦᠭᠦᠭᠰᠡᠨ ᠬᠦᠮᠦᠨ ᠤ ᠰᠦᠨᠡᠰᠦ ᠨᠢ ᠳ᠋ᠧᠪᠠᠵᠠᠨ ᠳᠠᠭᠠᠨ ᠬᠦᠷᠴᠢᠭᠡᠵᠠᠢ ᠭᠡᠵᠦ ᠦᠵᠡᠲᠡᠭ᠃ ᠭᠡᠭᠦᠷ ᠪᠡᠶ᠎ᠡ ᠡᠪᠳᠡᠭᠳᠡᠵᠦ ᠬᠦᠨᠳᠡᠭᠳᠡᠭᠰᠡᠨ ᠦᠭᠡᠢ ᠤᠤᠯ ᠬᠡᠪ ᠢᠶᠠᠷ ᠪᠠᠶᠢᠪᠡᠯ ᠲᠠᠷᠤᠢ ᠯᠠᠮᠠ ᠵᠠᠯᠠᠵᠦ ᠨᠤᠮ ᠬᠦᠷᠢᠮ ᠤᠩᠰᠢᠭᠤᠯᠤᠨ ᠶᠡᠯ᠎ᠡ ᠬᠢᠯᠢᠴᠡ ᠶᠢ ᠨᠢ ᠲᠠᠶᠢᠯᠳᠠᠭ᠃ ᠲᠠᠷᠡᠴᠢᠯᠡᠨ ᠪᠠᠰᠡ ᠬᠡᠭᠦᠷ ᠪᠡᠶ᠎ᠡ ᠲᠡᠭᠡᠷ᠎ᠡ ᠨᠢ ᠰᠢᠷ᠎ᠡ ᠲᠤᠰᠤ ᠲᠦᠷᠬᠢᠵᠦ᠂ ᠠᠷᠢᠬᠢ ᠲᠤᠰᠤᠭᠠᠨ ᠠᠷᠢᠶᠠᠳᠠᠨ ᠰᠢᠪᠠᠭᠤᠳ ᠤᠨ ᠦᠭᠶᠦᠭᠡ ᠪᠤᠯᠭᠠᠬᠤ ᠶᠢ ᠵᠤᠷᠢᠳᠠᠭ ᠰᠠᠨ᠃ ᠠᠷᠢᠶᠠᠳᠠᠨ ᠰᠢᠪᠠᠭᠤ ᠰᠡᠭᠴᠢᠭᠡᠳ ᠦᠯᠡᠲᠡᠭᠰᠡᠨ ᠰᠡᠭ ᠶᠠᠰᠦ ᠶᠢ ᠨᠢ ᠲᠡᠭᠦᠵᠦ ᠭᠠᠵᠠᠷ ᠲᠤ ᠪᠤᠯᠠᠵᠦ ᠤᠷᠬᠢᠳᠠᠭ᠃ ᠬᠦᠳᠡᠭᠡᠯᠡᠭᠦᠯᠵᠦ ᠪᠠᠷᠠᠭᠰᠡᠨ ᠤ ᠲᠠᠷᠠᠭ᠎ᠠ ᠦᠷ᠎ᠡ ᠠᠴᠢᠷ ᠨᠢ 49 ᠬᠤᠨᠤᠭ ᠪᠤᠶᠦ ᠵᠠᠭᠤᠨ ᠡᠳᠤᠷ ᠦᠰᠦ ᠰᠠᠬᠠᠯ  ᠢᠶᠠᠨ ᠬᠢᠷᠠᠭᠠᠬᠤ ᠦᠭᠡᠢ᠂ ᠠᠷᠢᠬᠢ ᠲᠠᠷᠡᠰᠦ ᠤᠤᠭᠤᠬᠤ ᠦᠭᠡᠢ᠂ ᠪᠠᠶᠠᠰᠴᠦ ᠴᠡᠩᠭᠡᠬᠦ ᠭᠠᠵᠠᠷ ᠦᠯᠦ ᠤᠴᠢᠨ ᠪᠡᠯᠪᠡᠰᠤᠷᠠᠵᠦ᠂ ᠬᠡᠦᠭᠡᠨ ᠪᠦᠰᠡᠭᠦᠶᠢᠴᠤᠤᠯ ᠲᠤᠯᠤᠭᠠᠢ ᠶᠢᠨ ᠵᠢᠮᠰᠡᠭ ᠵᠠᠰᠠᠯ ᠵᠡᠭᠦᠭᠦ ᠦᠭᠡᠢ ᠪᠠᠷ ᠪᠡᠯᠪᠡᠰᠦᠷᠡᠨ ᠭᠠᠰᠢᠭᠤᠳᠠᠳᠠᠭ᠃ ᠡᠲᠦᠭᠡ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠠᠨᠢᠯᠲᠡ ᠬᠤᠪᠢᠷᠠᠵᠦ᠂ ᠰᠤᠶᠤᠯ ᠪᠤᠯᠪᠠᠰᠤᠷᠡᠯ ᠤᠨ ᠬᠢᠷᠢ ᠲᠦᠪᠰᠢᠨ ᠲᠡᠭᠡᠭᠰᠢᠯᠡᠭᠰᠡᠨ ᠠᠴᠠ ᠡᠶᠢᠮᠦᠷᠬᠦ ᠬᠦᠲᠡᠭᠡᠯᠡᠬᠦ ᠵᠠᠩ ᠲᠡᠳᠬᠠᠯ ᠨᠢ ᠦᠨᠳᠦᠰᠦᠨ ᠳᠡᠭᠡᠨ ᠠᠯᠠᠭ᠎ᠠ ᠪᠤᠯᠵᠠᠢ᠃      ᠭᠠᠯ ᠢᠶᠠᠷ ᠲᠡᠭᠲᠡᠭᠡᠭᠦ    ᠡᠨᠡ ᠨᠢ ᠰᠢᠷ᠎ᠡ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠤᠯᠠᠮᠵᠢᠯᠠᠬᠰᠡᠨ ᠤ ᠲᠠᠷᠠᠭ᠎ᠠ ᠪᠤᠢ ᠪᠤᠯᠤᠭᠰᠡᠨ ᠨᠢᠭᠡ ᠵᠦᠢᠯ ᠤᠨ ᠤᠷᠤᠰᠢᠭᠤᠯᠭ᠎ᠠ ᠶᠢᠨ ᠬᠡᠯᠪᠡᠷᠢ ᠪᠤᠯᠤᠨ᠎ᠡ᠃ ᠡᠩ ᠤᠨ ᠪᠠᠶᠢᠳᠡᠯ ᠳᠤ ᠪᠦᠷ ᠬᠦᠲᠡᠭᠡ ᠭᠡᠭᠡᠷ᠎ᠡ ᠭᠠᠯ ᠢᠶᠠᠷ ᠲᠡᠭᠲᠡᠭᠡᠲᠡᠭ ᠪᠢᠯᠡ᠃ ᠯᠠᠮᠠ ᠬᠦᠮᠦᠨ ᠪᠡᠶ᠎ᠡ ᠪᠠᠷᠡᠪᠡᠯ ᠴᠦᠮ ᠭᠠᠯ ᠢᠶᠠᠷ ᠲᠡᠭᠲᠡᠭᠡᠲᠡᠭ ᠶᠤᠮ᠃ ᠪᠠᠰᠡ ᠵᠠᠷᠢᠮ ᠬᠠᠯᠳᠠᠪᠦᠷᠢᠲᠦ ᠬᠢᠵᠢᠭ ᠲᠤ ᠨᠡᠷᠪᠡᠭᠲᠡᠭᠰᠡᠨ ᠪᠤᠶᠦ ᠬᠦᠩᠭᠡᠵᠢᠬᠦ ᠠᠴᠠ ᠪᠤᠯᠤᠭᠠᠳ ᠪᠡᠶ᠎ᠡ ᠦᠩᠭᠡᠷᠡᠭᠰᠡᠳ ᠢ ᠪᠦᠷ ᠭᠠᠯ ᠢᠶᠠᠷ ᠲᠡᠭᠲᠡᠭᠡᠲᠡᠭ ᠶᠤᠮ᠃ ᠭᠠᠯ ᠢᠶᠠᠷ ᠲᠡᠭᠲᠡᠭᠡᠬᠦ ᠳᠡᠭᠡᠨ ᠦᠭᠦᠭᠰᠡᠳ ᠤᠨ ᠭᠡᠭᠦᠷ ᠪᠡᠶ᠎ᠡ ᠲᠡᠭᠡᠷ᠎ᠡ ᠰᠢᠷ᠎ᠡ ᠲᠤᠰᠤ ᠲᠦᠷᠬᠢᠵᠦ ᠭᠠᠯ ᠳᠤ ᠲᠦᠯᠡᠬᠦ ᠳᠡᠭᠡᠨ ᠯᠠᠮᠠ ᠬᠤᠸᠠᠷᠠᠭ ᠨᠤᠮ ᠬᠦᠷᠢᠮ ᠤᠩᠰᠢᠨ᠎ᠡ᠃ ᠶᠠᠰᠦ ᠴᠢᠨᠳᠠᠷᠤᠤ ᠶᠢ ᠨᠢ ᠲᠡᠭᠦᠵᠦ ᠠᠪᠤᠨ ᠬᠦᠲᠡᠭᠡ ᠭᠡᠭᠡᠷ᠎ᠡ ᠪᠤᠯᠠᠰᠢᠯᠠᠳᠠᠭ᠃ ᠵᠠᠷᠢᠮ ᠨᠢ ᠪᠠᠰᠡ ᠴᠢᠨᠳᠠᠷᠤᠤ ᠶᠢ ᠨᠢ ᠠᠭᠤᠯᠠ ᠬᠦᠲᠦᠯ᠂ ᠭᠤᠤᠯ ᠮᠦᠷᠡᠨ ᠳᠤ ᠰᠠᠴᠤᠵᠦ ᠤᠷᠬᠢᠳᠠᠭ ᠰᠠᠨ᠃      ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠴᠠᠭᠠᠨ ᠰᠡᠷ᠎ᠡ ᠳᠤ ᠴᠠᠭᠠᠯᠠᠭᠤᠯᠳᠠᠭ ᠪᠦᠭᠡᠳ ᠡᠴᠢᠭᠡ ᠲᠡᠭᠷᠢ ᠡᠭᠡ ᠲᠠᠯᠡᠭᠡᠢ ᠬᠡᠮᠡᠨ ᠬᠦᠨᠳᠦᠯᠡᠲᠡᠭ ᠤᠨ ᠤᠴᠢᠷ᠃      ᠮᠤᠩᠭᠤᠯᠴᠤᠳ ᠦᠭᠡᠷ᠂ ᠠᠳᠤᠭᠤ᠂ ᠬᠤᠨᠢ᠂ ᠢᠮᠠᠭ᠎ᠠ᠂ ᠲᠡᠮᠡᠭᠡ ᠪᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠭᠡᠵᠦ ᠨᠡᠷᠡᠯᠡᠲᠡᠭ᠃ ᠮᠤᠩᠭᠤᠯᠴᠤᠳ ᠤᠨ ᠡᠮᠦᠰᠴᠦ ᠵᠡᠭᠦᠭᠦ᠂ ᠢᠲᠡᠵᠦ ᠤᠤᠭᠤᠬᠤ᠂ ᠬᠤᠨᠤᠵᠦ ᠬᠡᠪᠲᠡᠬᠦ᠂ ᠶᠠᠪᠤᠬᠤ ᠰᠠᠭᠤᠬᠤ ᠨᠢ ᠪᠦᠷ ︽ᠲᠠᠪᠤᠨ ᠬᠤᠰᠢᠭᠤ︾ ᠮᠠᠯ ᠠᠴᠠ ᠰᠠᠯᠵᠦ ᠪᠤᠯᠳᠠᠭ ᠦᠭᠡᠢ᠃ ᠲᠡᠯ᠎ᠡ ᠨᠤᠳᠤᠭ ᠪᠤᠯᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠤᠯ ᠮᠤᠩᠭᠤᠯ ᠬᠦᠮᠦᠨ ᠤ ᠠᠮᠢ ᠨᠠᠰᠤᠨ ᠤ ᠡᠬᠢ ᠪᠤᠯᠠᠭ ᠮᠦᠨ᠃ ᠠᠯᠢ ᠴᠦ ᠦᠨᠳᠦᠰᠦᠲᠡᠨ ᠳᠤ ᠭᠡᠳ ᠤᠨᠴᠠᠭᠠᠢ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠤᠷ ᠲᠠᠢ ᠪᠠᠶᠢᠳᠠᠭ᠃ ᠦᠨᠳᠦᠰᠦᠲᠡᠨ ᠪᠦᠷᠢ ᠴᠦᠮ ᠲᠡᠦᠭᠡ ᠶᠢᠨ ᠬᠤᠪᠢᠰᠤᠯ ᠲᠤᠮᠲᠡ ᠲᠤᠰ ᠦᠨᠳᠦᠰᠦᠲᠡᠨ ᠤ ᠪᠠᠨ ᠰᠤᠶᠤᠯ ᠢ ᠡᠭᠦᠳᠦᠨ ᠪᠦᠲᠦᠭᠡᠲᠡᠭ ᠪᠢᠯᠡ᠃ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠴᠠᠭᠠᠯᠠᠭᠤᠯᠬᠤ︾ ᠵᠡᠷᠭᠡ ᠶᠤᠰᠤ ᠵᠢᠷᠤᠮ ᠵᠠᠩ ᠲᠡᠳᠬᠠᠯ ᠨᠢ ᠲᠠᠷᠤᠢ ᠮᠦᠨ ᠡᠶᠢᠮᠦᠷᠬᠦ ᠰᠠᠭᠤᠷᠢᠨ ᠲᠡᠭᠡᠷ᠎ᠡ ᠪᠤᠢ ᠪᠤᠯᠵᠦ ᠬᠦᠭᠵᠢᠵᠦ ᠢᠷᠡᠭᠰᠡᠨ ᠪᠦᠭᠡᠳ ᠡᠲᠦᠭᠡ ᠪᠤᠯᠳᠡᠯ᠎ᠡ ᠤᠯᠠᠮᠵᠢᠯᠠᠬᠳᠠᠵᠠᠢ᠃      ᠠᠭᠤᠳᠠᠮ ᠬᠠᠩᠭᠠᠢ ᠲᠡᠯ᠎ᠡ ᠨᠤᠳᠤᠭ ᠲᠤ ᠤᠷᠤᠰᠢᠨ ᠪᠦᠬᠦᠢ ᠨᠡᠭᠦᠲᠡᠯᠴᠢᠨ ᠮᠠᠯᠴᠢᠨ ᠳᠤ ᠠᠪᠴᠦ ᠬᠡᠯᠡᠪᠡᠯ ᠠᠮᠢ ᠠᠬᠤᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠨᠢ ᠲᠡᠳᠠᠨᠤᠰ ᠲᠤ ᠮᠠᠯ ᠠᠵᠦ ᠠᠬᠤᠢ ᠪᠠᠷ ᠤᠨᠳᠤᠷᠬᠤ ᠭᠤᠤᠯ ᠲᠠᠯᠠᠪᠦᠷ ᠢ ᠤᠯᠭᠤᠬᠰᠡᠨ ᠠᠴᠠ ᠲᠡᠳᠠᠨᠤᠰ ᠡᠭᠦᠨ ᠤ ᠪᠠᠨ ᠲᠦᠯᠦᠭᠡ ᠪᠦᠬᠦᠶᠢᠯᠡ ᠪᠤᠳᠤᠯ ᠰᠡᠳᠬᠢᠯ᠂ ᠬᠠᠶᠢᠷ᠎ᠡ ᠰᠡᠳᠬᠢᠯᠭᠡ᠂ ᠤᠷ᠎ᠡ ᠮᠡᠷᠭᠡᠵᠢᠯ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠢᠶᠠᠨ ᠶᠡᠭᠦᠯᠡᠵᠦ ᠡᠭᠦᠨ ᠤ ᠲᠤᠮᠲᠡ ᠠᠴᠠ ᠬᠠᠶᠢᠷ᠎ᠡ ᠰᠡᠳᠬᠢᠯᠭᠡ ᠶᠢᠨ ᠢᠶᠠᠨ ᠬᠠᠨᠤᠮᠵᠢ᠂ ᠤᠶᠤᠨ ᠤᠬᠠᠭᠠᠨ ᠤ ᠪᠠᠨ ᠬᠦᠷᠲᠡᠮᠵᠢ᠂ ᠠᠵᠦ ᠠᠬᠤᠢ ᠶᠢᠨ ᠤᠯᠤᠮᠵᠢ ᠪᠠᠨ ᠤᠯᠤᠨ ᠤᠯᠵᠠᠷᠬᠠᠳᠠᠭ ᠰᠠᠨ᠃ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠴᠠᠭᠠᠨ ᠰᠡᠷ᠎ᠡ ᠳᠠᠭᠠᠨ ᠦᠩᠭᠡᠨ ᠲᠡᠯ᠎ᠡ ᠳᠠᠭᠠᠨ ᠬᠦᠮᠦᠨ ᠮᠠᠯ ᠪᠦᠬᠦᠲᠡ ᠴᠠᠭᠠᠯᠠᠳᠠᠭ ᠪᠤᠯᠪᠠᠴᠦ ᠦᠨᠡᠨ  ᠳᠡᠭᠡᠨ ᠤᠶᠤᠨ ᠰᠠᠨᠠᠭᠠᠨ ᠳᠠᠭᠠᠨ ᠨᠢᠭᠡ ᠶᠤᠰᠤᠨ ᠤ ᠦᠨᠳᠦᠷᠴᠠ ᠲᠡᠭᠡᠷ᠎ᠡ ᠭᠠᠷᠳᠠᠭ᠃ ᠬᠦᠮᠦᠨ ᠪᠤᠯᠤᠨ ᠮᠠᠯ ᠪᠤᠯ ᠪᠦᠷ ᠠᠮᠢᠲᠡᠨ ᠤ ᠬᠦᠷᠢᠶ᠎ᠡ ᠬᠡᠪᠴᠢᠶ᠎ᠡ ᠳᠤ ᠪᠠᠭᠳᠠᠳᠠᠭ᠃ ᠬᠡᠯᠡᠯᠭᠡᠨ ᠦᠭᠡᠢ ᠬᠦᠮᠦᠨ ᠪᠤᠯ ᠲᠡᠭᠡᠲᠦ ᠵᠡᠷᠭᠡ ᠶᠢᠨ ᠠᠮᠢᠳᠡᠨ ᠪᠤᠯᠬᠤᠷ ᠮᠠᠯ ᠠᠳᠤᠭᠤᠰᠦ ᠲᠠᠢ ᠠᠳᠠᠯᠢᠳᠬᠠᠰᠢ ᠦᠭᠡᠢ ᠶᠤᠮ᠃ ᠬᠡᠪᠡᠴᠦ ᠪᠠᠰᠡ ᠬᠠᠮᠲᠦ ᠶᠢᠨ ᠨᠢᠭᠡ ᠠᠳᠠᠯᠢᠪᠳᠤᠷ ᠲᠡᠯ᠎ᠡ ᠪᠠᠶᠢᠳᠠᠭ᠃ ᠲᠠᠷᠤᠢ ᠠᠮᠢᠳᠤᠷᠠᠬᠤ ᠶᠢᠨ ᠲᠦᠯᠦᠭᠡ ᠢᠲᠡᠵᠦ ᠤᠤᠭᠤᠬᠤ ᠶᠠᠪᠤᠳᠡᠯ ᠪᠤᠯᠤᠨ᠎ᠡ᠃ ᠵᠦᠪᠭᠡᠨ ᠠᠮᠢᠳᠤᠷᠡᠬᠤ᠂ ᠢᠲᠡᠵᠦ ᠤᠤᠭᠤᠬᠤ ᠶᠢᠨ ᠬᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠠᠳᠠᠯᠢ ᠦᠭᠡᠢ ᠠᠴᠠ ᠪᠢᠰᠢ ᠳ᠋ᠠ︕ ᠬᠦᠮᠦᠨ ᠪᠤᠯ ᠰᠡᠳᠬᠢᠭᠦᠢ᠂ ᠪᠤᠳᠤᠯ ᠰᠠᠨᠠᠭ᠎ᠠ ᠲᠠᠢ ᠪᠠᠶᠢᠳᠠᠭ ᠨᠢ ᠪᠤᠰᠤᠳ ᠠᠮᠢᠲᠡᠳ ᠲᠠᠢ ᠢᠯᠭᠠᠬᠳᠠᠬᠤ ᠲᠡᠯ᠎ᠡ ᠪᠤᠯᠤᠨ᠎ᠡ᠃ ᠡᠶᠢᠮᠦ ᠠᠴᠠ ᠬᠦᠮᠦᠰ ᠤᠨ ᠠᠮᠢ ᠠᠬᠤᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠬᠠᠮᠠᠭᠠᠯᠠᠬᠤ ᠪᠤᠯᠪᠠᠰᠤᠨ ᠨᠢ ᠲᠡᠩ ᠭᠠᠭᠴᠠ ᠠᠵᠢᠯᠯᠠᠭ᠎ᠠ ᠲᠡᠭᠡᠷ᠎ᠡ ᠪᠠᠨ ᠯᠡ ᠪᠠᠶᠢᠳᠠᠭ ᠪᠢᠰᠢ ᠬᠠᠷᠢᠨ ᠦᠵᠡᠯ ᠤᠬᠠᠮᠰᠠᠷ ᠬᠢᠭᠡᠳ ᠤᠶᠤᠨ ᠰᠠᠨᠠᠭᠠᠨ ᠤ ᠢᠯᠡᠷᠡᠯ ᠳᠤ ᠨᠠᠶᠢᠳᠠᠳᠠᠭ ᠪᠠᠶᠢᠨ᠎ᠡ᠃      ᠨᠡᠭᠦᠲᠡᠯᠴᠢ ᠮᠠᠯᠴᠢᠨ ᠤ ᠵᠠᠩ ᠲᠡᠳᠬᠠᠯ ᠳᠤ᠂ ᠬᠤᠨᠳᠠᠭ᠎ᠠ ᠡᠷᠭᠦᠮᠡᠭᠴᠡ ᠲᠠᠭᠤᠯᠠᠬᠤ᠂ ᠠᠶᠠᠭ᠎ᠠ ᠲᠡᠪᠡᠷᠢᠮᠡᠭᠴᠡ ᠡᠮᠬᠦᠯᠡᠬᠦ ᠶᠢ ᠴᠡᠭᠡᠷᠯᠡᠲᠡᠭ᠃ ᠠᠯᠢᠮ᠎ᠡ ᠵᠢᠮᠢᠰ ᠢᠲᠡᠬᠦ ᠳᠤ ᠴᠦ ᠤᠷᠢᠳ ᠢᠶᠠᠷ ᠡᠴᠢᠭᠡ ᠲᠡᠭᠷᠢ᠂ ᠡᠭᠡ ᠲᠡᠯᠡᠭᠡᠢ᠂ ᠡᠪᠦᠭᠡ ᠲᠡᠭᠡᠳᠤᠰ ᠲᠡᠭᠡᠨ ᠲᠡᠭᠡᠵᠢᠯᠡᠬᠦ ᠶᠢ ᠡᠷᠬᠢᠮᠯᠡᠲᠡᠭ᠃ ᠡᠰᠡ ᠲᠠᠶᠢᠮᠦ ᠪᠤᠯ ︽ᠰᠡᠭᠦᠯ ᠦᠭᠡᠢ ᠡᠯᠵᠢᠭᠡ᠂ ᠰᠢᠲᠦ ᠦᠭᠡᠢ ᠭᠠᠭ᠋ᠠᠢ︾ ᠮᠡᠲᠦ ᠠᠳᠤᠭᠤᠰᠤ ᠬᠡᠲᠡᠭ᠃ ᠤᠯᠠᠨ ᠤ ᠮᠡᠲᠡᠭᠡᠵᠢ ᠪᠠᠷ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠬᠤᠨᠳᠠᠭ᠎ᠠ ᠲᠤᠰᠤᠮᠠᠬᠴᠡ  ᠪᠠᠨ ᠢᠲᠡᠮ ᠬᠤᠷᠤᠭᠤ ᠪᠠᠷ ᠲᠡᠭᠡᠲᠦ ᠲᠡᠭᠷᠢ᠂ ᠲᠡᠯᠡᠭᠡᠢ ᠡᠭᠡ᠂ ᠲᠡᠭᠡᠳᠦᠰ ᠡᠪᠦᠭᠡ ᠬᠡᠮᠡᠨ ᠭᠤᠷᠪᠠᠨᠲᠡ ᠰᠡᠷᠵᠢᠮᠯᠠᠨ ᠡᠷᠭᠦᠲᠡᠭ ᠰᠠᠨ᠃ ᠮᠦᠨ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ ᠡᠳᠤᠷ ᠤᠨ ᠭᠤᠷᠪᠠᠨ ᠡᠷᠢᠨ ᠤ ᠴᠠᠢ ᠬᠤᠭᠤᠯᠠᠨ ᠳᠠᠭᠠᠨ ᠴᠦ ᠮᠦᠨ ᠢᠩᠬᠢᠵᠦ ᠲᠡᠭᠡᠵᠢ ᠪᠠᠨ ᠡᠷᠭᠦᠵᠦ ᠦᠪᠡᠷ ᠤᠨ ᠪᠤᠳᠤᠯ ᠬᠦᠰᠡᠯ ᠢᠶᠠᠨ ᠢᠯᠡᠳᠭᠡᠲᠡᠭ ᠪᠢᠯᠡ᠃ ᠮᠠᠯᠴᠢᠳ ᠤᠨ ᠦᠷ᠎ᠡ ᠬᠡᠦᠭᠡᠳ ᠲᠦᠷᠦᠭᠰᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠡᠭᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠵᠦ᠂ ᠤᠨᠠᠭᠰᠡᠨ ᠰᠢᠷᠤᠢ ᠪᠤᠯ ᠠᠯᠲᠡ᠂ ᠤᠤᠭᠤᠭᠰᠡᠨ ᠤᠰᠤ ᠪᠤᠯ ᠷᠠᠰᠢᠶᠠᠨ ᠬᠡᠮᠡᠨ ᠡᠷᠬᠢᠮᠯᠡᠲᠡᠭ᠃ ᠭᠡᠦᠭᠡᠳ ᠤᠳ ᠠᠬᠠᠮᠠᠳ ᠲᠤᠮᠤᠴᠤᠤᠯ ᠤᠨ ᠢᠶᠠᠨ ᠪᠤᠳᠠᠳᠠᠢ ᠦᠢᠯᠡᠳᠤᠯᠭᠡ ᠲᠤᠮᠳᠠ ᠪᠠᠨ ᠠᠮᠢ ᠠᠬᠤᠢ ᠪᠠᠨ ᠬᠡᠷᠬᠢᠨ ᠬᠢᠮᠠᠭᠠᠳᠠᠨ ᠬᠠᠶᠢᠷᠠᠯᠡᠵᠦ ᠪᠠᠶᠢᠳᠠᠭ ᠢ ᠦᠵᠡᠨ ᠬᠠᠷᠡᠨ ᠦᠰᠦᠭᠰᠡᠨ ᠪᠤᠯᠬᠤᠷ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠬᠦᠬᠡᠮᠳᠦᠭ ᠲᠡᠭᠷᠢ᠂ ᠬᠦᠪᠴᠢᠨ ᠲᠡᠯᠡᠭᠡᠢ᠂ ᠬᠦᠨᠳᠦᠳᠦ ᠲᠡᠭᠡᠳᠤᠰ ᠲᠡᠭᠡᠨ ᠠᠴᠢᠯᠡᠯ ᠡᠯᠪᠡᠷᠢᠯ ᠲᠠᠢ ᠬᠠᠶᠢᠷ᠎ᠡ ᠰᠡᠳᠬᠢᠯᠭᠡ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠨ ᠬᠦ ᠨᠠᠰᠤᠨ ᠲᠤᠷᠰᠢ ᠳᠠᠭᠠᠨ ᠤᠬᠠᠮᠰᠠᠷ ᠲᠠᠢ ᠤᠬᠠᠮᠰᠠᠷ ᠦᠭᠡᠢ ᠪᠠᠷ ᠡᠭᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠳᠤ ᠬᠤᠪᠢ ᠨᠠᠮᠠᠷᠢ ᠦᠵᠡᠭᠦᠯᠬᠦ ᠪᠤᠯᠤᠨ᠎ᠡ᠃ ᠲᠡᠳᠠᠨᠤᠰ ᠰᠡᠳᠬᠢᠯ ᠤᠨ ᠬᠦᠨ ᠳᠡᠭᠡᠨ ᠰᠡᠶᠢᠯᠪᠦᠷᠢᠯᠡᠭᠰᠡᠨ ᠰᠢᠭ ᠨᠠᠷᠢᠨ ᠤᠬᠠᠭᠠᠨ ᠢᠶᠠᠨ ᠪᠤᠳᠠᠳᠠᠢ ᠠᠵᠢᠯᠯᠠᠭ᠎ᠠ ᠳᠠᠭᠠᠨ ᠨᠡᠪᠴᠢᠭᠦᠯᠵᠦ ᠶᠠᠪᠤᠳᠠᠭ ᠠᠴᠠ ᠡᠳᠤᠷ ᠤᠨ ᠤᠳᠠᠭᠠᠨ ᠬᠤᠨᠤᠭ ᠤᠨ ᠵᠤᠵᠠᠭᠠᠨ ᠳᠤ ᠬᠦᠮᠦᠨ ᠪᠦᠬᠦᠲᠡ ᠶᠢᠨ ᠤᠶᠤᠨ ᠪᠤᠳᠤᠯ ᠳᠤᠨᠢ ᠠᠮᠢ ᠠᠬᠤᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠬᠢᠭᠡᠳ ᠡᠭᠡ ᠪᠠᠶᠢᠭᠠᠯᠢ ᠠᠴᠠ ᠤᠯᠭᠤᠭᠰᠡᠨ ᠮᠤᠩᠭᠤᠯ ᠨᠡᠭᠦᠲᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ᠂ ᠰᠡᠳᠬᠢᠯ ᠤᠨ ᠬᠡᠪ ᠴᠢᠨᠠᠷ᠂ ᠭᠤᠸ᠎ᠠ ᠰᠠᠶᠢᠬᠠᠨ ᠤ ᠦᠵᠡᠯᠲᠡ ᠵᠡᠷᠭᠡ ᠲᠠᠢ ᠬᠤᠯᠪᠤᠬᠳᠠᠭᠰᠡᠨ ᠦᠪᠡᠷᠮᠢᠴᠡ ᠬᠠᠶᠢᠷ᠎ᠡ ᠰᠡᠳᠬᠢᠯᠭᠡ ᠪᠢᠯᠡ᠃ ᠬᠦᠭᠡᠮᠳᠦᠭ ᠲᠡᠭᠷᠢ᠂ ᠬᠦᠪᠴᠢᠨ ᠲᠡᠯᠡᠭᠡᠢ᠂ ᠬᠦᠨᠲᠦᠲᠦ ᠲᠡᠭᠡᠳᠣᠰ ᠢᠶᠠᠨ ᠰᠢᠳᠦᠨ ᠲᠡᠭᠡᠳᠦᠯᠡᠲᠡᠭ ᠨᠢ ᠲᠠᠷᠤᠢ ᠮᠤᠩᠭᠤᠯ ᠨᠡᠭᠦᠲᠠᠯᠴᠢ ᠮᠠᠯᠴᠢᠨ ᠤ ᠦᠨᠳᠦᠰᠦᠲᠡᠨ ᠤ ᠤᠶᠤᠨ ᠰᠠᠨᠠᠭ᠎ᠠ᠂ ᠤᠢ ᠤᠬᠠᠭᠠᠨ ᠬᠢᠭᠡ ᠭᠤᠸ᠎ᠠ ᠰᠠᠶᠢᠬᠠᠨ ᠤ ᠦᠷ᠎ᠡ ᠦᠷᠲᠡᠭ ᠤᠨ ᠲᠤᠰᠬᠠᠯ ᠶᠤᠮ᠃                                                                       ︽ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠠᠶᠢᠯᠦᠮᠵᠢ︾ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠡ
  
ᠢᠷᠡᠯᠲᠡ᠄ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠶᠢᠰᠦ ᠡᠬᠢᠯᠡᠯ᠎ᠡ
ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ ᠮᠤᠩᠭᠤᠯᠴᠤᠳ ᠤᠨ ᠬᠡᠪ ᠶᠤᠰᠤᠨ — ᠴᠠᠭᠠᠨ ᠰᠡᠷ᠎ᠡ ᠰᠢᠨᠡᠯᠡᠬᠦ ᠶᠤᠰᠤᠨ
ᠰᠦᠯᠲᠡ ᠶᠢᠨ ᠲᠠᠬᠢᠯᠭ᠎ᠠ
ᠶᠢᠰᠦ ᠶᠢᠰᠦ ᠶᠢᠨ ᠪᠡᠯᠡᠭ
ᠪᠦᠬᠦᠯᠢ ᠬᠤᠨᠢᠨ ᠰᠢᠭᠦᠰᠦ ᠶᠢᠨ ᠢᠷᠦᠭᠡᠯ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号