| ᠬᠠᠰᠢᠶᠠᠲᠦ ᠶᠢᠨ ᠰᠦᠮᠡ ︵ᠦᠯᠵᠠᠶᠢᠲᠦ ᠲᠡᠭᠡᠲᠦ ᠶᠢᠨ ᠨᠤᠮ ᠲᠡᠯᠭᠡᠷᠡᠭᠦᠯᠦᠭᠴᠢ ᠰᠦᠮᠡ︶ ᠶᠢ ᠪᠠᠳᠠᠷᠠᠭᠤᠯᠲᠦ | ᠲᠦᠷᠦ ᠶᠢᠨ ᠶᠢᠰᠦᠳᠤᠭᠡᠷ ᠤᠨ ︵1883 ᠤᠨ︶ ᠤ ᠬᠦᠭᠡ ᠪᠡᠴᠢᠨ ᠵᠢᠯ ᠳᠤ ᠬᠠᠯᠬᠠ ᠪᠠᠷᠠᠭᠤᠨ ᠭᠠᠷ ᠤᠨ | ᠬᠤᠰᠢᠭᠤᠨ ᠤ ᠲᠦᠰᠢᠶᠡ ᠬᠦᠩ ᠨᠤᠶᠠᠨ ᠵᠠᠮᠰᠦ ᠶᠢᠨ ᠠᠷᠪᠠᠳᠤᠭᠠᠷ ᠦᠶᠡ ᠶᠢᠨ ᠵᠠᠯᠭᠠᠮᠵᠢᠯᠠᠭᠴᠢ ᠲᠦᠰᠢᠶᠡ ᠭᠦᠩ | ᠨᠤᠶᠠᠨ ᠭᠤᠩᠴᠤᠬᠳᠠᠸᠠ ᠲᠤᠰ ᠰᠦᠮᠡ ᠶᠢ ᠪᠠᠶᠢᠭᠤᠯᠵᠦ᠂ ᠠᠭᠸᠠᠩᠳᠠᠷᠵᠢ ᠶᠢ ᠬᠠᠮᠪᠤ ᠯᠠᠮᠠ ᠪᠠᠷ ᠰᠢᠷᠡᠭᠡᠨ ᠳᠤ | ᠵᠠᠯᠠᠵᠠᠢ᠃ | ᠤᠤᠯ ᠰᠦᠮᠡ ᠶᠢ ᠤᠳᠤ ᠶᠢᠨ ᠡᠷᠳᠡᠨᠢᠠᠤᠪᠤᠭᠠ ᠰᠤᠮᠤᠨ ᠤ ᠬᠠᠰᠢᠶᠠᠲᠦ ᠭᠡᠰᠡᠨ ᠭᠠᠵᠠᠷ ᠪᠠᠶᠢᠭᠤᠯᠤᠭᠰᠡᠨ | ᠲᠤᠯᠡ ︽ᠬᠠᠰᠢᠶᠠᠲᠦ ᠶᠢᠨ ᠰᠦᠮᠡ︾ ᠭᠡᠵᠦ ᠲᠠᠭᠤᠳᠠᠬᠤ ᠪᠤᠯᠵᠠᠢ᠃ | ᠲᠤᠰ ᠰᠦᠮᠡ ᠴᠤᠬᠴᠢᠨ ᠲᠤᠭᠠᠩ᠂ ᠴᠤᠶᠢᠷᠸᠠ ᠲᠤᠭᠠᠩ ᠭᠡᠰᠡᠨ ᠬᠤᠶᠠᠷ ᠲᠤᠭᠠᠩ ᠲᠠᠢ᠂ ᠲᠠᠪᠢ ᠵᠢᠷᠠᠭᠠᠳ | ᠯᠠᠮᠠ ᠱᠠᠪᠢ ᠨᠠᠷ ᠲᠠᠢ ᠪᠠᠶᠢᠵᠠᠢ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠴᠠᠭᠠᠨ ᠰᠡᠷᠡ ᠳᠤ ᠢᠷᠦᠭᠡᠯ ᠤᠨ ᠬᠤᠷᠡᠯ ᠬᠤᠷᠠᠵᠦ᠂ | ᠲᠠᠪᠤᠨ ᠰᠡᠷᠡ ᠳᠤ ᠼᠧᠪᠠᠨ᠂ ᠲᠤᠯᠤᠭᠠᠨ ᠰᠡᠷᠡ ᠳᠤ ᠮᠠᠶᠢᠳᠠᠷᠢ᠂ ᠠᠷᠪᠠᠨ ᠰᠡᠷᠡ ᠳᠤ ᠳ᠋ᠤᠩᠴᠤᠳ ᠵᠡᠷᠭᠡ ᠲᠤᠮᠤᠬᠠᠨ | ᠬᠤᠷᠡᠯ ᠨᠤᠮ ᠬᠤᠷᠠᠳᠠᠭ ᠪᠠᠶᠢᠵᠠᠢ᠃ | ᠲᠤᠮᠳᠠᠲᠦ ᠢᠷᠭᠡᠨ ᠤᠯᠤᠰ ᠤᠨ ᠬᠤᠷᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵1934 ᠤᠨ︶ ᠤ ᠤᠯᠠᠬᠴᠢᠨ ᠦᠭᠡᠷ ᠵᠢᠯ | ᠳᠤ ᠲᠤᠰ ᠰᠦᠮᠡ ᠲᠡᠭᠡᠷᠡᠮ ᠤᠨ ᠬᠦᠯ ᠳᠤ ᠰᠦᠢᠳᠴᠠᠢ᠃ | ᠲᠤᠰ ᠰᠦᠮᠡ ᠶᠢᠨ ᠦᠷᠡᠭᠲᠡᠬᠦ ᠦᠶᠡ ᠶᠢᠨ ᠠᠬᠸᠠᠩᠳᠠᠷᠵᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠲᠦᠷᠢ ᠶᠢᠨ ᠬᠤᠪᠢᠯᠭᠠᠨ | ︵ᠲᠦᠷᠪᠠᠨ ᠬᠡᠦᠭᠡᠳ ᠤᠨ ᠬᠤᠰᠢᠭᠤᠨ ᠤ ᠬᠦᠮᠦᠨ︶ ᠭᠠᠯᠰᠠᠩᠳᠦ᠋ᠪᠳᠠᠨᠳᠠᠮᠪᠢᠨᠢᠮᠡ᠂ ᠲᠤᠮᠳᠠᠲᠦ ᠢᠷᠭᠡᠨ ᠤᠯᠤᠰ ᠤᠨ | ᠬᠤᠷᠢᠨ ᠲᠠᠪᠤᠳᠤᠭᠠᠷ ᠤᠨ ︵1936 ᠤᠨ︶᠂ ᠰᠢᠷᠠᠬᠴᠢᠨ ᠲᠠᠦᠯᠠᠢ ᠵᠢᠯ᠂ ᠤᠳᠤ ᠶᠢᠨ ᠲᠦᠭᠦᠷᠡᠩ ᠤᠪᠤᠭᠠ ᠰᠤᠮᠤᠨ | ᠤ ᠤᠯᠠᠭᠠᠨᠴᠠᠪ ᠭᠠᠴᠠᠭᠠᠨ ᠤ ︽ᠴᠠᠭᠠᠨ ᠡᠩᠭᠡᠷ︾ ᠭᠡᠰᠡᠨ ᠭᠠᠵᠠᠷ ᠲᠠᠪᠤᠨ ᠮᠤᠩᠭᠤᠯ ᠭᠡᠷ ᠪᠤᠰᠬᠠᠵᠦ᠂ | ᠲᠡᠭᠡᠷᠡᠮᠳᠡᠭᠳᠡᠭᠡᠳ ᠦᠯᠡᠲᠡᠭᠡᠭᠰᠡᠨ ᠲᠤᠰ ᠰᠦᠮᠡ ᠶᠢᠨ ᠪᠤᠷᠬᠠᠨ ᠲᠠᠬᠢᠯ᠂ ᠨᠤᠮ ᠰᠤᠳᠤᠷ ᠢᠶᠠᠨ ᠲᠠᠬᠢᠵᠦ ᠬᠤᠷᠡᠯ ᠨᠤᠮ | ᠢᠶᠠᠨ ᠰᠡᠷᠭᠦᠵᠠᠢ᠃ | ᠲᠠᠷᠠᠭᠠ ᠵᠢᠯ ᠳᠤᠨᠢ ᠪᠦᠬᠦ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠠᠨ ᠳᠤ ᠪᠠᠳᠢᠷ ᠪᠠᠷᠢᠵᠦ᠂ ᠦᠭᠯᠢᠭᠡ ᠶᠢᠨ ᠡᠵᠡᠳ ᠤᠨ | ᠡᠷᠭᠦᠴᠡ ᠶᠢᠨ ᠡᠳ᠋ ᠮᠦᠩᠭᠦ ᠮᠠᠯ ᠰᠦᠷᠦᠭ ᠢᠶᠠᠷ ᠲᠤᠰ ᠰᠦᠮᠡ ᠪᠠᠨ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠵᠠᠢ᠃ | 1946 ᠤᠨ ᠳᠤ ᠴᠤᠬᠴᠢᠨ ᠲᠤᠭᠠᠩ᠂ ᠴᠤᠶᠢᠷᠸᠠ ᠲᠤᠭᠠᠩ᠂ ᠨᠠᠢᠮᠠᠨ ᠰᠤᠪᠤᠷᠭᠠ᠂ ᠬᠤᠶᠠᠷ ᠰᠠᠩ ᠢ ᠪᠦᠷᠢᠨ | ᠪᠠᠷᠢᠵᠦ ᠲᠠᠭᠤᠰᠬᠠᠭᠠᠳ᠂ 1947 ᠤᠨ ᠤ 8 ᠰᠡᠷᠡ ᠳᠤ ᠷᠠᠪᠠᠨᠠᠶᠢᠯᠠᠬᠤ ︵ᠠᠷᠢᠭᠤᠳᠬᠠᠨ ᠲᠤᠷᠠᠰᠬᠠᠬᠤ︶ ᠶᠡᠭᠡ ᠨᠠᠶᠢᠷ | ᠬᠢᠵᠠᠢ᠃ | ᠲᠤᠰ ᠰᠦᠮᠡ ᠶᠢᠨ ᠭᠤᠤᠯ ᠰᠠᠬᠢᠭᠤᠰᠦ ᠪᠤᠯ ︽ᠭᠤᠮᠪᠤ ᠪᠤᠷᠬᠠᠨ︾ ᠪᠦᠭᠡᠳ ᠵᠢᠷᠦᠭᠡ ᠴᠠᠭᠠᠨ ᠬᠠᠷᠡ ᠨᠤᠬᠠᠢ | ᠶᠢ ᠰᠡᠳᠡᠷᠯᠡᠲᠡᠭ ᠪᠠᠶᠢᠪᠡ᠃ | ᠴᠢᠯᠦᠭᠡᠯᠡᠭᠲᠡᠬᠦ ᠦᠶᠡ ᠪᠠᠷ ᠭᠠᠯᠰᠠᠩᠳᠦ᠋ᠪᠳᠠᠨᠳᠠᠮᠪᠢᠨᠢᠮᠡ ᠮᠦᠨ ᠬᠤᠪᠢᠯᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠵᠦ᠂ ᠲᠦᠴᠢ | ᠰᠢᠬᠠᠮ ᠯᠠᠮᠠ ᠱᠠᠪᠢ ᠨᠠᠷ ᠲᠠᠢ ᠪᠠᠶᠢᠵᠠᠢ᠃ ᠰᠦᠮᠡ ᠶᠢᠨ ᠮᠠᠯ ᠰᠦᠷᠦᠭ ᠢ ᠴᠦ ᠦᠷᠡᠵᠢᠵᠦ᠂ 1958 ᠤᠨ ᠳᠤ | ᠬᠤᠷᠰᠢᠶᠠᠵᠢᠬᠤ ᠦᠶᠡ ᠳᠤ ᠪᠤᠲᠡ ᠮᠠᠯ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ᠂ ᠪᠤᠭ ᠮᠠᠯ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ ᠪᠤᠯᠪᠡ᠃ | ᠲᠤᠰ ᠰᠦᠮᠡ 1966 ᠤᠨ ᠳᠤ ︽ᠲᠦᠷᠪᠠᠨ ᠬᠠᠭᠤᠴᠢᠨ︾ ᠤ ᠬᠤᠪᠢ ᠪᠠᠷ ᠡᠪᠳᠡᠭᠳᠠᠨ ᠰᠦᠢᠳᠴᠦ᠂ | ᠪᠠᠭᠤᠷᠢ ᠪᠤᠯᠵᠦ ᠬᠤᠴᠤᠷᠪᠡ᠃ | | |