| ᠮᠤᠩᠭᠤᠯᠴᠤᠳ ᠬᠡᠦᠭᠡᠳ ᠢᠶᠠᠨ ᠤᠯᠠᠮᠵᠢᠯᠠᠯᠲᠦ ᠪᠤᠯᠪᠠᠰᠤᠨ ᠰᠠᠶᠢᠬᠠᠨ ᠠᠵᠦ ᠲᠦᠷᠦᠬᠦ ᠶᠤᠰᠤᠨ ᠳᠤ | ᠲᠡᠳᠬᠠᠵᠦ ᠵᠠᠩᠰᠢᠭᠤᠯᠬᠤ᠂ ᠠᠵᠢᠯ ᠮᠡᠷᠭᠡᠵᠢᠯ ᠳᠤ ᠤᠷᠮᠠᠰᠢᠭᠤᠯᠬᠤ ᠡᠭᠦᠲᠡᠨ ᠠᠴᠠ ᠠᠩᠬᠠᠷᠤᠨ ᠬᠦᠮᠦᠵᠢᠭᠦᠯᠲᠡᠭ᠃ | ᠬᠡᠦᠭᠡᠳ ᠲᠤ ᠮᠤᠷᠢ ᠤᠨᠤᠭᠤᠯᠵᠦ ᠰᠤᠷᠭᠠᠬᠤ ᠶᠤᠰᠤᠨ ᠪᠤᠯ ᠲᠡᠭᠦᠨ ᠤ ᠲᠤᠳᠤᠷᠡᠬᠢ ᠨᠢᠭᠡ ᠠᠭᠤᠯᠭᠠ ᠪᠤᠯᠬᠤ ᠪᠢᠯᠡ᠃ | ᠮᠤᠷᠢ ᠤᠨᠤᠭᠤᠯᠬᠤ ᠶᠤᠰᠤᠨ ᠪᠤᠯ ᠨᠢᠭᠡ ᠠᠶᠢᠯ ᠤᠨ ᠤᠤᠭᠠᠨ ᠬᠦᠦ ᠨᠢ ᠲᠤᠯᠤᠭᠠᠨ ᠨᠠᠰᠦ ᠬᠦᠷᠪᠡᠯ ᠡᠴᠢᠭᠡ ᠡᠬᠡ ᠨᠢ | ᠡᠨᠡ ᠬᠦᠦ ᠳᠡᠭᠡᠨ ᠮᠤᠷᠢᠨ ᠤ ᠪᠦᠷᠢᠨ ᠬᠡᠷᠡᠭᠰᠡᠯ ᠲᠦᠭᠦᠭᠡᠷᠦᠨ ᠦᠭᠴᠦ᠂ ᠲᠦᠯᠭᠡᠴᠢ ᠬᠦᠮᠦᠨ ᠢᠶᠠᠷ ᠦᠯᠵᠠᠢ ᠪᠡᠯᠭᠡ | ᠲᠠᠢ ᠰᠠᠶᠢᠨ ᠡᠳᠤᠷ ᠦᠵᠡᠭᠦᠯᠦᠨ ᠲᠤᠬᠳᠠᠭᠠᠭᠠᠳ᠂ ᠲᠤᠰ ᠨᠠᠶᠢᠷ ᠲᠠᠭᠠᠨ ᠭᠡᠦᠭᠡᠳ ᠤᠨ ᠠᠪᠠᠭᠠ᠂ ᠨᠠᠭᠠᠴᠦ ᠨᠠᠷ | ᠲᠡᠷᠢᠭᠦᠲᠠᠢ ᠲᠦᠷᠦᠯ ᠰᠡᠳᠤᠨ ᠬᠢᠭᠡᠳ ᠤᠶᠢᠷᠡ ᠤᠷᠴᠢᠮ ᠤᠨ ᠬᠦᠮᠦᠰ ᠢ ᠵᠠᠯᠠᠨᠡ᠃ ᠲᠡᠭᠡᠭᠡᠳ ᠨᠠᠶᠢᠷ ᠤᠨ ᠡᠳᠤᠷ | ᠤᠨ ᠲᠤᠬᠳᠠᠭᠰᠡᠨ ᠴᠠᠭ ᠲᠤ ᠬᠦᠦ ᠳᠡᠭᠡᠨ ᠦᠪᠴᠢ ᠪᠡᠶᠡ ᠰᠢᠨᠡ ᠬᠤᠪᠴᠠᠰᠦ ᠡᠮᠦᠰᠭᠡᠵᠦ ᠦᠮᠴᠢᠯᠡᠨ ᠤᠨᠤᠭᠤᠯᠬᠤ | ᠰᠠᠶᠢᠨ ᠮᠤᠷᠢ ᠶᠢ ᠨᠢ ᠰᠤᠩᠭᠤᠨ ᠪᠠᠷᠢᠵᠦ ᠪᠡᠯᠡᠳᠭᠡᠨᠡ᠃ ᠵᠤᠴᠢᠳ ᠴᠤᠬᠯᠠᠷᠠᠭᠰᠡᠨ ᠤ ᠲᠠᠷᠠᠭᠠ ᠡᠴᠢᠭᠡ ᠨᠢ ᠬᠦᠦ | ᠶᠢᠨ ᠢᠶᠠᠨ ᠮᠤᠷᠢ ᠶᠢ ᠡᠮᠡᠭᠡᠯᠯᠡᠵᠦ᠂ ᠵᠢᠯᠤᠭᠤ ᠴᠤᠯᠪᠤᠭᠤᠷ ᠢ ᠪᠠᠷᠢᠵᠦ ᠪᠠᠶᠢᠬᠤ ᠳᠤ ᠬᠡᠦᠭᠡᠳ ᠤᠨ ᠨᠠᠭᠠᠴᠦ ᠪᠤᠶᠦ | ᠠᠪᠠᠭᠠ ᠨᠢ ᠲᠦᠰᠢᠨ ᠮᠤᠷᠢᠨ ᠳᠤᠨᠢ ᠮᠤᠷᠳᠠᠭᠤᠯᠵᠦ ᠦᠭᠭᠦᠨᠡ᠃ ᠢᠩᠭᠢᠬᠦ ᠳᠤ ᠡᠴᠢᠭᠡ ᠨᠢ ᠪᠠᠰᠡ ᠮᠤᠷᠢ ᠪᠠᠨ | ᠤᠨᠤᠵᠦ ᠬᠦᠦ ᠪᠠᠨ ᠲᠠᠭᠠᠭᠤᠯᠤᠨ ᠬᠡᠷ ᠬᠤᠲᠡᠨ ᠤ ᠪᠠᠨ ᠭᠠᠳᠠᠭᠤᠷ ᠨᠠᠷᠡ ᠵᠦᠪ ᠭᠤᠷᠪᠠ ᠡᠷᠬᠢᠭᠦᠯᠦᠭᠰᠡᠨ ᠤ | ᠲᠠᠷᠠᠭᠠ᠂ ᠭᠡᠷ ᠤᠨ ᠡᠭᠦᠲᠡᠨ ᠭᠠᠳᠠᠨᠡ ᠢᠷᠡᠵᠦ ᠮᠤᠷᠢᠨ ᠠᠴᠠ ᠪᠠᠭᠤᠭᠠᠳ᠂ ᠬᠡᠦᠭᠡᠳ ᠤᠨ ᠮᠤᠷᠢᠨ ᠤ ᠴᠤᠯᠪᠤᠭᠤᠷ ᠢ | ᠪᠠᠷᠢᠭᠤᠯᠤᠨ ᠵᠤᠬᠰᠤᠭᠠᠬᠤ ᠳᠤ ᠬᠡᠦᠭᠡᠳ ᠤᠨ ᠨᠠᠭᠠᠴᠦ᠂ ᠠᠪᠠᠭᠠ ᠨᠠᠷ ᠲᠡᠷᠢᠭᠦᠯᠠᠨ᠂ ᠪᠤᠰᠤᠳ ᠨᠠᠰᠤᠳᠠᠶᠢᠴᠤᠳ | ᠲᠠᠷᠠᠭᠠᠯᠠᠵᠦ ᠬᠡᠦᠭᠡᠳ ᠲᠤ᠄ | ︽ᠤᠨᠤᠬᠰᠡᠨ ᠮᠤᠷᠢ ᠪᠠᠨ ᠪᠡᠶᠡ ᠪᠠᠨ ᠠᠳᠠᠯᠢ ᠬᠠᠶᠢᠷᠠᠯᠠᠵᠦ ᠶᠠᠪᠤ᠂ | ᠤᠨᠤᠬᠰᠡᠨ ᠮᠤᠷᠢ ᠪᠠᠨ ᠦᠷᠭᠦᠯᠵᠢ ᠢᠲᠡᠭᠦᠯᠵᠦ ᠤᠰᠤᠯᠠᠵᠦ ᠶᠠᠪᠤ᠂ | ᠮᠤᠷᠢᠨ ᠤ ᠪᠠᠨ ᠲᠤᠯᠤᠭᠠᠢ ᠶᠢ ᠪᠢᠲᠡᠭᠡᠢ ᠴᠤᠬᠢ᠂ | ᠮᠤᠷᠢᠨ ᠤ ᠪᠠᠨ ᠵᠦᠭ ᠢᠷ ᠲᠠᠢ ᠮᠠᠰᠡ ᠶᠢ ᠪᠢᠲᠡᠭᠡᠢ ᠬᠠᠨᠳᠤᠭᠤᠯ᠃ | ᠰᠠᠨᠠᠭᠠ ᠮᠠᠭᠤᠲᠦ ᠳᠤ ᠮᠤᠷᠢ ᠪᠠᠨ ᠪᠢᠲᠡᠭᠡᠢ ᠦᠭ᠂ | ᠱᠠᠯᠪᠠᠭ ᠭᠠᠵᠠᠷ ᠲᠤ ᠮᠤᠷᠢ ᠪᠠᠨ ᠪᠢᠲᠡᠭᠡᠢ ᠤᠶᠠ᠂ | ᠡᠮᠡᠭᠡᠯ ᠢᠶᠠᠨ ᠡᠭᠦᠷᠴᠦ ᠪᠤᠯᠬᠤ ᠦᠭᠡᠢ᠂ | ᠬᠠᠵᠠᠭᠠᠷ ᠢᠶᠠᠨ ᠬᠢᠰᠬᠢᠵᠦ ᠪᠤᠯᠬᠤ ᠦᠭᠡᠢ᠂ | ᠴᠢᠳᠤᠷ ᠬᠤᠯᠠᠭᠠᠶᠢᠯᠠᠵᠦ ᠪᠤᠯᠬᠤ ᠦᠭᠡᠢ᠂ | ᠨᠤᠬᠲᠦ ᠪᠠᠨ ᠬᠡᠭᠡᠵᠦ ᠪᠤᠯᠬᠤ ᠦᠭᠡᠢ︕︾ ᠬᠡᠮᠡᠨ ᠰᠤᠷᠭᠠᠵᠦ ᠡᠮᠡᠭᠡᠯ᠂ ᠲᠤᠬᠤᠮ᠂ ᠲᠦᠷᠦᠭᠡ᠂ ᠬᠠᠵᠠᠭᠠᠷ᠂ | ᠨᠤᠬᠲᠦ᠂ ᠬᠤᠳᠠᠷᠭᠠ᠂ ᠬᠦᠮᠦᠯᠳᠤᠷᠭᠡ᠂ ᠴᠢᠳᠤᠷ᠂ ᠲᠤᠱᠠ ᠵᠡᠷᠭᠡ ᠠᠴᠠ ᠠᠯᠢ ᠨᠢᠭᠡ ᠶᠢ ᠪᠡᠯᠡᠭ ᠪᠤᠯᠭᠠᠨ ᠦᠭᠲᠡᠭ | ᠶᠤᠰᠤᠳᠠᠢ᠃ ᠡᠭᠦᠨ ᠤ ᠬᠠᠮᠲᠦ ᠪᠠᠰᠡ ᠬᠡᠦᠭᠡᠳ ᠲᠤ ᠮᠤᠷᠢ ᠪᠠᠨ ᠶᠠᠭᠠᠬᠢᠵᠦ ᠠᠷᠠᠴᠢᠯᠠᠵᠦ ᠬᠠᠮᠠᠭᠠᠯᠠᠬᠤ᠂ ᠬᠡᠷᠬᠢᠨ | ᠤᠨᠤᠵᠦ ᠡᠳ᠋ᠯᠡᠬᠦ ᠪᠡ ᠮᠤᠷᠢᠨ ᠤ ᠲᠤᠨᠤᠬᠯᠠᠯ ᠢ ᠬᠡᠷᠬᠢᠨ ᠬᠡᠷᠡᠭᠯᠡᠬᠦ ᠲᠤᠬᠠᠢ ᠰᠤᠷᠭᠠᠮᠵᠢᠯᠠᠨ ᠵᠢᠭᠠᠵᠦ ᠦᠭᠭᠦᠨᠡ᠃ | ᠲᠠᠷᠠᠭᠠ ᠨᠢ ᠪᠦᠬᠦ ᠵᠤᠴᠢᠳ ᠢ ᠭᠡᠷ ᠲᠡᠭᠡᠨ ᠤᠷᠢᠨ ᠰᠠᠭᠤᠯᠭᠠᠵᠦ᠂ ᠢᠲᠡᠭᠡᠨ ᠴᠠᠢ ᠪᠠᠨ ᠭᠢᠵᠦ ᠮᠢᠬᠠ | ᠰᠢᠭᠦᠰᠦ ᠪᠠᠨ ᠲᠠᠯᠪᠢᠵᠦ ᠨᠠᠶᠢᠷ ᠡᠬᠢᠯᠡᠨᠡ᠃ ᠡᠨᠡ ᠦᠶᠡ ᠳᠤ ᠬᠡᠦᠭᠡᠳ ᠤᠨ ᠡᠴᠢᠭᠡ ᠨᠢ ︽ᠮᠤᠷᠢ ᠤᠨᠤᠭᠤᠯᠬᠤ | ᠶᠤᠰᠤᠨ︾ ᠤ ᠲᠡᠭᠡᠵᠢ ᠬᠡᠮᠡᠨ ᠪᠦᠬᠦ ᠵᠤᠴᠢᠳ ᠲᠤ ᠠᠷᠢᠬᠢ ᠰᠠᠷᠬᠤᠳ ᠢᠶᠠᠨ ᠪᠠᠷᠢᠳᠠᠭ᠃ ᠢᠩᠭᠢᠬᠦ ᠳᠤ | ᠨᠠᠰᠤᠳᠠᠶᠢᠴᠤᠳ ᠠᠴᠠ᠄ | ︽ᠡᠷᠡ ᠦᠰᠲᠡᠭ ᠪᠢᠯᠡ | ᠢᠰᠡᠭᠡᠢ ᠰᠤᠨᠳᠠᠭ ᠪᠢᠯᠡ | ᠭᠠᠷ ᠴᠢᠨᠢ ᠭᠠᠨᠵᠤᠭᠠᠨ ᠳᠤ ᠬᠦᠷᠪᠡ | ᠬᠦᠯ ᠴᠢᠨᠢ ᠲᠦᠷᠦᠭᠡᠨ ᠳᠤ ᠬᠦᠷᠪᠡ | ᠤᠨᠤᠬᠰᠡᠨ ᠮᠤᠷᠢ ᠴᠢᠨᠢ ᠬᠤᠷᠳᠤᠨ ᠪᠤᠯᠵᠦ | ᠵᠤᠷᠢᠬᠰᠡᠨ ᠵᠠᠮ ᠴᠢᠨᠢ ᠤᠷᠲᠦ ᠪᠤᠯᠵᠦ | ᠮᠤᠷᠢ ᠴᠢᠨᠢ ᠲᠦᠮᠡᠨ ᠠᠬᠲᠡ ᠶᠢᠨ ᠲᠡᠷᠢᠭᠦᠨ ᠳᠤ ᠶᠠᠪᠤᠵᠦ | ᠨᠡᠷᠡ ᠴᠢᠨᠢ ᠪᠤᠮᠠᠨ ᠡᠷᠡ ᠶᠢᠨ ᠮᠠᠩᠯᠠᠢ ᠳᠤ ᠭᠠᠷᠴᠦ | ᠤᠷᠲᠦ ᠨᠠᠰᠤᠳᠠᠢ ᠤᠳᠠᠭᠠᠨ ᠵᠢᠷᠭᠠᠯᠳᠠᠢ ᠶᠠᠪᠤᠬᠳᠤᠨ︾ ᠭᠡᠵᠦ ᠮᠤᠷᠢ ᠤᠨᠤᠭᠰᠡᠨ ᠬᠡᠦᠭᠡᠳ ᠲᠤ ᠢᠷᠦᠭᠡᠯ | ᠲᠠᠯᠪᠢᠳᠠᠭ᠃ | ᠮᠤᠷᠢ ᠤᠨᠤᠭᠤᠯᠬᠤ ᠶᠤᠰᠤᠨ ᠤ ᠨᠠᠶᠢᠷ ᠡᠨᠡ ᠮᠡᠲᠦ ᠪᠠᠷ ᠡᠬᠢᠯᠡᠨ ᠶᠠᠪᠤᠬᠳᠠᠵᠦ᠂ ᠲᠠᠭᠤᠤ ᠢᠷᠦᠭᠡᠯ ᠬᠤᠤᠰᠯᠠᠨ | ᠪᠦᠬᠦᠯᠢ ᠡᠳᠤᠷ ᠢᠶᠠᠷ ᠦᠷᠭᠦᠯᠵᠢᠯᠡᠨᠡ᠃ ᠡᠨᠡ ᠬᠦ ᠶᠤᠰᠤᠨ ᠢ ᠭᠤᠤᠯᠳᠠᠭᠤ ᠤᠤᠭᠠᠨ ᠬᠦᠦ ᠳᠡᠭᠡᠨ ᠬᠢᠲᠡᠭ ᠵᠠᠩᠰᠢᠯ | ᠲᠠᠢ᠂ ᠬᠡᠪᠡᠴᠦ ᠵᠠᠷᠢᠮ ᠠᠶᠢᠯ ᠨᠢ ᠬᠦᠦ ᠪᠤᠯᠭᠠᠨ ᠳᠠᠭᠠᠨ ᠬᠢᠬᠦ ᠴᠦ ᠪᠤᠢ᠃ | | | | | | | | | | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠽᠠᠨᠳᠠᠨᠮᠦ᠋ᠴᠢᠷ | ᠬᠦᠢᠴᠡᠳᠭᠡᠭᠴᠢ ᠬᠢᠨᠠᠬᠴᠢ᠄ ᠸᠠᠩ ᠸᠧᠨ ᠶᠢᠩ | ᠶᠡᠷᠦᠩᠬᠡᠢ ᠬᠢᠨᠠᠬᠴᠢ᠄ ᠵᠠᠩ ᠬᠦᠢ ᠵᠧᠨ | | ︽ᠪᠠᠭᠠᠳᠤᠷᠯᠢᠭ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ︾ ᠵᠢᠷᠬᠢᠶᠡ ᠠᠴᠠ ᠪᠠᠭᠤᠯᠭᠠᠪᠡ | |