| ᠮᠠᠨᠳᠤᠯ ᠰᠦᠮᠡ ︵ᠲᠡᠭᠦᠰ ᠪᠠᠶᠠᠰᠬᠤᠯᠠᠩᠲᠦ ᠨᠤᠮ ᠤᠨ ᠬᠦᠷᠲᠦ ᠶᠢᠨ ᠰᠦᠮᠡ︶ ᠶᠢ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ | ᠶᠢᠰᠦᠳᠦᠭᠡᠷ ᠤᠨ ︵1859 ᠤᠨ︶ ᠤ ᠬᠠᠷᠠᠬᠴᠢᠨ ᠬᠤᠨᠢᠨ ᠵᠢᠯ ᠳᠤ᠂ ᠲᠠᠷᠢᠭᠦᠨ ᠵᠡᠷᠭᠡ ᠶᠢᠨ ᠲᠠᠶᠢᠵᠢ ᠭᠤᠮᠪᠤᠳᠠ | ᠬᠢᠷᠡ ᠠᠶᠢᠮᠠᠭ ︵ᠬᠢᠯᠢ ᠬᠢᠵᠠᠭᠠᠷ ᠤᠨ ᠬᠢᠷᠡ ᠭᠠᠵᠠᠷ ᠢᠶᠠᠷ ᠰᠠᠭᠤᠷᠢᠰᠢᠬᠰᠡᠨ ᠠᠶᠢᠮᠠᠭ︶ ᠤᠨ ᠵᠠᠷᠤᠲᠡᠯ ᠢᠶᠠᠷ ᠴᠠᠭᠠᠨ | ᠮᠠᠨᠳᠤᠯ ᠭᠡᠰᠡᠨ ᠭᠠᠵᠠᠷ ᠪᠠᠶᠢᠭᠤᠯᠵᠠᠢ᠃ ᠬᠤᠵᠢᠮ ᠨᠢ ᠬᠦᠮᠦᠰ ᠭᠠᠵᠠᠷ ᠤᠨ ᠨᠠᠷᠡ ᠪᠠᠷ ᠨᠢ ᠮᠠᠨᠳᠤᠯ ᠰᠦᠮᠡ ᠭᠡᠵᠦ | ᠲᠠᠭᠤᠳᠠᠭᠰᠡᠨ ᠪᠠᠶᠢᠨᠡ᠃ | ᠭᠤᠮᠪᠤᠳᠠ ᠬᠠᠯᠬᠠ ᠶᠢᠨ ᠲᠦᠰᠢᠶᠠᠲᠦ ᠬᠠᠨ ᠠᠶᠢᠮᠠᠭ ᠠᠴᠠ ᠴᠦᠷᠬᠦᠮᠨᠠᠮᠵᠢᠯᠵᠠᠮᠰᠦ ᠱᠠᠪᠷᠤᠩ ᠢ ᠰᠢᠷᠡᠭᠡᠨ ᠳᠤ | ᠵᠠᠯᠠᠵᠦ᠂ ᠬᠤᠵᠢᠮ ᠨᠢ ᠴᠦᠷᠬᠦᠮᠨᠠᠮᠵᠢᠯᠵᠠᠯᠰᠠᠨ — ᠴᠦᠷᠬᠦᠮᠨᠠᠮᠵᠢᠯᠳᠠᠸᠠ ᠵᠡᠷᠭᠡ ᠭᠤᠷᠪᠠᠨ ᠦᠶᠡ ᠶᠢᠨ ᠱᠠᠪᠷᠤᠩ | ᠲᠤᠳᠤᠷᠠᠵᠠᠢ᠃ ᠬᠤᠵᠢᠮ ᠨᠢ ᠪᠠᠰᠡ ᠢᠰᠢᠭᠤᠮᠪᠤ ᠶᠢ ᠱᠠᠪᠷᠤᠩ ᠤᠨ ᠰᠢᠷᠡᠭᠡᠨ ᠳᠤ ᠵᠠᠯᠠᠵᠦ᠂ ᠲᠡᠭᠦᠨ ᠤ ᠬᠤᠶᠠᠳᠤᠭᠠᠷ | ᠲᠦᠷᠢ ᠶᠢᠨ ᠱᠠᠪᠷᠤᠩ ᠳ᠋ᠠᠮᠪᠢᠵᠠᠯᠰᠡᠨ᠂ ᠭᠤᠷᠪᠠᠳᠤᠭᠠᠷ ᠲᠦᠷᠢ ᠶᠢᠨ ᠱᠠᠪᠷᠤᠩ ᠭᠤᠩᠴᠤᠬᠳᠠᠮᠪᠢᠨᠢᠮᠡ ᠶᠢ | ᠲᠤᠳᠤᠷᠠᠭᠤᠯᠤᠨ ᠵᠠᠯᠠᠵᠠᠢ᠃ ᠭᠤᠷᠪᠠᠳᠤᠭᠠᠷ ᠲᠦᠷᠢ ᠶᠢᠨ ᠱᠠᠪᠷᠤᠩ ᠭᠤᠩᠴᠤᠬᠳᠠᠮᠪᠢᠨᠢᠮᠡ ᠡᠮᠴᠢ ᠪᠠᠳᠤᠬᠠᠭᠠᠯᠭᠠ | ᠰᠦᠮᠡ ᠶᠢᠨ ᠯᠠᠮᠠ ᠶᠢᠨ ᠵᠦᠪᠯᠡᠯ ᠤᠨ ᠡᠷᠬᠢᠯᠡᠭᠴᠢ᠂ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠲᠡᠳ᠋ | ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠦ ᠪᠠᠶᠢᠵᠠᠢ᠃ | ᠲᠤᠰ ᠰᠦᠮᠡ ᠴᠤᠬᠴᠢᠨ᠂ ᠴᠤᠶᠢᠷᠸᠠ᠂ ᠮᠠᠶᠢᠳᠠᠷᠢ ᠬᠡᠭᠦ ᠭᠤᠷᠪᠠᠨ ᠲᠤᠭᠠᠩ ᠪᠡ ᠵᠦᠳᠪᠡ᠂ ᠮᠠᠮᠪᠡ ᠵᠡᠷᠭᠡ ᠰᠠᠩ | ᠵᠢᠰᠡ ᠲᠠᠢ ᠪᠠᠶᠢᠵᠠᠢ᠃ ᠯᠠᠮᠠ ᠱᠠᠪᠢ ᠨᠠᠷ ᠬᠠᠮᠤᠭ ᠤᠨ ᠤᠯᠠᠨ ᠳᠠᠭᠠᠨ 150 ᠬᠦᠮᠦᠨ ᠲᠠᠢ ᠪᠠᠶᠢᠵᠠᠢ᠃ ᠰᠠᠩ ᠵᠢᠰᠡ | ᠶᠢᠨ ᠪᠤᠳᠡ ᠮᠠᠯ ᠲᠠᠪᠤᠨ ᠵᠠᠭᠤ᠂ ᠪᠤᠭ ᠮᠠᠯ ᠶᠢᠰᠦᠨ ᠮᠢᠩᠭᠠ ᠪᠠᠶᠢᠵᠠᠢ᠃ | ᠰᠦᠮᠡ ᠶᠢᠨ ᠶᠡᠭᠡᠭᠡᠨ ᠬᠤᠷᠡᠯ ᠨᠤᠮ ᠬᠡᠪᠡᠯ᠄ ᠴᠠᠭᠠᠨ ᠰᠡᠷᠡ ᠶᠢᠨ ᠳ᠋ᠤᠷᠤᠪ᠂ ᠠᠷᠪᠠᠨ ᠰᠠᠷᠡ ᠶᠢᠨ ᠵᠤᠯᠠ ᠶᠢᠨ | ᠬᠤᠷᠡᠯ ᠵᠡᠷᠭᠡ ᠪᠠᠶᠢᠵᠦ᠂ ᠪᠦᠬᠦ ᠯᠠᠮᠠ ᠨᠠᠷ ᠤᠷᠤᠯᠴᠠᠳᠠᠭ ᠪᠠᠶᠢᠵᠠᠢ᠃ ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠷᠠᠪᠠᠨᠢ ᠶᠢᠨ | ᠨᠠᠶᠢᠷ ᠬᠢᠵᠦ ᠶᠢᠰᠦᠨ ᠴᠠᠭᠠᠨ ᠮᠤᠷᠢ ᠲᠠᠢ ᠬᠦᠮᠦᠨ ᠰᠤᠮᠤ ᠠᠳᠬᠤᠵᠦ ᠰᠦᠮᠡ ᠲᠤᠭᠤᠷᠢᠨ ᠲᠠᠯᠠᠯᠭᠠ ᠠᠪᠴᠦ | ᠰᠦᠯᠲᠡ ᠲᠠᠬᠢᠵᠦ᠂ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠬᠢᠵᠦ ᠶᠡᠭᠡ ᠨᠠᠶᠢᠷ ᠪᠤᠯᠳᠠᠭ ᠪᠠᠶᠢᠵᠠᠢ᠃ | 1966 ᠤᠨ ᠳᠤ ᠮᠠᠨᠳᠤᠯ ᠰᠦᠮᠡ ᠡᠪᠳᠡᠭᠳᠠᠵᠦ ᠨᠤᠳᠤᠭ ᠨᠢ ᠬᠠᠷᠠᠯᠠᠨ᠂ ᠦᠯᠡᠲᠡᠭᠲᠡᠯ ᠪᠠᠭᠤᠷᠢ ᠨᠢ ᠤᠳᠤ | ᠶᠢᠨ ᠮᠠᠨᠳᠤᠯ ᠪᠠᠯᠭᠠᠰᠤᠨ ᠳᠤ ᠬᠤᠴᠤᠷᠴᠠᠢ᠃ | |