| ᠴᠤᠬᠴᠡ ᠶᠢᠨ ᠰᠦᠮᠡ ︵ᠶᠡᠭᠡ ᠦᠯᠵᠠᠶᠢᠲᠦ ᠪᠠᠶᠠᠰᠬᠤᠯᠠᠩᠲᠦ ᠰᠦᠮᠡ︶ ᠶᠢ ᠪᠦᠷᠢᠨᠲᠦ ᠵᠠᠰᠠᠬᠴᠢ ᠶᠢᠨ | ᠲᠠᠪᠤᠳᠤᠭᠠᠷ ᠤᠨ ︵1866 ᠤᠨ︶ ᠤ ᠤᠯᠠᠭᠠᠨ ᠪᠠᠷᠰ ᠵᠢᠯ᠂ ᠪᠤᠨᠳᠠᠷ ᠤᠨ ᠬᠤᠶᠠᠳᠤᠭᠠᠷ ᠲᠡᠭᠦᠦ ᠬᠠᠯᠬᠠ ᠪᠠᠷᠠᠭᠤᠨ | ᠭᠠᠷ ᠢ ᠬᠠᠮᠢᠶᠠᠷᠴᠦ ᠪᠠᠶᠢᠬᠰᠡᠨ ᠪᠠᠶᠢᠰᠡ ᠪᠠᠮᠰᠢᠨᠾᠢ ᠶᠢᠨ ᠶᠢᠰᠦᠳᠦᠭᠡᠷ ᠦᠶᠡ ᠶᠢᠨ ᠵᠠᠯᠭᠠᠮᠵᠢᠯᠠᠬᠴᠢ ᠪᠠᠶᠢᠰᠡ ᠨᠤᠶᠠᠨ | ᠰᠢᠷᠦᠪᠭᠦ᠋ᠩᠭᠡ ᠦᠪᠡᠷ ᠤᠨ ᠬᠦᠷᠦᠩᠭᠡ ᠮᠦᠩᠭᠦ ᠪᠠᠷ ᠢᠶᠠᠨ ᠪᠠᠶᠢᠭᠤᠯᠤᠭᠰᠡᠨ ᠨᠢᠭᠡ ᠲᠤᠭᠠᠩ ᠬᠤᠶᠠᠷ ᠰᠤᠪᠤᠷᠭᠠ ᠪᠡ | ᠭᠤᠷᠢᠶᠡ ᠬᠦᠷᠢᠶᠡ ᠲᠠᠢ ᠬᠤᠪᠢ ᠶᠢᠨ ᠰᠢᠳᠦᠭᠡᠨ ᠤ ᠰᠦᠮᠡ ᠪᠤᠯᠤᠨᠡ᠃ ᠲᠤᠰ ᠰᠦᠮᠡ ᠶᠢ ᠪᠠᠶᠢᠭᠤᠯᠤᠭᠰᠡᠨ ᠭᠠᠵᠠᠷ | ᠤᠨ ᠨᠠᠷᠡ ᠨᠢ ᠴᠤᠬᠴᠡ ᠭᠡᠳᠡᠭ ᠪᠤᠯᠬᠤᠷ ᠬᠦᠮᠦᠰ ᠴᠦᠮ ᠴᠤᠬᠴᠡ ᠶᠢᠨ ᠰᠦᠮᠡ ᠭᠡᠲᠡᠭ ᠪᠠᠶᠢᠨᠡ᠃ ᠪᠠᠰᠡ ᠵᠠᠷᠢᠮ | ᠨᠢ ᠵᠡᠭᠦᠨ ᠪᠡᠶᠢᠰᠡ ᠶᠢᠨ ᠰᠦᠮᠡ ᠴᠦ ᠭᠡᠲᠡᠭ ᠪᠠᠶᠢᠵᠠᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ᠂ ᠲᠤᠰ ᠰᠦᠮᠡ ᠳᠤ ᠵᠦᠪᠭᠡᠨ ᠬᠤᠶᠠᠷ ᠭᠤᠨᠢᠷ ᠡᠭᠡᠯᠵᠢᠯᠠᠨ ᠰᠠᠭᠤᠵᠦ᠂ ᠡᠳᠤᠷ ᠪᠦᠷᠢ | ᠶᠢᠨ ᠤᠩᠰᠢᠯᠭᠠ ᠬᠢᠲᠡᠭ ᠪᠠᠶᠢᠨᠡ᠃ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠡᠷᠡ ᠶᠢᠨ ᠠᠷᠪᠠᠨ | ᠭᠤᠷᠪᠠᠨ ᠤ ᠡᠳᠤᠷ ︽ᠰᠦᠯᠲᠡ︾ ᠲᠠᠬᠢᠵᠦ᠂ ᠠᠷᠪᠠᠨ ᠭᠤᠷᠪᠠᠨ ᠬᠠᠷᠡ ᠬᠦᠮᠦᠨ ᠨᠤᠮᠤ ᠰᠠᠭᠠᠳᠠᠭ ᠠᠬᠰᠠᠵᠦ ᠰᠤᠮᠤ | ᠠᠳᠬᠤᠨ ᠲᠤᠰ ᠪᠦᠷᠢ ᠴᠠᠭᠠᠨ ᠪᠤᠶᠦ ᠴᠠᠶᠢᠪᠦᠷ ᠵᠢᠰᠤᠮ ᠤᠨ ᠮᠤᠷᠢ ᠤᠨᠤᠵᠦ ᠰᠦᠮᠡ ᠭᠤᠷᠢᠶᠡ ᠶᠢ ᠲᠤᠭᠤᠷᠢᠨ | ᠲᠠᠯᠠᠯᠭᠠ ᠠᠪᠳᠠᠭ ᠪᠠᠶᠢᠵᠠᠢ᠃ ᠲᠤᠰ ᠲᠠᠯᠠᠯᠭᠠ ᠳᠤ ︽ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ᠠᠴᠠ ᠭᠡᠰᠡᠭ ᠯᠠᠮᠠ ᠨᠠᠷ | ᠢ ᠵᠠᠯᠠᠵᠦ ᠤᠩᠰᠢᠯᠭᠠ ᠬᠢᠯᠭᠡᠬᠦ ᠶᠢᠨ ᠬᠠᠮᠲᠦ ᠮᠢᠯᠡ ᠶᠢᠨ ᠴᠠᠮ ︵ᠶᠠᠭ ᠡᠨᠡᠳᠭᠡᠭ ᠮᠠᠶ᠋ᠢᠭ ᠤᠨ ᠴᠠᠮ︶ ᠴᠠᠮᠨᠠᠳᠠᠭ | ᠪᠠᠶᠢᠵᠠᠢ᠃ ᠲᠠᠯᠠᠯᠭᠠ ᠳᠤ ᠤᠶᠢᠷᠡ ᠬᠠᠪᠢ ᠶᠢᠨ ᠮᠠᠯᠴᠢᠳ ᠬᠢᠭᠡᠳ ᠲᠦᠷᠦᠯ ᠰᠠᠳᠤᠨ ᠨᠢ ᠴᠤᠬᠯᠠᠷᠠᠵᠦ ᠨᠠᠯᠢᠶᠠᠳ | ᠬᠦᠷ ᠬᠦᠭᠵᠢᠶᠠᠨ ᠲᠠᠢ ᠨᠠᠶᠢᠷ ᠮᠦᠷᠭᠦᠯ ᠪᠤᠯᠳᠠᠭ ᠪᠠᠶᠢᠨᠡ᠃ | ᠪᠠᠳᠠᠷᠠᠭᠤᠯᠲᠦ ᠲᠦᠷᠦ ᠶᠢᠨ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵1907 ᠤᠨ︶ ᠤ ᠤᠯᠠᠬᠴᠢᠨ ᠬᠤᠨᠢᠨ ᠵᠢᠯ᠂ | ᠲᠤᠰ ᠰᠦᠮᠡ ᠲᠡᠭᠡᠷᠡᠮ ᠤᠨ ᠭᠠᠷ ᠲᠤ ᠦᠷᠡᠭᠳᠠᠵᠠᠢ᠃ ᠦᠯᠡᠲᠡᠭᠰᠡᠨ ᠪᠤᠷᠬᠠᠨ᠂ ᠲᠠᠬᠢᠯ᠂ ᠨᠤᠮ ᠰᠤᠳᠤᠷ ᠵᠡᠷᠭᠡ ᠶᠢ | ᠴᠦᠮ ︽ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ᠶᠢᠨ ᠵᠠᠮᠰᠠᠷᠠᠩ ᠤᠨ ᠲᠤᠭᠠᠩ ᠳᠤ ᠬᠦᠷᠭᠡᠵᠦ ᠲᠠᠬᠢᠬᠰᠡᠨ ᠪᠠᠶᠢᠨᠡ᠃ | ᠲᠤᠰ ᠰᠦᠮᠡ ᠶᠢᠨ ᠤᠯᠠᠮᠵᠢᠯᠠᠯᠲᠦ ᠮᠢᠯᠡ ᠶᠢᠨ ᠴᠠᠮ ᠢ ᠦᠷᠭᠦᠯᠵᠢᠯᠠᠨ ᠤᠯᠠᠮᠵᠢᠯᠠᠬᠤ ᠶᠢᠨ ᠲᠦᠯᠦᠭᠡ | ︽ᠪᠤᠶᠠᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠡ ᠶᠢᠨ ᠠᠷᠪᠠᠨ | ᠲᠤᠯᠤᠭᠠᠨ ᠤ ᠡᠳᠤᠷ ᠤᠨ ᠴᠠᠮ ᠳᠠᠭᠠᠨ ᠮᠢᠯᠠ ᠶᠢᠨ ᠴᠠᠮ ᠢ ᠪᠠᠰᠡ ᠴᠠᠮᠨᠠᠬᠤ ᠪᠠᠷ ᠲᠤᠬᠢᠷᠠᠭᠤᠯᠵᠠᠢ᠃ | ᠲᠤᠰ ᠰᠦᠮᠡ ᠶᠢᠨ ᠪᠠᠷᠢᠯᠭᠠ ᠶᠢ ᠲᠠᠬᠢᠵᠦ ᠰᠡᠷᠭᠦᠭᠡᠭᠰᠡᠨ ᠦᠭᠡᠢ᠃ ᠦᠯᠡᠲᠡᠭᠲᠡᠯ ᠪᠠᠭᠤᠷᠢ ᠨᠢ ᠤᠳᠤ ᠶᠢᠨ | ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠡᠷᠳᠠᠨᠢᠠᠤᠪᠤᠭᠠ ᠭᠠᠴᠠᠭᠠ ᠳᠤ ᠪᠤᠢ᠃ | | | ︽ᠪᠤᠭᠤᠲᠦ ᠶᠢᠨ ᠰᠦᠢᠳᠦᠭᠰᠡᠨ ᠰᠦᠮᠡ ᠭᠡᠶᠢᠳ︾ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠡ | | |