| ᠵᠢᠮᠪᠠᠵᠠᠮᠰᠦ ︵ᠶᠡᠷᠦ ᠶᠢᠨ ᠲᠠᠭᠤᠳᠠᠯᠭᠠ ᠨᠢ ᠵᠢᠮᠪᠡ︶ 1907 ᠣᠨ ᠳᠤ ᠲᠠᠷᠬᠠᠨ ᠪᠡᠶᠢᠯᠡ ᠬᠤᠰᠢᠭᠤᠨ ᠤ | ᠭᠤᠤᠯ ᠰᠤᠮᠤ ᠶᠢᠨ ᠮᠠᠯᠴᠢᠨ ᠨᠤᠷᠪᠤ ᠶᠢᠨ ᠭᠡᠷ ᠲᠤ ᠦᠷᠡ ᠶᠢᠨ ᠭᠠᠭᠴᠡ ᠬᠦᠪᠡᠭᠦᠨ ᠨᠢ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ | ᠲᠡᠭᠦᠨ ᠢ ᠨᠠᠢᠮᠠᠨ ᠨᠠᠰᠤᠳᠠᠢ ᠳᠤᠨᠢ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠳᠤ ᠱᠠᠪᠢ ᠪᠠᠷ ᠦᠭᠴᠦ᠂ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠳᠠᠢ | ᠳᠠᠭᠠᠨ ᠰᠠᠬᠢᠯ ᠰᠠᠸᠠᠷ ᠠᠪᠴᠦ᠂ ᠠᠯᠳᠠᠷᠲᠦ ᠯᠠᠮᠠ ᠡᠮᠴᠢ ᠭᠤᠩᠴᠤᠭᠯᠤᠰᠤᠯᠫᠠᠯᠮᠡ ᠶᠢᠨ ᠱᠠᠪᠢ ᠨᠢ ᠪᠤᠯᠵᠠᠢ᠃ ᠵᠢᠮᠪᠡ | ᠭᠤᠸᠠᠢ 11 ᠨᠠᠰᠤᠨ ᠠᠴᠠ ᠪᠠᠨ ᠡᠬᠢᠯᠡᠵᠦ ᠪᠠᠭᠰᠢ ᠯᠠᠮᠡ ᠶᠢᠨ ᠢᠶᠠᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠ ᠪᠠᠷ ᠲᠦᠪᠡᠳ ᠦᠭᠡ | ᠬᠡᠯᠡ ᠦᠰᠦᠭ ᠪᠢᠴᠢᠭ ᠰᠤᠷᠬᠤ ᠶᠢᠨ ᠬᠠᠮᠲᠦ ᠲᠦᠪᠡᠳ᠂ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠢ ᠰᠤᠷᠴᠦ | ᠡᠬᠢᠯᠡᠪᠡ᠃ ᠦᠪᠡᠷ ᠤᠨ ᠰᠡᠴᠡᠨ ᠰᠡᠷᠭᠦᠯᠠᠩ ᠤᠬᠠᠭᠠᠨ ᠪᠡ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠲᠠᠢ ᠰᠤᠷᠤᠯᠴᠠᠯᠭᠠ ᠪᠠᠷ ᠲᠦᠪᠡᠳ | ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠰᠠᠭᠤᠷᠢ ᠮᠡᠲᠡᠯᠭᠡ᠂ ᠡᠪᠡᠳᠴᠢᠨ ᠡᠮᠭᠡᠭ ᠤᠨ ᠪᠠᠶᠢᠴᠠᠭᠠᠯᠲᠡ ᠲᠤᠳᠤᠯᠠᠯᠲᠡ᠂ ᠡᠮ ᠤᠨ | ᠵᠤᠷ ᠨᠠᠶᠢᠷᠠᠭᠤᠯᠭᠠ ᠬᠢᠭᠡᠳ ᠵᠠᠰᠠᠬᠤ ᠠᠷᠭᠠ ᠶᠢ ᠦᠨᠳᠦᠰᠦᠨ ᠳᠤ ᠨᠢ ᠡᠵᠡᠮᠰᠢᠵᠦ ᠦᠪᠡᠷ ᠤᠨ ᠤᠨᠴᠠᠯᠢᠭ ᠲᠠᠢ | ᠨᠢᠭᠡᠨ ᠡᠮᠴᠢ ᠪᠤᠯᠤᠭᠰᠡᠨ ᠪᠠᠶᠢᠨᠡ᠃ | ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠰᠤᠷᠴᠦ ᠰᠤᠳᠤᠯᠤᠭᠰᠡᠨ ᠠᠴᠠ ᠵᠢᠮᠪᠡ ᠤᠳᠡᠯ ᠦᠭᠡᠢ ᠮᠠᠰᠢ ᠶᠡᠭᠡ ᠨᠡᠷᠡ ᠴᠤᠤ | ᠭᠠᠷᠴᠠᠢ᠃ ᠪᠠᠭᠰᠢ ᠯᠠᠮᠡ ᠨᠢ ᠴᠦ ᠲᠡᠭᠦᠨ ᠤ ᠡᠷᠲᠡᠮ ᠮᠡᠲᠡᠯᠭᠡ ᠳᠤ ᠲᠦᠢᠯ ᠢᠶᠠᠷ ᠰᠡᠳᠬᠢᠯ ᠬᠦᠲᠡᠯᠵᠦ᠂ ᠦᠪᠡᠷ ᠤᠨ | ᠬᠡᠴᠢᠨᠡᠨ ᠵᠢᠯ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠬᠰᠡᠨ ᠡᠮ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠨᠤᠮ᠂ ᠡᠮᠴᠢᠯᠡᠭᠡᠨ ᠤ ᠪᠠᠭᠠᠵᠢ | ᠬᠡᠷᠡᠭᠰᠡᠯ ᠬᠢᠭᠡᠳ ᠦᠪᠡᠷ ᠤᠨ ᠨᠠᠶᠢᠷᠠᠭᠤᠯᠤᠭᠰᠡᠨ ᠶᠡᠭᠡ ᠬᠡᠮᠵᠢᠶᠡᠨ ᠤ ᠮᠤᠩᠭᠤᠯ ᠡᠮ ᠢᠶᠠᠨ ᠴᠦ ᠪᠦᠬᠦᠲᠡ ᠶᠢ ᠱᠠᠪᠢ | ᠵᠢᠮᠪᠡ ᠭᠤᠸᠠᠢ ᠳᠤ ᠲᠤᠷᠠᠰᠬᠠᠨ ᠪᠡᠯᠡᠭᠯᠡᠵᠦ᠂ ᠲᠡᠭᠦᠨ ᠢ ᠵᠤᠷᠢᠭᠵᠢᠭᠤᠯᠤᠨ ᠦᠷᠭᠦᠯᠵᠢᠯᠠᠨ ᠬᠠᠳᠠᠭᠤᠵᠢᠯᠳᠠᠢ ᠴᠢᠷᠮᠠᠶᠢᠵᠦ᠂ | ᠨᠡᠩ ᠠᠷᠪᠢᠨ ᠡᠮᠨᠡᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠵᠦ᠂ ᠨᠤᠳᠤᠭ ᠤᠷᠤᠨ ᠤ ᠪᠠᠨ ᠠᠬᠠ ᠲᠡᠭᠦᠦ ᠨᠠᠷ ᠢ ᠡᠪᠡᠳᠴᠢᠨ | ᠵᠤᠪᠠᠯᠠᠩ ᠠᠴᠠ ᠨᠢ ᠠᠪᠤᠷᠠᠬᠤ ᠶᠢ ᠨᠠᠶᠢᠳᠠᠭᠰᠡᠨ ᠪᠠᠶᠢᠨᠡ᠃ | ᠵᠢᠮᠪᠡ ᠭᠤᠸᠠᠢ ᠤᠷᠢᠳ ᠬᠤᠵᠢᠳ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠴᠤᠶᠢᠷᠸᠠ ᠷᠤᠸᠠᠼᠠᠩ ᠤᠨ ᠭᠡᠰᠭᠦᠢ᠂ | ᠴᠤᠭᠴᠢᠨ ᠷᠤᠸᠠᠼᠠᠩ ᠤᠨ ᠭᠡᠰᠭᠦᠢ᠂ ᠳ᠋ᠠ ᠯᠠᠮᠠ ᠵᠡᠷᠭᠡ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠦ ᠪᠠᠶᠢᠵᠠᠢ᠃ | ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠵᠢᠮᠪᠡ ᠭᠤᠸᠠᠢ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠤᠯᠤᠰ | ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠬᠡᠰᠢᠭᠦᠨ᠂ ᠪᠠᠶᠢᠩᠭᠤ ᠶᠢᠨ ᠬᠡᠰᠢᠭᠦᠨ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠱᠠᠰᠢᠨ ᠰᠤᠷᠳᠠᠬᠤᠨ ᠤ | ᠨᠡᠶᠢᠭᠡᠮᠯᠢᠭ ᠤᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠬᠡᠷᠡᠭ ᠡᠷᠬᠢᠯᠡᠭᠴᠢᠳ ᠤᠨ ᠬᠡᠰᠢᠭᠦᠨ᠂ ᠤᠯᠠᠭᠠᠨᠴᠠᠪ ᠠᠶᠢᠮᠠᠭ ᠤᠨ | ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠬᠡᠰᠢᠭᠦᠨ ᠵᠢᠴᠢ ᠪᠠᠶᠢᠩᠭᠤ ᠶᠢᠨ ᠭᠡᠰᠢᠭᠦᠨ ᠵᠡᠷᠭᠡ | ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠦ ᠦᠩᠭᠡᠷᠡᠵᠠᠢ᠃ | 1951 ᠤᠨ ᠳᠤ᠂ ᠵᠢᠮᠪᠡ ᠭᠤᠸᠠᠢ ᠬᠤᠰᠢᠭᠤᠨ ᠤ ᠨᠠᠮ ᠵᠠᠰᠠᠭ ᠤᠨ ᠵᠦᠪᠰᠢᠶᠠᠷᠡᠯ ᠢᠶᠠᠷ ᠮᠤᠩᠭᠤᠯ ᠡᠮᠨᠡᠯᠭᠡ | ᠶᠢᠨ ᠬᠤᠷᠢᠶᠡ ᠪᠠᠶᠢᠭᠤᠯᠵᠦ ᠦᠪᠡᠷ ᠢᠶᠠᠨ ᠬᠤᠷᠢᠶᠠᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠦ ᠪᠠᠶᠢᠪᠡ᠃ ᠵᠢᠮᠪᠡ | ᠭᠤᠸᠠᠢ ᠳᠤ ᠲᠠᠩ ᠢᠶᠠᠷ ᠡᠮᠨᠡᠬᠦ᠂ ᠲᠠᠯᠬᠠ ᠪᠠᠷ ᠡᠮᠨᠡᠬᠦ᠂ ᠲᠦᠬᠡᠨᠡᠬᠦ᠂ ᠬᠠᠨᠠᠬᠤ᠂ ᠬᠠᠳᠬᠤᠬᠤ᠂ ᠴᠢᠨᠠᠮᠠᠯ ᠡᠮ ᠢᠶᠠᠷ ᠵᠠᠰᠠᠬᠤ᠂ | ᠵᠦᠭᠡᠯᠡᠨ ᠲᠤᠭᠤᠯᠭᠠᠬᠤ᠂ ᠬᠠᠳᠠᠭᠤ ᠲᠤᠭᠤᠯᠭᠠᠬᠤ᠂ ᠲᠦᠪᠳᠤᠭᠡᠬᠦ᠂ ᠲᠦᠷᠬᠢᠬᠦ᠂ ᠦᠷᠢᠯ ᠢᠶᠠᠷ ᠵᠠᠰᠠᠬᠤ᠂ ᠲᠤᠰᠤᠨ ᠡᠮ | ᠢᠶᠠᠷ ᠵᠠᠰᠠᠬᠤ᠂ ᠵᠦᠭᠡᠯᠡᠨ ᠪᠦᠭᠡᠯᠵᠢᠭᠦᠯᠬᠦ᠂ ᠬᠠᠳᠠᠭᠤ ᠪᠦᠭᠡᠯᠵᠢᠭᠦᠯᠬᠦ ᠵᠡᠷᠭᠡ ᠡᠪᠡᠳᠴᠢᠨ ᠵᠠᠰᠠᠬᠤ ᠠᠷᠪᠠᠨ ᠨᠠᠢᠮᠠᠨ ᠵᠦᠢᠯ | ᠤᠨ ᠠᠷᠭᠠ ᠪᠠᠶᠢᠳᠠᠭ᠃ ᠵᠢᠮᠪᠡ ᠭᠤᠸᠠᠢ ᠡᠲᠡᠭᠡᠷ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠠᠷᠭᠠ ᠪᠠᠷ ᠢᠶᠠᠨ ᠲᠠᠮᠪᠠᠷᠠᠬᠰᠡᠨ | ᠡᠪᠡᠳᠴᠢᠨ᠂ ᠦᠮᠡᠨ ᠡᠪᠡᠳᠴᠢᠨ᠂ ᠲᠦᠷᠪᠠᠨ ᠮᠦᠴᠢ ᠨᠢ ᠠᠳᠤᠷᠢᠬᠰᠡᠨ ᠵᠡᠷᠭᠡ ᠬᠦᠨᠲᠦ ᠡᠪᠡᠳᠴᠢᠲᠡᠨ ᠢ ᠮᠠᠰᠢ ᠤᠯᠠᠨ | ᠵᠠᠰᠠᠨ ᠡᠲᠡᠭᠡᠷᠡᠭᠦᠯᠵᠦ᠂ ᠬᠤᠯᠡ ᠤᠶᠢᠷᠡ ᠳᠠᠭᠠᠨ ᠨᠠᠷᠡ ᠠᠯᠳᠠᠷᠰᠢᠬᠰᠡᠨ ᠪᠠᠶᠢᠨᠡ᠃ | 1981 ᠤᠨ ᠳᠤ᠂ ᠨᠠᠰᠤᠨ ᠰᠡᠭᠦᠳᠡᠷ ᠲᠠᠯᠠᠨ ᠲᠦᠷᠪᠠᠳᠠᠢ ᠵᠢᠮᠪᠠᠵᠠᠮᠰᠦ ᠭᠤᠸᠠᠢ ᠡᠪᠡᠳᠴᠢᠨ ᠢᠶᠠᠷ | ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠳᠤ ᠨᠠᠰᠦ ᠪᠠᠷᠠᠪᠡ᠃ | | ︽ᠪᠠᠳᠤᠬᠠᠭᠠᠯᠭᠠ ᠰᠦᠮᠡ︾ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠡ | |