| ᠨᠠᠷᠡᠲᠦ ᠤᠪᠤᠭᠠ ᠭᠡᠵᠦ ᠪᠠᠳᠤᠬᠠᠭᠠᠯᠭᠠ ᠠᠴᠠ ᠬᠤᠶᠢᠰᠢ ᠬᠤᠷᠢᠭᠠᠳ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠬᠠᠷᠠᠬᠳᠠᠬᠤ | ᠦᠨᠳᠦᠷ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡᠬᠢ ᠤᠪᠤᠭᠠ ᠶᠢ ᠬᠡᠯᠡᠨᠡ᠃ ᠲᠤᠰ ᠤᠪᠤᠭᠠ ᠨᠢ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ | ᠲᠡᠭᠡᠭᠰᠢ 1506 ᠮᠧᠲᠷ ᠲᠤ ᠪᠤᠰᠬᠠᠬᠳᠠᠭᠰᠡᠨ ᠪᠠᠶᠢᠨᠡ᠃ | ᠨᠠᠷᠡᠲᠦ ᠤᠪᠤᠭᠠ ᠪᠤᠯ 1653 ᠤᠨ ᠳᠤ᠂ ᠬᠠᠯᠬᠠ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠡᠷᠭᠡ ᠶᠢ ᠪᠠᠷᠢᠵᠦ | ᠡᠵᠡᠨ ᠮᠡᠲᠡᠵᠦ ᠪᠠᠶᠢᠬᠰᠡᠨ ᠵᠠᠰᠠᠭ ᠨᠤᠶᠠᠨ ᠪᠤᠨᠳᠠᠷ ᠴᠢᠨ ᠸᠠᠩ ᠤᠨ ᠪᠠᠶᠢᠭᠤᠯᠤᠭᠰᠡᠨ ᠤᠪᠤᠭᠠ ᠪᠤᠯᠤᠨᠡ᠃ ᠡᠶᠢᠮᠦ | ᠠᠴᠠ ᠨᠡᠷᠡᠲᠦ ᠤᠪᠤᠭᠠ ᠪᠤᠯ ᠲᠠᠷᠬᠠᠨ ᠪᠡᠶᠢᠯᠡ ᠶᠢᠨ ᠬᠤᠰᠢᠭᠤᠨ ᠤ ᠡᠨᠡ ᠨᠤᠳᠤᠭ ᠲᠤ ᠨᠡᠭᠦᠵᠦ ᠢᠷᠡᠭᠰᠡᠨ ᠤ | ᠲᠠᠷᠠᠭᠠ ᠪᠤᠰᠬᠠᠭᠰᠡᠨ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠤᠪᠤᠭᠠ ᠪᠤᠯᠤᠨᠡ᠃ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠨᠢ ᠪᠤᠨᠳᠠᠷ ᠴᠢᠨ | ᠸᠠᠩ ᠤᠨ ᠡᠪᠤᠯᠵᠢᠶᠠᠨ ᠤ ᠭᠠᠵᠠᠷ ᠲᠤ ᠪᠠᠶᠢᠭᠤᠯᠤᠭᠳᠠᠭᠰᠡᠨ ᠨᠤᠨᠤᠢ ᠴᠢᠨ ᠸᠠᠩ ᠤᠨ ᠭᠠᠯ ᠭᠤᠯᠤᠮᠲᠡ ᠠᠴᠠ | ᠤᠯᠠᠷᠢᠵᠦ ᠬᠦᠭᠵᠢᠵᠦ ᠢᠷᠡᠭᠰᠡᠨ ᠰᠦᠮᠡ ᠪᠤᠯᠬᠤᠷ᠂ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠬᠤᠰᠢᠭᠤ ᠰᠦᠮᠡ ᠪᠤᠯᠤᠨ | ᠬᠦᠭᠵᠢᠬᠦ ᠶᠢ ᠲᠠᠭᠠᠯᠳᠤᠨ ᠨᠠᠷᠡᠲᠦ ᠤᠪᠤᠭᠠ ᠨᠢ ᠬᠤᠰᠢᠭᠤᠨ ᠤ ᠭᠤᠷᠪᠠᠨ ᠭᠤᠤᠯ ᠤᠪᠤᠭᠠᠨ ᠤ ᠨᠢᠭᠡ ᠪᠤᠯᠵᠦ | ᠬᠤᠰᠢᠭᠤ ᠤᠪᠤᠭᠠ ᠭᠡᠵᠦ ᠨᠡᠷᠡᠯᠡᠭᠲᠡᠬᠦ ᠪᠤᠯᠪᠡ᠃ ᠨᠠᠷᠡᠲᠦ ᠤᠪᠤᠭᠠ ᠶᠢ ᠲᠠᠬᠢᠬᠤ ᠳᠤ ᠤᠭ ᠨᠢ ᠲᠤᠬᠳᠠᠭᠰᠡᠨ ᠴᠠᠭ | ᠬᠤᠭᠤᠴᠠᠭᠠ᠂ ᠡᠳᠤᠷ ᠰᠡᠷᠡ ᠭᠡᠵᠦ ᠪᠠᠶᠢᠬᠰᠡᠨ ᠦᠭᠡᠢ᠃ ᠬᠤᠰᠢᠭᠤᠨ ᠤ ᠶᠡᠭᠡ ᠴᠢᠭᠤᠯᠭᠠᠨ ᠬᠡᠵᠢᠶᠡ ᠪᠤᠯᠪᠡᠯ ᠲᠡᠷᠡ | ᠦᠶᠡ ᠳᠤ ᠨᠢ ᠤᠴᠢᠭᠠᠳ ᠤᠪᠤᠭᠠ ᠪᠠᠨ ᠲᠠᠬᠢᠳᠠᠭ ᠪᠠᠶᠢᠪᠡ᠃ ᠲᠠᠬᠢᠯᠭᠠ ᠶᠢ ᠬᠤᠰᠢᠭᠤᠨ ᠠᠴᠠ ᠤᠷᠢᠳ ᠢᠶᠠᠷ ᠬᠢᠬᠦ | ᠪᠢᠰᠢ᠂ ᠬᠠᠷᠢᠨ ᠪᠠᠳᠤᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠲᠠᠪᠤᠨ ᠷᠠᠰᠠᠩ ᠤᠨ ᠠᠷᠦ ᠲᠡᠯᠡ᠂ ᠠᠵᠦ ᠠᠬᠤᠢ ᠶᠢ ᠬᠠᠮᠢᠶᠠᠷᠳᠠᠭ | ᠲᠠᠪᠤᠨ ᠰᠠᠩ ᠠᠴᠠ ᠵᠢᠯ ᠪᠦᠷᠢ ᠤᠷᠢᠳ ᠢᠶᠠᠷ ᠲᠠᠬᠢᠳᠠᠭ ᠪᠠᠶᠢᠨᠡ᠃ ᠡᠨᠡ ᠦᠶᠡ ᠳᠤ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠮᠤᠷᠢ᠂ | ᠪᠦᠭᠡ ᠬᠡᠵᠦ ᠪᠠᠶᠢᠬᠤ ᠦᠭᠡᠢ ᠪᠠᠶᠢᠪᠡ᠃ ᠰᠠᠩ ᠤᠨ ᠨᠢᠷᠪᠡ ᠨᠠᠷ ᠬᠤᠨᠢᠨ ᠤ ᠰᠢᠭᠦᠰᠦ ᠵᠡᠷᠭᠡ ᠲᠠᠬᠢᠯ ᠤᠨ ᠵᠦᠢᠯᠡᠰ | ᠢᠶᠠᠨ ᠠᠪᠤᠭᠠᠳ ᠨᠠᠷᠡᠲᠦ ᠤᠪᠤᠭᠠᠨ ᠤ ᠪᠠᠷᠠᠭᠤᠨ ᠬᠤᠶᠢᠲᠦ ᠲᠡᠯᠡ ᠮᠤᠷᠢ ᠲᠠᠢ ᠪᠠᠨ ᠤᠪᠤᠭᠠᠨ ᠲᠡᠭᠡᠷᠡ ᠪᠠᠨ ᠭᠠᠷᠴᠦ᠂ | ᠲᠠᠬᠢᠯ ᠢᠶᠠᠨ ᠡᠷᠭᠦᠭᠦ ᠶᠢᠨ ᠬᠠᠮᠲᠦ ᠲᠤᠯᠤᠳᠤᠭᠠᠷ ᠲᠦᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠭᠠᠯᠰᠠᠩᠵᠠᠮᠰᠦ ᠶᠢᠨ ᠵᠤᠬᠢᠶᠠᠭᠰᠡᠨ | ᠭᠠᠵᠠᠷ ᠤᠰᠤᠨ ᠤ ᠰᠠᠩ ᠢ ᠤᠩᠰᠢᠳᠠᠭ᠃ ᠡᠨᠡ ᠭᠠᠵᠠᠷ ᠤᠰᠤᠨ ᠤ ᠰᠠᠩ ᠢ ᠲᠠᠷᠬᠠᠨ ᠪᠡᠶᠢᠯᠡ ᠶᠢᠨ ᠬᠤᠰᠢᠭᠤᠨ ᠤ | ᠪᠤᠢ ᠪᠦᠬᠦᠢ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠤᠩᠰᠢᠬᠤ ᠪᠠᠷ ᠦᠯᠦ ᠪᠠᠷᠡᠨ᠂ ᠡᠩ ᠤᠨ ᠠᠶᠢᠯ ᠤᠳ ᠴᠦ ᠤᠩᠰᠢᠳᠠᠭ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠭᠤᠴᠢᠭᠠᠳ ᠤᠨ ᠤ ᠰᠡᠭᠦᠯᠴᠢ ᠪᠠᠷ᠂ ᠲᠠᠷᠬᠠᠨ ᠪᠡᠶᠢᠯᠡ ᠶᠢᠨ ᠬᠤᠰᠢᠭᠤᠨ ᠳᠤ ᠢᠷᠡᠵᠦ | ᠨᠤᠮ ᠪᠢᠰᠢᠯᠭᠠᠯ ᠬᠢᠵᠦ ᠪᠠᠶᠢᠬᠰᠡᠨ ᠬᠦᠬᠡᠨᠠᠭᠤᠷ ᠤᠨ ᠭᠤᠯᠦ᠋ᠩ ᠬᠡᠶᠢᠳ ᠤᠨ ᠲᠦᠭᠦᠨ ᠭᠡᠭᠡᠨ ᠠᠴᠠ 1940 ᠤᠨ | ᠳᠤ᠂ ᠨᠠᠷᠡᠲᠦ ᠤᠪᠤᠭᠠᠨ ᠤ ᠰᠠᠪᠳᠠᠭ ᠢ ᠵᠢᠷᠤᠬᠤ ᠶᠢᠨ ᠬᠠᠮᠲᠦ ᠲᠤᠰᠬᠠᠶᠢᠯᠠᠨ ᠨᠠᠷᠡᠲᠦ ᠤᠪᠤᠭᠠᠨ ᠤ ᠲᠠᠬᠢᠯᠭᠠ ᠶᠢᠨ | ᠰᠠᠩ ᠢ ᠵᠤᠬᠢᠶᠠᠵᠠᠢ᠃ ᠲᠡᠭᠦᠨ ᠠᠴᠠ ᠡᠬᠢᠯᠡᠨ ᠨᠠᠷᠡᠲᠦ ᠤᠪᠤᠭᠠ ᠶᠢ ᠲᠠᠬᠢᠬᠤ ᠳᠤ᠂ ᠦᠪᠡᠷ ᠤᠨ ᠬᠢᠨᠢ ᠲᠤᠰᠬᠠᠢ ᠰᠠᠩ | ᠢ ᠤᠩᠰᠢᠵᠦ᠂ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠡᠷᠡ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤ ᠡᠳᠤᠷ ᠲᠤ ᠲᠠᠬᠢᠬᠤ ᠪᠤᠯᠭᠠᠪᠡ᠃ | ᠡᠭᠦᠨ ᠠᠴᠠ ᠡᠬᠢᠯᠡᠨ ᠬᠠᠭᠤᠴᠢᠨ ᠵᠤᠷᠰᠢᠯ ᠢ ᠨᠢ ᠡᠪᠲᠡᠵᠦ ᠪᠦᠭᠡ ᠲᠠᠢ ᠮᠤᠷᠢ ᠲᠠᠢ ᠨᠠᠶᠢᠷ ᠬᠦᠭᠵᠢᠶᠠᠨ ᠲᠠᠢ | ᠲᠠᠬᠢᠯᠭᠠ ᠶᠠᠪᠤᠬᠳᠠᠭᠤᠯᠬᠤ ᠪᠤᠯᠪᠡ᠃ | | |