| ᠮᠠᠨ ᠤ ᠥᠨᠳᠥᠰᠥᠲᠡᠨ ᠤ ᠬᠤᠪᠴᠠᠰᠣ ᠵᠠᠰᠠᠯ ᠨᠢ ᠭᠡᠴᠢᠨᠡᠨ ᠵᠠᠭᠤᠨ ᠵᠢᠯ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ | ᠥᠢᠯᠡᠳᠣᠯᠭᠡ ᠳᠣᠮᠳᠠ ᠲᠡᠷᠡᠬᠦ ᠠᠵᠣ ᠠᠮᠢᠳᠣᠷᠠᠯ ᠲᠠᠢ ᠪᠠᠨ ᠵᠤᠬᠢᠴᠠᠯᠳᠣᠨ ᠵᠠᠩᠰᠢᠭᠰᠠᠨ ᠦᠪᠡᠷᠮᠢᠴᠡ ᠶᠣᠰᠣ ᠵᠥᠢ | ᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ ᠶᠤᠮ᠃ ᠪᠢᠳᠡ ᠦᠪᠡᠷ ᠤᠨ ᠥᠨᠳᠥᠰᠥᠲᠡᠨ ᠤ ᠪᠠᠨ ᠬᠤᠪᠴᠠᠰᠣ ᠪᠠᠨ ᠡᠮᠥᠰᠴᠣ ᠡᠳ᠋ᠯᠡᠬᠦ | ᠳᠡᠭᠡᠨ ᠲᠡᠷᠡᠬᠦ ᠶᠣᠰᠣ ᠵᠠᠩᠰᠢᠯ ᠢ ᠬᠦᠨᠳᠥᠳᠭᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠣᠳᠣᠬᠠᠨ ᠳᠤ ᠮᠠᠨ ᠤ ᠮᠤᠩᠭᠤᠯᠴᠣᠳ ᠬᠤᠲᠠ ᠬᠦᠳᠡᠭᠡ ᠥᠭᠡᠢ᠂ ᠡᠪᠣᠭᠡᠳ ᠵᠠᠯᠠᠭᠤ ᠭᠡᠰᠡᠨ ᠥᠭᠡᠢ ᠨᠠᠶᠢᠷ | ᠨᠠᠭᠠᠳᠣᠮ ᠬᠡᠭᠰᠡᠭᠡᠷ ᠯᠡ ᠥᠨᠳᠥᠰᠥᠲᠡᠨ ᠤ ᠬᠤᠪᠴᠠᠰᠣ ᠪᠠᠷ ᠢᠶᠠᠨ ᠭᠤᠶᠣᠬᠤ ᠪᠤᠯᠣᠭᠰᠠᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠠᠰᠢ | ᠰᠠᠶᠢᠨ ᠰᠠᠶᠢᠬᠠᠨ ᠣᠴᠢᠷ ᠪᠤᠯᠪᠠᠴᠣ ᠵᠦᠪ ᠪᠦᠷᠢᠨ ᠡᠮᠥᠰᠴᠣ ᠵᠡᠭᠦᠬᠦ ᠲᠠᠯᠠ ᠪᠠᠷ ᠳᠣᠲᠠᠮᠠᠭ ᠪᠠᠶᠢᠳᠠᠭ ᠲᠤ | ᠴᠢᠭᠯᠡᠭᠦᠯᠵᠥ ᠬᠡᠳᠣᠨ ᠵᠥᠢᠯ ᠢ ᠶᠠᠷᠢᠵᠣ ᠵᠠᠯᠠᠭᠤ ᠪᠠᠭᠠᠴᠣᠳ ᠲᠠᠭᠠᠨ ᠲᠣᠰᠠ ᠪᠤᠯᠭᠠᠬᠤ ᠶᠢ ᠵᠤᠷᠢᠯᠠ︕ ᠰᠢᠭᠦᠮᠵᠢᠯᠡᠯ | ᠲᠠᠢ ᠪᠠᠷ ᠬᠦᠯᠢᠶᠡᠨ ᠠᠪᠴᠣ ᠤᠩᠰᠢᠬᠤ ᠪᠣᠯᠪᠠᠣ︖ | 1.ᠡᠩ ᠲᠡᠷᠢᠭᠦᠨ ᠳᠤ ᠥᠨᠳᠥᠰᠥᠲᠡᠨ ᠤ ᠬᠤᠪᠴᠠᠰᠣ ᠪᠠᠨ ᠪᠦᠷᠢᠨ ᠡᠮᠥᠰᠴᠣ ᠡᠳ᠋ᠯᠡᠬᠦ ᠶᠢ ᠠᠩᠬᠠᠷᠬᠤ | ᠬᠡᠷᠡᠭᠲᠡᠢ ᠪᠠᠶᠢᠨᠠ᠃ | ᠡᠮᠥᠰᠭᠡᠯ ᠤᠨ ᠪᠦᠷᠢᠨ ᠭᠡᠳᠡᠭ ᠨᠢ ᠳᠠᠷᠣᠢ ᠮᠠᠯᠠᠭᠠᠢ᠂ ᠲᠡᠷᠯᠢᠭ ︿ᠲᠡᠪᠡᠯ﹀᠂ ᠪᠦᠰᠡ᠂ ᠭᠤᠲᠤᠯ ᠵᠡᠷᠭᠡ ᠵᠠᠪᠠᠯ | ᠪᠦᠷᠢᠨ ᠪᠠᠶᠢᠬᠤ ᠶᠢ ᠬᠡᠯᠡᠵᠣ ᠪᠠᠶᠢᠨᠠ᠃ ᠤᠳᠣᠬᠠᠨ ᠳᠤ ᠮᠠᠨ ᠤ ᠵᠠᠷᠢᠮ ᠵᠠᠯᠠᠭᠤ ᠪᠠᠭᠠᠴᠣᠳ ᠲᠡᠷᠯᠢᠭ ᠡᠮᠥᠰᠴᠣ | ᠪᠦᠰᠡ ᠪᠦᠰᠡᠯᠡᠨ ᠭᠤᠲᠣᠯ ᠡᠮᠥᠰᠴᠢᠭᠡᠳ ᠮᠠᠯᠠᠭᠠᠢ ᠳᠠᠷᠣᠬᠤ ᠥᠭᠡᠢ ᠪᠠᠶᠢᠳᠠᠯ ᠵᠥᠩᠳᠡᠭᠡᠨ ᠬᠠᠷᠠᠭᠳᠠᠳᠠᠭ ᠪᠠᠶᠢᠨᠠ᠃ | ᠪᠠᠰᠠ ᠤᠨᠴᠠ ᠵᠠᠷᠢᠮ ᠨᠢ ᠭᠤᠲᠣᠯ ᠴᠣ᠋ ᠥᠭᠡᠢ ᠪᠠᠶᠢᠳᠠᠭ︕ ᠡᠳᠡᠭᠡᠷ ᠨᠢ ᠳᠣᠩ ᠪᠣᠷᠣᠭᠤ ᠵᠥᠢᠯ ᠪᠤᠯᠤᠨᠠ᠃ ᠠᠳᠡ | ᠶᠠᠷᠢᠵᠣ ᠪᠠᠶᠢᠭᠠ ᠨᠢ ᠡᠩ ᠤᠨ ᠥᠶᠡ ᠶᠢᠨ ᠡᠮᠥᠰᠭᠡᠯ ᠪᠤᠯᠬᠤ ᠲᠣᠯᠠ ᠵᠠᠰᠠᠯ ᠵᠢᠮᠰᠡᠭ ᠤᠨ ᠵᠥᠢᠯ ᠢ ᠲᠣᠷᠠᠳᠣᠬᠤ | ᠥᠭᠡᠢ᠃ | 2.ᠪᠦᠰᠡ ᠪᠦᠰᠡᠯᠡᠬᠦ ᠳᠦᠷᠢᠮ ᠭᠤᠷᠢᠮ ᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠪᠠᠶᠢᠨᠠ᠃ | ᠤᠯᠠᠩᠬᠢ ᠵᠠᠯᠠᠭᠤ ᠪᠠᠭᠠᠴᠣᠳ ᠪᠦᠰᠡ ᠶᠢ ᠳᠣᠷᠠ ᠪᠠᠷ ᠢᠶᠠᠨ ᠪᠦᠰᠡᠯᠡᠵᠣ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠪᠦᠰᠡ | ᠪᠦᠰᠡᠯᠡᠬᠦ ᠵᠥᠭ ᠴᠢᠭᠯᠡᠯ᠂ ᠤᠷᠣᠨ ᠪᠠᠶᠢᠷᠢ᠂ ᠴᠢᠩᠭᠠ ᠰᠣᠯᠡ ᠵᠡᠷᠭᠡ ᠲᠠᠯᠠ ᠪᠠᠷ ᠪᠦᠷ ᠴᠢᠩᠭᠠ ᠵᠢᠷᠣᠮ ᠶᠣᠰᠣ ᠲᠠᠢ | ᠪᠠᠶᠢᠳᠠᠭ ᠪᠠᠶᠢᠨᠠ᠃ | ︿1﹀ ᠮᠠᠨ ᠤ ᠮᠤᠩᠭᠤᠯᠴᠣᠳ ᠨᠠᠷᠠ ᠵᠦᠪ ᠡᠷᠭᠢᠬᠦ ᠵᠦᠭ ᠢ ᠮᠠᠰᠢ ᠡᠷᠬᠢᠮᠯᠡᠵᠣ᠂ ᠢᠯᠭᠤᠮ ᠰᠠᠭᠠᠳ ᠥᠭᠡᠢ | ᠪᠡᠯᠭᠡ ᠳᠡᠮᠪᠡᠷᠡᠯ ᠲᠠᠢ ᠬᠡᠮᠡᠨ ᠥᠵᠡᠵᠥ ᠪᠠᠶᠢᠳᠠᠭ ᠣᠴᠢᠷ ᠲᠡᠷᠯᠢᠭ ᠳᠡᠪᠡᠯ ᠤᠨ ᠪᠦᠰᠡ ᠪᠠᠨ ᠴᠣ᠋ ᠨᠠᠷᠠ ᠡᠷᠬᠢᠬᠦ ᠵᠥᠭ | ᠤᠷᠢᠶᠠᠨ ᠪᠦᠰᠡᠯᠡᠳᠡᠭ ᠲᠣᠯᠠ ᠡᠨᠡᠬᠦ ᠶᠣᠰᠣ ᠵᠢᠷᠣᠮ ᠢ ᠴᠣ᠋ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ ᠪᠠᠶᠢᠨᠠ᠃ ᠬᠠᠷᠢᠨ ᠡᠭᠦᠨ ᠤ | ᠡᠰᠡᠷᠭᠦ ᠲᠠᠯᠠ ᠣᠷᠣᠭᠤ ᠪᠦᠰᠡᠯᠡᠬᠦ ᠥᠵᠡᠭᠳᠡᠯ ᠴᠣ᠋ ᠬᠠᠶᠠ ᠬᠠᠷᠠᠭᠳᠠᠳᠠᠭ ᠲᠣᠯᠠ ᠡᠭᠦᠨ ᠢ ᠬᠢᠴᠢᠶᠡᠬᠦ ᠴᠢᠬᠤᠯᠠ ᠲᠠᠢ | ᠪᠠᠶᠢᠨᠠ᠃ | ︿2﹀ ᠤᠷᠣᠨ ᠪᠠᠶᠢᠷᠢ ᠶᠢᠨ ᠬᠤᠪᠢ ᠳᠤ ᠴᠣ᠋ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ ᠵᠥᠢᠯ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠬᠦ ᠳᠤ | ᠵᠠᠷᠢᠮ ᠵᠠᠯᠠᠭᠤ ᠪᠠᠭᠠᠴᠣᠳ ᠪᠦᠷ ᠰᠡᠭᠦᠵᠢᠨ ᠲᠣᠯᠣᠭᠠᠢ ᠳᠡᠭᠡᠭᠦᠷ ᠪᠦᠰᠡᠯᠡᠵᠦ ᠬᠦᠳᠡᠯᠵᠣ ᠪᠠᠷᠢᠬᠤ ᠪᠠᠨ ᠬᠢᠵᠠᠭᠠᠷᠯᠠᠵᠣ | ᠲᠣᠱᠠ ᠲᠠᠢ ᠶᠤᠮ ᠰᠢᠭ᠋ ᠶᠠᠪᠣᠵᠣ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠠᠨ ᠤ ᠮᠣᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠲᠡᠣᠬᠡᠨ ᠨᠦᠬᠦᠴᠡᠯ | ᠲᠠᠢ ᠶᠠᠭ ᠵᠤᠬᠢᠴᠠᠬᠤ ᠥᠭᠡᠢ ᠶᠠᠪᠣᠳᠠᠯ ᠪᠤᠯᠤᠨᠠ᠃ ᠣᠴᠢᠷ ᠨᠢ ᠮᠠᠨ ᠤ ᠥᠨᠳᠥᠰᠥᠲᠡᠨ ᠪᠤᠯ ᠮᠤᠷᠢᠨ ᠨᠢᠷᠣᠭᠤᠨ | ᠳᠡᠭᠡᠷᠡᠬᠢ ᠥᠨᠳᠥᠰᠥᠲᠡᠨ ᠪᠤᠯᠬᠤ ᠪᠦᠭᠡᠳ ᠥᠷᠭᠦᠯᠵᠢ ᠮᠤᠷᠢ ᠣᠨᠤᠭᠠ ᠲᠠᠢ ᠨᠣᠴᠣᠯᠳᠣᠵᠣ᠂ ᠡᠮᠨᠢᠭ ᠲᠤᠭᠰᠢᠨ ᠢ | ᠡᠳ᠋ᠯᠡᠨ ᠰᠣᠷᠭᠠᠬᠤ ᠬᠦᠳᠡᠯᠮᠥᠷᠢ ᠶᠢ ᠬᠢᠬᠦ ᠳᠤ ᠬᠠᠷᠰᠢ ᠰᠠᠭᠠᠳ ᠲᠠᠢ ᠵᠥᠢᠯ ᠪᠤᠯᠤᠨᠠ᠃ ᠡᠶᠢᠮᠥ ᠠᠴᠠ ᠪᠦᠰᠡ | ᠪᠦᠰᠡᠯᠡᠬᠦ ᠳᠡᠭᠡᠨ ᠳᠡᠭᠡᠷᠡᠬᠢ ᠣᠷᠣᠨ ᠪᠠᠶᠢᠷᠢ ᠪᠠᠷ ᠶᠡᠷᠣ ᠪᠦᠰᠡᠯᠡᠳᠡᠭ ᠥᠭᠡᠢ ᠪᠠᠶᠢᠨᠠ᠃ ᠬᠠᠷᠢᠨ ᠬᠦᠢᠰᠣᠨ ᠳᠣᠣᠭᠤᠷ | ᠳᠠᠪᠤᠰᠠᠩ ᠤᠨ ᠳᠡᠭᠡᠭᠦᠷ ᠪᠦᠰᠡᠯᠡᠵᠣ ᠮᠤᠷᠢ ᠣᠨᠣᠭᠠᠨ ᠳᠡᠭᠡᠷᠡ ᠶᠠᠪᠣᠬᠤ ᠳᠤ ᠬᠤᠳᠣᠭᠠᠳᠣ ᠭᠡᠳᠡᠰᠣ ᠰᠢᠭᠯᠡᠭᠳᠡᠨ | ᠡᠪᠡᠳᠬᠦ ᠣᠨᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠣ ᠴᠢᠳᠠᠳᠠᠭ ᠪᠠᠶᠢᠨᠠ᠃ | ︿3﹀ ᠴᠢᠩᠭᠠ ᠰᠣᠯᠠ ᠶᠢᠨ ᠬᠤᠪᠢ ᠳᠤ ᠡᠷᠬᠡᠪᠰᠢ ᠴᠢᠩᠭᠠ ᠪᠦᠰᠡᠯᠡᠬᠦ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ ᠣᠴᠢᠷ ᠨᠢ | ᠳᠡᠭᠡᠷᠡ ᠳᠣᠷᠠᠳᠣᠭᠰᠠᠨ ᠮᠤᠷᠢ ᠣᠨᠤᠭᠠ ᠲᠠᠢ ᠨᠣᠴᠣᠯᠳᠣᠬᠤ᠂ ᠠᠵᠢᠯ ᠬᠦᠳᠡᠯᠮᠥᠷᠢ ᠬᠢᠬᠦ ᠵᠡᠷᠭᠡ ᠳᠤ ᠰᠣᠯᠠ ᠪᠦᠰᠡᠯᠡᠬᠦ | ᠳᠤ ᠬᠥᠷᠪᠡᠯ ᠪᠦᠰᠡ ᠰᠠᠭᠠᠷᠠᠬᠤ ᠪᠤᠶᠣ ᠬᠥᠯ ᠤᠷᠢᠶᠠᠵᠣ ᠮᠠᠰᠢ ᠳᠥᠭᠦᠮ ᠥᠭᠡᠢ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ | ᠴᠢᠨᠠᠭᠰᠢᠯᠠᠪᠠᠯ ᠣᠰᠣᠯ ᠠᠳᠡᠯ ᠴᠣ᠋ ᠭᠠᠷᠴᠣ ᠮᠡᠳᠡᠨᠡ᠃ ᠮᠠᠨ ᠤ ᠠᠬᠠᠮᠠᠳ ᠤᠳ ᠪᠦᠰᠡ ᠲᠡᠯᠡᠢ ᠪᠠᠨ ᠴᠢᠩᠭᠠ | ᠪᠦᠰᠡᠯᠡᠪᠡᠯ ᠳᠠᠪᠤᠰᠠᠩ ᠴᠢᠩᠭᠠ ᠪᠤᠯᠤᠨᠠ ᠭᠡᠵᠣ ᠶᠠᠷᠢᠵᠣ ᠪᠠᠶᠢᠳᠠᠭ ᠪᠢᠰᠢᠣ︕ | ︿4﹀ ᠴᠢᠩᠭᠠ ᠪᠦᠰᠡᠯᠡᠬᠦ ᠮᠦᠷᠲᠡᠭᠡᠨ ᠲᠡᠷᠯᠢᠭ ᠳᠡᠪᠡᠯ ᠢᠶᠠᠨ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠠᠭᠰᠠᠵᠣ | ︵ᠬᠦᠭᠡᠷᠥᠭᠯᠡᠵᠣ︶ ᠪᠦᠰᠡᠯᠡᠳᠡᠭ ᠪᠠᠶᠢᠨᠠ᠃ ᠬᠠᠷᠢᠨ ᠣᠳᠣᠬᠠᠨ ᠳᠤ ᠮᠠᠨ ᠤ ᠵᠠᠷᠢᠮ ᠵᠠᠯᠠᠭᠤ ᠪᠠᠭᠠᠴᠣᠳ ᠰᠣᠯᠠ | ᠮᠦᠷᠲᠡᠭᠡᠨ ᠣᠨᠵᠢᠭᠤᠯᠠᠵᠣ ᠪᠦᠰᠡᠯᠡᠳᠡᠭ ᠨᠢ ᠶᠠᠭ ᠪᠤᠷᠣᠭᠤ ᠵᠥᠢᠯ ᠪᠤᠯᠤᠨᠠ᠃ ᠠᠭᠰᠠᠵᠣ ᠪᠦᠰᠡᠯᠡᠳᠡᠭ ᠨᠢ ᠬᠦᠯ | ᠤᠷᠢᠶᠠᠬᠤ ᠥᠭᠡᠢ ᠪᠠᠶᠢᠵᠣ ᠬᠦᠳᠡᠯᠵᠥ ᠪᠠᠷᠢᠬᠤ ᠳᠤ ᠳᠦᠭᠦᠮ ᠮᠥᠷᠲᠡᠭᠡᠨ ᠡᠪᠣᠷ ᠲᠡᠭᠡᠨ ᠶᠠᠭᠤᠮᠠ ᠬᠡᠣᠮᠠ ᠪᠠᠨ | ᠡᠪᠥᠷᠯᠡᠬᠦ ᠳᠤ ᠲᠠᠰᠠᠲᠠᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠳᠡᠭᠡᠷᠡ 50—60 ᠤᠨ ᠤ ᠥᠶᠡ ᠳᠤ ᠴᠣ᠋ ᠮᠣᠷᠢ ᠤᠨᠤᠭᠠᠨ | ᠳᠡᠭᠡᠷᠡ ᠡᠪᠥᠷ ᠲᠡᠭᠡᠨ ᠪᠠᠭᠠ ᠬᠡᠣᠬᠡᠳ ᠢᠶᠠᠨ ᠡᠪᠥᠷᠯᠡᠵᠣ ᠶᠠᠪᠣᠵᠣ ᠪᠠᠶᠢᠭᠰᠠᠨ ᠢ ᠬᠤᠪᠢ ᠬᠥᠮᠥᠨ ᠨᠢᠳᠣ ᠪᠠᠷ ᠢᠶᠠᠨ | ᠥᠵᠡᠨ ᠴᠢᠬᠢ ᠪᠠᠷ ᠢᠶᠠᠨ ᠰᠣᠨᠣᠰᠴᠣ ᠪᠠᠶᠢᠭᠰᠠᠨ ᠪᠢᠯᠡ᠃ ᠡᠳᠡᠭᠡᠷ ᠨᠢ ᠮᠠᠨ ᠤ ᠮᠤᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠨᠡᠭᠦᠳᠡᠯ | ᠮᠠᠯᠵᠢᠬᠤ ᠠᠮᠢᠳᠣᠷᠠᠯ ᠤᠨ ᠰᠤᠶᠤᠯ ᠲᠠᠢ ᠰᠢᠭᠤᠳ ᠬᠠᠷᠢᠴᠠᠭᠠ ᠲᠠᠢ ᠲᠠᠯᠠ ᠪᠣᠯᠣᠨᠠ᠃ | 3. ᠭᠤᠳᠣᠯ ᠡᠮᠥᠰᠬᠦ | ᠭᠤᠳᠣᠯ ᠡᠮᠥᠰᠬᠦ ᠳᠤ ᠵᠢᠯ ᠤᠨ ᠳᠦᠷᠪᠡᠨ ᠣᠯᠠᠷᠢᠯ ᠳᠠᠭᠠᠨ ᠵᠤᠬᠢᠴᠠᠭᠤᠯᠣᠨ ᠡᠮᠥᠰᠬᠦ ᠮᠦᠷᠲᠡᠭᠡᠨ ᠬᠥᠯ | ᠳᠡᠭᠡᠨ ᠲᠠᠭᠠᠷᠠᠭᠤᠯᠣᠨ ᠡᠮᠥᠰᠥᠨᠡ᠃ ᠡᠭᠦᠨ ᠳᠤ ᠬᠡᠲᠣ ᠪᠠᠷᠢᠭᠤ ᠪᠤᠶᠤ ᠬᠡᠲᠣ ᠠᠭᠤᠵᠢᠭᠤ ᠪᠠᠶᠢᠵᠣ ᠪᠤᠯᠬᠤ ᠥᠭᠡᠢ᠃ | ᠶᠠᠭ ᠲᠡᠶᠢᠮᠥ ᠠᠴᠠ ᠠᠬᠠᠮᠠᠳ ᠨᠠᠷ ᠤᠩᠭᠤᠴᠠ ᠪᠠ ᠣᠷᠢᠶᠠᠯᠲᠠ ᠪᠤᠯᠤᠭᠰᠠᠨ ᠭᠤᠲᠣᠯ ᠪᠢᠳᠡᠭᠡᠢ ᠡᠮᠥᠰ ᠭᠡᠵᠣ | ᠰᠠᠨᠠᠭᠤᠯᠳᠠᠭ ᠪᠠᠶᠢᠨᠠ᠃ | ᠮᠠᠯᠠᠭᠠᠢ ᠪᠦᠰᠡ ᠬᠤᠶᠠᠷ ᠨᠢ ᠡᠷᠡ ᠬᠥᠮᠥᠨ ᠤ ᠡᠷᠡ ᠵᠤᠷᠢᠭ᠂ ᠴᠤᠭ ᠵᠢᠪᠬᠤᠭᠠ ᠪᠤᠯᠳᠠᠭ᠃ ᠡᠶᠢᠮᠥ ᠠᠴᠠ | ᠪᠦᠰᠡ ᠮᠠᠯᠠᠭᠠᠢ ᠪᠠᠨ ᠳᠡᠷᠢ ᠳᠡᠭᠰᠢ ᠡᠮᠥᠰᠴᠣ ᠵᠡᠭᠦᠭᠰᠡᠨ ᠡᠷᠡ ᠬᠥᠮᠥᠨ ᠪᠣᠰᠣᠳ ᠲᠤ ᠡᠷᠬᠢᠮᠰᠥᠭ ᠵᠢᠪᠬᠤᠭᠠ ᠲᠠᠢ | ᠬᠠᠷᠠᠭᠳᠠᠳᠠᠭ᠃ ᠲᠡᠷᠡ ᠮᠦᠷᠲᠡᠭᠡᠨ ᠡᠷᠳᠡ ᠥᠶᠡ ᠳᠤ ᠮᠤᠩᠭᠤᠯᠴᠣᠳ ᠪᠦᠰᠡ ᠪᠠᠷ ᠵᠡᠷᠭᠡ︖ ᠬᠡᠷᠬᠡᠮ ᠪᠠ ᠪᠠᠶᠢᠷᠢ | ᠰᠠᠭᠤᠷᠢ ᠶᠢ ᠢᠯᠡᠳᠭᠡᠳᠡᠭ ᠪᠠᠶᠢᠵᠡᠢ᠃ | ᠶᠠᠭ ᠡᠶᠢᠮᠥ ᠠᠴᠠ ᠪᠢᠳᠡ ᠮᠤᠩᠭᠤᠯ ᠰᠠᠶᠢᠬᠠᠨ ᠬᠤᠪᠴᠠᠰᠣ ᠪᠠᠨ ᠣᠯᠠᠮᠵᠢᠯᠠᠯᠲᠣ ᠶᠤᠰᠣᠭᠠᠷ ᠨᠢ ᠡᠮᠥᠰᠴᠣ | ᠡᠳ᠋ᠯᠡᠵᠣ ᠶᠠᠪᠣᠵᠠᠭᠠᠶᠠ︕ |