| | ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠪᠣᠯ ᠬᠠᠰᠠᠷ ᠪᠣᠭᠳᠠ ᠶᠢᠨ ᠬᠦᠷᠦᠭ ᠵᠢᠷᠤᠭ ᠪᠠ ᠰᠦᠯᠳᠡ᠂ ᠨᠤᠮᠤ ᠰᠤᠮᠤ᠂ ᠰᠡᠯᠡᠮᠡ | ᠵᠡᠷᠭᠡ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠤᠨ ᠬᠢᠨᠢ ᠲᠤᠬᠠᠢ ᠲᠠᠬᠢᠯᠭᠠ ᠪᠣᠯᠣᠨᠠ᠃ ᠣᠳᠣᠬᠠᠨ ᠳᠠᠭᠠᠨ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠦᠪᠦᠷ | ᠮᠤᠩᠭᠤᠯ ᠤᠨ ᠨᠡᠯᠢᠶᠡᠳ ᠣᠯᠠᠨ ᠭᠠᠵᠠᠷ ᠢᠶᠠᠷ ᠶᠠᠪᠤᠭᠳᠠᠵᠤ ᠪᠠᠶᠢᠭᠠ ᠪᠣᠯᠪᠠᠴᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ | ᠬᠤᠰᠢᠭᠤᠨ ᠤ ᠲᠠᠬᠢᠯᠭᠠ ᠪᠠ ᠣᠷᠳᠤᠰ ᠤᠨ ᠣᠳᠤᠭ ᠬᠤᠰᠢᠭᠤᠨ ᠤ ᠭᠡᠷᠢᠶᠡᠰᠦᠨ ᠰᠢᠳᠦᠭᠡᠨ— ᠠᠯᠠᠭ ᠰᠦᠯᠳᠡ | ᠬᠡᠵᠦ ᠡᠷᠬᠢᠮᠯᠡᠨ ᠳᠠᠭᠤᠳᠠᠳᠠᠭ ᠲᠠᠬᠢᠯᠭᠠ ᠪᠣᠯ ᠲᠦᠯᠦᠭᠡᠯᠡᠭᠴᠢ ᠴᠢᠨᠠᠷ ᠲᠠᠢ ᠬᠤᠶᠠᠷ ᠲᠠᠬᠢᠯᠭᠠ ᠪᠣᠯᠬᠤ ᠶᠤᠮ᠃ | ᠡᠭᠦᠨ ᠳᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠤ ᠲᠠᠬᠢᠯᠭᠠ ᠪᠣᠯ ᠬᠦᠷᠢᠶᠡ ᠬᠡᠪᠴᠢᠶᠡ ᠪᠠᠷ ᠦᠷᠭᠡᠨ᠂ | ᠲᠤᠭᠳᠠᠭᠰᠠᠨ ᠴᠠᠭ ᠲᠠᠢ ᠪᠦᠭᠡᠳ ᠲᠦᠷᠢᠮᠵᠢᠳᠦ ᠴᠢᠨᠠᠷ ᠲᠠᠢ ᠪᠠᠷ ᠶᠠᠪᠤᠭᠳᠠᠭᠠᠳ ᠢᠷᠡᠭᠰᠡᠨ ᠬᠠᠮᠤᠭ ᠤᠨ | ᠲᠦᠯᠦᠭᠡᠯᠡᠭᠴᠢ ᠴᠢᠨᠠᠷ ᠲᠠᠢ ᠤᠳᠤᠮᠰᠢᠯᠳᠦ ᠲᠠᠬᠢᠯᠭᠠ ᠪᠣᠯᠣᠨᠠ᠃ | ᠬᠠᠪᠤᠳᠤ ᠬᠠᠰᠠᠷ ᠪᠣᠯ ᠶᠡᠭᠡ ᠲᠤᠭᠰᠢᠨ ᠰᠢᠳᠦᠭᠡᠨ᠂ ᠠᠳᠡ ᠲᠠᠶᠢᠯ ᠪᠣᠭᠳᠠ ᠭᠡᠳᠡᠭ᠃ | ᠮᠤᠩᠭᠤᠯ ᠬᠦᠮᠦᠨ ᠲᠡᠭᠡᠳᠦᠰ ᠪᠤᠶᠤ ᠨᠡᠷᠡᠳᠡᠢ ᠬᠦᠮᠦᠨ ᠤ ᠨᠡᠷᠡ ᠶᠢ ᠬᠠᠯᠢᠷᠠᠭᠤᠯᠵᠤ ᠳᠠᠭᠤᠳᠠᠳᠠᠭ᠂ ᠰᠢᠭᠤᠳ | ᠳᠠᠭᠤᠳᠠᠳᠠᠭ ᠦᠭᠡᠢ᠃ ᠮᠤᠩᠭᠤᠯ ᠬᠦᠮᠦᠨ ᠪᠣᠯ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠨᠡᠷᠡ ᠶᠢ ᠳᠠᠭᠤᠳᠠᠳᠠᠭ ᠦᠭᠡᠢ᠂ ᠳᠡᠭᠡᠳᠦ | ᠪᠤᠭᠳᠠ ᠮᠡᠷᠭᠡᠳ ᠤᠨ ᠨᠡᠷᠡ ᠶᠢ ᠳᠠᠭᠤᠳᠠᠳᠠᠭ ᠦᠭᠡᠢ᠃ ᠵᠢᠱᠢᠶᠡᠯᠡᠪᠡᠯ᠄ ᠲᠡᠮᠦᠵᠢᠨ ᠭᠡᠵᠦ ᠳᠠᠭᠤᠳᠠᠳᠠᠭ ᠦᠭᠡᠢ᠂ | ᠴᠢᠩᠭᠢᠰ ᠬᠡᠵᠦ ᠳᠠᠭᠤᠳᠠᠳᠠᠭ᠂ ᠬᠠᠪᠤᠳᠤ ᠬᠠᠰᠠᠷ ᠢ ᠪᠣᠯ ᠲᠠᠶᠢᠯ ᠪᠣᠭᠳᠠ ᠭᠡᠳᠡᠭ᠂ ᠲᠠᠶᠢᠯ— ᠲᠠᠬᠢᠳᠠᠭ ᠪᠣᠭᠳᠠ ᠭᠡᠰᠡᠨ | ᠦᠭᠡ᠃ ᠲᠡᠶᠢᠮᠦ ᠠᠴᠠ ᠪᠢᠳᠡᠨ ᠪᠠᠭᠠ ᠪᠠᠶᠢᠬᠤ ᠳᠤ ᠬᠠᠪᠤᠳᠤ ᠬᠠᠰᠠᠷ ᠬᠡᠵᠦ ᠶᠠᠷᠢᠳᠠᠭ ᠦᠭᠡᠢ᠂ ᠲᠠᠶᠢᠯ ᠲᠠᠬᠢᠨᠡ | ᠭᠡᠵᠦ ᠶᠠᠪᠤᠵᠠᠭᠠᠳᠠᠭ᠃ ᠲᠠᠶᠢᠯ ᠪᠤᠭᠳᠠ ᠭᠡᠳᠡᠭ ᠪᠣᠯ ᠬᠠᠪᠤᠳᠤ ᠬᠠᠰᠠᠷ ᠤᠨ ᠨᠡᠷᠡ ᠶᠢ ᠴᠡᠭᠡᠷᠯᠡᠵᠦ ᠬᠠᠯᠢᠷᠠᠭᠤᠯᠵᠤ | ᠳᠠᠭᠤᠳᠠᠭᠰᠠᠨ ᠡᠶᠢᠮᠦ ᠳᠠᠭᠤᠳᠠᠯᠭᠠ ᠪᠣᠯᠤᠨᠠ᠃ | ᠲᠠᠶᠢᠯ ᠤᠨ ᠲᠠᠬᠢᠯᠭᠠ ᠶᠢ ᠬᠠᠰᠠᠷ ᠤᠨ ᠬᠤᠶᠢᠴᠢ ᠦᠶᠡ ᠶᠢᠨ ᠳᠣᠳᠤᠷᠠ ᠠᠴᠠ ᠰᠤᠩᠭᠤᠭᠰᠠᠨ ᠬᠦᠬᠦᠭᠡ | ᠡᠷᠬᠢᠯᠡᠨ ᠲᠠᠬᠢᠨᠠ᠃ ᠰᠡᠭᠦᠯ ᠳᠤᠨᠢ ᠰᠢᠷᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠭᠰᠡᠨ ᠤ ᠬᠤᠶᠢᠨᠠ ᠱᠠᠰᠢᠨ ᠤ ᠠᠭᠤᠯᠭᠠ ᠣᠷᠣᠵᠣ᠂ | ᠯᠠᠮᠠ ᠨᠠᠷ ᠰᠠᠩ ᠲᠠᠯᠪᠢᠬᠤ ᠪᠣᠯᠣᠭᠰᠠᠨ᠂ ᠤᠤᠯ ᠳᠠᠭᠠᠨ ᠰᠠᠩ ᠲᠠᠯᠪᠢᠳᠠᠭ ᠦᠭᠡᠢ᠂ ᠪᠦᠷ ᠬᠦᠬᠦᠭᠡ ᠲᠠᠬᠢᠳᠠᠭ᠃ | ᠠᠳᠡ ᠬᠠᠷᠠ ᠰᠦᠯᠳᠡ ᠶᠢᠨ ᠰᠠᠩ᠂ ᠡᠵᠡᠨ ᠰᠠᠩ᠂ ᠡᠨᠡ ᠬᠤᠶᠠᠷ ᠰᠠᠩ ᠢ ᠤᠩᠰᠢᠳᠠᠭ᠃ | ᠲᠠᠬᠢᠯᠭᠠ ᠳᠤ ᠣᠯᠠᠨ ᠴᠡᠭᠡᠷ ᠪᠤᠢ᠂ ᠨᠢᠭᠡ ᠴᠡᠭᠡᠷ ᠨᠢ ᠪᠣᠯ ᠵᠠᠪᠠᠯ ᠴᠠᠭᠠᠨ ᠢ ᠡᠷᠬᠢᠮᠯᠡᠳᠡᠭ᠃ ᠬᠠᠰᠠᠷ ᠤᠨ | ᠬᠤᠶᠢᠴᠢ ᠦᠶᠡ ᠶᠢᠨ ᠠᠶᠢᠯ ᠠᠴᠠ ᠪᠡᠶᠡ ᠳᠡᠭᠡᠨ ᠬᠤᠯᠢᠮᠠᠭ ᠶᠠᠭᠤᠮᠠ ᠦᠭᠡᠢ ᠴᠠᠭᠠᠨ ᠬᠤᠨᠢ᠂ ᠴᠠᠭᠠᠨ ᠤᠭᠰᠠᠭᠠ ᠲᠠᠢ | ᠠᠶᠢᠯ ᠠᠴᠠ ᠴᠠᠭᠠᠨ ᠢᠳᠡᠭᠡ ᠠᠪᠤᠨᠠ᠃ ᠪᠦᠷᠢᠶᠡᠰᠦᠪᠡᠨ ᠴᠤ ᠴᠠᠭᠠᠨ ᠠᠶᠢᠯ ᠤᠨ ᠴᠠᠭᠠᠨ ᠨᠣᠣᠰᠣ ᠪᠠᠷ ᠣᠭᠤᠰᠣᠷ | ᠬᠢᠵᠦ ᠴᠠᠭᠠᠨ ᠢ ᠡᠷᠬᠢᠮᠯᠡᠳᠡᠭ᠃ | ᠦᠭᠡᠷᠡ ᠨᠢᠭᠡ ᠴᠡᠭᠡᠷ ᠨᠢ ᠪᠣᠯ ᠲᠠᠬᠢᠯᠭᠠ ᠳᠤ ᠣᠷᠣᠯᠴᠠᠬᠤ ᠬᠦᠮᠦᠨ ᠵᠠᠭᠤᠨ ᠡᠳᠦᠷ ᠤᠨ ᠳᠣᠳᠣᠷᠠ | ᠦᠭᠦᠭᠰᠡᠨ ᠬᠦᠮᠦᠨ ᠲᠠᠢ ᠤᠶᠢᠷᠠᠳᠤᠭᠰᠠᠨ ᠦᠭᠡᠢ ᠬᠦᠮᠦᠨ ᠪᠣᠶᠣ ᠭᠠᠯᠵᠠᠭᠤ ᠨᠣᠬᠠᠢ ᠳᠤ ᠬᠠᠵᠠᠭᠳᠠᠭᠰᠠᠨ ᠦᠭᠡᠢ | ᠬᠦᠮᠦᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠨᠡᠩ ᠢᠯᠠᠩᠭᠤᠶᠠ ᠶᠠᠯᠠᠯᠠᠭᠳᠠᠵᠤ ᠪᠠᠶᠢᠭᠠ ᠬᠦᠮᠦᠨ᠂ ᠶᠠᠯᠠ ᠶᠢᠨ ᠬᠤᠭᠤᠴᠠᠭᠠ ᠨᠢ | ᠬᠦᠢᠴᠡᠭᠡ ᠦᠭᠡᠢ ᠬᠦᠮᠦᠨ᠂ ᠲᠦᠷᠦᠵᠦ ᠬᠦᠩᠭᠡᠵᠢᠭᠰᠡᠨ ᠬᠦᠮᠦᠨ ᠲᠠᠬᠢᠯᠭᠠ ᠳᠤ ᠣᠷᠣᠳᠠᠭ ᠦᠭᠡᠢ᠃ ᠬᠦᠬᠦᠭᠡ ᠴᠤ | ᠠᠳᠠᠯᠢ ᠪᠠᠷ ᠳᠡᠭᠡᠷᠡᠬᠢ ᠬᠡᠳᠦᠨ ᠪᠠᠶᠢᠳᠠᠯ ᠲᠤᠤᠷᠠ ᠲᠠᠬᠢᠯᠭᠠ ᠳᠤ ᠣᠷᠣᠯᠴᠠᠵᠤ ᠪᠣᠯᠬᠤ ᠦᠭᠡᠢ᠂ ᠦᠭᠡᠷᠡ ᠬᠦᠮᠦᠨ | ᠣᠷᠣᠯᠠᠳᠠᠭ ᠤᠳᠠᠭᠠ ᠴᠤ ᠪᠤᠢ᠃ ᠲᠠᠬᠢᠯᠭᠠ ᠬᠢᠵᠦ ᠪᠠᠶᠢᠭᠠ ᠦᠶᠡ ᠳᠤ ᠬᠡᠷᠡᠭᠦᠯ ᠱᠤᠤᠭᠢᠶᠠᠨ ᠬᠢᠵᠦ ᠪᠣᠯᠬᠤ ᠦᠭᠡᠢ᠂ | ᠡᠮᠡᠭᠳᠡᠢ ᠬᠦᠮᠦᠨ ᠤᠷᠤᠯᠴᠠᠵᠤ ᠪᠣᠯᠬᠤ ᠦᠭᠡᠢ᠃ ᠠᠷᠪᠠᠨ ᠨᠠᠢᠮᠡᠨ ᠨᠠᠰᠤᠨ ᠠᠴᠠ ᠳᠣᠷᠣᠭᠰᠢ ᠬᠡᠤᠭᠡᠳ ᠣᠷᠣᠯᠴᠠᠵᠤ | ᠪᠣᠯᠬᠤ ᠦᠭᠡᠢ᠂ ᠲᠠᠬᠢᠪᠠᠯ ᠲᠠᠬᠢᠯᠭᠠ ᠲᠠᠬᠢᠬᠤ ᠳᠠᠭᠠᠨ ᠵᠠᠪᠠᠯ ᠬᠦᠬᠦᠭᠡ ᠬᠠᠷᠠ ᠬᠦᠮᠦᠨ ᠲᠠᠬᠢᠨᠠ ᠭᠡᠬᠦ ᠮᠡᠳᠦ ᠶᠢᠨ | ᠣᠯᠠᠨ ᠴᠡᠭᠡᠷ ᠪᠤᠢ᠃ | ᠲᠠᠬᠢᠯᠭᠠ ᠶᠢ ᠪᠦᠬᠦ ᠲᠠᠯᠠ ᠪᠠᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠡᠷᠬᠢᠯᠡᠳᠡᠭ ᠪᠦᠭᠡᠳ ᠡᠳᠦᠷ ᠲᠤᠳᠤᠮ ᠤᠨ | ᠲᠠᠬᠢᠯᠭᠠ ᠶᠢᠨ ᠠᠵᠢᠯ ᠢ ᠬᠠᠮᠢᠶᠠᠷᠳᠠᠭ ᠬᠦᠮᠦᠨ ᠢ ︽ᠬᠦᠬᠦᠭᠡ︾ ᠭᠡᠳᠡᠭ᠂ ᠬᠦᠬᠦᠭᠡ ᠶᠢ ᠬᠠᠰᠠᠷ ᠤᠨ ᠤᠭᠰᠠᠭᠠᠨ ᠤ | ᠬᠦᠮᠦᠰ ᠠᠴᠠ ᠪᠤᠶᠤ ᠴᠠᠭᠠᠨ ᠤᠭᠰᠠᠭᠠᠨ ᠤ ᠬᠦᠮᠦᠰ ᠠᠴᠠ ᠲᠣᠮᠢᠯᠠᠵᠤ ᠦᠶᠡ ᠵᠠᠯᠭᠠᠮᠵᠢᠯᠠᠨ ᠤᠯᠠᠮᠵᠢᠯᠠᠳᠠᠭ᠃ | ᠸᠠᠩ ᠨᠣᠶᠠᠳ ᠴᠤ ᠠᠳᠠᠯᠢ ᠪᠠᠷ ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠪᠦᠷ ᠲᠤᠤᠷᠠ ᠰᠦᠭᠦᠳᠴᠦ᠂ ᠬᠠᠰᠠᠷ ᠤᠨ | ᠲᠠᠬᠢᠯᠭᠠ ᠶᠢᠨ ᠦᠴᠢᠭ᠂ ᠰᠠᠩ ᠢ ᠰᠣᠨᠣᠰᠣᠨᠠ᠃ | ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠳᠤ ᠲᠤᠭᠳᠠᠭᠠᠯ ᠲᠠᠢ ᠲᠠᠬᠢᠯᠭᠠ ᠪᠠᠰᠠ ᠪᠤᠢ᠃ ᠲᠤᠭᠳᠠᠭᠠᠯ ᠲᠠᠢ ᠲᠠᠬᠢᠯᠭᠠ ᠨᠢ ᠪᠣᠯ 2 | ᠰᠠᠷᠠ ᠶᠢᠨ27᠂ 5 ᠰᠠᠷᠠ ᠶᠢᠨ27᠂ 7 ᠰᠠᠷᠠ ᠶᠢᠨ 27᠂ 10 ᠰᠠᠷᠠ ᠶᠢᠨ 27 ᠡᠶᠢᠮᠦ ᠲᠦᠷᠪᠡᠨ ᠶᠡᠭᠡ ᠲᠠᠬᠢᠯᠭᠠ | ᠪᠠᠶᠢᠳᠠᠭ᠃ ᠲᠡᠭᠡᠪᠡᠯ ᠪᠢᠳᠡᠭᠦᠨ ᠳᠤ ᠪᠣᠯ ᠵᠤᠯᠠ ᠬᠦᠵᠢ ᠪᠠᠷᠢᠳᠠᠭ ᠲᠠᠪᠤᠨ ᠲᠠᠬᠢᠯᠭᠠ ᠪᠠᠶᠢᠨᠠ᠃ ᠶᠡᠷᠦᠩᠭᠡᠢ ᠳᠡᠭᠡᠨ | ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠲᠦᠷᠪᠡᠨ ᠶᠡᠭᠡ ᠲᠠᠬᠢᠯᠭᠠ ᠪᠠᠶᠢᠳᠠᠭ᠃ | ᠲᠡᠭᠡᠪᠡᠯ ᠶᠠᠭᠠᠬᠢᠭᠠᠳ ᠪᠦᠷ 27 ᠳᠤ ᠲᠠᠬᠢᠳᠠᠭ ᠪᠤᠢ︖ ᠡᠨᠡ ᠤᠴᠢᠷ ᠢ ᠮᠢᠨᠤ ᠦᠵᠡᠬᠦ ᠪᠠᠷ ᠨᠢᠭᠡ ᠨᠢ ᠪᠣᠯ | ᠬᠠᠰᠠᠷ ᠳᠣᠯᠣᠭᠠᠨ ᠨᠠᠰᠤᠳᠠᠢ ᠪᠠᠶᠢᠬᠤ ᠳᠠᠭᠠᠨ ᠶᠢᠰᠦᠭᠡᠢ ᠪᠠᠭᠠᠳᠤᠷ ᠠᠴᠠ ᠰᠠᠯᠵᠤ᠂ ᠣᠷᠴᠢᠯᠠᠩ ᠤᠨ ᠭᠠᠰᠠᠯᠠᠩ ᠢ | ᠡᠳ᠋ᠯᠡᠵᠦ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠪᠠᠶᠢᠳᠠᠭ᠃ ᠳᠠᠬᠢᠨᠨᠢᠭᠡ ᠤᠴᠢᠷ ᠪᠣᠯ 63 ᠨᠠᠰᠤᠳᠠᠢ ᠳᠠᠭᠠᠨ | ᠨᠠᠰᠤ ᠪᠠᠷᠠᠭᠰᠠᠨ᠂ ᠳᠠᠷᠤᠢ ᠳᠣᠯᠤᠭᠠ ᠶᠢᠰᠦ ᠵᠢᠷᠠᠨ ᠭᠤᠷᠪᠠᠳᠠᠢ ᠳᠠᠭᠠᠨ ᠨᠠᠰᠤ ᠪᠠᠷᠠᠭᠰᠠᠨ᠃ ᠡᠨᠡ ᠨᠢ ᠪᠠᠰᠠ ᠴᠤ | ᠳᠤᠯᠤᠭᠠ ᠶᠢᠨ ᠪᠦᠷᠢᠯᠳᠦᠯ ᠤᠨ ᠴᠠᠭ ᠦᠶᠡ᠂ ᠲᠦᠷᠦᠭᠰᠡᠨ ᠪᠠ ᠡᠴᠦᠰᠯᠡᠭᠰᠡᠨ ᠨᠢ ᠪᠦᠷ ᠳᠤᠯᠤᠭᠠ ᠲᠠᠢ ᠬᠤᠯᠪᠣᠭᠠ | ᠲᠠᠢ᠃ | ᠨᠦᠭᠦᠭᠡ ᠲᠠᠯᠠ ᠪᠠᠷ ᠬᠠᠰᠠᠷ ᠪᠣᠯ ᠪᠤᠰᠤᠳ ᠬᠦᠮᠦᠨ ᠲᠠᠢ ᠡᠰᠡᠷᠭᠦ ᠪᠠᠷ ᠶᠠᠪᠤᠳᠠᠭ ᠬᠦᠮᠦᠨ᠃ ᠣᠯᠠᠩᠬᠢ | ᠬᠦᠮᠦᠨ ᠪᠣᠯ ᠬᠤᠣᠰ ᠢ ᠡᠷᠬᠢᠮᠯᠡᠳᠡᠭ᠂ ᠬᠤᠶᠠᠷ᠂ ᠵᠢᠷᠭᠤᠭᠠ᠂ ᠨᠠᠢᠮᠠ ᠭᠡᠬᠦ ᠮᠡᠳᠦ᠃ ᠬᠠᠰᠠᠷ ᠪᠣᠯ ᠬᠠᠷᠢᠨ ᠡᠩ ᠤᠨ | ᠬᠦᠮᠦᠨ ᠲᠠᠢ ᠠᠳᠠᠯᠢ ᠦᠭᠡᠢ᠂ ᠭᠤᠷᠪᠠ᠂ ᠳᠣᠯᠤᠭᠠ᠂ ᠶᠢᠰᠦ ᠬᠡᠵᠦ ᠢᠩᠭᠢᠵᠦ ᠶᠠᠪᠤᠳᠠᠭ᠃ ᠬᠤᠶᠢᠰᠢᠳᠠ ᠶᠢᠨ ᠬᠦᠮᠦᠰ | ᠬᠠᠰᠠᠷ ᠢ ᠳᠤᠷᠠᠰᠬᠠᠬᠤ ᠶᠢᠨ ᠲᠦᠯᠦᠭᠡ ᠲᠤᠯᠤᠭᠠ ᠶᠢ ᠡᠷᠬᠢᠮᠯᠠᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠠᠮᠠᠭᠠ ᠪᠢᠳᠡᠭᠦᠯᠡᠵᠦ | ᠨᠡᠭᠡᠭᠡᠬᠦ ᠳᠡᠭᠡᠨ ᠴᠤ ᠳᠤᠯᠤᠭᠠ ᠶᠢ ᠡᠷᠬᠢᠮᠯᠡᠨᠡ᠃ ᠡᠨᠡ ᠨᠢ ᠵᠠᠪᠠᠯ ᠬᠦᠬᠡᠬᠡ ᠰᠠᠷᠠ ᠶᠢᠨ 27 ᠳᠤ ᠲᠠᠮᠠᠭᠠ | ᠪᠢᠳᠡᠭᠦᠯᠡᠳᠡᠭ᠃ ᠲᠠᠬᠢᠨ ᠴᠠᠭᠠᠨ ᠰᠠᠷᠠ ᠶᠢᠨ 27 ᠳᠤ ᠲᠠᠮᠠᠭᠠ ᠪᠠᠨ ᠨᠡᠭᠡᠭᠡᠨᠠ᠃ ᠵᠠᠪᠠᠯ 27 ᠳᠤ ᠨᠡᠭᠡᠭᠡᠳᠡᠭ᠃ | ᠮᠤᠤᠮᠢᠩᠭᠠᠨᠴᠤᠳ ᠪᠣᠯ ᠲᠠᠶᠢᠯ ᠪᠤᠭᠳᠠ ᠶᠢᠨ ᠶᠡᠭᠡ ᠲᠠᠬᠢᠯᠭᠠ ᠠᠴᠠ ᠭᠠᠳᠠᠨᠠ ᠡᠩ ᠤᠨ ᠴᠠᠭ ᠲᠠᠭᠠᠨ ᠪᠠᠰᠠ | ᠲᠠᠬᠢᠳᠠᠭ᠃ ᠬᠤᠰᠢᠭᠤᠨ ᠤ ᠬᠡᠪᠴᠢᠶᠡᠨ ᠳᠤ ᠡᠪᠡᠳᠴᠢᠨ ᠡᠮᠬᠡᠭ ᠪᠣᠶᠣ ᠭᠠᠢ ᠭᠠᠮᠰᠢᠭ ᠤᠴᠠᠷᠠᠬᠤ ᠦᠶᠡ ᠳᠤ ᠬᠠᠰᠠᠷ ᠢ | ᠲᠠᠬᠢᠳᠠᠭ᠃ ᠦᠭᠡᠷᠡ ᠭᠠᠵᠠᠷ ᠲᠠᠢ ᠠᠳᠠᠯᠢ ᠳᠡᠭᠡᠳᠦ ᠲᠡᠭᠷᠢ ᠪᠤᠷᠬᠠᠨ᠂ ᠣᠪᠣᠭᠠ᠂ ᠨᠠᠪᠳᠠᠭ ᠰᠠᠪᠲᠠᠭ ᠢᠶᠠᠨ ᠲᠠᠬᠢᠬᠤ | ᠦᠭᠡᠢ᠂ ᠶᠠᠮᠡᠷ ᠴᠢᠬᠤᠯᠠᠳᠠᠢ ᠦᠶᠡ ᠪᠣᠯᠣᠭᠰᠠᠭᠠᠷ ᠬᠠᠰᠠᠷ ᠢ ᠲᠠᠬᠢᠳᠠᠭ᠃ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠶᠠᠪᠤᠬᠤ ᠦᠶᠡ ᠳᠤ | ᠵᠠᠪᠠᠯ ᠲᠠᠬᠢᠳᠠᠭ᠂ ᠲᠠᠶᠢᠯ ᠪᠤᠭᠳᠠ ᠶᠢᠨ ᠵᠣᠷᠢᠭ ᠰᠠᠨᠠᠭᠠ ᠪᠠᠷ ᠦᠵᠡᠯ ᠰᠠᠨᠠᠭᠠ ᠪᠠᠨ ᠬᠦᠪᠴᠢᠯᠡᠳᠡᠭ᠃ ᠬᠠᠰᠠᠷ ᠢᠶᠠᠨ | ᠲᠠᠬᠢᠪᠠᠯ ᠪᠢᠳᠡ ᠵᠠᠪᠠᠯ ᠢᠯᠠᠨᠠ ᠭᠡᠳᠡᠭ ᠢᠳᠡᠭᠡᠯ ᠵᠣᠷᠢᠭ ᠲᠠᠢ ᠪᠠᠶᠢᠳᠠᠭ᠃ | 1913ᠣᠨ ᠤ ᠦᠶᠡ ᠳᠤ ᠭᠠᠯᠴᠢ ᠶᠢᠨ ᠲᠡᠭᠡᠷᠡᠮ ᠭᠡᠵᠦ ᠶᠡᠭᠡ ᠲᠡᠭᠡᠷᠡᠮ ᠢᠷᠡᠵᠦ ︵ᠲᠡᠷᠡ ᠵᠢᠯ ᠦᠬᠡᠷ ᠵᠢᠯ︶ | ᠮᠢᠩᠭᠠᠨ ᠬᠤᠰᠢᠭᠤᠨ ᠤ ᠬᠠᠪᠢ ᠳᠤ ᠫᠤᠤ ᠵᠡᠪᠰᠡᠭ ᠬᠦᠳᠡᠯᠭᠡᠨ ᠲᠡᠭᠡᠷᠡᠮ ᠬᠤᠯᠠᠭᠠᠢ ᠬᠢᠵᠦ ᠪᠠᠶᠢᠭᠰᠠᠨ᠃ ᠮᠢᠩᠭᠠᠨ | ᠬᠤᠰᠢᠭᠤᠨ ᠤ ᠰᠡᠭᠦᠯᠴᠢ ᠶᠢᠨ ᠵᠠᠰᠠᠭ ᠴᠢᠮᠡᠳᠷᠢᠨᠴᠢᠨᠬᠤᠷᠯᠸᠠ ᠡᠶᠢᠮᠦ ᠪᠠᠶᠢᠳᠠᠯ ᠲᠤᠤᠷᠠ ᠲᠠᠶᠢᠯ ᠪᠣᠭᠳᠠ ᠪᠠᠨ | ᠲᠠᠬᠢᠭᠤᠯᠤᠭᠰᠠᠨ᠃ ᠡᠨᠡ ᠦᠶᠡ ᠳᠤ ᠲᠡᠳᠡᠨ ᠤ ᠴᠡᠷᠢᠭ ᠴᠦᠭᠡᠨ᠂ ᠠᠷᠪᠠᠨ ᠳᠣᠯᠤᠭᠠ ᠨᠠᠢᠮᠠᠬᠠᠨ ᠴᠡᠷᠢᠭ ᠲᠠᠢ᠂ | ᠲᠡᠭᠡᠭᠡᠳ ᠡᠨᠡ ᠬᠡᠳᠦᠨ ᠴᠡᠷᠢᠭ ᠢᠶᠠᠨ ᠳᠠᠭᠠᠭᠤᠯᠵᠤ ᠬᠠᠪᠤᠳᠤ ᠬᠠᠰᠠᠷ ᠢᠶᠠᠨ ᠲᠠᠬᠢᠵᠤ ᠳᠠᠭᠠᠳᠬᠠᠨ᠂ ᠭᠠᠯᠴᠢ ᠶᠢᠨ | ᠳᠡᠭᠡᠷᠡᠮ ᠲᠠᠢ ᠲᠡᠮᠡᠴᠡᠯᠳᠦᠵᠦ ᠭᠠᠷᠤᠭᠰᠠᠨ ᠪᠠᠶᠢᠨᠠ᠂ ᠶᠠᠭ ᠭᠠᠷᠤᠩᠭᠤᠳᠠ ᠲᠡᠭᠡᠷᠡᠮ ᠤᠨ ᠲᠦᠷᠦᠭᠦᠦ ᠶᠢ ᠭᠠᠭᠴᠠ | ᠫᠤᠤᠳᠠᠭᠠᠳ ᠤᠨᠠᠭᠠᠭᠰᠠᠨ ᠪᠠᠶᠢᠨᠠ᠃ | ᠲᠡᠭᠡᠭᠡᠳ ᠭᠠᠯᠴᠢ ᠶᠢᠨ ᠲᠡᠭᠡᠷᠡᠮ ᠲᠠᠶᠢᠯ ᠪᠤᠭᠳᠠ ᠢᠶᠠᠨ ᠲᠠᠬᠢᠳᠠᠭ ᠬᠦᠮᠦᠰ ᠲᠠᠢ ᠲᠠᠬᠢᠨ ᠬᠠᠯᠳᠠᠵᠤ ᠪᠣᠯᠬᠤ | ᠦᠭᠡᠢ ᠭᠡᠵᠦ᠂ ᠤᠴᠠᠷᠠᠮᠠᠭᠴᠠ ᠲᠦᠷᠦᠭᠦᠦ ᠪᠠᠨ ᠠᠯᠠᠭᠤᠯᠵᠤ ᠬᠤᠶᠢᠰᠢ ᠪᠤᠴᠠᠵᠤ ᠶᠠᠪᠤᠭᠰᠠᠨ᠂ ᠢᠩᠭᠢᠭᠡᠳ ᠳᠠᠶᠢᠨ ᠢ | ᠢᠯᠠᠭᠰᠠᠨ᠃ ᠲᠡᠶᠢᠮᠦ ᠳᠡᠭᠡᠨ ᠬᠠᠪᠤᠳᠤ ᠬᠠᠰᠠᠷ ᠪᠣᠯ ᠬᠦᠮᠦᠨ ᠤ ᠵᠣᠷᠢᠭ ᠢ ᠬᠦᠪᠴᠢᠯᠡᠳᠡᠭ᠂ ᠲᠡᠭᠡᠳᠦ ᠶᠢᠨ ᠰᠦᠨᠡᠰᠦ | ᠬᠡᠵᠢᠶᠡᠳᠡ ᠮᠠᠨ ᠤ ᠵᠢᠷᠦᠭᠡᠨ ᠳᠤ ᠠᠮᠢᠯᠠᠵᠤ ᠪᠤᠢ᠂ ᠬᠡᠵᠢᠶᠡᠳᠡ ᠰᠢᠳᠦᠵᠦ ᠪᠠᠶᠢᠪᠠᠯ ᠮᠠᠨ ᠤ ᠴᠡᠭᠡᠵᠢ ᠰᠠᠷᠠᠭᠤᠯ᠂ ᠵᠣᠷᠢᠭ | ᠶᠡᠭᠡ᠂ ᠠᠯᠤᠰ ᠤᠨ ᠶᠠᠪᠤᠳᠠᠯ ᠤᠷᠤᠭᠰᠢᠳᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠢᠳᠡᠭᠡᠯᠳᠡᠢ ᠪᠠᠶᠢᠳᠠᠭ ᠠᠴᠠ ᠬᠠᠰᠠᠷ ᠤᠨ ᠰᠢᠳᠦᠭᠡᠨ | ᠭᠡᠵᠦ ᠨᠡᠷᠡ ᠶᠢ ᠨᠢ ᠪᠠᠰᠠ ᠠᠶᠤᠵᠤ ᠳᠠᠭᠤᠳᠠᠳᠠᠭ ᠦᠭᠡᠢ᠃ ᠳᠤᠮᠤᠭ ᠲᠤ ᠶᠠᠷᠢᠳᠠᠭ ᠰᠢᠭ᠋ ᠢᠶᠠᠷ ᠬᠠᠰᠠᠷ ᠤᠨ ᠦᠷᠭᠦᠭᠡ | ᠪᠠᠷᠢᠭᠰᠠᠨ ᠭᠠᠵᠠᠷ ᠳᠡᠭᠡᠭᠦᠷ ᠨᠢ ᠰᠢᠪᠠᠭᠤ ᠨᠢᠰᠦᠭᠡᠳ ᠭᠠᠷᠪᠠᠯ ᠤᠨᠠᠵᠤ ᠢᠷᠡᠳᠡᠭ᠂ ᠦᠬᠡᠷ ᠦᠷᠭᠦᠭᠡ ᠶᠢᠨ ᠬᠢᠨᠢ | ᠪᠦᠰᠡᠨ ᠳᠤᠨᠢ ᠡᠪᠡᠷ ᠢᠶᠠᠨ ᠱᠦᠷᠭᠦᠭᠡᠬᠦ ᠳᠤ ᠡᠪᠡᠷ ᠨᠢ ᠮᠤᠯᠳᠤᠷᠠᠵᠤ ᠤᠨᠠᠳᠠᠭ ᠭᠡᠳᠡᠭ ᠵᠡᠷᠭᠡ ᠣᠯᠠᠨ ᠵᠦᠢᠯ ᠤᠨ | ᠶᠠᠷᠢᠶᠠ ᠪᠤᠢ᠂ ᠡᠨᠡ ᠨᠢ ᠪᠠᠭᠠᠳᠤᠷ ᠤᠨ ᠢᠶᠠᠨ ᠰᠦᠷ ᠬᠦᠴᠦᠨ ᠲᠠᠢ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ | |