| ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠳᠠᠬᠢ ᠴᠠᠭᠠᠬᠤᠪᠤᠭᠠ᠂ ᠪᠠᠶ᠋ᠬᠠᠤᠪᠤᠭᠠ᠂ ᠮᠠᠨᠳᠤᠯ᠂ | ᠰᠢᠨᠡᠪᠤᠯᠠᠭ᠂ ᠪᠠᠶᠠᠨᠵᠢᠷᠤᠭᠡ ᠵᠡᠷᠭᠡ ᠭᠠᠵᠠᠷ ᠤᠨ ᠠᠭᠤᠯᠠ ᠲᠤᠪᠤ ᠶᠢᠨ ᠤᠷᠤᠢ ᠪᠠᠷ ᠪᠤᠯᠳᠠᠶᠢᠵᠦ ᠭᠠᠷᠤᠭᠰᠡᠨ ᠬᠠᠳᠠ | ᠠᠰᠬᠠ ᠲᠡᠭᠡᠷᠡ᠂ ᠴᠦᠴᠡᠲᠡᠨ ᠰᠡᠶᠢᠯᠦᠭᠰᠡᠨ ᠪᠤᠶᠦ ᠱᠦᠷᠭᠦᠭᠡᠨ ᠪᠦᠲᠦᠭᠡᠭᠰᠡᠨ ᠮᠠᠰᠢ ᠤᠯᠠᠨ ᠵᠢᠷᠤᠭ ᠪᠠᠶᠢᠵᠦ᠂ ᠲᠡᠭᠦᠨ | ᠤ ᠤᠯᠠᠩᠬᠢ ᠨᠢ ᠭᠠᠳᠠᠷ ᠲᠡᠯᠡ ᠨᠢ ᠲᠡᠭᠰᠢᠭᠡᠨ ᠬᠦᠯᠢᠭᠡᠷ ᠴᠢᠨᠠᠷ ᠨᠢ ᠵᠦᠭᠡᠯᠡᠪᠳᠤᠷ ᠴᠢᠯᠠᠭᠤᠨ ᠲᠡᠭᠡᠷᠡ ᠪᠠᠶᠢᠳᠠᠭ᠃ | ᠵᠢᠷᠤᠭ ᠪᠦᠷᠢ ᠶᠢᠨ ᠡᠵᠡᠯᠡᠬᠦᠨ ᠨᠢ ᠶᠡᠭᠡᠳᠭᠦ ᠳᠡᠭᠡᠨ 2 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ᠂ ᠵᠢᠵᠢᠭ ᠨᠢ ᠵᠦᠪᠭᠡᠨ ᠲᠤᠬᠤᠢ | ᠬᠢᠷᠢᠲᠠᠢ ᠲᠦᠷᠪᠡᠯᠵᠢᠨ ᠪᠠᠶᠢᠵᠦ᠂ ᠵᠢᠷᠤᠯᠭᠠ ᠨᠢ ᠬᠤᠷᠤᠭᠤ ᠬᠢᠷᠢ ᠶᠢᠨ ᠪᠦᠲᠦᠭᠦᠨ ᠨᠠᠷᠢᠨ᠂ ᠰᠡᠶᠢᠯᠦᠭᠰᠡᠨ ᠮᠦᠷ ᠨᠢ | ᠨᠠᠯᠢᠶᠠᠳ ᠬᠦᠢᠭᠡᠨ᠂ ᠤᠯᠠᠨ ᠵᠢᠯ ᠤᠨ ᠰᠠᠯᠬᠢᠨ ᠳᠤ ᠢᠳᠡᠭᠳᠡᠵᠦ ᠬᠠᠭᠠᠷᠠᠭᠰᠡᠨ ᠲᠤᠯᠠ ᠤᠳᠤ ᠨᠢᠭᠡᠨᠲᠡ ᠪᠦᠳᠡᠬᠢᠷᠡᠨ | ᠲᠤᠳᠤᠷᠬᠠᠢ ᠪᠤᠰᠤ ᠪᠤᠯᠵᠦ᠂ ᠤᠯᠵᠦ ᠢᠯᠡᠷᠡᠭᠦᠯᠬᠦ ᠳᠤ ᠬᠦᠴᠢᠷ ᠲᠠᠢ ᠪᠤᠯᠵᠠᠢ᠃ ᠬᠤᠰᠢᠭᠤᠨ ᠤ ᠲᠡᠦᠭᠡ ᠶᠢᠨ | ᠲᠤᠷᠠᠰᠬᠠᠯᠲᠦ ᠵᠦᠢᠯᠡᠰ ᠤᠨ ᠬᠠᠮᠢᠶᠠᠷᠤᠯᠲᠡ ᠶᠢᠨ ᠭᠠᠵᠠᠷ ᠤᠨ ᠨᠡᠶᠢᠲᠡᠮ ᠪᠠᠶᠢᠴᠠᠭᠠᠯᠲᠡ ᠬᠢᠭᠡᠳ ᠬᠤᠯᠪᠤᠬᠳᠠᠯ ᠪᠦᠬᠦᠢ | ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠤ ᠢᠯᠭᠠᠨ ᠲᠠᠨᠢᠵᠦ ᠢᠯᠡᠷᠡᠭᠦᠯᠦᠭᠰᠡᠨ ᠢᠶᠠᠷ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠲᠤ ᠪᠠᠷᠤᠭ ᠨᠢᠭᠡ | ᠮᠢᠩᠭᠠ ᠭᠠᠷᠤᠢ ᠵᠢᠷᠤᠭ ᠪᠤᠢ᠃ ᠡᠳᠡᠭᠡᠷ ᠬᠠᠳᠠᠨ ᠵᠢᠷᠤᠭ ᠨᠢ ᠤᠯᠠᠭᠠᠨᠴᠠᠪ ᠤᠨ ᠲᠡᠯᠡ ᠨᠤᠳᠤᠭ ᠤᠨ ᠬᠦᠨ ᠳᠤ | ᠪᠠᠶᠢᠳᠠᠭ ᠲᠤᠯᠠ ᠮᠤᠨᠠ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠪᠤᠯᠤᠨ ᠪᠤᠷᠤᠳᠤᠬᠤᠢ ᠶᠢᠨ ᠬᠠᠳᠠᠨ ᠵᠢᠷᠤᠭ ᠠᠴᠠ ᠢᠯᠭᠠᠨ | ᠰᠠᠯᠭᠠᠬᠤ ᠶᠢᠨ ᠲᠦᠯᠦᠭᠡ᠂ ᠬᠠᠳᠠᠨ ᠵᠢᠷᠤᠭ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠭᠧ ᠱᠠᠨ ᠯᠢᠨ ᠠᠪᠤᠭᠠᠢ ᠲᠡᠭᠦᠨ ᠳᠤ | ︽ᠤᠯᠠᠭᠠᠨᠴᠡᠪ ᠤᠨ ᠲᠡᠯᠡ ᠨᠤᠳᠤᠭ ᠤᠨ ᠬᠠᠳᠠᠨ ᠵᠢᠷᠤᠭ︾ ᠬᠡᠰᠡᠨ ᠨᠡᠷᠡ ᠲᠤᠬᠳᠠᠭᠠᠵᠦ ᠦᠭᠭᠦᠭᠰᠡᠨ ᠪᠢᠯᠡ᠃ | ᠲᠡᠯᠡ ᠨᠤᠳᠤᠭ ᠤᠨ ᠬᠠᠳᠠᠨ ᠵᠢᠷᠤᠭ ᠪᠤᠯ ᠬᠡᠳᠤᠨ ᠮᠢᠩᠭᠠᠨ ᠵᠢᠯ ᠤᠨ ᠲᠡᠦᠭᠡ ᠶᠢᠨ ᠤᠷᠲᠦ ᠤᠷᠤᠰᠬᠠᠯ | ᠲᠤᠮᠲᠡ ᠵᠠᠯᠭᠠᠭᠠ ᠪᠠᠷ ᠰᠡᠶᠢᠯᠦᠭᠲᠡᠨ ᠪᠦᠲᠦᠭᠰᠡᠨ ᠶᠤᠮ᠃ ᠲᠡᠭᠦᠨ ᠳᠤ ᠬᠦᠷᠡᠯ ᠵᠡᠪᠰᠡᠩ ᠤᠨ ᠴᠠᠭ ᠦᠶᠡ ᠠᠴᠠ | ᠡᠷᠲᠡᠨ ᠤ ᠬᠤᠭᠤᠴᠠᠭᠠᠨ ᠤ ᠲᠠᠮᠦᠷ ᠵᠡᠪᠰᠡᠭ ᠤᠨ ᠴᠠᠭ ᠦᠶᠡ ᠶᠢᠨ ᠪᠦᠲᠦᠭᠡᠯ ᠪᠠᠭᠳᠠᠬᠳᠠᠨᠡ᠃ ᠡᠨᠡ ᠴᠠᠭ | ᠬᠤᠭᠤᠴᠠᠭᠠ ᠪᠤᠯ ᠲᠡᠯᠡ ᠨᠤᠳᠤᠭ ᠤᠨ ᠬᠠᠳᠠᠨ ᠵᠢᠷᠤᠭ ᠤᠨ ᠴᠡᠴᠡᠭᠯᠡᠨ ᠬᠦᠭᠵᠢᠭᠰᠡᠨ ᠴᠠᠭ ᠦᠶᠡ ᠶᠤᠮ᠃ ᠪᠠᠰᠡ | ᠰᠦᠢ ᠲᠠᠩ ᠤᠨ ᠦᠶᠡ ᠶᠢᠨ ᠲᠦᠷᠦᠭ ᠬᠦᠮᠦᠨ ᠤ ᠪᠦᠲᠦᠭᠡᠯ ᠬᠢᠭᠡᠳ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠵᠢᠴᠢ | ᠲᠡᠭᠦᠨ ᠠᠴᠠ ᠬᠤᠶᠢᠰᠢᠬᠢ ᠮᠤᠩᠭᠤᠯ ᠬᠢᠲᠡᠳ ᠦᠨᠳᠦᠰᠦᠲᠡᠨ ᠤ ᠪᠦᠲᠦᠭᠡᠭᠰᠡᠨ ᠬᠠᠳᠠᠨ ᠵᠢᠷᠤᠭ ᠪᠤᠢ᠃ ᠬᠠᠳᠠᠨ | ᠵᠢᠷᠤᠭ ᠤᠨ ᠠᠭᠤᠯᠭᠠ ᠪᠠᠶᠠᠯᠢᠭ᠂ ᠲᠡᠭᠷᠢ ᠶᠢᠨ ᠡᠷᠭᠡᠰ ᠤᠨ ᠲᠦᠷᠢ ᠳᠤ ᠨᠠᠷᠡ᠂ ᠰᠠᠷᠡ᠂ ᠤᠳᠤᠨ ᠮᠡᠴᠢᠳ᠂ ᠨᠢᠰᠦᠭᠴᠢ | ᠪᠤᠳᠠᠰ ᠪᠤᠢ︔ ᠬᠡᠬᠡᠷᠡ ᠶᠢᠨ ᠠᠮᠢᠳᠡᠳ ᠲᠤ ᠴᠢᠨ᠋ᠸᠠ᠂ ᠪᠠᠷᠰ᠂ ᠢᠷᠪᠢᠰ᠂ ᠪᠤᠭᠤ᠂ ᠵᠡᠭᠡᠷᠡ᠂ ᠪᠦᠷᠭᠦᠳ᠂ ᠰᠢᠪᠠᠭᠤ ᠵᠡᠷᠭᠡ | ᠪᠤᠢ︔ ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠳᠤ ᠦᠭᠡᠷ᠂ ᠮᠤᠷᠢ᠂ ᠬᠤᠨᠢ᠂ ᠢᠮᠠᠭᠠ᠂ ᠲᠡᠮᠡᠭᠡ ᠬᠢᠭᠡᠳ ᠬᠦᠯ ᠤᠨ ᠮᠦᠷ ᠨᠢ ᠪᠤᠢ︔ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠠᠭᠠᠵᠢ ᠳᠤ ᠨᠤᠮᠤ᠂ ᠰᠤᠮᠤ᠂ ᠲᠡᠷᠭᠡ ᠵᠡᠷᠭᠡ ᠪᠤᠢ᠃ ᠪᠠᠰᠡ ᠬᠦᠮᠦᠨ ᠤ ᠲᠦᠷᠢ ᠲᠦᠷᠬᠦ᠂ ᠬᠦᠮᠦᠰ | ᠤᠨ ᠬᠦᠲᠡᠯᠭᠡᠭᠡᠨ ᠤ ᠲᠠᠯᠠᠪᠦᠷ ᠬᠢᠭᠡᠳ ᠡᠯᠡ ᠵᠦᠢᠯ ᠤᠨ ᠦᠰᠦᠭ᠂ ᠲᠡᠮᠲᠡᠭ᠂ ᠲᠤᠲ᠋ᠧᠮ ᠤᠨ ᠵᠢᠷᠤᠭ ᠵᠡᠷᠭᠡ ᠪᠤᠢ᠃ | ᠡᠲᠡᠭᠡᠷ ᠬᠠᠳᠠᠨ ᠵᠢᠷᠤᠭ ᠤᠨ ᠰᠡᠳᠬᠢᠮᠵᠢ ᠤᠷᠠᠨ ᠰᠠᠶᠢᠬᠠᠨ᠂ ᠰᠡᠳᠤᠪᠯᠡᠭᠦᠨ ᠤᠯᠠᠨ ᠶᠠᠩᠵᠦ ᠪᠠᠶᠢᠳᠠᠭ᠃ ᠢᠯᠡᠷᠡᠭᠦᠯᠬᠦ | ᠬᠡᠪ ᠨᠡᠮᠪᠡ ᠠᠴᠠ ᠨᠢ ᠦᠵᠡᠬᠦ ᠳᠤ ᠭᠠᠭᠴᠠ ᠬᠦᠮᠦᠨ ᠪᠤᠢ᠂ ᠠᠮᠢᠲᠡᠨ ᠤ ᠵᠢᠷᠤᠭ ᠪᠤᠢ᠂ ᠪᠠᠰᠡ ᠬᠠᠮᠲᠦ ᠪᠦᠯᠦᠭ ᠤᠨ | ᠬᠦᠲᠡᠯᠭᠡᠭᠡᠨ ᠤ ᠲᠠᠯᠠᠪᠦᠷ ᠪᠤᠢ᠂ ᠪᠤᠳᠠᠳᠦ ᠪᠠᠶᠢᠳᠡᠯ ᠢ ᠲᠦᠷᠰᠦᠯᠡᠭᠰᠡᠨ ᠴᠢᠨᠠᠷᠲᠠᠢ ᠪᠠᠶᠢᠭᠠ ᠪᠦᠭᠡᠳ ᠤᠳᠬᠠᠴᠢᠯᠠᠨ | ᠵᠢᠷᠤᠬᠤ ᠴᠢᠨᠠᠷᠲᠠᠢ ᠴᠦ ᠪᠤᠢ᠃ ᠲᠡᠲᠡᠭᠡᠷ ᠵᠢᠷᠤᠭ ᠤᠳ ᠲᠤ ᠬᠦᠲᠡᠯᠦᠯ ᠬᠢᠭᠡᠳ ᠨᠠᠮᠵᠢᠭᠤᠨ ᠪᠠᠶᠢᠲᠡᠯ ᠢ | ᠤᠶᠠᠯᠳᠤᠭᠤᠯᠤᠨ᠂ ᠬᠤᠯᠠ ᠤᠶᠢᠷᠡ ᠶᠢᠨ ᠵᠠᠢ ᠶᠢ ᠲᠠᠭᠠᠷᠠᠭᠤᠯᠵᠦ᠂ ᠲᠦᠷᠢ ᠲᠦᠷᠬᠦ ᠨᠢ ᠠᠮᠢᠳᠤᠯᠢᠭ ᠮᠦᠷᠲᠡᠭᠡᠨ | ᠦᠨᠡᠮᠰᠢᠮᠠᠷ ᠪᠠᠶᠢᠵᠦ᠂ ᠲᠡᠯᠡ ᠨᠤᠳᠤᠭ ᠤᠨ ᠮᠠᠯᠵᠢᠯ ᠠᠩᠨᠠᠯ ᠤᠨ ᠦᠨᠳᠦᠰᠦᠲᠡᠨ ᠤ ᠠᠮᠢᠳᠤᠷᠡᠯ ᠤᠨ ᠦᠨᠡᠨ ᠪᠤᠳᠠᠳᠠᠢ | ᠵᠢᠷᠤᠬᠯᠠᠯ ᠮᠦᠨ᠃ | ᠲᠡᠯᠡ ᠨᠤᠳᠤᠭ ᠤᠨ ᠬᠠᠳᠠᠨ ᠵᠢᠷᠤᠭ ᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠤᠨ ᠵᠢᠯ᠂ ᠬᠡᠷᠡᠭᠯᠡᠭᠰᠡᠨ ᠪᠠᠭᠠᠵᠢ᠂ | ᠵᠤᠬᠢᠶᠠᠬᠴᠢ ᠶᠢᠨ ᠲᠤᠬᠠᠢ ᠵᠦᠢᠯ ᠵᠦᠢᠯ ᠤᠨ ᠶᠠᠷᠢᠶᠡ ᠬᠡᠯᠡᠯᠭᠡ ᠪᠠᠶᠢᠳᠠᠭ ᠶᠤᠮ᠃ ᠬᠠᠳᠠᠨ ᠵᠢᠷᠤᠭ ᠤᠨ ᠠᠭᠤᠯᠭᠠ | ᠪᠤᠯᠤᠨ ᠰᠠᠯᠬᠢᠨ ᠳᠤ ᠢᠲᠡᠭᠲᠡᠵᠦ ᠬᠠᠭᠠᠷᠠᠭᠰᠡᠨ ᠪᠠᠶᠢᠲᠡᠯ ᠤᠨ ᠵᠠᠳᠠᠯᠦᠯᠲᠡ ᠶᠢ ᠦᠨᠳᠦᠰᠦᠯᠡᠵᠦ᠂ ᠪᠤᠰᠤᠳ ᠭᠠᠵᠠᠷ | ᠤᠷᠤᠨ ᠤ ᠬᠠᠳᠠᠨ ᠵᠢᠷᠤᠭ ᠪᠤᠯᠤᠨ ᠲᠡᠦᠭᠡ ᠶᠢᠨ ᠲᠤᠷᠠᠰᠬᠠᠯᠲᠦ ᠵᠦᠢᠯ ᠲᠠᠢ ᠬᠠᠷᠢᠴᠠᠭᠤᠯᠪᠡᠯ᠂ ᠡᠲᠡᠭᠡᠷ ᠬᠠᠳᠠᠨ | ᠵᠢᠷᠤᠭ ᠪᠤᠯ ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠠᠴᠠ ᠭᠡᠲᠦᠨ ᠵᠠᠭᠤᠨ ᠵᠢᠯ ᠤᠨ ᠡᠮᠦᠨᠡ ᠬᠦᠷᠲᠡᠯᠡ ᠤᠷᠢᠳᠤᠬᠢ ᠬᠦᠮᠦᠰ ᠮᠠᠯ | ᠮᠠᠯᠵᠢᠯ᠂ ᠠᠪᠠ ᠠᠩᠨᠠᠯ ᠤᠨ ᠠᠵᠢᠯᠯᠠᠭᠠᠨ ᠤ ᠲᠤᠮᠲᠡ ᠪᠠᠨ ᠲᠠᠰᠤᠷᠠᠯᠲᠡ ᠦᠭᠡᠢ ᠵᠤᠬᠢᠶᠠᠨ ᠪᠦᠲᠦᠭᠡᠭᠡᠳ ᠪᠤᠢ | ᠪᠤᠯᠭᠠᠭᠰᠡᠨ ᠢ ᠲᠤᠳᠤᠯᠠᠵᠦ ᠪᠤᠯᠤᠨᠡ᠃ ᠬᠡᠷᠡᠭᠯᠡᠭᠰᠡᠨ ᠪᠠᠭᠠᠵᠢ ᠨᠢ ᠡᠩ ᠤᠨ ᠪᠠᠶᠢᠲᠡᠯ ᠳᠤ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭ᠂ | ᠬᠦᠷᠡᠯ ᠡᠳ᠋ ᠪᠤᠯᠤᠨ ᠲᠠᠮᠦᠷ ᠡᠳ᠋ ᠪᠠᠶᠢᠵᠠᠢ᠃ ᠵᠤᠬᠢᠶᠠᠬᠴᠢᠳ ᠤᠨ ᠤᠯᠠᠩᠬᠢ ᠨᠢ ᠲᠡᠯᠡ ᠨᠤᠳᠤᠭ ᠤᠨ ᠨᠡᠭᠦᠳᠡᠯᠴᠢᠨ | ᠠᠶᠢᠮᠠᠭ ᠪᠦᠯᠦᠭ ᠤᠨ ᠠᠬᠠᠯᠠᠬᠴᠢ᠂ ᠵᠢᠷᠤᠭᠠᠴᠢ᠂ ᠪᠦᠭᠡ᠂ ᠯᠠᠶᠢᠴᠢᠩ᠂ ᠲᠠᠷᠬᠠᠨ᠂ ᠯᠠᠮᠠ ᠵᠡᠷᠭᠡ ᠪᠤᠯᠤᠨᠡ᠃ | ᠡᠲᠡᠭᠡᠷ ᠬᠠᠳᠠᠨ ᠵᠢᠷᠤᠭ ᠲᠡᠯᠡᠭᠡᠢ ᠳᠤ ᠠᠯᠳᠠᠷᠰᠢᠬᠰᠡᠨ ᠮᠤᠨᠠ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠴᠢᠬᠤᠯᠠ | ᠪᠦᠷᠢᠯᠳᠦᠭᠦᠨ ᠬᠡᠰᠡᠭ ᠪᠤᠯᠤᠭᠰᠡᠨ ᠤ ᠬᠤᠪᠢ ᠳᠤ᠂ ᠶᠢᠷᠳᠢᠨᠴᠦ ᠶᠢᠨ ᠬᠦᠮᠦᠰ ᠲᠤ ᠲᠡᠭᠦᠨ ᠤ ᠲᠡᠷᠡ ᠬᠦ ᠰᠤᠨᠢᠨ | ᠭᠠᠶᠢᠬᠠᠯᠲᠠᠢ ᠦᠩᠭᠡᠷᠡᠭᠰᠡᠨ ᠤ ᠲᠡᠦᠭᠡ ᠶᠢ ᠲᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠶᠤᠮ᠃ | |