| ᠠᠷᠪᠠᠨ ᠲᠦᠷᠪᠡᠲᠦᠭᠡᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠠᠴᠠ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠤ ᠡᠬᠢ ᠬᠦᠷᠲᠡᠯᠡ | ᠮᠤᠩᠭᠤᠯ ᠲᠦᠴᠢᠨ ᠠᠶᠢᠮᠠᠭ ᠪᠦᠯᠦᠭ ᠪᠤᠯᠵᠤ ᠡᠭᠦᠨ ᠤ ᠳᠤᠳᠤᠷᠠ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠳᠤᠭ ᠤᠨ ᠵᠡᠭᠦᠨ | ᠬᠡᠰᠡᠭ ᠲᠠᠬᠢ ᠲᠠᠲ᠋ᠠᠷ ᠠᠶᠢᠮᠠᠭ᠂ ᠪᠠᠷᠠᠭᠤᠨ ᠬᠡᠰᠡᠭ ᠳᠠᠬᠢ ᠤᠶᠢᠷᠠᠳ ᠠᠶᠢᠮᠠᠭ ᠪᠤᠯᠤᠨ ᠲᠡᠳᠡᠨ ᠤ ᠬᠤᠭᠤᠷᠤᠨᠳᠤ | ᠤᠷᠤᠰᠢᠨ ᠰᠠᠭᠤᠭᠰᠠᠨ ᠤᠷᠢᠶᠠᠩᠬᠠᠢ ᠠᠶᠢᠮᠠᠭ ᠵᠡᠷᠭᠡ ᠭᠤᠷᠪᠠᠨ ᠠᠶᠢᠮᠠᠭ ᠬᠦᠴᠦᠷᠬᠡᠭᠵᠢᠭᠡᠳ ᠳᠤᠰᠠᠭᠠᠷ ᠭᠤᠷᠪᠠᠨ | ᠶᠡᠭᠡ ᠬᠦᠴᠦᠨ ᠪᠤᠯᠤᠨ ᠪᠦᠷᠢᠯᠲᠦᠵᠡᠢ᠃ ᠡᠨᠡᠬᠦ ᠵᠠᠳᠠᠷᠠᠯ ᠪᠤᠲᠠᠷᠠᠯ ᠤᠨ ᠪᠠᠶᠢᠳᠠᠯ ᠨᠢ ᠡᠰᠡᠨ ᠲᠠᠶᠢᠱᠢ ᠶᠢᠨ ᠬᠤᠷᠤᠮ | ᠵᠠᠭᠤᠷᠠ ᠶᠢᠨ ᠨᠢᠭᠡᠲᠦᠯ ᠠᠴᠠ ᠬᠤᠶᠢᠰᠢ ᠮᠠᠨᠳᠤᠭᠤᠯᠢ ᠬᠠᠭᠠᠨ ᠨᠦᠭᠴᠢᠵᠦ᠂ ᠲᠠᠶᠠᠨ ᠬᠠᠭᠠᠨ ᠪᠦᠬᠦ ᠮᠤᠩᠭᠤᠯ ᠢ | ᠳᠠᠬᠢᠨ ᠮᠠᠨᠳᠤᠭᠤᠯᠤᠭᠰᠠᠨ ᠦᠶᠡ ᠪᠤᠯᠳᠠᠯᠠ ᠦᠷᠭᠦᠯᠵᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠲᠠᠲ᠋ᠠᠷ ᠭᠡᠬᠦ ᠨᠡᠷᠡᠶᠢᠳᠦᠯ ᠨᠢ ᠮᠠᠰᠢ ᠡᠷᠳᠡᠨ ᠠᠴᠠ ᠡᠭᠦᠰᠦᠯᠲᠡᠢ᠃ ᠤᠮᠠᠷᠠᠳᠤ ᠰᠦᠩ ᠤᠯᠤᠰ ᠤᠨ ᠦᠶᠡ ᠳᠤ | ᠲᠠᠲ᠋ᠠᠷ ᠠᠶᠢᠮᠠᠭ ᠤᠮᠠᠷᠠᠳᠤ ᠰᠦᠩ ᠤᠯᠤᠰ ᠲᠤ ᠭᠤᠷᠪᠠ ᠤᠳᠠᠭᠠ ᠠᠯᠪᠠ ᠦᠭᠴᠦ ᠪᠠᠶᠢᠵᠠᠢ᠃ ᠯᠢᠶᠤᠤ ᠤᠯᠤᠰ ᠤᠨ | ᠦᠶᠡ ᠳᠤ ᠲᠠᠲ᠋ᠠᠷ ᠢ ᠼᠦᠹᠦ᠋ ᠭᠡᠵᠦ᠂ ᠠᠯᠲᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠼᠦᠫᠦ᠋ ᠭᠡᠵᠦ ᠭᠤᠪᠢ ᠶᠢᠨ ᠡᠮᠦᠨᠡᠬᠢ | ᠤᠩᠭᠤᠳ ᠠᠶᠢᠮᠠᠭ ᠢ ᠴᠠᠭᠠᠨ ᠲᠠᠲ᠋ᠠᠷ ᠬᠡᠮᠡᠵᠦ ᠪᠠᠶᠢᠵᠠᠢ᠃ ᠮᠤᠩᠭᠤᠯ ᠢ ᠠᠩᠬᠠ ᠮᠠᠨᠳᠤᠬᠤ ᠦᠶᠡ ᠳᠤ ᠲᠠᠲ᠋ᠠᠷ ᠬᠡᠮᠡᠬᠦ | ᠪᠦᠯᠦᠭᠡ᠂ 1206 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠭᠤᠪᠢ ᠶᠢᠨ ᠠᠷᠤ ᠶᠢ ᠨᠢᠭᠡᠳᠬᠡᠭᠡᠳ ᠤᠯᠤᠰ ᠤᠨ ᠨᠡᠷᠡ ᠪᠠᠨ | ᠮᠤᠩᠭᠤᠯ ᠭᠡᠰᠡᠨ ᠠᠴᠠ ᠮᠤᠩᠭᠤᠯ ᠭᠡᠳᠡᠭ ᠨᠡᠷᠡᠶᠢᠳᠦᠯ ᠵᠢᠩᠭᠢᠨᠢ ᠪᠠᠷ ᠲᠠᠭᠤᠳᠠᠭᠳᠠᠵᠤ ᠡᠬᠢᠯᠡᠵᠡᠢ᠃ ᠲᠠᠲ᠋ᠠᠷᠴᠤᠳ | ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠠᠴᠠ ᠮᠤᠩᠭᠤᠯ ᠵᠠᠬᠢᠷᠭᠠᠨ ᠳᠤ ᠤᠷᠤᠵᠤ ᠬᠠᠭᠠᠨ ᠤᠭᠰᠠᠭᠠᠨ ᠤ ᠦᠷᠡ ᠠᠴᠢᠨᠠᠷ ᠲᠤ | ᠰᠢᠭᠤᠳ ᠡᠵᠡᠮᠰᠢᠭᠲᠡᠨ ᠵᠠᠬᠢᠷᠤᠭᠳᠠᠬᠤ ᠪᠤᠯᠵᠠᠢ᠃ ᠡᠭᠦᠨ ᠠᠴᠠ ᠡᠮᠦᠨᠡ ᠲᠠᠲ᠋ᠠᠷᠴᠤᠳ ᠲᠡᠦᠬᠡ ᠶᠢᠨ ᠶᠠᠪᠤᠴᠠ ᠳᠤ | ᠭᠤᠪᠢ ᠶᠢᠨ ᠠᠷᠤ ᠦᠪᠦᠷ ᠤᠨ ᠦᠷᠭᠡᠨ ᠲᠡᠨᠢᠭᠡᠷ ᠨᠤᠳᠤᠭ ᠲᠡᠪᠢᠰᠭᠡᠷ ᠲᠡᠭᠡᠷᠡ ᠨᠡᠭᠦᠲᠡᠯᠯᠡᠨ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ | | ᠭᠦᠢᠯᠢᠴᠢ 1403 ᠤᠨ ᠳᠤ ᠲᠠᠲ᠋ᠠᠷ ᠠᠶᠢᠮᠠᠭ ᠤᠨ ᠹᠸᠦᠲᠡᠯ ᠤᠨ ᠡᠵᠡᠨ ᠠᠷᠤᠭᠲᠠᠢ ᠯᠤᠭᠠ ᠬᠤᠷᠰᠢᠵᠤ | ᠬᠦᠨᠲᠡᠮᠦᠷ ᠢ ᠰᠠᠭᠤᠷᠢᠨ ᠠᠴᠠ ᠦᠯᠲᠡᠨ ᠪᠠᠭᠤᠯᠭᠠᠭᠠᠳ ᠬᠠᠭᠠᠨ ᠤᠷᠤ ᠡᠵᠡᠯᠡᠵᠡᠢ᠃ ᠵᠠᠷᠢᠮ ᠡᠷᠲᠡᠮᠲᠡᠨ ᠭᠦᠢᠯᠢᠴᠢ ᠶᠢ | ᠦᠭᠡᠲᠡᠢ ᠶᠢᠨ ᠬᠤᠶᠢᠴᠢᠰ ᠦᠭᠡᠴᠢ ᠬᠠᠰᠬᠠ ︵ᠦᠷᠯᠦᠭᠲᠡᠮᠦᠷ︶ ᠤᠶᠢᠷᠠᠳ ᠤᠨ ᠳᠤᠮᠤ ᠹᠸᠦᠲᠡᠯ ᠤᠨ ᠡᠵᠡᠨ | ᠦᠭᠡᠴᠢ ᠬᠠᠰᠬᠠ ᠲᠠᠢ ᠨᠡᠷᠡ ᠨᠢᠭᠡᠲᠡᠢ ᠭᠡᠵᠦ ᠦᠵᠡᠵᠡᠢ᠃ ︵ᠮᠤᠩᠭᠤᠯ ᠤᠨ ᠭᠤᠴᠢᠨ ᠲᠤᠯᠤᠭᠠᠨ ᠬᠠᠭᠠᠨ ᠤ | ᠲᠤᠳᠤᠷᠠ ᠭᠦᠢᠯᠢᠴᠢ ᠬᠠᠭᠠᠨ ᠭᠡᠵᠦ ᠪᠠᠶᠢᠬᠤ ᠦᠭᠡᠢ᠂ ᠬᠠᠷᠢᠨ ᠦᠭᠡᠴᠢ ᠬᠠᠰᠬᠠ 1399 ᠊᠊᠊᠊᠊᠊᠊᠊᠊᠊᠊ 1408 | ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠤᠢ︶ ᠬᠦᠨᠲᠡᠮᠦᠷ ᠬᠠᠭᠠᠨ 1403 ᠤᠨ ᠠᠴᠠ ᠡᠮᠦᠨᠡᠭᠦᠷ ᠨᠠᠰᠤ ᠪᠠᠷᠠᠵᠤ ᠪᠤᠶᠠᠨᠰᠢᠷᠢ ︵ | ᠦᠯᠵᠡᠶᠢᠲᠡᠮᠦᠷ ᠬᠠᠭᠠᠨ︶ 1408 ᠤᠨ ᠳᠤ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠭᠰᠠᠨ ᠪᠠᠶᠢᠳᠠᠭ᠃ 1399 ᠤᠨ ᠳᠤ ᠡᠯᠪᠡᠭ | ᠬᠠᠭᠠᠨ᠂ ᠲᠡᠭᠦᠦ ᠬᠠᠷᠭᠤᠴᠠᠭ ᠲᠠᠶᠢᠵᠢ ᠶᠢ ᠠᠯᠠᠭᠠᠳ᠂ ᠲᠡᠭᠦᠦ ᠪᠡᠷᠢ ᠦᠯᠵᠡᠶᠢᠲᠦ ᠬᠤᠩ ᠭᠤᠸᠠ ᠪᠢᠵᠢ ᠶᠢ | ᠬᠠᠳᠤᠨ ᠪᠤᠯᠭᠠᠨ ᠠᠪᠴᠠᠢ᠃ ᠤᠳᠠᠯ ᠦᠭᠡᠢ ᠪᠠᠳᠤᠯᠠ ᠴᠢᠩᠰᠠᠩ ᠦᠭᠡᠴᠢ ᠬᠠᠰᠬᠠ ᠲᠠᠢ ᠬᠤᠯᠪᠤᠭᠠᠯᠠᠨ ᠡᠯᠪᠡᠭ | ᠬᠠᠭᠠᠨ ᠢ ᠬᠤᠷᠤᠭᠠᠳ ᠲᠦᠷᠪᠡᠨ ᠤᠶᠢᠷᠠᠳ ᠢᠶᠠᠨ ᠠᠪᠴᠤ ᠤᠷᠪᠠᠪᠠ᠃ ᠲᠡᠦᠬᠡᠨᠡ ᠡᠨᠡ ᠤᠴᠢᠷ ᠢ ᠲᠦᠷᠪᠡᠨ | ᠤᠶᠢᠷᠠᠳ ᠮᠤᠩᠭᠤᠯ ᠤᠨ ᠲᠦᠷᠦ ᠶᠢ ᠪᠤᠯᠢᠶᠠᠭᠰᠠᠨ ᠭᠡᠲᠡᠭ᠃ ᠦᠭᠡᠴᠢ ᠬᠠᠰᠬᠠ ᠵᠡᠷᠭᠡ ᠬᠦᠮᠦᠰ ᠦᠪᠡᠷ ᠤᠨ | ᠬᠦᠴᠦᠨ ᠢᠶᠠᠨ ᠦᠷᠭᠡᠳᠬᠡᠬᠦ ᠴᠢᠬᠤᠯᠠᠴᠢᠯᠠᠯᠭᠠ ᠠᠴᠠ ᠪᠤᠯᠵᠤ ᠡᠯᠪᠡᠭ ᠬᠠᠭᠠᠨ ᠤ ᠠᠬᠠᠮᠠᠳ ᠬᠦᠪᠡᠭᠦᠨ ᠬᠦᠨᠲᠡᠮᠦᠷ ᠢ | ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠡᠷᠭᠦᠵᠦ ᠭᠠᠷᠭᠠᠪᠠ᠃ ᠦᠭᠡᠴᠢ ᠬᠠᠰᠬᠠ ᠬᠠᠷᠢᠨ ᠦᠪᠡᠷ ᠢᠶᠠᠨ ᠬᠠᠭᠠᠨ ᠰᠠᠭᠤᠭᠰᠠᠨ ᠦᠭᠡᠢ᠃ | | ᠭᠦᠢᠯᠢᠴᠢ ︵ᠦᠭᠡᠴᠢ ᠬᠠᠰᠬᠠ︶ ᠬᠡᠷᠪᠡ ᠤᠶᠢᠷᠠᠳ ᠬᠦᠮᠦᠨ ᠪᠠᠶᠢᠭᠰᠠᠨ ᠪᠣᠯ ᠬᠡᠷᠬᠢᠨ ᠠᠷᠤᠭᠲᠠᠢ ᠯᠤᠭᠠ | ᠬᠤᠯᠪᠤᠭᠠᠯᠠᠵᠤ ᠤᠶᠢᠷᠠᠳ ᠢ ᠡᠰᠡᠷᠭᠦᠴᠡᠭᠡᠳ ᠨᠢᠭᠡᠨ ᠦᠶᠡ ᠠᠯᠲᠠᠷ ᠨᠡᠷᠡ ᠮᠠᠨᠳᠤᠬᠤ ᠪᠢᠯᠡ︖ ᠤᠮᠠᠷᠠᠳᠤ ᠶᠤᠸᠠᠨ ᠤ | ᠦᠶᠡ ᠳᠤ ᠴᠦ ᠪᠤᠷᠵᠢᠭᠡᠨ ᠤᠪᠤᠭᠲᠠᠨ ᠠᠴᠠ ᠪᠤᠰᠤᠳ ᠤᠭᠰᠠᠭᠠᠨ ᠤ ᠬᠦᠮᠦᠨ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠵᠤ | ᠦᠯᠦ ᠪᠤᠯᠬᠤ ᠬᠠᠲᠠᠭᠤ ᠵᠢᠷᠦᠮ ᠲᠠᠢ᠃ ᠡᠰᠡᠨ ᠬᠡᠲᠦ᠋ᠢᠪᠡᠷ ᠬᠠᠭᠠᠨ ᠰᠠᠭᠤᠭᠰᠠᠨ ᠴᠦ ᠠᠯᠲᠠᠨ ᠤᠷᠤᠭᠲᠠᠨ ᠤ | ᠬᠤᠶᠢᠴᠢᠰ ᠪᠢᠰᠢ ᠤᠴᠢᠷ ᠠᠴᠠ ᠬᠠᠭᠠᠨ ᠤᠷᠤ ᠳᠤ ᠤᠳᠠᠭᠠᠨ ᠳᠤᠭᠲᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠪᠠᠶᠢᠳᠠᠭ ᠨᠢ ᠡᠭᠦᠨ ᠤ | ᠪᠤᠲᠠᠳᠤ ᠵᠢᠱᠢᠶᠡ ᠪᠤᠯᠤᠨᠠ᠃ | ᠭᠦᠢᠯᠢᠴᠢ ︵ᠦᠭᠡᠴᠢ ᠬᠠᠰᠬᠠ︶ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠪᠡᠶᠡ ᠪᠠᠨ ᠬᠠᠨ ᠭᠡᠵᠦ | ᠨᠡᠷᠡᠯᠡᠭᠰᠡᠨ ᠪᠤᠯᠪᠠᠴᠤ ᠬᠠᠭᠠᠨ ᠴᠤᠯᠠ ᠡᠷᠭᠦᠮᠵᠢᠯᠡᠭᠰᠡᠨ ᠦᠭᠡᠢ᠃ ᠲᠠᠲ᠋ᠠᠷ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠢᠰᠢ᠂ | ᠶᠡᠭᠡ ᠶᠤᠸᠠᠨ ᠤᠯᠤᠰ ᠪᠤᠶᠤ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠭᠡᠵᠦ ᠨᠡᠷᠡᠶᠢᠲᠦᠭᠰᠡᠨ ᠦᠭᠡᠢ ᠪᠠᠶᠢᠪᠠ᠃ ᠡᠭᠦᠨᠴᠡ ᠲᠠᠲ᠋ᠠᠷ | ᠨᠢ ᠮᠤᠩᠭᠤᠯ ᠤᠨ ᠦᠭᠡᠷᠡ ᠨᠡᠷᠡᠶᠢᠲᠦᠯ ᠪᠤᠯᠵᠠᠢ᠃ | ᠭᠦᠢᠯᠢᠴᠢ ᠠᠷᠤ ᠭᠠᠵᠠᠷ ᠬᠠᠭᠠᠨ ᠰᠠᠭᠤᠭᠰᠠᠨ ᠪᠣᠯᠪᠠᠴᠤ ᠤᠤᠯ ᠰᠠᠭᠤᠷᠢᠨ ᠭᠠᠵᠠᠷ ᠨᠢ ᠭᠠᠨᠰᠤ ᠨᠢᠩᠰᠢᠶᠠ | ᠶᠢᠨ ᠬᠢᠵᠠᠭᠠᠷ ᠤᠨ ᠭᠠᠳᠠᠨᠠ ᠪᠠᠶᠢᠪᠠ᠃ ᠮᠢᠩ ᠤᠯᠤᠰ ᠤᠨ ᠴᠧᠩᠽᠦ ᠬᠠᠭᠠᠨ ᠭᠦᠢᠯᠢᠴᠢ ᠳᠤ ᠪᠢᠴᠢᠭ ᠶᠠᠪᠤᠭᠤᠯᠵᠤ | ᠲᠡᠭᠦᠨ ᠯᠦᠭᠡ ︿︿ᠬᠠᠷᠢᠯᠴᠠᠨ ᠡᠯᠴᠢ ᠲᠤᠮᠢᠯᠠᠨ ᠬᠠᠷᠢᠴᠠᠭᠠ ᠪᠠᠨ ᠰᠠᠶᠢᠵᠢᠷᠠᠭᠤᠯᠵᠤ ᠨᠢᠭᠡᠨ ᠭᠡᠷ ᠮᠡᠲᠦ ᠡᠶᠡ ᠡᠪ | ᠲᠠᠢ ᠶᠠᠪᠤᠯᠴᠠᠨ ᠡᠩᠬᠡ ᠵᠢᠷᠭᠠᠯ ᠢ ᠡᠲᠡᠯᠡᠬᠦ︔︔︔︔﹀﹀ ᠶᠢ ᠬᠦᠰᠡᠮᠵᠢᠯᠡᠬᠦ ᠶᠢᠨ ᠵᠡᠷᠭᠡᠪᠡᠷ ᠰᠢᠲᠠᠷ ᠲᠦᠰᠢᠮᠡᠳ | ᠳᠤ ᠨᠢ ᠪᠠᠰᠠ ᠡᠯᠴᠢ ᠭᠦᠶᠦᠯᠭᠡᠵᠦ ᠰᠠᠨᠠᠭᠠ ᠪᠠᠨ ᠲᠠᠮᠵᠢᠭᠤᠯᠵᠤ ᠪᠠᠶᠢᠪᠠ᠃ ᠭᠦᠢᠯᠢᠴᠢ ᠬᠠᠮᠢᠯ ᠤᠷᠴᠢᠮ ᠭᠠᠵᠠᠷ ᠢ | ᠡᠷᠭᠡᠰᠢᠶᠡᠨ ᠠᠪᠬᠤ ᠶᠢᠨ ᠲᠦᠯᠦᠭᠡ ᠮᠢᠩ ᠤᠯᠤᠰ ᠲᠠᠢ ᠡᠶᠡ ᠨᠠᠶᠢᠷᠲᠠᠢ ᠪᠠᠶᠢᠭᠰᠠᠨ ᠵᠦᠩᠱᠠᠨ ᠸᠠᠩ ᠡᠩᠬᠡᠲᠡᠮᠦᠷ ᠢ | ᠬᠤᠤᠷᠯᠠᠵᠠᠢ᠃ 1407 ᠤᠨ ᠳᠤ ᠡᠩᠬᠡᠲᠡᠮᠦᠷ ᠤᠨ ᠡᠬᠡᠨᠡᠷ ᠴᠦ ᠭᠦᠢᠯᠢᠴᠢ ᠶᠢ ᠲᠦᠰᠢᠬᠦ ᠪᠠᠷ ᠢᠷᠡᠵᠡᠢ᠃ | ᠡᠭᠦᠨ ᠠᠴᠠ ᠠᠪᠤᠭᠠᠳ ᠭᠤᠪᠢ ᠶᠢᠨ ᠠᠷᠤ ᠳᠠᠬᠢ ᠭᠦᠢᠯᠢᠴᠢ ᠪᠤᠯᠤᠨ ᠭᠤᠪᠢ ᠶᠢᠨ ᠡᠮᠦᠨᠡᠬᠢ ᠬᠠᠮᠢᠯ ᠤᠨ ᠬᠠᠷᠢᠴᠠᠭᠠ | ᠨᠢᠭᠲᠠ ᠪᠤᠯᠵᠠᠢ᠃ 1408 ᠤᠨ ᠳᠤ ᠲᠠᠲ᠋ᠠᠷ ᠠᠶᠢᠮᠠᠭ ᠶᠢᠨ ᠠᠰᠤᠳ ᠪᠦᠯᠦᠭ ᠤᠨ ᠳᠤᠮᠤ ᠹᠸᠦᠲᠡᠯ ᠤᠨ ᠡᠵᠡᠨ᠂ | ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠬᠦᠷᠢᠶᠡᠯᠡᠩ ᠤᠨ ᠬᠡᠷᠡᠭ ᠮᠡᠲᠡᠭᠴᠢ ᠠᠷᠤᠭᠲᠠᠢ ᠲᠠᠶᠢᠱᠢ ᠶᠢᠨ ᠬᠦᠴᠦᠨ ᠪᠤᠵᠠᠭᠠᠶᠢᠷᠠᠭᠠᠳ᠂ | ᠬᠠᠮᠤᠭ ᠲᠡᠭᠡᠲᠦ ᠨᠤᠶᠠᠷᠬᠠᠬᠤ ᠡᠷᠬᠡ ᠪᠤᠯᠢᠶᠠᠯᠳᠤᠨ ᠭᠦᠢᠯᠢᠴᠢ ᠲᠠᠢ ᠠᠯᠠᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠪᠤᠯᠪᠠ᠂ ᠡᠨᠡ | ᠲᠡᠮᠡᠴᠡᠭᠡᠨ ᠳᠤ ᠭᠦᠢᠯᠢᠴᠢ ᠲᠡᠶᠢᠯᠦᠭᠲᠡᠵᠦ ᠠᠷᠭᠠ ᠪᠤᠰᠤ ᠤᠤᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠵᠦᠭ ᠢᠶᠠᠨ ᠤᠬᠤᠷᠢᠵᠤ | ᠭᠠᠨᠰᠤ ᠨᠢᠩᠰᠢᠶᠠ ᠶᠢᠨ ᠬᠢᠵᠠᠭᠠᠷ ᠤᠨ ᠭᠠᠳᠠᠨᠠ᠂ ᠬᠠᠮᠢᠯ ᠠᠴᠠ ᠤᠮᠠᠷᠠᠰᠢ ᠠᠯᠲᠠᠢ ᠤᠷᠤᠭᠤ ᠵᠠᠪᠬᠠᠨ ᠭᠤᠤᠯ | ᠤᠷᠴᠢᠮ ᠡᠭᠡᠵᠦ ᠶᠠᠪᠤᠵᠠᠢ᠃ ᠪᠤᠶᠠᠨᠰᠢᠷᠢ ︵ᠦᠯᠵᠡᠶᠢᠲᠡᠮᠦᠷ︶ ᠬᠠᠭᠠᠨ ᠢ ᠪᠢᠱᠪᠠᠯᠠᠭ ᠠᠴᠠ ᠠᠷᠤᠭᠲᠠᠢ ᠲᠠᠶᠢᠱᠢ | ᠤᠭᠳᠤᠨ ᠠᠪᠴᠢᠷᠠᠭᠠᠳ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠯᠭᠠᠪᠠ᠃ ᠪᠤᠶᠠᠨᠰᠢᠷᠢ 1379 ᠤᠨ ᠳᠤ ᠮᠡᠨᠲᠦᠯᠡᠵᠡᠢ᠂ | ᠲᠡᠷᠡ ᠪᠣᠯ ᠡᠯᠪᠡᠭ ᠬᠠᠭᠠᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ᠂ ᠬᠦᠨᠲᠡᠮᠦᠷ ᠤᠨ ᠲᠡᠭᠦᠦ ᠪᠤᠯᠤᠨᠠ᠂ ᠲᠠᠶᠢᠨ ᠤ | ᠰᠠᠮᠠᠭᠤᠷᠠᠯ ᠳᠤ ᠰᠢᠬᠠᠭᠳᠠᠨ ᠲᠡᠮᠦᠷ ᠬᠠᠭᠠᠨᠳᠤ ᠤᠯᠤᠰ ᠢ ᠲᠦᠰᠢᠬᠦ ᠪᠠᠷ ᠰᠠᠮᠠᠷᠺᠠᠨᠳ᠋ ᠬᠤᠲᠠᠨᠠ ᠤᠴᠢᠬᠤ ᠳᠤ ᠨᠢ | ᠲᠠᠭᠠᠭᠰᠠᠳ ᠨᠢ ᠠᠷᠠᠢ ᠵᠠᠭᠤ ᠬᠦᠷᠬᠦ ᠦᠭᠡᠢ ᠪᠠᠶᠢᠪᠠ᠃ ᠬᠤᠵᠢᠮ ᠨᠢ ᠪᠢᠱᠪᠠᠯᠠᠭ ᠳᠤ ᠨᠡᠭᠦᠨ ᠰᠠᠭᠤᠵᠠᠢ᠃ | ᠪᠤᠶᠠᠨᠰᠢᠷᠢ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠭᠠᠳ ᠤᠳᠠᠭᠰᠠᠨ ᠦᠭᠡᠢ ᠮᠢᠩ ᠤᠯᠤᠰ ᠪᠤᠯᠤᠨ ᠤᠶᠢᠷᠠᠳ ᠤᠨ ᠴᠡᠷᠢᠭ ᠤᠨ | ᠬᠦᠴᠦᠨ ᠤ ᠲᠠᠷᠤᠯᠲᠠ ᠲᠤᠤᠷᠠ ᠤᠨᠤᠨ ᠭᠤᠤᠯ᠂ ᠭᠡᠷᠡᠯᠦᠨ ᠮᠦᠷᠡᠨ ᠤ ᠲᠡᠭᠡᠲᠦ ᠤᠷᠤᠰᠬᠠᠯ ᠲᠠᠭᠠᠤ ᠤᠷᠤᠨ ᠢᠶᠠᠷ | ᠤᠬᠤᠷᠢᠨ ᠤᠴᠢᠭᠠᠳ ᠵᠡᠭᠦᠨ ᠮᠤᠩᠭᠤᠯ ᠤᠨ ᠠᠷᠤᠭᠲᠠᠢ ᠲᠠᠶᠢᠱᠢ ᠵᠡᠷᠭᠡ ᠶᠢᠨ ᠹᠸᠦᠲᠡᠯ ᠤᠨ ᠡᠵᠡᠳ ᠲᠠᠢ ᠬᠤᠯᠪᠤᠭᠠ | ᠪᠠᠶᠢᠭᠤᠯᠪᠠ᠃ ᠲᠡᠭᠡᠭᠰᠡᠨ ᠠᠴᠠ ᠬᠠᠭᠠᠨ ᠤ ᠪᠤᠲᠠᠳᠤ ᠡᠷᠬᠡ ᠠᠷᠤᠭᠲᠠᠢ ᠶᠢᠨ ᠮᠡᠲᠡᠯ ᠳᠤ ᠰᠢᠯᠵᠢᠵᠡᠢ᠃ | ᠪᠤᠶᠠᠨᠰᠢᠷᠢ ᠶᠢ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠵᠡᠭᠦᠨ ᠮᠤᠩᠭᠤᠯ ᠳᠤ ᠪᠤᠶᠠᠨᠰᠢᠷᠢ᠂ | ᠠᠷᠤᠭᠲᠠᠢ ᠪᠠᠷ ᠲᠤᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠲᠠᠲ᠋ᠠᠷ ᠠᠶᠢᠮᠠᠭ ᠤᠨ ᠬᠦᠴᠦᠨ ᠪᠠ ᠪᠠᠷᠠᠭᠤᠨ ᠮᠤᠩᠭᠤᠯ ᠳᠤ ᠮᠠᠬᠠᠮᠤ᠂ | ᠠᠮᠤᠭᠤᠯᠠᠩ᠂ ᠪᠠᠲᠤᠪᠤᠯᠤᠳ ᠨᠠᠷ ᠢᠶᠠᠷ ᠲᠤᠯᠤᠭᠠᠶᠢᠯᠠᠭᠤᠯᠤᠭᠰᠠᠨ ᠤᠶᠢᠷᠠᠳ ᠠᠶᠢᠮᠠᠭ ᠤᠨ ᠬᠦᠴᠦᠨ ᠤᠷᠳᠤ | ᠬᠤᠭᠤᠴᠠᠭᠠ ᠪᠠᠷ ᠦᠷᠢᠰᠦᠯᠲᠦᠨ ᠲᠡᠮᠡᠴᠡᠯᠲᠦᠵᠦ ᠪᠠᠶᠢᠯᠠ᠃ | | |