| ᠭᠠᠯ ᠲᠠᠭᠢᠯᠭᠠ ᠶᠢᠨ ᠰᠤᠳᠤᠷ ᠤᠡᠭᠰᠢᠵᠥ᠂ ᠲᠠᠯᠠᠯᠭᠠᠨ ᠭᠡᠰᠢᠭ ᠭᠥᠷᠭᠦ ᠥᠶᠠᠰ ᠲᠤ ᠰᠤᠳᠤᠷ ᠤᠡᠭᠰᠢᠬᠴᠢ | ᠲᠠᠯᠠᠯᠭᠠ ᠶᠢᠨ ᠰᠤᠮᠤ ᠪᠠᠨ ᠪᠠᠷᠢᠵᠥ᠂ ᠭᠡᠷ ᠤᠨ ᠡᠵᠠᠨ ᠲᠠᠯᠠᠯᠭᠠᠨ ᠰᠠᠭᠤᠯᠠᠭᠠ ᠪᠠᠨ ᠬᠠᠳᠠᠭ ᠤᠨ ᠲᠡᠭᠡᠷᠠ ᠪᠠᠷᠢᠵᠥ | ᠬᠤᠷᠦ᠋ᠢᠯᠠᠨ ᠲᠠᠯᠠᠯᠵᠤ᠂ ᠭᠠᠯ ᠤᠨ ᠲᠠᠭᠢᠯᠭᠠ ᠳᠤ ᠤᠷᠤᠯᠴᠠᠭᠰᠠᠨ ᠪᠤᠰᠤᠳ ᠭᠥᠮᠥᠰ ᠴᠤ ᠮᠠᠯ ᠤᠨ ᠭᠡᠰᠢᠭ ᠤᠨ | ᠲᠠᠭᠠᠷᠴᠤᠭ᠂ ᠬᠠᠳᠠᠭ᠂ ᠭᠥᠭᠦᠷ᠂ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠪᠠᠷᠢᠵᠠᠭᠠᠨ ︽ᠬᠤᠷᠤᠢ᠂ | ᠬᠤᠷᠤᠢ᠂ ᠬᠤᠷᠤᠢ︾ ᠭᠡᠵᠥ ᠬᠤᠷᠦ᠋ᠢᠯᠠᠨ ᠲᠠᠯᠠᠯᠳᠠᠭ᠃ ᠲᠠᠯᠠᠯᠭᠠ ᠲᠠᠯᠠᠯᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠲᠠᠯᠠᠯᠭᠠ ᠶᠢᠨ | ᠰᠠᠭᠤᠯᠠᠭᠠ ᠪᠠᠨ ᠲᠤᠷᠭᠠᠨ ᠬᠠᠳᠠᠭ ᠢᠶᠠᠷ ᠪᠥᠳᠡᠭᠡᠨ ᠲᠠᠯᠪᠢᠵᠥ᠂ ᠭᠤᠷᠪᠠᠨ ᠬᠤᠨᠤᠭ ᠨᠡᠭᠡᠭᠡᠳᠡᠭ ᠥᠭᠡᠢ᠃ | ᠲᠥᠷᠪᠡᠳᠥᠭᠡᠷ ᠡᠳᠤᠷ ᠨᠢ ᠭᠠᠯ ᠤᠨ ᠭᠡᠰᠢᠭ ᠭᠡᠵᠥ ᠰᠠᠳᠤᠨ ᠲᠥᠷᠥᠯ᠂ ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ ᠬᠢᠨ ᠲᠠᠢ ᠪᠠᠨ | ᠬᠤᠪᠢᠶᠠᠯᠴᠠᠨ ᠢᠳᠡᠵᠥ᠂ ᠥᠯᠡᠳᠡᠭᠰᠡᠨ ᠢ ᠨᠢ ᠭᠠᠯ ᠲᠠᠭᠢᠯᠭᠠ ᠳᠤ ᠤᠷᠤᠯᠴᠠᠵᠤ ᠲᠠᠶᠢᠯᠥᠭᠰᠡᠨ ᠥᠭᠡᠢ ᠭᠡᠥᠭᠡᠳ | ᠠᠴᠢᠨᠠᠷ ᠲᠤ ᠪᠠᠨ ᠬᠠᠳᠠᠭᠠᠯᠠᠨ ᠥᠯᠡᠳᠡᠭᠡᠳᠡᠭ᠃ ᠭᠠᠯ ᠤᠨ ᠲᠠᠯᠠᠯᠭᠠ ᠲᠠᠭᠤᠰᠤᠭᠰᠠᠨ ᠤ ᠲᠠᠷᠠᠭᠠ᠂ ᠭᠡᠷ ᠤᠨ ᠡᠵᠠᠨ | ᠪᠠᠯᠡᠳᠭᠡᠭᠰᠡᠨ ᠭᠠᠯ ᠤᠨ ᠡᠮᠥᠰᠭᠡᠯ ᠢᠶᠠᠨ ᠰᠠᠴᠤᠯᠢ ᠶᠢᠨ ᠠᠷᠢᠭᠢᠨ ᠳᠤ ᠲᠥᠷᠥᠵᠥ᠂ ᠲᠤᠯᠭᠠ ᠶᠢᠨ ᠵᠡᠭᠦᠨ ᠡᠮᠤᠨᠡᠭᠢ | ᠤᠴᠤᠭ ᠠᠴᠠ ᠡᠭᠢᠯᠡᠨ ᠵᠥᠪ ᠡᠷᠭᠢᠵᠥ ᠤᠨᠤᠭᠤᠯᠵᠤ ᠲᠠᠯᠪᠢᠭᠠᠳ᠂ ᠲᠡᠭᠡᠷᠠ ᠨᠢ ᠭᠠᠯ ᠤᠨ ᠪᠤᠳᠠᠭᠠᠨ ᠤ ᠵᠤᠯᠠ ᠶᠢ | ᠰᠠᠴᠤᠯᠢ ᠶᠢᠨ ᠬᠠᠯᠪᠠᠭᠠ ᠪᠠᠷ ᠠᠪᠤᠭᠠᠳ ᠵᠡᠭᠦᠨ ᠡᠮᠥᠨᠡᠭᠢ ᠤᠴᠤᠭ ᠠᠴᠠ ᠡᠭᠢᠯᠡᠨ ᠤᠴᠤᠭ ᠪᠤᠯᠭᠠᠨ ᠳᠤ | ᠰᠠᠭᠤᠯᠭᠠᠵᠤ᠂ ᠪᠤᠳᠠᠭᠠᠨ ᠵᠤᠯᠠ ᠶᠢᠨ ᠲᠤᠤᠷᠠ ᠲᠠᠪᠢᠰᠥᠭᠰᠡᠨ ᠬᠤᠨᠢᠨ ᠤ ᠨᠤᠤᠰᠤ ᠪᠤᠶᠤ ᠴᠠᠭᠠᠰᠤ ᠪᠠᠨ ᠰᠢᠳᠠᠭᠠᠨ | ᠲᠤᠭᠤᠨᠤ ᠪᠠᠷ ᠢᠶᠠᠨ ᠰᠢᠳᠡᠵᠥ ᠭᠠᠷᠭᠠᠳᠠᠭ᠃ ᠥᠯᠡᠳᠡᠭᠰᠡᠨ ᠡᠷᠭᠦᠴᠠ ᠪᠠᠨ ᠭᠠᠯ ᠳᠤ ᠪᠠᠨ ᠡᠷᠭᠦᠵᠥ᠂ ᠤᠯᠠᠨ ᠢᠶᠠᠷ | ᠢᠶᠠᠨ ︽ᠡᠨᠡ ᠡᠳᠤᠷ ᠭᠠᠯ ᠴᠤᠬᠤᠮ ᠰᠠᠶᠢᠬᠠᠨ ᠪᠠᠳᠠᠷᠠᠯᠠ᠂ ᠥᠭᠡᠳᠡᠯᠡᠭᠦ ᠶᠢᠨ ᠥᠯᠵᠠᠢ ᠲᠠᠢ︾ ᠭᠡᠵᠥ ᠪᠠᠯᠭᠡ | ᠲᠠᠮᠪᠡᠷᠡᠯ ᠲᠠᠢ ᠥᠭᠡ ᠶᠠᠷᠢᠵᠠᠭᠠᠨ ᠲᠠᠭᠢᠯᠭᠠ ᠲᠠᠭᠦᠰᠳᠡᠭ᠃ ᠭᠠᠯ ᠢᠶᠠᠨ ᠲᠠᠭᠢᠭᠠᠳ ᠪᠠᠷᠠᠪᠠᠯ ᠭᠠᠯ ᠲᠠᠭᠢᠯᠭᠠ ᠳᠤ | ᠤᠷᠤᠯᠴᠠᠭᠰᠠᠳ ᠲᠤ ᠪᠠᠨ ᠴᠠᠢ ᠠᠶᠠᠭᠠᠯᠠᠨ᠂ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠤᠨ᠂ ᠠᠷᠢᠭᠢ ᠪᠠᠷᠢᠵᠥ᠂ ᠠᠮᠤᠰᠤ ᠪᠤᠳᠠᠭᠠ᠂ | ᠴᠢᠨᠠᠭᠰᠠᠨ ᠮᠢᠬᠠ ᠢᠳᠡᠳᠡᠭ᠃ | |