| ᠲᠠᠷᠬᠠᠨ ᠡᠮᠡᠭᠡᠯ ᠤᠨ ᠮᠣᠳᠣ ᠨᠢ ᠡᠮᠦᠨᠡ᠂ ᠬᠤᠶᠢᠳᠣ ᠪᠦᠬᠦᠷᠭᠡ᠂ ᠵᠦᠪ ᠪᠣᠷᠣᠭᠤ ᠬᠤᠶᠠᠷ ᠲᠠᠯᠠ ᠶᠢᠨ | ᠬᠠᠳᠠᠪᠴᠢ ᠵᠡᠷᠭᠡ ᠲᠦᠷᠪᠡᠨ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃ ᠬᠤᠶᠠᠷ ᠬᠠᠳᠠᠪᠴᠢ ᠶᠢᠨ ᠭᠤᠣᠯ ᠵᠠᠯᠭᠠᠭᠠᠰᠣ ᠬᠡᠰᠡᠭ ᠢ | ᠵᠢᠭᠠᠰᠣ ᠭᠡᠳᠡᠭ᠃ ( ᠵᠠᠷᠢᠮ ᠭᠠᠵᠠᠷ ᠬᠤᠩᠭᠤ ᠭᠡᠳᠡᠭ) ᠡᠮᠡᠭᠡᠯ ᠤᠨ ᠮᠣᠳᠣ ᠶᠢ ᠬᠠᠳᠠᠭᠤ ᠪᠠᠬᠢᠯᠢᠭ᠌ ᠴᠢᠨᠡᠷ ᠲᠠᠢ | ᠬᠤᠰᠤ᠂ ᠦᠷᠢᠯ᠂ ᠲᠡᠦᠯᠡᠢ ᠶᠢᠨ ᠪᠦᠭᠡᠷᠡ᠂ ᠠᠭᠠᠷᠠᠣ ᠽᠠᠨᠳᠠᠨ᠂ ᠰᠣᠮᠣᠨ ᠮᠣᠳᠣ ᠢ ᠰᠣᠩᠭᠤᠨ ᠬᠡᠷᠡᠭᠯᠡᠳᠡᠭ᠃ | ᠡᠮᠡᠭᠡᠯ ᠤᠨ ᠪᠦᠬᠦᠷᠭᠡ ᠶᠢ ᠠᠴᠠ ᠮᠣᠳᠣ ᠪᠠᠷ ᠪᠢᠳᠡᠬᠦᠦ ᠬᠢᠨᠡ᠂ ᠬᠠᠳᠠᠪᠴᠢ ᠶᠢ ᠠᠮᠠᠷᠬᠠᠨ ᠬᠠᠭᠠᠷᠠᠵᠣ ᠴᠣᠴᠠᠷᠠᠬᠤ | ᠦᠭᠡᠢ ᠬᠤᠰᠣ ᠮᠣᠳᠣ ᠪᠠᠷ ᠬᠢᠳᠡᠭ ᠂ ᠬᠤᠶᠠᠷ ᠬᠠᠳᠠᠪᠴᠢ ᠶᠢᠨ ᠪᠦᠬᠦᠷᠭᠡ ᠲᠠᠢ ᠨᠡᠶᠢᠯᠡᠬᠦ ᠬᠡᠰᠡᠭ ᠤᠨ ᠬᠤᠭᠤᠷᠣᠨᠳᠣ | ᠵᠠᠢ ᠨᠢ ᠡᠮᠦᠨᠡ ᠲᠠᠯᠠ ᠳᠠᠭᠠᠨ10cm ᠣᠷᠴᠢᠮ᠂ ᠠᠷᠤ ᠲᠠᠯᠠ ᠨᠢ11cm ᠣᠷᠴᠢᠮ᠂ ᠪᠦᠬᠦᠷᠭᠡ ᠶᠢᠨ | ᠬᠤᠩᠬᠤᠷ ᠤᠨ ᠭᠦᠨ ᠨᠢ 6cm , ᠬᠠᠳᠠᠪᠴᠢ ᠶᠢᠨ ᠭᠠᠳᠠᠷ ᠢᠷᠮᠡᠭ ᠤᠨ ᠵᠠᠢ ᠨᠢ ᠡᠮᠦᠨᠡ ᠲᠠᠯᠠ ᠳᠠᠭᠠᠨ25cm . | ᠠᠷᠤ ᠲᠠᠯᠠ ᠳᠠᠭᠠᠨ29cm ᠵᠢᠨᠣᠷᠴᠢᠮ ᠪᠠᠶᠢᠳᠠᠭ ᠃ ᠬᠠᠳᠠᠪᠴᠢᠨ ᠤ ᠬᠤᠶᠠᠷ ᠪᠦᠬᠦᠷᠭᠡᠨ ᠤ ᠲᠣᠮᠳᠠᠭᠢ ᠬᠡᠰᠡᠭ | ᠨᠢ ᠵᠤᠵᠠᠭᠠᠨ᠂ ᠬᠤᠶᠠᠷ ᠪᠦᠬᠦᠷᠭᠡ ᠲᠠᠢ ᠵᠠᠯᠭᠠᠬᠤ ᠬᠡᠰᠡᠭ ᠢ ᠨᠢᠮᠭᠡᠨ ᠪᠣᠯᠭᠠᠵᠣ ᠱᠠᠭᠠᠨᠳᠠᠭ ᠢᠶᠠᠷ ᠬᠠᠳᠠᠨ | ᠲᠤᠭᠳᠠᠭᠠᠵᠣ ᠪᠣᠯᠢᠭᠠᠷᠢ ᠪᠠᠷ ᠴᠠᠪᠠᠣᠳᠠᠨ ᠬᠤᠯᠳᠠᠨᠠ᠃ | ᠲᠠᠷᠬᠠᠨ ᠡᠮᠡᠭᠡᠯ ᠤᠨ ᠪᠦᠬᠦᠷᠭᠡ ᠮᠣᠳᠣ ᠶᠢ ᠡᠶᠢᠨᠬᠦ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠤ ᠲᠠᠷᠠᠭᠠ᠂ ᠲᠡᠬᠦᠨ ᠤ ᠲᠡᠭᠡᠷᠡ | ᠭᠠᠨᠵᠤᠭᠠ ᠲᠠᠳᠠᠬᠤ ᠨᠦᠭᠡ ᠶᠢ ᠡᠮᠦᠨᠡ ᠬᠤᠶᠢᠨᠠ ᠲᠣᠰᠪᠦᠷᠢ ᠴᠣᠭᠤᠯᠵᠣ᠂ ᠠᠷᠪᠠ᠂ ᠠᠷᠪᠠᠨ ᠨᠠᠢᠮᠠᠨ ᠭᠠᠨᠵᠤᠭᠠ ᠶᠢ | ᠰᠣᠷ ᠢᠶᠠᠷ ᠬᠠᠶᠢᠵᠣ ᠡᠮᠦᠨᠡ ᠲᠦᠷᠪᠡ᠂ ᠬᠤᠶᠢᠨᠠ ᠵᠢᠷᠭᠤᠭᠠ ᠪᠣᠶᠣ ᠡᠮᠦᠨᠡ ᠨᠠᠢᠮᠠ᠂ ᠬᠤᠶᠢᠨᠠ ᠠᠷᠪᠠ | ᠲᠠᠭᠠᠷᠠᠭᠤᠯᠵᠣ ᠲᠠᠳᠠᠳᠠᠭ᠃ ᠭᠠᠨᠵᠤᠭᠠ ᠶᠢ ᠵᠢᠭᠳᠡ ᠰᠢᠭ ᠬᠢᠪᠡᠯ ᠡᠮᠡᠭᠡᠯ ᠤᠨ ᠦᠩᠭᠡ ᠦᠵᠡᠮᠵᠢ ᠶᠢ ᠭᠤᠶᠣ | ᠪᠣᠯᠭᠠᠬᠤ ᠶᠢᠨ ᠬᠠᠮᠳᠣ ᠣᠯᠠᠨ ᠬᠡᠷᠡᠭᠴᠡᠭᠡᠨ ᠳᠤ ᠪᠠᠬᠢᠯᠢᠭ᠌ ᠪᠠᠶᠢᠳᠠᠭ᠃ | ᠵᠦᠪ ᠲᠠᠯᠠ ᠶᠢᠨ ᠡᠮᠦᠨᠡ ᠭᠠᠨᠵᠤᠭᠠ ᠠᠴᠠ ᠲᠠᠰᠢᠭᠤᠷ ᠵᠢᠯᠣᠭᠤ ᠪᠠᠨ ᠣᠶᠠᠬᠤ᠂ ᠠᠷᠣ ᠬᠤᠶᠠᠷ | ᠭᠠᠨᠵᠤᠭᠠ ᠪᠠᠷ ᠠᠴᠢᠶᠠ ᠰᠠᠪᠠ᠂ ᠳ᠋ᠠᠯᠢᠶᠠᠷ ᠲᠠᠷᠣᠭᠤᠯᠬᠤ ᠂ ᠪᠣᠷᠣᠭᠤ ᠲᠠᠯᠠ ᠶᠢᠨ ᠠᠷᠣ ᠭᠠᠨᠵᠣᠭᠠᠨ ᠠᠴᠠ | ᠴᠢᠳᠦᠷ ᠤᠨ ᠲᠠᠳᠠᠭᠠᠰᠣ᠂ ᠲᠡᠭᠡᠰᠦ ᠨᠣᠭᠳᠣ ᠵᠡᠷᠭᠡ ᠶᠢ ᠣᠶᠠᠬᠤ ᠵᠡᠷᠭᠡ ᠪᠠᠷ ᠭᠡᠷᠡᠭᠯᠡᠨᠡ᠂ ᠡᠮᠨᠢᠭ ᠰᠣᠷᠭᠠᠬᠤ ᠳᠤ ᠴᠤ | ᠭᠠᠨᠵᠤᠭᠠ ᠣᠨᠴᠠ ᠶᠢᠨ ᠶᠡᠭᠡ ᠲᠣᠰᠠᠳᠠᠢ᠃ | ᠬᠠᠳᠠᠪᠴᠢᠨ ᠤ ᠭᠠᠳᠠᠷ ᠢᠷᠮᠡᠭ ᠠᠴᠠ ᠲᠤᠳᠣᠭᠰᠢ 3cm ᠤᠨ ᠣᠷᠴᠢᠮ ᠤᠷᠳᠣ ᠲᠦᠷᠪᠡᠯᠵᠢᠨ ᠨᠦᠬᠡ | ᠭᠠᠷᠭᠠᠵᠣ᠂ ᠲᠡᠬᠦᠨ ᠠᠴᠠ ᠲᠦᠷᠦᠭᠡᠨ ᠰᠣᠷ ᠬᠤᠯᠪᠣᠵᠣ᠂ ᠲᠦᠷᠦᠭᠡ ᠪᠠᠨ ᠲᠡᠬᠦᠵᠢᠯᠡᠨᠡ᠃ ᠪᠦᠬᠦᠷᠭᠡ ᠶᠢᠨ ᠲᠣᠳᠤᠷ | ᠲᠠᠯᠠ ᠳᠤ ᠲᠣᠣᠷᠠᠳᠣ ᠦᠵᠦᠭᠦᠷ ᠠᠴᠠ ᠲᠡᠭᠡᠭᠰᠢ 3.5cm ᠤᠨ ᠣᠷᠴᠢᠮ ᠡᠮᠦᠨᠡ ᠬᠤᠶᠢᠨᠡ ᠪᠦᠬᠦᠷᠭᠡ | ᠲᠣᠰᠪᠦᠷᠢ ᠶᠢᠨ ᠦᠣᠶᠠᠷ ᠲᠠᠯᠠ ᠳᠤ ᠨᠢᠬᠡ ᠨᠦᠬᠡ ᠭᠠᠷᠭᠠᠵᠣ᠂ ᠣᠯᠣᠩ ᠵᠢᠷᠢᠮ ᠤᠨ ᠣᠭᠰᠠᠭᠠ ︵ᠪᠠᠰᠠ | ᠣᠭᠴᠣᠷᠠᠭᠠ ᠭᠡᠵᠣ ᠨᠡᠷᠡᠯᠡᠳᠡᠭ︶ ᠲᠠᠳᠠᠨᠠ᠃ ᠡᠮᠡᠭᠡᠯ ᠤᠨ ᠰᠠᠭᠤᠳᠠᠯ ᠤᠨ ᠭᠤᠣᠯ ᠲᠦᠪ ᠲᠤ ᠲᠦᠷᠪᠡᠯᠵᠢᠨ | ᠲᠦᠷᠰᠦ ᠪᠦᠬᠦᠢ ᠲᠦᠷᠪᠡᠨ ᠨᠦᠬᠡ ᠴᠣᠭᠤᠯᠵᠣ ᠲᠠᠷᠣᠯᠭᠠ ᠲᠠᠳᠠᠬᠤ ᠳᠤ ᠬᠡᠷᠡᠭᠯᠡᠨᠡ᠃ | ᠲᠠᠷᠣᠯᠭᠠ ᠪᠠᠭᠠᠪᠣᠷ᠄ ᠡᠮᠡᠭᠡᠯ ᠤᠨ ᠰᠠᠭᠤᠳᠠᠯ ᠳᠤ ᠲᠡᠪᠰᠡ ᠶᠢ ᠲᠠᠷᠣᠭᠤᠯᠵᠣ ᠬᠢᠬᠦ ᠲᠠᠪᠠᠭ ᠢ ᠲᠠᠷᠣᠯᠭᠠ | ᠭᠡᠨᠡ᠃ ᠲᠠᠷᠣᠯᠭᠠ ᠶᠢ ᠮᠦᠩᠬᠦ᠂ ᠭᠠᠣᠯᠢ᠂ ᠵᠢᠩ ᠲᠠᠢ ᠯᠠᠨ ᠪᠣᠶᠣ ᠴᠠᠶᠢᠷ ᠢᠶᠠᠷ ᠴᠢᠳᠬᠤᠨ ᠬᠢᠳᠡᠭ᠃ ᠡᠷᠪᠡᠬᠡᠢ᠂ | ᠪᠠᠳᠮᠠ ᠯᠢᠩᠬᠸᠠ ᠴᠡᠴᠡᠭ᠂ ᠪᠠᠭᠪᠠᠭ᠋ᠠᠢ ᠵᠡᠷᠭᠡ ᠬᠡ ᠣᠷᠠᠯᠠᠯ ᠲᠠᠢ ᠬᠠᠮᠤᠭ ᠡᠩ ᠤᠨ ᠲᠠᠷᠣᠯᠭᠠ ᠴᠤ ᠬᠡᠳ | ᠮᠦᠩᠬᠦᠨ ᠵᠣᠭᠤᠰ ᠮᠡᠳᠦ ᠲᠣᠭᠤᠷᠢᠭ ᠬᠢᠴᠡ ᠲᠠᠢ ᠪᠠᠶᠢᠳᠠᠭ᠃ | ᠡᠮᠡᠭᠡᠯ ᠤᠨ ᠬᠠᠳᠠᠪᠴᠢᠨ ᠤ ᠬᠤᠶᠢᠳᠣ ᠬᠡᠰᠡᠭ ᠲᠤ ᠭᠠᠨᠵᠤᠭᠠ ᠬᠤᠳᠠᠷᠭᠠᠨ ᠤ ᠣᠭ᠌ ᠲᠤ ᠬᠠᠳᠬᠤᠬᠤ ᠭᠤᠶᠣ | ᠬᠢᠴᠡᠲ᠋ᠠᠢ ᠴᠢᠮᠡᠭ ᠢ ᠪᠠᠭᠠᠪᠣᠷ ᠭᠡᠳᠡᠭ᠃ ᠪᠠᠭᠠᠪᠣᠷ ᠢ ᠮᠦᠩᠬᠦ᠂ ᠭᠠᠣᠯᠢ᠂ ᠲᠡᠮᠦᠷ᠂ ᠴᠠᠶᠢᠷ ᠢᠶᠠᠷ ᠣᠷᠠᠯᠠᠳᠠᠭ᠃ | | ᠲᠠᠷᠬᠠᠨ ᠡᠮᠡᠭᠡᠯ ᠤᠨ ᠮᠣᠳᠣ ᠶᠢ ᠣᠯᠠᠭᠠᠨ ᠰᠢᠷᠭᠠᠯ ᠦᠩᠭᠡ ᠪᠠᠷ ᠰᠢᠷᠳᠡᠳᠡᠭ ᠨᠢ ᠣᠯᠠᠨ᠃ ᠮᠢᠩᠭᠠ | ᠶᠢᠰᠦᠨ ᠵᠠᠭᠤ ᠲᠠᠪᠢᠭᠠᠳ ᠣᠨ ᠤ ᠦᠶᠡᠰ ᠢᠶᠠᠷ ᠡᠬᠢᠯᠡᠵᠣ ᠲᠠᠷᠬᠠᠨ ᠨᠣᠳᠤᠭ ᠲᠤ ᠮᠠᠶᠤᠤᠵᠠ ᠬᠡᠷᠡᠭᠯᠡᠬᠦ ᠪᠣᠯᠵᠤ᠂ | ᠲᠡᠬᠦᠨ ᠠᠴᠠ ᠡᠮᠦᠨᠡ ᠴᠠᠮᠪᠠᠨᠲ᠋ᠡᠪᠰᠡ ᠭᠡᠵᠣ ᠬᠡᠷᠡᠭᠯᠡᠳᠡᠭ᠃ ᠴᠠᠮᠪᠠᠨ ᠲᠡᠪᠰᠡᠭᠡᠵᠣ ᠠᠷᠠᠰᠣᠨ ᠬᠤᠯᠳᠠᠭᠠᠰᠣ ᠶᠢᠨ | ᠲᠡᠭᠡᠷᠡ ᠢᠰᠡᠭᠡᠢ ᠶᠢ ᠨᠢᠮᠭᠡᠯᠡᠵᠣ ᠴᠠᠮᠪᠠᠨ ᠲᠣᠷᠭᠠ ᠪᠠᠷ ᠦᠩᠭᠡᠯᠡᠭᠡᠳ ᠬᠢᠷᠠ ᠶᠢᠨ ᠲᠣᠳᠤᠷ ᠢᠷᠮᠡᠭ ᠲᠠᠢ | ᠵᠡᠷᠭᠡᠴᠡᠬᠦᠯᠦᠨ ᠪᠠᠶᠢᠵᠣ ᠪᠦᠷᠢᠨ ᠨᠠᠭᠠᠵᠣ ᠲᠠᠷᠣᠯᠭᠠ ᠪᠠᠷ ᠲᠠᠷᠣᠬᠤ ᠶᠢ ᠬᠡᠯᠡᠨᠡ ᠃ ᠮᠠᠶᠤᠤᠵᠠ ᠶᠢ | ᠪᠠᠰᠠᠣᠯᠣᠩᠴᠤᠭ ᠮᠠᠶᠤᠤᠵᠠ ᠭᠡᠳᠡᠭ᠃ ᠮᠠᠶᠤᠤᠵᠠ ᠬᠢᠭᠰᠡᠨ ᠡᠮᠡᠭᠡᠯ ᠳᠤ ᠬᠦᠮᠦᠨ ᠰᠠᠭᠤᠬᠤ ᠳᠤ ᠨᠣᠬᠤᠬᠤ ᠦᠭᠡᠢ᠂ | ᠬᠤᠯᠭᠤᠬᠤ ᠦᠭᠡᠢ ᠵᠦᠭᠡᠯᠡᠨ ᠪᠠᠶᠢᠳᠠᠭ ᠣᠨᠴᠠᠯᠢᠭ ᠲᠠᠢ᠃ | ᠵᠢᠷᠠᠭᠠᠳ ᠣᠨ ᠠᠴᠠ ᠡᠬᠢᠯᠡᠵᠣ ᠬᠠᠶᠢᠷᠴᠠᠭ ᠣᠭᠠᠯᠵᠠ ᠲᠠᠢ ᠲᠣᠭᠤᠢ ᠪᠠᠰᠠ ᠲᠡᠪᠢᠰᠭᠡᠷ ᠭᠡᠨᠡ᠃ ᠬᠦᠯᠢᠮ | ᠲᠠᠢ ᠠᠳᠠᠯᠢ ᠬᠢᠪᠢᠭ᠂ ᠪᠣᠯᠢᠭᠠᠷᠢ᠂ ᠰᠢᠷᠢ ᠪᠠᠷ ᠬᠢᠳᠡᠭ ᠃ | ᠣᠯᠤᠩ ᠢ ᠠᠳᠣᠭᠤᠨ ᠤ ᠬᠦᠭᠡᠪᠦᠷ᠂ ᠲᠡᠮᠡᠭᠡᠨ ᠤ ᠨᠤᠤᠰᠣ ᠪᠠᠷ ᠲᠠᠮᠣᠵᠣ᠂ ᠲᠡᠭᠦᠨ ᠢᠶᠠᠨ ᠲᠦᠷᠪᠡ ᠪᠣᠶᠣ | ᠵᠢᠷᠭᠤᠭᠠ ᠪᠠᠷ ᠡᠩᠨᠡᠬᠦᠯᠦᠨ ᠰᠢᠷᠢᠵᠣ ᠬᠢᠨᠡ᠃ ᠰᠠᠶᠢᠨ ᠰᠣᠷ ᠢ ᠵᠦᠰᠦᠵᠣ ᠰᠦᠯᠵᠢᠨ ᠬᠢᠭᠰᠡᠨ ᠣᠯᠤᠩ ᠢ ᠰᠢᠷᠢᠮᠡᠯ | ᠤᠯᠤᠩ ᠭᠡᠳᠡᠭ᠃ ( ᠦᠪᠦᠷ ᠮᠣᠩᠭᠤᠯᠴᠣᠳ ᠰᠣᠷ ᠣᠯᠣᠩ ᠭᠡᠳᠡᠭ) ᠣᠯᠣᠩ ᠢ ᠮᠣᠷᠢᠨ ᠤ ᠪᠣᠷᠣᠭᠤ ᠲᠠᠯᠠ ᠶᠢᠨ | ᠡᠮᠡᠭᠡᠯ ᠤᠨ ᠡᠮᠦᠨᠡ ᠬᠤᠶᠢᠳᠣ ᠣᠭᠰᠠᠭᠠ ᠠᠴᠠ ᠲᠣᠰᠪᠣᠷᠢ ᠨᠢᠭᠡ ᠵᠠᠩᠬᠢᠳᠴᠤ᠂ ᠮᠣᠷᠢᠨ ᠴᠡᠭᠡᠵᠢ ᠪᠠ ᠴᠠᠪᠢ ᠶᠢᠨ | ᠡᠮᠦᠨᠡᠬᠦᠷ ᠲᠠᠳᠠᠵᠣ᠂ ᠵᠦᠪ ᠲᠠᠯᠠ ᠶᠢᠨ ᠬᠤᠶᠠᠷ ᠵᠢᠷᠢᠮ ᠢ ᠣᠯᠣᠩ ᠤᠨ ᠠᠷᠠᠯ ᠳᠤ ᠰᠢᠷᠭᠤᠭᠤᠯᠵᠣ ᠲᠠᠳᠠᠵᠣ | ᠴᠢᠩᠭᠠᠯᠠᠨᠠ᠃ | ᠵᠢᠷᠢᠮ ᠢ ᠨᠠᠷᠢᠨ ᠰᠤᠷ ᠢᠶᠠᠷ ᠲᠦᠷᠪᠡᠯᠵᠢᠯᠡᠨ ᠪᠠᠬᠢᠯᠡᠵᠣ᠂ ᠵᠦᠪ ᠲᠠᠯᠠ ᠶᠢᠨ ᠡᠮᠦᠨᠡ ᠬᠤᠶᠢᠨᠠ | ᠣᠭᠰᠠᠭᠠ ᠠᠴᠠ ᠲᠣᠰᠪᠣᠷᠢ ᠨᠢᠭᠡ ᠵᠠᠩᠭᠢᠳᠴᠣ ᠂ ᠲᠡᠬᠦᠨ ᠤ ᠲᠡᠭᠡᠭᠦᠷ ᠬᠠᠷᠠᠪᠴᠢ ᠪᠠᠷ ᠲᠠᠷᠣᠨᠠ᠃ | ᠮᠣᠩᠭᠤᠯᠴᠣᠳ ᠤᠨ ᠲᠦᠷᠦᠭᠡ ᠶᠢ ᠡᠩ ᠤᠨ ᠬᠡᠷᠡᠭᠴᠡᠭᠡᠨ ᠤ ᠲᠦᠷᠦᠭᠡ᠂ ᠨᠠᠶᠢᠷ ᠨᠠᠭᠠᠳᠣᠮ ᠳᠤ ᠬᠡᠷᠡᠭᠯᠡᠬᠦ | ᠲᠦᠷᠦᠭᠡ ᠭᠡᠵᠣ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠡᠩ ᠤᠨ ᠬᠡᠷᠡᠭᠴᠡᠭᠡᠨ ᠤ ᠲᠦᠷᠦᠭᠡᠨ ᠳᠤ ᠡᠷᠲᠡᠨ ᠤ ᠣᠪᠣᠭ ᠠᠶᠢᠮᠠᠭ ᠤᠨ | ᠬᠢᠭᠰᠡᠨ ᠪᠦᠳᠦᠬᠦᠯᠢᠭ ᠲᠡᠭᠡᠰᠦᠨ ᠲᠦᠷᠦᠭᠡ ᠂ ᠮᠣᠳᠣᠨ ᠲᠦᠷᠦᠭᠡ ᠂ ᠶᠠᠰᠤ᠂ ᠡᠪᠡᠷ ᠵᠡᠷᠭᠡ ᠲᠦᠷᠦᠭᠡ | ᠪᠠᠶᠢᠳᠠᠭ ᠠᠴᠠ ᠡᠩ ᠤᠨ ᠲᠡᠮᠦᠷ ᠲᠦᠷᠦᠭᠡ᠂ ᠭᠠᠣᠯᠢᠨ ᠲᠦᠷᠦᠭᠡ ᠰᠠᠪᠬᠠ ᠲᠡᠮᠦᠷ ᠢᠶᠠᠷ ᠬᠢᠭᠰᠡᠨ ᠬᠠᠪᠢᠷᠭᠠᠨ | ᠲᠦᠷᠦᠭᠡ ᠶᠢ ᠭᠤᠣᠯ ᠣᠷᠣᠯᠳᠣᠭᠠᠨ ᠳᠤ ᠬᠡᠷᠡᠭᠯᠡᠳᠡᠭ᠃ | ᠲᠦᠷᠦᠭᠡ᠄ ᠰᠡᠨᠵᠢ ︵ᠰᠣᠷ ᠤᠨ ᠰᠦᠪᠡ︶᠂ ᠬᠠᠪᠢᠷᠭᠠ ︵ ᠴᠠᠭᠠᠷᠢᠭ︶ ᠂ ᠭᠠᠨᠵᠣᠭᠠᠨ ᠤ ᠰᠦᠪᠡᠭᠴᠢ | ᠬᠡᠷᠡᠭᠯᠡᠬᠦ ᠪᠣᠯᠵᠤ᠂ ᠰᠠᠩᠬᠢᠶᠣ ᠬᠦᠯᠢᠮ ᠲᠠᠭᠠᠷᠠᠭᠤᠯᠵᠣ ᠡᠳ᠋ᠯᠡᠳᠡᠭ ᠪᠠᠶᠢᠭᠰᠠᠨ᠃ | ᠬᠢᠷᠠ ᠶᠢ ᠮᠦᠩᠬᠦ ᠂ ᠭᠠᠣᠯᠢ᠂ ᠴᠠᠶᠢᠷ ᠵᠡᠷᠭᠡ ᠲᠡᠮᠦᠷᠯᠢᠭ ᠢᠶᠠᠷ ᠡᠮᠡᠬᠡᠯ ᠤᠨ ᠪᠦᠬᠦᠷᠭᠡ ᠶᠢᠨ ᠢᠷᠮᠡᠭ ᠢ | ᠲᠠᠷᠣᠭᠤᠯᠵᠣ ᠬᠢᠪᠡᠯ ᠪᠦᠭᠡ ᠪᠣᠯᠬᠤ ᠮᠦᠷᠳᠡᠭᠡᠨ ᠶᠠᠩᠵᠣᠯᠢᠭ ᠪᠠᠶᠢᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠲᠡᠮᠡᠭᠡᠨ ᠤ ᠶᠠᠰᠣ ᠪᠠᠷ ᠴᠤ | ᠬᠢᠷᠠ ᠬᠠᠶᠢᠵᠣ᠂ ᠠᠯᠤᠬᠠ ᠬᠡ᠂ ᠣᠭᠠᠯᠵᠠ ᠬᠡ ᠵᠡᠷᠬᠡ ᠶᠢ ᠰᠡᠶᠢᠯᠵᠣ ᠣᠷᠠᠯᠠᠳᠠᠭ᠃ | ᠬᠦᠯᠢᠮ ᠪᠣᠯ ᠲᠦᠷᠦᠭᠡᠨ ᠰᠣᠷ ᠮᠣᠷᠢᠨ ᠤ ᠭᠡᠳᠡᠰᠦ ᠶᠢ ᠬᠤᠯᠭᠤᠬᠤ ᠪᠣᠶᠤ ᠮᠣᠷᠢᠨ ᠤ ᠬᠦᠯᠦᠰᠦᠨ ᠳᠤ | ᠬᠤᠪᠴᠠᠰᠤ ᠪᠤᠬᠢᠷᠳᠣᠬᠤ ᠵᠡᠷᠭᠡ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠤᠯᠠᠳᠠ ᠬᠢᠭᠰᠡᠨ ᠡᠮᠡᠭᠡᠯ ᠤᠨ ᠬᠡᠷᠡᠭᠰᠡᠯ᠃ ᠬᠦᠯᠢᠮ ᠢ | ᠲᠣᠬᠤᠮ ᠤᠨ ᠲᠡᠭᠡᠷᠡ᠂ ᠡᠮᠡᠭᠡᠯ ᠤᠨ ᠮᠣᠳᠣᠨ ᠤ ᠲᠣᠣᠷᠠ ᠲᠠᠭᠠᠷᠠᠭᠤᠯᠳᠠᠭ᠃ ᠠᠷᠠᠰᠣ᠂ ᠰᠢᠷᠢ᠂ ᠪᠣᠯᠢᠭᠠᠷᠢ ᠂ | ᠬᠢᠪᠢᠭ ᠵᠡᠷᠭᠡ ᠪᠠᠷ ᠬᠢᠳᠡᠭ᠃ ᠡᠳ᠋ᠯᠡᠭᠡᠨ ᠤ ᠬᠤᠪᠢ ᠳᠤ ᠰᠢᠷᠢ᠂ ᠪᠣᠯᠢᠭᠠᠷᠢ ᠬᠦᠯᠢᠮ ᠪᠦᠬᠡ ᠪᠠᠶᠢᠳᠠᠭ᠃ | ᠲᠣᠬᠤᠮ ᠢ ᠨᠢ ᠭᠤᠣᠯᠳᠠᠭᠤ ᠵᠣᠵᠠᠭᠠᠨ ᠢᠰᠡᠭᠡᠢ ᠪᠠᠷ ᠬᠠᠶᠢᠵᠣ᠂ ᠮᠣᠷᠢᠨ ᠳᠤ ᠡᠮᠡᠭᠡᠯ ᠲᠣᠬᠤᠬᠤ ᠳᠤ | ᠬᠠᠳᠠᠪᠴᠢ ᠮᠣᠳᠣ ᠨᠢ ᠮᠣᠷᠢᠨ ᠤ ᠨᠢᠷᠣᠭᠤ ᠶᠢ ᠬᠤᠯᠭᠤᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠪᠣᠶᠣ ᠮᠣᠷᠢᠨ ᠤ ᠨᠢᠷᠤᠭᠤᠨ ᠤ | ᠬᠦᠯᠦᠰᠦ ᠰᠢᠩᠭᠡᠬᠦ ᠳᠤ ᠵᠣᠷᠢᠭᠤᠯᠣᠨᠠ᠃ᠲᠣᠬᠤᠮ ᠢ ᠬᠢᠬᠦ ᠳᠤ ᠪᠡᠨᠡᠮᠦᠨᠡᠢᠷᠮᠡᠭ ᠢ ᠬᠤᠶᠢᠳᠣ ᠢᠷᠮᠡᠭ ᠠᠴᠠ ᠪᠠᠨ | ᠵᠣᠵᠠᠭᠠᠨ ᠪᠠᠶᠢᠯᠭᠠᠵᠣ᠂ ᠡᠮᠡᠭᠡᠯ ᠢ ᠮᠣᠷᠢᠨ ᠤ ᠨᠢᠷᠤᠭᠤᠨ ᠳᠤ ᠲᠣᠭᠳᠠᠪᠦᠷᠢᠳᠠᠢ ᠪᠠᠶᠢᠯᠭᠠᠬᠤ ᠶᠢ ᠪᠠᠳᠣᠯᠠᠨᠠ᠃ | | ᠬᠠᠷᠠᠪᠴᠢ ᠪᠣᠯ ᠬᠦᠯ ᠬᠤᠯᠭᠤᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ ᠲᠦᠷᠦᠭᠡᠨ ᠰᠣᠷ ᠢ ᠲᠠᠷᠣᠬᠤ ᠳᠤ ᠪᠡᠯᠡᠳᠬᠡᠭᠰᠡᠨ | ᠵᠦᠢᠯ᠃ ᠴᠠᠬᠠᠷᠴᠣᠳ ᠬᠠᠪᠴᠢᠭ ᠭᠡᠨᠡ᠃ ᠲᠦᠷᠦᠭᠡᠨ ᠤ ᠲᠣᠯᠢ ︵ᠲᠠᠪᠠᠭ︶᠂ ᠲᠦᠷᠦᠭᠡᠨ ᠤ ᠵᠠᠭᠠ ︵ᠲᠡᠭᠡᠳᠦ | ᠤᠭᠠᠯᠵᠠ︶ ᠠᠴᠠ ᠪᠦᠷᠢᠯᠳᠦᠳᠡᠭ᠃ ᠲᠦᠷᠦᠭᠡ ᠶᠢ ᠲᠦᠷᠦᠭᠡᠨ ᠰᠣᠷ ᠲᠤ ᠡᠯᠬᠦᠵᠣ᠂ ᠣᠨᠣᠭᠠᠴᠢ ᠦᠪᠡᠷ ᠤᠨ ᠬᠦᠯ᠂ | ᠨᠢᠷᠤᠭᠤᠨ ᠤ ᠪᠠᠨ ᠡᠪ ᠢᠶᠠᠷ ᠲᠡᠩᠴᠡᠬᠦᠯᠦᠨ ᠣᠷᠳᠣ ᠶᠢ ᠲᠣᠭᠳᠠᠭᠠᠳᠠᠭ᠃ | |