ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠠᠯᠳᠠᠨᠬᠤᠩᠭᠤᠷ ᠤᠨ ᠰᠣᠨᠣᠰᠬᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-07-09
ᠳᠠᠭᠤᠳᠥ ᠨᠤᠳᠤᠭ ᠤᠨ ᠴᠤᠤᠳᠥ ᠣᠪᠣᠭ᠎ᠠ      ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠣᠭᠠᠳᠥ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤᠨ ᠤ ᠵᠢᠪᠬᠤᠯᠠᠩᠳᠥ ᠭᠠᠴᠠᠭᠠᠨ ᠤ ᠬᠤᠶᠢᠳᠥ ᠪᠠᠶ᠎ᠡ ᠪᠠᠷ ᠰᠥᠨᠳᠡᠷᠯᠡᠵᠥ ᠪᠠᠶᠢᠭ᠎ᠠ ᠳᠤᠰ ᠣᠪᠣᠭ᠎ᠠ ᠶᠢ ᠨᠤᠳᠤᠭ ᠤᠨ ᠤᠯᠠᠨ ᠠᠯᠳᠠᠨᠬᠤᠩᠭᠤᠷ ᠣᠪᠣᠭ᠎ᠠ ᠭᠡᠵᠥ ᠨᠡᠷᠡᠯᠡᠨ᠂ ᠦᠶ᠎ᠡ ᠣᠯᠠᠷᠢᠨ ᠳᠠᠬᠢᠭᠰᠠᠭᠠᠷ ᠢᠷᠡᠵᠡᠢ᠃      ᠠᠯᠳᠠᠨᠬᠤᠩᠭᠤᠷ ᠣᠪᠣᠭ᠎ᠠ ᠭᠡᠵᠥ ᠭᠠᠵᠡᠷ ᠤᠨ ᠥᠨᠳᠦᠷᠯᠢᠭ ᠲᠤ ᠪᠠᠶᠢᠷᠢᠯᠠᠭᠰᠠᠨ᠂ ᠡᠷᠭᠢᠨ ᠳᠤᠭᠤᠷᠢᠨ ᠬᠤᠩᠬᠤᠷ ᠳᠣᠪᠦ ᠳᠣᠯᠣᠭᠤᠳ ᠦᠷᠭᠦᠯᠵᠢᠯᠡᠵᠥ᠂ ᠬᠤᠶᠢᠰᠢ ᠪᠠᠨ ᠮᠣᠩᠭᠤᠯ ᠤᠯᠤᠰ ᠤᠨ ᠳᠣᠷᠣᠨ᠎ᠠ ᠭᠤᠪᠢ ᠠᠶᠢᠮᠠᠭ  ᠤᠨ ᠬᠠᠳᠠᠨᠪᠤᠯᠠᠭ ᠰᠤᠮᠤᠨ ᠤ ᠠᠭᠤᠯᠠ ᠳᠣᠯᠣᠭᠤᠳ ᠴᠡᠩᠭᠡᠷᠯᠡᠨ ᠬᠠᠷᠠᠭᠳᠠᠵᠤ᠂ ᠵᠡᠭᠦᠨᠰᠢ ᠪᠠᠨ ᠮᠠᠨᠳᠥᠯ ᠪᠠᠯᠭᠠᠰᠤ᠂ ᠪᠠᠷᠠᠭᠤᠨᠰᠢ ᠪᠠᠨ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ᠤᠷᠠᠳ ᠤᠨ ᠳᠤᠮᠳᠠᠳᠥ ᠬᠤᠰᠢᠭᠤᠨ ᠤ ᠨᠤᠳᠤᠭ ᠪᠠᠯᠴᠢᠭᠡᠷ ᠲᠠᠢ ᠵᠠᠯᠭᠠᠯᠳᠤᠭᠰᠠᠨ ᠰᠥᠷᠯᠢᠭ ᠰᠠᠶᠢᠬᠠᠨ ᠭᠠᠵᠠᠷ ᠶᠤᠮ᠃      ᠨᠣᠳᠤᠭ ᠤᠨ ᠳᠣᠮᠣᠭᠠᠳᠠᠳ ᠠᠴᠠ ᠰᠣᠨᠣᠰᠬᠤ ᠳᠤ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠠᠴᠠ ᠬᠤᠶᠢᠰᠢ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠣᠨ ᠤ ᠠᠬᠠᠮᠠᠳ ᠳᠣᠶᠣᠳ ᠨᠠᠷ ᠠᠴᠠ ᠳᠣᠰ ᠣᠪᠣᠭ᠎ᠠ ᠶᠢ ᠰᠡᠷᠭᠦᠭᠡᠨ ᠳᠡᠬᠢᠵᠥ ᠣᠳᠣ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠳᠡᠥᠬᠡᠨ ᠠᠴᠠ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠥ ᠬᠤᠰᠢᠭᠤ᠂ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ᠬᠤᠷᠳᠤᠨ ᠮᠣᠷᠢ᠂ ᠰᠠᠶᠢᠨ ᠪᠥᠬᠡ ᠣᠯᠠᠨ ᠴᠣᠭᠯᠠᠷᠠᠳᠠᠭ ᠤᠪᠤᠭ᠎ᠠ ᠪᠠᠶᠢᠵᠠᠢ᠃      ᠣᠳᠥ ᠪᠤᠯᠬᠤ ᠳᠤ ᠣᠪᠣᠭᠠᠨ ᠤ ᠡᠩᠭᠡᠷ ᠬᠤᠷᠮᠤᠢ ᠪᠠᠷ ᠨᠣᠳᠣᠭᠰᠢᠭᠰᠠᠨ ᠨᠣᠳᠤᠭ ᠤᠨ ᠮᠠᠯᠴᠢ᠊ ᠨᠠᠶᠢᠳᠠ ᠳᠡᠪᠢᠭᠠᠳ ᠡᠷᠥᠭᠡ ᠪᠠᠶᠢᠵᠤ᠂ ᠵᠢᠯ ᠪᠤᠯᠭᠠᠨ ᠤ ᠬᠠᠭᠤᠴᠢᠨ ᠤ ᠳᠠᠪᠤᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤ ᠡᠳᠥᠷ ᠡᠭᠡᠯᠵᠢᠯᠡᠨ ᠳᠡᠬᠢᠵᠥ᠂ ᠣᠪᠣᠭᠠᠨ ᠤ ᠮᠤᠷᠢ᠂ ᠪᠥᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠳᠡᠷᠢᠭᠦᠨ ᠳᠤ ᠳᠠᠭ᠎ᠠ ᠶᠢᠨ ᠱᠠᠩ ᠥᠭᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃
            ᠵᠢᠯ ᠤᠨ ᠬᠤᠶᠠᠷ ᠳᠠᠭ᠎ᠠ      ᠬᠤᠷᠢᠨ ᠵᠢᠯ ᠤᠨ ᠳᠥᠴᠢᠨ ᠳᠠᠭ᠎ᠠ ᠶᠢᠨ ᠤᠴᠢᠷ      ᠠᠯᠳᠠᠨᠬᠤᠩᠭᠤᠷ ᠣᠪᠣᠭᠠᠨ ᠳᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠤᠨ ᠮᠣᠷᠢ ᠪᠥᠭᠡ ᠶᠢᠨ ᠳᠡᠷᠢᠭᠦᠨ ᠱᠠᠩ ᠳᠤ ᠳᠤᠰ ᠳᠤᠰ ᠨᠢᠭᠡ ᠳᠠᠭ᠎ᠠ ᠱᠠᠩᠨᠠᠵᠥ᠂ ᠬᠤᠷᠢᠨ ᠵᠢᠯ ᠳᠠᠷᠠᠭᠠᠯᠠᠨ ᠳᠥᠴᠢᠨ ᠳᠠᠭ᠎ᠠ ᠬᠠᠨᠳᠢᠪᠯᠡᠨ ᠱᠠᠩᠨᠠᠨ᠎ᠠ ᠭᠡᠵᠥ ᠬᠤᠶᠡᠷᠳᠡᠬᠢ ᠵᠢᠯ  ᠢᠶᠠᠨ ᠱᠠᠩᠨᠠᠵᠤ ᠪᠠᠶᠢᠭ᠎ᠠ ᠡᠨᠡ ᠬᠥᠮᠥᠨ ᠢ ᠤᠳᠬᠤᠨᠰᠡᠩᠭᠡ ᠭᠡᠳᠡᠭ᠃2019 ᠣᠨ ᠳᠤ ᠪᠥᠬᠦ ᠣᠷᠣᠨ ᠤ ︽ᠮᠠᠩᠯᠠᠢ ᠣᠶᠠᠭᠠᠴᠢ︾ ᠴᠤᠯᠠ ᠶᠢ ᠭᠥᠷᠳᠡᠭᠰᠡᠨ ᠤᠳᠬᠤᠨᠰᠡᠩᠭᠡ ᠡᠨᠡ ᠳᠠᠩᠰᠤᠭ ᠨᠣᠳᠤᠭ ᠤᠨ ᠢᠶᠠᠨ ᠭᠡᠰᠢᠭ ᠵᠠᠶᠠᠭᠠᠨ ᠳᠤ ᠮᠥᠭᠦᠶᠢᠨ ᠳᠠᠯᠠᠷᠬᠠᠵᠥ᠂ ᠪᠤᠶᠠᠨᠳᠥ ᠪᠤᠭᠤᠷᠤᠯ ᠤᠨ ᠢᠶᠠᠨ ᠬᠤᠶᠢᠨ᠎ᠠ ᠠᠴᠠ ᠳᠠᠭᠠᠳᠬᠠᠨ ᠮᠥᠷᠭᠦᠵᠥ᠂ ᠮᠥᠨᠴᠥ ᠨᠤᠳᠤᠭ ᠤᠨ ᠣᠯᠠᠨ ᠳᠥᠮᠡᠨ ᠳᠡᠭᠡᠨ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠵᠤ ᠶᠠᠪᠥᠳᠠᠭ ᠴᠢᠩ ᠦᠨᠡᠨᠴᠢ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠷᠭᠡᠶᠢᠯᠡᠨ᠂ ᠳᠡᠭᠡᠳᠥᠰ ᠤᠨ ᠢᠶᠠᠨ ᠳᠡᠬᠢᠵᠥ ᠰᠢᠳᠥᠭᠰᠡᠭᠡᠷ ᠢᠷᠡᠭᠰᠡᠨ ᠣᠪᠣᠭᠠᠨ ᠳᠤ ᠡᠨᠡᠬᠦ ᠬᠠᠨᠳᠢᠪ ᠤᠨ ᠠᠵᠢᠯᠯᠠᠭ᠎ᠠ ᠪᠠᠨ ᠡᠬᠢᠯᠡᠭᠦᠯᠥᠭᠰᠡᠨ ᠪᠠᠶᠢᠵᠠᠢ᠃ ᠢᠩᠭᠢᠵᠥ ᠨᠤᠳᠤᠭ ᠤᠰᠤ᠂ ᠠᠪᠦ ᠡᠵᠢ᠂ ᠨᠤᠳᠤᠭ ᠤᠨ ᠵᠤᠨ ᠣᠯᠠᠨ  ᠳᠠᠭᠠᠨ ᠭᠠᠷᠭᠠᠭᠰᠠᠨ ᠡᠭᠡᠯ ᠵᠢᠷ ᠤᠨ ᠮᠠᠯᠴᠢᠨ ᠬᠥᠮᠥᠨ ᠤ ᠡᠩ ᠦᠭᠡᠢ ᠶᠡᠭᠡ ᠰᠡᠳᠬᠢᠯ ᠤᠨ ᠪᠡᠯᠡᠭ ᠵᠢᠯ ᠤᠨ ᠬᠤᠶᠠᠷ ᠳᠠᠭ᠎ᠠ᠂ ᠬᠤᠷᠢᠨ ᠵᠢᠯ ᠤᠨ ᠳᠥᠴᠢᠨ ᠳᠠᠭ᠎ᠠ ᠪᠠᠷ ᠦᠷᠭᠦᠯᠵᠢᠯᠡᠵᠥ ᠪᠠᠶᠢᠭ᠎ᠠ ᠨᠢ ᠡᠨᠡ ᠪᠢᠯᠡ᠃
      ᠦᠨᠡᠨ ᠤ ᠪᠠᠭ᠋ᠠᠷᠬᠠᠯ      ᠪᠥᠬᠦ ᠣᠷᠣᠨ ᠤ ︽ᠮᠠᠩᠯᠠᠢ ᠣᠶᠠᠭᠠᠴᠢ︾᠂ ᠵᠠᠯᠠᠭᠤ ᠮᠠᠯᠴᠢᠨ ᠤᠳᠬᠤᠨᠰᠡᠩᠭᠡ ᠶᠢᠨ ᠨᠤᠳᠤᠭ ᠣᠰᠣ ᠪᠠᠨ ᠪᠠᠶᠠᠰᠬᠠᠵᠤ᠂ ᠬᠥᠮᠥᠨ ᠠᠷᠠᠳ ᠢᠶᠠᠨ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠡᠨᠡᠬᠦ ᠬᠠᠨᠳᠢᠪ ᠤᠨ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ᠦᠨᠡᠭᠡᠷ ᠮᠠᠯᠴᠢᠨ ᠬᠥᠮᠥᠨ ᠤ ᠪᠠᠭ᠋ᠠᠷᠬᠠᠯ᠂ ᠮᠣᠩᠭᠤᠯ ᠬᠥᠮᠥᠨ ᠤ ᠣᠮᠣᠭᠰᠢᠯ ᠪᠠᠶᠢᠯ᠎ᠠ᠃ ᠲᠠᠯ᠎ᠠ ᠲᠠᠯ᠎ᠠ ᠶᠢᠨ ᠬᠥᠴᠥᠨ ᠴᠢᠳᠠᠯ  ᠢᠶᠠᠨ ᠡᠷᠭᠦᠵᠥ᠂ ᠪᠥᠬᠦ ᠶᠠᠭᠤᠮ᠎ᠠ ᠶᠢ ᠰᠠᠶᠢᠨ ᠰᠠᠶᠢᠬᠠᠨ ᠪᠣᠯᠭᠠᠨ ᠶᠠᠪᠣᠳᠠᠭ ᠮᠤᠩᠭᠤᠯ ᠬᠥᠮᠥᠨ ᠤ ᠠᠷᠢᠭᠤᠨ ᠴᠢᠨᠠᠷ ᠢ ᠬᠠᠷᠠᠭᠤᠯᠵᠥ᠂ ᠦᠨᠡᠨ ᠰᠡᠳᠬᠢᠯ ᠤᠨ ᠬᠠᠶᠢᠷ᠎ᠠ ᠪᠠᠨ ᠡᠷᠭᠦᠭᠰᠡᠨ ᠤᠳᠬᠤᠨᠰᠡᠩᠭᠡ ᠶᠢᠨ ᠦᠢᠯᠡ ᠠᠵᠢᠯᠯᠠᠭ᠎ᠠ ᠦᠨᠡᠭᠡᠷ ᠪᠠᠭ᠋ᠠᠷᠬᠠᠭᠤᠰᠢᠳᠠᠢ︕ ᠬᠥᠮᠥᠨ ᠪᠥᠭᠦᠨ ᠡᠵᠡᠨ ᠬᠥᠮᠥᠨ ᠤ ᠬᠠᠷᠢᠭᠤᠴᠠᠯᠭᠠᠳᠥ ᠣᠪᠣᠷ ᠢᠶᠠᠷ ᠨᠤᠳᠤᠭ ᠤᠰᠤ ᠪᠠᠨ ᠬᠠᠶᠢᠷᠠᠯᠠᠵᠥ ᠬᠠᠮᠠᠭᠠᠯᠠᠵᠥ ᠪᠠᠶᠢᠬᠤ ᠬᠡᠷᠡᠭᠳᠠᠢ︕ ᠨᠣᠳᠤᠭ ᠣᠷᠣᠨ ᠤ ᠪᠠᠨ ᠬᠥᠮᠥᠨ ᠠᠷᠠᠳ ᠲᠤ ᠪᠠᠶᠠᠷᠯᠠᠵᠥ ᠳᠠᠯᠠᠷᠬᠠᠵᠥ ᠪᠠᠶᠢᠬᠤ ᠭᠡᠷᠡᠭᠳᠠᠢ︕ ᠡᠵᠡᠨ ᠲᠠᠢ ᠨᠣᠳᠤᠭ ᠥᠩᠭᠡᠯᠢᠭ᠂ ᠨᠣᠳᠤᠭ ᠲᠠᠢ ᠬᠥᠮᠥᠨ ᠣᠮᠣᠭᠯᠠᠩ ᠪᠠᠶᠢᠳᠠᠭ᠂ ᠬᠠᠶᠢᠷ᠎ᠠ ᠪᠠᠨ ᠡᠷᠭᠦᠵᠥ ᠬᠠᠷᠢᠯᠴᠠᠨ ᠳᠡᠮᠵᠢᠯᠴᠡᠭᠰᠡᠨ ᠬᠥᠮᠥᠨ᠂ ᠨᠤᠳᠤᠭ ᠣᠯᠠᠮ ᠣᠮᠣᠭᠯᠠᠩ ᠣᠯᠠᠮ ᠥᠩᠭᠡᠯᠢᠭ ᠪᠠᠶᠢᠬᠤ ᠣᠴᠢᠷᠳᠠᠢ︕
       ᠠᠯᠳᠠᠨᠬᠤᠩᠭᠤᠷ   ᠠᠴᠠ ᠳᠡᠪᠢᠭᠰᠡᠨ ᠠᠯᠳᠠᠷ       ᠳᠠᠷᠬᠠᠨ ᠨᠤᠳᠤᠭ ᠤᠨ ᠦᠨᠡᠨ ᠪᠢᠷ᠎ᠠ       ᠠᠳᠡᠨ ᠳᠡᠮᠡᠭᠡᠨ ᠠᠴᠠ ᠬᠥᠳᠥᠯᠥᠭᠰᠡᠨ ᠴᠤᠯᠠ       ᠳᠠᠶᠠᠭᠠᠷ ᠳᠠᠭᠤᠷᠢᠰᠬᠤ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠁
  
ᠢᠷᠡᠯᠲᠡ᠄ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠮᠤᠩᠭᠤᠯ ᠰᠥᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠴᠡᠭᠡᠷ ᠬᠤᠷᠢᠭ᠎ᠠ
ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠳᠠᠬᠢ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠣᠷᠳᠤᠨ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号