| ᠤᠯᠠᠮᠵᠢᠯᠠᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠬᠰᠡᠨ ᠤᠴᠢᠷᠲᠠᠢ ᠬᠢᠴᠢᠶᠡᠯᠯᠡᠭᠡ | ᠮᠤᠩᠭᠤᠯᠴᠤᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠠᠷᠡᠰᠦ ᠰᠢᠷᠢ ᠶᠢ ᠲᠤᠬᠠᠢ ᠶᠢᠨ ᠪᠠᠶᠢᠳᠡᠯ ᠳᠠᠭᠠᠨ | ᠲᠤᠬᠢᠷᠠᠭᠤᠯᠤᠨ ᠤᠯᠠᠨ ᠵᠦᠢᠯ ᠤᠨ ᠠᠷᠭᠠ ᠲᠡᠮ ᠢᠶᠠᠷ ᠡᠯᠳᠡᠵᠦ ᠪᠤᠯᠪᠠᠰᠤᠷᠠᠭᠤᠯᠤᠨ᠂ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠡᠯ | ᠲᠤᠮᠲᠡ ᠪᠠᠨ ᠦᠷᠭᠡᠨ ᠢᠶᠠᠷ ᠠᠰᠢᠬᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠡ᠃ ᠡᠨᠡᠬᠦ ᠮᠡᠷᠭᠡᠵᠢᠯ ᠨᠢ ᠮᠦᠨ ᠴᠦ ᠮᠠᠯᠴᠢᠨ ᠠᠶᠢᠯ | ᠪᠦᠬᠦᠨ ᠤ ᠬᠢᠵᠦ ᠴᠢᠳᠠᠬᠤ ᠨᠢᠭᠡᠨ ᠤᠷᠡ ᠮᠡᠷᠭᠡᠵᠢᠯ ᠪᠠᠶᠢᠬᠰᠡᠨ ᠶᠤᠮ᠃ ᠤᠳᠤ ᠪᠤᠯᠬᠤ ᠳᠤ ᠮᠠᠯ ᠤᠨ ᠠᠰᠢᠭ ᠰᠢᠮᠡ | ᠪᠠᠨ ᠬᠦᠢᠴᠡᠳ ᠠᠰᠢᠬᠯᠠᠨ᠂ ᠠᠷᠡᠰᠦ ᠰᠢᠷᠢ ᠶᠢ ᠨᠢ ᠢᠳᠡᠰᠢᠭᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠵᠦ ᠴᠢᠳᠠᠬᠤ ᠬᠦᠮᠦᠨ ᠡᠳᠤᠷ | ᠠᠴᠠ ᠡᠳᠤᠷ ᠴᠦᠭᠡᠬᠡᠷᠡᠭᠰᠡᠭᠡᠷ ᠪᠠᠶᠢᠭᠠ ᠶᠤᠮ᠃ | ᠡᠨᠡᠬᠦ ᠬᠤᠪᠤᠷ ᠨᠠᠨᠳᠢᠨ ᠤᠷᠡ ᠮᠡᠷᠭᠡᠵᠢᠯ ᠤᠨ ᠬᠤᠮᠰᠠᠳᠠᠵᠦ ᠪᠠᠶᠢᠭᠠ ᠪᠠᠶᠢᠳᠡᠯ ᠳᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ | ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ᠂ ᠪᠡᠶᠢᠯᠡ ᠺᠤᠮᠫᠠᠨᠢ᠂ ᠰᠦᠨᠢᠳ ᠵᠡᠭᠦᠨ | ᠬᠤᠰᠢᠭᠤᠨ ᠤ ᠶᠡᠷᠦᠩᠭᠡᠶᠢᠯᠡᠭᠰᠡᠨ ᠲᠡᠭᠡᠲᠦ ᠵᠡᠷᠭᠡ ᠶᠢᠨ ᠲᠤᠮᠳᠠᠲᠦ ᠰᠤᠷᠭᠠᠭᠤᠯᠢ ᠬᠠᠮᠳᠤᠷᠠᠯᠴᠠᠨ 9 ᠰᠡᠷᠡ ᠶᠢᠨ 16 | ᠤ ᠡᠳᠤᠷ ᠠᠴᠠ ᠡᠬᠢᠯᠡᠨ᠂ ᠠᠷᠡᠰᠦ ᠡᠯᠲᠡᠬᠦ᠂ ᠰᠢᠷᠢᠨ ᠰᠡᠶᠢᠯᠦᠮᠡᠯ ᠬᠢᠬᠦ ᠪᠤᠯᠪᠠᠰᠤᠷᠡᠯ ᠢ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ | ᠬᠤᠯᠪᠤᠭᠠᠲᠦ ᠬᠤᠰᠢᠭᠤᠨ ᠳᠤ ᠡᠷᠴᠢᠮᠲᠠᠢ ᠶᠠᠪᠤᠬᠳᠠᠭᠤᠯᠵᠦ ᠡᠬᠢᠯᠡᠪᠡ᠃ | ᠠᠷᠪᠠᠨ ᠲᠠᠪᠤᠨ ᠡᠳᠤᠷ ᠦᠷᠭᠦᠯᠵᠢᠯᠠᠬᠦ ᠡᠨᠡᠬᠦ ᠪᠤᠯᠪᠠᠰᠤᠷᠡᠯ ᠳᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠲᠦ | ᠬᠤᠰᠢᠭᠤᠨ ᠤ ᠭᠠᠷ ᠤᠷᠡᠯᠡᠯ ᠳᠤ ᠪᠠᠭ᠋ᠠᠳᠠᠢ ᠬᠡᠰᠡᠭ ᠬᠦᠮᠦᠰ ᠪᠡ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ᠂ ᠠᠯᠠᠱᠠ ᠠᠶᠢᠮᠠᠭ | ᠠᠴᠠ ᠴᠦ ᠬᠦᠷᠦᠯᠴᠠᠨ ᠢᠷᠡᠵᠦ ᠤᠷᠤᠯᠴᠠᠵᠠᠭᠠᠵᠠᠢ᠃ | ᠠᠷᠡᠰᠦ ᠡᠯᠲᠡᠬᠦ ᠭᠡᠵᠦ ᠶᠠᠭᠤ ᠪᠤᠢ︖ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠠᠷᠡᠰᠦ ᠰᠢᠷᠢ ᠶᠢ ᠡᠯᠳᠡᠵᠦ ᠪᠤᠯᠪᠠᠰᠤᠷᠠᠭᠤᠯᠬᠤ ᠳᠤ ᠢᠲᠡᠭᠡᠯᠡᠬᠦ ᠶᠠᠪᠤᠴᠡ ᠲᠠᠢ᠃ | ᠢᠲᠡᠭᠡᠯᠡᠬᠦ ᠳᠤ ᠭᠤᠤᠯᠳᠠᠭᠤ ᠰᠦ᠂ ᠴᠠᠭᠠ᠂ ᠰᠢᠷᠡ ᠤᠰᠤᠨ ᠳᠤ ᠲᠡᠪᠳᠤᠭᠡᠵᠦ ᠵᠦᠭᠡᠯᠡᠷᠡᠭᠦᠯᠬᠦ ᠪᠡ ᠬᠦᠷᠦᠰᠦᠨ ᠳᠤ | ᠨᠢ ᠨᠠᠭᠠᠯᠳᠤᠭᠰᠡᠨ ᠰᠢᠷᠡ ᠮᠢᠬᠠ ᠶᠢ ᠠᠷᠢᠯᠭᠠᠨ ᠴᠡᠪᠡᠷᠯᠡᠵᠦ᠂ ᠬᠦᠢᠴᠡᠳ ᠢᠲᠡᠭᠡ ᠤᠷᠤᠭᠰᠡᠨ ᠤ ᠲᠠᠷᠠᠭᠠ ᠡᠪᠡᠷᠡᠭᠡᠨ᠂ | ᠡᠯᠳᠡᠵᠦ ᠪᠤᠯᠪᠠᠰᠤᠷᠠᠭᠤᠯᠳᠠᠭ ᠪᠠᠶᠢᠨᠡ᠃ | ᠠᠷᠡᠰᠦ ᠰᠢᠷᠢ ᠶᠢ ᠠᠰᠢᠬᠯᠠᠵᠦ ᠬᠡᠷᠡᠭᠯᠡᠬᠦ ᠵᠤᠷᠢᠭᠤᠯᠤᠯᠲᠡ ᠤᠨᠳᠤᠤ ᠪᠤᠯᠬᠤᠷ᠂ ᠢᠲᠡᠭᠡᠯᠡᠵᠦ ᠪᠤᠯᠪᠠᠰᠤᠷᠠᠭᠤᠯᠬᠤ | ᠶᠠᠪᠤᠴᠡ ᠪᠡ ᠠᠷᠭᠠ ᠪᠠᠷᠢᠯ ᠨᠢ ᠴᠦ ᠤᠨᠳᠤᠤ ᠶᠤᠮ᠃ ᠵᠢᠱᠢᠶᠠᠯᠡᠪᠡᠯ ᠲᠤᠯᠠᠭᠠᠯᠠᠭᠠ ᠳᠤ ᠬᠡᠷᠡᠭᠯᠡᠬᠦ ᠠᠷᠡᠰᠦ ᠶᠢ ᠡᠯᠲᠡᠬᠦ | ᠳᠤ ᠦᠰᠦ ᠶᠢ ᠨᠢ ᠬᠠᠮᠠᠭᠠᠯᠠᠬᠤ᠂ ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠳᠤ ᠦᠰᠦ ᠶᠢ ᠨᠢ ᠬᠤᠰᠤᠨ ᠢᠲᠡᠭᠡᠯᠡᠵᠦ᠂ ᠬᠦᠢᠴᠡᠳ | ᠵᠦᠭᠡᠯᠡᠷᠡᠲᠡᠯᠡ ᠡᠯᠲᠡᠬᠦ᠂ ᠬᠡᠳᠡᠷᠭᠡ ᠪᠠᠷ ᠡᠯᠲᠡᠬᠦ᠂ ᠡᠷᠴᠢᠯᠡᠨ ᠡᠯᠳᠡᠬᠦ ᠬᠡᠭᠦ ᠮᠡᠲᠦ ᠪᠠᠶᠢᠳᠠᠭ᠃ ᠶᠡᠷᠦᠩᠭᠡᠢ ᠳᠡᠭᠡᠨ | ᠵᠤᠷᠢᠯᠭᠠ ᠪᠠᠨ ᠦᠨᠳᠦᠰᠦᠯᠡᠵᠦ ᠢᠲᠡᠭᠡᠯᠡᠨ᠂ ᠡᠯᠳᠡᠵᠦ ᠪᠤᠯᠪᠠᠰᠤᠷᠠᠭᠤᠯᠳᠠᠭ᠃ | ᠰᠢᠷᠢᠨ ᠰᠡᠶᠢᠯᠦᠮᠡᠯ ᠭᠡᠲᠡᠭ ᠨᠢ ᠶᠠᠭᠤ ᠪᠤᠢ︖ | ᠰᠢᠷᠢ ᠬᠡᠳᠡᠭ ᠨᠢ ᠭᠤᠤᠯᠳᠠᠭᠤ ᠦᠭᠡᠷ ᠤᠨ ᠠᠷᠡᠰᠦ ᠶᠢ ᠢᠳᠡᠭᠡᠯᠡᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠰᠡᠨ ᠠᠷᠡᠰᠦ ᠶᠢ | ᠬᠡᠯᠡᠲᠡᠭ ᠪᠠᠶᠢᠨᠡ᠃ ᠰᠢᠷᠢ ᠪᠠᠷ ᠭᠠᠷ ᠤᠷᠠᠯᠠᠯ ᠤᠨ ᠪᠦᠲᠦᠭᠡᠭᠲᠡᠭᠦᠨ ᠬᠢᠬᠦ ᠨᠢ ᠪᠦᠭᠡ ᠲᠠᠭᠠᠭᠠᠴᠡ ᠲᠠᠢ ᠪᠠᠶᠢᠳᠠᠭ | ᠠᠴᠠ ᠭᠠᠳᠠᠨᠡ ᠭᠤᠶᠦ ᠡᠷᠬᠢᠮᠰᠦᠭ ᠪᠠᠶᠢᠳᠠᠭ ᠪᠠᠶᠢᠨᠡ᠃ | ᠠᠷᠡᠰᠦ ᠪᠤᠯᠪᠠᠰᠤᠷᠠᠭᠤᠯᠤᠨ ᠡᠯᠲᠡᠬᠦ ᠠᠩᠭᠢ ᠶᠢᠨ ᠪᠠᠭᠰᠢ — ᠮᠤᠩᠭᠤᠯ ᠤᠯᠤᠰ ᠤᠨ ᠤᠷᠠᠯᠠᠬᠤ ᠡᠷᠲᠡᠮ | ᠤᠨ ᠲᠡᠭᠡᠲᠦ ᠰᠤᠷᠭᠠᠭᠤᠯᠢ ᠶᠢᠨ ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠦ ᠤᠷᠠᠯᠠᠬᠤ ᠮᠡᠷᠭᠡᠵᠢᠯ ᠤᠨ ᠪᠠᠭᠰᠢ᠂ ᠰᠦᠨᠢᠳ | ᠵᠡᠭᠦᠨ ᠬᠤᠰᠢᠭᠤᠨ ᠤ ᠶᠡᠷᠦᠩᠭᠡᠶᠢᠯᠡᠭᠰᠡᠨ ᠲᠡᠭᠡᠲᠦ ᠵᠡᠷᠭᠡ ᠶᠢᠨ ᠲᠤᠮᠳᠠᠲᠦ ᠰᠤᠷᠭᠠᠭᠤᠯᠢ ᠶᠢᠨ ᠤᠨᠴᠡ ᠤᠷᠢᠬᠰᠡᠨ | ᠪᠠᠭᠰᠢ ᠲᠤᠯᠭᠠᠷᠮᠡ | ᠰᠢᠷᠢᠨ ᠰᠡᠶᠢᠯᠦᠮᠡᠯ ᠬᠢᠬᠦ ᠠᠩᠭᠢ ᠶᠢᠨ ᠪᠠᠭᠰᠢ — ᠬᠦᠭᠡᠬᠤᠲᠡ ᠶᠢᠨ ᠲᠠᠷᠬᠠᠨ ᠠᠷᠡᠰᠦᠨ ᠤᠷᠠᠯᠠᠯ ᠤᠨ | ᠦᠷᠦᠭᠡᠨ ᠤ ᠮᠡᠷᠭᠡᠵᠢᠯᠲᠡᠨ ᠯᠦᠩ ᠮᠦ᠋ | ᠦᠨᠡᠨ ᠢ ᠦᠭᠦᠯᠡᠭᠦᠢ᠄ | ᠤᠳᠤᠬᠠᠨ ᠳᠤ ᠬᠤᠨᠢ ᠢᠮᠠᠭᠠᠨ ᠤ ᠨᠤᠶᠢᠲᠡᠨ ᠠᠷᠡᠰᠦ ᠨᠢᠭᠡ ᠬᠤᠶᠠᠷ ᠲᠦᠭᠦᠷᠢᠭ ᠯᠡ ᠬᠦᠷᠴᠦ ᠪᠦᠷ ᠠᠪᠬᠤ | ᠬᠦᠮᠦᠨ ᠦᠭᠡᠢ ᠬᠤᠭ ᠤᠨ ᠤᠪᠤᠭᠠᠨ ᠳᠤ ᠬᠠᠶᠠᠬᠳᠠᠳᠠᠭ ᠪᠠᠶᠢᠨᠡ᠃ ᠦᠭᠡᠷ ᠤᠨ ᠠᠷᠡᠰᠦ ᠪᠠᠷᠤᠭ ᠬᠤᠶᠠᠷ ᠵᠠᠭᠤᠨ | ᠲᠦᠭᠦᠷᠢᠭ ᠤᠷᠴᠢᠮ᠃ ᠵᠠᠬᠠ ᠲᠡᠯᠭᠡᠭᠦᠷ ᠳᠠᠬᠢ ᠦᠭᠡᠷ ᠤᠨ ᠪᠦᠬᠦᠯᠢ ᠰᠢᠷᠢ ᠬᠤᠶᠠᠷ ᠮᠢᠩᠭᠠ ᠤᠷᠴᠢᠮ᠂ ᠦᠰᠦᠲᠠᠢ | ᠦᠮᠦᠲᠦ ᠭᠤᠷᠪᠠᠨ ᠵᠠᠭᠤ ᠠᠴᠠ ᠮᠢᠩᠭᠠᠨ ᠲᠦᠭᠦᠷᠢᠭ᠂ ᠴᠤᠯ ᠠᠷᠡᠰᠦᠨ ᠬᠦᠷᠮᠡ ᠬᠡᠳᠤᠨ ᠮᠢᠩᠭᠠ ᠬᠡᠬᠦ ᠮᠡᠳᠤᠴᠢᠯᠡᠨ | ᠬᠡᠳᠤᠨ ᠲᠦᠭᠦᠷᠢᠭ᠂ ᠬᠡᠳᠤᠨ ᠵᠠᠭᠤᠨ ᠤ ᠦᠨᠡ ᠪᠠᠷ ᠬᠤᠳᠠᠯᠳᠤᠭᠰᠡᠨ ᠠᠷᠡᠰᠦ ᠰᠢᠷᠢ ᠪᠤᠰᠤᠳ ᠤᠨ | ᠪᠤᠯᠪᠠᠰᠤᠷᠠᠭᠤᠯᠤᠯᠲᠡ ᠪᠠᠷ ᠲᠠᠮᠵᠢᠨ ᠬᠡᠳᠤᠨ ᠵᠠᠭᠤᠨ ᠲᠡᠬᠢᠨ ᠦᠨᠡ ᠪᠠᠷ ᠦᠰᠦᠨᠡ᠃ | ᠪᠤᠯᠪᠠᠰᠤᠷᠡᠯ ᠤᠨ ᠬᠡᠷᠡᠯ ᠬᠢᠯᠪᠠᠭᠠ᠄ | ᠪᠤᠯᠪᠠᠰᠤᠷᠡᠯ ᠳᠤ ᠤᠷᠤᠯᠴᠠᠭᠰᠠᠳ ᠦᠪᠡᠷᠰᠡᠳ ᠢᠶᠠᠨ ᠭᠠᠷ ᠬᠦᠲᠡᠯᠦᠯᠴᠠᠨ᠂ ᠠᠷᠡᠰᠦ ᠰᠤᠩᠭᠤᠬᠤ᠂ ᠵᠢᠷᠤᠬᠤ᠂ | ᠴᠤᠬᠢᠬᠤ᠂ ᠰᠡᠶᠢᠯᠬᠦ᠂ ᠠᠷᠡᠰᠦ ᠢᠲᠡᠭᠡᠯᠡᠬᠦ᠂ ᠡᠯᠳᠡᠵᠦ ᠠᠰᠢᠬᠯᠠᠬᠤ ᠵᠡᠷᠭᠡ ᠦᠨᠳᠦᠰᠦᠨ ᠤᠷᠡ ᠮᠡᠷᠭᠡᠵᠢᠯ ᠢ ᠪᠦᠬᠦ ᠲᠡᠯᠡ | ᠪᠠᠷ ᠡᠵᠡᠮᠰᠢᠵᠦ ᠴᠢᠳᠠᠵᠠᠢ᠃ | ᠦᠨᠡ ᠲᠦᠯᠦᠪᠦᠷᠢ ᠦᠭᠡᠢ ᠬᠢᠴᠢᠶᠠᠯᠯᠠᠵᠦ ᠪᠠᠶᠢᠭᠠ ᠲᠤᠰ ᠤᠳᠠᠭᠠᠨ ᠤ ᠪᠤᠯᠪᠠᠰᠤᠷᠡᠯ ᠨᠢ ᠤᠯᠠᠨ ᠲᠦᠮᠡᠨ ᠤ | ᠦᠨᠳᠦᠰᠦᠲᠡᠨ ᠤ ᠤᠯᠠᠮᠵᠢᠯᠠᠯᠲᠦ ᠦᠪ ᠰᠤᠶᠤᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠨ ᠰᠤᠷᠴᠦ᠂ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠪᠠᠨ ᠵᠦᠪ | ᠠᠰᠢᠬᠯᠠᠨ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠲᠡᠭᠦᠯᠬᠦ ᠰᠢᠨᠡ ᠤᠷᠡ ᠮᠡᠷᠭᠡᠵᠢᠯ ᠢ ᠡᠵᠡᠮᠰᠢᠭᠦᠯᠦᠨ᠂ ᠦᠨᠡᠨᠬᠦ ᠠᠷᠡᠳ ᠲᠤ ᠠᠰᠢᠭ | ᠬᠦᠷᠲᠡᠭᠡᠭᠰᠡᠨ ᠪᠤᠯᠪᠠᠰᠤᠷᠡᠯ ᠪᠤᠯᠤᠭᠰᠡᠨ ᠪᠠᠶᠢᠨᠡ᠃ | | ᠨᠠᠶᠢᠷᠠᠭᠤᠯᠤᠭᠴᠢ᠄ ᠤᠶᠠᠬᠠᠨ | ᠬᠦᠢᠴᠡᠳᠭᠡᠭᠴᠢ ᠬᠢᠨᠠᠬᠴᠢ᠄ ᠸᠠᠩ ᠸᠧᠨ ᠶᠢᠩ | ᠶᠡᠷᠦᠩᠭᠡᠢ ᠬᠢᠨᠠᠬᠴᠢ᠄ ᠵᠠᠩ ᠬᠦᠢ ᠵᠧᠨ | ︽ᠪᠠᠭᠠᠳᠤᠷᠯᠢᠭ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ︾ ᠵᠢᠷᠬᠢᠶᠡ ᠠᠴᠠ ᠪᠠᠭᠤᠯᠭᠠᠪᠡ | |