| ᠤᠷᠭᠤᠮᠠᠯ | | ᠭᠠᠷᠠᠭ ᠤᠨ ᠰᠡᠬᠦᠯᠴᠢ ᠪᠠᠷ ᠨᠠᠶᠢᠵᠠ ᠲᠠᠢ ᠪᠠᠨ ᠺᠢᠨᠣ᠋ ᠦᠵᠡᠬᠦ ᠪᠠᠷ ᠬᠦᠷᠦᠯᠡ᠂ ᠶᠠᠭ ᠠᠮᠳᠠᠷᠬᠠᠨ ᠦᠵᠡᠵᠦ | ᠪᠠᠶᠢᠲᠡᠯᠡ ᠮᠢᠨᠤ ᠰᠠᠭᠤᠳᠠᠯ ᠢ ᠬᠤᠶᠢᠨᠡ ᠠᠴᠠ ᠬᠦᠴᠦᠳᠡᠢ ᠬᠡᠳᠦ ᠢᠰᠬᠦᠯᠵᠦ ᠠᠪᠤᠪᠠ᠂ ︽ᠪᠠᠷᠤᠭ ᠯᠠ ᠰᠠᠨᠠᠮᠰᠠᠷ | ᠦᠭᠡᠢ ᠪᠠᠷ ᠢᠰᠬᠦᠯᠦᠭᠡᠳ ᠠᠪᠤᠭᠰᠠᠨ ᠪᠠᠶᠢᠬᠤ ᠡ︾ ᠭᠡᠵᠦ ᠰᠠᠨᠠᠭᠠᠨ ᠳᠠᠭᠠᠨ ᠠᠪᠤᠯ ᠦᠭᠡᠢ ᠵᠠᠯᠭᠠᠵᠦ ᠺᠢᠨᠣ᠋ ᠶᠢᠨ | ᠶᠢᠷᠳᠢᠨᠴᠦ ᠳᠡᠭᠡᠨ ᠱᠤᠩᠪᠠᠯᠠ᠂ ᠳᠡᠮᠡᠢ ᠬᠡᠳᠦᠨ ᠮᠢᠨᠦ᠋ᠲ ᠪᠤᠯᠤᠯ ᠦᠭᠡᠢ ᠪᠠᠰᠠ ᠬᠡᠳᠦ ᠬᠡᠳᠦ ᠢᠰᠭᠦᠯᠦᠨᠡ᠂ ᠠᠷᠤᠨᠰᠢ | ᠬᠠᠷᠠᠭᠰᠠᠨ ᠴᠢᠨᠢ ᠳᠦᠷᠪᠡ ᠲᠠᠪᠤᠨ ᠨᠠᠰᠤᠨ ᠤ ᠲᠦᠯᠦᠪ ᠲᠠᠢ ᠵᠢᠭᠠᠯ ᠬᠡᠦᠬᠡᠨ ᠪᠠᠶᠢᠵᠠᠢ᠂ ᠪᠢ ᠵᠢᠭᠠᠯ ᠬᠡᠦᠬᠡᠨ ᠳᠤ᠄ | ︽ᠮᠢᠨᠤ ᠬᠡᠦᠭᠡᠨ ᠠᠨᠢᠶᠡ ᠶᠢᠨ ᠢᠶᠠᠨ ᠰᠠᠭᠤᠳᠠᠯ ᠢ ᠪᠢᠳᠡᠬᠡᠢ ᠢᠰᠬᠦᠯᠦᠭᠡᠷᠡᠢ︾ ᠭᠡᠵᠦ ᠬᠡᠯᠡᠬᠡᠳ ᠳᠠᠬᠢᠨ ᠺᠢᠨᠣ᠋ ᠪᠠᠨ | ᠦᠵᠡᠯᠡ᠂ ᠬᠤᠶᠠᠷ ᠮᠢᠨᠦ᠋ᠲ ᠪᠤᠯᠤᠭᠰᠠᠨ ᠦᠭᠡᠢ ᠳᠠᠬᠢᠭᠠᠳ ᠯᠠ ᠢᠰᠬᠦᠯᠦᠭᠡᠳ ᠡᠬᠢᠯᠡᠴᠢᠭᠡᠯᠡ᠂ ᠪᠢ ᠵᠢᠭᠠᠬᠠᠨ ᠠᠭᠤᠷ | ᠬᠦᠷᠦᠭᠰᠡᠨ ᠨᠢ ᠦᠨᠡᠨᠳᠠᠢ᠂ ᠠᠷᠤᠨᠰᠢ ᠬᠠᠨᠳᠤᠵᠦ ᠵᠢᠭᠠᠯ ᠬᠡᠦᠬᠡᠨ ᠳᠤ᠄ ︽ᠮᠢᠨᠤ ᠬᠡᠦᠭᠡᠨ ᠳᠠᠬᠢᠵᠦ ᠢᠰᠬᠦᠯᠵᠦ ᠪᠤᠯᠬᠤ | ᠦᠭᠡᠢ ᠰᠢᠤ᠂ ᠠᠨᠢᠶᠡ ᠨᠢ ᠺᠢᠨᠣ᠋ ᠪᠠᠨ ᠰᠠᠶᠢᠬᠠᠨ ᠦᠵᠡᠵᠦ ᠴᠢᠳᠠᠬᠤ ᠪᠠᠨ ᠪᠤᠯᠢᠯᠡ︾ ᠭᠡᠬᠦ ᠪᠠᠷ᠂ ᠬᠠᠵᠠᠭᠤ ᠳᠤ | ᠪᠠᠶᠢᠭᠰᠠᠨ ᠡᠵᠢ ᠨᠢ ᠬᠠᠷᠢᠨ᠄ ︽ᠡᠶᠢᠮᠦ ᠵᠢᠭᠠᠬᠠᠨ ᠬᠡᠦᠬᠡᠳ ᠢ ᠶᠠᠭᠤᠨ ᠳᠤ ᠢᠩᠬᠢᠵᠦ ᠪᠤᠷᠤᠭᠤᠳᠬᠠᠬᠤ ᠪᠤᠢ᠂ ᠬᠡᠳᠦ | ᠢᠰᠬᠦᠯᠦᠭᠡᠳ ᠠᠪᠬᠤ ᠳᠤ ᠴᠢ ᠠᠷᠠᠢ ᠰᠢᠷᠬᠠᠳᠤᠴᠢᠬᠠᠬᠤ ᠦᠭᠡᠢ ᠪᠢᠵᠠ︾ ᠭᠡᠵᠦ ᠨᠠᠳᠠᠳᠦ ᠰᠢᠷᠦᠬᠦᠨ ᠠᠭᠠᠰᠢᠯᠠᠬᠤ | ᠨᠢ ᠭᠡᠵᠦ ᠡ᠂ ᠡᠵᠢ ᠶᠢᠨ ᠢᠶᠠᠨ ᠦᠮᠦᠭᠯᠡᠬᠦ ᠶᠢ ᠰᠤᠨᠤᠰᠤᠭᠰᠠᠨ ᠬᠡᠦᠬᠡᠨ ᠢᠯᠠᠯᠳᠠ ᠤᠯᠤᠭᠰᠠᠨ ᠵᠢᠭᠠᠬᠠᠨ ᠪᠠᠭᠠᠳᠤᠷ | ᠰᠢᠤᠬᠠᠨ ᠰᠠᠭᠤᠳᠠᠯ ᠢ ᠪᠠᠰᠠ ᠬᠡᠳᠦ ᠢᠰᠬᠦᠯᠵᠦ ᠠᠪᠤᠪᠠ᠃ ᠮᠡᠳᠡᠭᠡᠵᠢ᠂ ᠡᠨᠡ ᠺᠢᠨᠣ᠋ ᠶᠢ ᠪᠠᠶᠠᠷᠳᠠᠶᠢᠬᠠᠨ | ᠰᠤᠨᠢᠷᠬᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠵᠠᠢ᠃ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠵᠠᠮ ᠳᠠᠭᠠᠨ ᠤᠯᠠᠨ ᠶᠠᠭᠤᠮᠡ ᠰᠡᠳᠬᠢᠵᠦ ᠰᠠᠭᠤᠯᠡ᠂ | ᠶᠠᠭᠤ ᠴᠦ ᠬᠡᠰᠡᠨ ᠪᠢ ᠬᠡᠦᠬᠡᠨ ᠢᠶᠠᠨ ᠶᠤᠰᠤ ᠮᠤᠷᠠᠯ ᠲᠠᠢ ᠬᠦᠮᠦᠨ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠶᠢ ᠯᠠ ᠬᠢᠴᠢᠶᠡᠶᠡ | ᠭᠡᠵᠦ ᠪᠡᠶᠡ ᠳᠡᠭᠡᠨ ᠰᠠᠨᠠᠭᠤᠯᠪᠠ᠃ | ᠤᠳᠤ ᠶᠢᠨ ᠨᠡᠶᠢᠭᠡᠮ ᠳᠤ ᠡᠨᠡ ᠵᠢᠭᠠᠯ ᠬᠡᠦᠬᠡᠨ ᠤ ᠡᠵᠢ ᠲᠠᠢ ᠠᠳᠠᠯᠢᠬᠠᠨ᠂ ᠬᠡᠦᠬᠡᠳ ᠤᠨ ᠢᠶᠠᠨ ᠶᠤᠰᠤ ᠮᠤᠷᠡᠯ | ᠤᠨ ᠬᠦᠮᠦᠵᠢᠯ ᠢ ᠴᠢᠬᠤᠯᠠᠴᠢᠯᠠᠬᠤ ᠦᠭᠡᠢ ᠭᠡᠷ ᠤᠨ ᠠᠬᠠᠮᠠᠳ ᠪᠠᠰᠠ ᠤᠯᠠᠨ ᠪᠠᠶᠢᠬᠤ ᠨᠢ ᠮᠡᠳᠡᠭᠡᠵᠢ᠃ ᠲᠡᠳᠡᠨ ᠤ | ᠬᠡᠯᠡᠬᠦ ᠪᠠᠷ᠄ ︽ᠲᠤᠷᠡ ᠵᠤᠷᠢᠭ ᠢᠶᠠᠷ ᠨᠢ ᠪᠠᠶᠢᠯᠭᠠᠬᠤ ᠨᠢ ᠬᠡᠦᠬᠡᠳ ᠢ ᠰᠦᠰᠦ ᠵᠤᠷᠢᠭ ᠲᠠᠢ ᠪᠤᠯᠭᠠᠨᠡ᠂ ᠬᠤᠷᠢᠬᠯᠠᠭᠠᠳ | ᠪᠠᠶᠢᠪᠠᠯ ᠵᠤᠷᠢᠭ ᠦᠭᠡᠢ ᠠᠶᠤᠮᠠᠳᠠᠭᠠᠢ ᠬᠡᠦᠬᠡᠳ ᠪᠤᠯᠴᠢᠬᠠᠨᠡ︾ ᠭᠡᠵᠦ ᠬᠡᠦᠬᠡᠳ ᠢᠶᠠᠨ ᠶᠠᠭᠤ ᠬᠢᠵᠦ ᠶᠠᠭᠠᠬᠢᠵᠦ | ᠠᠭᠠᠰᠢᠯᠠᠵᠦ ᠪᠠᠶᠢᠬᠰᠠᠨ ᠴᠦ ᠶᠡᠷᠦ ᠬᠠᠮᠢᠶᠠᠷᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠠᠷᠠᠢ ᠨᠠᠵᠠᠭᠠᠢ ᠦᠵᠡᠯᠳᠡ ᠶᠤᠮ᠃ | ︽ᠮᠤᠷᠠᠯ ᠦᠭᠡᠢ ᠬᠦᠮᠦᠨ᠂ ᠢᠷᠤᠭᠠᠷ ᠦᠭᠡᠢ ᠰᠠᠪᠠ︾ ᠭᠡᠳᠡᠭ ᠮᠡᠷᠭᠡᠨ ᠦᠭᠡ ᠪᠠᠶᠢᠳᠠᠭ᠃ ᠶᠤᠰᠤ ᠮᠤᠷᠡᠯ ᠤᠨ | ᠬᠦᠮᠦᠵᠢᠯ ᠨᠢ ᠭᠡᠷ ᠪᠦᠯᠢ ᠶᠢᠨ ᠬᠦᠮᠦᠵᠢᠯ ᠤᠨ ᠴᠢᠬᠤᠯᠠ ᠨᠢᠭᠡᠨ ᠠᠭᠤᠯᠭᠠ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠬᠡᠦᠬᠡᠳ ᠤᠨ | ᠤᠨᠠᠭᠠᠨ ᠨᠠᠰᠦ ᠪᠤᠯ ᠤᠬᠠᠭᠠ ᠬᠦᠢᠴᠡᠳ ᠦᠭᠡᠢ ᠨᠢᠯᠬᠠᠰᠠᠭ ᠦᠶᠡ᠂ ᠡᠶᠢᠮᠦ ᠠᠴᠠ ᠭᠡᠷ ᠤᠨ ᠠᠬᠠᠮᠠᠳ ᠡᠨᠡ ᠦᠶᠡ | ᠠᠴᠠ ᠡᠬᠢᠯᠡᠵᠦ ᠬᠡᠦᠬᠡᠳ ᠲᠡᠭᠡᠨ ᠶᠠᠭᠤ ᠶᠢ ᠬᠢᠵᠦ ᠪᠤᠯᠬᠤ᠂ ᠶᠠᠭᠤ ᠶᠢ ᠬᠢᠵᠦ ᠪᠤᠯᠬᠤ ᠦᠭᠡᠢ ᠠᠴᠠ ᠠᠪᠤᠭᠠᠳ ᠠᠬᠠᠰ | ᠵᠠᠬᠠᠰ ᠢᠶᠠᠨ ᠬᠦᠨᠳᠦᠯᠡᠬᠦ᠂ ᠪᠤᠰᠤᠳ ᠲᠠᠢ ᠶᠤᠰᠤᠷᠬᠠᠭ ᠬᠠᠷᠢᠴᠠᠬᠤ᠂ ᠤᠯᠠᠨ ᠨᠡᠶᠢᠳᠡ ᠶᠢᠨ ᠲᠠᠯᠠᠪᠤᠷ ᠲᠤ ᠲᠤᠷᠡ | ᠵᠤᠷᠢᠭ ᠢᠶᠠᠷ ᠠᠭᠠᠰᠢᠯᠠᠬᠤ ᠦᠭᠡᠢ ᠵᠡᠷᠭᠡ ᠡᠩ ᠤᠨ ᠶᠤᠰᠤ ᠮᠤᠷᠡᠯ ᠤᠨ ᠬᠦᠮᠦᠵᠢᠯ ᠢ ᠴᠢᠬᠤᠯᠠᠴᠢᠯᠠᠨ ᠬᠢᠵᠦ᠂ ᠬᠡᠦᠬᠡᠳ | ᠢᠶᠠᠨ ᠴᠡᠴᠡᠷᠯᠢᠭ ᠲᠤ ᠤᠷᠤᠳᠠᠯᠡ ᠨᠢ ᠨᠡᠶᠢᠭᠡᠮ ᠤᠨ ᠡᠩ ᠤᠨ ᠶᠤᠰᠤ ᠮᠤᠷᠡᠯ ᠤᠨ ᠲᠤᠬᠠᠢ ᠬᠦᠢᠴᠡᠳ ᠤᠬᠠᠮᠰᠠᠷ ᠲᠠᠢ | ᠬᠦᠮᠦᠨ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠪᠡᠯ ᠵᠤᠬᠢᠨᠡ᠃ | ︽ᠬᠦᠮᠦᠨ ᠪᠤᠯᠬᠤ ᠪᠠᠭᠠ ᠠᠴᠠ ᠪᠠᠨ᠂ ᠬᠦᠯᠦᠭ ᠪᠤᠯᠬᠤ ᠤᠨᠠᠭᠠᠨ ᠠᠴᠠ ᠪᠠᠨ︾ ᠭᠡᠳᠡᠭᠴᠢᠯᠡᠨ᠂ ᠨᠢᠭᠡ ᠬᠦᠮᠦᠨ | ᠪᠡᠯᠴᠢᠷ ᠨᠠᠰᠤᠨ ᠤ ᠦᠰᠦᠨ ᠪᠤᠶᠢᠵᠢᠯᠳᠠ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠨᠢᠭᠡ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ ᠮᠤᠷᠠᠯ ᠢ | ᠬᠦᠮᠦᠵᠢᠬᠦᠯᠬᠦ ᠨᠢ ᠲᠡᠬᠦᠨ ᠤ ᠨᠠᠰᠤᠨ ᠲᠤᠷᠰᠢᠳᠠ ᠶᠢᠨ ᠠᠵᠦ ᠠᠮᠢᠳᠤᠷᠠᠯ᠂ ᠠᠵᠢᠯ ᠦᠢᠯᠡᠰ ᠲᠠᠢ ᠰᠢᠭᠤᠳ | ᠬᠤᠯᠪᠤᠭᠳᠠᠵᠦ᠂ ᠴᠢᠨᠠᠭᠰᠢᠯᠠᠨ ᠲᠡᠬᠦᠨ ᠤ ᠨᠢᠭᠡ ᠨᠠᠰᠦ ᠶᠢ ᠴᠦ ᠨᠦᠯᠦᠭᠡᠯᠡᠵᠦ ᠪᠠᠶᠢᠳᠠᠭ᠃ ᠭᠡᠲᠡᠯᠡ ᠤᠳᠤᠬᠠᠨ ᠳᠤ | ᠤᠯᠠᠩᠬᠢ ᠭᠡᠷ ᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠤᠨ ᠢᠶᠠᠨ ᠪᠦᠬᠦ ᠲᠡᠯᠡ ᠶᠢᠨ ᠬᠦᠭᠵᠢᠯᠳᠡ ᠶᠢ ᠠᠩᠬᠠᠷᠳᠠᠭ ᠦᠭᠡᠢ᠂ ᠵᠦᠪᠭᠡᠨ | ᠳᠡᠳᠡᠨ ᠤ ᠪᠡᠶᠡ ᠮᠠᠬᠠᠪᠤᠳ ᠪᠠ ᠰᠤᠷᠤᠯᠭᠠ ᠶᠢ ᠯᠠ ᠭᠤᠤᠯᠴᠢᠯᠠᠵᠦ᠂ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ ᠮᠤᠷᠠᠯ ᠢ ᠬᠦᠮᠦᠵᠢᠬᠦᠯᠬᠦ | ᠶᠢ ᠬᠠᠷᠢᠨ ᠤᠮᠳᠤᠭᠠᠢᠢᠯᠠᠳᠠᠭ᠃ ᠳᠡᠳᠡ ᠦᠷᠡ ᠶᠢᠨ ᠭᠠᠭᠴᠠ ᠬᠡᠦᠭᠡᠳ ᠭᠡᠵᠦ ᠬᠡᠳᠤᠷᠡᠲᠡᠯᠡ ᠪᠠᠨ ᠡᠩᠬᠦᠷᠡᠶᠢᠯᠡᠨ | ᠬᠠᠶᠢᠷᠠᠯᠠᠵᠦ᠂ ᠬᠡᠦᠬᠡᠳ ᠢᠶᠠᠨ ᠲᠤᠷᠡ ᠳᠠᠪᠠ ᠪᠠᠷ ᠨᠢ ᠰᠤᠷᠭᠠᠳᠠᠭ᠃ ᠦᠰᠦᠯᠳᠠ ᠪᠤᠶᠢᠵᠢᠯᠳᠠ ᠶᠢᠨ ᠵᠠᠩᠬᠢᠯᠭᠠ ᠶᠢᠨ | ᠦᠶᠡ ᠳᠤ ᠳᠤᠬᠢᠷᠠᠮᠵᠢ ᠦᠭᠡᠢ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠬᠦ ᠨᠢ ᠬᠡᠦᠬᠡᠳ ᠢ ᠶᠤᠰᠤ ᠮᠤᠷᠠᠯ ᠲᠠᠢ ᠰᠢᠯᠢᠳᠡᠭ ᠬᠡᠦᠬᠡᠳ | ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠳᠤ ᠪᠡᠷᠭᠡ ᠶᠤᠮ᠃ ᠨᠡᠶᠢᠭᠡᠮ ᠠᠬᠤᠢ ᠦᠳᠳᠡᠷ ᠲᠦᠷᠭᠡᠨ ᠬᠦᠭᠵᠢᠵᠦ᠂ ᠰᠢᠯᠢᠳᠡᠭ | ᠮᠡᠷᠭᠡᠵᠢᠯᠳᠡᠨ ᠴᠢᠳᠠᠪᠤᠷᠢᠳᠠᠨ ᠲᠤᠯᠭᠠᠮᠡ ᠱᠠᠭᠠᠷᠳᠠᠭᠳᠠᠵᠦ ᠪᠠᠶᠢᠭᠠ ᠦᠨᠦᠳᠦᠷ᠂ ᠬᠦᠮᠦᠨ ᠤ ᠬᠡᠪ ᠪᠤᠯᠪᠠᠰᠤᠷᠡᠯ ᠲᠤᠬᠠᠢ | ᠱᠠᠭᠠᠷᠳᠠᠯᠭᠠ ᠴᠦ ᠨᠡᠩ ᠦᠨᠳᠦᠷ ᠪᠤᠯᠵᠠᠢ᠂ ᠡᠶᠢᠮᠦ ᠠᠴᠠ ᠬᠡᠦᠬᠡᠳ ᠤᠨ ᠪᠦᠬᠦ ᠲᠡᠯᠡ ᠶᠢᠨ ᠬᠦᠭᠵᠢᠯᠳᠡ ᠶᠢ | ᠬᠦᠨᠳᠦᠳᠬᠡᠬᠦ ᠨᠢ ᠲᠦᠮᠡᠨ ᠵᠦᠪ᠂ ᠡᠭᠦᠨ ᠳᠤ ᠶᠤᠰᠤ ᠮᠤᠷᠡᠯ ᠤᠨ ᠬᠦᠮᠦᠵᠢᠯ ᠪᠤᠯ ᠳᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ | ᠴᠢᠬᠤᠯᠠ ᠨᠢᠭᠡ ᠪᠦᠷᠢᠯᠳᠦᠬᠦᠨ ᠪᠤᠯᠬᠤ ᠶᠤᠮ᠃ ᠬᠡᠦᠬᠡᠳ ᠢ ᠨᠡᠶᠢᠭᠡᠮ ᠤᠨ ᠬᠡᠷᠡᠭᠴᠡᠭᠡ ᠳᠤ ᠳᠤᠬᠢᠷᠠᠭᠰᠠᠨ | ᠴᠢᠳᠠᠪᠤᠷᠢᠳᠠᠨ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠳᠤ ᠡᠷᠭᠡᠪᠰᠢ ᠪᠦᠬᠦ ᠲᠡᠯᠡ ᠶᠢᠨ ᠬᠦᠭᠵᠢᠯᠳᠡ ᠶᠢ ᠠᠩᠬᠠᠷᠴᠦ᠂ ᠶᠤᠰᠤ ᠮᠤᠷᠡᠯ | ᠤᠨ ᠬᠦᠮᠦᠵᠢᠯ ᠢ ᠶᠠᠭᠠᠬᠢᠭᠰᠠᠨ ᠴᠦ ᠬᠦᠩᠭᠡᠪᠴᠢᠯᠡᠵᠦ ᠪᠤᠯᠬᠤ ᠦᠭᠡᠢ᠂ ᠡᠷᠬᠡᠪᠰᠢ ᠴᠢᠬᠤᠯᠠ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠬᠤ | ᠭᠡᠷᠡᠭᠳᠠᠢ᠃ | ᠬᠡᠦᠬᠡᠳ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠷᠡᠭᠡᠳᠦᠢ ᠶᠢᠨ ᠲᠦᠯᠦᠭᠡ᠂ ᠠᠪᠤ ᠡᠵᠢ ᠪᠤᠯᠤᠭᠰᠠᠳ ᠤᠳᠤ ᠠᠴᠠ | ᠪᠠᠨ ᠡᠬᠢᠯᠡᠵᠦ ᠶᠤᠰᠤ ᠮᠤᠷᠠᠯ ᠤᠨ ᠬᠦᠮᠦᠵᠢᠯ ᠢ ᠬᠦᠨᠳᠦᠳᠭᠡᠶᠡ︕ | | |