ᠵᠠᠷᠢᠮ ᠬᠦᠮᠦᠰ ᠦᠨᠢᠶᠡ ᠶᠢᠨ ︽ᠬᠦᠴᠢᠷᠳᠡᠵᠤ ᠲᠦᠯᠯᠡᠬᠦ ᠶᠢ ᠬᠦᠩᠭᠡᠯᠡᠨᠡ︾ ᠭᠡᠳ ᠶᠠᠭᠠᠷᠠᠵᠤ ᠰᠠᠨᠳᠤᠷᠤᠨ | ᠲᠤᠭᠤᠯ ᠤᠨ ᠰᠢᠬᠢᠷᠠ ᠨᠢ ᠳᠦᠩᠭᠡᠵᠤ ᠪᠤᠯᠳᠠᠶᠢᠮᠠᠭᠴᠠ ᠳᠠᠲᠠᠵᠤ ᠭᠠᠷᠭᠠᠭᠠᠳ ᠡᠬᠡ ᠲᠦᠯ ᠤᠨ ᠡᠷᠡᠬᠦᠯ ᠮᠡᠨᠳᠦ ᠳᠤ | ᠵᠤᠪᠠᠯᠠᠩ ᠤᠴᠠᠷᠠᠭᠤᠯᠳᠠᠭ ᠪᠠᠶᠢᠨᠠ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ ᠦᠨᠢᠶᠡ ᠲᠤᠭᠤᠯᠯᠠᠬᠤ ᠢᠯᠡᠷᠡᠯ ᠭᠠᠷᠤᠭᠠᠳ ᠴᠠᠭ | ᠭᠠᠷᠤᠢ ᠪᠤᠯᠤᠭᠰᠠᠨ ᠴᠦ ᠬᠠᠮᠢᠶᠠ ᠦᠬᠡᠢ᠃ ᠲᠤᠭᠤᠯ ᠤᠨ ᠰᠢᠬᠢᠷᠠ ᠨᠢ ᠭᠠᠷᠤᠭᠠᠳ ᠲᠤᠯᠤᠭᠠᠢ ᠨᠢ ᠭᠠᠷᠤᠭᠠᠳᠤᠢ | ᠪᠤᠶᠤ ᠲᠤᠯᠤᠭᠠᠢ ᠨᠢ ᠭᠠᠷᠤᠭᠠᠳ ᠰᠢᠬᠢᠷᠠ ᠨᠢ ᠭᠠᠷᠤᠭᠠᠳᠤᠢ ᠦᠶᠡ ᠳᠤ ᠰᠤᠬᠤᠷ ᠪᠠᠯᠠᠢ ᠪᠠᠷ ᠳᠠᠲᠠᠵᠤ ᠭᠠᠷᠭᠠᠵᠤ | ᠪᠤᠯᠬᠤ ᠦᠬᠡᠢ᠃ ᠡᠷᠭᠡᠪᠰᠢ ᠠᠭᠠᠷᠴᠠᠭ ᠤᠨ ᠶᠠᠰᠤ ᠨᠢ ᠰᠤᠯᠠᠷᠠᠵᠤ ᠨᠡᠭᠡᠭᠡᠭᠳᠡᠬᠦ ᠶᠢ ᠬᠦᠯᠢᠶᠡᠬᠦ ᠬᠡᠷᠡᠭᠲᠠᠢ᠂ ᠲᠡᠭᠡᠬᠦ | ᠦᠬᠡᠢ ᠪᠤᠯ ᠲᠤᠭᠤᠯ ᠤᠨ ᠲᠤᠯᠤᠭᠠᠢ ᠨᠢ ᠬᠤᠶᠢᠰᠢ ᠡᠷᠬᠢᠬᠦ ᠪᠤᠶᠤ ᠡᠮᠦᠨᠡ ᠮᠦᠴᠢ ᠨᠢ ᠠᠷᠤᠨᠰᠢ ᠨᠤᠭᠤᠷᠠᠪᠠᠯ | ᠳᠠᠲᠠᠵᠤ ᠭᠠᠷᠭᠠᠬᠤ ᠳᠤ ᠨᠡᠩ ᠬᠦᠴᠢᠷᠳᠡᠬᠦ ᠮᠦᠷᠲᠡᠭᠡᠨ ᠵᠠᠷᠢᠮ ᠳᠠᠭᠠᠨ ᠳᠠᠲᠠᠵᠤ ᠭᠠᠷᠭᠠᠭᠰᠠᠨ ᠲᠤᠭᠤᠯ | ᠬᠡᠪᠲᠡᠰᠢ ᠲᠠᠢ ᠪᠠᠨ ᠭᠠᠷᠤᠭᠠᠳ ᠦᠨᠢᠶᠡᠨ ᠤ ᠠᠮᠢ ᠨᠠᠰᠤᠨ ᠳᠤ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠬᠤ ᠪᠤᠯᠤᠨᠠ᠃ | ᠬᠡᠷᠪᠡ ᠴᠠᠭ ᠭᠠᠷᠤᠢ ᠪᠤᠯᠤᠭᠰᠠᠨ ᠪᠠᠶᠢᠲᠠᠯᠠ ᠲᠤᠭᠤᠯᠯᠠᠬᠤ ᠦᠬᠡᠢ ᠪᠤᠯ ᠭᠠᠷᠴᠤ ᠢᠷᠡᠭᠰᠡᠨ ᠰᠢᠬᠢᠷᠠ ᠶᠢ ᠨᠢ | ᠨᠤᠮᠤᠨ ᠬᠡᠯᠪᠡᠷᠢ ᠲᠠᠢ ᠪᠠᠷ ᠲᠠᠲᠠᠵᠤ᠂ ᠦᠨᠢᠶᠡᠨ ᠤ ᠰᠡᠬᠦᠯ ᠤᠨ ᠤᠭ ᠠᠴᠠ ᠳᠡᠭᠡᠭᠰᠢ ᠨᠢᠭᠡ ᠲᠤᠬᠤᠢ ᠵᠠᠶᠢᠲᠠᠢ | ᠭᠠᠵᠠᠷ ᠲᠤ ᠬᠦᠴᠦᠯᠡᠨ ᠲᠠᠲᠠᠨᠠ᠃ ᠬᠡᠷᠪᠡ ᠲᠤᠯᠤᠭᠠᠢ ᠨᠢ ᠭᠠᠷᠤᠭᠠᠳ ᠰᠢᠬᠢᠷᠠ ᠨᠢ ᠭᠠᠷᠤᠭᠠᠳᠤᠢ ᠪᠤᠯ ᠡᠷᠡᠬᠡᠢ᠂ | ᠲᠤᠯᠤᠪᠤᠷ ᠪᠠ ᠳᠤᠮᠳᠠ ᠬᠤᠷᠤᠭᠤ ᠪᠠᠨ ᠦᠨᠢᠶᠡᠨ ᠤ ᠦᠮᠠᠢ ᠳᠤ ᠬᠢᠵᠤ ᠰᠢᠬᠢᠷᠠ ᠶᠢ ᠨᠢ ᠲᠠᠲᠠᠵᠤ ᠭᠠᠷᠭᠠᠭᠰᠠᠨ ᠤ | ᠳᠠᠷᠠᠭᠠ ᠰᠡᠬᠦᠵᠢᠨ ᠭᠡᠰᠡᠭ ᠲᠤ ᠨᠢ ᠲᠠᠷᠤᠪᠠᠯ ᠬᠢᠯᠪᠠᠷᠬᠠᠨ ᠲᠤᠭᠤᠯᠯᠠᠳᠠᠭ᠃ | ᠰᠠᠶ᠋ᠢ ᠭᠠᠷᠤᠭᠰᠠᠨ ᠲᠤᠭᠤᠯ ᠤᠨ ᠬᠦᠢᠰᠦ ᠶᠢ ᠳᠠᠰᠤᠯᠬᠤ ᠶᠢ ᠶᠠᠭᠠᠷᠠᠵᠤ ᠪᠤᠯᠬᠤ ᠦᠬᠡᠢ᠃ ᠶᠠᠮᠠᠷᠪᠠ ᠪᠠᠶᠢᠳᠠᠯ | ᠲᠤᠤᠷᠠ ᠴᠦ ᠭᠡᠳ ᠰᠠᠶ᠋ᠢ ᠭᠠᠷᠤᠭᠰᠠᠨ ᠲᠤᠭᠤᠯ ᠤᠨ ᠬᠦᠢᠰᠦ ᠶᠢ ᠳᠠᠰᠤᠯᠬᠤ ᠬᠡᠵᠤ ᠶᠠᠭᠠᠷᠠᠵᠤ ᠪᠤᠯᠬᠤ ᠦᠬᠡᠢ᠃ | ᠡᠬᠡ ᠲᠦᠯ ᠰᠠᠯᠤᠭᠰᠠᠨ ᠤ ᠳᠠᠷᠠᠭᠠ ᠦᠪᠡᠷᠳᠡᠭᠡᠨ ᠳᠠᠰᠤᠷᠠᠬᠤ ᠶᠢ ᠬᠦᠯᠢᠶᠡᠬᠦ ᠬᠡᠷᠡᠭᠲᠠᠢ᠃ | ᠨᠡᠩ ᠢᠯᠠᠩᠭᠤᠶᠠ ᠲᠠᠷᠭᠤ ᠬᠦᠴᠦ ᠪᠠᠷ ᠪᠠᠷᠤᠭᠲᠠᠢ ᠦᠨᠢᠶᠡ ᠬᠡᠬᠡᠷᠡ ᠭᠠᠳᠠᠨᠠ ᠲᠤᠭᠤᠯᠯᠠᠬᠤ ᠳᠤ ᠪᠠᠨ | ᠬᠦᠴᠢᠷᠲᠡᠵᠤ᠂ ᠲᠤᠭᠤᠯ ᠤᠨ ᠢᠶᠠᠨ ᠲᠤᠯᠤᠭᠠᠢ ᠶᠢ ᠤᠨᠵᠢᠭᠤᠯᠤᠭᠠᠳ ᠬᠤᠶᠠᠷ ᠴᠠᠭ ᠬᠢᠷᠢᠲᠠᠢ ᠪᠤᠯᠳᠠᠭ ᠴᠦ ᠪᠤᠢ᠃ | ᠢᠩᠭᠢᠵᠤ ᠪᠦᠳᠡᠩᠰᠢᠭᠰᠡᠨ ᠲᠤᠭᠤᠯ ᠢ ᠳᠠᠲᠠᠵᠤ ᠭᠠᠷᠭᠠᠭᠰᠠᠭᠠᠷ ᠬᠦᠢᠰᠦ ᠶᠢ ᠨᠢ ᠳᠠᠰᠤᠯᠵᠤ ᠵᠢᠪᠡᠷ ᠦᠵᠡᠬᠦᠯᠪᠡᠯ | ᠲᠤᠤᠷᠠ ᠪᠠᠨ ᠦᠬᠦᠴᠢᠳᠡᠭ᠃ ᠡᠶᠢᠮᠦ ᠠᠴᠠ ᠲᠤᠭᠤᠯ ᠢ ᠲᠠᠲᠠᠵᠤ ᠭᠠᠷᠭᠠᠭᠰᠠᠨ ᠤ ᠳᠠᠷᠠᠭᠠ ᠬᠦᠢᠰᠦ ᠶᠢ ᠨᠢ | ᠳᠠᠰᠤᠯᠬᠤ ᠠᠴᠠ ᠬᠢᠴᠢᠶᠡᠵᠤ᠂ ᠲᠤᠭᠤᠯ ᠤᠨ ᠠᠮᠢᠰᠬᠤᠯ ᠢ ᠪᠦᠭᠯᠡᠬᠦ ᠦᠬᠡᠢ ᠪᠠᠷ 10 — 20 ᠰᠧᠺᠦ᠋ᠨ᠋ᠳ᠋ | ᠠᠮᠠ ᠶᠢ ᠨᠢ ᠪᠠᠷᠢᠭᠠᠳ ᠵᠢᠪᠡᠷ ᠤᠷᠤᠭᠤ ᠬᠠᠨᠳᠤᠭᠤᠯᠤᠨ ᠬᠡᠪᠲᠡᠭᠦᠯᠦᠨᠡ᠃ ᠵᠢᠭᠠᠬᠠᠨ | ᠤᠳᠠᠭᠠᠳ ᠡᠬᠡ ᠪᠠᠷ ᠨᠢ ᠳᠤᠯᠢᠶᠠᠯᠭᠠᠭᠰᠠᠨ ᠲᠤᠭᠤᠯ ᠰᠡᠷᠬᠦᠵᠤ ᠪᠤᠰᠬᠤ ᠬᠡᠵᠤ ᠤᠷᠤᠯᠳᠤᠵᠤ ᠡᠬᠢᠯᠡᠪᠡᠯ ᠰᠠᠶ᠋ᠢ | ᠡᠬᠡ ᠶᠢ ᠨᠢ ᠪᠤᠰᠬᠠᠬᠤ ᠪᠤᠶᠤ ᠲᠤᠭᠤᠯ ᠢ ᠨᠢ ᠵᠠᠶᠢᠯᠠᠭᠤᠯᠵᠤ ᠬᠦᠢᠰᠦ ᠶᠢ ᠨᠢ ᠳᠠᠰᠤᠯᠤᠨᠠ᠃ | |