| ᠭᠠᠯ ᠲᠠᠬᠢᠬᠤ ᠶᠤᠰᠤᠨ ᠳᠤ ᠤᠯᠠᠨ ᠵᠦᠢᠯ ᠪᠠᠶᠢᠳᠠᠭ ᠪᠤᠯᠪᠠᠴᠦ ᠪᠢ ᠭᠤᠤᠯ ᠨᠢ ᠮᠤᠩᠭᠤᠯ ᠭᠡᠷ ᠲᠤ | ᠡᠪᠴᠢᠭᠦᠦ ᠪᠠᠷ ᠭᠠᠯ ᠲᠠᠬᠢᠬᠤ ᠶᠤᠰᠤᠨ ᠢ ᠲᠦᠬᠦᠮ ᠶᠠᠷᠢᠶᠠ᠃ ᠮᠤᠩᠭᠤᠯᠴᠣᠳ ᠭᠠᠯ ᠲᠠᠬᠢᠬᠤ ᠡᠳᠦᠷ ᠤᠨ ᠦᠳᠡᠰᠢ | ᠮᠠᠯ ᠰᠦᠷᠦᠭ ᠢᠶᠠᠨ ᠬᠤᠳᠠᠯᠠᠵᠦ ᠤᠳᠤ ᠪᠠᠶᠢᠷᠢᠯᠠᠬᠤ ᠦᠶᠡ ᠪᠠᠷ ᠭᠠᠯ ᠢᠶᠠᠨ ᠲᠠᠬᠢᠳᠠᠭ᠃ ᠵᠢᠷᠤᠬᠠᠢ ᠳᠤ ︽ᠭᠠᠯ ᠤᠨ | ᠪᠤᠷᠬᠠᠨ ᠨᠢ ᠬᠤᠷᠢᠨ ᠭᠤᠷᠪᠠᠨ ᠤ ᠦᠳᠡᠰᠢ ᠬᠤᠷᠮᠤᠰᠳᠠ ᠲᠡᠭᠷᠢ ᠳᠤ ᠬᠦᠷᠴᠦ᠂ ᠬᠤᠷᠢᠨ ᠲᠦᠷᠪᠡᠨ ᠤ ᠰᠦᠨᠢ | ᠪᠠᠭᠤᠵᠦ ᠢᠷᠡᠮᠦᠢ︾ ᠭᠡᠰᠡᠨ ᠢ ᠵᠢᠷᠤᠮᠯᠠᠵᠦ᠂ ᠬᠤᠷᠢᠨ ᠭᠤᠷᠪᠠᠨ ᠪᠤᠶᠤ ᠬᠤᠷᠢᠨ ᠲᠦᠷᠪᠡᠨ ᠤ ᠦᠳᠡᠰᠢ ᠭᠠᠯ ᠢᠶᠠᠨ | ᠲᠠᠬᠢᠳᠠᠭ ᠶᠤᠮ᠃ | ᠭᠠᠯ ᠲᠠᠬᠢᠬᠤ ᠳᠤ ᠲᠤᠯᠠᠭᠠᠨ ᠳᠠᠭᠠᠨ ᠵᠡᠷᠭᠡᠯᠡᠭᠰᠡᠨ ᠬᠠᠭᠤᠷᠠᠢ ᠠᠷᠭᠠᠯ ᠲᠦᠯᠡᠭᠡ ᠶᠢ ᠨᠤᠴᠤᠭᠠᠵᠦ᠂ ᠲᠠᠬᠢᠯᠭᠠ | ᠳᠤ ᠤᠷᠤᠯᠴᠠᠬᠤ ᠬᠦᠮᠦᠰ ᠶᠡᠬᠡᠰ ᠠᠬᠠᠮᠠᠳ ᠠᠴᠠ ᠡᠬᠢᠯᠡᠨ ᠲᠤᠷᠤᠭᠰᠢ ᠲᠡᠰ ᠲᠠᠷᠠᠭᠠ ᠪᠠᠷ ᠰᠠᠭᠤᠯᠴᠠᠵᠦ᠂ | ᠡᠪᠴᠢᠭᠦᠨ ᠭᠡᠷᠰᠡᠩ᠂ ᠴᠤᠷᠤᠢ᠂ ᠬᠤᠰ᠂ ᠬᠤᠳᠤᠭᠤᠳᠦ᠂ ᠱᠠᠭᠠᠳᠤ᠂ ᠲᠦᠷᠪᠡᠨ ᠦᠨᠳᠦᠷ ᠢ ᠲᠠᠯᠠᠯᠠᠭᠠ ᠶᠢᠨ | ᠰᠠᠭᠤᠯᠭᠠᠨ ᠳᠤ ᠬᠢᠵᠦ ᠠᠬᠠᠮᠠᠳ ᠬᠦᠮᠦᠨ ᠡᠷᠭᠦᠵᠦ ᠲᠠᠯᠠᠯᠠᠭᠠ ᠠᠪᠬᠤ ᠪᠠᠷ ᠪᠡᠯᠡᠳᠭᠡᠨᠡ᠃ ᠪᠤᠰᠤᠳ ᠬᠦᠮᠦᠰ | ᠪᠦᠭᠦᠳᠡᠭᠡᠷ ᠢᠶᠠᠨ ᠫᠢᠯᠠ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ ᠪᠤᠤᠪᠤ ᠵᠡᠷᠭᠡ ᠶᠢᠨ ᠲᠠᠯᠠᠯᠠᠭᠠ ᠪᠠᠷᠢᠵᠦ ᠰᠠᠭᠤᠨᠠ᠃ ᠭᠡᠷ ᠤᠨ | ᠪᠦᠰᠡᠭᠦᠢ ᠬᠦᠮᠦᠨ ᠪᠤᠶᠤ ᠪᠡᠷᠢ ᠬᠦᠮᠦᠨ ᠭᠠᠯ ᠢᠶᠠᠨ ᠬᠦᠭᠵᠢᠭᠡᠨ ᠰᠡᠷᠵᠢᠮ ᠡᠷᠭᠦᠵᠦ ᠭᠠᠯ ᠠᠪᠤᠯᠴᠠᠬᠤ ᠳᠤ ᠭᠠᠯ ᠤᠨ | ᠰᠠᠩ ᠲᠠᠯᠪᠢᠵᠦ ᠤᠩᠰᠢᠯᠭᠠ ᠢᠷᠦᠭᠡᠯ ᠲᠠᠯᠪᠢᠨ ᠭᠡᠷ ᠤᠨ ᠡᠵᠡᠨ ᠴᠢᠮᠠᠵᠦ ᠪᠡᠯᠡᠳᠭᠡᠭᠰᠡᠨ ᠡᠪᠴᠢᠭᠦᠦ ︵ᠡᠪᠴᠢᠭᠦᠦ | ᠶᠢᠨ ᠶᠠᠰᠤ ᠪᠦᠳᠦᠨ ᠢᠶᠠᠷ ᠢᠶᠠᠨ᠂ ᠲᠠᠪᠤᠨ ᠦᠩᠭᠡ ᠶᠢᠨ ᠭᠬᠢᠪ ᠲᠤᠷᠭᠠ᠂ ᠲᠦᠷᠸᠠ ᠡᠪᠡᠰᠦ᠂ ᠨᠤᠤᠰᠤᠨ ᠣᠳᠠᠰᠦ᠂ | ᠲᠤᠷᠭᠠᠨ ᠬᠠᠳᠠᠭ ᠪᠤᠶᠤ ᠰᠠᠮᠪᠠᠢ᠂ ᠴᠢᠪᠠᠭᠠ ᠦᠵᠦᠮ ᠢᠶᠠᠷ ᠴᠢᠮᠡᠭᠰᠡᠨ︶ ᠪᠠᠨ ᠪᠦᠳᠦᠷᠬᠡᠢ ᠶᠢ ᠨᠢ ᠲᠤᠯᠭᠠ ᠤᠷᠤᠭᠤ | ᠬᠠᠨᠳᠤᠭᠤᠯᠤᠨ ᠪᠠᠷᠢᠵᠦ ᠭᠠᠯ ᠳᠤ ᠡᠷᠭᠦᠭᠡᠳ ᠬᠤᠷᠮᠤᠢ ᠪᠠᠨ ᠲᠡᠪᠢᠰᠴᠦ ᠭᠤᠷᠪᠠᠨᠳᠠ ᠮᠦᠷᠭᠦᠨᠡ᠃ ᠪᠡᠷᠢ ᠬᠦᠮᠦᠨ | ᠭᠠᠯ ᠳᠤ ᠰᠡᠷᠵᠢᠮ ᠡᠷᠭᠦᠵᠦ ᠭᠠᠯ ᠤᠨ ᠰᠤᠷ ᠲᠤᠭᠤᠨᠤ ᠲᠤᠯᠤᠮᠠ ᠪᠠᠳᠠᠷᠠᠨ ᠬᠦᠭᠵᠢᠬᠦ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ︽ | ᠰᠦᠮᠪᠦᠷ ᠠᠭᠤᠯᠠ ᠮᠡᠳᠦ ᠪᠠᠳᠤ᠂ ᠰᠦᠨ ᠲᠠᠯᠠᠢ ᠮᠡᠳᠦ ᠶᠡᠭᠡ᠂ ᠪᠤᠶᠠᠨ ᠬᠡᠰᠢᠭ ᠬᠠᠶᠢᠷᠠᠯᠠ᠂ ᠬᠤᠷᠤᠢ︕ ᠬᠤᠷᠤᠢ︕ | ᠬᠤᠷᠤᠢ︕︾ ᠭᠡᠵᠦ ᠲᠠᠯᠠᠯᠠᠭᠠ ᠠᠪᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ ᠬᠦᠬᠡ ᠪᠤᠶᠤ ᠪᠤᠷᠤ ᠰᠠᠷᠠᠯ ᠢᠮᠠᠭᠠ ᠰᠡᠳᠡᠷᠯᠡᠵᠦ᠂ | ᠭᠠᠯ ᠭᠠᠯᠠᠶᠢᠬᠠᠨ ᠤ ᠬᠦᠯᠦᠭ ᠪᠤᠯᠭᠠᠵᠦ ᠲᠠᠯᠪᠢᠨᠠ᠃ ᠡᠭᠦᠨ ᠤ ᠲᠠᠷᠠᠭᠠ ᠲᠠᠯᠠᠯᠠᠭᠠ ᠶᠢᠨ ᠰᠠᠭᠤᠯᠠᠭᠠ ᠪᠠᠨ | ᠲᠡᠭᠡᠭᠰᠢᠯᠡᠭᠦᠯᠵᠦ᠂ ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠯ ᠤᠨ ᠬᠡᠰᠡᠭ᠂ ᠭᠠᠯ ᠤᠨ ᠠᠮᠤᠰᠤ ︵ᠪᠤᠳᠠᠭᠠ︶ ᠢᠳᠡᠨᠡ᠃ ᠭᠠᠯ | ᠲᠠᠬᠢᠭᠰᠠᠨ ᠤ ᠲᠠᠷᠠᠭᠠ ᠦᠷᠯᠦᠭᠡ ᠪᠤᠶᠤ ᠭᠤᠷᠪᠠᠨ ᠬᠤᠨᠤᠭ ᠤᠨ ᠲᠠᠷᠠᠭᠠ ᠰᠢᠳᠠᠭᠳᠠᠭᠰᠠᠨ ᠶᠠᠰᠤᠨ ᠤ ᠦᠨᠡᠰᠦ ᠶᠢ | ᠠᠪᠴᠦ ᠲᠡᠭᠡᠷᠡ ᠭᠠᠵᠠᠷ ᠰᠠᠴᠤᠬᠤ ᠪᠤᠶᠤ ᠦᠨᠡᠰᠦᠨ ᠲᠤᠳᠤᠷᠠ ᠠᠴᠠ ᠪᠤᠷᠪᠢ᠂ ᠲᠤᠶᠢᠭ ᠤᠨ ᠶᠠᠰᠤ ᠶᠢ ᠠᠪᠴᠦ ᠭᠡᠷ | ᠤᠨ ᠲᠤᠳᠤᠭᠤ ᠲᠡᠭᠡᠷᠡ ᠪᠠᠨ ᠲᠠᠯᠪᠢᠵᠦ ᠲᠠᠷᠠᠭᠠ ᠵᠢᠯ ᠤᠨ ᠭᠠᠯ ᠲᠠᠬᠢᠬᠤ ᠪᠤᠯᠳᠠᠯᠠ ᠲᠠᠬᠢᠵᠦ ᠬᠠᠳᠠᠭᠠᠯᠠᠨᠠ᠃ |