| ᠮᠠᠯᠴᠢᠨ ᠬᠦᠮᠦᠨ ᠮᠢᠩᠭᠠᠨ ᠮᠡᠷᠭᠡᠵᠢᠯ ᠲᠠᠢ ᠬᠡᠳᠡᠭ᠂ ᠠᠷᠭᠠ ᠴᠦ ᠦᠭᠡᠢ ᠶᠤᠮ ᠳ᠋ᠠ᠂ ᠵᠢᠯ ᠤᠨ ᠲᠦᠷᠪᠡᠨ | ᠤᠯᠠᠷᠢᠯ ᠤᠨ ᠢᠶᠠᠨ ᠦᠩᠭᠡ ᠠᠶᠠᠰ ᠢ ᠲᠠᠭᠠᠵᠦ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠮᠠᠯᠠᠯᠠᠨ ᠠᠮᠢᠳᠤᠷᠠᠳᠠᠭ ᠮᠠᠯᠴᠢᠳ | ᠮᠠᠨᠢ ᠠᠳᠤᠭᠤᠴᠢᠨ ᠲᠡᠮᠡᠭᠡᠴᠢᠨ ᠬᠤᠨᠢᠴᠢᠨ ᠪᠠᠶᠢᠬᠤ ᠠᠴᠠ ᠪᠠᠨ ᠭᠠᠳᠠᠨᠠ ᠰᠤᠷᠴᠢᠨ᠂ ᠤᠶᠤᠳᠤᠯᠴᠢᠨ᠂ ᠮᠠᠯ ᠤᠨ | ᠡᠮᠴᠢ᠂ ᠴᠠᠭ ᠠᠭᠤᠷ ᠰᠢᠨᠵᠢᠭᠡᠴᠢ᠂ ᠡᠪᠡᠰᠦ ᠤᠷᠭᠤᠮᠠᠯ ᠰᠤᠳᠤᠯᠤᠬᠠᠴᠢ ᠭᠡᠳ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳᠤ ᠪᠠᠨ | ᠠᠰᠢᠭᠯᠠᠬᠤ ᠮᠡᠷᠭᠡᠵᠢᠯ ᠪᠤᠯᠭᠠᠨ ᠢ ᠡᠵᠡᠮᠰᠢᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠬᠠᠷᠢᠨ ᠡᠭᠦᠨ ᠤ ᠲᠤᠳᠤᠷᠠ | ᠤᠶᠠᠭᠠᠴᠢ ᠪᠠᠶᠢᠨᠠ ᠭᠡᠳᠡᠭ ᠭᠡᠨ ᠬᠦᠮᠦᠨ ᠪᠤᠯᠭᠠᠨ ᠤ ᠰᠤᠷᠴᠢᠬᠠᠳᠠᠭ ᠮᠡᠷᠭᠡᠵᠢᠯ ᠪᠢᠰᠢ ᠭᠡᠯᠳᠡᠢ᠃ | | | | ᠬᠠᠪᠤᠷ ᠤᠨ ᠲᠡᠩᠷᠢ ᠠᠭᠤᠷ ᠲᠠᠢ ᠪᠦᠰᠡᠭᠦᠢ ᠶᠢᠨ ᠠᠭᠠᠯᠢ ᠰᠢᠭ ᠤᠯᠠᠨ ᠬᠤᠪᠢᠷᠠᠳᠠᠢ ᠴᠦ ᠭᠡᠯᠡ᠂ ᠦᠪᠦᠳᠦᠷ | ᠪᠢᠳᠡᠨ ᠤ ᠰᠤᠷᠪᠤᠯᠵᠢᠯᠠᠭᠠ ᠶᠢ ᠲᠡᠮᠵᠢᠭᠰᠡᠨ ᠶᠤᠮ ᠰᠢᠭ ᠨᠠᠯᠠᠭᠠᠷ ᠰᠠᠶᠢᠬᠠᠨ ᠡᠳᠦᠷ ᠲᠤᠬᠢᠶᠠᠵᠠᠢ᠃ ᠪᠠᠭᠠ ᠵᠡᠷᠭᠡ ᠵᠠᠮ | ᠵᠢᠭᠠᠯᠭᠠᠵᠦ᠂ ᠤᠶᠠᠭᠠ ᠱᠣᠩ ᠵᠢᠭᠳᠡᠷᠡᠨ᠂ ᠤᠷᠤᠯᠳᠤᠭᠠᠨ ᠮᠤᠷᠢ ᠢᠷᠠᠶᠢᠭᠰᠠᠨ ᠠᠶᠢᠯ ᠤᠨ ᠭᠠᠳᠠᠨᠠ ᠠᠰᠠᠭᠤᠬᠤ ᠶᠢᠨ | ᠰᠢᠯᠳᠠᠭ ᠦᠭᠡᠢ ᠲᠠᠪᠬᠢᠭᠠᠳ ᠬᠦᠷᠦᠯᠡ᠃ ᠰᠠᠶᠢᠨ ᠤᠶᠠᠭᠠᠴᠢ ᠭᠡᠳᠡᠭ ᠢᠶᠠᠷ ᠨᠢ ᠨᠤᠳᠤᠭ ᠤᠰᠤᠨ ᠤ ᠬᠦᠮᠦᠨ ᠵᠤᠨ | ᠮᠠᠨᠢ ᠠᠨᠳᠠᠬᠤ ᠦᠭᠡᠢ ᠰᠠᠶᠢᠨ ᠲᠠᠨᠢᠳᠠᠭ ᠬᠡᠷᠡᠯᠳᠦ ᠶᠢᠨ ᠠᠮᠢᠳᠤᠷᠠᠯ ᠠᠬᠤᠢ ᠶᠢ ᠰᠤᠷᠪᠤᠯᠵᠢᠯᠠᠨ ᠰᠢᠩᠭᠡᠭᠡᠶᠡ ᠭᠡᠵᠦ | ᠵᠤᠷᠢᠵᠦ ᠢᠷᠡᠭᠰᠡᠨ ᠮᠠᠨᠢ ᠡᠨᠡ ᠪᠢᠯᠡ᠃ | ᠠᠪᠤ ᠲᠡᠭᠡᠳᠦ ᠶᠢᠨ ᠨᠤᠳᠤᠭ ᠤᠰᠤᠨ ᠳᠤ ᠪᠠᠨ ᠮᠠᠯᠴᠢᠨ ᠵᠠᠶᠠᠭᠠ ᠪᠠᠨ ᠤᠯᠠᠮᠵᠢᠯᠠᠵᠦ᠂ ᠤᠶᠠᠭᠠᠴᠢ ᠤᠳᠤᠮ | ᠢᠶᠠᠨ ᠵᠠᠯᠭᠠᠮᠵᠢᠯᠠᠵᠦ᠂ ᠤᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ᠠᠴᠠ ᠪᠠᠶᠢᠰᠢᠩ ᠢᠶᠠᠨ ᠰᠢᠨᠡᠳᠭᠡᠵᠦ᠂ ᠰᠢᠨᠡ ᠴᠠᠭ ᠦᠶᠡ ᠶᠢᠨ | ᠬᠡᠯᠪᠡᠷᠢ ᠮᠢᠶᠠᠭ ᠢᠶᠠᠷ ᠭᠡᠷ ᠤᠨ ᠲᠤᠳᠤᠷᠠᠬᠢ ᠪᠠᠨ ᠵᠠᠰᠠᠨ ᠴᠢᠮᠡᠭᠯᠡᠵᠦ᠂ ᠬᠤᠳᠠ ᠭᠠᠵᠠᠷ ᠤᠨ ᠠᠰᠠᠷ ᠲᠠᠭᠳᠤ ᠠᠴᠠ | ᠲᠤᠳᠠᠬᠤ ᠪᠠᠷ ᠦᠭᠡᠢ ᠰᠠᠶᠢᠬᠠᠨ ᠪᠤᠯᠭᠠᠵᠠᠢ᠃ ᠡᠷ ᠤᠨ ᠲᠠᠪᠢᠯᠭᠠ ᠬᠡᠷᠡᠭᠰᠡᠯ ᠵᠡᠷᠭᠡ ᠠᠴᠠ ᠨᠢ ᠮᠤᠷᠢᠨ ᠳᠤ | ᠬᠠᠶᠢᠷᠠᠳᠠᠢ ᠤᠶᠠᠭᠠᠴᠢ ᠠᠶᠢᠯ ᠭᠡᠳᠡᠭ ᠨᠢ ᠮᠡᠳᠡᠭᠳᠡᠵᠦ᠂ ᠦᠷᠡ ᠬᠠᠨᠢ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠦᠶᠦᠭ ᠲᠠᠩᠰᠤᠭ | ᠠᠮᠢᠳᠤᠷᠠᠵᠦ ᠪᠠᠶᠢᠭᠠ ᠡᠳᠡᠨᠡᠶᠢᠬᠢᠨ ᠢ ᠭᠠᠳᠠᠨᠠ ᠠᠴᠠ ᠨᠢ ᠬᠠᠷᠠᠬᠤ ᠳᠤ ᠯᠡ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ᠂ ᠠᠮᠢᠳᠤᠷᠠᠯ | ᠤᠳᠤᠷᠢᠳᠤᠯᠭᠠ ᠳᠤ ᠪᠠᠨ ᠰᠡᠳᠭᠢᠯ ᠭᠠᠷᠭᠠᠳᠠᠭ ᠰᠠᠶᠢᠬᠠᠨ ᠠᠶᠢᠯ ᠭᠡᠳᠡᠭ ᠨᠢ ᠢᠯᠡᠭᠡᠨ ᠲᠤᠳᠤᠬᠠᠨ ᠬᠠᠷᠠᠭᠳᠠᠨᠠ | ᠪᠢᠯᠡ᠃ | ᠬᠠᠪᠤᠷ ᠤᠨ ᠰᠠᠷᠠ ᠲᠤᠮᠳᠠᠷᠠᠵᠦ ᠶᠠᠪᠤᠭᠠ ᠪᠤᠯᠬᠤᠷ ᠮᠠᠯ ᠲᠦᠯᠯᠡᠭᠡᠳ ᠬᠦᠢᠴᠡᠭᠰᠡᠨ ᠭᠡᠵᠦ ᠬᠡᠯᠡᠬᠦ ᠶᠢᠨ ᠲᠠᠭᠠᠦ | ᠭᠡᠷ ᠤᠨ ᠡᠵᠡᠭᠳᠡᠢ ᠬᠤᠷᠤᠭᠠᠨ ᠲᠤᠳᠤᠷᠠ ᠪᠠᠨ ᠠᠮᠢᠳᠠᠨ ᠤ ᠬᠦᠷᠢᠶᠡᠯᠡᠩ ᠰᠢᠭ ᠠᠯᠠᠭ ᠬᠤᠷᠠᠭᠠ ᠨᠤᠭᠤᠳ ᠲᠤ ᠪᠠᠨ | ᠡᠪᠡᠰᠦ ᠲᠡᠵᠢᠭᠡᠯ ᠪᠡᠯᠡᠳᠭᠡᠨ ᠶᠠᠭᠠᠷᠠᠨᠠ᠃ ᠡᠳᠡᠨᠡᠶᠢᠬᠢ ᠵᠢᠷᠭᠤᠭᠠ ᠲᠤᠯᠤᠭᠠᠨ ᠵᠢᠯ ᠤᠨ ᠡᠮᠦᠨᠡ ᠠᠴᠠ ᠰᠢᠨᠵᠢᠶᠠᠩ | ᠤᠨ ᠠᠯᠳᠠᠢ ᠨᠤᠳᠤᠭ ᠤᠨ ᠰᠠᠯᠠᠭᠠ ᠰᠡᠭᠦᠯᠳᠦ ᠬᠤᠨᠢ ᠶᠢ ᠮᠠᠯᠵᠢᠳᠠᠭ ᠪᠤᠯᠵᠠᠢ᠃ ᠬᠦᠢᠳᠡᠨ ᠳᠤ ᠲᠡᠰᠪᠦᠷᠢ ᠲᠠᠢ᠂ | ᠲᠠᠷᠭᠤ ᠰᠠᠶᠢᠨ ᠰᠠᠭᠤᠳᠠᠭ ᠡᠨᠡ ᠤᠯᠠᠭᠠᠨ ᠬᠤᠨᠢᠳ ᠨᠢ ᠬᠦᠭᠡᠷᠦᠬᠦᠨ ᠠᠭᠠᠳ ᠤᠨᠴᠠᠭᠠᠢ ᠬᠠᠷᠠᠭᠳᠠᠬᠤ ᠶᠤᠮ ᠪᠢᠯᠡ᠃ | | | | | | ᠨᠡᠶᠢᠭᠡᠮ ᠤᠨ ᠤᠷᠤᠰᠬᠠᠯ ᠲᠠᠭᠠᠵᠦ᠂ ᠤᠯᠠᠨ ᠵᠠᠯᠠᠭᠤᠴᠤᠳ ᠬᠤᠳᠠ ᠪᠠᠷᠠᠭᠠᠳᠠᠵᠦ ᠠᠮᠢᠳᠤᠷᠠᠳᠠᠭ ᠪᠤᠯᠤᠭᠰᠠᠨ | ᠴᠦ ᠭᠡᠷᠡᠯᠳᠦ ᠶᠢᠨ ᠬᠦᠦ ᠲᠡᠷᠭᠡᠯ ᠨᠢ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠲᠤᠮᠳᠠ ᠵᠡᠷᠭᠡ ᠶᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ | ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠦᠭᠡᠳ᠂ ᠬᠦᠳᠡᠭᠡᠨ ᠢᠶᠠᠨ ᠢᠷᠡᠵᠦ᠂ ᠠᠪᠤ ᠡᠵᠢ ᠪᠠᠨ ᠬᠠᠮᠵᠢᠵᠦ᠂ ᠬᠦᠳᠡᠭᠡ ᠭᠡᠷ ᠤᠨ ᠢᠶᠠᠨ | ᠪᠦᠬᠦ ᠠᠵᠢᠯ ᠢ ᠬᠢᠳᠡᠭ ᠪᠤᠯᠤᠭᠰᠠᠨ ᠨᠢ ᠬᠦᠳᠡᠭᠡ ᠤᠷᠤᠨ ᠨᠤᠳᠤᠭ ᠲᠤ ᠵᠠᠯᠠᠭᠤ ᠬᠦᠮᠦᠨ ᠲᠤᠳᠠᠳᠠᠭ ᠤᠳᠤ ᠶᠢᠨ | ᠪᠠᠶᠢᠳᠠᠯ ᠳᠤ ᠤᠯᠵᠠᠷᠠᠭᠤᠰᠢᠳᠠᠢ ᠶᠠᠪᠤᠳᠠᠯ ᠶᠤᠮ᠃ ᠤᠶᠠᠭᠠᠴᠢ ᠭᠡᠷᠡᠯᠳᠦ ᠬᠡᠷᠭᠡᠢ ᠤᠯᠠᠭᠠᠨᠳᠤᠶᠠᠭᠠ ᠲᠠᠢ ᠪᠠᠨ | ᠬᠤᠶᠠᠭᠤᠯᠠ ᠬᠦᠦ ᠳᠤ ᠪᠠᠨ ᠮᠠᠯᠴᠢᠨ ᠬᠦᠮᠦᠨ ᠤ ᠮᠡᠳᠡᠵᠦ ᠴᠢᠳᠠᠭᠰᠠᠨ ᠪᠦᠬᠦ ᠵᠦᠢᠯ ᠢᠶᠠᠨ ᠬᠡᠯᠡᠵᠦ ᠵᠢᠭᠠᠨ᠂ ᠬᠦᠦ | ᠨᠢ ᠴᠦ ᠤᠷᠤᠯᠳᠤᠭᠠᠨ ᠮᠤᠷᠢᠨ ᠳᠤ ᠪᠠᠭ᠋ᠠᠳᠠᠢ ᠪᠠᠶᠢᠵᠦ᠂ ᠠᠪᠤ ᠶᠢᠨ ᠢᠶᠠᠨ ᠤᠶᠠᠭᠠᠴᠢ ᠮᠡᠷᠭᠡᠵᠢᠯ ᠢ ᠰᠤᠷᠴᠦ ᠶᠠᠪᠤᠨᠠ᠃ | | ᠡᠪᠦᠭᠡ ᠠᠪᠤ᠂ ᠦᠪᠡᠷ ᠤᠨ ᠠᠪᠤ ᠶᠢᠨ ᠢᠶᠠᠨ ᠤᠶᠠᠭᠠᠴᠢ ᠤᠳᠤᠮ ᠢ ᠵᠠᠯᠭᠠᠮᠵᠢᠯᠠᠵᠦ᠂ ᠨᠤᠳᠤᠭ ᠤᠰᠤᠨ ᠳᠤ | ᠪᠠᠨ ᠤᠶᠠᠭᠠᠴᠢ ᠴᠤᠯᠠ ᠲᠠᠢ ᠬᠢᠯᠠᠷᠭᠠᠵᠦ ᠶᠠᠪᠤᠭᠠ ᠭᠡᠷᠡᠯᠳᠦ ᠮᠠᠨᠢ ᠬᠦᠦ ᠪᠠᠨ ᠴᠦ ᠪᠠᠰᠠ ᠤᠶᠠᠭᠠᠴᠢ ᠪᠤᠯᠤᠭᠠᠰᠠᠢ | ᠭᠡᠵᠦ ᠵᠢᠯᠤᠭᠤᠳᠤᠨ ᠵᠠᠭᠠᠭᠰᠠᠭᠠᠷ᠂ ᠠᠮᠤᠭᠤᠯᠠᠩ ᠨᠤᠳᠤᠭ ᠲᠤ ᠪᠠᠨ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠵᠦ ᠪᠠᠶᠢᠨᠠ᠃ | | | | | | | | |