| ᠮᠢᠨᠤ ᠡᠵᠢ ᠡᠮᠴᠢ ᠪᠢᠰᠢ᠂ ᠨᠡᠩ ᠴᠦ ᠴᠡᠷᠢᠭ ᠬᠦᠮᠦᠨ ᠪᠢᠰᠢ᠃ ᠡᠵᠢ ᠮᠢᠨᠢ ᠵᠦᠪᠬᠡᠨ ᠯᠡ ᠡᠭᠡᠯ ᠵᠢᠷ ᠤᠨ | ᠨᠢᠭᠡᠨ ᠠᠵᠢᠯᠳᠠᠨ ᠪᠢᠯᠡ᠃ | ᠤᠯᠤᠰ ᠤᠨ ᠪᠠᠶᠠᠷ ᠤᠨ ᠠᠮᠠᠷᠠᠯᠳᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠲᠠᠰᠬᠠᠯ ᠲᠠᠭᠠᠭᠠᠯᠪᠤᠷᠢ ᠪᠠᠨ ᠴᠦᠮ | ᠲᠠᠭᠤᠰᠬᠠᠭᠰᠠᠨ ᠪᠤᠯᠬᠤᠷ ᠡᠵᠢ ᠮᠢᠨᠢ ᠨᠠᠳᠠ ᠶᠢ ᠲᠠᠭᠠᠭᠤᠯᠤᠨ ᠬᠦᠳᠡᠭᠡ ᠪᠠᠶᠢᠭᠠ ᠡᠪᠦᠭᠡᠨ ᠨᠠᠭᠠᠴᠦ ᠶᠢᠨ ᠳᠤ | ᠤᠴᠢᠬᠤ ᠪᠠᠷ ᠲᠦᠯᠦᠪᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠬᠡᠪᠡᠴᠦ ᠬᠢᠵᠢᠭ ᠤᠨ ᠪᠠᠶᠢᠳᠠᠯ ᠭᠡᠨᠡᠳᠳᠡ ᠬᠦᠨᠳᠦ ᠨᠤᠴᠢᠳᠠᠢ | ᠪᠤᠯᠤᠭᠰᠠᠨ ᠠᠴᠠ ᠡᠵᠢ ᠮᠢᠨᠢ ᠬᠡᠵᠢᠶᠡ ᠮᠠᠭᠠᠳ ᠠᠵᠢᠯ ᠤᠨ ᠪᠡᠶᠢᠷᠢ ᠳᠠᠭᠠᠨ ᠡᠭᠦᠷᠭᠡ ᠬᠦᠯᠢᠶᠡᠬᠦ ᠤᠴᠢᠷ ᠲᠠᠢ ᠪᠤᠯᠬᠤ | ᠠᠴᠠ ᠬᠢᠴᠢᠶᠡᠵᠦ᠂ ᠨᠠᠳᠠ ᠶᠢ ᠲᠠᠭᠠᠭᠤᠯᠤᠨ ᠬᠦᠳᠡᠭᠡ ᠶᠠᠪᠤᠬᠤ ᠪᠠᠨ ᠪᠠᠶᠢᠯᠠ᠂ ᠡᠭᠦᠨ ᠳᠤ ᠪᠢ ᠭᠤᠮᠤᠳᠠᠵᠦ᠂ ᠡᠵᠢ | ᠳᠡᠭᠡᠨ ᠪᠠᠭ᠋ᠠᠨ ᠠᠭᠤᠷᠯᠠᠵᠦ ᠪᠠᠶᠢᠭᠰᠠᠨ ᠰᠠᠨ᠃ | | | ᠡᠵᠢ ᠶᠢᠨ ᠮᠢᠨᠢ ᠪᠤᠳᠤᠯ ᠵᠦᠪ ᠪᠠᠶᠢᠵᠠᠢ᠃ ᠮᠦᠨ ᠲᠡᠷᠡ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ ᠡᠵᠢ ᠮᠢᠨᠢ ︽ | ᠲᠠᠷᠤᠶᠢᠬᠠᠨ ᠪᠠᠶᠢᠯᠳᠤᠭᠠᠨ ᠤ ᠲᠤᠭᠤᠷᠢᠭ ᠲᠤ ᠴᠤᠭᠯᠠᠷᠠᠭᠠᠷᠠᠢ︕︾ ᠭᠡᠰᠡᠨ ᠮᠡᠳᠡᠭᠳᠡᠯ ᠢ ᠬᠦᠯᠢᠶᠡᠵᠦ᠂ ᠨᠠᠳᠠ ᠶᠢ | ᠭᠡᠷ ᠲᠤ ᠭᠠᠭᠴᠠᠭᠠᠷ ᠤᠷᠬᠢᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠲᠡᠷᠡ ᠦᠳᠡᠰᠢ ᠡᠵᠢ ᠮᠢᠨᠢ ᠮᠠᠰᠢ ᠤᠷᠤᠢ ᠬᠠᠷᠢᠵᠦ ᠪᠢᠯᠡ᠃ | ᠲᠠᠷᠠᠭᠠ ᠦᠷᠯᠦᠭᠡ ᠨᠢ ᠡᠵᠢ ᠮᠢᠨᠢ ᠲᠠᠪᠤᠨ ᠴᠠᠭ ᠢᠶᠠᠷ ᠠᠵᠢᠯ ᠳᠠᠭᠠᠨ ᠭᠠᠷᠴᠦ᠂ ᠤᠷᠤᠶᠢᠬᠠᠨ ᠬᠠᠷᠢᠵᠦ | ᠢᠷᠡᠭᠡᠳ ᠬᠤᠭᠤᠯᠠ ᠬᠢᠬᠦ᠂ ᠤᠬᠢᠶᠠᠵᠦ ᠴᠡᠪᠡᠷᠯᠡᠬᠦ ᠵᠡᠷᠭᠡ ᠠᠵᠢᠯ ᠳᠤ ᠪᠠᠨ ᠮᠤᠩᠭᠢᠨᠠᠵᠦ ᠮᠠᠰᠢ ᠶᠡᠭᠡ ᠵᠦᠳᠡᠷᠡᠭᠰᠡᠨ | ᠪᠢᠯᠡ᠃ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠨᠢ ᠡᠵᠢ ᠮᠢᠨᠢ᠄ ︽ᠬᠢᠵᠢᠭ ᠤᠨ ᠪᠠᠶᠢᠳᠠᠯ ᠪᠤᠳᠤᠯᠢᠶᠠᠨᠳᠠᠢ ᠪᠤᠯᠵᠦ ᠤᠯᠠᠮ ᠶᠠᠭᠠᠷᠠᠦ | ᠪᠤᠯᠤᠯᠠ᠂ ᠮᠦᠨᠴᠦ ᠠᠮᠤᠷ ᠲᠦᠪᠰᠢᠨ ᠢ ᠪᠤᠳᠤᠯᠬᠢᠯᠠᠵᠦ᠂ ᠴᠢᠮᠠ ᠶᠢ ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠳᠤ ᠴᠢᠨᠢ ᠬᠦᠷᠭᠡᠶᠡ᠃ | ᠬᠢᠵᠢᠭ ᠤᠨ ᠪᠠᠶᠢᠳᠠᠯ ᠰᠠᠶᠢᠵᠢᠷᠠᠭᠰᠠᠨ ᠤ ᠲᠠᠷᠠᠭᠠ ᠡᠵᠢ ᠨᠢ ᠢᠷᠡᠵᠦ ᠲᠤᠰᠤᠶᠠ᠃︾ ᠭᠡᠵᠦ ᠨᠠᠳᠠ ᠶᠢ ᠨᠠᠭᠠᠴᠦ | ᠡᠮᠡᠭᠡ ᠶᠢᠨ ᠳᠤ ᠬᠦᠷᠭᠡᠯᠡ᠃ ᠡᠵᠢ ᠶᠢᠨ ᠢᠶᠠᠨ ᠮᠠᠰᠢ ᠶᠡᠭᠡ ᠶᠠᠳᠠᠷᠠᠵᠦ ᠵᠦᠳᠡᠷᠡᠵᠦ ᠪᠠᠶᠢᠬᠤ ᠶᠢ ᠪᠢ ᠮᠡᠳᠡᠵᠦ ᠪᠠᠶᠢᠭᠠ | ᠪᠤᠯᠬᠤᠷ ᠡᠵᠢ ᠶᠢᠨ ᠦᠭᠡ ᠶᠢ ᠰᠤᠨᠤᠰᠴᠦ ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠳᠡᠭᠡᠨ ᠤᠴᠢᠵᠦ ᠰᠠᠭᠤᠭᠰᠠᠨ ᠶᠤᠮ᠃ | ᠡᠵᠢ ᠶᠢᠨ ᠢᠶᠠᠨ ᠡᠪᠡᠳᠴᠢᠯᠡᠭᠰᠡᠨ ᠢ ᠰᠤᠨᠤᠰᠤᠭᠠᠳ ᠪᠢ ᠡᠵᠢ ᠳᠡᠭᠡᠨ ᠤᠳᠠᠰᠤᠳᠠᠬᠤ ᠳᠤ ᠡᠵᠢ ᠮᠢᠨᠢ ᠮᠦᠨ | ᠯᠡ ᠵᠢᠵᠢᠭᠦᠷᠯᠡᠵᠦ ᠪᠠᠶᠢᠪᠠ᠃ ᠲᠡᠩᠷᠢ ᠬᠦᠢᠳᠡᠨ᠂ ᠡᠵᠢ ᠮᠢᠨᠢ ᠪᠦᠬᠦᠯᠢ ᠡᠳᠦᠷ ᠢᠶᠠᠷ ᠢᠶᠠᠨ ᠭᠠᠳᠠᠨᠠ ᠵᠤᠭᠰᠤᠨᠠ᠃ | ᠡᠪᠡᠳᠴᠢᠯᠡᠭᠰᠡᠨ ᠴᠦ ᠬᠠᠷᠢᠵᠦ ᠠᠮᠠᠷᠠᠬᠤ ᠵᠠᠪ ᠦᠭᠡᠢ ᠦᠷᠭᠦᠯᠵᠢᠯᠡᠨ ᠶᠠᠭᠠᠷᠠᠨᠠ᠃ | | | ᠡᠵᠢ ᠮᠢᠨᠢ ᠡᠶᠢᠨᠬᠦ ᠨᠡᠶᠢᠭᠡᠮ ᠬᠦᠮᠦᠨ ᠠᠷᠠᠳ ᠤᠨ ᠢᠶᠠᠨ ᠡᠷᠡᠭᠦᠯ ᠡᠩᠭᠡ ᠶᠢᠨ ᠲᠦᠯᠦᠭᠡ ᠠᠯᠢᠪᠠ ᠪᠠᠨ | ᠵᠤᠷᠢᠭᠤᠯᠵᠦ᠂ ᠶᠠᠳᠠᠷᠠᠵᠦ ᠵᠦᠳᠡᠷᠡᠵᠦ ᠪᠠᠶᠢᠪᠠᠴᠦ ᠠᠵᠢᠯ ᠤᠨ ᠪᠠᠶᠢᠷᠢ ᠪᠠᠨ ᠪᠠᠳᠤ ᠰᠠᠬᠢᠨ ᠡᠳᠦᠷ ᠰᠦᠨᠢ ᠦᠭᠡᠢ | ᠶᠠᠭᠠᠷᠠᠯᠳᠠᠢ ᠠᠵᠢᠯᠯᠠᠨᠠ᠃ ᠮᠢᠨᠤ ᠡᠵᠢ ᠮᠢᠨᠤ ᠤᠮᠤᠭᠰᠢᠯ︕ ᠮᠦᠨ ᠴᠦ ᠮᠢᠨᠤ ᠲᠠᠭᠠᠨ ᠰᠤᠷᠤᠯᠴᠠᠬᠤ ᠦᠯᠢᠭᠡᠷ | ᠲᠠᠭᠤᠷᠢᠶᠠᠯ︕ | ᠬᠢᠵᠢᠭ ᠤᠨ ᠪᠠᠶᠢᠳᠠᠯ ᠭᠡᠴᠡᠭᠦᠳᠡᠵᠦ ᠪᠠᠶᠢᠭᠠ ᠣᠳᠣᠬᠠᠨ ᠳᠤ ᠮᠢᠨᠤ ᠡᠵᠢ ᠰᠢᠭ ᠮᠠᠰᠢ ᠤᠯᠠᠨ ︽ | ᠪᠠᠶᠢᠯᠳᠤᠭᠴᠢᠳ︾ ᠪᠢᠳᠡᠨ ᠢ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠮᠠᠰᠢ ᠵᠦᠳᠡᠷᠡᠯᠳᠡᠢ ᠲᠡᠮᠡᠴᠡᠵᠦ ᠪᠤᠢ︕ ᠪᠢᠳᠡᠨ ᠤ | ᠬᠢᠵᠦ ᠲᠡᠶᠢᠯᠬᠦ ᠨᠢ ᠵᠦᠪᠬᠡᠨ ᠡᠵᠢ ᠶᠢᠨ ᠢᠶᠠᠨ ᠦᠭᠡ ᠶᠢ ᠰᠤᠨᠤᠰᠴᠦ᠂ ᠲᠤᠷᠠ ᠪᠠᠷ ᠢᠶᠠᠨ ᠠᠭᠠᠰᠢᠯᠠᠬᠤ ᠦᠭᠡᠢ᠂ | ᠭᠡᠷ ᠲᠤ ᠪᠠᠨ ᠰᠠᠭᠤᠬᠤ ᠯᠡ ᠤᠴᠢᠷ ᠲᠡᠳᠦᠢ᠃ | ᠡᠨᠡ ᠣᠳᠠᠭᠠᠨ ᠤ ᠲᠠᠷᠢ ᠶᠢᠨ ᠤᠳᠤᠭᠠ ᠦᠭᠡᠢ ︽ᠪᠠᠶᠢᠯᠳᠤᠭᠠᠨ︾ ᠳᠤ ᠯᠠᠪᠳᠠᠢ ᠢᠯᠠᠯᠳᠠ ᠤᠯᠵᠦ | ᠴᠢᠳᠠᠨᠠ ᠭᠡᠳᠡᠭ ᠢ ᠪᠢ ᠪᠠᠳᠤ ᠢᠳᠡᠭᠡᠵᠦ ᠪᠠᠶᠢᠨᠠ᠃ ᠬᠢᠵᠢᠭ ᠢ ᠰᠡᠷᠭᠡᠶᠢᠯᠡᠬᠦ ᠨᠢᠭᠡᠳᠦᠭᠡᠷ ᠹᠷᠤᠨᠲ ᠲᠤ ᠠᠵᠢᠯᠯᠠᠵᠦ | ᠪᠠᠶᠢᠭᠠ ︽ᠪᠠᠶᠢᠯᠳᠤᠭᠴᠢᠳ︾ ᠴᠢᠷᠮᠠᠢ︕ | | | |