| ᠡᠷᠳᠡᠨᠢᠪᠢᠯᠢᠭ | | ᠬᠠᠨᠠᠲᠦ ᠭᠡᠷ ᠤᠨ ᠮᠢᠨᠢ ᠠᠮᠢᠨ ᠲᠦᠰᠢᠭ ᠪᠤᠯᠤᠭᠰᠡᠨ | ᠬᠠᠶᠢᠷᠠᠲᠦ ᠠᠪᠤ ᠶᠢᠨ ᠮᠢᠨᠢ ᠨᠠᠰᠤᠨ ᠤ ᠬᠢᠨᠢ ᠬᠠᠨᠢ ᠪᠤᠯᠤᠭᠰᠡᠨ | ᠬᠠᠯᠠᠭᠤᠨ ᠲᠤᠯᠠᠭᠠᠨ ᠭᠡᠷ ᠪᠦᠯᠢ ᠶᠢ | ᠬᠤᠩᠭᠤᠷ ᠦᠷᠡ ᠪᠢᠲᠡᠨ ᠳᠤ ᠪᠠᠨ ᠤᠯᠭᠤᠯᠡ ᠡᠵᠢ ᠮᠢᠨᠢ︕ | ᠠᠷᠢᠭᠤᠨ ᠲᠠᠷᠬᠠᠨ ᠡᠩᠭᠡ ᠶᠢᠨ ᠤᠪᠤᠭᠠᠨ ᠤ ᠪᠠᠨ ᠡᠩᠭᠡᠷ ᠢᠶᠠᠷ | ᠠᠷᠤᠭ ᠰᠠᠪᠠᠷ ᠢᠶᠠᠨ ᠡᠭᠦᠷᠴᠦ ᠠᠷᠭᠠᠯ ᠲᠡᠭᠦᠭᠦ ᠳᠤ ᠪᠠᠨ | ᠠᠯᠳᠠᠨ ᠲᠡᠯᠡᠭᠡᠢ ᠶᠢᠨ ᠠᠷᠢᠭᠤᠨ ᠬᠦᠲᠡᠯᠮᠦᠷᠢ ᠶᠢᠨ ᠵᠢᠷᠭᠠᠯ ᠢ ᠡᠳ᠋ᠯᠡᠨ | ᠠᠶᠠᠯᠭᠤ ᠲᠠᠭᠤᠤ ᠪᠠᠨ ᠬᠠᠩᠭᠢᠨᠠᠭᠤᠯᠵᠦ ᠶᠠᠪᠤᠯᠡ ᠡᠵᠢ ᠮᠢᠨᠢ | ᠲᠠᠪᠤᠨ ᠬᠦᠴᠦᠲᠡᠨ ᠤ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ ᠲᠠᠰᠡᠷᠡᠩ ᠤᠨ ᠬᠤᠷᠮᠤᠢ ᠪᠠᠷ | ᠲᠠᠪᠤᠨ ᠬᠠᠳᠬᠤᠭᠤᠷ ᠢᠶᠠᠨ ᠬᠠᠳᠬᠤᠵᠦ | ᠲᠠᠷᠠᠭ ᠠᠶᠢᠷᠠᠭ ᠤᠨ ᠦᠨᠦᠷ ᠠᠩᠭᠢᠯᠤᠭᠤᠯᠤᠭᠠᠳ | ︽ᠲᠡᠯᠡ ᠶᠢᠨ ᠲᠠᠬᠢᠨᠢ︾ ᠠᠴᠠ ᠴᠦ ᠦᠵᠡᠰᠭᠦᠯᠡᠩ ᠶᠡᠪᠤᠯᠡ ᠡᠵᠢ ᠮᠢᠨᠢ | ᠨᠤᠭᠤᠭᠠᠨ ᠲᠤᠷᠭᠠᠨ ᠠᠯᠴᠢᠭᠤᠷ ᠢᠶᠠᠨ ᠤᠷᠢᠶᠠᠭᠠᠳ | ᠨᠤᠮᠤᠬᠠᠨ ᠪᠤᠷᠦ ᠪᠠᠨ ᠬᠠᠳᠠᠷᠢᠭᠤᠯᠤᠭᠰᠠᠭᠠᠷ | ᠨᠤᠶᠠᠨ ᠲᠠᠪᠠᠭᠠᠨ ᠤ ᠪᠠᠨ ᠤᠷᠤᠢ ᠪᠠᠷ | ᠨᠤᠳᠤᠭ ᠵᠦᠭ ᠢᠶᠠᠨ ᠲᠡᠮᠡᠦᠯᠵᠦ ᠶᠠᠪᠤᠨᠡ ᠡᠵᠢ ᠮᠢᠨᠢ | ᠡᠯᠪᠡᠷᠢᠯ ᠦᠭᠡᠢ ᠮᠠᠭᠤ ᠦᠷᠡ ᠴᠢᠨᠢ | ᠦᠯᠮᠠᠢ ᠲᠤᠤᠷᠡ ᠴᠢᠨᠢ ᠰᠦᠭᠦᠷᠡᠯᠡ ᠡᠵᠢ ᠡ | ᠡᠪᠡᠷᠰᠢᠶᠡᠵᠦ ᠬᠠᠳᠠᠭᠤᠷᠠᠭᠰᠡᠨ ᠭᠠᠷ ᠢ ᠴᠢᠨᠢ | ᠡᠯᠢᠭᠡ ᠵᠢᠷᠦᠭᠡ ᠪᠠᠷ ᠢᠶᠠᠨ ᠲᠠᠮᠳᠠᠷᠢᠯᠡ | ᠶᠢᠰᠦᠨ ᠬᠡᠦᠭᠡᠳ ᠢᠶᠠᠨ ᠬᠦᠮᠦᠨ ᠪᠤᠯᠭᠠᠬᠤ ᠶᠢᠨ ᠲᠦᠯᠦᠭᠡ | ᠦᠩᠭᠡ ᠲᠠᠢ ᠰᠠᠶᠢᠬᠠᠨ ᠵᠢᠰᠦ ᠴᠢᠷᠠᠢ ᠴᠢᠨᠢ | ᠦᠷᠴᠢᠯᠡᠭᠡ ᠲᠦᠭᠦᠷᠡᠩ ᠠᠳᠤᠷᠢᠶᠡ ᠰᠠᠭᠤᠭᠠᠳ | ᠡᠮᠰᠢᠭᠡᠷ ᠪᠤᠭᠤᠷᠤᠯ ᠬᠦᠭᠰᠢᠨ ᠪᠤᠯᠤᠯᠡ ᠳ᠋ᠠ ᠡᠵᠢ ᠮᠢᠨᠢ | ᠡᠪᠤᠯ ᠤᠨ ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ | ᠦᠭᠡᠭᠦᠨ ᠲᠤᠰᠤᠨ ᠳ᠋ᠧᠩ ᠤᠨ ᠲᠤᠤᠷᠡ | ᠡᠪᠯᠢᠭ ᠰᠠᠶᠢᠬᠠᠨ ᠤᠶᠤᠭᠠᠳ ᠦᠭᠭᠦᠭᠰᠡᠨ | ᠦᠩᠭᠡᠲᠠᠢ ᠲᠡᠷᠯᠢᠭ ᠤᠨ ᠴᠢᠨᠢ ᠰᠠᠶᠢᠨ ᠢᠶᠠᠷ | ᠦᠶᠦᠭ ᠲᠤᠯᠠᠭᠠᠬᠠᠨ ᠶᠠᠪᠤᠬᠰᠡᠨ ᠮᠢᠨᠢ ᠰᠠᠨᠠᠬᠳᠠᠯᠡ | ᠪᠠᠶᠠᠷᠳᠤᠬᠤᠰᠢᠭᠤ ᠬᠡᠷᠴᠢᠯᠠᠭᠤ ᠶᠢ ᠬᠤᠯᠪᠤᠭᠰᠡᠨ ᠵᠠᠮ ᠢᠶᠠᠷ | ᠪᠠᠷᠠᠭᠤᠨᠰᠢ ᠵᠠᠭᠦᠨᠰᠢ ᠲᠠᠪᠬᠢᠵᠦ ᠶᠠᠪᠤᠬᠤ ᠳᠠᠭᠠᠨ | ᠪᠠᠷᠠᠯᠠᠭᠠᠳ ᠬᠤᠴᠤᠷᠤᠭᠰᠡᠨ ᠪᠤᠭᠤᠷᠤᠯ ᠡᠵᠢ ᠶᠢᠨ ᠮᠢᠨᠢ | ᠪᠦᠬᠦᠶᠢᠨ ᠰᠠᠭᠤᠭᠠᠳ ᠪᠠᠷᠢᠬᠰᠡᠨ ᠪᠠᠩᠰᠢ ᠪᠠᠷ ᠨᠢ | ᠪᠤᠭᠤᠨᠢ ᠪᠡᠶᠡ ᠬᠡᠲᠡᠰᠦ ᠴᠠᠳᠬᠤᠯᠠᠩ ᠶᠠᠪᠤᠬᠰᠡᠨ ᠮᠢᠨᠢ ᠪᠤᠳᠤᠬᠳᠠᠯᠡ | ᠠᠷᠡᠯ ᠤᠨ ᠱᠠᠷ ᠰᠢᠭ᠋ ᠵᠢᠳᠭᠦᠵᠦ ᠶᠠᠪᠤᠭᠰᠡᠨ | ᠠᠴᠢᠲᠦ ᠠᠪᠤ ᠶᠢᠨ ᠮᠢᠨᠢ ᠠᠷᠢᠭᠤᠨ ᠰᠦᠨᠡᠰᠦᠨ ᠤ ᠬᠤᠶᠢᠨᠡ ᠠᠴᠠ | ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠤ ᠪᠠᠨ ᠬᠠᠷᠠᠮᠰᠠᠯ ᠭᠠᠩᠰᠡᠷᠡᠯ ᠤᠨ ᠨᠢᠯᠪᠤᠰᠤ ᠪᠠᠨ | ᠠᠰᠬᠠᠷᠠᠭᠤᠯᠤᠭᠰᠠᠭᠠᠷ ᠬᠤᠴᠤᠷᠤᠭᠰᠡᠨ | ᠠᠷᠢᠭᠤᠨ ᠬᠠᠶᠢᠷᠡ ᠶᠢᠨ ᠪᠦᠷᠢᠯᠸᠠ ᠡᠵᠢ ᠮᠢᠨᠢ ᠬᠦᠨᠳᠦᠳᠠᠢ | ᠬᠦᠭᠡᠷᠦᠨ ᠤᠨᠢᠶᠠᠷᠳᠤᠬᠤ ᠬᠤᠯᠤᠰᠤᠳᠠᠢ ᠶᠢᠨ ᠵᠢᠯᠠᠭᠠ ᠶᠢᠨ ᠡᠪᠦᠯᠵᠢᠶᠡ ᠠᠴᠠ | ᠬᠤᠩᠭᠤᠷ ᠦᠷᠡ ᠶᠢᠨ ᠢᠶᠠᠨ ᠬᠠᠷᠢᠵᠦ ᠢᠷᠡᠬᠦ ᠶᠢ | ᠬᠤᠷᠤᠭᠤ ᠲᠠᠷᠤᠨ ᠬᠤᠨᠤᠭ ᠡᠳᠤᠷ ᠢ ᠲᠤᠭᠠᠯᠠᠵᠦ ᠰᠠᠭᠤᠭᠠᠳ | ᠬᠠᠯᠠᠭᠤᠨ ᠨᠢᠯᠪᠤᠰᠦ ᠪᠠᠨ ᠪᠠᠶᠢᠨ ᠪᠠᠶᠢᠨ ᠠᠷᠴᠢᠵᠦ | ᠬᠠᠯᠠᠰᠢᠷᠡᠯ ᠦᠭᠡᠢ ᠬᠦᠯᠢᠶᠡᠵᠦ ᠰᠠᠭᠤᠨᠡ ᠳ᠋ᠠ ᠡᠵᠢ ᠮᠢᠨᠢ | ᠠᠯᠢᠶᠠᠷᠬᠠᠨ ᠤᠷᠤᠰᠬᠤ ᠠᠯᠢᠶᠡ ᠶᠢᠨ ᠭᠤᠤᠯ ᠤᠨ ᠬᠦᠪᠡᠭᠡᠨ ᠠᠴᠠ | ᠠᠮᠠᠷᠠᠭ ᠦᠷᠡ ᠶᠢᠨ ᠢᠶᠠᠷ ᠬᠤᠶᠢᠨᠡ ᠠᠴᠠ | ᠠᠵᠢᠯ ᠦᠢᠯᠡᠰ ᠨᠢ ᠦᠩᠭᠡ ᠲᠠᠢ ᠦᠭᠡᠲᠡ ᠲᠠᠢ ᠶᠢ ᠵᠦᠩᠨᠡᠨ | ᠠᠶᠢᠷᠠᠭ ᠰᠦ ᠶᠢᠨ ᠰᠠᠴᠤᠯᠢ ᠪᠠᠨ ᠡᠷᠭᠦᠲᠡᠭ ᠡᠵᠢ ᠮᠢᠨᠢ | ᠤᠭᠠᠯᠵᠠᠯᠠᠨ ᠤᠷᠤᠰᠬᠤ ᠬᠤᠤᠯᠢᠨ ᠭᠤᠤᠯ ᠤᠨ ᠵᠤᠰᠠᠯᠠᠩ ᠤᠨ ᠲᠠᠨᠵᠢ ᠠᠴᠠ | ᠠᠭᠤᠯᠠ ᠬᠠᠶᠢᠷᠬᠠᠨ ᠤ ᠪᠠᠨ ᠨᠠᠪᠳᠠᠭ ᠰᠠᠪᠳᠠᠭ ᠲᠤ ᠨᠢ | ᠦᠷᠯᠦᠭᠡ ᠪᠦᠷᠢ ᠰᠠᠴᠤᠯᠢ ᠶᠢᠨ ᠲᠡᠭᠡᠵᠢ ᠪᠠᠨ ᠡᠷᠭᠦᠵᠦ | ᠦᠷᠡ ᠠᠴᠢ ᠶᠢᠨ ᠢᠶᠠᠨ ᠦᠭᠡᠳᠡᠷᠭᠡᠭ ᠶᠠᠪᠤᠬᠤ ᠶᠢ ᠲᠠᠭᠠᠳᠬᠠᠳᠠᠭ ᠡᠵᠢ ᠮᠢᠨᠢ | ᠠᠭᠤᠤ ᠨᠠᠮ ᠤᠨ ᠢᠶᠠᠨ ᠨᠠᠨᠳᠢᠨ ᠬᠦᠮᠦᠵᠢᠯ ᠢᠶᠠᠷ | ᠠᠷᠡᠳ ᠤᠨ ᠪᠠᠭᠰᠢ ᠶᠢᠨ ᠠᠯᠲᠡᠷ ᠢ ᠬᠦᠷᠲᠡᠯᠡ ᠪᠢ | ᠠᠴᠢᠲᠦ ᠡᠭᠡ ᠶᠢᠨ ᠢᠶᠠᠨ ᠠᠷᠢᠭᠤᠨ ᠰᠤᠷᠭᠠᠯ ᠢᠶᠠᠷ | ᠠᠴᠢ ᠦᠷᠡᠰ ᠢᠶᠠᠨ ᠬᠦᠮᠦᠵᠢᠭᠦᠯᠵᠦ ᠶᠠᠪᠤᠨᠡ ᠪᠢ | ᠡᠭᠡ ᠨᠤᠳᠤᠭ ᠤᠨ ᠢᠶᠠᠨ ᠠᠯᠳᠠᠷ ᠨᠡᠷᠡ ᠶᠢ | ᠡᠨᠡᠭᠡᠨ ᠽᠠᠨᠪᠤᠯᠢᠩ ᠳᠤ ᠡᠷᠭᠦᠵᠦ ᠶᠠᠪᠤᠨᠡ ᠬᠦᠦ ᠴᠢᠨᠢ ᠪᠢ | ᠡᠯᠪᠡᠷᠢᠯᠲᠦ ᠡᠭᠡ ᠶᠢᠨ ᠢᠶᠠᠨ ᠡᠷᠳᠡᠨᠢ ᠶᠢᠨ ᠰᠤᠷᠭᠠᠯ ᠢ | ᠡᠩᠭᠦᠷᠠᠢ ᠱᠠᠪᠢ ᠳᠤ ᠪᠠᠨ ᠵᠠᠯᠭᠠᠮᠵᠢᠯᠡᠵᠦ ᠶᠠᠪᠤᠨᠡ ᠬᠦᠦ ᠴᠢᠨᠢ ᠪᠢ᠃ | | |